رواية امرأة في الاربعين الفصل الثالث 3 بقلم نورا الرماحي

عندما كنت صغيرة كانت الحياة تبدو بسيطة بل ومرحة أيضا .. ..

كنت أظن أن العقوق هو إستغراقي باللعب إلى ما بعد المغرب في رفقة أصدقائي ..

كنت أصدق أن أسوأ الأصدقاء هو من يسّب الآخرين ..

وأن أحسنهم هو من يمشي كل يوم إلى جانبي ..

كان مفهومي عن الحب هو مجموع إسمينا أنا و حبيبي مكتوباً على طاولة المدرسة ..

كنت أظن أن الدراسة بجد ستضمن لي عملاً أفضل من عمل أبي في بلادي مستقبلاً كما كان يقول أبي ..

كنت أخاف أن تراني امي ألعب بعد المدرسة فأختبئ حتى لا توبخني ..

كانت أكبر مشاكلي هي نسيان تماريني أو تبرير غيابي ..

كان الملتحون يمثلون عندي الدين بأم عينه فأهاب أن أمر بهم دون أن ألقي السلام أولاً.. كانت العطلة ممتعة لدرجة أتمنى أن لا تنتهي أبداً ..

رغم ذلك كان الدخول المدرسي بمثابة إحتفال عندي فقد أحببت الدراسة بقدر كرهي ليوم تأتي المعلمة متأخرة وقد ظننت أنها لن تأتي ..

كانت طموحاتي غير محدودة وأحلامي أكبر من حجمي بعشرة أضعاف ..

كبرت أنا وصغرت أحلامي ..

وكلما كبرت أكثر تخليت عن حلم آخر وأدركت أنه إنفلت من بين يداي ..

أدركت أن جزءاً من كون الأمنيات لا تموت أنها لا تتحقق أيضا ..

صرت أعلم أن الحب لم يكن يوماً بتلك البساطة .. وأن من نحبهم لا يحبوننا في الغالب ..

هذا شيء لازلت لا أدري لما لأنني لطالما إعتقدت أن من تبحث عنه بالضرورة سيبحث عنك ..

وأن الأصدقاء ليسوا بنفس الوفاء الذي عهدتهم به في الرسوم المتحركة ..

إكتشفت أيضا أن حقوقي في مجتمعي صارت هي أقصى أحلامي ..

وأن الدين ليس رجلاً بلحية وقميص أبيض .. وأن الشرير ليس بالضرورة أن يكون قبيح الوجه وعيناه حمروتان ..

وأن جمال الأوجه لا يعني جمال القلوب .. لم أعلم كذلك أنه سيأتي يوم أصير أكذب فيه على نفسي ..

وأخبر نفسي كل ليلة أن غداً سيكون أفضل من اليوم ..

الآن أيقنت أن لا شيء كان بتلك البراءة ..

بل أن نظرتي هي من كانت بريئة تجاه كل شيء !!!!!!!!

……………..

ظلت علاقتي وية مثنى سرية بس اختى ماجدة جانت تعرف بيها وجنت احجيلها كلشي

طبعا ايام الي مايجينا مثنى اتفق وياي يخابر على التليفون الارضي ويدك مرة وحدة ويسدها ويرجع يدك مرة ثانية ويسد ولازم بالدكة الثالثة اجاوبه طبعا اذاماكو احد بالمرة

هو جان يكدر يخلي خواته يطلبوني عادي واحجي وياه بعدها لكن خوفه علية مثل ماكان يكول مايريد احديعرف بعلاقتنامن اهله…

مرت الايام وراح الصيف واجى الشتا واجت ايام الدراسة للسادس قررت هلسنة اطلع معدل زين احسن من الي قبله جان عندي حلم اكمل كلية اذا اجيب معدل اعلى….

وطبعا مثنى متكفل بتدريسي الانكليزي والرياضيات.. كل خميس وجمعة يمنا يبات والسبت يطلع للدوام من عدنا يروح ويةاخواني…

مرة من كعدنا حتى يدرسنى لكيته صافن علية..

