رواية لسنا ابرياء الفصل الخامس 5 بقلم هيلانا
غمضت عيوني بفشلة من الموقف صرنة فرجة ويارا شارة حلكها وتضحك واني اعصر بدية بخوف
الشاب لزم راسة بوجع ورة ما لزمة مصطفى من ياختة و رگعة كلة وگعة بالگاع
رجع نحنى ولزمة من ياختة وعاط
:-لگ قندرة اكطع نعال على راسك
احتدت ملامح الولد وگام باوعلة بنظرات كلهة حقد وحجة: لا تضل تجاوز احترم نفسك
رد مصطفى مستهزء:- انجببب قشمرررررر
سلام سحب مصطفى ودفعة و الولد اخذو جماعته بعد ما الناس انجمعت عليهم
احس دم نشف بعروگي من الصار رجعو النة ومرة عمي تحجي عليهم
خزرنة مصطفى واشرلنة نطلع سكتنة ومشينة وراهم واكفين يم سيارة خارج المول
منتظرين بابا يجي سلام اتصل بي كالة شوي وجاي طبعا سلام كال لا تحجون شي لعمي
مسح مصطفى وجهة بأيدة وحجة بغضب: ليش ما خليتني أسگطة هالكواد
ندارت عليه عمتي ولطمت على خدهة حجت بتأنيب
: ليش انت شخليت ولكم والله عيب عليكم فضحتونا كدام الناس
رد بسخرية: شتردين يوم اباوع لحلگة مثلا
تنهدت بحزن ورديت عليه:- ماجان اكو داعي لهل هوسة جان بالإمكان نجاوزة ونطلع من مول بدون فضايح
باوعلي وحجة بحدة:- لازم عاجبج يتغزل بيج هالنعنوع
گلبت عيوني بملل ورديت بدون نفس:- عفية مصطفى شهل كلام يعني بريك حلو الي سويتة
رد بستهزاء-: لا الله عليج علميني شسوي
صاحت عمتي عليه:- مصطفى كاافي
ما اهتم الها رجع يحجي وعينة علية-: اي ست ليان أحجيلي بعد روحي أحجي لا ضلين ساكته دكتورة
استغفرالله هسه هذا شتحجي وياا
صاحت عمتي عليه-: مصطفى
رد بعصبية-: شتردين من قندرة
حجت لازمة ايدة :ولك يمة اسكت كاافي شبيك تخبلت على بت عمك هي ناس ما تستحي شسويله
سلام: يله شغلة فضت راحت سدو الموضوع
اشرلنة سلام نصعد و مصطفى دار وجهة وصعد بسيارتة رگع الباب و شخطها حيل
شوية واجة بابا گال انو شاف صديقة و باقي يحجي ويا همزين ما شاف لخة الصارت
ضلينة ساكتين بالسيارة عكس جيتنة خربها علينة ذاك الحقير و مصطفى هم
وصلنة للبيت شمرت روحي على الفراش
بتعب.. شلون يوم محلو هذا اول مره يصير هيج بعيد ميلادي
دخلت يارا وحجت بضحكة: عيد ميلادج صار حرب عالمية ثالثة بنعل
رديت عليها بنزعاج:انجبي بلا
-يارا:ياا ليان كايمة تغلطين شنو عداج موستفا
ليان:امشي ولي انتي وموستفاا خلى انام احس بأرهاق
طلعت گمت وراهة نزعات شالي وبدلت ملابسي غسلت و رحت طفيت الضوء
رجعت يارا دخلت ونامت بمكانها ..نمت على فراشي ضليت احوس عيوني ما يجيه نوم
باوعت للساعة جانت بالوحدة نفضت اللحاف وگمت نزلت جوة بعدني بأخر باية
طاحت عيني عليه ساند ظهرة على باب الغرفة و باقي بس بالبنطرون بدون تشيرت مبايلة بيدة
حجة بصوت خافت:- اي جاي بس حددد الي العنوان
