رواية لسنا ابرياء الفصل الرابع عشر 14 بقلم هيلانا
أحسَستُ بالحُب تِجاهَك مُنذ اليَوم
الّذي لمحتُ فيه الدِفءُ الّذي في وجهِك
و العِناق الّذي حَدث ما بينَ صوتُك
و مَسمعي، أحسَستُ بالحب تجاهك
________________________
: اني گتلك من البداية السالفة يرادلهة وقت
مجاهد: هاي شغلة مو يمي اجت الأوامر ونفذهة
: انطيني وقت كم يوم بس
كعد گبالة وخلة ادي على الكرسي رجع المقابيلة ليورة برهبة : ساعة
حجة برتباك: انتة ليش ماتفهم الوضع مو تمام هسة هواي يشكون بية گاموا ماگدر ادخل و اطلع بسهولة
مجاهد: ساعتين
اخذ نفس بنفاذ صبر وحجة بقلة حيلة: بس الليلة باجر يصيرن عدك احاول اخذهن
وخر عنة تنفس المقابل براحة ..رجع سلاحة لخصرة واشر دمار يگوم لجان يشرب جاي باوعلة برود
رفع الاستكان: بس اكملة
وخر عينة عنة ورجع عيونة ليورة باوعلة بتحذير: باجر الصبح اريدهن عدي الاوراق و المستندات اخر فرصة
بع ريگ بخوف: حاضر استاذ
مجاهد: اتذكر حتى طلقة ما أخسر بيك لاتحاول تلعب
هز راسة …عافهم وطلع بعد ما گال لدمار يرجع لوحدة ماينتظرة
كام بسرعة وراه يلحك بي بس عافة و مشة صعد بسيارتة متجة لشقتة
حط سلاحة على جهة لفت نظرة علاكة شالهة بستغراب فتحة ملابس نسائية
اذكر ام اللسان نستهن وراهة من طلعت ركض وهو اخذاهن
ابتسم بستهزاء رفع مبايلة اجا صوت علي يلهث: امر استاذ
مجاهد: روح لمحل ** بمول* شوف كامرات المراقبة مال أمس دزيهن الي و اخذ صورة للبنية طلعت مناك جيبلي معلوماتها
علي: ليش شكد تلعبون بالاماكن العامة اني اضل انضف وراكم
مجاهد: علي لازم راسك صاير ثگيل وتريدة ينزل من جتفك
علي: لا وداعتك ماكو اعز من راسي تامر
.
.
وكفت برهبة كدام الباب فركت ادية ياربي اكره من استاذ يدز علية اتوتر
دكيت الباب سمعة گال تفضل فتحتة على كيف ودخلت : دكتور دزيت علية؟
اشرلي ادخل دخلت جوة بطني مغصتني من الارتباك جان كاعد ورة مكتب و الغرفة فارغة
اسمة متوسط الطاولة لابس نظارات نزلهن ورفع نظرة الي خلة اديه كدامة وحجة : أسوة
بلعت ريجي : نعم دكتور
هشام : جنتي موجودة بالمحاظرة الصبح مو
حجيت برتباك: نعم استاذ
هشام: انتبهتي عليه
هزيت راسي بس لا يسأل وعلي كلشي ماذكر بس اسم المادة مغصتني بطني اجيت ابجي
هشام: لعد ليش سجلتي محاظرة مع انو اني نبهت
غمضت عيوني خرب غيرتج دليار حجيت برتباك: أ..أستاذ قـ قـصدي د..دكتور ما مامسجلتهة
هشام: بس وصلني انتي سجلتي محاظرة
بعلت ريجي هسة شگلة سكتت ماعرفت شنو احجي صار هدوء اذا عدك موشح رزايل كولة وفكني
هشام: هالمرة راح اكتفي بتحذيرج و انزل من سلوكج بس اذا نعاد هذا الشيء راح اضطر انبهج كدام طلاب
اني ماحب احد يخالف التعليمات الاكولهة اذا انتي ماتردين تحضرين محاظرة خلي مكان لغيرج
هنا جاين دراسة مو لعب اذا انتي مو كد هذا الاختصاص لا تبقين بي مو على جامعة بعد مانهتم ننجح
هزيت راسي بهدوء اشرلي اطلع ماصدكت گبل طفرت للباب فتحتة وفلتت
اخذت نفس ورحت برة واني على شوية ابجي وماريد ابجي كدام طلاب
.
