رواية الحب قدر لا خيار الفصل الخامس 5 بقلم غادة عبدالرحمن
#غادة_عبدالرحمن💞💞
#الحب_قدر_لا_خَيار✨✨
#موكا_سحر_الروايات💘💘
+
لم يخطئ من قال ان الاقارب عقارب فاحذر من لدغة القريب فهي اشد من لدغة الف عقرب وتصيب القلب
1
مكالمة رغم بعد المسافات الا ان القرب بين محدثيها ظاهر تفوح منها رائحة المؤامرة و الحقد والغيرة
+
لتتحرك بهدوء شديد متجهة الي خارج غرفة توليب بعد ان قضت ليلتهم في الحديث حتي غالبهم النوم ومنها الي الحديقة حتي لا يستمع احد الي حديثها
+
– سينيورينا . ايه رايك في ادائي ؟
+
= راااائع كل العادة يا أيمن بس بلاش تجويد من عندك
+
– لمييييس خلي بالك من كلامك انا عملت اللي انتي عايزاه واكتر
+
= اللي انا عايزاه ….. ده انت ما صدقت اي حاجة فيها ضرر لتميم عشان تعملها
+
– انا لو اطول اطلع قلبه بايدي وهو حي هعملها
+
= انت عارف اني مش هسمح بأي حاجة تأذيه
+
– واللي بتعمليه ده مش بيأذيه
+
= انا بوجهه لحبي انا محدش هيحبه قدي ولا زي …. توليب مش هترقي لتفكيره ولا مشاعره زي
+
– انتي الواحد يخاف منك طب انا وعندي اسبابي لكن انتي دي اختك
+
= هي اللي بصت علي حاجة بتاعتي مش من حقها تحبه و بعدين هي لسه صغيرة وبكره تنسي وتحب غيره
+
– علي العموم انا هكمل زي ما اتفقنا اوكي تشاااو
+
ليفاجأها صوت تصقيف من الخلف ويتبعه صوت تعرفه جيدا
+
= لا برافووووو بصراحة فوقتي كل توقعاتي
+
– ايه عجبتك يا حمزه
+
= طبعااااا …. كده بقي بقينا ايد واحدة ولا ايه
+
– ايد واحدة دي صعبة شويه انت شغلك مكشوف وعلي خفيف انما انا معايا الكارت اللي هيحرق الكل
+
= قصدك ايه … ايمن …. لا يا ماما توليب ترجع صاغ سليم زي ما هي الا عليا وعلي اعدائي
+
– هههههههه مش بقولك مكشوف اوي متخافش المهم تسكت خالص وتنفذ كلامي وبس
+
= مادام هوصل ل توليب في الاخر انا ممكن اتحالف مع الشيطان
+
🌟🌟🌟🌟🌟🌟🌟🌟
#غادة_عبدالرحمن💞💞
#الحب_قدر_لا_خَيار✨✨
#موكا_سحر_الروايات💘💘
🌟🌟🌟🌟🌟🌟🌟🌟
+
استيقظت مبكرا حتي تستطيع إتمام ما وراءها من أعمال و تستعد للسفر فمازال لديها الكثير لتفعله متجهة بكل حماس الي الجراج لتأخذ سيارتها و تبدأ يومها ولكن استوقفتها يد قبضت علي رسغها بقوة
+
لتلتف في خوف ودهشة لتري لمن هذه اليد
+
– تميم في ايه خضتني ؟ ؟
= انتي فعلا مسافرة ايطاليا ؟
– ايوه اخيرا بابا وافق مش مصدقة نفسي
= يعني الكلام ده حقيقي
– ايوه والله امبارح بس قدرنا نقنعه
+
لينظر لها نظرة ذات مغزي ويستطرد
+
= يعني كلام ايمن صح وهتقعدي عنده
+
لتتذكر هنا نصائح لميس بأنها يجب أن تمتلك شخصية وأن تترك تصرفاتها الطفوليةلترد عليه بتحد
+
– مسمهاش عند ايمن انا هقعد عند اونكل كمال واكيد مع ولاده ومراته في بيته
= وانا ليه معنديش خبر ازاي محدش يقولي
– والله يا تميم انت مش مدي اي حد فرصة يكلمك ولا نسيت موقفك امبارح معايا انا ورنيم
لينظر لها نظره كلها نفور ويجيبها
= والحمد لله اني عملت كده لاني طلعت صح عن اذنك
ليتركها تحترق بداخلها من كلماته ومن معاملته معها التي بدأت في التغير ٣٦٠ درجة
🌟🌟🌟🌟🌟🌟🌟🌟
#غادة_عبدالرحمن💞💞
#الحب_قدر_لا_خَيار✨✨
#موكا_سحر_الروايات💘💘
🌟🌟🌟🌟🌟🌟🌟🌟
+
لا تنصدموا من غدر الاقارب ف يوسف غدر به أخواته وكان ابوهم نبي
+
يجلس امام والده يحاول ان يلعب دوره كالطفل المذنب لا يعلم ما يجب علي فعله
+
– غبي انت غبي
= اديها هتسافر يا فالح هتعمل انت ايه بقي
– يا بابا انا بحبها فعلا انت ليه مش قادر تفهم
= عشان انا ابوك وعارف انك لا تعرف تحب ولا تتنيل علي عينك كل الموضوع أن انت حاسس انها ملك تميم و عشان كده عايز تاخدها منه وتحرق قلبه
– لا اناااا….
