رواية ارحم وحدتي الفصل الثاني 2 بقلم رحمه احمد

الفصل الثاني

استمر الشجار بين ميرال وجاسم وكان مازن ومروان وريم وروان بيحولوا يهدوا الدنيا

ميرال:- انت متعرفش انا مين انا تغلط فيا انا مش هسكتلك علي الغلط ده شوف العربيه ديه تتصلح بكام وانا هديك تمنها

جاسم بصلها بغضب وسبها ومشي

اتعصبت ميرال ان جاسم سبها ومشي

ميرال:-شخص متكبر وقليل الزوق

روان:-بس قمر

ريم:-روان احترمي نفسك ايه اللي انتي بتقوليه ده

روان:- اسفه بس هو اللي حلو اوي

ميرال:- مش وقت هزار يا روان ديقني اوي وبعدين فين القمر ده ده قليل الادب

ريم:- خلاص يا ميرال حصل خير يلا نشوف هنجيب ايه

روان:-يا بنات في حاجه مهمه

ميرال و ريم: – ايه

روان:-احنا دلوقتي هناكل الاول ولا هنشتري الحاجات الاول

ضحك ميرال وريم وسبوها ودخلوا المول

في ڤيلا الصياد

دخل امجد كانت ماجده بتجهز في الغدا مع داده ساميه

امجد:-السلام عليكم عامله ايه يا ماجده

ماجده:- وعليكم السلام الحمدلله بخير يا حبيبي انت عامل ايه

امجد:- تعبان جدا كان عندنا ضغط شغل اوي

ماجده:- ربنا يقويك يا حبيبي

امجد:-امال فين الولاد ميرو لسه موصلتش

ماجده:- لا ميرال راحت مع ريم وروان يشتروا حاجات لعيد ميلادها

ومعاذ جيه من الجامعه وبيغير هدوموا

امجد:- ربنا يسترها علي ميرال

ماجده:- ليه بتقول كدا هي مالها ميرال

امجد:- خايف عليها والله ومش مرتاح خايف اموت واسبها لوحدها

ماجده:- بعد الشر عليك متقولش كدا ربنا يطولنا في عمرك وتجوزها وتفرح بيها

امجد:- نفسي اطمن عليها

ماجده:- ان شاء الله هتطمن عليها وهتفرح بيها يلا غير هدومك عشان نتغدا سوا

امجد:- حاضر

نرجع للمول تاني كل واحده من البنات اشترت كل حاجه نقصاها والشباب باردوا

دخلت البنات المطعم يتغدوا

ودخل بعدها جاسم ومازن ومروان

ميرال:-شايفين جي ورانا لحد هنا انا المرادي مش هسكتلوا

ريم:- خدي هنا يا ميرال

ميرال مردتش عليها وراحت لجاسم

ميرال:- انت ايه جابك هنا وجي ورانا ليه

جاسم بصلها بكبر ومردش عليها

مروان:- يلا يا جاسم

ريم:- يلا يا ميرال مينفعش كدا

الجرسون:-جاسم بيه اتفضل الطربيزه بتاعت حضرتك موجوده

سابها جاسم ومشي واتحرجت ميرال

-يا كسفتك ي مرسي

وراحوا البنات علي الطربيزه بتاعتهم

روان:- حد يسيب نعمه ربنا ويقوم يتخانق

ريم:-خليكي انتي في بطنك اهم حاجه

ميرال قاعده مش بتنطق من الكسفه

ريم مسكه نفسها من الضحك: – خلاص يا ميرال وشك بقا شبه الطماطم قولتلك متقوميش وفضلت تضحك لما تفتكر شكل ميرال

علي طربيزه جاسم

مروان بضحك :- كسفت البنت

جاسم :- هي الي كسفت نفسها مفكره اني هاجي ورا واحده زي دي

مازن:- هي حلوه وتستاهل وصحبتها المفجوعه دي حلوه مسبتش الاكل وقامت معاهم

مروان:- تصدق ديه حلوه عليك

مازن:- لا شكرا مش نقصه مفاجيع خد انت العقله الراسيه ديه شبهك

مروان:- انا شكرا لما اطمن علي اخواتي البنات الاول

مروان كان عندوا اختين بنات اصغر منو مروه 20 سنه والتانيه ولمياء 22 سنه وابوه كان متوفي وهو اللي بيصرف عليهم

