رواية شمس الجاسر الفصل الرابع 4 بقلم حنين مراد
الـكـاتـبة:- حـنـيـن مُـراد
+
فضلاً لتنسوون التصويت + التعليق بين الفقرات +المتابعة لطفاً
+
بـسـم الله الـرحـمـن الـرحـيـم
+
__________________________.♡
____________________.♡
+
كعدت ثاني يوم غسلت وفرشت اسناني ولبست ملابسي
+
طلعت كالعادة عمو مسوي ريوك
+
شـمـس :- صباح الخير
+
ادهـم :- صباح النور ، الحمدلله الجنطة غير لون على الأقل
+
شـمـس :- ههههه حسب الملابس
+
حجة ؏ ملابسي لأن جانن لون ابيض
جان هوة لابس بنطرون نيلي وقميص ثلجي على سمائي والسترة بيدة..
+
كعدنة تريكنة خلصنة وكمنة صعدنة بالسيارة وصلني وقبل لا ينسة طولل الطريق بقة يراجعلي وكل شوي يكلي لاتنسين هاي وهاي مهمة وهاي هيـچ
+
ادهـم :- شوفي اخر مرة عيديهة
+
شـمـس :- والله حفضتت والله عمو
+
ادهـم :- مو تلتهين وياهنن وتنسين
+
شـمـس :- لاا والله
+
ادهـم :- اي عفية
+
بستة ونزلت من السيارة وصلت ايات بس ملحكت اوكفلهة لأن تأخرت
+
طبينة متحنة وطلعنة بس طلعت دك عَلَيَّ عمو
+
شـمـس :- الوو
+
ادهـم :- ها بشري
+
شـمـس :- يجنننن
+
ادهـم :- الحمدلله ، عفية تعالي ويَّ جاسر لأن ما الحك عندي عملية
+
شـمـس :- عموو استحي
+
ادهـم :- بس متستحين تركضينن كدامة
+
شـمـس :- عمووو
+
ادهـم :- بابا نجبي وتعاي ويه جاسر عندي شغل لفوك راسي
+
شـمـس :- اووف تمام
+
سديتة وبقيت انتضر ايات حتة استحي اكللهة طلعت وتوجهت الهة
+
ايـات :- شفتينيي وما وكفتي يالنذلة
+
شـمـس :- اسفةة والله تاخرت وما وكفت
+
ايـات :- ننننن المهم اليوم تجين
+
شـمـس :- طبعًا
+
ايـات :- شلونهن الأثر لبجسمج
+
شـمـس :- زين يعني بدة يروح
+
ايـات :- زينن يجي عمج
+
شـمـس :- ليش تسئلين على عمي
+
ايـات :- ومرض غير اعرف حترحين
+
شـمـس :- لا اروح وياج
+
ايـات :- والله ؟ يوم الصدك ترحين وياي لبيتي عروسة
+
ركعتهة على راسهة
+
شـمـس :- ايو بطليي سوالفج
+
ايـات :- ذكرتيني بجاسر يسميني ايو اووي.
+
شـمـس :- ليش تحسسيني جاسر بحرب وهوة هسة يجيج.
+
ايـات :- اسم الله فال الله ولا فالج.
+
سيارة دكت هورن بصوت عالي باوعنة لكينة جاسر واكف السيارة بعيد عنة بشوي مشينة باتجاهة بس قبل لنوصل اعترضو طريقنة 4. شباب وذول حرفيا من اسقط شباب الكليية..
+
:- يحلوو شلونجن
+
ايـات :- شلك دخل
+
:- هوة سؤال شهل عصبية
+
شـمـس :- اذًا لتسأل
+
:- شهل استشراف
+
:- عوفهن عوفهن جاايات كلية ويستشرفن اصلاً….