باوعت عليه كلي تعرفين هيام… لوانتي مرتى هسة شجان سويت بيج.؟؟؟

ابتسمتله بخجل وكتله شتسوى..؟؟؟!

كال حتى قراية ماخليج تدرسين وبرة الغرفة هم مااطلعين احبسج واكعدج بحظني واشبكج حتى بعد محد ياخذج مني ..

ضحكتله كتله هم زين كتلي حتى مااقبل بيك ههههههه تقرب لزم ايدي وباس كفها مثل كل مرة بس هلمرة حسيت بوسته بكفي خلتنى اذوب ويختل توزاني

لوجنت واكفة يجوز جان اغمى علية بس هم زين الله ستر كاعدة غمضت عيوني ورجف ايدي جوة شفايفه حس بية شال راسه وحط عيونه بعيوني

وكال بهمس شبيج ترجفين؟! كتله واني اتراجف بكلماتى لايمكن بردانةةةة

لهذا ارجف..

باوعلي وشال تك حاجب وكال لاهيومتى انتى تحبيني وذبتى ورجفتى من بوستى لكفتج

متت بدمي من كلي هيج احمرت خدودي وجاوبته واني دايرة وجهي واريد اكوم اروح اقرب صوبة علاءالدين ليمنا

كتله لاصدك بردانه…

لزمنى من ايدي وسحبنى وقربنى منه والتهم شفايفي ببوسة انى انصدمت وضاعت علومي بعدته ودفعته من صدره…

رجع سحبني

دنكت من خجلي كتله برجفة كاااافي ممممثنى

ارررررجوكككك..

كال بوسة بس من خدج الايمن وكافي..

كتله لا… شال وجهى اله باصابعه…

صارت عيوني بعيونه كال هيومة عمي شخلف من اسلحة دمارشامل لج اضيع بعيونج بس اشوفهن…

تدرين من يمتى احبج وانتي جنتي ماتحسين بية من يوم جان عمرج خمس سنين صعدتج بالباسكل حتى افتر بيج لان جنتى تبجين وتريدين تصعدين باسكل ماهر

وكالعادة ماهر جان خبيث ههههه بيومها انقهرت عليج ودموعج جانت على خدودج تنزل مثل اللوللي جوة الشمس واجيت صعدتج وياي بالورة حظنتيني من ظهري وكلساع من فرحتج جنتى تصيحين وتكولين

ااااحبك مثنى…

حباب مثنى …

وفرحتج كانما طائرة بالسما..

من يومها كمت احبج ومن نزلتج بستينى من خدي تتذكرين؟

جان عمري١٠ سنين حبج سرى وية دمي..

صرتى بنت گلبي..

كمت ابتسم كتله اي اذكر جنت اعتبرك مثل ماهر اخوي اخ الي مو ابن عم.

كال وهو حاط عيونه بعيوني وهسة هم تعتبريني اخ لو ابن عم؟؟؟!

كتله بهمس وبخجل لا..

كال لعد شنو هسة كملي..

جاوبته واني احط ايدية على وجهى من الخجل هسة ابن عمي وووو حبيبي

كال فدوة لله لحبيبتى لعد بوسينى بخدي مثل ذاك اليوم من جنتى زغيرة..

كمت اضحك واتقربت بسرعة خاطفة بسته من خده ووكفت وردت انهزم هو وكف ولزمنى مرة ثانية وسحبني اله وخطف شفايفي بشفايفه..

فجاءة سمعنا صوت فتح باب وخر عني هو و سحب نفسه منى لان حسينا اكو حركة بالبيت..

لان جانت عصرية يوم خميس وماما وبابا جانوا رايحين لسوك ماجدة نايمة واخواني باهر وساهرطالعين لعرس واحد من اصدقائهم وماهر مانزل للبيت هلاسبوع من الكلية العسكرية جان عنده امتحانات ويداوم بديالى بالكلية ب خان بنى سعد…

وبيبي جانت هم بغرفتها وتصلي لان من طلعت ماما وصت بيبي انها تكون عينها علينا..

