رواية لسنا ابرياء الفصل السادس 6 بقلم هيلانا
ربمـا تقودك صدفة لم تكن لتبالي
بها الى هفوة كبيرة تدمر حياتك..
بعض الصدف..بحجم العمر و ثقلة
أكو اشياء، تجي بدون موعد
مسبق ما تكون بالحسبان
ولا يخطر بالك
كل يوم نبدي يومنا عادي
ما نعرف شلون ممكن ينتهي
هل يوم او شنو يصير…
باالنهاية هي هاي الدنيا كلشي بي
حكمة ربانية
الشباك مفتوح نسمات الهواء الباردة تدخل تحرك لوحة المعلكة بخفة على جدار مندمجة تكتب بيدهة أورق
گاعدة ورة المكتب عاكس رونقة جمالها لابكوت الابيض لابسته أنيقة وجذابة ثگيلة وحذرة هواي صفات
حلوة بيه أحسها مثاليه بعض الاحيان أتمنى أكون مثله
بس ماأكدر اليشوفنة من بعيد ما يكول أخوات
أختلاف شاسع بطريقة تفكير لبس ثقافة
ليان مميزة بكل شي نادر تشوف هيج بالوقت الحالي
حلوة أو بالصح أخلاقه هي الي مخليتها حلوة بنظر أي أحد يصادفها بابا يكول هي تشبه ماما
أحس بالحزن لان أني ما لحكت على ماما ولا شفته عندي أصور من أشتاق أشوفهن
شعور مو مريح يتخلخل لداخلي بعمق يبعثر أحساس الامان العايشة بي
أحس هل يوم راح ينحفر بذاكرتي طول السنين عكس باقي الايام أحس بشعور بشع مرافقني من بداية اليوم
حركت رجلية بملل وعيوني تنتقل داخل المكتب عيني على ليان منصية وتكتب ماعرف شسوي
حجيت بملل-: ليان… ليييان
رفعت راسها الي منتظرة احجي تنهدت ورديت بنزعاج
-:مليييت
ليان-:منو كالج تجين قابل هو مول غير مستشفى ودوام وروتين ملل
يارا:-شعرفني المهم شوكت تكملين ونرجع
ليان:-ليش اجيتي اذاما لج خلك ست يارا
گلبت عيوني وحجيت بدون نفس
:- ماادري توقعت اتونس او شي بعدين بابا كال اكمل شغلي واجي اخذج انوب ضربني بوري
ليان:-تستاهلين اصلا عندي عملية لوحدة زين من اكمل
عدلت گعدتي على كرسي خليت رجل على رجل
:- هواي شسوي ابقى هنا احسب شعراتي
ردت بدون اهتمام وهية دگوم
:-هاي مشكلتج ابقي منتظرة
لبست لابكوت وأخذت اوراقها وراحت…بقيت لوحدي وخرت جنطتي على جهة وگمت
اتجهت لشباك اباوع جان بجهة الحديقة أشوف ناس هواي هذا العندة مريض و هذا كاعد مهموم
اكو كم وحدة لابسات لابكوتات و ياخذن صور ويسون حركات حلوة
وليان دكول شغلنا تعب وين التعب بالموضوع على هالعب
رجعت عيوني للشارع شفت ناس اخذو جنازة والنسوان تصرخ صوت رج المستشفى
ابتعدت عن الشباك اني هيج مناظر
تسبب الي فزع الصراحة….
كعدت بمكان ليان اباوع للمكتب عليه صورة بابا فدوة ابتسمت اباوع للصور
وراهة گمت اخذت لابكوت الثاني المعلگ ليان عدها أثنين واحد لابستة وثاني معلگتة بالمكتب
لبسته فرفرت بالغرفة ادور مراية اشوف نفسي بيها ماكو فتحت باب الحمام المراية جانت على طول الباب
باوعت على نفسي بالمراية بتسمت بغرور… طالعه حلوة جان اسم ليان طابع على لابكوت
:-دكتورة ليان فاهم
شكد نازوكية ومرتبة دوم تجيب لابكوبات من بيجات خاصة بحيث يطبعون اسمها علية
جريت نفس ورجعت لغرفة فتحت جنطتي طلعت قلم روج ماروني
أني المكياج ما يفاركني
لا هو ولا العطر وين ما اطلع وياي
رجعت لحمام ركزت بالمراية لونت شفايفي بالحمرة طبكت شفايفي على بعض بضحكة
:- يب طالعه حلووة
حركت شعري بالهوة وأني منا صغيرة طالعة افلش مو مبالغة بس حلوة
حسيت اكو حركة بالغرفة توقعت ليان
صحت عليها واني داريد انزع لابكوت
-: ليان هاي انتي
ماكو جاوب اجيت اطلع اندفع الباب بقوة اثر دفعة لزكت ويا الحايط نصدمت رفعت ناظري اقتحم الحمام عليه شاب..