+
متحملت كلامة ، رفعت ايدي وركعتة راشدي جرتني ايـات حتة اروح بس وخرتهة
+
شـمـس :- شوف عاد لا عبالك اني بنية ضيعفة لو اخاف احجي ، افضحك اذا حاولت تتحارش وتحجي هيـچ مرة ثانية
يا حسرة امك على هل ولد هسة تتمنة لو جايبة ثور بمكانك
+
:- بنت الـ…
+
رفع ايدة راد يضربني ومحسينة الة جاسر دفرة نومة بالكاع
+
جر الثاني لزمة من ياختة وسحبة نسحب بسرعة
+
:- وانتَ شكوو صعدت الغيرة عندك ؟
+
جـاسر :- ايي والله
+
:- ومنو انتَ وتدخللل
+
جـاسر :- اخوهة بوية اخوهة
+
باوعلة الولد وهوة متوتر
+
:- هـ..هاا ، اسفف
+
ركعة كلة براسة ودفعة
+
جـاسر :- امشي لا انعل والديك اذا شفتك تحرشت ببنية بعد
+
بسرعة شردو وهوة باوع علينة وخزرنة
+
جـاسر :- امشنن
+
شـمـس :- ول يابة هسة احنة شعلينة ويخوزر؟!
+
ايـات :- نجبي لـيسمعج
+
صعدنة بالسيارة وهوة ينافخ
+
جـاسر :- خو انتِ ايات لسانج لسان دلالة يمي وهنا جنج بزونة حاصريهة
+
شـمـس :- شهل تشبيه دادة
+
كرصتني ايات حتة ما احجي بس ما اكدر ما احجي بس بصوت ناصي لا يسمعني ويعرس عَلَيَّ
+
جـاسر :- احجنن لاتبقن ساكتات..
+
شـمـس :- يعني احجي لو لا؟
+
ايـات :- دير بالج سُكتي
+
ضرب على الستيرن حيل وصاح
+
جـاسر :- متمشن وحدجنن بعد
+
شـمـس :- اذا تريد دز شرطة يمشون ورانة حتة تطمئن مو احسن ؟
+
باوعلي من المراية خازرني ، نزلت عيوني بسرعة
+
ايـات :- مو اكُلج لاتحجين تردي يتخبل علينةة كوة؟
+
شـمـس :- يعني غير هوة خبصنة احجن ما احجن كُلت خطية افشلة
+
ضحكت ايات وهوة يخوزر بينة
+
جـاسر :- اضحكنن بعد اضحكنن وسولفلي شكال وضربتي ؟
+
خجلت احجي شكال وجه انضاره الـ ايات بأستغراب ، تقربت وشاورتة
دار وجهة وحرك سيارتة بدون ميحجي انوب هاي تحجي كُلشي ولا تستحي منة ، وصلت للبيت سلمت ونزلت قبل لا اروح صاح جـاسر
+
جـاسر :- اوكفي ، ايات انزلي وياهة ، ادهم يتأخر اليوم واني اجي اخذجن العصر
+
ايـات :- اوك
+
نزلنة وطبينة ركض ، سدينة الباب يلا حرك بقينة نكمنز تكمز
+
شـمـس :- امشيي نبدل
+
صعدنة لبسنة تراكات ثنينة لون احمر
ونزلنة كعدنة ؏ الارايك
+
شـمـس :- اكُلج نعست ، امشي انام ونكعُد فدشوي
+
صعدنة ركض للغرفة كوكنة الموبايل ونمنة
+
﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉
ايــــــــــات
+