.
.
: هبة هم شفتي اسوة وين
هبة:لا
نور: سمعت ممثل الشعبة سأل عنهة گالهة دكتور هشام يريدج
شعدة هذا خرب : هوة وينة ممثل شعبة هذة
هزن متونهن مايعرفن عفتهن وطلعت من القاعة سألت طالبة عن مكتب الدكاترة باي جهة دلتني
بعدني انزل من درج شفت اسوة كاعدة برة رحت يمهة من ورة : بووو
طفرت من مكانهة ضحكت على شكلهة نوب باوعت لوجهة وعيونهة حمر
رجعت گعدت بهدوء دك گلبي بقلق شبية كعدت يمهة: شبيج عزة منو وياج ليش تبجين
مسحت وجهة وخرتة عني : هيج ما باجية
دليار: شنو ما باجية غير هاي دموعج
أسوة: وخري مني دليار ضايجة منج
دليار: ياااا شمسويتلج ..د هشام گالج شيء طلاب گلولي صاحج
التفتت علية وحجت بنزعاج: اييي من وراج ترزلت
دليار: عليمن
أسوة: لان سجلتني محاظرة وعبالة اني وترزلت مكانج
دليار: عزززة شدراه ماصار ساعة من سجلتهة
أسوة: ماعرف واحد من طلاب كايلة
دليار: كبررر شبسرعة عابت طلاب مخابرات
….زين ليش ما كتيلة مو انتي
أسوة:غير انتي سجلتيهة اروح اكلة مو اني اختي جيبهة ورزلهة
دليار: لاتصيرين ثولة انتي شعليج
تأففت بضوجة عفتها وگمت لزمت ايدي: وين مولية
دليار: اروحلة
أسوة: دگعدي رحمة لهلج عوفينة
وخرت ايدي منهة ورحت شنو بكيفة يرزلهة واذا سجلت المحاظرة خايف على صوتة الحلو
رحت لمكتبة وكفت اخذت نفس دكيت الباب مرة ماكو صوت بس طالع
دگيتة مرة لخ سمعتة گال تفضل فتحت باب على گيف دخلت
دليار: دكتور ممكن احجي وياك
اشرلي ادخل جان يمة ثنين ولد يسولفون ارتبكت من شفتهم ماعرف احجي براحة يم هواي اشخاص سكتو من شافوني صافنة
دليار: احم ..دكتور احد موصلك انو طالبة مسجلة محاظرة
هز راسة بأي
دليار: اييي ..هذا اني سجلتهة مو اختي انتة دزيت عليهة
هشام: والمطلوب؟
انعل خرب: نقصت من سلوكهة وهية مامسوية شيء لذلك اجيت اوضح الموضوع اني سجلت محاظرة لازم اني الاتعاقب
هشام: يعني اجيتي حتى اعاقبج
هزيت راسي فتح سجل يمة : دليار محمد مو
دليار: اييي
دور اسمي واضنة لهط درجاتي خرب بعدنة تونة بدينة عدي هواي مشاريع مال مشكلات يرادلهن درجات
التفتت اريد اروح صاحني وكفت وخر سجل وحجة بهدوء : جنتي منتبهة شگلت بالمحاظرة لو لا
دليار: أييي
هشام: گلت اريد التزام و تركيز و ذكرت ممنوع جهاز ينفتح او تسجلون محاظرات
عضيت شفتي بورطة هسة يگلي ماتحترمين بعدة يباوعلي منتظر اجابة
دليار: اي دكتور سمعت
رفع حاجبة وحجة بستهزاء: وسجلتيهة
احمد ربك دكتوري ولازم لساني گوة : اممم… ما جان عدي قلم اكتب ملاحظات ماحبيت تفوتني معلومات مهمة
باوعلي بنظرة ماراضية مد ايدة على الميز وسحب قلم اشرلي اخذة: هذا قلم
استحيت فشلني سافل الولد يمة ضحكو على كيف
تقدمت منة اخذت القلم: شكرا بس اني ما احتفظ بالاقلام هواي
ضحك و ماحجة واشرلي براسة مشيت للباب لحد ما اجاني صوتي: دليار
الفتت: نعم دكتور
هشام: من يخلص دوام ترجعن وياي
رفعت حاحبي بستغراب: هاا ..لا دكتور ماريد اسببلك ازعاج نرجع وحدنة
هشام : مو مشكلة طريقنة واحد
دليار: شكرا
هشام: هلة
طلعت گبل كمزت اسوة كدامي: هااا
دليار: وجعاا
أسوة: شسويتي
دليار: اغت..