رمقني بنظرات اخترقت حصون گلبي وبثت الرعب بداخلي
حجة بستفهام-:ليان…
صفنت بوجهه بدون رد واني بالعة العافية منو هذا شلون يدخل هيج
نزيت من حجة بعصبية
:-مو احجي وياج دكتورة ليان فاهم
فزيت بخوف وحجيت بتلعثم:- هـ.. اا..لا
أتقرب حصرني بينة وبين الباب همهم بستفاهم وهو يحاجي نفسه
:-لا مو نفسها اني شفتها مرتين مو معقولة الجرح ماثر عليه وما اذكرها
جنت جامدة وهو يحاجي نفسة بتفكير
ضاك نفسي ورجفة خفيفة سرت
بجسمي جنت مركز بعيونه نزل نظراى على الاسم مررر أصبعه على الاسم لمس جسمي
ختضيت ولزكت نفسي بكل قوة بالباب وعيوني صارت على أسلاحة مبين طرفة من جوة
القميص عود هو منزل قميصة
حتى ما يبين بلعت العافيه
شبل:- مكتوب ليان استغفرالله انتي منو…
اريد انطق اكولة اسمي ماكوو احس الدم جمد بعروكي
كـال بعصبيـة:- شسمج شبيج انتي خرسه
حجيت بتلعثم:-ي.. رراااا….
سنوني أصتكن واسمي ما دا يطلع بقيت اوتوت
تنهد بالمللل وحجة بهمس وية نفسة
-: اشتعلوو اهلي يطي الجمال لخرسان
عاط بيه بصوت عالي-:شسمججج؟؟
وكعن ادموعي وحطيت ايدي على وجهي
:-ياراا اسمي ياراا
شبل:- من بداية واحجي عفية بنات مطيحات حضنة
اجانة صوت جهوري متعصب من برة
-: شبـلل
رجع شعرة ليورة وحجة بمـلل
-: اهووو اجة ابو نعال
باوعلي ماعرف مافسرت نظراته طلع كارت من جيب قميصـة حطة بيدي وسحبني لصدرة ولف ايدة
على خصري حاولت اقلص نفسي
منه بس هيهات جان أقوى مني
طبع بوسة على شايفي وهمس
:-گيمر عرب شفايفج تنضاك ما تنباس
ختلت توازني ولعبت نفسي ماأستوعبت الصار بثواني دفعته وصكيت على سنوني
صحت بغضب:وووقح
ضحك وعافني وطلع وكعت على الارضية اباوع على ايدية ترجف گلبي
يضرب بقوة عبالك طالعه من سباق ثواني اريد استوعب الصار قبل شوي
زحفت من الحمام احس جسمي باد وروحي خاوية الموقف مو هين مو مبالغة بس يجي شاب ما تعرفي
ييقرب عليج ويسوي الي يريدة ويروح بكل وقحه وبعز النهار وبمستشفى
وبمكتب دكتورة بدون ما يحسب أحساب لاي شخص شي يرعب ويخليك ما تندل دربك منينين
كعدت على كرسي ورة المكتب غمضت عيوني بقوة احبس أدموعي ياربي شدا يصير
وأستوعـب الصـار
فزيت على الباب نفتح بقوة يالله هو اي نفسه كمزت وصرت ورة الكرسي
ابتسم اتقررب اجة من جهة اليسار تحركت بسرعه من جهه اليمين
حك لحيتة حجة بستمتاع
-: شنو نلعب الفارة والبزون
حاولت افلت بالعزيزة لان كل الافكار السودة اجت بالي بس جان اسرع مني قبل
لا أوصل الباب كمشني من معصمي دارني علية وقربني لصدرة
شبل:-وينن
رديت بنبرة رايحة من البجي-: عوووفني الله يخليك
حجة بستفزاز-: الله لا يخليني اذا أعوفچ
:شبللللل…
أثنينه لتفتنة على مصدر الصوت جان شخص اسمر طويل ضخم هيئتة تخوف ابتعد عني وجاوبة بتهكم..