كعدنة على صوت باب غرفة شـمـس ، كُبل فزيت بسرعة
عرفت عمهة ، هزيتهة بسرعةة بس ماكو جنهة ميتة
+
ايـات : -كُعدديي شمس
+
شـمـس :- هممم
+
ادهـم :- روز كاعدة؟
+
ايات :- كومي وچ كومي الله لا ينطيج كووومي
+
كمت ادك والطُم على خدودي ، حيدخل علينة بسرعة لبست الشال وعدلت نفسي وركضت للباب فتحتة شوي
+
ايـات :- احم شمس نايمة
+
ادهـم :- ها كعدتج ؟ اسف
+
ايـات :- لا عادي أصلاً منبهين الموبايل بس مدك زين كعدتنة
+
انتجة ؏ الباب وبتسم
+
ادهـم :- ادلليي كُلشي لعيونج
+
رفعت عيوني عَلَيَّ شفتة يباوعلي ، بسرعة نزلتهة وسديت الباب واني مغمضة
درت وجهي لكيت شمس تضحك
+
ايـات :- كاعدةة موو والله ادري بسوالفج النكسة
+
شـمـس :- يااا توني كعدت
+
ايـات :- اي اي گذبي والله لخليج بموقف اضرب من هذا وشوفي اخذي حذرج
+
شـمـس :- اووي دادة خفت
+
ايـات :- ننننن
+
ضحكت وكمنة غسلنة وبدلنة واني اخزر بيهة وهية التافهة بس تضحك ، شوي وسمعنة صوت سيارة
+
ايـات :- يلاا اجة جاسر
+
شـمـس :- اوك بس ارش عطر
+
طلعت ؏ السريع لكيت ادهم يمة سلمت وصعدت
+
_______________________________.♡
__________________________.♡
شـمـس
+
عدلت شالي وخليت عطر والحُمرة عدلتهة ونزلت طلعت لكيت يمة عمو
+
شـمـس :- السلام عليكم
+
جـاسر ، ادهـم :- وعليكم السلام
+
ادهـم :- هلا بروزتي ، شلونج ؟
+
شـمـس :- الحمدلله تمام وانتَ ؟
+
ادهـم :- انه كلش زين اذا انتِ زينة.
+
بستة بخدة وودعتة ، صعدت بالسيارة وايات هم
+
جـاسر :- شلونجن ؟
+
ايـات :- الحمدلله زينات وانتَ؟
+
جـاسر :- بخير انه بخير
+
تفاجئت منة زينن هادئ عبالي حيرعد علينة هم
+
جـاسر :- خلصتن من الكليه؟
+
ايـات :- بقة بس واحد
+
جـاسر :- ماشي
+
فجأة كرصتني ايات من الخرعة عطت
+
شـمـس :- اوووي
+
ندار عليه بسرعة ورجع عينة ؏ الطريق وايات غمت كصتهة
+
جـاسر :- شكوو؟؟!
+
شـمـس :- هاا هووة هذا احم
+
جـاسر :- هوة هوة منو هوة؟؟
+
ايـات :- هذا الكاغد عبالهة شوف شنو وعاطت
+
باوعلنة بنضرة عبالك يكول تضحكن عَلَيَّ انتن
+
جـاسر :- لا والله والي تعيط شتعيط ؟
+
جاوبتة واني مبتسمة
+
شـمـس :- عااا
+
غمت ايات نفسهة وغمتني
+
ايـات :- انوب تجاااوب الفاهية
+
درت وجهي عَلَيَّ شفتة يضحك
+
شـمـس :- اكُلج صلاواات اخوج يضحك ، بس لا يضحك عَلَيَّ عيب عَلَيَّ ترا.!
