رواية لسنا ابرياء الفصل الرابع 4 بقلم هيلانا
سحبت نفس من جگارة مالتي وحجيت بنبرة هادئة
-الـ**** وين؟
-سيدي ما نعرف ونبي..
-لا بلا
ردت بمياعه:-نبي سيدي ونبي مانعرف
-: جا زين
-: يعني شنو
-: يعني تبقون يمنة.
-: بسـ
-: انتي ما تتعاونين ويانا..
بس شلون نثية بطل حيلها شطب ريحان
ردت بمياعة:مالي ذنب سيدي ومااعرف شي
مصطفى:-عمت عيني
تيجان-: سيدي والله اني برئيه هذا محمود هو ورطني اصلا اني وين اعرف بهاي سوالف فدوة شكلي شكل تهريب وقتل هاا بس أعرف أركص
مصطفى-: من فدوة يروح سلام فدوة لبرئيه
سلام: اني شعلية مصطفى اروح فدوة لگح…
ضحكت بدلع ونزلت عيونهة حجة بسخرية
:زين انتي اسمج تيجان لو ستيان
بلعت ريكها بغصه:تيجان سيدي
مصطفى-: ستيان احلى
تيجان:-اليعجبك سيدي
مصطفى:-زين وتالي شلون؟
تيجان:-ماعرف
عدل گعدتة وجر نفس من جگارة المستقرة بين اصابعة عينة عليهم شلون واكفين يبالعون و مخلوسين شلون كواو**
رجعت نظري لسلام و بارق الگاعدين صفة واحد متكي على جتف الثاني
مصطفى:- اني عندي شغل وظاهر الاخوة عاجبهم يبقون بضيفتنا فانتم ما تقصرون وياهم اريدكم تدللونهم
بارق-: يمعود دفرة على راشدي وبيهم خير ويدللون علينا
سلام-: لا ليش بالنص اخمس على راس ونتهى الموضوع
ضلو ينتاقشون و البقية ساكتين بس عيونهم تنتقل بين التلاثة و وجوهم تنطي الوان من الخوف
وتيجان تباوع بتوسل و اخخ بت مطي تتماوع
حجت بصوت ناعم
:- فدوة اروحلك ما مسوية شي ماخذيني ظلم
حجيت بستهزاء : اروح فدوة وأندار عليج
نداريت على سلام : ولك سلام ليش جايبه هل فقيرة عمت عينك
تيجان:- ونبي سـ..
صحت بيها بصوت عالي: انجببببي حيوانه استشرفتن براسي
بارق:- ليش حارگ اعصابك ديلا طيح حظ حظهم وخل نمشي يمعود عدنا اشغال
هزيت راسي گمت عدلت قميصي مديت ايدي اخذت السلاح وسحبت اقسام طلع صوت
صوفرت وجوهم وعيونهم شابحة علية وعلى حركاتي البطيئة
وجهت السلاح لواحد منهم-:يالله واحد…. ثنين…. ثلا….
طفر بوجهي وحجة برعب:-سيدي المكان الـ****
سلام:- نعلا على بهاتكم مسربتين من صبح معطلينة عن شغلنة من بداية احجو وفضوها هو عنوان
مصطفى-: لا شلون لازم نتغازل شوي هو هذا الحب شل حوالنا
تيجان:- شفت سيدي مو كتلك من بداية محمود هو سبب
مصطفى:- عزيزتي ستيان لا طربيني بصوتج الحلو
تيجان:- زين عوفني اروح
مصطفى:- لا اموت شلون اعوفج ماككدر اخذ نفس بدونج ما اتنفس
ضحك سلام ورد بسخرية-: بشرفك مصطفى كافي العنوان واخذنا
حجة بصدمة-:وستيان اعوفه؟
سلام:- لازم
حجة يشر بطرف اصبعه عليه-: ديلا اخذهم تيهم بالمكان جبتهم منة
رجعت تقربت من هاي الشكرة دنگت راسي حتى اصير بطولها:- ستيان حبيبتي خو ما ضوجناج
ردت ببتسامة وعيونها تباوع برقة
-:لاسيدي واسفة الان ما فدتكم بشي
مصطفى:- لا يمعودة وجودج كافي خلي شباب يمتعون نظرهم بهاي التضاريس والمنحنيات الزينة
سلام:- يله نمشي
لزمت واحد منهم جريتة من ياختة وحجيت بحدة
:- اول واخر مرة اعرف بيكم تشتغلون ويا ابو عگرب مرة ثانية اعلگم بالبنكة وانتي ستيان