حطت اديهة على حلگي گبل لا اكمل وفتحت عيونها ،: ادبسززز ماتستحين
وخرت ايدهة:وجع شنوو ‘حجيت بطئ’ اغتنمت الفرصة و رجعت درجاتج
خزرتني ومشت كدامي رحت وراهة اضحك
.
.
خلصنة محاظرات وطلعنة للبوابة منتظرين دكتور هشام ماردنة نصعد ويا من كلية
شوية واجة ويا حيدر شنو هذا بس لا يداوم هنا صعدنة ورة أسوة خانسة و مدنگة كوة بألف ياعلي يالله قلبت تجي
رسلت الماما كتلهة رجعنة وية ابو سيف بقت تدعيلة وتمدح سوتة نبي الة ارجع اطين صفحتة يمهة واكلهة رزل حبيبتج اسوة ههههههه
ضميت جهازي واني محظرة روحي ابدي تحقيق
تقدمت ليكدام شوية
وحجيت بكل أدب : احم ..دكتور ممكن اسأل
هشام: تفضلي
دليار: لا ..راح اسألك بصفتي بت جيرانكم
هز راسة الي بمعنى كملي خزرتني اسوة ما قابلة اسولف ويا
دليار: منوو الگال الك اني سجلت محاظرة
ابتسم : اسرار الجامعة ماتطلع مايصير اكولهة للجيران
لويت حلگي : زين بصفتي طالبة عدك
هشام: مو من حقج تحققين وية دكتورج ولا ملزوم علية اجاوب
دليار: ليش
هشام: هاي بعد
دليار: بس اول حرف من اسمة
هشام: ليش اسمة خو اسمهة
ابتسمت: يعني بنية
هشام: لا
دليار: يعني ولد
ضحك : لا
حجت اسوة راصة على سنونهة: دليار
دليار: اسكتي…لعد لابنية ولا ولد منو جني الازرق لو الباب
هشام: شتريدين واذا عرفتي انتي غلطانة
دليار: اني غلطانة متفقين بس شبسرعة تنتقل الاخبار هيج عدكم مراقبين سريين شنو
هشام: واذا گلت عدنة
حجيت بحماس: گلي بيهم عليك الله حتى من اسوي مشكلة ما خليهم يدرون
كرصتني اسوة تخزر بية وخرت ايدهة ورمت رجلي
هشام: هههههه لا بابا مايصير ..تعلمي جامعة بيهة اشكال و انواع من الناس محد يمشي بوجه واحد يمكن انتي شخص مباشر و ما تدخلين بغيرج بس اكو هواي يتغذون على هيج سوالف
دليار: زين بالله شستفاد مدري شستفادت من سوت هيج شنو هذا الانجاز العظيم
حيدر : اكو طلاب يتقربون من الدكاترة بهيج سوالف حتى ينعرفون بالسنوات الجاية
لويت حلكي : شهل معرفة الخايسة
انداريت على هشام: ماكو منا منا حق الجيران مدري شنو وتگلي الاسم
هز راسة بلا رجعت كعدت بنزعاج والله اطلعة اطلعة الفتن والة امسح بي القسم
علي: هسة غير يجي ويفضهة ورانة اشغال
دمار: شوراك انتة شو دايح
علي: ودياحة مو شغل
دخول مجاهد سكتهم عدل علي گعدتة وحجة بحترام:استاذ جبت الكتلي علية و المعلومات
باوعلة والتفت لدمار: شبل وينة مختفي
هز دمار متونة بمعنى ما ادري
مجاهد: خوش اطلع يالله
حجة بستغراب اشر على نفسة: انيي
مجاهد: اي انتة
دمار: ليش
مجاهد: عدي شغل وية علي
