رواية لسنا ابرياء الفصل الحادي عشر 11 بقلم هيلانا
أنا اليابس…
ألذي كلما عادت يدي منكِ:
وجدت تحت أظافري غيمة
وأنا البارد الذي يستعمل غصنا شابا من جسدكِ لينبش رماد العالم:
بحثا عن الجمرة..
________________
مجاهد: شبل مو جنك زودتهة ترة كلهة طلقة
شبل: هسة انتة عليمن خايف على معقمات
باوعلة بنص عين : يالله ارتاح من تحتاج شيء ممرضات هنا ..گوم دمار
شبل: صدك ما بيكم نخوة وين رايحين
مجاهد: للبيت
دمار: اني اكره المستشفيات و ماحبك هم شعدي باقي
حجة شبل بنبرة انثوية: اووي حبيبي راح اموت
مجاهد: والله مبين كلشي مابيك
طلع و دمار من مستشفى اول ما صعد السيارة التفت عليه: ايييي عيني دمار غرد
دمار: اسمهة يارا شافهة هنا بهاي المستشفى اخر مرة دخل اختها هنا تشتغل دكتورة ليان صار مدة لاحگهة
مجاهد: اممم تفاصيل ثانية
دمار: تدرس بالجامعة كلية القانون ماعدهة خوان بس اخت وحدة عايشة بمنطقة*** صديقات وحدة بين فترة و فترة تطلعلهة
رفع جهازة وحجة بنبرة امر : علي اجتك صيدة جديدة بس اريدك تجيبهة الي
فتح دمار عينة وراد يقاطعة بس سكتة بنظرة منة: اي دمار يرسلك تفاصيل جيبهة قطعة وحدة شوية عزيزة علينة
دمار: لحظة مو جنك استعجلت شبل بالمستشفى خل يطلع ونـ..
مجاهد: ليش احنة من يمتة نمشي بأمر شبل
دمار: راح يزعل
مجاهد: يومين وينسة
دمار: بس احسة حيل مهتم هل نجس نبضة ونتصرف
مجاهد: وانتة ليش مهتم هسة شغير رأيك
دمار: شبل ماريدة يتأذى گتلك هذا الحجي ورة ما يلعب شبل ويمل منهة يالله مو هسة خل يطيح لبراسة
مجاهد: على ما استاذ شبل يطيح لبراسة سلام يطيح روسنة وهذا مصطفى من جهة فتحلي باب
سكتت ما راددة بعد هاي نقطة راس سطر مجاهد خلة فكرة براسة مايعوفهة لو ميت سنة يسويهة
شوية واجت رسالة جهازة من علي يريد تفاصيل تردد هواي يرسلهن بس نظرة من مجاهد خلتة يتراجع
______________
يارا::
فزيت على صوت الحركة جوة اسمع صوت بابا
ومبايلي يدك شهل ضوضاء من الصبح تممللمت بفراشي منو متحلم بية من الصبح
فتحت خط بدون ما أقرة الاسم غمضت عيوني بقوة أوف صوته يغث من الصباحيات
شبل-: اني بالمستشفى
رمشت عدت مرات اسعتدلت بكعدتي واني اتبسم
حجيت بحماس:- يالله أبرك الساعات
شبل:- لازم أشمتي
يارا:- لا شماتة حرام
شبل:- شو مكيفة لو كايل لج ميت شسوين
يارا:- احني ادية ورجلية حتى وجهي بس انت ماراح دكول لان فطست بس هي الاخبار الزينة أطش
شبل-: تعاي تعبان اريد اشوفج بلكي اطيب
يارا:- وعساك ما طبت اني شعلية
شبل:- احتمال اموت
يارا:- الله يسمع منك
شبل:- زين تعالي عاد شوفيني احتمال عندي وصية قبل لا اموت
يارا:- لو تموت
حجة بعصبية خوفني بلعت ريكي:- تعاي يارا لا أطلع من طوري وأذيچ
وسد الخط بوجهي قبل لا ارد سافل شوكت اخلص منك نفضت بطانية رفعت شعري وأني أسب بي اشتعلو أهلك شبل نفر نفر