= بلا انا بلا زفت خلينا نشوف هنعمل ايه
– ما هي لو امك كانت وافقت تبقي معانا وتميل دماغها كان زمان الوضع اتبدل بس هي عايشة في دور الست المثاليةفكر يا ابو العريف بدل ما هيضيع مننا كل حاجة ايه الهدوء المستفز اللي انت فيه ده
وبعدين استني هنا انا نسيت احاسبك امبارح و موضوع توليب شاغلني
هو انت فالح بس تعاكس في السكرتيرات هو ده مستواك يا ابن المغازي
+
– ايه ده هو انت عرفت
+
= انت اهبل يا واد انت فاكر اني عشان في المصنع معنديش عنين في الشركة واعرف دبت النملة فيها … بطل رمرمة و شوف مصلحتنا فين واسعي ليها ساااامع
+
ليتركه والده ويخرج لتدلف بعده والدته شاهي وهي تنظر له بعطف وحنو
+
– مالك يا حمزه
+
= مفيش يا ماما انتي اكيد سمعتي كلامه ومش انتي بس البيت كله سمعه ايوه انا البايظ الفاشل اللي في عيلة المغازي ارتاحتو كده
+
– متقولش علي نفسك كده … غير من نفسك يا حمزه اعقل و حكم عقلك في تصرفاتك مش اهواءك و رغباتك
+
= صدقيني يا ماما البت دي شدتني جااامد … يمكن عشان فيها شبه من توليب فحبيت اعوض الرفض اللي شفته منها في السكرتيرة دي
+
– معقولة الشبه للدرجة دي … طب ما تيجي نخطبها مش يمكن تكون هي اللي تقدر تصلح حالك وتعمل اللي انا مقدرتش اعمله
+
= خطوبة ايه بس يا ماما وهو البيه جوزك يزيد المغازي بجاهه و سيطته يناسب واحد كان شغال عنده
+
لتشعر شاهي بخطر يحدق بعائلتها من كل صوب
+
لتتوتر و تتلجلج في الحديث
+
– والبنت دي اسمها ايه يا حمزه
+
= والله ما فاكر بس اعتقد انه كان نادين
+
– بتقول نادين اممممم ودي من زمان في الشركة
+
= لا لسه متعينة مع معاذ
+
لتردف وهي تائهة في افكارها
+
– طيب طيب يبقي بلاها الحوار ده وركز في شغلك
+
🌟🌟🌟🌟🌟🌟🌟🌟
#غادة_عبدالرحمن💞💞
#الحب_قدر_لا_خَيار✨✨
#موكا_سحر_الروايات💘💘
🌟🌟🌟🌟🌟🌟🌟🌟
+
في كلية الفنون الجميلةمش معقول توليب منورة الجامعةلتجيب توليب رغما عنها وهي تحاول الابتساماهلا يا صافي عاملة ايهكويسة جاية ليه متقوليش عايزة الشهادةومقولش ليه بقياصلك هتعملي بيها ايه …. ولا تكوني هتقدميها ل HR بتاع شركة باباكي
– هههههههههه ظريفة اوي لا اصل انا هكمل دراسة برا
لتزيد من شعلة الحقد والغيرة بداخل صافي
= كمان … انتي ايه مش بتشبعي ما تسيبي لنا حاجة يا شيخة
– عارفة يا صافي هتفضلي طول عمرك كده لانك علي طول بتبصي لغيرك ومش راضية مع انك غنية زي بس ده طبع وهتعيشي بيه طول عمرك انا ماشية ربنا يهديكي
+