+
ايـات :- دنجبي عيب عَلَيَّ ، دباوعي الحركاتج وفهاوتج تجبر الواحد يضحك
+
شـمـس :- ول يابة شبية؟؟
+
ايـات :- مابيج شي مابيج نجبي
+
عيبت عليهة ودرت وجهي ، شوي ووصلنة
+
جـاسر :- نزلن
+
ايـات :- وانتَ؟
+
جـاسر :- شعليج بوية؟
+
ايـات :- الله عليك
+
جاسر:- عندي شغلة اخلصهة واجي
+
ايـات :- يعني تجي ؟
+
جـاسر :- اجي
+
ايـات :- اوك باي
+
جـاسر :- امشي ولي يلا
+
ايـات :- اوي شمالك
+
من كالت هيـچ ضحك ، حسيت بفشلة عظيمة نزلنة وفتحت ايات باب الحوش
+
ايـات :- فوتي عيني فوتي يوم لتفوتين عروسة
+
خزرتهة وفتت واني خجلانة
+
شـمـس :- ول يابة طلعت اخجل ، حسيت نفسي صدُك بنية هسة
+
ايـات :- هههه ليش؟
+
شـمـس :- شنو ليش يول خجلت خجلتت
+
ايـات :- هههههههه فوتي لا اموتج
+
فتنة واحنة نضحك صادف ولد مبين هم بـ30 عمرة ونفس جسم جاسر ينطي شبه بالعيون لاغير وسمار البشرة بس
+
ايـات :- السلام عليكُم
+
ياسـر :- وعليكم السلام ، اكول البيت هدوء طلعت انسة ايو مموجودة
+
تخوصرت ايات وتماوعت بكلامهة
+
ايـات :- اووي وليش عيني شقصدكك دادة؟!
+
ياسـر :- لا يابة ما قصدي شي منو لوياج ؟
+
نزلت ايات ايديهة وحضنتني
+
ايـات :- اقدملكم صديقة الطفولة ، شمس المعروفة بروز
+
ادنت على ياسر ومدري اشاورتة وهوة ضحك
+
ياسـر :- اهااا هية يعني؟
+
ايـات :- اي اي
+
ياسـر :- هلا يابة شلونج
+
شـمـس :- هلا بيك الحمدلله وانتَ
+
ياسـر :- على الله فوتن فوتن
+
كضت ايات ايدي ومشت جوة ، انوب تخجلني اكثر بحركاتهة
فتنة وشفت مرة جبيرة كاعدة
+
ايـات :- هلا يماا
+
ام ياسـر :- هلا بيـچ يمة هلا حبيبة
+
ايـات :- يمةةة جبتلج جنة
+
ركعتهة على ايدهة حيل وامهةة ضحكت
+
ايـات :- اا.. اقصد صديقتي يمة الحجيتلج عنهة
+
ام ياسـر :- هلا بيج حبيبة
+
شـمـس :- هلا بيج خالة شلونج
+
ام ياسـر :- يحبيبتي الحمدلله وانتِ
+
شـمـس :- الحمدلله تمام
+
طلعت بنت من الغرفة حليوة وبيضة
+
أروى :- هااي
+
ايـات :- هلا حُبي هاي روز
+
أروى :- فدوة قزومة
+
ندارت عَلَيَّ ايات تدري بية اكره احد يلقبني بهل القاب
+
جـاسر :- استقري يالطويلة
+
هية سمعت صوت جاسر وعدلت وكفتهة كبل وشمرت العلج ، ول يابة هاي هيـچ مسببلهُم رعب؟!