جاسم:- فتحناها خاطبه هنا يلا اتغدوا عشان نقوم نمشي

بعد ما خلصوا غدا كل واحد راح بيتو

في بيت مروان

دخل مروان

مروان:- السلام عليكم يا امي

ناديه ام مروان :- وعليكم السلام يا حبيبي هقوم احضرلك الغدا

مروان:- لا يا امي الحمدلله انا اتغديت بره انا هقوم بص ارتاح شويه فين مروه ولمياء

ناديه:- مروه بتذاكر جوا ولمياء لسه مجتش من الجامعه

مروان: – هخش اطمن عليها

ناديه:- خش يا حبيبي ربنا يخليك ليهم يااارب وافرح بيك قريب

مروان باس ايد امو بحب :- يارب يا ماما ويخليكي لينا يارب

خبط مروان بابا الاوضه

مروه: – اتفضل

مروان:- عامله ايه ي رورو

مروه:- الحمدلله يا مروان عامل ايه انت

مروان:- بخير طول ما انتو بخير يلا شدي حيلك عشان تتوظفي وظيفه حلوه

مروه:- بجد يا مروان هتسبني اشتغل

مروان:- بشرط لو جبتيلي تقدير حلو

مروه:- اكيد ان شاء الله هجيب تقدير حلو هي خلاص هانت فاضل السنه ديه

مروان:- ربنا معاكي ي حبيبتي ولمياء كمان تعدي بتقدير

مروه:-ربنا يخليك لينا ياارب يا حبيبي

مروان:- هقوم انا ارتاح شويه واسيبك تذاكري يا حبيبي

مروه:- اتفضل يا حبيبي

خرج مروان علي الجرس جامد

مروان:-خليكي يا ماما انا هفتح

فتح مروان الباب كانت لمياء

لمياء:- انا جيت انا جيت

مروان بنفاذ صبر:- في خبط ورن كدا مش معاكي مفاتيحك

لمياء بزعل مصطنع: – كدا يا ابيه بتزعقلي طب لومي حبيبتك زعلتك

مروان بضحك علي اخته الصغيره وحركتها الطفوليه: – ربنا يهديكي ي لومي

ناديه:-لو معملتش دوشه متبقاش لمياء

لمياء بزعل مصطنع لامها:- كدا ي ست الكل ديما ظالمه لومي حبيبتك كدا

ناديه بضحك علي بنتها: – ربنا يهديكي يا بنتي

لمياء:- بقولك ايه يا لولو يا عسل انا جعانه

ناديه:- الغدا جاهز جوا حطي لنفسك

استأذن مروان منهم ودخل يرتاح شويه

لمياء:- لولو ي عسل ممكن تحطيلي الغدا انتي لحد ما اغير هدومي

ناديه:- حاضر يا اخر صبري

نروح لبيت روان وريم

دخلو كانت ناهد امهم قاعده بتتفرج علي فيلم قديم

ريم:- السلام عليكم ازيك ي ماما عامله اي

ناهد:- الحمدلله يا ريمو انتي عامله اية

ريم:-الحمدلله تمام

روان:- نهوده عامله ايه

ناهد:-الحمدلله ي قلب نهوده

روان:-الحمدلله انك كويسه وكل حاجه بس اقصد عامله ايه اكل جعانه

ريم:-يخربيتك احنا لسه متغدين انتي ملحقتي تجوعي

روان:- انتي مالك انتي انا مهما اروح واجي اكل واشرب عمري ما اشبع من اكل نهوده نهائي

ناهد:- لا ي قلب ناهد انتي مبتشبعيش اصلا ولا من اكلي ولا اكل غير الغريبه انه مش بيبان بتودي الاكل ده فين