اتخربط كيانى من بوسة مثنى كمت استاءذنت منه و بسرعة رحت اريد اركض اصعد لغرفتى واني اصعد اول باية سحبتنى بيبي من بلوزي من الياخة ودفعتنى لغرفتها بسكتة وهي تأشر اكتم نفسي..

بس دخلنا ضربتنى راجدي وتفلت علية وكالت بهمس وهي تصك بسنونها ولج هاى تربيتنا الج هاي

تخونين ثقة ابوج واخوانج لو امج شافتج بمكانى شجان سوت بيج

يجوز جان علكتج بالمروحة

كتلها ودموعي تصب بيبي اااني والل….

حطت ايدها على حلكى كالت اششش ولاكلمة

ماريد اسمع كلمة ولج انتي ليش تورطين نفسج وية ابن خيرية وتعرفين زين هي شلون تغاروتكره امج هاا..

ولج هاى خيرية بس اني وامج نعرفها شنو اول مدخلت بيتي هدمته على راسي كتلت جدج بمشاكلها ويانا و فرقت الاخوان وخلتنى صاحبة امراض وعلل

وبيعتنا بيت جدج واخذت حصتها حتى بس تكون قريبة لبيت اهلها تتصورين تاخذ من عدكم مرة لولدها…

طبعا هي تحجى واني دموعي تصب كتلها بس بيبي هو يكولي احبج وراح اخطبج بس اتخرج وعمي يحبنا اكيد راح يخطبني

باوعتلي بيبي واتنهدت وكالت اذكرج.. والزمن بينا ونشوف..

بس انتى منا لحدمايخطبج اثكلي ووخري عنه لاتنجمعين وياه وحدكم هيج ماطول حبج

والشيطان شاطر و ما مات خليج كدامنا ولاتصيرين سهلة اله بعدين مايحترمج..

اسمعي كلامي بيبي لمصلحتج احجي. امج وابوج وحتى اخوانج وخواتج يحبون مثنى لان اتربى يمنا وحنين مثل ابوه …

ابني لوماحنين جان مارجع راضة اخوانه وصالحهم ورة ذيج المشاكل

بس خيرية حية..بالوجه مراية وبالكفة سلاية

وعمج ابنى واعرفه يحبها اذا رادت شي منه تحصله واذا ماقبلت على شخص هوهم مايقبل اكيد ماراح ترضى بيجن بنات جورية تكونن چناين الها.

فهمتى يامدمغة وكرصتنى من خدي وباستنى كالت تعاى نروح وخلي يدرسج كدامي روحي غسلي وجهج وسوى جاي وجيبي كليجةوتعاي يمنا ولاتخليه يحس اني شفتكم..

واني الكم منا وبعد

بعدين شافتني بعدني ابجي

اتقربت مني وهي تمسح بيديهاعلى راسي

وكالت اني لو مااحبج يابيبي جان هسة لعبت بيكم جولة بس ماردت افشلج كدامه من باسج

و ثاني شئ كلت اني الزمج وحدنا واخليج على علم واعلمج شلون تتعاملين وياه

تدرين ليش؟؟

كتلها واني بعدنى ابجي ليش بيبي؟؟؟

كالت لان اتمنى مثنى ياخذج وماياخذ غريبة لان حرامات يروح من ايدينا هو هم حفيدي وكل بيبية تتمنى احفادها يكونون قريبين عليها واشجع زواج احفادي بينهم

وان شاءالله مثنى ياخذج غصب عن امه.

كتلها واني امسح دموعي واحظنها ان شاءالله بيبي ان شاءالله…

…………………

بيومها ظليت يومي كله افكر بكلام بيبي وبليل كمت افكرواكول صدك يعوفني مثنى علمود امه ومايخطبني وارجع اذكر سوالفه واكول لا مايسويها مايغدر بية هو يحبني وظليت افكرومانمت الاوجه الصبح.

