رواية الم احل لك بعد الفصل الرابع 4 بقلم الكاتبة بتول

طبيت لديوان جـدي

واشوفـن النـااس تارسته

ومبين كعده سوالـف واحد ياخذ شور الثاني بـمشكلة صاايره بعشيرته

والاراء تنـطرح

جليت صوتي بـ السلام وكـعدت يم جـدي عگلي مو بـراسي مدوهن وخاايف لا ولله مـرعوب شون وبيا طريجة افتح جدي وبياا حجاية ابدي سالفتي

اخذني من صفنتي الكهوجي طكطكه الفنجان

….. مدلي الفنجـاان شربت الكـهوة وهزيت الفنجان

وگلبي يحجِ ويااي

يـ وريث سالفتك راح تصير امر من هاي الكهوة

وتقـريب الساعتين ضليت على فرد كعده متـااني هلـ كعده تفض

… ويا دوب الحجااية تطلع منـي لو شارني جـدي وهو هم من شاافني مالي خلـك باوعلي وهـز راسه ومرد سبحته بـيده

وهاي حـركتهاا

معناها اصبري الي اتفرغك وتحجي البـكلبك

وعلما فض الديوان من العرب

انه روحي فاضة وصايره وصلة مسح

…. فض الديـوان والناس البي ضلت شوي شوي تنسحب

غيـاد.ايي يبعـد ابوك شمالك مدوهن بالك موش ويااك

… لمن صديت لديوان فاارغ وحتى الكهوجي ماكوو والباب مسدود

وهااي مو من عادة الديوان

بس اذ سالفة جايده وتحتااج الخصوصية ينسد الباب

غياد.احجي بوويه لا تخلي بكلبك معتااز شي… احد غااثك بحجايه… مسمعك جلمه موزينه

وارث.لاله ياابه بس

غياد.احجِ بويه شنهي سالفتك

وارث.انه شنهي الك يبه

…. ابتسم وبينت تجاعيد وجهه واثار جورت الدنيه علـي وتعبه وشگاه هاي السنين كلها طلعت على شكل خطوط بوجهة بس مااخذت من هيبتة شي بل زادته وقر وسماحة وجهة

غيـاد.سبااح گلبي ياا يبعـد ابوك وهله

وارث.وسبـااح گلبك يجددي جاايك بـطلب

تردني يبه

تبوسم وحجه

غياد.تأمر يـ ابووك مو تطلب احجي شنهي طلبتك

…. وانه طكيتها طك بـ طك وحار بـ حار لا صديت منا ولا رديت منا حجاايات ينحسبن على الاصابع حجيتهن

وارث….يبه انه اريدن تنسيم

غياد…شنهي يبعد ابوك

وارث….يبه انه موو زغير واعرفن البت عمي ما جايسهاا ومامگرب صوبهاا….. صااح بصووت گمز

… گلبي وجن اعضااي ضلت تتراجف من صوته بس عود انه النچـر ماا خليت شي يبين عليه

ااشر بـ اصبعه السبابه على حلكه وكال بـ عصبية

غياد… ااش اااشش وولك تف هلـ حجي من حلكك يمصخم الووجه شنهي جاايني سكراان ولك لوو ماضل براسك عگل

وارث….يبه…

غياد.تخسه ولك اانه مربي زلمه ماا مربي خنيث و يحط عينه ماال الفكس على مرت عمه يلمااتسحتي على وجهك وما تنتخي

دنكت على اايده حبيتهاا ودموعي نزلت على جف ايده

وارث… وروح اامي وابوي گلبي هااويها بوويه لا تكسر بختي مشي عليك علي ابو الحسنين

جر راسي ودفعني عنه

غياد.بسك ووارث بسك لا وعلي التحلفني بي جيله بنص راسك وانسه انته ابن منهوو وشنهي معزتك عدي

وراث.ااريدهاا يبه….

وكف وجر عوجيته خله طرفهاا على راسي

وحجه

غياد…حضر روحك ولك مالك كعده بـهالبيت بعد

خله وطلـع

وانه انهد حيلي رجليه كمت ما اهجس بيهن من الرجفة

رجعت راسي بتعـب على الحاايط

مسحت عيوني وافكر شسوويت انه عوود صدك حجيت الضامه بكلبي صارله سنين وما مش بشر يدري بس انه وربي

