رواية قدري وملاذي كاملة وحصرية بقلم عهد عامر
_احنا لازم ناخدها من امها، البت ليها نص اللى بنملكه وكل مرة بنمسكها عشان تمضى لازم تفلت اتصرف يا على
على:سيب الموضوع ده عليا يا بابا
عمران: هتعمل ايه؟!
عمران: متتصرفش تصرفات غبية من غير ماترجعلى عشان انا عارف دماغك
على بشر: مش انت قولت يا اتجوزها يا اموت.. ها يبقى سيبنى اتصرف
وسابه ومشى وعمران بص قدامه: غبى وهيضيعنى انا عارف.
♡♡♡♡♡♡
_(من الجنة والناس ) صدق الله العظيم
ـ احسنتِ يا “ونس” ، وبكدا تكونى ختمتى القرآن الكريم حفظا وتفسير
ونس: الحمد لله يا رب ،الحمد لله ربنا يبارك فى حضرتك يا رب ويجازيكى الفردوس الاعلى لولا مساعدة حضرتك انا مكنتش ختمت القرآن ،شكرا لحضرتك بجد.
حضنتها المعلمة وباركت ليها هى وكل زميلاتها فى الحلقة.
مشيت “ونس” من مكان الحلقة وهى فرحانة اوى بختمها للقرآن الكريم، وفرحتها كانت مُعدية لكل من يشوفها، ولأول مرة تحس نفسها زى الفراشة اللى بتطير بحرية وسعادة بين البساتين.
♡♡♡♡♡♡♡♡♡♡♡♡
فى الحياة هناك لحظات يختلط فيها السكون بالفرح، وتصبح الأيام أرقاما ثابتة فى ذاكرة الإنسان يراها كلما نظر إلى الوراء.
أحيانا تبدأ الفصول الجديدة فى أماكن صغيرة، حيث تتشابك الارواح وتنتقل بين الكلمات والأحلام.
مهما كانت البدايات فهى دائما تحمل بين طياتها قصة جديدة تكتب على هامش اللحظات التى ظننا أنها عابرة.
______________
وصلت للحارة اللى بتسكن فيها ومشيت ناحية (مكتبة عم خليل)
ونس: السلام عليكم ورحمة الله وبركاته يا” عم خليل “
اندهشت لما لقيت شاب بدل عم خليل صاحب المكتبة
الشاب (أنس): وعليكم السلام ورحمة الله وبركاته ، بعتذر لحضرتك بس “عمى خليل” وصل لحد البيت وزمانه على جى اتفضلى حضرتك خدى اللى عايزاه لحد ما يوصل
سابها لوحدها ف المكتبه وخرج برة يقف لغايه ما يوصل “عم خليل” وعشان تكون براحتها
ونس: طب والله جدع ، اما ادور بقى على كتب ادهم الشرقاوى اللى عايزاها لحد م ييجى عم خليل
خدت من الوقت حوالى نص ساعة وانتهت فى دخول عم خليل و”أنس”
عم خليل بابتسامة: السلام عليكم ورحمة الله وبركاته على جميلة الحارة
ونس بابتسامة : وعليكم السلام ورحمة الله وبركاته على احلى عم خليل
عم خليل : وشك بيقول ان فيه حاجه عظيمة حصلت
وبص لايديها وقال : وطالما واخده كل الكتب دى معناه انك انجزتى حاجة حلوة وبتكافئى نفسك صح!