طبعا الايام الي ورة ذاك اليوم من لزمتنى بيبي كمت اتجنب مثنى اشكد ماكدر ….

اكعد وياه كدام الكل ماانفرد به وبيبي اصلا ماتخلينا وهو من جان يدرسنى مرات يكتبلي كلام على الورقة وارجع اردعليه كتابة (يعني جان خاص مال وكتنا هذاهسة هنيالكم على البرامج التواصل الي عدكم).

لان جنا مانكدر نحجي كدامهم شي بس امه ست خيرية جانت كل مايجونا ويجتمعون عدنا وتشوف مثنى شلون يدرسنى وكاعديمي تكصني كص بنظراتها بودها تاكلني اكل .

بيوم جنا كلنا مجتمعين احنا وبيوت عمامي يمنا بيوم جمعة

كالتلي ام مثنى كدام الكل هيام انتى هسة مسيطرة على المواد الدراسية هيج بهل طريقة وهذا ثاني سنة تعيدين سادس؟؟؟ اكو طلاب بالمدارس وتدريس مدرسين ومايدبروها مو انتى رسبتى بالخامس سنتين

كتلها اي خالة صح رسبت لان علمي جان مو ادبي الادبي شوي ارحم واسهل اني بالعلميات موزينة جنت والدليل السنةالفاتت دبرتها ونجحت من السادس الادبي وخارجي بس بمعدل موعالي وطبعا مثنى هم ساعدنى ماقصر وباوعت لمثنى لكيته يبتسملي

رجعت كالت ست خيرية اي مثنى متعلم يدرس كل الفاشلين ويهمل نفسه وهو مايشد حيله ويهتم بدراسته بدل مايدرس يجي يكظي ايامه يمكم حتى يدرسج..

باوعت لعمي ومثنى لكيتهم اتعصبوا حيل وعيونهم تخازر على خيرية..

عمي جاوبها كال منو الفاشل ماكو فاشلة غير ابتهال الي صارلها سنتين بخامس تجاري

ردت خيرية عليه طبعا تفشل ماكو اخو يراجعلها ويدرسها ملتهي باللواكة (عود تقصد مثنى يتلوك النا)

عمي كام على حيله وصرخ بيها وكللها كومي يلة للبيت لااذبين سمومج اااامشي عمي حس باهلي الي كاعدين وساكتين ومحد حجي منهم عرف اهلي حسوا بالاهانة لبنتهم لذلك اخذها عمي رغم بابا راد يكعدهم ويكملون سهرتهم عدنا.

بس ماقبل عمي واعتذر من بابا وراحوا .ومثنى بقي بس اهله كلهم راحو..

كام يعتذر مثنى لاهلي من كلام امه.. اخوية باهر صار عصبي علية

وكال انتى ماتنجبين تدرسين لوحدج منا وبعد واندار على مثنى وكله بعد لاادرسها اذاشفتك جاي ادرسها قسمابالله اشك كل كتبها واكعدها وتنجب وخلص بلا معدل بلا بطيخ..

مثنى كله شبيك صلي ع النبي شنو ذنبها هي مامسوية شي اني تبرعت ادرسها

باهركال لا ماادرسها بعد انت احنا موجودين وماجنا ناقصين حجاية من امك الحية

بابا وكف وصرخ على باهر

وكال انت شنو اشو ماتحترم احد كاعدتحجي وكأنما انت ولي امرها وتغلط على مرت عمك

باهر كال تستاهل الغلط هي…

بابا راحله كبل وضربه راجدى وكاله مهما كانت تحترمها لخاطرعمك وبس وبعياط كله امشي من كدامي وروح.

احنا كلنا انصدمنا من الموقف… رجع بابا اعتذر من مثنى من تصرف باهر وطلب منه بهدوء انو ماله دخل بتدريسي.

قبل مثنى ومن يومها كمت مااشوفه هلكد وكام مايجينا لان باهر حيل شد وياه.. وحتى التليفون كام مايخابر الظاهر الحية امه تراقبه.