شنهي سويت وشعملت انه برووحي

وشعملت بـ رويحتي وشنهي مصيرهاا ما دام الحجي وصل لـ جدي

اخافن يرجعها لـ عماامهاا وتالي من صدك افلس من عدهاا ياابه بالعبااس اموتن بساعتها

فززتني فتحت باب المضيف حيل وعدالي جدي رجع عليه من ركضته وخفكته عرفته

درت وجهي مسحت عيوني وكعدت على حيلي

ولد عمي عگاب

عگاب…وريث شعددك كاعد بالديوان بحيدك

وراث…ماامش شي ليمت رديتو من الصيد

عگاب… كبل ساعة

امش ويااي شوف صيدنه

وراث…. مالي خلك

….كفيت دشداشتي وكمت طلعت من المضيف مكسور حيل وخاطر

والخوف محتلني

ماجنت خايف علىروحي بكثر ماا خايف عليهاا وشنهي راح يقرر جدي بسالفتنه كلت يالله و

فتت للمطبخ

…. خذتلي كلاص ماي وفتحت البراد

انداريت من لمحت عيونهاا لحكتني

صديت الهاا عيونها تسئل شنهي الصار وياك..؟ وشمالك صارلك يومين صاد عنـي…..؟

ما اطيتهاا نشده

… هزيت راسي واخذت الكلاص ودخلت لصاله وصعدت ردود لغرفتي بياا وجهة ارد على سؤالها

ذبيت دشداشتي وانطرحت على قريولتي

…. وحجااية جدي ادك براسي دك البسماار بالخشب

انه مربي زلمه موو خنيث يحط عينه على مرت عمه

لجـن وعلي مااحطيت عيني عليهاا ولا عيني الهوتهاا بكيفهاا ولا جاانت بعگلي

…. اله كلبي المدوهـن عشكهاا من اول ماا شفت دموعها تصب بهظم عالخدهاا

…. مرت الساعة والساعتين وانه عالنفس نومتي والتفكير ماا فارگني

واكل روحي اكل من الملامه والندامة واكول لو صاابر شوي لو متريث چاان يمكن جدي ما اغتاض هيج

…. نفتح البااب ودخـل المصرگع

عگاب…وولك يولد انه ماامرتااحلك شجااك مگلوب حالك من العصر

ومساع شفت جدي هم ماا يتحاجه من عصبيته

دريت السالفه بيهاا وريث شعاامل ولك وهيج جدي مؤرث من وراك

وارث… ما شايف جدي من العصر لا تذب تهمه براسي

عگاب….انه اخووك وريث عليمن تمشيهن ذني عليـه

وراث….عگاب فج عنـي بداعت امك وعلـي روحي كووه حااملهاا و واصله لـ هامتي فج عني

عگاب…. اعطسهاا

.. رفعت ايدي على راسي وشفته كاعد مكابلني

وارث… شنهي هيه

عگاب… روحك مو كوه حاملها اعطسهاا

انطيته دفره بنص بطنه طااح للكاع وهوو يضحك المسگط

رد وكف علىـحيله يعدل دشداشته ويحجي

عگاب…كووم نتـعشه يخـوك تلكااهم صبو العشه

وتدري غياد ماايتعشه اذ موو جهرتك مكابلته مدري شـ شايف بيها وهيج يحبهاا

وارث….روح عگاب مالي نفس

عگاب….واذ غياد رادك

وارث…كله ناايم

عگاب…خوش حجي

طلع وسد الباب وراه غمضت عيوني مهدود حيلي

من التفكير بالجاي ومصيرنه بيد جدي

ياا يعمر گلوبنه ياا يهدمها ويهدهاا لللگاع

اخذتني النـومه من التعب والقلق والتفكير بالمصير لـ وجه الصبح وماافزيت غير علـصوت الهلاهل بصف حجـرتي

…. فكيت عيني وايدي علـى گلبي

واول شي صاار كبالي تنسيم وعمـي عتاد

ردت بس اكووم على حيلي واعين روحي مااكدرت وجن اطرافي نشلت

رددت

…. نادي علياً مظهر العجائب تجده لك عونا في النوائب كل هم وغم سينجلي بولايتك ياعلي ياعلي ياعلي

… وكفت كوه على حيلي

مشيت وكلبي يتساابگ مسابگ حتى افـج الباب واشوفن شنهي السالفة

…. طلعت من حجرتي وي طلعت عـمي عتاد من حجرته

وجهة يضحك ولابس دشداشة بيضة والبخور معلوك بهـولنه

وكف كبالي وحجه

عتاد.هاا بويه فززناك من نومتك

جمعت قوة نطقي كلهاا وما طلعت بس بـ جلمتين

وارث.شنهي صاير…؟

عتاد.اشتهينه نجدد العـمر بعد عمك

وارث.عمـريش عمـي……؟

ضحك ردود وحجه

عتاد.جدك يعلـمك انزل بوويه واكل لكمه من ريوك المعاريس بلكـي تلحك عمك بـفاله

… هديته يحجـي ونزلت اركض لجـدي كل باايه انزلهـاا اتذكر وراه هاي الركضه

… كسـر گلوب وهـدهاا للكـاع حـدماا حطـيت جدمي بالكااع شفت جدي متوسط الكعـده بالهول وعماامي وعيالهم يروشون بالهول

