رواية قلبي لمن يعشقه الفصل الثالث والثلاثون 33 بقلم نانا ابو جبل
الجزء الثالث و الثلاثون :
تالا : خالتي لا تخافي إن شاء الله ما يصير شي …
رولا : إن شاء الله ، طيب شفتي قصي …
تالا : لا ما شفته …
رولا : طيب راح أروح أكلمه …
تالا : على راحتك يا خالتي …
راحت رولا تكلم قصي و تركت تالا …
أما سوسن فصحيت من النوم بعد ما شافت منام مزعج …
فقامت راحت الحمام و غيرت ثيابها و بعدين إتصلت بعامر …
بس ما حدا رد …
سوسن : أوووووف وينك يا عامر ، خليني أجرب أتصل عليه كمان مرة بلكن رد …
أما دعاء و رولا فكانو يحكو لما دخل لعندهم قصي …
قصي : كيف حالكم يا حلوين ، شو عم تعمل …
رولا : أهلين إمي ، إنشغل بالي عليك …
قصي : ماما أرجوكي لاتخافي علي …
رولا : حبيبي قصي ما إلي غيرك ، فكيف مابدك إياني أخاف عليك …
قصي : الله يخليلي إياكي يا أحلى إم …
في هاي الأثناء دخلت لعندهم هلا …
هلا : صباح الخير ، كيف حالك خالتي …
رولا : الحمد لله منيحة ، مشتاقتلك يا زعرة …
هلا : أنا زعرة ياخالتي ، كبرت على هذا الكلام …
رولا : مهما كبرت ، بتضلي بنظري بنت أختي المدلل …
عند سوسن فكانت ليس عم ترن على عامر …
في هاي اللحظة فاق عامر على صوت التليفون ورد …
عامر : ألو ، مين معي …
سوسن : كيف حالك عامر ، صرلي وقت طويل عم رن و إنت ما عم ترد …
عامر : كنت نايم ، في شي سوسن …
سوسن : لا ، أبدا بس قلقت عليك …
عامر : لا تقلقي علي …
سوسن : عامر ممكن تجي لعندي بدي أشوفك …
عامر : طيب ، راح أجهز حالي و أجي …
سوسن : بستناك …
سكر عامر التليفون ….
أما سوسن فقامت مبسوطة لتجهز حالها و تلبس أحلى شي لجيت عامر وقتها دخل لعندها لؤي …
لؤي : يا سلام يا سلام شو هذا اللي لابساه ماما …
سوسن : أبوك جاي لعندنا يقعد معنا جهز حالك إبني …
لؤي : من زمان ليش إتذكرنا هلق …
سوسن : لؤي غلط اللي عم تحكيه ، بضل هذا أبوك …
لؤي : أنا رايح أنام ، وقت ما يجي بابا لا تفيقيني …
سوسن : لؤي إستنى …
راح لؤي و ترك إمه لوحدها عم تبكي …
في نفس الوقت جهز عامر حاله و تعطر و طلع من الغرفة فشاف بطريقه رولا قاعدة هي و دعاء …
عامر : بدك شي رولا ، أنا طالع مشوار …
رولا : لا مابدي شي …
طلع عامر من البيت ركب سيارته ومشي …
و في طريقه شاف شاحن جاية بإتجاه …
حاول يتفاداها بس ما قدر …
يتبع …