مشيت لحمام غسلت ورجعت طلعت اي لبسه كدامي بالكنتور لبست ونزلت جوة ليان مو هنا بس بابا
بالاستقبال يشرب گهوة ويتابع الاخبار مشيت ناحيته ببتسامة كعدت بصفة
:- صباح الخير بابا
فاهم-: صباح الورد يرويحتي
يارا:- يبعد عمري
ابتسم وحضني وبادلتة الحضن جريت نفس فركت ادية بتوتر وهو عينه عليه
-: بابا اريد اروح لمستشفى
عكد حاجبه مستغرب-: ليش بابا
يارا-:لان شنو اريد اسوي جلست تنظيف لأسناني
فاهم:- شو كشري بلة
بتسمت وهو گرص خدي بضحكة حجيت بزعل
-: بابا
فاهم-: جنهن ثلج بعد تنظيف شنو
يارا:-ولو كان اني حابة اعتني بيهن بعدين دا احس اكو الم بيهن يصلن علية من اشرب شي بارد
حط ايدة على وجهي بخوف-: من شوكت ليش ما تحجين كومي اخذج
سحبت ايدة ودنكت بستها وهو رفع
ايدة بحنان يمسح على شعري
يارا-: لا بابا موضوع عادي وماكو داعي اتعب نفسك اخذ تكسي وبرجعة اجي ويا ليان غير هي هناك كدامي
شكو جذبة اجت ببالي اخترعتها حتى يقتنع ويخليني أروح أشوف هالخبل من وين الله بلاني بي.
وبعد ما وافقأخذت تكسي ورحت. أول ما وصلت
صارت بوجهي ليان
كاعدة هي وبسام بالكفتريا بسرعة درت وجهي وطرت للطابق الثاني هو كال بي موجود.
استغليت الدرج أني المصعد يصير عندي غثيان من أصعد بي وصلت وطلعت لغرفته
دخلت شفته نايم على السدية لافين صدره. أول ما شافني ابتسم
اتقربت سحبت الكرسي وكعدت يمه
باوعلي بعشق قابلته بنظرات كلها كره.
شبل:-اجيتي
يارا: – إي مجبورة مو حبًا بيك.
عكد حاجبه وحجة بعصبية مصطنعة
-: كله منج بنت الذين تدعين عليه لحد ما طحت.
يارا:- إي والله الحمد لله أول مرة دعائي يستجاب وعبال ما تموت هنا صدك رب العالمين يحبني.
شبل:- هههههه أخخ هيچ گلبج أسود وتكرهيني
يارا:-أكثر مما تتصور أكرهك أشوف عزرائيل ولا أشوفك مسبب الي حالة من الهلع والرعب
شبل-: بس أني أحبج وبعدين ليش هلكد خايفة مني
جريت نفس بحزن-: إنت مقتنع باللي كاعد تسوي
دا تجي لنص بيتي وعـ.. *
غمضت عيوني بيأس:- شبل فدوة كاعد تعبني والله.
نزل من السدية قابلني بكعدته سحب الكرسي الكاعدة عليه صرت كلش بنص حضنه
عيونه ذبلانة وجهه تعبان ظاهر الإصابة مأثرة بي حچته بحة.
شبل-: أريدج أكثر مما تتخيلين أعرف تصرفاتي وياج مو قانونية بس ويا الأيام كل الأمور تصير توب إنتي بس اطيني فرصة.
سرحت بنظرات عيونه حسيت صادق بكلامه
أول مرة أكون قريبة هيچ من شاب
أصلًا أول مرة بحياتي أشوف شخص مستقتل عليّ لهل درجة همست بعتب
:- بس إنت كسرت خاطري وبچيتني هواي ورعبتني
وأجيت للبيتـي وخوفتنـي
همس بضيق:- جا أني هم مكسور خاطري.
يارا:- ليان هنا أدوام أصيحه تجبر خاطرك عدهم أنواع الجبائر.
طكه ضحكة وكرص خدي
-: أحبج
يارا:-دولـي ميتة على محبتك
شبل:- ههههه ليش ولچ؟
يارا:-بدون ليش.