هز راسة بخوف رجعت كملت وعيوني عليهم
:قسم بالخلقج اخليج تمشين صفح اذا عرفت بيج داخلة بـ****** من تعرفون هل شغل يخصني تبتعدون الف مترة
سكتو مخلوسين عطت بيهم:-صارررر مفهووووم
ضلو ساكتين بس روسهم يهزون بيها دفعت البيدي طوطح وطاح ليورة عفتهم و طلعت
مشيت وراي سلام حجة بنزعاج
-: بشرفك مصطفى هاي اخر مره بعد لا تطلب مني مساعدة بشغلك القذر
-سحبت خشمي بقوة رفعت نظارتي لبستها وعيني عليه:-شغلي شريف
رد بستهزاء:- اي اشرف من ليلى علوي
ابتسمت صاح وراي : وين
مصطفى:- اسوي زيارة لبت عمي اريد اشوف منو المدير مالتهم اتعرف عليه
سلام :-لا اسوي مشاكل
مصطفى:- يلة بوية اخذ جماعتك وروح لمركز ماعليك اني اصرف بدون مشاكل
ليان::
لبست بنطلون اقماش أسود وفوگه سترة طويلة رتبت نفسي وطلعت لگيت عمة بالمطبخ تتتريك ومصطفى
رجع متاخر البارحة ونايم حتى عشة ما تعشة شلون واحد ينام هلكد
شافتني أبتسمت وصلت على نبي:-صباحج عافيه عمة
أمل:-صباح الخير هلا يبعد عيني
كلامها حلو ولطيف مثله أجيت يمها وگفت خليت أيدي على اجتافه ودنكت طبعت بوسة على راسها
لتفت عليه باستني بخدي: الله ينور طريقج
ليان: فديت والله
أمل: رايحة وحدج
ليان: لا بابا خابرتة يمر عليه مريت من يمه الشباك أباوع لتفتت عليه من حجت: ليش مخابرة أبوج مصطفى مو نايم جوة لو كاعدتة يوصلج
ليان: ماكو داعي ازحمة حبيبتي
سمعت صوت هورن سيارة بابا اكيد سويتله بيباي ومشيت شفته منتظرني صعدت بصفه
مشغل دعاء الصباح بصوت باسم الگربلائي يفتح النفس من الصبح كرص خدي گشيت وجهي بضحكة
فاهم: هل ايام مانكعد سوة
ليان: من لكة أحبابة نسة أصحابة حاير بولد أخوك ناسينا
فاهم: ههههه ولد عمج ذولة سند الجن
قربت خليت راسي على متنه وحضنت جف أيدة وهو يسوق: من بعد رب العالمين انت سندنة بدنيا ما نحتاح أحد بوجودك
فاهم: ما دايم لجن دوم
ليان: من عمري لعمرك ينور عيني ومايها
ضحك ومد أيدة بجيبة طلع محفظته خزرته: ها
فاهم: مصروف لدكتورتي
ليان: والله عيب بابا ترة كبرت وراتبي عندي وانت تفتر وراي مصروف
فاهم: أخذيهن شكد ما تكبرين ويصير عندج ابقى أطيج مصروفج
ضحكت وأخذتهم فترة وصلنه صف سيارة گابل مستشفى درت وجهي بوسته بخدة واخذت الفلوس
ونزلت أمشي بسرعه أحس متااخرة الجوء حلو اليوم هادي بس كون ما أصبح بوجه شريف العفيف
جان روتين عادي وملل مثل كل يوم بس الفرق ما صادفت المدير العقدة كملت شغلي وبعدني ما طالعة اتصلت بابا كال جاي
كمت مااصدك حتى من يگلي جاي دوم يگلي جاي هنوب يطلع مصطفى جنت طالعه لاكني بسام بالدخولية: هلا والله ليان
ليان: هلاو بسام
بسام: شلونج شخبارج اليوم مالحكت أشوفج ونكعد شي
ابتسمت مجاملة: تمام وانت شلونك
بسام: بخير.. اوصلج
ليان: لا شكراا انتظر بابا جاي
بسام: ما غيرتي رائيج
ليان: لا اعذرني مااكدر
هز راسه بقبول وفات واني وكفت منتظرة يريد نروح سفرة لربيل شبية تخبلت اروح ويا شباب وبنات
مااعرفهم سفرة علوة زملاء ما أحب هيج أني
شفت سيارة مصطفى طبكت نزل وترجل بتجاهي
گلبت عيوني بمللل اوف بابا ليش ادزة