✨✨✨#الفصل_الخامس✨✨
+
في شركة ال المغازي مكتب تميم يجلس كلا من تميم و معاذ لمناقشة اللمسات الأخيرة لعرض الازياء برعاية مجوهرات magestic
– كده معانا ١٤ قطعة للعرض تمام
= لا معانا ١٥
– ازاي يا تميم الصور اهي ١٤
= لا ١٥
– اااااه منك يا واد يا شقي فهمت طيب وماله هتبقي الماستر بيس بتاعت الحفلة
+
= بقولك ايه بابا جه الشركة انهارده
+
– ايوه وصل من ساعة كده
+
= تمام كمل انت وانا هروحله واجي
+
في مكتب والد تميم
+
– بابا ممكن اتكلم معاك
+
= طبعا يا تميم اتفضل خير
+
– انا بس عايز اعرف ازاي حضرتك و عمي موافقين علي سفر توليب .. دي حتت عيلة متقدرش تشيل مسئوبية سفر وغربة
+
= طب مش يمكن انا شايف حاجة انت مش واخد بالك منها
+
ليستفسر من والده عما يقصده بحديثه
+
– قصد حضرتك ايه
+
= قصدي حمزه ولا انت مش شايف ان البنت مياله له
+
ليشعل والده بكلماته فتيل نار يشتعل بدتخل صدر تميم … نار لا يعلم ولا يشعر بها احد سواه
+
ليكمل والده حديثه
+
= انا ببعدها عن هنا انت عارف وانا عارف ان عمك وابنه جشعين ومش هممهم اي حاجة غير الفلوس ولو حمزه سيطر علي توليب حياتها هتبقي سودة معاهم
+
– يعني حضرتك فكرت في حمزه و مفكرتش في ايمن
+
= لاااا ايمن مفيش خوف منه هو عارف لوفكر بس انا هعمل فيه ايه
+
– انا صحيح كبرت بس متنساش ان انا كبير العيلة و الكل هيسمع كلمتي
+
= خلاص يا بابا اللي انتو شيفينه اعملو اللي انتو عايزينه الظاهر فعلا ان في حاجات كتير انا مش اخد بالي منها عن اذنك هرجع لشغلي
+
تقابل في خروجه من مكتب والده ب لميس التي ابتسمت ابتسامة واسعة ما ان رأته
+
– تميم ازيك كنت لسه هكلمك
+
= الحمد لله يا لميس خير
+
– جبت من البن اللي بتحبه وقلت نششرب فنجانين مع بعض
+
= والله فكره انا حاسس اني مش ف المود
+
– طب يلا علي مكتبي اه صحيح شكرا علي مكنة القهوة معاذ قالي انك انت اللي قلت له يجيبها
+
= دي حاجة بسيطة انا افكر انها عجبتك لما جيتي مكتبي
+
في مكتب لميس واثناء تناولهم القهوة
+
– عرفت بسفر توليب
+
= اه عرفت ربنا يوفقها
+
– انا مش عارفة هي عايزة تسافر ليه والله انا بقالي اسبوع بحاول اقنعها متسافرش وتخليها هنا وتشتغل في الشركة بس هي مصممة
+
-= سيبيها علي راحتها يمكن يكون خير ليها
+
– خير ايه بس هي مش بتقتنع بكلامي في اي موضوع حتي لما قعدت انصحها تبعد عن حمزه و حذرتها منه بس برده مفيش فايدة
+
ليشعر تميم بانه الوحيد الذي لا يعلم