مرات جنت تالي الليل اسمع يدك التليفون طبعا جان دليل انو هو يفكربية ويحبني…

كام عمي هويجينا بوحده ومرات البنات وياه ومثنى بس من تتمرض بيبي كام يجى ومرات بالباب اوبالحديقة ويةماهر.

اخوية باهر كام يضوج مني ويلزم اي حجة علية بالبيت حتى يكتلني بيها طبعا ماما تصير وياه ضدي بس بيبي وبابا جانوا منقذين الي من ايده..

ااااه يا ابن امي وابوي شكد جنت قاسي وياي .

خاصة من جان يجينا مثنى يتخبل علية..

وصارت حسرة علية شوفة مثنى..

ما لعيني كلما اغمضتُها

لاح في الاجفان طيفٌ من سناك

ما الذي اصنعهُ ما حيلتي

وأنا في كل ما حولي آراك

……………….

بيوم اجانا عمي ابو مثنى وكعد يسولف وية بابا وماما وبيبي واني جنت تونى ادخل وصينية الجاي بيدي حتى اقدملهم….

ابومثنى.. والله يااخوي اجيت اليوم اريدك تجى وياي نروح نخطب لمثنى بت خالته اليتيمة لان مثل ماتدري اخوانها مزوجين وهاي ملطوشة بينهم تكسر الخاطر وام مثنى تكول نكسب اجر بيها اذا زوجناها لمثنى وخاصة هي حلوة وزغيرة.

طبعا من سمعت كلام عمي گوة لزمت نفسي حسيت غيمة سودة اجت على گلبي وحسيت بخنگة كمت گوة اجر النفس..

بيبي انتبهت علية وباوعتلها شفتها تغمض عيونها وتفتحها الي وكأنها تكولي سمعتى موگتلج…

قدمتلهم الجاي …

وطلعت برة الهول بس سديت الباب حطيت ايدي على حلكي…

ورگض صعدت لغرفتي وذبيت نفسي على فراشي ولزمت المخدة وكمت اعض بيها حتى اكتم صراخي وصراخ گلبي..

دخلت ماجدة وهي تفرك بيديها خطية من ارتباكها الظاهر سمعت هي هم شلت راسي باوعتلها وعيونى تدمع اجت حظنتنى وكمنا نبجي سوة كتلها شفتى شفتى شلون راح يخطب حتى ماكلف نفسه يكولي هيج فجاءة يخطب مافكر بية طلع كل كلامه جذب بجذب…

كالت ماجدة كافي خلي يولي ولاتفكرين بيه بعد..

كتلها شلون شلوووون ولج گلبي شينسيه …

مسحت دموعها ماجدةوكالت ينسي مثل مااكو غيرج نسوا

وگسرت گلبج الايام اداويه وتنهدت..

كتله صعب صعب والله تدرين شحس هسة شنو النار الي بگلبي هسة…

ردت ماجدة. اي اعرف اعررررف لان قبلج ذكتها…

باوعتلها وعيونى تدمع شتقصدين؟؟!! يعني انتى هم جربتي…

كامت دموعها تصب كالت بكسرة ااااي اي تتذكرين الولد الي جان وياي وتقدملي قبل سنتين؟

كتلها.. برهان مو؟؟ اي اذكره

كالت.. هوجنا نحب بعض حب بالنظرات و٣رسايل ورقية بينا جان ولدمحترم واخلاق واتقدملي شفتى ماما شسوت بيومها شلون گلبت الدنيا علية واتهمتنى عندي علاقةوياه وبان اني نزلت راس اخواني وابوي عبالك الولد ضاحك علية وهو شريف ابن شريف واجي من الباب وماجان يريد يوسخ سمعتى ويحاجينى على انفراد دزلي رسايل حتى يشوف موافقةلا وانى حبيته على اخلاقه وغيرته والنتيجة رفضوه مرتين وبابا نقلنى لغير قسم وحركو گلبي وگلبه شنو ذنبنا…راح اتزوج الولد ومنو بقي غيراختج الي مبين امي ماراح تعتقني الا اعنس وابقي بس اجيبلها راتب الها ولولدها. وانهارت بالبجي كمت مااعرف اواسيها لو اواسي نفسي.. فعلا اعرف امي وتفكيرها…

سمعنا صوتها من جوة تنادينا..