وكف مقابيلي ونزع نظارتة واني بقيت متبسمرة مكاني
مصطفى: شلونج بت عمي
ليان: تمام اني مصطفى خيرك شد اسوي هنا
رد بستهزاء: ليش الازم المستشفى بسمج وما يصير نجي؟
هسه مال لزككة بدفرة اوصلك لشارع حيفا وجهك جنة جينكوة لميت حلكي بضوجة: اكيد لا بس استغربت وجودك هنا
قاطعنه وصول بابا بسيارتة فتح جامة ومصطفى سلم عليه حجة بهدوؤء: تاخرت عليج حبيبتي
ليان: لا بابا هستوني نزلت
رحت صعدت وحرك رجعنا لبيت ومصطفى بقى هناك ما مرتاحتله شعندة
لكيت مراة عمي طابخة مرك بامية وتمن واوو ريحة تشهي واني بطني تصرخ من جوع
اليوم ما لحكت اكل شي من عملية لعملية خرة بحضي ويكولون دكتور مرتاح صعدت لغرفتي غيرت ملابسي وغسلت وأجيت يمهم
بابا يصلي ويارا يمها ابن جيرانه تقري بي ومخبوصة
لان طفل اثول مبسطة وكاعدة ومطشرة الكتب وهو وياها مركز
يارا:-يا حبيبي عدك عشرين تفاحة ووجان مازن يجي ياگلهن شكد بقة
باوعلها وكعد يحسب بصابعة وهي تنفخ بعصببية
حجة براءة-: يعني هو اكلهن
يار:- اي اكلهن كلهن شكد بقى
علي :- جا شبي اكلهن كلهن
يارا:- لان مفجوع ما شايف حضي جابك عليه بلا اني ويني وين التدريس
فاهم:- على كيفج ويا هيج ما يفتهم
يارا:-شوفت عينك صار ساعه بلاك بلاك وهو كش ماكو
بهاي اثناء دخل سلام كعد بصفي على قنفة اني جنت اضحك عليهم ويارا تعارك ذبان خشمها كوة تقري بطفل
سلام حجة بضحكة:- هي يارا خل تقري نفسها الا يدزون الها اطفال تقريهم
يارا:- بلة استاذ سلام صار ساعه مسحولة ادرس بي
عقلة متمدد بي مطي ما يستوعب
صاح بيه بابا ماراضي:- ياراا شنو هل حجي عيب بابا لا يوصل الكلام لاهلة
نزل سلام من قنفة وتربع بالكاع يمهم جان كالة
:- هو شنو درس
يارا: رياضيات مازن ماكل عشرين تفاحة وهنه عدنا بس عشرين من اكلهن مازن شكد بقى
سلام:- اي شكد بقى
يارا:- عاااا لا تخبلني انت هم
باوع لطفل وكرصة من خدة-: شسمك انته
:-علي
سلام:- علوش اسمع
علي-: اي عموو
سلام:-عدك عشرين انعال واجي مازن اخذهن كلهن شكم نعال بقى عدك
علي-: ما بقة اي شي غير اخذهن
سلام:- اي عفية نفس الشيء بس بدل نعال بتفاحه
علي:-هو مازن شبي مفجوع ماكل هلكد.
سلام:-اي والله ما شايف هاي كيلوين
يارا:- يمكن مولف كتاب رياضيات جان جوعان من الف الكتااب
خربت من ضحك شكد تافهين نوب كمل وتغدة يمنا وراح لاهله دوم امة ادزة يم يارا تقري
وهي يارة ملايجتها كايمة ما تتحمل تقري اطفال بس تستحي منهم
بعده تغدينه و صليت ونمت
تفقنا بالليل نطلع نحتفل بالمول المنصور الان عيد ميلادي بثمانية تقريبا
لبست فستان احمر بكعب اسود ورتبت شال اخر لمسات خليت عطر باوعت لمراية بثقة
طلعت يارا من حمام بسرعة لابسة فستان جينز قصير وشعرها الاسود القصير وجارة الكحل طالعه تفلش من جمال خرة ببليسها
نزلنا جوة وجان بس سلام ومراة عمي وبابا لاسف مصطفى كال عدة شغل وما يجي عود على
اساس نحتفل بمول المنصور توقعت يجي بس هذا احلى يوم بحياتي وهو اتعذر وما اجة حقدت عليه
اول ما صعدنه وسلام علگه شغل اغنية ساجدة ضليت ادك على راح.. على راح..