ضليت بمكاني أباوعلة مانتبه علية جان مشغول رجع للغرفة شوية وطلع لابس قميصة يسد بالدگم
وطلع برة سمعت صوت سيارة طلعت تنهدت بنزعاج هوة اصلا شوكت اجة تافتت ورجعت لغرفة
يـارا:
كعدت الصبح نزلت جوة اسمع سوالفهم دخلت للمطبخ جان الكل متواجد على الريوگ
ماعدا موستفااا توني گعدت ندكت الباب اشرتلي ليان اكوم تأففت بنزعاج
رحت فتحت الباب صارت بوجهي اسراء :هاااي صباحووو
يارا:هلوو توقعتج ماتجين
سلمت عليها ودخلنة جوة جنة متفقين نروح للمول نشتري تحضيرات الجامعة ملابس وهيج
اني طلع معدلي بـ80 ما جنت متأملة أكثر الحمدلله فرحت بي
على قاريتي زين هيج معدل بابا كال قدمي معهد طبي او ادخلج اهلية صيدلة
بس اني رفضت عدنا ليان دكتورة بالعائلة كلش كافي جا هي شبع…
اريد اقدم كلية قانون اصير محامية واو احبها بابا جان معارض بس ليان قنعته الي الحمدلله منها فايدة اختي
دخلنة جوة سلمت اسراء و كعدنة صفة على طاولة نتريك وهي تباوع بالوجوه
همست يمي: ابن عمج جنة زنود الست
-كرصتها من ايدها من جوة طاولة رديت بخزرة
-: فد مرة سوي ارموش الست
اسراء:-ااخخ اوي كرصتج توجع شكد قاسية بعدين هو حلو اني شعلية
يارا-:صمي حلكج لا يسمعج
اسراء-:شتكولين نزوجة اثنينة ونعيش بنفس البيت وهيج ما نفترق ابد
باوعت الها صفح:- اني بكلشي ممكن اشاركج بس برجلي لا يمة اسم الله
اسراء:-اليسمعج يكول انتم مزوجين
ضحكت بخبث ورديت :- اني اذا خليت شخص براسي اجيبة غصب وشوفي اذا ما جبت راسة
اسراء:-اامم نشوف
ليان-:شبيكم تتبسبسون
رفعت راسي الهة حجيت ببتسامة-: ماكو شي ليونة
ضلت عينها علينة مامصدكة نوب خزرتنة ودار وجهة كام سلام.كال رايح لمركزطفرت وراه
يارا:حباب سلام اخذنه وياك لمول
سلام: بس اني رايح لمركز
يارا: حباب وصلنة
باوعلنة سلام بعدم رضى: ماترحن لوحدجن
حجة بابا بدون مايباوع النا
-: العصر اني اخذجن
يارا:بس بابا نريد نروح هسه العصر شكو
فاهم:-لا تلحين يارا ترا ما ترحين
باوعت ليان غمزتلي بمعنى اسكتي شفت بابا ضايج يحجي بنتر وسلام خلة وراح
ما حجيت شيء سحبت اسراء و صعدنة فوك حجت بضوجة
-: اجيت على فاضي
يارا-:ليش يمة على فاضي
اسرا-ء:لعد غير عموو ما قبل انروح
رديت واني اعدل بگذلتي على المراية
:-اي واذا المهم اجيتي وشفتي خلقتي الماينشبع منها
باوعتلي بخبث-:لا خلقتج شابعه منها بس خلقت ابن عمج اليوم شفته
نداريت عليها بنزعاج:-انتي لزكتي بـ ابن عمي
اسراء-:شسوي جفاف
يار:- جا جفاف تلزكين بـ سلام
ردت بحماس-:والله حب شكلج هسه لو صخل على هالتصحر الي بي هم اجلب بي بسنوني
ضحكت وغميتهة حجت لوت حلگها
-:اضحكي انتي مرتاحه
يارا:-ليش گبلت وعفتج غير هل حالي حالج