ماجدة مسحت دموعها وكالت ظلي انتى اني انزل اشوفها…

ونزلت ورة شوية صعدت گالت راحت ماما وية بابا وعمو حتى يمشون لمثنى لان بيبي ماتكدر تروح رجليها ماتساعدها هلكد.. وكالت بيبي تريدج جوة نزلت والبيت سكتة ماكو غير اني وبيبي وماجدة.

اخواني كالعادة جانوا برة.

دكيت باب غرفة بيبي كالت من ورة الباب دخلي..

اول مافتحت الباب شفتها كاعدة على الكرسي كدام الشباك وفتحتلي ذراعتها كأنها تريدنى اروح لحظنها.. ركضت لحظنها وحظنتها وحطيت راسي على صدرها وكلت آه بيبي آه.. ضمتنى لحظنها وشبكتنى گالت اصرخي طلعي كل الي بگلبج ابجي بس اليوم مسموحلج البجي ابجي… گمت ابجي واصرخ

وماجدة واكفة بالباب تشهك وتبجي اشرتلها بيبي لحظنها اجت وحظنا بيبي سوة ونبجي.. كالت بيبي كعدن انتن بناتى وصلة من گلبي سمعن رياض احمد شيكول جانت طالعة بالتلفزيون اغاني رياض احمد من حفلات مهرجان بابل بذاك الوكت.. سمعنا مقطع يكول…

حبيتك وانا ادري بگلبي

مايكدر يگتم اشواگه…

كلت واانى دموعي تصب لا مايكدر يكتم اشواگه لا..

تنهدت ماجدة وبيبي دمعتها نزلت وتجر حسرات على شوگها لجدي الله يرحمه … رجع رياض احمد يغني ويكمل مقطع اغنيته وگال…

حبيتك وانا ادري بدربي

وية دروبك مايتلاگه…

ماتحملت ضربت ايدي على صدري وكمت الطم لا لا مايتلاگه لزمت بيبي ايدية وحظنتنى وهي تبوس براسي وتمسد بشعري..

گالت يابناتى العشگ مو حرام بس بالعقل مواكسر ركبة ابوي واخوي علمود گلج احبج ومنو يگول هوصادك الي يحب مايأذي محبوبه ..

الي يحب ياخذج من ايدج ويگلج وين اهلج اخطبج منهم مو يلعب ويبوس ويتلمس والله شنو يحبج..

دنكت راسي من بيبي وخجلت گالت صدكتى هسة من گتلج خيرية ماراح تزوج ولدها منكم.. شوفي سمعينى مثنى خابرنى قبل ايام تتذكرين ماجدة اندارات لماجدة.

ماجدة كالت اي بيبي من جاوبته كلي اريد احجي وية بيبي.

ردت بيبي على ماجدة وكالت اي بذاك اليوم كلمني….

وحجالي وگلي ترى بيبي امي تريد اتزوجنى غصب من بنت اختها افراح واني ماريدها اريد هيام واحبها…

گتله بيبي اذا انت فعلا تحبها تقنع ابوك تثبت موقفك ك رجال وتاخذ هيام غصبا عن امك…

وتالي اليوم اجانا ابوه تنهدت بيبي وكالت

شفتى النتيجة طلع مثنى جبان مع الاسف.. ورضخ لامه الحية وهيج واحد ما يستاهلج ومنا وبعد ماريد اشوف دمعة بعينج عليه فهمتى مايستاهل…

صح مانعرف شلون رضخ لامه ووافق..

بس مع ذلك وگع من عيننا لان ماحارب لاجلج…

(ماعرفت شنو الي خلى مثنى يرضخ لامه ويتزوج غيري )

.

.

.

يتبع

.