ونس بابتسامة: دايما حافظنى ، عموما انا الحمد لله ربنا كرمنى وختمت القرآن الكريم انهارده حفظ وتفسير
عم خليل بفرحة: اللهم بارك، اللهم بارك، مبارك يا بنتى الف مبارك
ونس بفرحة: الله يبارك فيك يا عم خليل ،انا فرحانةاووى
عم خليل: ودى حاجة متفرحش يا ست البنات ، وهديتى ليكى يا ستى كل الكتب اللى انتى مسكاها دى
ونس : لا طبعا مينفعش انا محوشة مبلغ عشان اكافئ نفسى بيه ومكافئتى لنفسى فى الكتب يا عم خليل
عم خليل : نقسم البلد نصين دول 6كتب صح؟
ونس: اه
عم خليل: ادفعى تمن 3 وال3 التانيين هدية منى ليكى كده مرضية؟ ومش هقبل الرفض ابدا
ابتسمت ونس فى سعادة كبيرة وادته الفلوس وكانت هتمشى بس وقفها عم خليل لما قال
عم خليل: ونس يا بنتى انا ممكن الفترة الجاية معرفش انزل المكتبة الاستاذ أنس هيكون مكانى فى اى وقت تعوزى حاجة تعالى
ونس : شكرا يا عم خليل
طلعت بيها فى العمارة، واللى كانت بتسكن فيها مع والدتها بعد وفاة والدها
ونس: السلام عليكم ورحمة الله وبركاته على احلى ماما فى الدنيا
نجوى: وعليكم السلام ورحمة الله على حبيبة ماما ، طمنينى عملتى ايه؟
ونس وهى بتحضنها: اجتزت الاختبار الحمد لله وبقيت حامله لكتاب الله يا ماما انا فرحانه اوووى
نجوى والدمع يترقرق من عينيها : يا حبيبتى يا بنتى الف مليون مبروك يا حبيبة مااما ربنا يرزقك الخير كله يا رب ويكرمك دنيا واخرة
ونس: اللهم امين يا رب
نجوى: يلا يا حبيبتى ادخلى غيرى هدومك وصلى على ما احط الغدا
ونس: حاضر يا حبيبتى
وقفت ونس من جنبها وكانت ريحة اوضتها بس وقفتها نجوى وهى بتقول
نجوى: كتب تانى يا ونس؟
ونس بابتسامه: دى مكافئتى لنفسى يا ماما ، وبعدين م انتى عارفه انى بحب الكتب الاه
نجوى: ربنا يفرحك يا حبيبتى دايما
ونس: يا رب ، عم خليل جاب واحد معاه ف المكتبة
نجوى : مين ده؟
ونس: مش عارفة قالى ان اسمه أنس
نجوى: ربنا يكرمه يا بنتى ويطلع ابن حلال مش زى اللى قبله
ونس: يا رب يا ماما عم خليل طيب ويستاهل كل خير
نجوى: طيب يلا روحى غيرى وصلى بالمرة على ما اكون جهزت الاكل
ونس : حاضر
نجوى وهى بتبصلها: ربنا يكرمك بابن الحلال يا بنتى اللى يخرجك من الخوف والحزن اللى جواكى دول ، منه لله عمك واللى عمله
ومشيت للمطبخ تجهز الاكل
_______________________
دخلت ونس اوضتها وحطت الكتب مكانها وخدت هدومها ودخلت الحمام اخدت شاور سريع واتوضت وطلعت صلت وراحت على مكتبها ومسكت الصورة اللى عليه بحزن شديد ودموعها بدأت تنزل
ونس: بابا انا انهاردة ختمت القرآن زى م كنت بتمنى وكان حلمك انت كمان يا بابا ختمته وراجعة فرحانة على امل انى الاقيك اشاركك فرحتى بالخبر ده بس كالعادة انا ملقيتكش من وقت م سبتنى ، مش معترضة على قضاء ربنا الحمد لله على نعمه عليا والحمد لله على سيرتك ودعواتك اللى هتفضل محاوطانى لاخر يوم فى عمرى .
سابت الصورة مكانها بعد م باستها وطلعت لوالدتها لقيت الاكل جاهز وقعدت جنبها على السفرة تاكل معاها
ونس: معرفتيش مين الساكن الجديد يا ماما؟
نجوى : والله يا بنتى م اعرف سمعت ام بطة بتقول انه شاب وجاب عزاله من يومين كنا فاكرين انه متجوز بس لا مش متجوز
ونس: ربنا يستر الواحد خايف والله
نجوى: من ايه يا حبيبتى؟
ونس: من اى حد بيسكن متنسيش ان البلكونه فوق بتاعتى على طول يعنى لو كان شخص مش كويس هيفضل يلاغى فى الراحة الجاية زى م كان بيحصل قبل كده
نجوى : وهو يقدر؟ طيب دانا كنت اجرجره ع السلم هو واللى يتشددله ، قال يبصلك قال
ونس: ايوه بقا يا نوجا يا قمر وريهم العين الحمرا
نجوى: انا عينى فيروزى زى عنيكى يا بنت الهبله
ونس: هى بتتقال كده انا مالى
ضحكت نجوى على تذمر بنتها، وخلصوا اكل وقامت ونس وشالت الاكل وغسلت المواعين وعملت شاى وجات قعدت جنب والدتها تتابع معاها التليفزيون
♡♡♡♡♡♡♡♡♡♡♡♡♡
صحيت ونس من نومها على صوت اذان الفجر وكان بيأذن بطريقة مميزة خلتها وقفت ف بلكونتها تسمعه براحة نفسية
ونس: غريبة؟ مين اللى بيأذن جديد ده وصوته كمان حلو اوى ماشاء الله
استغفرت ربها وبعدين راحت وتوضأت وصحت والدتها عشان تصلى معاها
وبعدين قرأت وردها اليومى فى بلكونتها واللى كان قصادها المسجد وكانوا الرجال طالعين منه بعد الصلاة.