باوعت للساعةصارت بالعشرة هواي نسيت نفسي يمة خرة منه كمت بسرعة وهو يباوعلي بتسائل
يارا:-شبل، لازم أروح كوة قنعت بابا حتى أجي ولازم أمر على أختي هم أقنعها بشي جذبة حتى ما يشكون بيه.
رفع تك حاجب:- ومن شوكت تجذبين ست يارا؟
جاوبته بنص عين:- من وكت ما تعرفت عليك.
شبل:- زين اطيني بوسة قبل لا تروحين.
يارا:-لو تموت.
شبل:- بابة ما أموت قبل ما أشبع منج.
يارا:-إنت شنو أمك متنسية بيك على البوس
شبل:- يجوز.
يارا:-عفته وكمتوهو يتأملني بنظراته سويتله باي وطلعت
اخذت نفس لازم اروح لمكتب ليان اسفط عليها شي جذبة خاف تروح تبعرها يم بابا وانفضح
جنت امشي بااالممررر فارغ استغربت ليش هيج وهدوؤء عكس الطابق الاول ضجة وناس
حسيت اكو حركة سريعة وراي انداريت بسرعه مالحكت افهم شي گبل صارت وصلة بيضة على خشمي
حاولت اضربة بالجنطة بس جسمي رخة ودخت ومن بعده ما شفت شي ضلام
دليار: ولد خال نعال ولا يعتمد عليهم
أسوة: خاب طگتني شمس امشي نأجر سيارة
دليار: غير اتصلت بصخام گال شوية واجي
أسوة: صار ساعة ماخلصت الشوية مالتة
تأففت وكعدت على جهة دليار لطشت ماتأجر تكسي بيهة حمس وهذا مرتضى شكلة نسانة
أسوة: راح اروح طبج حمس ابقي هنا
توني گمت وكفت سيارة گبالي فتح جام عزة هذا عمو ارتبكت جنت گدامة دليار تتصل بمرتضى ما منتبهة
فاهم: انتي مو بت محمد شلونج عمي
حجيت بتوتر: هلة عمو الحمدلله انتة شلونك
فاهم: الحمدلله من الله بخير ‘ باوع لساعتة ورجع حجة بستغراب’ ليش واكفة هنا محتاجة شيء
أسوة: ايي..لا منتظرين ابن خالي يجي تأخر علينة
فاهم: وقت متأخر وين هذا ابن خالج
هزيت امتوني بحراج: خابرنا هسة يجيي
فاهم: أصعدي اوصلج
أسوة: لا عمو مشكور هسة يجي مانريد نسويلك ازعاج
فاهم: ماكو زعاج بنتي شلون اخليج واكفة هنا صعدي
أسوة : لحظة خل اشوف اختي
رحت دليار جانت واكفة بنص شارع مدري شعدهة : وج هذا عمو هنا كال اصعدن اوصلجن
دليار: اوكي
أسوة: وجع شلون نروح ويا ماتوقعتج تقبلين الگي حجة بسرعة بابا مايقبل اكيد
دليار: حبيبتي والله على هذا الحر لو يجيني معاوية اصعد ويا امشي
مشت ورحت وراهة اشرتلهة على سيارة صعدت گبل دهر دهرج صعدت وراهة
دليار: السلام عليكم شلونك عمو
فاهم: هلة عمو
باوعلنة وضحك : انتن تشابهن وينهة الحجت وياي
أسوة: اني عمو أسوة وهاي اختي دليار
فاهم: يا هلة بيجن عمي
دليار: هلة بيك ..اعذرنة راح نزعجك شوية
فاهم: لا تدللن
انطتة دليار العنوان وسكتنة ما سأل شيء وحنة هم استغربت طريقة تعاملة ويانة مدري لان اول مرة اصلا اني ماعرف شنو مشكلتهم هوة و بابا بس مبين حباب
دك جهاز دليار رفعتة و عدلت ملامحهة اكيد هذا مرتضى راح تاگلة بگشورة: هلة هلة بأبن خالي هلة بشيال هممي
مرتضى: وينجن انتن اني راح اجي
دليار: گاعدين بالكافتيريا نشرب عصير انتة تعال و انتظر بالبوابة مال جامعة رمشي واجيك طيران