+
= انتي كمان لاحظتي موضوع حمزه الظاهر ان انا الوحيد اللي كنت اعمي
+
– متقولش كده انت اكيد مش هتعرف عنها كل حاجة
+
ليجيب تميم بنبرة يغلب عليها خيبة الامل
+
= ده اللي كنت فاكره اني عارف عنها كل حاجة انا رايح مكتبي معاذ بيستناني
لتبدأ في تنفيذ خطة سبق وأن خططتها ونفذتها
– حتي ايمن حاولت احذرها منه بس افتكرتني عايزة امنع سفرها بس انا والله خايفة عليه لدرجة اني كلمت ايمن نفسه وطلبت منه يبعد عنها بس للاسف احرجني اووي
= احرجك ازاي
لتمثل الحزن و الاحراج عليه وهي تسلمه هاتفها مردفة
ايمن قالهالي بصراحة اضبطي اختك انتي و متجيش تكلميني انا و تسبيها ولو مش مصدقاني ادي اسكرينات بيني وبينها و هي اللي بتبدأ الكلام كل مرة
ليذهل تميم عند رؤيته للاسكرينات و ازداد نبض صدغه من شدة غضبه ليترك الهاتف علي المكتب و يخرج مسرعا من مكتب لميس
لتجلس بعدها لميس خلف مكتبها يزين وجهها نظره خبيثة و هي تتذكر ما فعلته
Flash back
في غرفة توليب وبعد أن ذهبت توليب في نوم عميق أخذت لميس هاتفها و سجلت رقم ايمن في الهاتف وبدأت في تنفيذ خطتهم المشتركة باستخدام تطبيق الواتس اب وبدأوا في الحديث المتبادل و عندما انتهو حذفت الرقم و المحادثة من هاتف توليب حتي لا تعلم
وأرسل ايمن صور المحادثة لتكون دليل قوي علي إدانة توليب
+
🌟🌟🌟🌟🌟🌟🌟🌟
#غادة_عبدالرحمن💞💞
#الحب_قدر_لا_خَيار✨✨
#موكا_سحر_الروايات💘💘
🌟🌟🌟🌟🌟🌟🌟🌟
+
ولجت الي الشركة وهي تتلفت حولها لا تريد ان يراها احد حتي لا يعلمو سر مجيئها فقدماها لم تطأ ارض الشركة منذ سنوات مضت ولكن اضطراتها الظروف الي المجئ وعندما وصلت الي المكتب المنشود طرقت علي بابه بتردد شديد ثم دخلت
+
رفعت نظرها من علي الاوراق المتناثرة علي مكتبها لتري من الزائر الجديد لمكتبها المتواضع
+
– اهلا اهلا شاهندا هانم نورتي مكتبي بس ازاي عرفتي بالسرعة دي
+
= ازيك يا نادين وازي والدتك
+
– الحمد لله امي لسه عاجزة زي ما هي
+
لتعلم شاهي ان ما ستقابله ليس بالهين ابدا
+
= انت عايزة ايه واشمعني اشتغلتي هنا
+
– عايزة حقي وسنين عمري اللي راحت بسببكوا وعلي فكره انا اشتغلت هنا بمجهودي وتعليمي
+
= سيبي الشركة وامشي من هنا وحقك انا هجيبه ليكي
+
– حقي وانتي اللي هتجبيه … عجيبة والله قالو للحرامي احلف الكلام ده تضحكي بيه علي ماما مش عليا .. خليكي بعيدة عشان متتأذيش انا عارفة انك عزيزة علي أمي وانا مش هزعلها
+
= يا بنتي اس….
