رواية البريئة والمطارد الفصل الخامس 5 بقلم بنت الجنوب
البارت الخامس
ما هو قدرك وفقاً لبرجك
سابتها والدتها وخرجت تشوف جوزها عايز ايه من غير ماتستنى تاخد رأى ” يمنى ” وهو كان بيبصلها بتشفى وهى محرجه جدا منه .. لكنها افتكرت مهنتها وقالت تعتبره مريض من المرضى اللى بتتعامل معاهم
يوميا
قربت تقعد جمبه وتاكله بالمعلقه ومعاها مناديل ورق تنشفله بيها اللى يقع منه وهو كان عينه مش شايلها من عليها وهى بتعد الدقايق نفسها تخلص اكله وتخرج جرى عشان تخلص من اللحظه التقيله دى
لكنه فاجاها بسؤاله
– انتى شوفتينى فين سابج عشان ترسمى عيونى بالمظبوط كده
يمنى وهى مرتبكه : انت برضوا هاتجيب سيرة الصوره .. ياسيدى انا اول مره اشوفك كانت امبارح
صالح : يعنى لحجتى ترسمينى امبارح
يمنى : ياسيدى وانت مين جالك ان دى عيونك بس
صالح : انتى بارتباكك وغير كده انا مش تايه عن تفاصيل وشى
اربكها زياده فحبت تغير الموضوع
– طيب ممكن تجولى انت مين اللى دلك عليا وجالك انى ممرضه .. وغير كده انت ليه كنت مصر تاخدنى الجبل معاك .. مع انك لو حاولت بالادب كنت ها عالجك فى بيتنا زى ماهو حاصل
صالح : انتى بتغيرى الموضوع .. بس انا هاجاوبك بس على شرط انتى تجاوبى على سؤالى
يمنى سكتت ومردتش
صالح : مدام سكتى يبجى السكوت علامة الرضا .. وانا هبتدى واجاوب
اولا . انا كنت مصر اخدك عشان انا عامل حسابى ومجهز كل الادوات الطبيه اللازمه .. وعرفتك ياستى من سمعتك .. الناس كلها فى بلدكم الصغيره دى بتشكر فيكى وبتتكلم عن شطارتك
يمنى : بغض النظر عن سمعتى .. انت ازاى عامل حسابك .. هو انت كنت عارف انك هاتنصاب .. هو انت بتشتغل ايه بالظبط
كشر لها بوشه قبل مايتكلم بغضب
– وانتى صالحك ايه باللى بعمله ؟!
يمنى احرجت جدا ورفعت الاكل وهى بتستأذن
– عن اذنك وانا اسفه ان كنت ازعجتك
انتصار كبير: ملكة جمال نيبال تثير الجدل
وقبل ماتخرج نده لها .
– الدور عليكى تجاوبى .. انتى نسيتى اتفاجنا ولا ايه
يمنى وهى مرتبكه : اا لجيت نفسى فاضيه ورسمت عيونك وانت نايم
– كدابه
قالها وهو عينه فى عينها .. وكمل
– اولا انتى الصوره دى محتاجه وجت واعصاب هاديه عشان مرسومه بدقه .. وانتى حسب ماسمعت من الوالده انك اتشندلتى امبارح مع ابوكى وانتو بتطلعوا الرصاصه من كتفى
ثانيا . واضح جوى من شكلك انك مابتعرفيش تكدبى .. لانك بريئه جدا وانا راجل اعرف اميز الزين والعفش
يمنى برجاء : ممكن تعفينى من الاجابه
صالح : بشرط انك هاتجوبينى بعد كده
هزت” يمنى ” دماغها توافق كلامه وقبل ماتخرج . ثوانى وهارجع اديك علاجك عشان تريح جسمك وتنام تانى
وبعدها خرجت وسابته وهو بيكلم نفسه
– انتى ايه حكايتك معايا بالظبط ؟
**********،******************
عند” سالم ” واللى كان بيتكلم مع مراته وهو بيروح ويجى فى الاوضه بعصبيه
– اعمل ايه بس فى النصيبه اللى حلت علينا دى . انتى السبب .. انتى وبتك لما اصريتوا تعالجوه
نجيه : طب وايه اللى حصل بس ياابو ” محمد ” مااحنا عارفين اللى فيها من الاول وجولنا عليه روح وهناخد فيه ثواب لما نعالجه
سالم : اللى جد انه مطلعش حرامى .. زى ماكنت فاهم لأن اهل البلد اكدوا ان مفيش بهيمه اتسرجت والكل بيتكلم على ضرب النار وبيجول انه اكيد يكون جتل .. يعنى مش بعيد يكون اللى جاعد جوا فى اؤضة ولدك الصغير دلوك سفاح وعليه تار كبير
نجيه : ماتجولش كده .. الشر بره وبعيد .