شبل:-شتريد من نعل
:-شبيك تعال نروح يلا خلص شغلنا
لتفتت علية وعض شفته وحجة:
:- دخل اخذها وياي
:لك هي لعبة تاخذها وياك امشي نروح هذا مكان عام هسه ننكبس ونروح سبعة بسود علمود حضرة جنابك الكسيف
حگ راسه ورجع باوعلي:-ما بيه مجال أخذها
:-لااااااا…
شبل-:تمام انتظرني دقايق واجي
:-لا اطلع كدامي
رد بنزعاج :-خاب گم… هسه جاي لا تخرب لحضه عليه هستوني نفتحت بوجهي
ما فهمت صيغه كلامهم كل هذا واني عيوني تتنقل بينهم بخوف وصمت مطبق
عاد هذا الرجال الضخم راح وهذا الوقح الي اسمه شبل رجع عليه
رجعت خطوات ليورة حجة ببتسامة
:- راح أرجعلج وأشوفج مرة ثانية
ما جاوبته شمر بوسة بالهوة وطلع
انيهم اول ما طلع…. ركضت اخذت جنطتي وتليفون وطلعت ركض خاف يرجع مرة ثانية
جنت مشدوهه واتنفس بسرعه وجسمي يرجف
اصدمت بشخص بدون ما انتبه
گال-:الـله
رفعت راسي جان بسام عگد حواجبة بستغراب
-:يـارا
رديت بتوتر:-هـااا
بسام-:خير شبيج خوية
ماعرف شكلة شكلي ما يوحي اني بخير وما بيه شي شفته مركزز على ملابسي
انتبهت اني بعدني لابسة لابكوت مال اختي
بسام:- يارااا خوية شكوو وضعج مو طبيعي
:-ها لا ما بيه شي
عفته وطلعت صاح وراي بس ما هتميت وكفت خارج المسشتفى بعدني يم دخولية تقريباً
دا اطلع تليفوني لمحتة من بعيد واكف يم مجموعة ويحجي وياهم انتبه عليه و ابـتسم
بلعت ريگي برعب رجعت لداخل لمستشفى شفت بسام بعده واكف ويحجي ويا مريض
صحت متوترة:- دكتـور بـسام
رفع راسه:- ياراا
يارا:فدوة ممكن توصلني لبيت اذا ما صير زحمة
جنت احجي وارجف كوة واكفة والخوف محتل جسمي اريد اتماسك ماكدر
بسام-: صار دقايق بس اخذ اجازة زمنية واجيج
هزيت راسي بـ اي كعدت بالممر واني التفتت يمين يسار احس هذا المختل موجود
شفت بسام جاي كمت اتحركت بتجاهة
طلعنه جان مخلي سيارة بالكراج الخاص مال
مستشفى جنت ادور بعيوني اريد اشوفة بس ماكوو اختفى قبل شوي جان هنا فص ملح وذاب
اول ما وصلت سيارة انعكست صورتي على جامة شعري مخربط والحمرة طالعه صفح صاعدة على خدي
وضعيتي ما اسر اول مرة بحياتي يصير وياي هيج موقف ما اتمنى لعدوي
وصلني لبيت بدون ما يسالني شي او اي كلام اتشكرت منه ودخلت
بوجهي لغرفتي… دخلت لحمام فتحت الماي وذبيت ماي على وجهي
بجيت وعيطت بصوت عالي استغليت فرصة محد هنا وطلعت المكبوت بگلبي من قهررر
غوشت عيوني وتحركت كوة ذبيت نفسي على فراشي بتعب مهدود حيلي
منـو هذا ومنـين يعـرف أختي
وليش هيج سوة وياي
.
.
ليـان:
اليوم الظهر من رجعت من دوام البيت هدوء صارت عيني على يارا
كاعدة وحدهة وصافنة مو مثل كل يوم تضحك وتنكت اليوم مالها صوت
شي يحير اكو شي مو طبيعي حزينه ومهمومة
حجيت وياها وماكالتلي شكـو
:-يارا
حجت مرتبكة:-ها ليان
ليان:اكـو شي شو صافنـة اليوم
يارا:-ماكو شي
تحجي والعبرة خانكتها يعني الحزن واضح على صوتها
ذكرتني بمقولة لجيمس كليرك… يكول بيه
“الحزن لا يجيد الاختباء قد يلمحه الاعمى في تضاريس صوتك… “
نحنيت گعدت يمها:-شبيج يا گلبي..