يا ريت يرجع لي الراح…. على راح
ومرة عمي صفك وبابا بس يتبسم ويكلة نصي صوت عيب بس هيهات ست ياراا كامت تهزز وتصيح
:-اي والله راح
كرصتها من خاصرتها
-: لو بي خير ما راح
همست بضحكه:-اوي خاصرتي
بس صوتها جان مسموع بحيث سلام خزرهة
بالمراية
ليان:-صوتج يالفضحية
يارا:-و غير من وراج شلعتي الخاصرة جيرة بكصة ليث العار
ليان:-ما فتهمت ليث شخصة
يارا:- من المستحبات اسب ليث في المساء وفي الصباح وقبل النوم
ليان-: فلك فلكج
رجعت تغني وتصفك ويا ساجدة لو يعوفهة شوي يمكن أطلع راسها من سياره وتركص
وصلنة هناك وجان سلام حاجز طاولة خاصة النا وكلشي جاهز وكيكه بطابقين عليها اسمي وصورتي
طفيت الشموع وسط صفكات وضحكات عائلتي
حضني بابا ولبسني كلادة ذهب بيها
اسم ماما جانت اروع هدية فدوة
فاهم:-كل عام وانتي بالف خير واشوفج احلى عروسه ان شاءلله
ليان:- ياعمري بابا
حضنته بقوة وهو يمسح على راسي بعطف وحنية انوب يارا غارت وهم شاركت باالحضن العائلي
رجعت كعدت ويارا بصفي همست يم أذاني بصوت خافت-: بشرفج شوفي ذاك الصاك
رفعت راسي دا اشوف منو جان شاب هيج عيونه خضر وشعرة اشكر واكو طبرة بحاجبة شكله حلو بس يخوف
ركزت بي ونتبهت هو دا يباوعلي كبل نصيت راسي
:- خرة بجهرتج يارا هسه شيكول عليه
يارا:-واني شعلية كتلج شوفي انتي لزكتي
ليان:- ومرض غير اني من اباوع اركز بتفاصيل الناس هي سولة شي يوم توكعني بمصيبة
رفعت راسي اريد اشوفة وين جان اول ما رفعت راسي غمزلي احس تكهربت كبر هذا شبي خاف مصدك نفسه
عبالة معجبة لو شي بقيت احوص لا اكدر ارفع راسي لان هذا ابن الثول مركز وياي عبالة عندي شي
ولا بية اكلهم أنكوم هستونه اجينة بقيت منصية راسي والعب بالمبايل
:-السلأم عليكم خو ما تاخرت
رفعت راسي مصطفى بتسمت تلقائي هو لطيف بس بنفس الوقت أخلاقة مدري شلونها ويا الكل مودب
وياي يستجلب مدري شبي ساعه يلاطفني وساعة يستفزني بتصرفاتة
سلام:-هلا بالزين ونور الزين
يارا-: هلا شعشعت ونورت
مصطفى-: شهل ترحيب الحار
سلام:- حتى تدفع انت الحساب
باوعلي ورجع سحب كرسي كعد بصفي حجة بهمس
وعينه بعيني
-: اذ ما ادفع بعيد ميلاد دكتورتنا بعد وين ادفع
طلع علبة على شكل قلب حب احمر حطهة كدامي
مصطفى:كل عام وانتي بالف خير دكتورة
ليان:-تسلم مصطفى.. توقعت ما تجي
خذ رشفة من العصير مالتي ضحكت بكلبي
قلت عليه الا مالتي
:- اافا شلون ما اجي
ليان:-ليش تاخرت لعد؟
مصطفى-: جان عندي شغل كملت واجيت
سكتنه على صوت دكة مبايل بابا ترخص وكام بقينة بس احنا جنت اسولف ويا مصطفى اجت عيني على
شاب بعدة كاعد انوب غمزلي وعض شفته لتفتت على مصطفى الي لمحة
احس گلبي وكع بصفحتي منخوف كام عدل ياخة قميصة ومشة بتجاه الشاب ابو عيون الخضر صار عدي مغص من التوتر
أنوب بابا مشـة لو موجود خاف أتصير مشكلـة و
سلام گام ورة صاح عليه بستغراب
:- وين يمعود
ومرة عمي ما أخذهة صبر طفرت وراهم واني ويارا بقينة واكفين مكانة توترت روحي لاعت
يار:- راح ينسحل ابو عيون
ليان:- ولج راح ننفضح ياربي ما يتعاركون