والهوسه مادريت شون ضليت مصبر على رجلية ومطيهن حيل موكفاتني

ما لحكـت افج حلجـي بـ جلمه اله والتمن نسوان عماامي يم الدرج يهلهلن فريت وجهي وعسـاني بهـذيج الساعة ماافريت وجهي الهم ولا شفت ذيج الشوفه

…. اشوفن عمي حـاط تنسيم حـدر جتفـه يضحك وعمااتي يتاسبگن بالمباركة الهم

كل هلهوله منهن جـن جيلـه وخنجر ينحطــن بنص گلبي

تهـدم سور باني صار سنين من اول

دمعة نزلت من عيونهاا وهيه داخله النه مبيوعه بـرخص

اول ضحكة الها بوجهي من اطيتهاا المصقول

حتى ترضه وتبطل بجي

من اول بيت طين بنيناه انه وياهاا

بهذيج الساعة دمعة لالت بعـيني بس ووكفتها وما نزلت وشنهي جووابي يو نزلت جدام من هاي العرب كلهاا موش فرح عمـك العزيز على بت گلبك عليش تبجي ووارث

لا يبكي المرء مِن شدة الحزن، بل يبكي من عدم قدرته على الإنهيار، يبكي من قسوة ثباته

… ماصديت لـ احد بس حطيت عيني عالجدي لكيته توه يدخل لحجرته وما صاد اليه ولا عاين الي

عليش يـ ابوي

عليش تگسرلي گلب

عليش تهدم احلام وامنيات بانيهاا

چاا موش انه سبااح گلبك مووش انه وريث عزيز گلبك

مااكدرت بعد و روحي ماا حملت لـشي

خليت وطلعت للحوش من الحوش افتريت لظهر للبستان مامش احد طلعت امشي ومااعانتني رجليه صاارت خيوط وهذا موش العشم بحيلي ولا برجليه ما عانني ولا هذا العشم بدموعي النزلت على لحيتي بهظم وكسره گلب

… كعدت بظهر بيت ابو رسن ارتجيت على الحايط وراسي بين رجليه انحـب وانه فاكدلي عزيز

فكدت اليه گلب ماامش بي بعد رجعة و ردود الـيه

هاي هيه وراث

… صفكت جفين اديه سوه واحاجي وي روحي

… انتهت سالفتك وهيه ما باديه ولا الها بداية

خلصت هاي هيه راحت من ايدك وصاارت حلال عمـك عتاد

… عمك الرباگ وتعب عليك ولحم اجتاافك من خيره وافضاله شنهي رايك تمش وتحاججه بيهاا يو تسد حلجك وتكول ماامش شي صاار قسمة ونصيب

… ساعة تمر والشمس صكت بـ راسي وراسي هاج عليه فرد نووب مسحت دموعي بجف ايدي

وعيوني ما اعاين بيها زين مغوشه صورة عدي

سندت اديه بالگاع وكلت

… يااعلي ياابو الحسن عيني فدوه مولاي

كمت عالحيلي وانداريت عالدار مالت ابو رسن اعاين للباب مصكوك وعليِ زنجيل حديد

… فكيته ودشيت للدار صكيت الباب بـ وراي وماعاينت لـ شي بس اجت عيني على جودلية مفروشة بالگاع

ذبيت روحــي عليهاا وايدي خلاها عالعيوني حاجب عن الضوه جني انعميت وكمت ما اعاين لـ شي بيهن

…. والوجع حول من راسي لـ عيوني صكت عيوني فرد صكه واخذتني النومه مدري المـوته وجن قهري كله طلعته بالنوم جنت شارد من التفكير والعتااب

وشون اردن للدار واحط عيني بـعين عمي وجدي

والذنب راكبني من راسي لـجدامي

ويطيني گلبي اعاين لـ عمي وهو حاط بت الگلب حدر ايده

…. ومااوعــيت غير عالدك كسر الباب مالت الدار

فزيت وكمت على حيلي اعااين الفجر طار والعصافير مجلجله يم الشبابيج تصوصي

طلعت فجيت البااب صار جدام مني عگاب وحمدان

حمدان…وولك ووين صرررت انته

… اطيته ظهري وفتت للبيت كعدت عالجودلية ومتجي ظهري للحايط ساحب رطوبة وكلهاا صارت بظهري فاتوا همه كعد حمدان جدام مني وعگاب يفتر منا ويرد منا وعيونه عليه يعاين اليه

حمدان…وولك ورريث احجِ ويااي شمالك

تدري شنهي الـصاااير بالدار ورااك تدري حبوبتك ماا غمضت الهاا عين من وراك وجدك مناطر عالبااب متاانيك وانته هناا مسترااح وغاط بالعس…..