مسحت وجهه وجرت نفس بحزن راحت لمطبخ
تبعتها اخذت ماي من براد وايدها ترجف نذهلت
ليان:يارا…. ترا قلقتيني شكوو
غمضت عيونها وحضنتي وصوت شهكاتها أتعالت
طبطبت على ضهرها بحنان وضميتها
ليان-:يعمري منو وياج بابا مزعلج شي بعدين انتي شوكت رجعتي مو على اساس نرجع سوة ونروح لبيت عموو
ابتعدت وهي تمسح ادموعها وصوت
شهكاتها ما دا يروح
حجت كوة:-ما بيه شي ..بس اليوم اذكرت ماما وطلعت اصورها وبجيت
ما قنعني كلامها بس ما حبيت أضغط عليه
كلت خلة تهدى وبعدين افهم شكوو
يارا بطبعها تحجي وما اضم اصلا ما عدها شي اسمه سر
اول وتالي تحجي…
ندك الباب هي نخطف لونه صاحت-: منوو
ليان:شبيج حبيبتي يعني منو اكيد بابا
يارا-: ها ايي
رحت حتى افتح اجت وراي بسرعه حطت ايدها على الباب
حجت بتوتر:- اوكفي خلة نكول منو
تنهدت بملل:-يارا صدك تحجين شو بعدي افتح
يارا: لا فدوة
ليان:تمام
.صحت منو اجاني صوت بابا باوعتلها بعدم رضا وخرتها عن الباب
فتحت دخل بابا حضنتة وهي واكفة
يعني شي يحط العقل بالكف شبيها
كالها وهو يفتح ايدنة مستغرب
-:شنو اليوم ماكو حضن لأبوج
نتبهت جنها شاردة بالها مو يمنة حضنت بابا
وأني اخذت ملابسه منه علكتهم بالغرفة
وهي كالت راح احضر السفرة
بابا جان يصلي دخلت لمطبخ شفتها مخلية الكدر على طباخ وراكية راسها على جامة مال شباك
وعينها لحديقة زين ما ناشف ومحترق الاكل حجيت بحدة- :يارااا
فزت مخطوف لونها فركت اديها متوترة
-: ها
ليان:- ترا خبلتني.. اكيد صاير وياج ورة الغداء تحجين لا اصير مو خوش
غيرت الموضوع بسرعه راحت كعدت على سفرة
-:اني جوعانه
تنهدت أخذت الاكل صبيت اليوم سفرة فارغة بيت عموو انتقلو لبيتهم صراحه تعودنا عليهم
بقى عندي نسخه من مفتاح بيتهم واغراض عود بالليل انروح ليهم
بابا كال ناخذ هدية الهم وهم نبارك الهم.. يارا جانت مكيفة الصبح
بس هسه مخلوسة عبالك طافرعليها جني
_________________________
عيون الناس تحسد كل حبيبين وتريد ابتعد عنك واعوفك كاعد ليورة بسيارة لواء واسمع للاغنية احس كلمات رقيقة بدرحة يمكن تنكسر و تدخل للگلب
احس روحي احب واني كلشي ماعندي رجعني صوت لواء يسأل عنهة كتلة ما ادري ..بدة يتأفف صار ساعة منتظرينهة ..گوة كعدتهة من نوم كلت اكعدهة من وكت حتى ما تأخر
دگ هورن قوي فززني و التفتو الولد الكاعدين بالشارع عليه بستغراب
طاحت عيني على ابن جيرانة خرب غيرتة الرجل العاري وعلي صاك لو اني بية خير جان زحفت عليه
من باوعلي نصيت عيوني شوية ومرت دليار بسرعة من جامة فتحت الباب الكدام شمرت حذائهة و تلفت جنطة ليورة علية
وخرتهة بنزعاج : وجع كون ماتشوفيني كاعدة
دليار: اسف اخرتكم تبدة صبغ الاضافر على ملابسي و غيرتهن … حباب لواء اوكف شوية بس اصلح جهرتي
فتحت العلبة مال الكريم خلت بسرعة وشمرتهة علية نوب طلعت الايلاينر خلت عابتلج واني اضل ساعة اتعارك ويا