عدلت كعدتها حجت بجدية-: اكولج اجة بالي شي
عفت البيدي ورحت گعدت بصفها
-:شنو كولي
اسراء:-اسوي سحر لابن عمج
يارا:-أنجبي تخبلتي
اسراء-:ترا عاجبني بس اني غبرة شكو أنطي الخطة لعدوي
يارا:- حوبي اذا تردين تسوين سحر فسوي لموستفا لان لا صلاة ولا صوم ولا يندل ربة وين فيجي بسحر بسهوله سلام اكثر شخص ملتزم هنا سحورة ما تاثر بي
حجت بإعجاب
:- همه ولد عمج تحيرين منو تحبين بيهم واحدهم احلى من ثاني
يارا:-اني مليت راح انزل اسوي بوشار وانتي طلعي فلم عوفي الحب الان مشاعري تكسرت من وراج اشتهيت احب هسه
كامت اتضحك دفعتها ونزلت جوة لكيت ليان رايحة لدوامها
ومرة عمي كاعدة بالمطبخ تلكط ماش دا تريدتسوي تمن ماش
وبابا كاعد على الاخبار وحيل مندمج.. طلعت كدر وخليت بي زيت وشامية وانتظرتها اطقطق
عمتي كالت-: هاي صديقتج تبقى هنا يمة
يارا:-لا عمة بعد شوي يجي اخوها ياخذها
:من شوكت تعرفيها
يارا:-يعني من ايام الابتدائية
حجت بتنهيدة:- شو جنه مو راحه
يارا-:لا عمة بالعكس حبابة ماعليج باالمظاهر
سكتت ما حجت شي بس هزت راسها مامقتنعه
هي اسراء لأمانة وردة بس تصرفاتها وعينها وكحه وتباع تخلي المقابل يشك بيه كوة…
.
.
نفتح الباب ودخلت ممرضة
-:دكتورة ليان المدير دز عليج
تأففت بضيق هسه شرايد هل عقدة گمت طلعت متوجهة لغرفة المدير دا امشي بالممر صادفني بسام
بسام: وين ليان
ليان: داز علية المدير
حجة بستفهام-:شعندة
ليان-: هو رايحة حتى اعرف شعندة
بسام-: تردين اجي وياج
ليان:-لا شسالفه قابل شكوو ما عندي شي اني اكيد موضوع يخص المرضة او شي
هز راسة ترخصت منة ورحت وصلت لغرفتة اخذت نفس اهيئ نفسي
دكيت الباب مرة مرتين مايرد بالمرة الثالثة يالة اجاني صوتة مبحوح جنة واحد بي نهيمة
:-تفضل فوت
فتحت الباب ودخلت حجيت ببتسامة مصطنعة
-:صباح الخير استاذ…. كالو داز عليه
شريف:- اي دكتورة ليان تعاي كعدي
اشرلي على كرسي باوعتلة بستغراب سديت الباب ورحت گعدت گبالة الله يستر شعدة
ضليت منتظرة يغرد شريف خلة ايدي كدامة وحجة بجدية
:-أني زاعجج بشي دكتورة
گلت بگلبي والله هو وجودك وتصبح بشكلك كله أزعاج
عگت حواجبي بستغراب و رديت:- لا استاذ
شريف-:متااكدة
ليان-:اي اكيد ليش دا تسأل حضرتك
باوعلي بشك ونظراتة مثل شخص عدة شي توترت وعدلت گعدتي شبي هذا كبر
شريف:- محتاجج بالطبق ثالث عدنه شخص منصاب واريدج تعالجي
ليان-:بس دكتورة اكو غيري دكاترة وأني عندي شغل هسه
شريف:-هذا شخص خاص ومهم واني اثق بيج بنتي واريدج انتي تشرفين على حالتة
استغربت شهل تحول الخطير شوكت صرت بنتة ماارتاحيت لكلامه كلبي ناغزني
ليان-:اها تمام مثل ما تحب استاذ
