رواية ارحم وحدتي الفصل السابع 7 بقلم رحمه احمد

الفصل السابع

في المساء في ڤيلا السيوفي

دخل امجد وزوجته ماجده

وميرال ومعاذ

وريم وروان

استقبلهم ماجد وسعاد

ماجد:- اهلا وسهلا شرفتونا والله ازيك يا مدام ماجده اتشرفنا بيكي

ماجده:- ربنا يخليك تسلم الشرف ليا انا

سعاد:- ازيك يا مدام ماجده

ماجده:- الحمدلله بخير والله حضرتك عامله ايه

سعاد:- بخير الحمدلله اتفضلوا

ودخلوا كلهم ف الصالون وكان جاسم ومازن ومروان قاعدين

سعاد راحت اكدت علي العشا

سعاد:- اتفضلوا يا جماعه العشا جاهز

ميرال كانت قاعده عماله تلعب في الطبق بالشوكه ومش بتاكل

سعاد:- مالك يا ميرال مش بتكلي ليه الاكل مش عجبك

ميرال:- لا بجد تسلم ايدك الاكل تحفه

امجد:- العزومه الجايه باذن الله هتكون عندنا في البيت هعزمكوا علي خطوبخ ميرال

بصلها جاسم وميرال عنيها جت في عين جاسم

ماجد:- بجد الف مبروك امتا

امجد:- لسه هنقرأ فتحه ان شاء الله يوم الجمعه الجايه

ماجد:- بجد ده جاسم كمان هيقرأ فتحه علي بنت عمو يوم الجمعه ايه الصدفه الحلوه دي

ميرال حست انها مديقه

ميرال:- هستأذنكوا انا الحمدلله هروح الجنينه ممكن

سعاد:- انتي مكملتيش اكل

ميرال:- لا الحمدلله شبعت بعد ازنكوا

وخرجت ميرال الجنينه

مازن مكنش شايل عينو من علي روان

وروان كانت مديقه جدا من نظراتو

جاسم:- بعد ازنكوا

وخرج بره مستناش حد يرد

كانت ميرال سرحانه في الجنينه والورد الابيض اللي كان في الجنينه لانها بتحبو اوي

جاسم:- مبروك

ميرال:- الله يبارك فيك ومبروك انت كمان

جاسم:- الله يبارك فيكي متفكريش عشان هتتخطبي او في شغل بقا بنا هنسا القلم ده لا انا هدفعك تمنو غالي

ميرال بتوتر: – اللي عندك اعملوا انت اللي تستاهل وتستاهل اكتر من كدا لما تعدي حدودك ولو فكرت تعدي حدودك تاني هقرروا تاني

جاسم:- اعتبر ده تهديد

ميرال:- اعتبر اللي تعتبرو

جاسم قرب منها وهي فضلت ترجع لورا لحد ما خبطت في الشجره وحوطتها جاسم باديه الاتنين حاولت تخرج بس مقدرتش جاسم قرب نفسوا منها وميرال كانت متوتره

ميرال :- ابعد بعد ازنك عشان مزعقش ويجوا علي صوتنا

جاسم:- زعقي كدا ووريني هتعملي ايه وانا هوريكي هسكتك ازاي

ميرال خافت

قرب جاسم منها مكنش يعرف ايه الشعور اللي بيخليه قريب منها وبيحب قربها وقرب شفايفوا منها وكان لسه هيبوسها قطعهم صوت هاجر

هاجر:- ايه ده وايه اللي بيحصل هنا

ميرال اتحرجت جدا:- بعد ازنكوا

هاجر:- ايه اللي بعد ازنكوا استني لما اعرف انتي مين وكنتي قريبه من خطيبي كدا لي

ميرال عنيها دمعت وبصت لجاسم بكسره

جاسم:- خلاص يا هاجر انتي لسه مبقتيش خطيبتي يبقا ملكيش دعوه

هاجر:- لا ليه دعوه وهقول لعمي ومرات عمي دلوقتي علي اللي شوفتوا ده

جاسم بغضب مسك اديها وهددها:- والله لو بوقك ده اتفتح بكلمه لهلغي الخطوبه وانسي ان افكر فيكي

هاجر سكتت عشان خافت من تهديد جاسم

خدها جاسم ودخل جوا وميرال فضلت لوحدها

وكانت خرجه ريم وروان ميرال اول ما شافت ريم صعب عليها نفسها وحضنتها وفضلت تعيط

خرج مروان

مروان:- مالك يا انسه ميرال

ميرال بحرج :- مفيش حاجه افتكرت حاجه بس ديقتني

مروان:- متزعليش من جاسم لو ديقك هو كويس والله

جيه مازن

مازن:- نورتونا والله اتفضلوا عمي ماجد عاوزكوا في الصالون

مشيو كلهم

مازن بهمس في ودن روان:- مش هسيبك باردوا هجيب

روان بتوتر:- شكلك عاوز تجرب القلم تاني

ومشيت بسرعه

ادايق مازن واتوعدلها

دخلوا الصالون

وهاجر كانت بتبص لميرال بكره

سعاد لاحظت نظرات هاجر لميرال وحست ان ابنها مخبي عليها حاجه من نحيه ميرال ورغم انها مرتاحه لميرال دعت ربنا انه ميكون الاحساس اللي عندها صح عشان ماجد ميخسرش اخوه

مشيو عيله الصياد وريم وروان

مازن مرديش يروح يسهر موبيل مازن بيرن

مازن:- الو عملت ايه

مجهول:- ……….