روان:- كدا يا نهود تكسفيني وبعدين انتو هتحسدوني عامله اكل ايه بقا

ناهد:- عامله مكرونه بشاميل وفراخ وسلطه

روان:- هي ديه نهوده حبيبتي ممكن طلب صغنون بقا يا نهود

ناهد:- حاااضر يا روان هقوم احطلك تاكلي علي ما تغيري عشان تكسبي وقت وتاكلي بسرعه

روان:- نهوده حبيبتي اللي حفظاني هروح اغير هدوني هوووووا

ريم:- مش هتتغير وضحك هي وامها علي جري روان عشان تلحق الاكل

ناهد:- عملتوا ايه جبتو الحاجات لعيد ميلاد ميرال

ريم:- اه يا ماما جبنا حاجات حلوه اوي هفرجك عليها كلها هقوم بس اغير وافرجك عليها

ناهد:- ماشي يا حبيبتي علي ما اقوم احط الاكل قبل ما تيجي وتاكلنا

روان فتحت بابا الاوضه: – سمعاكي يا نهوده بس يغفرلك الاكل الحلو ده

ضحك ريم وناهد علي طفوله روان

في فيلا الصياد بليل

ميرال قاعده في اوضتها بتفكر في اللي حصل من جاسم وكانت مديقه جدا منو خبط الباب

ميرال:- ادخل

ماجده دخلت: – مالك يا حبيبتي من وقت ما جيتي وانتي في الاوضه منزلتيش

حكتلها ميرال اللي حصل كلو ميرال كانت مصحبه مامتها ومش بتخبي عليها حاجه

ماجده:- ميرال انتي غلطانه ركنه غلط وبتزعقي اي حد مكانوا هيعمل كدا واكتر كويسه انه مشي وغير كدا انتي اللي كسفتي نفسك وضحكت ماجده

ميرال:- ايه يا ماما انا بحكيلك عشان تضحكي

ماجده :- خلاص يا ميرو متزعليش موقف والحمدلله انوا عدا علي خير

ميرال بزعل:- الحمدلله

ماجده:- يلا عشان نتعشا سوا

ميرال:- حاضر يا ماما هاجي وراكي

واتجمعوا يتعشوا مع بعض في جو أسري وضحك ماجده و امجد علي مزاح ميرال ومعاذ مع بعض

في فيلا السيوفي

جاسم كان قاعد في الجنينه بيشرب فنجان قهوه وقاعد بيفكر في اللي حصل النهارده وانه ازاي سكت لميرال ومردش عليها وسابها ومشي قطع حبل تفكيروا صوت سعاد

سعاد:- ايه يا حبيبي قاعد لوحدك ليه

جاسم:- عادي مفيش حاجه

سعاد:- انسي يا جاسم انسي عشان تقدر تعيش يا ابني

جاسم بغضب :- خلاص يا ماما اقفلي علي الموضوع ده

سعاد:- حاضر يا جاسم بس مش هتقدر تكمل حياتك طول ما انت حاطت الموضوع ده في دماغك نفسي افرح بيك يا جاسم واشيل عيالك قبل ما اموت

جاسم:- بعد الشر عليكي يا ماما بس والله صعب يا ماما مش قادر انسي الوجع اللي هي سببتهولي بقيت بكره كل الستات شايفهم كلهم نرمين يا ماما مش قادر اتخطي فعلا

سعاد:- حاول يا ابني وخليني اخطبلك هاجر بنت عمك من دمك وبتحبك

جاسم:- حاضر يا ماما

سعاد بفرحه:- بجد يا جاسم

جاسم:- اه يا ماما بس سبيني افكر شويه متعتبرهوش رد نهائي

سعاد:- خلاص ماشي يا حبيبي ربنا يسعدك يارب ويقدملك الخير

جاسم بحنيه وتفكير: – يارب

يا تري جاسم هيوافق علي طلب مامتو ولا هيرفض

يا تري القدر هيجمع بين جاسم وميرال تاني ولا لا