ضربتهة بجتفهة خرب يومهة: دليار
وخرت ايدي وحجت: اي خوية تعال اتصلت عليك عبالي ماتجي بس ما دام راح تجي هلا بيك
سدتة منة وتضحك : مال الحمس معزاية شعدة جاي خطية يوكف ينتظر
دليار: واذا نتظر يمة يطيحن تراجية مو طاحت رجلية واني واكفة انتظر سموة يوصل خل يجرب الوكفة
أسوة: والله عيب من خالو واذا سمع بابا ماراح يعديهة الج هو اصلا ضاملج رزالة
سكتت شوية بعدين رجعت اتصلت بي كالتلة بابا اجانة ارجع لاتعب روحك وسدتة
دليار: ما خليتيني اتهنة بس اني اعلمة وعلي صبح ضحك علينة و هسة هم
أسوة: سكتي رحمة لهلج هل يوم يمر بدون مصايبج
لوت حلكهة ما راضية بقت تحوس ماتعرف شسوي الة تحجي ساعة تباوعلي ساعة تباوع لعمي بس لاتبعرهة
الحمدلله بلعت لسانهة وصلنة للمنطقة كالتلة نزلنة هنا نزلنة وتشكرنة منة ورة سلسلة من مديح دليار ماعرف منين اجة
رجعنة مشي للبيت مسافة شوية حتى خاف بابا يشوف جان ماكو سيارتة ماكو همزين
دخلت دليار شافت ماما بالحديقة گبل كعدت بدون سلام ولا شيء اخذت مرتضى رايح جاي بالحجي
سلمت على ماما وصعدت ارتاح على ما نحط الغدة
غرفة هادئة و باردة ماينسمع بيها غير صوت ضعيف لانين مكتوم
وكف گبالهة مربوطة رجليهة و اديهة وراهة عيونها و حلكها جسمها يرجف ودموع غسلت وجهة وبللت عصابة عينها
تقدم وحد خلالة كرسي وكعد اشرله
يفكون عيونها وحلكها
شهكت من وخروا عنها غمضت عيونها وفتحتهن بخوف و اندهاش من ضوة القوي مررت نضرهة على المكان غرفة فارغة مابيهة اي اثاث اضوية
جفلت من شافتة گاعد وعينة عليهة حجة الرجال
-: تفضل سيدي جبتهة قطعة وحدة
اشرلة بعيونة يطلع بدون مايرد طلعوا بقت بس هي ويا بالغرفة و هدوء
ماكدرت تكول اي كلمة عدل
بس صوت شكاتها يطلع
مجاهد:- اييي يارا شلونج خو ما تعاملوا وياج بقساوة
ماحجت شيء بس الخوف كل الي ملة وجهة
تقدم منهة رفع طرف وجهة
-: تستاهلين شبل يتخبل عليج
عقدت حواجبها بستغراب من سمعت اسمة ما انطاهة فرصة تحجي رجع غطة حلكهة بقوة
مجاهد:-علي
:-نعم سيدي
مجاهد:- ماريد واحد يقرب منهة خلوهة هيج أكل ماي ماكو لحد ما باجر اجي اتصرف
بقت عينة وراهة وهية طالعة ابتسم اول مرة يفرح لان يتصاوب على هاي جية ابدة يروح يفتح صدرة لسلام
دك جهازة رفعة : ها عار شذكراك بية
علي: ماغيرك عار يگولون بالمستشفى شبيك جنك وحدة حامل يومية داخل
شبل: هو ياهو اليجرع المستشفى بس العسل ليجي يخليك تنام
علي: هههههه سلامتك شبلنة ماتشوف شر
شبل: تسلم شدراك بية
علي: جنت يم الولد وفگدتك ماكو سألت و گالولي بالمستشفى
شبل: شكو سلام رجع ضرب شعدكم ملتمين
علي: لا بس مجاهد كلفني اجيبلة وحدة لو تشوفهة طك بالگاع
عقد حواجبة بشك: وين تجيبهة
علي: لشقتة
: ها اي هية هاي سوالف مجاهد ماعرفتة منو
علي: مبين لزم سلام من ايدة توجعة واضح ما راح يمررهة هالمرة على خير
شبل: اي اي هسة اعوفك اجت الممرضة نحجي بعدين