عكاب… بسكك حميدان شنهي انفتكت ااسكت شوواي خل الزلمه يفج حلجه بحجاايه اكلته وشربته بلاايه ملح

… ثنه رجليه وكعد جدام مني نزل ايدي من عيوني

عگاب…شمالك يـ اخوي عليش غطيت هلغطه وماااطيب وحيد منه خبـر

وارث….مادري عود طلعت الصبح اتمشه ودخت شوي وفتت للدار هنا

عگاب…وهساع شونك شي يألمك تمشِ للمستشفى

نشوف شنهي علتك

وارث…لاله ماابيه شي بس خلوني بحيدي مالي حيل امش منا لهنـا ردو انتم للدار

حمدان…خويه ياا نرد بحيدنه غير غيااد گالب الدنيه عليك وعلي ومن طر المغرب لهساعة احنه ندور وماامش الك خبر مااخلينه وحيد ما رحنه النه وسئلناه عنك

وارث…ان نشدكم عنـي كلوله بـدار ابو رسن والدار فارغ ومامش وحيد بي ماخذ راحتي

عگاب…حمدان روح اطي نشده لـ جدي وانه ضال يمه لا يتسودن الزلمه

وارث…لاله عگاب حتى انته امشِ وي حمدان….

عگاب…ولك ماا اتعااين لحالك شون صااير شمالني تخبلت اخليك بحدك

وارث…عگاب اامـشي عليك امير المؤمنين امشِ غااد للدار لا يضل بالكم يمي انه بس استراح اردن

موش فرخ جاهل انه اكدر ادبر امري

حمدان…امشِ عگاب وخله براحته الزلمه مدوهن وباله عمله خله يسترااح ويرد النه

وانه شواي واجيبله ريوك يسند عظمه بي

وارث…اي خويه و ردو الباب بـ وراكم

…. طلعو وانه رديت انطرحت وجن هجيت علـروحي المواجع بكعدتي ردت عيني تغفه وارد ردود اناامن واشرد من التفكير

بس مامش نوم طر عالبالي هناك واتذكر انه مامصلي الفجر كل يوم اتغابش وي جدي وجدتي نصلي سويه

بس اليوم يختلف وجن ايامي الجاايه كلها خاليه من جدي وجدتي وعمومتي

وانه جنت ناوي ما اضلن بحوشنه ولا الي عين ارد ردود اعاين واصد بعين جدي واتذكر حجيه اليه

… شنهي جايني سكران….

انه مربي زلمه مووش خنيث يحط عيني على مرت عمه الربااه وتعب علـيه تعـب والد…..

… وارد اتذكر الهلاهل الفجعت روحي وكسرت گلبي كسره گلب ام لـ وحيدهاا وعزيز كلبها

ونصبت بنص صدري فاتحـة مالها يوم وتنتهي

دايمه ماا دام النفـس يطب لـريتي

فزيت على حيلي بـ ياعلي وكمت توضيت من مغسلة بره الدار

ورديت لكيت تربه محطوطة عالبوفية ومصلايه زغيرونه كد جف خضرة الايد مكتوب عليها بالون ذهبي

((لله محمد علي فاطمة الحسن الحسين))

گبل لا اصلي رفعت اديه بالدعاء لله يخلصني من هاي المحنة ويبرد گلبي عبن ماريد الحقد يترسه على هلي وناسي

موش انه الينكر تعبهم بيه و رباهم اليه وسهرهم عليه

…. ختمت دعائي بصلاة على محمد وال محمد وبديت اصلي القضاء عبن الشمس طالعه وانه صارلي ٢٢ ساعة مخمود ونايم ماادري بالدنيه شنهي ما شنهـي

سمعت فكت بااب وصوت صينيه انحطت بالكـاع

خلصت صلاتي وانداريت اشوفنه عگاب كاعد مرتجي

ويعاين اليـه

عگاب…تقبل لله

وارث…من الجميع ان شاءلله شعدك رديت

عگاب…جبت الك الريوك وجدي يكلك ضل هنانه لحد ما ترتاح وتردنه النه الدار دارك لا تااخذك الغربه