يارا-: لا خليهم خل انشوف
ليان:- اي مو فاتحين سينما
كعدت على صوت هوسة لميت شعري وطلعت لكيت أسوة شادة حزامهة تغسل بالصالة ارتكيت على سياج درج
دليار: وجع شعدج من الصبح ماتشوفيني نايمة
اجة صوت امي من جوة: كعدت الخايسة كومي ساعدي اختج
نزلت واني بعدني اثاوب ونعاس بعيوني: ماما شنو هذا تجريح بالمشاعر من الصبح
دخلت للمطبخ ماما تثرم بتيتة ويمهة هواي خضروات وبابا على السنك يساعدهة رحت حضنتة من ورة : بابا شوفهم كعدوني من الصبح
التفت علية وباس راسي: بعدج زعلانة
هزيت راسي بـ لا ..دفعني وكال خوش روحي نضفي الاستقبال
دليار: اوف شنو هييي شعدكم اليوم منو معرس
رند: محد معرس ..ببيتج و جدج راح يجونة
فكيت عيوني وكعدت بصفحهة : عليج الله
هزت راسهة : شلون خبر من الصبح يالكائنات ..شعدهم جاين
محمد: دليار شنو هذا الحجي
دليار: بابا ما حبهم
أسوة: على ساس همة ميتين عليج ..كومي يالله نضفي
تأففت بضوجة شلون يخربون المزاج من الصبح غسلت وجهي ورحت ضفت الإستقبال بعدين كعدت يم ماما ساعدتهة بالطبخ
شوية ونزلت أسوة متكشخة على اخر حبة حاطة شال ومطلعة خصل وجارة كحلة طالعة فد شيء
ماما كامت باستهة وهية سوت روحهة مستحية وتباوعلي
دليار: ماما متأكدة اهلج ما جاينين يخطبون بتج لان احس وضعهة اوفر
أسوة هزت ايدهة : ألمن يخطبوني لجدو
دليار: هههههه عجبتني
رند: روحي انتي هم حضري نفسج لا تشوفج ببيتج و تحجي عليج
دليار: خل اكمل لبيدي
ماما كمت وراحت و اسوة حطت رجل على رجل وكعدت بالصالة
كملت الاشياء البقن وجهزت الماعين
هسة جاين تشوفون ماما تعالوا ورة غدة اوف صدك ماعدكم سالفة
اخوالي بغدادين بس بفترة بحياتهم راحوا لجنوب عايشين بالبصرة حالياً لان خالوا طلعلة شغل هناك و جدو و ببي ويا
عدي ٣ همزين والله لا كثرهم
خالو عاطف بالبصرة و سامر بأربيل هذا ما نشوفة بس مرة كل سبع سنوات يجي يشوف اهلة ويروح حتى عائلتة مانعرفهة… وخالو الصغير البارحة ندعم فريد
هنا عايش بغداد بس بغير منطقة
ماعلينة علاقتي بخوالي سطحية لان لساني طويل على گولة بيبي يحبون اسوة لان تدلل عليهم
مرة حاولت ادلل اجيت اتقيء مدري شلون تسويهة اسوة
سمعت الباب ندگت طارت اسوة تفتحة واني صعدت فوك غسلت وجهي ولميت شعري سويتة ذيل لبست فستان ناعم سمائي طلعت شال ابيض خليتة على رگبتي
عناد ابيبي لان ماتقبل اطلع گدام ولد ابنهة بدون شال واكيد واحد منهم جاي على الاقل
عدلت نفسي شوية اخذت راحتي على ما يدخلون يكعدون
شلت مبايلي ونزلت ماكو بالصالة اكيد بالاستقبال دخلت
باوعتلي بيبي وخزرتني گبل جانت گاعدة يم الباب غلست رحت لجدو سلمت عليه و بعدين سلمت عليهة
التفتت لكيت ولد خالو كاعدين شعدهم جاين كلهم دنگو من شافوني
بيت عمو عارف شوية متشددين مو شوية فوگ شوية بشوية
سلمت عليهم من بعيد وطلعت للمطبخ الگعدة تغث اسوة بقت يمهم يسألوهة على دراسة و نتائج و شتخطط للمستقبل
سويت جاي وصبيتة رحت اقدمة الهم لان اسوة تنسى روحة من شوفهم
اول مادخلت حجت بيبي: ما اشرب جايج اذا ماتحطين شال على راسج
