رواية طبيب القرية الفصل السابع 7 بقلم صفاء حسني
الحلقة 7
.
.
رجل كبير من الموجودين تعالي ياولدي
سليم: اقعد هنا ريح عشان أسمعك مليح ..
مالك لم يكن يفهم ما يقصد الرجل العجوز ..
صقر : اجعد يا ولدى جنب جدك أبو سويلم اقعد بريح أبو سويلم
( وانا مش فاهم حاجة )…
ابوسويلم : خد يا ولدى اقرا سورة يوسف اكده وسمعنى صوتك …
مالك :حاضر وفي سره ياه من زمان مفتحتش المصحف من وقت ما كنت صغير لكن كان لازمن اتذكر القراءة علشان مقصرش رقبه ابويا قدامهم مهما كنت واخد موقف منه ..
وبدأت أقرأ لحد ايه سيدنا يوسف وزوجة ألعزيز لما راودته عن نفسه واختار سيدنا يوسف السجن…
قال رَبِّ السِّجْنُ أَحَبُّ إليّ مِمَّا يَدْعُونَنِي إِلَيْهِ وَإلا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُنْ مِنَ الْجَاهِلِينَ”. ونجد رد ربنا سبحانه وتعالى على هذا الفتى الصالح في الآية التي تليها: “فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ إِنَّهُ هُوَ السَّمِيعُ الْعَلِيمُ”.
أبو سويلم : يا بوى في نسوان اكدة ايه الشر دا كلاته ….
محمود :علشان حبته يا عم ابو سويلم …
أبو سويلم :دا خطى مش حب يا ولدى …
اكرم :حقيقي يا جدى دى حرمة خاينة قوي …. وانا شايف ان كل بت اوحرمة تسلم نفسها للشيطان تستحق القتل مش سيدنا يوسف هو إللي يتسجن …
ابوسويلم : كمل يا ولدي صوتك حلو قوي …
بدأ يقرء مالك وهو فاهم ليه اختروا الصورة دى علشان هو سئ مثل زوجه العزيز استغل كل بنت ولعب بيها بدل ما يتعفف مثل سيدنا يوسف واستمر المرة دى يقرأ علشان يعرف نهاية القصة لحد ما وصل لأية
«الآن حَصْحَصَ الْحَقُّ أَنَا رَاوَدْتُهُ عَنْ نَفْسِهِ وَإِنَّهُ لَمِنَ الصَّادِقِينَ * ذَلِكَ لِيَعْلَمَ أَنِّي لَمْ أَخُنْهُ بِالْغَيْبِ وَأَنَّ اللَّهَ لا يَهْدِي كَيْدَ الْخَائِنِينَ * وَمَا أُبَرِّئُ نَفْسِي إِنَّ النَّفْسَ لأمَّارَةٌ بِالسُّوءِ إلا مَا رَحِمَ رَبِّي إِنَّ رَبِّي غَفُورٌ رَحِيمٌ» صدق الله العظيم
كل كبرات الكفر صدقوا وبداوا بتقيم مين من الشباب يمسك الجامع وقت رمضان …
محمود :يابوى حتي وهى اعترفت علي خطئها، بعد ما عادت ل ربها، وأعلنت توبتها لسه مصممه تخليه يحبها فين كرامتها …
مالك آخيرا نطق ورد عليه…
مالك :مفيش كرامة في الحب …
محمود يقرب من ودن مالك :ههههه مليح ما انا عارف رايك ما انت عشقان زبيدة وهي مش معبراك …
مالك :عيب يا محمود مش وقت الحديت ده …
محمود :هقولك كلمتين يا ولد عمى زبيدة مش ليك وانى بحبها وأولي بيها منك انت كل يوم مقضيها مع بنات الكفر ودور المشيخة مش لايق عليك يا ولد عمى وهتظهر قدام الكل انك مش شيخ وفي الوقت ده حتقطع اي فرصه ان زبيدة تصدق ماشي يا ولد عمى …
نهر :يعنى زبيدة كانت بتحب محمود ولما انت نشرت موضوع جوازكم كانت بتفكر ….
مالك :هو دا إللي كنت مش خابره بالتحديد لكن كلامه استفزني وبعد ما كنت بس عايز اوصل لجسمها بس بقيت عاوز اوصل لقلبها بأي طريقة ..
نهر :وبقيت شيخ بجد يا خالى …
مالك :اه إللي ساعدنى صوتي حلو وكمان انا كنت دارس لحد الثانوى الأزهري علشان جدى ابو ابويا كان نفسه اكون شيخ لكن بعد الثانوى ماقدرتش اكمل ضحكت علي ابويا وسافرت لندن عشان أدرس فنون جميلة غضب أبويا وقتها لكن سابنى بعد اكدة بس ما بلغش جدى …
نهر :وطبعا كل الكفر وخصوصا البنات إللي وثقت فيك صدقت انك شيخ وماذون…
الخال :مخابرش كنت شاب مستهتر. اكدة ازاى لكن خابر أن ربنا عاقبنى وحرمنى منهم لانى لعبت بالدين لمصلحتى الشخصية ….
نهر :بس انت اتغيرت والناس نسيت الماضى …
الخال :الكل ينسي يا بتي إلا انا ..
نهر ‘:طيب امتى حسيت انك بتحب زبيدة بجد …
لم قربت من ربنا لأن المرة دى قرأت كل حاجة تخص الدين علشان أثبت ل محمود انى شيخ بجد ولما جيه التصويت بالإجماع أن انى إللي انفع أكون الخطيب وأقوم بصلاة العشاء والتراويح وقيام الليل فى شهر رمضان
……
زبيدة :في الوقت دا قلبي اتعلق بيه يا ولدى صوته في صلاة تراويح كان حاجة روحانيه وكلامه عن الدين والفقه حسيته شخص صادق مش كذاب كنت كل يوم بروح اصلي التراويح انا وكل البنته ونسوان الكفر ومكنتش اعرف ان الامام هو مالك..