دمار: وشنو هذا شغل المالازم اسمعة
اشرلة بعيونة على باب بدون ما يرد تأفف وطلع
گعد گبال علي :اييى سولف
قدملة مبايل : هذا المقطع من كامرات المحل مو واضح حيل بس مبينة
مجاهد: شلكيت عنهة
بلع وحجة بهدوء: اسمهة دليار محمد بيتهم بمنطقة**** تدرس بكلية القانون عدهة اخت وحدة
ابوهة مدرس
هز راسة رجع علي يحجي:اكو شيء ثاني
مجاهد:شنو
علي:قبل فترة شبل كلفني اجيبلة معلومات عن بنية هم اسمهة يارا لخطفناهة اخر مرة
مجاهد: اي شنو علاقتهة بحجينة
علي: هاي تصير بت عمهة
رخة ايدة بستغراب وعكد حواجبة : قصدك بت عم يارا لتصير بت عم ذاك العار سلام
علي: ايي..يعني بت عم سلام
مجاهد: وشبي هذا *** بنات عمة مطشرات
ضحك علي بهدوء: مادري …تسمح اكول شيء
باوعلة منتظرة يحجي
علي: يجوز يستعمل بنات عمة حتى يتقرب منكم اولا يارا نوب هاي
رفع مجاهد عيونة لعلي هم اجة ابالة هذا الاحتمال معقولة من بداية همة نسحبوا لهيج مواقف سوة
هو و شبل و ثنين من بنات عم سلام معقولة وصل لهيج مرحلة
ما ضنة ..يجوز مصطفى وراهة هاي حركات مال واحد صدك عار و ماكو غير مصطفى
بس هوة يكدر يواجهم ماظن اكو شيء بينهم غير اخو الواكف بالزردوم
مجاهد: خلص شغلك علي تگدر تروح بس الحجي الهنا صار محد يسمعة غيرنة وذا سأل دمار لاتجاوب
هز راسة بستغراب من طلبة وطلع
جنت نايمة بالمرجوحة هيج العصر ساعه بالخمسة جوء زين اليوم
ليان وباباا كاعد ياكلون كعك ابو سمسم وجاي هاي ليان خبرة مال معجنات من كل شي مصنعه
بابا ما يلام من يتفاخر بيها ويهتم
هي دائما مرتبة بكلشي عكسي
تصرفاتي طايشة وما مسوؤلة
اندك الباب وهي راحت تفتح دقايق دخلت اسراء
بوراه ليان
ما نتبهت لبابا كاعد بالحديقة عينها عليه كالت بعصبية مصطنعه
أسراء:- همدج من صديقة عوووبة گلبي عندج ليش مختفية اتصل مغلق انوب اتصل بـ ليان
تكلي طالعين سفرة اتفوو عليج من صديقة
باوعت ليان غمزت لي اسكتت فهمت ان هي ما تعرف
بيه مخطوفة نزلت من مرجومة حضنتها
وهي تغلط بعدها اندارت لكت بابا كاعد شهكت متفاجئة:- اها عموو شلونك
فاهم:-هلا بيج شلونج بنيتي اهلج شلونهم
اسراء:-بخير عمو يسلمون عليك
فاهم-: الله يسلمهم انتن اخذن راحتجن اني طالع
ليان:- وين بابا
فاهم-: اريد اشوف المومن
ليان: اها الله وياك حبيبي
كرصتها من ايدها عكفت وجهها بوجع وسحبت أيدها
حجينه بنبرة وحدة أني واسراء
-: مومن شنو شكوو
ليان-: اخخ ايدي نعلا
أسراء حجت بنفاذ صبر: دا احجي
ليان: باجر خطوبة سلام وبابا يعرف مومن صديقة يريد يشوفه حتى يعقد الهم
اسرا.ء: يا حريمة
يارا: يا حسافة