حطت حمرة و ودت بوسة لوجهة بالمراية وگالت لواء تحرك
هز ايدة عليه و طلعنة وخرت جنطة دليار و ضميت مكياجهة
دليار خلت راسهة على جام تريد ترجع تنام ..تقربت ليكدام على لواء
اسوة: اكلك هوة منو هناك خالتي موجودات لو بس احنة
لواء: باجر يجن بس نسرين و غسق هناك
أسوة: يااا عزة نسيرين هناك هسة يعلگنهة هية ودليار
لواء: اي يهجمن بيوت
دليار: لاتحجي عليه لا أهجم بيتك
التفتت عليهة: انتي مو تردين تنامين ..نطمري لعد
دليار: بطلت ما انام هو ابن خالج يخلي واحد ينام مشغلي اغاني دشغل قرآن دعاء شيء
لواء: ماعرفتج شيخ دليار مطورة منين اجت هاي الديانة
دليار: اوووي شگلولك علية
لواء: وجعوي شبيج تعوين
دليار: ما اعوي هاي كملة مال دلع بس انتة وين سامعهة
لواء: منتظرج تزوجيني واسمعهة
اسوة: تنتظر هواي اخوي العزيز
دليار: هههههه نصيحة لا تنتظر اصلا يجوز تسمعهة بس مو مني
تقرب منهة وحجة : سمعته و منج هم مالة داعي الانتظار
دارت عليه بكل جسمهة وركت ظهرهة ليورة : اسألك سؤال بس تجاوبني بصراحة مطلقة
لواء: گولي
دليار: انتة ليش خطبتني
حجة بساطة: لان احبج
وگع الجهاز من ايدي واني اباوعلة بصدمة ..دليار فكت حلكهة علية
رجعت حجت بهدوء: ليش تحبني اني خو حب أسوة اني وياهة نتشابه شنو الخلاك تختارني
لواء: صح انتن نفس الوجه بس مو نفس التصرفات اني احبج انتي احب اسلوبج و تصرفاتج و ضحكتج وعصبيتج ولسانج الطويل انتي الجذبتيني مو وجهج
رجعت بجسمي ليورة وحس صخنت من الاحراج و هيه ولا كأن تناقش سكتت شوية ورجعت كعدت طبيعي
دليار: ذاك اليوم گلتي ماخليج تزوجين غيري ترة مو من حقك انتـ..
لواء: جنت معصب وانتي عصبتيني انسي لحجيتة الج حرية اختيار حياتج معليج بية
دليار: شبسرعة استسلمت
سحب جگارة من باكيتة وبدة يدخن التفتت على دليار و نفخ بوجهة كشمت : ايع شبيك
لواء: الحجية گالتلي انتي موافقة بصراحة حتى اني استغربت لذلك صار الصار ذاك اليوم
رجعت ليكدام : عزة احلف والله بيبي ولا تكعد راحة
دليار ولعت من عصبية: فدوة منو گالهة اني موافقة هلو ترة محد گلي ابد على الخطوبة ولا أدري لحد ما بابا گال
لواء: اييي دريت ..انسي
اجت تحجي شيء بعدين سكتت نوب التفتت علية : وشسمة ترة اني اعتذر منك اعرف جاوزت ذاك اليوم اسفة
أسوة: هلو شوراج . منج من الله
دليار: لا بس اثرت بية المشاعر الصادقة ..سامحتني لو لا
لواء: اييي شكم دليار عدنة تمونين
دنگت راسهة : وشسمة شكراً لان تحبني واسفة
لواء: مالة داعي تشكريني او تتأسفين خلي الي بالگلب بالگلب
وراهة سكتنة هو بقة يسوق بهدوء وطفة الاغنية صدك وشغل قرءان
ابتسمت واني اباوعلة والله دليار خسرانة لواء ما يتعوض حباب و مبين صدك يحبهة بس هية ماتحس
خليت راسي على الجام وبديت اغفي خل انام شوية على ما نوصل
.
.