+
أروى :- هلا جاسر هلا عينييي
+
ام ياسـر :- هلا يمة هلا بيك
+
نام على رجل امة وغمض عيونة
+
جـاسر :- هلا بيجنن
+
دنكت عَلَيَّ امة وشاورتة وهوة ضحك ، شمالهُم بس يتشاورون
+
شـمـس :- دادة شمالكم بس تشاورون
+
ايـات :- اني هم اندق من هل سالفة بس هل مرة مرتاحة لأن اعرف شنو
+
شـمـس :- وشحجوو
+
ايـات :- كالتلة ايات تكول هاي
+
فجأة قاطعتنة أروى
+
أروى :- اني سامعة عندج اخوان ، لعد ليش تعيشين ويَّ عمج ؟
+
استحيت شجاوبهةة حتة ما اكدر اچـذب لأن جـاسر يعرف بس نتر بيهة جاسر بعصبية
+
جـاسر :- أروى ياسر يصيحلج
+
أروى :- كـ..كايمة
+
ام ياسر :- يمةةة
+
جـاسر :- الله يستُر ، ها يمة
+
ام ياسـر :- شمس مو غريبة البت عادي احجي كدامهة ، ولك شوكت تتزوج موو فتيت گـلبي فت
+
اجيت اكُلهة خالة شبسرعة ذيبتي ميانة وانتِ اول مره تشوفيني
+
جـاسر :- يوم ، چـم مرة حجينة بهل موضوع؟
+
ام ياسـر :- يمة اخاف امووت وما اشوف مريتك واطفالك
+
من حجت هيـچ دمعت عيوني ، لعد ماما وبابا شكد تمنو يشوفوني مخلصة دراسة ومتزوجة وعندي اطفال ، مسحت دموعي ؏ السريع ورفعت راسي منتبهت شكالهة وهية سكتت
+
ايـات :- شهل اجواء الدراما كافي يبوو
+
جـاسر :- ها ومرض شبيج تصيحين
+
ايـات :- يمة اختنكت
+
كام جاسر بسرعة اجة يمنة كعد
+
جـاسر :- شبيـچ ولـچ
+
ايـات :- هههه مابية قصدي البيت كئيب
+
ركعهة علي راسهة وكعد
+
جـاسر :- طاح حضج يا عوبة
+
ضحكت وحضنتة ، شلون بخوانهة وبيهة اذا ايات تزوجت وهية معتبرتهم ابوهة وهمة مبينين كُلش يحبوهة ، شيصير لو اخواني هيـچ خاصتن من عرفت حازم هم مصدك بسالفة مهند
+
ايـات :- هووب وين صافن يحلوو
+
فزيت وباوعتلهة
+
شـمـس :- ها دادة
+
ايـات :- شمالج ولج صارلي ساعة احاجيج
+
شـمـس :- ما ادري
+
ايـات :- المُهم كومي للمطبخ
+
شـمـس :- عزاا وين اكوم ؟ استحي
+
ايـات :- دنجبي وكومي
+
جرتني من ايدي وكومتني للمطبخ تفتح بالكدورة وتسد
+
ايـات :- زينننن مسوية شي بي خير
+
شـمـس :- منو
+
ايـات :- منو غير أروى الحمدلله طبخهة الشي الوحيد الزين بيهة
+
شـمـس :- ها زين عاد
+
ايات :- شمس روحي للغرفة هسة اجيج لفي على الجهة اليمنة اول غرفة
+
شـمـس :- تمام كبد
+
طلعت من المطبخ وفتت لكيت غرفة وحدة وعلى بعدهة غرفة ثانية كلت الاولى غرفة ايات لأن كالتلي اول وحدة ، فتت بيهة
نازگة مجنت ادري ايات هيـچ عدهة ذوق بقيت افتر بالغرفة شوي ونفتح الباب
+
+
شـمـس :- ايوو اول مرة ادري ذوقج حللو
+
درت وجهي ورجعت بصدمة
+
شـمـس :- جـ.. جـاسر.!!
+
حط ايدية الاثنين بجيب البنطرون وباوعلي ببرود
+
جـاسر :- شتسوين هنا ؟
+
شـمـس :- ا.. ايات كلتلي هاي غرفتي
+
جـاسر :- ايات طبعًا هاي سوالفهة
+
عصب عَلَيَّ ، هسة اني شعليه
+
جـاسر :- تعاي ذيج غرفة ايات تبعد عن غرفتي كم خطوة
+
هزيت راسي بنعم وطلعت ؏ السريع توجهت للغرفة كعدت ؏ السرير وغطيت وجهي بايدية
+
شـمـس :- صارر مرتيننن وويَّ منو ؟؟ ويَّ ابرد كائن بالكون ، دخلت ايات تضحك
كُبل شلت مخدة وركعتهة اجت فيت بوجهةةة
+
ايـات :- ههههه هاي ليش؟!