وقعت عنيها على (أنس)
الشاب الى صادفته عند عم خليل
عم خليل: ماشاء الله عليك يا “أنس” يابنى صوتك جميل فى الاذان وفى القران كمان
أنس: الحمد لله يا عم خليل من فضل ربنا عليا
فضل: احنا ربنا كرمنا بوجودك وسطنا يابنى والله ربنا ينفعك بعلمه ويقدرك على طاعته
أمن الجميع وراه وكل واحد راح بيته وطلع “أنس” نفس العمارة اللى ساكنة فيها ونس
_______________________
فى الاعلى سمعت “ونس” كلامهم وشافت “انس” وهو طالع
ونس: اهااا أنس بقا هو الساكن الجديد ، الحمد لله شكله شاب محترم انا كنت مرعوبة حد تانى يسكن
نجوى: بتكلمى نفسك يا بت انهبلتى؟
ونس: بسم الله خضتينى يا ماما
نجوى: كنتى بتكلمى مين
ونس: مكنتش بكلم حد بس كنت سامعه تحت الرجاله خارجين من المسجد مع أنس ، هو اللى كان بيأذن وصلى بيهم كمان وهو الساكن الجديد
نجوى: الحمد لله ، هقوم انام انا شوية واصحى عايزه حاجة؟
ونس: لا يا حبيبتى الساعه دلوقتى ستة ونص يا دوب افطر واجهز للشغل
نجوى: لازمتها ايه الشحططة دى بس يا بنتى م معاش ابوكى مكفينا وزياده كمان يا حبيبتى
ونس: يا ماما عارفة كل ده بس انا عايزه اخرج مش واخده الشهاده عشان اقعد بيها ف البيت انا ، وكمان متنسيش انى عايزة احقق حلمى وافتح محل المخبوزات اللى نفسى فيه ولازم اجمع المبلغ اللى يكفى ده، وبعدها هكون تحت عنيكى يا ست الكل.
نجوى: ربنا يديكى على اد تعبك يا حبيبتى ويكرمك
ونس: اللهم امين يا رب ، نامى انتى يا حبيبتى ولو صحيتى وكنت مشيت ابقى رنى عليا لو احتاجتى حاجة
نجوى: ماشى يا بنتى.
دخلت نجوى اوضتها، ودخلت ونس المطبخ تجهز الفطار ليها.
قعدت على ترابيزه المطبخ وقدامها الفطار اللى حضرته وبدأت تفطر وهى بتقرأ كتاب لأدهم شرقاوى زى عادتها.
قاطع هدوئها رنة فونها
ونس: السلام عليكم ورحمة الله وبركاته على اجمل نسوم فى الدنيا
نسمة بضحك: وعليكم السلام على اكبر بكاشة عرفتها ، عامله ايه يا حبيبتى
ونس: الحمد لله والله ، وانتى؟
نسمة: بخير الحمد لله ، طمنينى عملتى ايه امبارح معرفتش اكلمك من ضغط الشغل والبيت
ونس: الحمد لله اجتزت الاختبار وخدت شهاده تقدير بحفظى للقرأن كامل ولله الحمد
نسمة: اللهم بارك اللهم بارك مبارك يا جمييل
ونس بفرحة: الله يبارك فيكى يا رب، عقبالك
نسمة: اللهم امين يا رب، الخبر القمر ده يستاهل عزومة مش خسارة فيكى يا بت يا ونس والله
ونس: حبيبة قلبى انتى ، انا جاهزه فى اى وقت
نسمة: خلاص نخليها بكرة بعد العصر باذن الله
ونس: تمام جدا اكون خلصت شغل
نسمة: انتى عامله ايه فى شغلك مبسوطه فيه؟
ونس : الحمد لله احسن من قعدتى فى البيت وكمان عشان افتح حلم حياتى
نسمة: جدعه والله ولا الحوجة لعمك حسبى الله فيه هو وابنه
ونس: الله يهديهم على حالهم انا كل اللى طلبته حقى وهو رفض لا وبيهددنى كمان انى لو متجوزتش ابنه هيأذينى فى الحارة وف شغلى انا مش عارفه عم ازاى ده
نسمة: متزعليش نفسك يا حبيبتى ربنا هياخدلك حقك تالت ومتلت
ونس: يا رب يا نسمه يا رب، انتى عامله ايه فى اللى عندك؟ طمنينى عليكى
نسمة: الحمد لله، بعرف اتعامل شوية وبتجاهل شوية والحمد لله الشغل اللى انا فيه برجع منه على معاد خروج جوز امى فالدنيا بتبقى اهدى نوعا ما بينا
ونس: طيب وطنط سحر لسه برضو مش بتاخد اى موقف معاه؟
نسمة بدموع: امى كل اللى بيهمها جوزها وبس غير كده لا حتى انا، لو طالت تخلص منى هتعملها، انا تعبت اوى يا ونس امتى ارتاح من كل ده.