شريف-:خوش من هسه راح احول مسؤلية الج بعد
ليان-:تريد ابلش من اليوم
ابتسم بمرح:-بعد احسن
ترخصت منه وطلعت ابد ما ارتاحيت رحت للغرفة وراي وحدة من الممرضات جابت تقرير كامل لي
وصلت للغرفة باوعت بستغراب جان كدام الباب اثنين اشخاص لابسين اسود وحتى وجوهم مامبينة لابسين قناع اسود
ليان:احم.. اني دكتوره ليان المشرفة على حالة المريض فـ…
قبل لا اكمل قاطعني برفع ايدة وفتح الباب بدون ما ينطق حرف
دخلت لغرفة شفته كبالي شاب شكلة مو جبير متوسط بالعمر لافين راسه وصدرة حتى
نايم على سدية اول ما دخلت رمقني بنظرات حسيته يتفحصني
خفت ماعرف ليش بس دا احس اكو شي غلط ياربي
اخذت نفس وتقربت منه حجيت برسمية
-: مساء الخير
شبل:-هلة
ليان:-اني دكتورة الي راح تابع وضعك من اليوم
شبل:- هم الحمدلله اكو شي زين هنا
ليان:-عفوا ما فهمت
شبل-:مو ضروري تفهمين
ينعل شكلكك يحجي كوة عبالك مان عليه… غلست عنه وتقربت فحصته وكتبت تقرير معتاد عن وضعه
واجيت اطلع وصلت لباب صاح وراي
:-ليش اجيتي
استغربت من حجية نداريت عليه
-: ما فهمت شتقصد
شبل:-منو قشمرج وخلاج تجين لهنا
بلعت ريگي سرت رجفة خفيفة بجسمي كلامة ونظراته ما تبشر بخير حاولت أتمالك نفسي
ليان:-ممكن حضرتك تحجي بوضوح لان ماجاي افهمك
شبل-: شلون صرتي دكتورة استعيابج بطيء
ليان-: اذا ما محتاج شي صار لازم اروح
شبل-:اي راح نحتاججج هواي ونشوفج اكثر باأيام الجاية
ترخصت منه وطلعت واني الخوف احتل كلبي هذا شدا يحجي ياربي هذا نعال مدري شريف بشنو ورطني…
_______________________
دلـيار ::
سمعنة صوت جدو من صالة يصيح شكو راحولة رجعت عدلت كرسي مسحت وجهي وكعدت ..
كعدت اسوة گبالي: ضربج صدك ..شو خل اشوف عابتلة شكد صلف شبي ..شبي نگلب
حجيتلهة الصار كلة
اسوة: يالة خيولي حبيبتي مايستاهل تبجين
دليار: هههههه منو الباجي ..طز .. دموع تماسيح حبيبتي أأثر بيهة على أ.محمد هههههه
فكت عيونهة : كش يعني ماضربج
دليار: لا يمعودة شحدة
بقت صافنة بوجهي شوية : دليار ما ينعرف صدگج من جذبج ..شستفاديتي من خليتي بابا يطردة وهوة مامسوي شيء مو عيب..عبالي ضربج
دليار: حتى يتعلم ما يرفع ايدة على البنات مسوي بيهة الرجل الشرقي المستبد
كامت من يمي ماقابلة رجعت اكل ولا كأن نسيت الموضوع اصلا بس اسمع صوتههم من الاستقبال يتناقشون
رجعت اسوة گالت بابا يريدج كمت وراهة دخلت لكيتهم گاعدين كلهم حتى لواء هذا مو نطرد خرب اضنة ماطلع من بيت اصلا
اول ما طاحت عيني عليه خزرني رفعتلة حاجبي
محمد: بابا حبيبتي تعاي يمي
تحركت گعدت بصفة وگال : ابن خالج خطبج مني الصبح وهسة رجـ..
قاطعتة : بابا توة ضربني
لواء: ولا ضربتج ليش تجذبين
دليار: ياا عزززة شقـ..