نسرين: شگد سامعة هاي القصة
دليار: صار هواي من اجيت لخوالي ناسية تفاصيل هههههه
نسرين: اسكتي اني بزعت كد ما اجي و اسمعهة
دليار: بيبي ذكرني بالحكواتي لباب الحارة
نسرين: هههههههه
: شبيجن تبسبسن تحجن عليه
دليار: لا بيبي شنحجي عليج بس جنت أكول لنسىرين شرأيج نسوي كيكة مادام كلنة مجتمعين
غسق: اييي حبابات كومن شتهيت شيء حلو
نسرين: لا بالله واني اطبخ لحلكج الحلو
دليار: دنجبي وگومي’ همستلهة على كيف حتى بيبي ما تسمع : وجع اريد حجة اگوم بيهة رجلي خدرت
نسرين: يالله گومي شلون تورطين الواحد
گمنة اني وياهة للمطبخ نحظر مواد الكيكة و بيبي رجعت تقرة بقصة حياتهة للبنات ..صار يومين من وصلنة للبصرة اجو عماتي وبناتهم و هوستهم بيت عمو عارف امتلة
بس بابا و ماما ما اجو لان بابا عدة محاظرات يريد يكملهن بعد مدرس رياضيات وعدكم الاحساب
نسرين: هسة شحط
دليار: حضي ..اكو وحدة ماتعرف تسوي كيك
رجعت شعرهة الليورة وحجت بمياعة: ماكو كيك يعرف يسوي كيك
دليار: منو الكيك انتي .. هههههه حكاكة مال دولة هواي عليج
كعدت على الكرسي بالمطبخ: اويلي يابة شلون شهيتني خرب
حطيت المواد يمهة وكعدت اسوي بيهن : كومي شعلي الفرن على ما اكمل
نسرين: اوووف شورطني وياج
دليار: نجبي وجع خالتي شلون حاملتج فاهية
نسرين: دولي انتي فاهية اني حبيبتي الصغيرة المدللة محد يكرب علية
دليار: دسكتي لاتسمعج بيبي طيح حظج صفح
حطت القالب گدامي وگعدت تلهث جذب: گلبي راح يوگف دكتور گالي لاتشتغلين
باوعتلهة صفح : تخرخرين عيارة
كملت وخلية الكيكة بالفرن وقتة وسحبتهة وراي وطلعنة للحديقة : عدي سالفة مهمة وياج مدري شلون بقت ابطني يومين و ماحجيتهة
نسرين: عليج الله گايمة ضمين علية
دليار: شضم عليج هو اني اشوفج مرة بالسنة وگت الگضة و المضة ..ماتنطيني رقمج ترة بنية اني والله
كعدت وحطت رجل على رجل : الحب مايقبل
غميتهة وگعدت : وجع اكره هاي انطيني رقمج و اطيج رقمي خلينة هيج اشوفج مرة بالسنة ونجي بشوگنة وحرارة اللقاء حتى ما نمل من بعض
دليار: ارجع و اذكرج اني بت عمتج مو حبيبج و امداج على هذا المنطق الطافر
نسرين : معليج مني سوالفي يالة فضولي صعد
دليار: احم احممم
نسرين: غير كون تحجي بت الحلو
دليار: لواء خطبني اخر مرة اجو لبغداد و رفضتة و قبل يومين من جابنة اعترفلي
ابتسمتلهة ابتسامة جبيرة بقت فاگة حلكهة علية : گولي والله اربع مرات عليج الله واني ما ادري
دليا: والله اربع مرات
نسرين: حمسس خاييينة ليش ما گتيلي من ززمان ..ليشش رفضتي هوة هذا الجنة سراميك الكاظم ينرفض
دليار: وجع زرفتي اذني بعدين اكيد ما راح اقبل توني بعز شبابي شمالني مزوجة
نسرين: بس وافقي خطوبة وبعدين زواج كبر انتي ما تحسين
دليار: غصب خو مو غصب اني ماحب لواء ماحس بمشاعر هيج ولا احب اي شخص
نسرين: باعي حبيبتي الحب يجي ورة هواي مواقف و وكفات من تعيشين وية شخص و تحسين بي يحترمج و يهتم بيج راح تحبينة..هوة مسلسل هندي وتردين حب من اول نظرة شنوو
دليار: وجع لا مادور حب ولا مفكرة ..بس بالله باجر عگبة تزوجتة وبقيت جني سطل ماحس
نسرين: لا تحسين معليج هو انتي وين شايفتة كل خمس سنوات تسلمين عليه من بعيد تعرفي عليه