مازن:- طيب كويس ابعتهولي في رساله سلام

وقفل مازن الخط

ومروان روح البيت

كانت مروه قاعده بتذاكر

مروان:- ايه يا رورو عامله ايه

مروه:- الحمدلله تمام

مروان:- طيب جهزي نفسك من الاسبوع الجي هتيجي تدربي عندنا

مروه بفرحه:- بجد يا مروان انا فرحت اوووي

مروان:- ربنا يفرحك ديما يا حبيبتي هخش انام انا عشان تعبت اوي النهارده

مروه:- ماشي يا حبيبي

في ڤيلا السيوفي

سعاد:- جاسم ايه اللي حصل بينك وبين ميرال

جاسم استغرب وسكت

سعاد :-انا بحس بيك يا جاسم انت معجب بالبنت دي

جاسم :- لا

سعاد:- انا امك واكتر حد بيحس بيك لو معجب بيها عرفني

جاسم:- ابدا مش معجب بيها ولا حاجه بعد ازنك يا ماما هطلع انام عشان عندي شغل بكره

طلع جاسم الاوضه فضل يفكر في ميرال وان في حاجه بتشدوا ليها وفكر في نرمين

فلاش باااك

نرمين:- جاسم انا بحبك

جاسم :- لو بتحبيني سبتيني لي كنتي قولي ان اللي نقصك فلوس وراجعه تاني لي عاوزه فلوس

نرمين:- انا مقصدش اعمل كدا

جاسم بحزن شديد: – وجعتيني وتقولي مش قصدي تكسريني وتقولي مش قصدي امشي يا نرمين امشي عشان مموتكيش في ايديك

بااااااك

جاسم في نفسه:- لا ده مش اعجاب انا مش هكرر ده تاني انا هنتقم منها كلهم نرمين وانا هخطب خلاص هاجر دي بنت عمي اكيد مش طمعانه فيا زي نرمين اكيد

وتعب جاسم من كتر التفكير ونام

في ڤيلا الصياد

ميرال علي السرير مش مبطله تفكير في جاسم

ميرال في نفسها:- انا زعلت لي لما عرفت انه هيخطب ده حد انا معرفوش اللي بنا شغل وبس ميرال قلبها بيدق وبتكلم قلبها اسكت اوعا تحبو مش هينفع ده اوعا وفضلت تعيط لحد ما نامت من كتر التفكير

في صباح اليوم التالي

في شركه الصياد

امجد:- ميرال هتروحي الشركه عند السيوفي وهتعرضي عليهم الورق ويشوفوا ميزانيه المشروع ولو كلو تمام يمضوا عليه

ميرال:- لازم انا اللي اروح

امجد :- اكيد انتي عارفه ان ورق زي ده مينفعش حد يوديه غيرك وخدي ريم معاكي

ميرال اطمنت شويه ان ريم هتكون معاها

في شركه السيوفي

دخل ريم وميرال

ميرال:- سالت الريسبشن علي مكتب امجد السيوفي

طلعت ميرال السكرتيره لامجد استأذنت بدخول

دخلت ميرال وريم واتكلمت مع امجد وعرضت عليه الميزانيه

امجد:- انا تمام بس هستأذنك هتروحي لجاسم واعرضي عليه هو هيمضي علي كل الورق

بعد ما كانت ميرال ما فرحت انها هتروح لامجد بس وهتمشي اديقت وقلبها دق جامد

ميرال:- صباح الخير

سالم:- صباح النور

ميرال:- مش ده مكتب جاسم السيوفي

سالم:- ايوه يا فندم

ميرال:- طيب بعد ازنك قولوا ميرال الصياد

كان امجد مبلغ جاسم وجاسم قال لسالم ان اول ما ميرال تيجي يدخلها علي طول

سالم :- ايوه يا فندم اتفضلي

خبطت ميرال ودخلت كان جاسم معاه مكالمه قعد ريم وميرال استنو جاسم يخلص المكالمه

كانت ميرال مستغربه ازاي جاسم عندو سكرتير مش سكرتيره. ازاي الشخص الجرئ معاها ده مش عندو سكرتيره حلوه ومخلي السكرتير راجل بس قالت اكيد عشان خطيبتو طب لو عشان خطيبتو امال جرئ كدا ازاي معايا

قطع شرودها

جاسم:- ازيك يا انسه ميرال ازيك يا انسه ريم

ميرال:- تمام الحمدلله

ريم:- تمام الحمدلله

عرضت ميرال والورق علي جاسم

جاسم:- تمام كويس انا ومضي علي الورق

هستأذنك بس يا انسه ريم لانك قسم حسابات هتروحي لمروان سالم هيوصلك لحد المكتب عندوا هتخليه يصور الورق ده

ريم:- خلاص تمام

ميرال كانت لسه هتقوم

جاسم:- خليكي يا انسه ميرال طلبتلك عصير لحد ما انسه ريم تيجي

ميرال:- تمام

خرجت ريم لمكتب مروان……….

وهنا خلص البارت السابع

يتري جاسم ناوي علي ايه لميرال وهما في المكتب لوحدهم

ويتري هيحصل ايه بين مروان وريم

ده هنعرفوا البارت الجي بااااااي