ونس: معلش يا حبيبتى اعتبريه اختبار من ربنا واصبرى على البلاء، ربنا يخرجك من ضيقتك على خير يا رب ويرزقك كل الخير والسعادة، وبكره تقولى ونس قالت.
نسمة: يا رب يا ونس، يلا اسيبك بقا اجهز للشغل وانتى كذلك عشان منتأخرش
ونس: ماشى يا حبيبتى.
قفلت ونس معاها وفضلت تفكر فى حياتها وعمها وأخيرا نسمة
ونس بتنهيدة: الله يررحمك ويسامحك يا بابا، ويفرج كربك يا نسمه يا رب
♡♡♡♡♡♡♡♡♡♡♡♡♡♡♡
فوق فى بيت أنس
كان موضب بلكونته وحاطط فيها كرسيين وترابيزه وعلى سور البلكونه فى زرع نعناع وورد صباح الخير.
اما باقى الشقة فكان منظم ومنسق ومريح للعين من الوانه وتنظيمه وبيدى طابع هادى ودافى
قعد على الكرسى وف ايده مصحفه وقدامه كوباية شاى بالنعناع زى ما بيحبها بعد كل صلاة فجر وبدأ يقرأ فى القرآن الكريم بخشوع تام وهدوء وصوت نوعا ما مسموع.
فى الدور اللى تحت…
كانت ونس بتجهز هدومها وبتكوى حجابها عشان تستعد لشغلها
بدأت تركز فى الصوت اللى بيقرأ ومشيت ناحية بلكونتها وبقيت تسمعه بوضوح، صوت هادى وساكن وعذب بيقرأ القرآن، عرفت ان الصوت مصدره أنس.
ونس بابتسامة هادية : اهى دى الصباحات اللى تدى باور للواحد يكمل باقى يومه والله
انتهت من كوى حجابها وكملت لبسها وخرجت لشغلها
كانت نازلة ع السلم تغنى زى الاطفال
ونس: واحد هو ربى، اتنين بابا وماما، تلاته هما اخواتى، اربعه هما صحابى، خمسة صوابع يدى..
قاطع اندماجها صوت حمحمة وراها، بصت وكان أنس
أنس: احم ممكن اعدى وبعدها تكملى طيور الجنة بتاعتك!
ونس بخجل :اتفضل، انا اسفة
نزل لتحت ووقف على اول درجة وبصلها.
أنس بهدوء: غلط انك تنزلى كده على السلم انتى مش ساكنة لوحدك وممكن تدى انطباع عنك غير اخلاقك تماما، فبلاش تعملى كده تانى.
مشى ومداهاش فرصة تكلمه
نزلت ونس وهى بتكلم نفسها : وهو ماله هو؟ بس عنده حق فعلا لو حد تانى شافنى ممكن كان رخم. يا ربى بقا
مشيت وراحت موقف الاتوبيسات وركبت نفس الاتوبيس مع انس وقعدت قصاده
ونس بخجل: انا اسفة على الموقف من شوية مكنش قصدى
أنس بابتسامة: ولا انا قصدى احرجك بالشكل ده بس حبيت انبهك
ونس: شكرا.
ابتسملها وبص فى فونه يكمل اللى كان بيعمله
ونس فى نفسها باستغراب: يا ترى رايح فين؟ وانا مالى انا كنت ولي أمره استغفر الله العظيم.
ابتسم أنس بخفة وهو بيسمع كلامها اللى كانت فاكره انها بتتكلمه جواها.
وقف الاتوبيس ونزلت ونس مكان شغلها
ونس: استعنا ع الشقا بالله
دخلت الى الشركة ومشيت لمكتبها وسلمت على شذى صحبتها وقعدت على مكتبها تتابع شغلها، لانها كانت شغاله فى شركة لتصميم الاثاث والديكور.
يتبع…….
ياترى مين عم ونس؟ وهى خايفة منه ليه؟
وياترى ناويلها على ايه؟!
ده اللى هنعرفه الحلقات الجاية.
الثاني من هنا