ولا شربينة راح اموت مثلا ‘ ابتسمت : صار بيبي
حطيت على طاولة بالباب ولبست شال على راسي و رجعتة شلون ما جان
بعد ماحجت قدمتلهم على الساكت اخذوا خليت الطبلة على طاولة توني اريد اكعد سمعت ابن خالي گال
: شكراً..عاشت ايدج
رفعت راسي بقيت صافنة على لواء : ها..العفو ايدك العايشة
يمة گمزني شبي كعدت بصف ماما همة بقوا يسولفون على خالو فريد العرفتة جاين عليه
اندگت الباب بس لا هم خوالي كمت بسرعة بس اريد لي عذر اطلع من الاستقبال لان شفت ببيبي تباوعلي
اكيد محضرة موشح مال رزايل ..مدري شبيهة علية رغم اني و أسوة نسخ بالشكل بس حاطة راسهة وياي
وگفت ورة باب : منووو
: انيي
فتحت باب على نص وطلعت راسي شفت ابن جيرانة حيدر: عليك الله
ابتسم وگال: والله
دليار: يا بوية ولا جنت ادري
ضحك على كيف ونصة راسة نوب رفعة عدل وكفتة : ابوج هنا
هزيتلة راسي : ممم..شتريد منة؟
توة يريد يحجي بس سكت وباوع وراي حسيت بشخص واكف رفعت راسي طلع لواء دفعني ورة الباب وحجة ويا
لواء: تفضل
حيدر: ابو دليار موجود
الضحكة شكت وجهي من سمعتة گال هيج خرب اول مرة واحد يصيح لبابا بأسمي .بعدين شدراه بأسمي
رحت للاستقبال كلت لباب يردوك بالباب كام طلع وكعدت جوة بعدني مبتسمة حاسة بفخر هههههه
دخل لواء عاقج وجهة وخزرني راحت ابتسامتي و باوعتلة بستغراب اسم الله الزهرة شبي هذا
لواء: شلون تفتحين الباب ماتشوفين زلم گاعدة تنتظرين واحد يروح
حجيت بتوتر: ها ..وينهم الزلـ..م
حطيت ايدي على حلگي يبووو لصتهة حجيت بسرعة : احم بابنة ندگ وطلعت ماقصدي ..من رخصتكم
طلعت طيران للمطبخ خرب وعلى قصفتهم قصفة جماعية سويت تحديد الكل ..هسة ماما تسود عيشتي
شوية ودخلت اسوة تمضحك كالت ماما تكول حضروا الغدة
جهزنا الغدة على طاولة بصالة رتبنا همة الزلم راحو يصلون بالجامع لان جدو مايصلي الة بجامع
وببي وماما بقن على ما اجو كملنة كعدوا يتغدون اسوة حشرت روحهة بين جدو و بيبي ومقابيلهم كعدوا ماما و بابا
كدامهم ولد اخوالي لواء و رائد و أمير
عدهم فائض بالهمزة لازم اسمائهم هيج
بقيت واكفة بالمطبخ واباوع على طاولة اختاريي مكان واحد گبال لواء و احد بصف بيبي منو الاقل خطراً
اوف طاحظج اسوة
كعدت گبال لواء وبديت اكل رفعت راسي لبابا اجاني فضول اسألة شيردون جيرانة خاف على موقف البارحة
اذا صدك اصير ميز رزايل
فزيت على صوت اسوة رفعت راسي : ها
حجت بيبي : وطك رحا مو احجي وياج ولج
دليار:ها..اسفة ما نتبهت
التفتت على ماما: بتج صايرة فاهية يرادلهة ضب
گلبت عيوني بدت رحمة الله ..ماسولفلكم كمية الاسألة و الحجي الصارت هذا الموال اسمعة دوم
والله واكفة بلعومي بس اريد اعرف شعدهة وياي
أسوة: بابا حبيبي شعدهم جيرانة اجوك
اجة صوت أمير بحدة: وانتي ليش سألين حجي زلم
اسوة نزلت راسهة ماحجت خدودهة صارن حمر شگد تستحي منهم
بابا خزرة والتفت على اسوة: اجو ياخذون رخصة يصعدون على بيتهم عدهم شغل
حجة لواء بستهزاء يباوعلي : خوش ناس ماشاءالله يعرفون الاصول
هز بابا راسة الهم ورجع يحجي وية جدو ..و ماما و بيبي سوة