رص على اسنانة بعصبية ماتوقع مجاهد يوصل لهذا الحد شلع المغذي و لبس ملابسة طلع بسرعة وگف سيارة
هو على اعصابة و الخوف استقر بگلبة اول مرة يخاف وگف كدام عمارة دخل لشقة مجاهد فارغة
ولا اثر بيهة حتى حرس ماكو صعد لطابق الثاني يصيح بأسمهة ماكو رجف گلبة
نزل بسرعة هو يتوجهة لمكان مجاهد وصل ركن سيارة ومر من الحرس سحب واحد من اسلحتهم
جانو كاعدين صفة ما كسر هدوءهم غير طلقة لستقرت بينهم بدون ماتخدشهم فز دمار ولزم سلاحة
رفع مجاهد راسة لشبل بهدوء: اسرع عملية شفاء الك شبل
تقدم عليه بكل عصبية لزمة من ياختة: وينــــهة ويــن اخذتهه
وخر ايدة بهدوء ودفعة عنة: شبــيك مستقتل شگـم يوم ونـرجعهة لاحضانك واذا اريد روح هسة الهة
شبل: وين
باوعلة صغر عيونة عليه مبين ماعاجبة الجاي يصير شبل واگف على اعصابة مايريد يتجاوز اكثر على مجاهد او ما راح يشوفهة مرة ثانية ابد
مجاهد: بـ*** تلكاهة هناك كدامك ساعتين اذا ما وصلت يستلموهة الولد
شبل: النة حجي ثاني مجاهد
ماضيع دقيقة ثانية طلع مثل مادخل
المكان مظلم رجفة اعتلتني رهبة خوف
صمت مطبق فگي يرجف ماعرف من البرودة لو من الخوف
حسيت اكو شي لامس رجلي فزيت مرعوبة حركة رجلي حتى ازيحة بس ماكو جلب
ماعرف شي خشن… فرررررت الدموع من عيني والهلع تمالكني صرخت بسرعه وحركت نفسي بحركه سريع
بحيث وكعت اني والكرسي على الارضية انيت من الوجع بظهري احس تكسرت
گمت أبجي بصوت عالي و أصرخ
:- بابااااااا ويننننككك تعاااالي لييةةةة ويننككك بااباا
بقيت اصرخ والوج بالكاع بحيث صوتي انبح حسيت الباب انفتح خطوات قريبة مني بقيت اشهككك مكاني
أسمع صوت رجولي خشن يصيح بسمي
-: ياراااا
جاوبته واني اشهككك:- فد. فددووة طلعنـييي منااااا
وخر الغطـة من عيوني حاولت اركزز عيوني مغوشة
من دموع شهكتتت من شفته شبللل
أتحرك بلهفة فتح ادية ورجلية واتقرب حضني دفعته ووصرخت بوجههه
-:وخرر عني حقيررر هذا انت خطفتني
شبلل-: والله موو اااني لج امووت وما أذيچ مستحيل
يارا-: منووو غيرك هاااا منو غيرك لاحكني
:- وحق لا إله إلا الله مو ااني من عرفت مخطوفة ضاكت عليه الدروب وكمت مااشوف ولج جرحي اخضر واجيت تتوقعين أذيچ
حضني حيل كمشتة من قميصة بخوف وأني أبجي .. وصوت شهكاتي تعالت لمني بقوة كنما يريد يدخلني جوة ضلوعة
رفع راسي من صدرة وهو يتفحص وجهي الغرفة جانت ظلمة بس ضوء الباب المفتوح
تنفس براحه ورجع حضني مرة الخ حجيت واني أشهك الخوفة بگلبي
-: شبل عفية رجعني لاهلي اني ميتة رعبة والله جان أكو هنا رجال هو هو عبالي أنت دازة عليه
تنهد بضيق وفرك وجه رفعني بين ايدي جنت مااكدر امشي احس بخدر بجسمي ودوخة
طلعنه بممررر طويل وهواي اكو اشخاص لابسين اسود وملثمين وجوهم ما تبين اني جنت دايخة بس حااولت
اركز بالمكان ما شفت شي يدل على حياة تحسه مكان مهجورر…
__________________نهاية البارت