اسراء: نباك سلام منه
ليان: كبر شبيجن
ياراا: عود صدوك شوكت جنتي ناوية تكولين بالليل هستوج الا حجيتي يمكن لو ما سالين ما تحجين هم
ليان: هو انتي مكضيته نوم تدرين بدنيا طشت رشت بعدين موضوع فجأة اني هم متفاجئة عمة اتصلت وعزمتنا
يارا: يلة خطية هم تعبت خل ازوج واحد منهم ضالة تشتغل وحايرة بيهم وهي مرة جبيرة
بعدين ليان راحت ما تعجبه الكعدات ويانة لاسف بقينه بس اني واسراء بالحديقة: ذاك اليوم ما كملتي احجيلي شبل منو؟؟
توترت ماريد اذكر شي: شخص مرة صارت صدفة وسمعني كلام محلو وضجت منه بالجامعه
اسراء: اها يعني طالب وياانا بالجامعه
يارا: ماعرف بس هو الحادث صار بالجامعة
ردت بلهفه: صدوك حلو شكله شلونه
يارا: عود هذا هم سوال دولي
أسراء: شبيج تعرفيني احب اعرف اني زوجة اخوية تروح لدكتور من تجي اساله الدكتور حلو شسوي هذا مرض
يار: تحبين الحلوين
اسراء: اي اموت عليهم
ضحكنة رجعت طلعت المبايل مشاركة بمسابقه وصلة مرحلة متقدمة وتربح جان سوال شنو اسم ذكر الزرافة
طبعا عصرت مخي وطلعت معلوماتي الخنفشارية كلت الها
:-زراف اكيد
اسراء: زين ونعامة
ياراا: نعام
اسراء: خاف اجاوب والكيبورد يعفطلي
يارا: بكيفج غير دا اساعدج
اسراء: انعمالله عليج معلوماتج تستحق الدفن
يارا: هذا الموجود
اجت ليان كاشخه على اخر حبة والعطر سابقه
لابسه فستان وحذاء فلات كالت راح اروح عمة دزت عليه وحدة خطيه اتريد اساعده
يارا:-منو ياخذج
ليان-: مصطفى جاي
مشت وصلت لباب ولتفتت عليه:- عود تعالي ويا بابا مو ضلين بالبيت ام راس هزيت راسي
يارا-: اكولج سريوة ما ترحين ويانا لبيت عمو باجر
اسراء: لا حبي اليرروح بدون عزيمه يكعد بدون فراش
يارا: اني اخذلج فراش منا ويانا
اسراء: ههه لا ولي خل ارجع لبيت كوة اجيت اخواني عقدة
يارا: براحتج
عاد هي راحت واني بقيت ملل باوعت من شبااك المطبخ جان اكو هواي حماية باب بيتنا
من بعد الحادثه سلام حط حرس باب بيتنا بالاظافه الى حرس ويا ليان
اني بلة من اللة ردته صار من يوم الحادثة ما مداومة
رجعت لغرفتي لبست بنطلون وقميص بيجي طويل وتركت شعري مفتوح
كعدت العب بالمبايل منتظرة بابا يجي حتى انروح لبيت عموو
مراة عمي مسوية حفلة عائلية قبل الخطوبة خطيه فرحنا بـ سلام
ماعرف شكد مر وقت بس ظلام
اختلط اتحركت لميز
جريت كحل لعيوني بس ما خليت مكياج جريت نفس واني اباوع باالمراية شوي عافيتي رجعت
سمعت صوت اشعارات تلي جان رقم غريب فتحت الرسائل نصقعت رجفة سرت بجسمي بلعت ريكي بغصة حياتي انتهت خلص
_____________________نهـاية البـارت