+
– انا مش بنتك بلاش تستفزيني انتي ام حمزه وبس
+
لتشعر شاهي بالخوف علي حمزه لتؤكد لها
+
= حمزه ملوش دعوة ارجووكي
+
– يبقي ابعديه عن طريقي انا هدوس علي اي حد هيقف بيني وبين حقي
+
لتعلم انها لن تستطيع اقناعها بالعدول عن افكارها الانتقامية لتحسم امرها بمعالجة الامر مع والدتها
+
= اللي تشوفيه صح ادام ربنا اعمليه
+
لتترك وتذهب كما دخلت الي الشركة دون علم احد من العائلة
+
✨✨✨#الفصل_الخامس✨✨
+
حاول الاتصال بها مرارا وتكرارا ولكنها لا تجيب علي مكالمته… والان قد تملكه القلق فهو يعرف انها لم تغادر مكتبها منذ ساعات فقرر التوجه اليها
+
تجلس في مكتبها لا تفارق الدموع مقلتيها تراجع في ذاكرتها ما مرت به في حياتها عملت منذ ان كانت صغيرة لتعول نفسها ودراستها ثم زاد عليها الحمل لتكون مسئولة عن البيت و عن سعيد ايضا وهنا تدفقت اللحظات العصيبة التي عاشتها من سعيد تارة يضربها هي وامها و تارة تشعر بيديه المقززة تزحف علي جسدها لتشعر بيد بالفعل علي كتفها لتنطلق منها صرخة فزعة لا شعريا وهي تردد –
+
– ابعد عني ابعد ايديك دي عني اتقي ربنا يا شيخ
+
= اهدي يا نادين اهدي ده انا معاذ استعيذي بالله من الشيطان كده
+
لتعود الي الواقع بعد ان ابحرت في بحور الماضي الاليم
+
– احمممم معاذ انا اسفة معلش كنت سرحانه
+
= اسفة ايه بس الموظفين يقولو عليا ايه دلوقتي
+
– انا تعبانة ممكن استئذن وامشي
+
= ايوه طبعا انا كمان ماشي تعالي اوصلك في طريقي
+
حاولت الرفض بلطف فهي لا تريد ان تتعلق به وهي قد بدأت بالفعل ولكنها لا تريد ان يعترض حبها له طريق انتقامها
+
– لا ملوش لزوم
+
= والله ما يحصل لازم اوصلك بعد الفضيحة اللي عملتيهالي دي
+
– طب ماشي بس المرة دي بس لاني فعلا تعبانه
+
حاول طوال الطريق ان يبدأ احاديث مختلفة معه لكنها في كل مرة تصده وتصمت يعلم ان في داخلها سر دفين والم يريد ان يمد يده ويقتلعهم من داخلها فهو بالفعل احبها بشدة ويريد أن يعرف سبب انهيارها
– نادين … ليه خفتي لما لمستك انا مكنش قصدي وحش انا ندهت كتير بس مردتيش
= عايزة اعرف السبب فعلا
ليه رأسه مؤكدا علي موقفه
– انا عايشة في بيت مع زوج امي و امي حركتها قليلة بسبب حادثة زمان سببت عرج في رجلها
صمتت قليلا ليحثها علي تكملة حديثها
=ربنا يشفيها وبعدين
– جوز الام عمره ما يكون اب لك انك تتخيل نظراته و لا لمساته ما انا مش بنته شايفين حته لحمة مرميه قدامه ساعات بحس بايده ع جسمي وانا نايمة بس بصحي ملقيش حد واكدب نفسي عشان اعيش وامي اروح بيها فين
لتتنهد طويلا لتحمل تنهيداتها ما يعتمر بصدرها من حزن و يأس
لتري أنها وصلت لمنزلها لتردف
+
ايوه هنا وصلنا شكرا يا استاذ معاذ
+
العفو
+
ولكن قطع حديثه صوت عالي لسيدة تطلب المساعدة لينجدها احد من زوجها ولكن ما اثار دهشته اكثر عندما انطلقت نادين من السيارة وهي تصرخ
+
مامااااااااا
+
لينطلق خلفها لا يعلم لماذا ولكنه لم يرد تركها بمفردها وصعقها ما رآه رجل منكب علي سيدة من عمر والدته يكيل لها الصفعات و نادين بصغر حجمها تحاول منعه ولكنه يوقعها بجانب والدتها ليضربهم معا فهب لمساعدتهم و بقوته الجسدية الشابة استطاع ان يبعد الرجل عنهم و اذاقه مما اذاق نادين وامها حتي هدأ وذهب ليطمئن عليهم