بقيت مدنگة واحس بعين لواء علية زرفتة لراسي ابن ال.. خرب ماريد اغلط عيب
نصيت شوية و ضربت رجلة من جوة طاولة على كيف فتحت عيوني على مصدوم ..شبيك محد ضارب رجلك قبل
وخر عينة مني بس مبتسم الحمدلله وشكر ترخصت منهم وكمت ارتب بالمطبخ على ما يكملون
وراي اجت اسوة همزين تهزهزت لمت الاماعين وغسلتهن ماساعدتهة خباثة
رجعوا كعدو بالاستقبال سمعت يباتون ..اويلي شلون حظ خرب
ماما كالت نفتح الغرف ونرتبهن الهم
بيننة جبير بس احنة ما شاغلينة كلة
غرفة لماما و بابا و اني واسوة كلنة فوك ..جوة غرفتين ما فتحيهن مخليتهن ماما للضيوف بين قوسين اهلهة من يجون لان بيبي تبقى يمنة مرات
رحت ارتب الغرفة راح يبقون بيهة الولد وغرفة لجدو و لبيبي
نزعت شالي وشديتة رفعت بي ملابسي فدوة للكشخة الطارت ..كملت وطلعت لاگاني مؤيد نصة راسة وخر على جهة..هذا متدين الولد كلش الله يخلي حباب
ماريد التقي بي احس روحي على گولة سجى يهودية
مريت من يمة حجة وهوة مدنك : خوية بلازحمة تجيبيلي بندول
دليار: تدلل ..
دخلت واني رحت جبتة و وديتة الة شرب اخذتة منة التفتت دخلو خوانة عفتهم وطلعت
جدو و بيبي هم راحو يرتاحون كملنة شغل وصعدت لغرفتي احس متكسرة خرب گبل ذبيت نفسي على الفراش ونمت
.
.
.
رجعوا كعدو بالاستقبال سمعت يباتون ..اويلي شلون حظ خرب
ماما كالت نفتح الغرف ونرتبهن الهم
بيننة جبير بس احنة ما شاغلينة كلة
غرفة لماما و بابا و اني واسوة كلنة فوك ..جوة غرفتين ما فتحيهن مخليتهن ماما للضيوف بين قوسين اهلهة من يجون لان بيبي تبقى يمهة ماما وحيدتهة
رحت ارتبهن غرفة راح يبقون بيهة الولد وغرفة لجدو و لبيبي
نزعت شالي وشديتة رفعت بي ملابسي فدوة للكشخة الطارت ..كملت وطلعت لاگاني مؤيد نصة راسة وخر على جهة..هذا متدين الولد كلش الله يخلي حباب
ماريد التقي بي احس روحي على گولة سجى يهودية
مريت من يمة حجة وهوة مدنك : خوية بلازحمة تجيبيلي بندول
دليار: تدلل ..
دخلت واني رحت جبتة و وديتة الة شرب اخذتة منة التفتت دخلو خوانة عفتهم وطلعت
جدو و بيبي هم راحو يرتاحون كملنة شغل وصعدت لغرفتي احس متكسرة خرب گبل ذبيت نفسي على الفراش ونمت
كعدت الصبح على صوت المبايل تمللملت بالفراش وبعدني انعس شلتة شفت اسم سجى
خرب هاي شعدهة من صبح فتحت اجاني صوتهة يصيح: صخاام نايمة وج گعدي طلعت نتائحنة
صفنت شوية استوعب شمرت جهاز ونزلت گبل شلون هبطة من الصبح لكيت بابا و ماما كاعدين كدام لابتوب و اسوة خانسة بصفهم من خوف
كعدت بصفهة منتظرين بابا يطلعهن شوية ورفع راسة لأسوة بتعابير ما راضية هية گبل طگتهة بجية
ضحك وحضنهة گال ناجحة خوش معدل اشاقة وياج ماصبرت سحبت الابتوب علية و دورت اسمي
لاگاني اسم سجى خرب بت الموحلو شهل معدل المعلگ
رحت لمعدلي بال80 يالله نعمة الحمدلله تنفست براحة ..ذيج الثولة هم معدلهة ب80 وتبجي تكول مو هو لتمنيتة
باركونة بابا و ماما وعدونة بهدايا أسوة بقت تتشرط عليهم جيبولي هيج و هيج
خطيت راسي على رجل بابا واني بعدني منعسة طافية