سالم وهو بيقعد على سريره وبيحط ايدو على دماغه بتعب : شر ايه اللى بره وبعيد .. دا بينه فى بيتنا واحنا مش حاسين …. استر يارب .. استر يارب
هذا ما سيؤدي إليه التخلي عن السكر تماماً. ربما ليس لديك فكرة!
**************************
– انت مين ؟
قالها ” محمد ” الصغير ل”صالح ” اللى اتفاجأ من سؤاله وبرأته
صالح : وانت مالك
محمد : كيف انا مالى وانت نايم فى اؤضتى وعلى سريرى
صالح بابتسامه : اؤضتك وسريرك .. امال انت على كده بتنام فين دلوك
محمد : انا كنت نايم الليله اللى فاتت هنا بس صحيت لجيت نفسى نايم فى اؤضة اختى ” يمنى ” وانا راجل وماينفعش انام غير لوحدى
ضحك “صالح ” بخفه قبل مايتكلم
– عندك حج انت ماينفعش تنام فى اؤضة البنات تعالى ونام جمبى عالسرير .
محمد : انام كيف وانت متربط راس وكتف . دا انت باينك دخلت عركه واطحنت فيها
– هههههه
خرجت من ” صالح ” غصب عنه وبعدها اشتكى
– ااااه ياراسى
محمد : مالك .. راسك بتوجعك من ضحكه دا انت عطلان خالص
صالح اتكلم بصوت ضعيف وهو بيحاول يمسك ضحكته بالعافيه
– يخربيتك دا انت سكر بس انا مش حملك دلوك
– اطلع بره دلوك يا” محمد ”
قالها ” سالم ” وهو داخل الاوضه عند “صالح “
محمد بعند : واطلع ليه . . وهى اؤضتى من الاساس
سالم بتكشيره : بجولك اطلع دلوك .. مش ناجصك انا
خرج ” محمد ” و” سالم ” اتكلم بوش جامد
– عامل ايه دلوك ؟
صالح : زين والحمد لله .. انا بتشكرك جدا عشان المعرف اللى عملتوا معايا
سالم : ماتتشكرنيش انا عملت الواجب اللى يتعمل مع اى انسان منصاب حتى لو كان …عفش
صالح : انا عارف انك زعلان من اللى عملتوا امبارح .. بس انا كنت متصاب وعايز اى حد ينجدنى ومافيش غير بتك ممرضه فى المنطجه دى .. الجريبه من الجبل
سالم بضيقه : مافيش داعى تفتح فى كلام واعر . انا سبحان من مصبرنى عليك دلوك
صالح : ماتتعبش نفسك كتير .. انا بس تيجى العشيه وهمشى على طول
سالم : وانت هاتجدر تمشى كيف وانت مش جادر ترفع راسك حتى
صالح : ماتشغلش نفسك انا اجد استحمل
وبسؤال مفاجئ خرج من” سالم “
– انت مين بالظبط وايه حكايتك ؟
صالح اتنحنح وسكت ومردش و” سالم ” فهم الموضوع
سالم بضيقه : شكلك موضوعك واعر جوى ..ربنا يسترها ويعديها سلامات