قاطعتي وهو يحجي بهدوء: اني اسف وحسبيهة آخر مرة
سكتت ماعدي شيء اكولة ماناقش بعد ما اشوف جهرتة عليمن داخلة بنقاش طويل
محمد: ها بابا شگلتي
لفتت لبابا: ما موافقة طبعا
زفر لواء بضوجة و بيبي دگت عصاتة بالگاع صديت الهة : يالمگموعة استحي ولد خالج هنا وانتي
تهوبزين
دليار: واني شليعلاقة هو بكيفي اخجل ماخجلت شلون بالله ..بعدين ياهو گالكم تصيحوني هنا
بابا ضم ضحكتة هوة واسوة
رجعت بيبي حجت : احنة گبل جنة نطفر من مكانة بس يجيبون سالفة العرس وانتن لا مستحة تگعدن گعود
حجيت بهمس: واني كنغر اضل اطفر
كرصتني اسوة وتضحك: ههههه احمم احم
دليار: بيبي شسوي يعني سالفة ماتخجل كوة اخجل بعدين اني ما موافقة وهذا رأيي محد يكدر يمنعني اكولة لا شرع ولا قانون ..وزواج مو كوة
گام لواء وحجة : هاي هية دام هيجي محد يجبرج بس ثقي يا دليار لو تموتين ما تصيرين لأي زلمة
گلبت عيوني بملل رحعنة لسوالف لگرايب خرب
دار وجهة وطلع
اني هم ما بقيت ضوجني السافل مال الحمس اي والله الحمس
.
.
: ويين
صحت على سيف وهو صاعد يركض على درج للسطح
التفت علية يلهث وبيدة علاگة حلويات: رايح لدليار متواعدين على سطح
صادق: طايح الحظ شنو متواعدين
حيدر: هههههه وانتة يومية كامز عليهم مو عيب
سيف: لا عمو مو عيب هية حلوة و حبابة
هزيتلة راسي عافني وصعد يركض اجت امي من مطبخ جابت العشة خلتة گدام صادق توة جاي من الدوام
حيدر: ها يوم وين جناينج ليش تگومين انتي
ام يوسف: يم زلمهن جا يجن يطنكم اكل ازوجو وما اكوم
صادق: اني ازوجت لاتعتبين علية بعد
ام يوسف: انتة اسكت شالع گلبي شگدك تصير بعد ‘ التفت علية ‘ وانتة
كمت بست راسهة وصعدت فوك گبل لا يبدي موشح وكفت يم غرفتي اجيت ادخل بس اجتني رغبة اصعد على سطح ورة سيف
تحركت للسطح فتحت باب وبقيت واكف بحيث محد يشوفني
شفتهة واكفة شعرهة لامتة ليورة و كذلتهة طايرة بالهوى بصفهة وحدة نسخة منهة نفس شكل عدا شوية وجهة بي سمن
رجعت عيني عليهة تاكل وتضحك
سيف: وانتي من تكبرين شتصيرين
دليار: اصيرة مرة
سيف: جا هسة انتي شنو
دليار: بنية
كرصتهة اخته وضحكت بصوت عالي دفعتها من حايط واسمعة ترزل بيهة رجعت باوعت لسيف كلتلة: دا اشاقة وياك حبيبي ماعندي طموح لحد ما اشوف وين انقبل
سيف : وين تردين تنقبلين
دليار: بگلبك
سيف: اويلي
دليار: هههههههههههه وعلي احبك
أسوة: طاحضج اي والله
سيف: وانتي شعليج بكيفنة
تقدمت منة وباست خدة : فديت
رفعت راسهة لمحتني واكف بقت اباوعلهة جرت اختهة ونزلت گالت لسيف ابوهة اجة
دخلت جوة و اجة وراي سيف وكفت بالباب مال غرفة مر مني
حيدر: تعال عمو تعال
اجاني جريت قريب بست خدة بقة يباوعلي مافاهم عفتة ودخلت للغرفة شمرت روحي على الفراش