+
شـمـس :- لتكُليلي ما ادري والله كُلة تخطيطج
+
ايـات :- ههه شنو ولج؟
+
شـمـس :- انتِ دزيتيني لغرفة اخوج عمدتن مو؟
+
سوت نفسهة متفاجأة وانوب ضحكت
+
ايـات :- اايي اني مو كُتلج اردلجياهة يا عيني
+
ايـات :- مرض ايات مو هيـچ
+
اجت وحضنتني
+
ايـات :- اسفة اسفة بس المرة الثانية من تخليني احجي وي عمج خلينة وحدنة حتة ناخذ راحتنة
+
باوعتلهة مصدومة
+
شـمـس :- تحبيييي؟!!
+
ايـات :- ههههه لاا مو قصديي
+
شـمـس :- نجبي نجبي اصلاً طلبج عمو منن اخوج
+
ايـات :- هاا؟!
+
عم هدوء بيناتنة عضيت الساني ؏ الجفصة الجفصتهة ، عمو كال ميصير ايـات تعرُف
+
ايـات :- شنووو طلبني من اخوي
+
شـمـس :- عمو راد يحجي ويَّ اخوج فـ استدعى لبيتنة وبعد السلام والكلام وطيحان الحظ كلة اوكفي شكلة؟
+
ايـات :- شكلةةةة؟؟؟
+
شـمـس :- مرض اذني ، ها اي كلة اطلب ايد اختك على سنة الله ورسولة
+
ايـات :- وجاسر شكلة؟
+
شـمـس :- كلة بعدهة صغيرة من تصير بالـ30 عود تعال وافكرر انطيك
+
ايـات :- لااا عوود صدُكك؟!
+
شـمـس :- ههههههه گذبب كلة دتدرس بس تخلص وبيك خير ودلل ما الكة احسن منك لـ أختي
+
ما احس الة ايات وكعت عَلَيَّ
+
شـمـس :- عزااا ايووو كُعديي وج كُعدي دادة
+
احاجيهة متصحة ، حرت شسوي اروح لـ امهة هسة تنجلط مرة جبيرة اروح الـ اخوهة مدري
جربت اكعدهة اخر مررة ومكعدت
ركضت لغرفة جاسر ؏ السريع ، فتحت الباب بدون ما ادكة وهوة بس نفتح الباب فز كام ؏ السريع
+
جـاسر :- شكوو
+
شـمـس :- ايات تخربطت
+
جـاسر :- اشش تعاي بدون متطلعين صوت لاتسمع امي
+
هزيت راسي بخوف ومشيت ويا وهوة يركض دخلنة للغرفة مثل محطيتهة واكعة ركض جاسر عليهة وشالهة ؏ السرير
+
جـاسر :- جيبي ماي
+
نسيت المي من الخوف مرشيت عليهة مي انوب فززت الولد ركضت جبت مي ، فتحت البطل ونطيتة اخذ شوي ورش على وجهة وشربهة بدت تصحة وهوة حاضنهة
+
أروى :- شبيكم تتراكضون
+
اشرلهة جاسر بمعنى سُكتي خاف تسمع امة مفهمت هية وتقدمت بس شافت ايات لطمت على وجهة
+
جـاسر :- شسالفة صوتجج !! روحي يم امي لتكوم هاج اخذي الماي
+
اخذتة منة واني ابجي وأروى طلعت يم امهم
+
جـاسر :- كافي تبجين مابيهة شي وليش تخربطت يعني شحجيتن ؟؟٠
+
حرت شكُلة
+
شـمـس :- ما ادري هية من اجت بقينة نحجي حست بدوخة و وكعت
+
بقة مركز انضارة عَلَيَّ وترني بالزايد
+
جـاسر :- شـمـس
+
شـمـس :- هاا
+
تقدم عَلَيَّ بهدوء ، حسيت الاوكسجين خلص
+
جـاسر :- شـمـس
+
شـمـس :- هااا ؟
+
جـاسر :- تعرفين اكيد اكدر اكشف الي يكذب وتعابير وجهج كلش واضحة
+
بقيت صافنة بوجهة
+
جـاسر :- روز
+
شـمـس :- هاا عيني
+
جـاسر :- احجي الحقيقة
+
شـمـس :- اوووف كُلتلهة اجة اخوج لبيتنة وعمو طلب ايدج منة وهية بقت مصدومة..