وارث…خوش حجي هساع جبت الريوك ووصلته انعم لله عليك فوت اطلع يله

عگاب…وريث اكعد وجابلني يـ اخووي واحجِ اليه شنهي بـ راسك شو ساالفه طيحتك انه ماخاشه عگلي

وارث… مامش عگاب لا تخل عگلك ويااي تراني مااحامل روحي مووهنوب نكگ وكركرتك

عگاب… جني ما راح اخذ منك لازحگ ولا باطل

تعاال جاابلني واكلك لكيمه وخل عنك هاي السوالف

وارث…مامشتهي العسل

عگاب…ويكلي ماامش شي وهو من امس مااحط شربه الماي بحلجه

شنهي ولك عليمن تضحك انته

… كعدت حذاه خليت راسي عالحايط مرجي

وارث…عگاب

عگاب….شنهي يـ اخوك لا تعل گلبي وعلي اشيل من عاافيتي واطيك بس لاا دوهني ويااك وتخليني بعيد عنك مااعرفن شنهي الماذيك وانه موش متعود عالجفه منك

وارث…ارتااح عگاب انه ووكت اريدن احجي اجيلك بس هساع اريدنك تجيب اليه جم هدمه جيف ماعد غير هاي الدشداشة العليه

عگاب…عالهاي السالفه سهله وتدلل بس اردن اجيب الك هدماات بس اضنك ما ناوي ترد وريث حاجني

وارث…لاله خويه مالي نيه

___مرت علـيه اسبوعين

انه كاعد بيت ابو رسن وما طلعت منه وماتغير شي عليه غير جيت رسن للبيت ابن الزلمه وبوكتها تعذرت منه واستحيت عبني كعدت بالبيت بلايه اذن من الزلمه يو من اولاده بساعتها گالي

رسن…خويه هو البيت بيتكم وانتم اصحااب هاي النعمة لجن انه ابوي بعد ماله رده للديره عبنه تعب جيف زلمه بحيده ويراد اله مداره وانه هناك ببغداد تزوجت علموده مدارته

الحلال حلالكم

…. اتذكر بوكتهاا حطيت الجاي جدام منه وكعدت حذاه اسئلنه عن بغداد والعيشه غااد وان جانه اله مگدره

يدبرالي شغل يمه ومجان اكعــد

وهو تكفـل اليه زلمه وونعم منه مااگصر بشي ويااي

…. مـر الشهـر وانه ما لافي لحوشنه ذاك ولا شاايف واحد من اهلي بس عگاب يمرلي ويرد يروح ما يطول

ذبيت روحي علـ قريوله وجف ايدي على راسي

وهذا الشهر تعده يـ وارث شنهي

رايك تـضل هيج معلگ ومعلعـل لا اكله مثل الاوادم لا نومه عدله

بس وغيرة العبااس ماالي گلب يحمل يشوفهاا هيه وعمـي سووه

احط جيله بنص روسهم اثننيهم وانه الحگهم

سمعت طكاات على البااب فز گلبي كبل جدامي

هااي الطگات مالت عصاا جـدي

اعرفنها زين وما تخطي اذني من تسمعهاا كمت عدلت هندامي وركضت فجيت البااب صاار كبـالي بـ هيبته المعتادةما تجـرأت اعاين اله مدري حاقد علـي

بهذيج الساعة ما حطيت عيني بعينه

حجه بصوته الجهوري

غيـاد..شنهـي بوويه مالي مجان بـ بيتك

اطيته مجال دخل والعوجية الهاا وزنها من اطگ بالكاع وي خطواته

مشيت لـلمطبـخ اجيب اله ماي

خذيته بطاسه خليته كدامه وكعـدت عيني ما رفعته علـيِ

شرب

تحمد

ذكر الحسين

ونعل يزيد وگال

غيـاد.شنهي قضيتـگ بويه شوو شديت بقجتگ علـظهرك وطلعت من الدار

جـنگ مره زعلانه من زلمتهـاا

سكتت ما حجـيت

رد حجه ونابزني بـ عصاته على فخذي

غياد.احجي وولك وريث حرمه انته وطالع من الدار زعلان احج بـساعك

رفعت نظري علـيِ وگلبي يكصف گصف يباوعلـي بحنية عگس صوته والنبرة اليحجي بيها وياي بيها زعلان وجنه مغتاض مني

وارث.مالي رده لهذاك الحووش

غياد.ازوجنك وترد….؟

الــرحلة طويلة وي وراث والمصاعب كـدامه هـواي…

يتبع