رند: لج كومي لاتنامين هنا لايجون ولد خالج
دليار: اهووو البيت بيت ابونة و الغرب حاربونة
ضربني بابا على راسي: مو عيب يعني امج غريبة
دليار: امي شجابهة بالنص قصدي على ولد خوانهة
: شبيهم ولد خوانهة
اجة صوت لواء من باب وراه بيبي و جدو عدلت كعدتي ورفعت شعري لابسة تشيرت و تراك قصار
دنگ لواء واني رحت اركض للغرفة واسمع بيبي تحجي علية شلون لگتلهة حجة من صبح
دخلت غسلت وجهي وبدلت سمعت صوت هلاهل من جوة عرس أ.محمد هههههه
لبست دشداشة بلون اصفر وبيهة نقش بسيط اسود ورة الضهر مفتوحة قليل كلش حلوة و مريحة لان احنة لوحدنة بالبيت نلبس كلشي
بس هسة بيت خالو يمنة ..لميت شعري بقراصة وحطيت شال هيج كلاوات بس غطة ظهري
نزلت شفت بيبي فاتحتلي اديهة بلعت ريجي ورحتلهة حضنتني و باست راسي نزعت محبس جان بأيدهة ذهب خلتة بيدي گالت هاي هدية نجاحج
صديت لماما مبتسة شكرتهة ورحت للمطبخ صبيت ريوك وكعدت كل هذا واني مخلية هدية بيبي بأيدي وضاغطة عليهة
هية تكرهني مدري ماتكرهني مدري شنو سالفتهة يعني اذا امرض لو شيء تتصل تسأل عني بس ترزلني هواي
اني من اشوفة ترزل وقبل دوم تحجي علية من جنت صغيرة فلذلك بدت مشاعري تبرد تجاهة ما احضنهة من تجي اسلم عليهة من بعيد وعاندهة
حطيتة على طاولة وكعدت اكل نسحب الكرسي كدامي وكعد لواء
لواء: مبروك النجاح منة للاعلى
دليار: الله يبارك بيك
باوع للمحبس: شنو ماعجبج شو ما لبستي
رفعت راسي الة ومديت ايدي احرك بأصابعي: وين احطة مايكفي
لواء: ضمي ورث لجهالنة
هزيت راسي بأي بعدين استوعبت شكال جهالنة… انة احنة ؟
رفعت حاجبي: نعم اخ لواء ماسمعت
لواء: خطبتج من اهلج قبل شويـ
غصيت بالگمة شربت ماي رجعت باوعتلة: عفواً..شنو خطبتني وجهالنة و مكمل حياتك عوزك بس تسمي احفادك ..منو گال اني موافقة
لواء: ليش ما موافقة ..
وخرت ماعون ورتكيت على الطاولة: انتو مو جاين تشوفون خالو فريد ..منين طلعت سالفة خطبة هاي ؟
لواء: جاين علمود عمي و حتى نحجي بزواج مؤيد و ابتهال و كلت اخلي الفرحة فرحتين و اخطبج
طگيته ضحكة : هههههههه يابوية هههههه اني شايفة بحياتي بس مثل ثقتك اول مرة اشوفة .. الحمدلله وشكر
عقج وجهة وحجة بحدة: تستهزئين شنو ..مو بعينج اني
دليار: على هذا تفكير و شلون ضامن بكل بساطة ممكن اقبل بيك بس لان انتة لواء ماعرف منين جايب هاي اثقة .. نعال برجلي ماخليك
ماحسيت غير بأيدة نرفعت يريد يضربني حطيت ادية كدام وجهي ورجعت ليوره طاح الكرسي
اجو ماما و بابا على الصوت هو يمسح بوجهة ويستغفر
عصبت حيل منو هو يضربني لو ما بابا جاي الة اعلم على وجهة
عصرت عيوني حيل گوة طلعت دموع لتفت لبابا واني عاقجة وجهي جني اريد ابجي
ماما حضنتتي بس استاذ محمد ماكال باطل لزم لواء من ياختة وجراه وحجة بعصبية: انتة شلون ترفع ايدك على بتي و بيتي هم هاا
لواء: عمي مو قصدي هية اجاوزت
دفعة بابا وكفت بيبي ابينهم مدري شنو حجت وية لواء خزرني وطلع و بابا اجة سألتي اذا بية شيء او لا هزيتلة راسي بلا
_____________نهايـة البارت