+
انتوا كويسين محتاجين نروح المستشفي
+
لا يا بني كتر خيرك ثم حولت نظها الي سعيد الملقي علي الاريكة
+
يا مراااري علي اللي هيعمله لما يفوق
+
انتو مش لازم تقعدوا هنا
+
وهنروح فين يا استاذ لا لينا قريب ولا غريب
+
خلاص يا ماما استاذ معاذ ملوش دعوة شكرا يا استاذ معاذ تقد تتفضل واحنا هنتصرف
+
تجاهل معاذ حديثها ووجه حديثه الي والدتها بمنتهي الادب والاحترام
+
شوفي يا ست الكل انتي زي والدتي وانا لا يمكن اسمح تقعدي مع راجل زي ده في بيت واحد
+
انا عندي عمارة وفيها شقة فاضية هتنوروها
+
لتقاطعه نادين بحده
+
بس انا مقدرش ادفع ايجار في الوقت الحالي
+
ليجاوبها بنفاذة صبر
+
هخصم من المرتب خلصينا بقي … عقبال ما اوصل طنط العربية تشوفي هتحتاجي ايه من هنا وتحصلينا
+
ليصل بهم الي احدي الابراج الشاهقة التي ما ان رأتها والدة نادين حتي اطلقت شهقة تدل علي الاعجاب الشديد
+
ماشاء الله يا حبيبي رربنا يزيك من نعيمه
+
ليفرح معاذ بدعوتها و يوجههم الي الداخل وصولا الي الشقة التي تعادل مساحتها اضعاف اضعاف شقتهم القديمة يوجد بها كافة الاجهزة و المفروشات لتفرح بها والدة نادين بشدة
+
استأذن انا بقي ولو احتاجتو اي حاجة كلموني
+
ودعته والدة نادين بوابل من الدعوات اما نادين فكانت نظراتها كافية لتعبر عن شكرها و امتنانها الشديد له
+
🌟🌟🌟🌟🌟🌟🌟🌟
#غادة_عبدالرحمن💞💞
#الحب_قدر_لا_خَيار✨✨
#موكا_سحر_الروايات💘💘
🌟🌟🌟🌟🌟🌟🌟🌟
+
في اليوم التالي اليوم المنشود لحفلة عرض الازياء تم العرض علي اكمل وجه وقد خطفت التصماميم الائعة للمجوهرات اعين الحاضرين اما عن القطعة التي خطفت قلوب الحضور هي القطعة الرئيسية للعرض و التي صممها تميم بدون علم اي شخص ماعادا معاذ صديقه الكتوم
+
ليقطع عليهم لحظات الفرح يزيد مذكرا إياهم بموعد طائرة توليب التي حددتها بعد العرض حتي تكون بجانب عائلتها لتستأذنهم لتتوجه الي المنزل و تستعد
عند وصولها للمنزل ابدلت ثيابها بأخري مريحة و اخذت حقيبتها وقبل أن تخرج من غرفتها تفقدتها بأعينها و كأنها تودع كل ركن فيها ثم أغلقت الباب وهبطت الي أسفل
لتقابلها والدتها و تأخذها بين أحضانها و هي تبكي
يا ماما كفاية كل ما تشوفيني تعيطي كده
مش قادرة اصدق هتسبيني وتمشي
يا ست الكل هنزل اجازات و هقرفك ف الفون امال عملو الفيديو كول لييييه
لتاخذها شاهي من بين احضان والدتها لحضنها
خلاص بقي متنكديش علي البت وهي مسافرة
يلا اخرتوني سلام خلي بالكو من بعض وتميل علي إذن شاهي
– خلي بالك من تميم انا هسافر وسايبه قلبي معاه هنا
لتوصلها لميس و رنيم وحمزه الي المطار مودعين لها وعيونها تبحث عنه في كل مكان فهو الوحيد الذي لم يودعها حتي معاذ تلقت منه مكالمة لتوديعها وتمني السلامة لها
صعدت الي الطائرة والحزن يرتسم علي ملامحها و لكنها صدمت عندما رأته جالسا في الطائرة في المقعد المجاور لمقعدها وقد فاقت سعادتها كل الحدود
+
🌟🌟🌟🌟🌟🌟🌟🌟
#غادة_عبدالرحمن💞💞
#الحب_قدر_لا_خَيار✨✨
#موكا_سحر_الروايات💘💘
🌟🌟🌟🌟🌟🌟🌟🌟
شكرا للمصممة الجميلة زيزي عمرو ع الغلاف والموك اب دمتي مبدعة
+