سليم :طيب امتى عرفتي يا أمى
زبيدة :في صلاة العيد يا ابنى لقيت الكل متجمع عليه وبيشكره …
زبيدة :الكفر كله اتجن ولا ايه متلميين ليه علي ابن النايب هو هيترشح بدل ابوه ولا ايه …
نعمة : لاه طبعا مش قلتلك أن ولد سليم (مالك ) شاب مليح ويعرف ربنا ماصدقتونيش وقتها…
زبيدة :مليح ازى يعنى هو كل اللي يصلي العيد يبقي مليح…
نعمة :لاه يا فالحة مالك هو الشيخ إللي كان بيصلي بينا طول ايام رمضان..
زبيدة :نعم لاه طبعا انتى كدابة
نعمة :مش مصدقاني روحي اسألي الكفر كله يقولك أن هو صدقتينى بقى…
زبيدة : لو اتغير بجد يكتب عليكى قدام الناس غير كدة ماصدقش …
نعمة :هقوله وهيكتب وهو كان طلب أيدى انى لكن اخته اتلخبطت لم جالت ل ام فتحى وهيجى..
زبيدة :صدق ربنا يسعدك استئذن انى بقى علشان مش أعوق علي ابويه ..
ومشيت وحسيت بوجع بقلبي مش خابرة ليه ممكن حبيته صدق ومتى حبيته انا حبيت الشيخ وكلامه الجميل مكنتش خابرة انه هو وانى وين وهو وين وكمان نعمة هي إللي وعدها بالجواز ومن حقها يسترها
وفجاءة سمعت صوت مش غريب عنى حفظته لاه اتزرع جوة قلبي …
مالك :حسبي يا بت خالتى ومسك ايدها قبل ما تقع في الترعة انتى مليحة ..
زبيدة : هه اه انى مليحه يا شيخنا …
مالك :مالك كنتى سرحانه في أيه
زبيدة :ولا شي واصل ..
مالك :صادقه..
زبيدة :هو انت فعلا اتغيرت ..
مالك :وانتى شايفة ايه…
زبيدة :مخبراش لكن لو حق اتغيرت لازم تتغير في كل حاجة
مالك : اكيد لكن تقصدي ايه في كل حاجه ..
زبيدة في كل حاجة وأنت فاهمني…
مالك :تقصدي البنات انا من يوم ما شوفتك ومسحت كل البنته من قلبي وعقلي ….
زبيدة :لكن انت ضحكت علي ابنته كتير
مالك : انا مضربتش واحده علي ايدها وقتها والحمد الله توبت …
زبيدة :لو التوبة صوح نصوحه لازمن تصلح كل شئ قديم …
مالك :وانا بعمل اكده بس هما غلطانين بردك…
زبيدة : انا عارفة لكن انت اللي فتحت باب الشيطان ومش كل البنته زى بعضها في واحدة تقدر تتحكم بمشاعرها وفيه لا لكن سمعه البت حرام …
مالك :حتى لو كنت بحبك انتى لا بعشقك …
زبيدة :الحب ميتبنيش علي الغلط يا ابن خالتى..
مالك :انتى اكده بتكرري الماضي تانى وممكن في يوم اصحى هلاقيكي اتجوزتى محمود …
زبيدة :محمود مين وليه بتقول اكدة وانا وانت مفيش مبينا شي واصل ..
مالك :محمود ابن عمى الراجل المليح مش انا صوح…
زبيدة :قلبك اسود يا ابن خالتى كلمة قلتها وقت غضب وأنت السبب علي فكره…
مالك :انا بذمتك مش انتى إللي كنتى بتتعنتظي علي دايمآ …
زبيدة :بس يا ابن خالتي طول ما انت بتلعب بمشاعر البنات اكيد هخاف منك ومش هاتحدت معاك …
مالك :طب دلوقتى عايزة ايه…
زبيدة:يعنى تعلن جوازك من نعمة يا شيخنا وأنت أعلم بدأ منى..
مالك :يعنى لو اتجوزت نعمة هتصدقي انى اتغيرت صدق ..
زبيدة :أي وكمان ربنا يرضي عليك وفي الوقت ده هقولك مبروك يا ولد خالتى..
مالك :لكن نعمة محافظتش علي نفسها ازى ائتمنها علي حياتى وسمعتى معاها …
زبيدة :لكن انت خابر أن هي مش لوحديها كانت السبب…
مالك :ما انى عملت معاكى زى ما عملت معاها ورغم كدة مصدقتنيش وصدتيني وبعدتي عني وكنت بفكر كتير في حقي اخده منك كيف لحد ما فوقت وعرفت غلطى…
زبيدة :مش مبرر كل الحجج دي كدة احسن ليك قدام ربنا ولنعمة يا ابن خالتى ، سلام ….
وسابته ومشيت
مالك يشعر أنه يخسر حاجة كبيرة في حياته.. زبيدة انا هنفذ كل اللي انتى تقوليه بس متسبينيش ارجوكى يا زبيدة وبدأ يبكى …
باك****
نهر : حسيت انك بتخسرها عن جد…
مالك : اه اول مرة احس انى سعيد بس علشان واقف معاها بدون ما أكون محتاج حاجه منها كنت عايز اتكلم معاها وبس أفضل اتكلم وتقولي كل حاجة واسمع لها لكن للأسف مش كل اللي بنحلم بيه بيتحقق …
نهر :نفذت شرطها يعنى وامتى حبتك..