اجت ابالي خرب غيرتهة شلون صاكة ولسانهة شطولة ولا تحطة بحلكهة كل ما اشوفهة لو تصيح لو تضحك
من اشوفة لا أراديا ابتسم غمضت واجت صورتهة ابالي
سمعت الباب انفتح دخل سيف شايل مخدتة اشرتلة يجي صعد نام بصفي
حيدر: شعدك عمو ضايج
سيف: گلت لبابا انام بصفك و ما رضة
سكتت مادري شسوي لسيف ويتعدل وية ابنة خطية جاهل لا شاف امة ولا ابوه يهتم
بستة من شعرة وصلتني ريحة تفاح خفيفة و ياهة عطر طيب
حيدر: كلك ريحة تفاح وين جنت نابت
رفعت تشيرتة وشما : لاا عمو مو تفاح هاي دليار ترش بالعطر مالتهة وخلتلي تعاركت وياهة كتلهة مال بنات
سكتت شوية ورجعت حجيت : انتة حتى گايم ماتطلع بشارع معلك على السطح مو عيب لو يشوفك ابوهة
سيف: خل يشوفني اني دوم اسلم عليه و هية دليار حبابة تحبني تموت علية
حيدر: هههههه شبيك كتلت روحك
گام يغفي وعيونة تغمض حضنت ونمت و عطرهة ترس ريتي
.
.
كعدت الصبح على صوت سيف يصيح نزلت
حيدر : شكو شعدكم
ام يوسف : گلت اريد اروح لجيرانة اوديلهم اماعين البارحة دزولنة كيك وبتليت وكفلي وكفة
سيف: اني يمة اني فدوة خلي اخذة ما اطيحة
اخذت الماعون منة وكتلة اطلع اوصلك للباب وكف يم بابهم خليتة بيدة دكيت الباب رحت على جهة
شوية ونفتح الباب وطلع شافت سيف واكف : هلة شهل الصبح ليرد الروح شعدك ولك ابابنة
سيف: جبتلج كنافة مكان الكيك الوديتو
اخذت الماعون من عندة باستة : تعال ادخل سيفان ابن درعان
كتمت ضحكتي من سمعتهة لو يسمعها صادق طيرت هيبتة
عفتهم ورجعت للبيت
.
.
دخلت سيف جوة هو مستحي من ماما دخل للمطبخ سلم عليهة وكعد صبيت من الكنافة الجابهة وحطيتة ابينةاسوة كعدت تاكل
رند: حبيبي ليش ما تاكل
سيف: لا عيب جبتهة و اكلهة
دليار: هههههه اعتبرهة ضيافة من بيتنة
سيف : بس اني جبتهة الج
رند: يعني احنة ما ناكل
نزل راسة وخدودة صارن حمر ضحكت عليه ماما وكرصت خدة
اسوة: هاي جاهزة لو بيبتك سوتهة
سيف: لا من محلنة عموو حيدر يسوي حلويات طيبة كلش روحي اشتري منة
ابتسمت واكلت : امم حلو
رفعت راسهة اسوة: شنو الحلو
دليار: الكنافة
أسوة : اي كلش حلو
دليار: اي شبيج احلف شنو
رند: شعدجن گلبي يلعب
دليار: هههههههه صيحي عليه
أسوة : هههههه نجبي ما ضحك
هزت ماما ايدهة : گومي حطي الغدة ابوج راح يجي وانتي تمضحكين
دليار: شسالفة ماما تونة تريكنة
رند: انتي توج تريكتي مو ابوج طالع من الصبح
أسوة: هو شعدة يغبش عمالة هنة محاظرات
دليار: مدرس رياضيات وتعرفين الباقي
سيف: ابوج مدرس رياضيات شو مو اصلع
دليار: هههههه بابا تحديث الجديد
رند: ضلي صنفي على ابوج ولا تستحين
دليار: ماما من كثر ما تگليلي ماتستحين گمت ماحس بالكلمة غيرهة
أسوة: ليش انتي عدج احساس
باوعتلة صفح عود تقصف ام گصة گصتهة جنهة ساحة التحرير : گومي سوي غدة عليج معلية اني