دليار: وانتي كتيهة كل خمس سنوات اشوفة من بعيد يمتة لحك يحبني مجرد اعجاب معليج وية الايام يروح
نسرين: شدراج انتي گاعدة بگلبة كبر ..كومي الحجي وياج مابي فايدة ..خل نشوف الكيكة
رجعنة للمطبخ طلعنة الكيكة وجاي اقطع بيهة ونسرين تسوي عصير..دخلوا الولد كعدت لواء اخذ كلاص عصير و اجة امير اخذ قطعة اكلهة ورا رائد مد ايدة يريد ياخذ
صاحت نسرين عليه: عيني رائد لاتاكل بيهة سم مال فار لا تموت نوب
باوعلهة امير صفح: جا اني ماتخافين علية خليتني اكل
نسرين: لا انتة ماتموت
أمير: ليش ما اموت ست نسرين محلفتني شنو
حجيت بفهاوة واني اقطع بالكيكة : لا تخاف العار ما يموت
لواء: دليااار
رفعت راسي لگيتهم يباوعولي خليت ايدي على حلگي: خرب وعلي اسفة مو قصدي امير اني احترمك وعلي جفصت
أمير: امداج عوبة
دليار: هو مو صوجك صوجي اعتذرت منك
لواء: دليااار
أمير: سم فوگ ما غلطانة مانة علية
رجع لواء يصيح علية التفتت عليه: ها شبيك
لواء: ايدي اريدهة شلون اكل
نصيت عيوني طلعت لازمة ايدة عبالي الماعون صدگ استحيت بوگتهة خرب: عزة اسفة عبالي الماعون
نسرين: الله شلون ماعون يخبل
حجينة اني وامير سوة: نجببي
قدمت عصير لرائد وكيكة وراحت سدت باب المطبخ الداخلي : لحد يحجي اكلوا واسكتو حتى عبادالله مايجن
دليار: گبر غير منتظرات
تخصرت وهية تهز : يااا فدوة يمة واني اطبخ وغسق ام حلك الفاهي تاكل ربحنة
كعدت صدك قنعتني طلعت كريمة من الثلاجة وكعدت يمي
دليار: شسمة صدك ياهو منكم كاعد باجر
أمير: اني و ما اخذجن لأي مكان جايات لعرس رائد خل هوة يحير بيجن
رائد: يدللن شعدي غيرهن وين ماتروحن اخذجن
نصينة اني ونسرين ادية حجت هية: يمة فدوة حرامات بيك العرس صير اخوي عليك الله
دليار: من افكر بيك راح تزوج ينعصر گلبي تعال اسلفنك واخذك وياي
دنگ راسة يضحك ومستحي كلش مؤدب رائد يعني صدك حرفيا يخجل
أمير: شگد صلفات الولد ماع وانتن ولا جنجن عود بنات
نسرين: واذا بنات عيني احط راسي بعبي شنو
ضربتهة على راسهة: مو هيج ثول
شوية واندفر الباب دخلن اسوة و غسق وميادين: شسوووون
دليار: نتسمم
لواء: رحمة الله والديج
دليار: والديك
أسوة : اني اريد دلياار
دليار: تعاي حبيبتي گعدي بصفي شگم نسخة عدي اني حتى كيكة ما مرت ابلعومي من اكلتهة
نسرين: نهجم بيت العيارة صارلج ساعة تلغفين
اجت اسوة حضنتني من جهة وكعدت بصفي: يمة اموت عليج ذولاك الناس غيرانين
لواء: احسجن مختلات
نسرين: اي وعلي ايع شهل المشاعر المسحوكة
أسوة: كاتلتج الغيرة ‘رجعت علية باستني
دليار: مو جنج رحتي زايد وخري صدكتي
وخرت اديهة وكامت تاكل: اي اني هم لعبت روحي طيني عصير
غسق: الحمدلله وشكر عيارتجن تنگط
دليار: احسن ما تنگط اشياء ثانية
أمير غص بلگمة و لواء رفع راسة علية: طاحظج اي والله
غمزت و حجيت: ههههههه اعجبكم بعدم حيائي
أمير: مفتخرة بت حميد
أسوة: رجاءا امير لاتخرب اسم بابا ما اسمح
غسق: اوي الرقيقة شسوين عيني
أسوة: اطلب منة بأدب أكثر
رائد: اصلا حرام عليه اذا ما اعتذر ورة ما تحجين بأدب
أسوة: اشكرك خوية بس انتة تفهم
لواء: تعلمن
نسرين: أمير تعلم و علمني
دليار: هههههه احبج وعلي