+
فتح عيونة على وسعهن واجة ياتجاهي ؏ السريع رجعت للحايط بسرعة ، صار كبالي كُلش
ركع الحايط البصفي وحجة بنتر
+
جـاسر :- ليشش تكوليلهة؟
+
شـمـس :- مو قصدي والله زل لساني وهية عرفت
+
جاوبتة واني مغمضة
+
جـاسر :- ارفعي راسج
+
رفعت راسي الة وعيونة بعيوني حاطهن نزل انضاره يباوع لوجهي ، غمض عيونة بقوة وفتحهن يباوع بعيوني
+
جـاسر :- شلون بيـچ انتِ؟
+
بقيت ساكتةة لأن ما اعرف شجاوبة اشو هذا قرب اكثر ونزل نفسة ، صار قريب عَلَيَّ ردت ادفعة بس قاطعنة صوت ايات
+
ايـات :- جاسر
+
فز وباوعلي مثل الصحة ، عافني وتوجه بسرعة لـ ايات دنك عَلَيَّ وباسهة براسهة ، رحت يمهة ؏ السريع
+
جـاسر :- ايوو بنيتي
+
باوعتلة ايـات بضعف وبتسمت
+
ايـات :- مابية شي والله
+
جـاسر :- متأكدة
+
ايـات :- اي
+
دنك يمهة وشاورهة وهية بتسمت خجلانة بعدين رفع راسة بسرعة وباوعلي غمز مبتسم
+
جـاسر :- من ورة عمهة وكعتي ما راح انطيج الة لا بالعرس تموتين لاسامح الله
+
ايـات :- يااا هوة شعلي؟
+
جـاسر :- ههههه انوب تكلي ما اريد اعوفكم
+
ايـات :- ههههه عادي عادي صديقك اخذ بنت اخو حتة تتصافون
+
غمضت عيوني من وراهة فضيحة هل بنت وهوة مرفع راسة ابد
+
جـاسر :- زيين متأكدات بس اغماء مو غير شي؟
+
مفهمت شي بس ايات ضربتة وضحكت وهوة يضحك وياهة
+
ايـات :- اخي شبيك نعديت من ياسر عيبب هاي عود انتَ اخوي الجبير والمفروض اذا احجي هيـچ تكسر اسنوني
+
جـاسر :- تردين اكسر اسنونج عادي يعني؟
+
ايـات :- هههه لااا
+
جنت واكفة جني اطرش بالزفة
+
شـمـس :- عوبة شلون صرتي؟
+
كعدت شوي وبتسمت
+
ايـات :- زوينةة
+
جـاسر :- ما دام زوينة يعني هاهية
+
باسهة براسهة وحضنهة
+
ايـات :- اخوييي الهيبة
+
جـاسر :- بلا لواكة حبيبتي عود اجيبلج حلويات
+
ايـات :- ههههه دانا احبك وانت فاهمني
+
ضحك على طريقة نطقهة وكام باوعلي وطلع كبل كعدت ايات
+
ايـات :- انتِ عوبة ليش تسولفيلة
+
شـمـس :- غير هووة ضغط علية
+
ايـات :- بس حرامات شلون تقربلج اهمداني لو عايفتة
+
شـمـس :- نجبي يا حقيرة ردت ادفعة اصلاً بس همزين حجيتي شكو شو ذبو ميانة كُبلل امج حجت ويه اخوج ؏ الزواج كبالي واخوج يريد يبوسني
+
اني احجي وهية خربانة ضحك ، توهة دترد وسمعنة صوت صياح برا كمزنة ثنينة
+
:- جـاسرررر
+