كامت اسوة تأفف وامي اخذت الخضرة من ثلاجة راحت تلگطهة برة بقينة اني وسيف
شوية وندگت الباب اسوة ماتحركت من مكانهة على طباخ صاحتلي امي من برة افتحة..هسة انتي غير گاعدة هناك فتحي بدربج
كمت توني وصلت الباب انفتح و دخل لواء
دليار: مادامك تكدر تدخل من البداية المن داگ ومكومني
لواء: وطار نصج
دليار: اي
حجت ماما من الحديقة: هلة حبيبي هلة لواء تعال عمة
راح سلم عليهة وكعد يمهة الفتت ارجع صاحتلي : جيبي ماي لابن خالج
دليار: شيسوي بالماي وين جان بالربع الخالي
لواء: لاخلف الله عليج ماريد مايج روحي
خزرتني ماما بلعت ريجي وابتسمت : هههههه اتشاقة وياك عيني هسة بس گلت ماي اكيد شارب قابل جاي من البصرة ليجاي علمود الماي..راح اجيبلك شلون عصير يخبل يبرد عليك بهالحر
رفع حاجبة بستغراب عفتهم ودخلت للمطبخ كعدت بصف سيف يلعب بجهازي اباوع ويا دخلت اسوة
دليار: يمنة ابن خالج العزيز ماما تكول سوي عصير بارد الة خطية جاي تعبان عمت عينج علية
باوعتلي بفهاوة : وجع روحي سوي عصير لواء هنا
أسوة: يااا شعدة هنا گبل يومين مشو
دليار: المايجيبة الشوگ تجيبة الحاجة
أسوة: خاب شو نجبي گومي سوي انتي ماتشوفيني اشتغل
دليار: اغسل اماعين العشة مكانج
تخصرت وگالت: ياا فدوة حبيبتي ماتقصرين
ابتسمت وهزيت راسي ضربتني: دولي هنا غير عليج اصلا اماعين العشة
دليار: اسوي شغلج كلة باجر و عكبة كلشي حرفياً
أسوة: هاي كلهة علمود ماتسوين عصير لواء
هزيت راسي سكتت وراحت تسوي عصير عرض مغري ماتكدر تنكرة
جذب مايستاهل لواء اضحي هيج علمودة
بس احنة اصلا باجر نروح للبصر ويا لان بيبي خابرت ماما كالت خل يجن من وكت لان قرب عرس رائد
كطيعة احس اختنكت من هسة رجعت اسولف وية سيف بعدين اجة بابا ودخلوا كعدوا بالاستقبال
بقينة اني واسوة نحظر بالغدة وسيف يفتر وراي وين ماروح مجلب بية ..فدوة صح بالبداية حقدت عليه بس طلع حباب
بعدين هوة صغير ماحط عقلي ويا احمم حطينة الاكل بالمطبخ وصحتهم …
كعدوا ماما و بابا صفة وگبالهم لواء بصفة أسوة
اني شلت كرسي مالتي خليتة بجهة ثانية وكعدت سيف بصفي قربتلة الاكل
دليار: اكل حبيبي هذا طبخي ضوگة طيب
غصت اسوة بالتمن : انهجم بيتج عيني عينك تجذب غير اني سويتة
رفعت راسي الهة: واني شگلت انتي طبختي واني اشبهج يعني طبخي
أسوة: دروحي وين لكيتي هاي الكلاوات
التفتت على سيف : سيوفي مو اني طبخت وهذا طبخي
هز راسة بأي ..اسوة فتحت عيونهة عليه
دليار: شفتي عندي شاهد
لواء: معليج بيهة عقلهة ضارب .. عاشت ايدج أسوة خوش طبخ
خجلت وخدودة صارن حمر: ايدك العايشة خوية
ضربتهة من جوة طاولة : هااا
دليار: وجعاا
محمد: دلــيارر
لا تنسون تصويت +تعليق ومشاركة لرواية…..
____________________نهاية الـبارت
