رواية بيت البخت الفصل الخامس 5 بقلم اريج البغدادي
وهَذا الوِفاق الَذي جَمعَنا
كَما بأَيدي بعَض أمَسكنا
أستَمسُكَ ببعَضها أوتَننُا؟…
طلع السيد ضَهير يركض
بقت عيوني عليه وهو يركض
-أبو ضَهير بغضب: هايي منو ديرمي
-سيد عباس: ها ها هاي يا كوا#د رمة
-سيد قيس: اذا الكف الرمة ويلي ع الكعبة
-أبو ضَهير: عمي ستروا علينة ولحد يرمي الخاطر النجف خل نكضيها على خير
-:ديمشي سيد ضَهير وبحركة خفيفة انضرب بضهره كردوس صديقة
-سيد ضَهير: هاي شكو كردوس منو رمة
-كردوس: مادري لك ضَهير سلاح#ي ماكوو
-سيد ضَهير: صدك تحجي؟ خوما مال الدوام
-كردوس: اي لك مال دوام خليته بضهري بـخاصرتي وما لكيته
-خاب تجذب تصدك أنتَ وشكو جايبه متكلي
-اكلك سيد تفكر بشي؟
-شنو كول؟
-من رمو اختفى سلاحـ#ي!
-هناا الحَچيي
-:واكفين بزواية ويحركون نضراتهم يمنى ويسرى حتى ما يسمعهم احد وهم يحجون شلون رمواا
-سيد قيس: اكلك عبيس واذا لكفونة؟
-سيد عباس: والله مادري اكلك دبر روحك أنتَ
-شنوو دبر روحك مو كلتلي اخمط السلا#ح واني أرجعة عبيسسس
-والله شوف الهوسة روح مثل ما نگرتة رجعة واعتذرله عود
-بلا هاي سهلة بس كول الرزايل
-: قاطعهم سيد ذراع
-سيد ذراع: هاااا يعني انتوو الرميتووو منيلكم قنا#در؟
-سيد عباس بتوتر: أني شعلية هذا اخوك
-سيد قيس: خاب انجبب وعلي هو دفعني
-سيد ذراع: وأنتَ مثل الاربع جروخ ركضت مو كلولي منين جبتووه
-سيد قيس: خطمناه من صديق ضَهير
-صدددكك يعني لا السلا#ح ألكم وفوك كل هذا رايحين تبوكونه ورميتو بي شيخلصكم الكعبةة رح تنكلب فاتحة رح اروح أچودرها هسه
-سيد عباس: تعال بروح الحسين لاتحجي وعلي ما نسويها بعد خاب ذراااع
-سيد ذراع: جيبوو جيبو خل اروح انطيه للولد اكله لكيته بالكاع
-سيد قيس: شنو هو خمسميه لكيته بالكاع
-سيد ذراع: اكل خ#رة لعد شلون اطم مصيبتكم
-سيد عباس: هسه يلكي طلقتين ما موجودات شتكله أكلتهن؟
-سيد ذراع بغضب: چا أخذوا بالعباس ماروح ولا احجي مو صوجكم
-سيد عباس: لا لا يمعود متكلي شبيك عصبي ولسانك فالت جاي نشاقه
-سيد ذراع: وخر لك روحو مثل ما سويتوها طموها
-سيد قيس: دعوفه يمعود دعوفه
-سيد عباس: هسه شلون؟
-مادري شسنوي
-نروح نصارح ضَهير؟
-خاف يهينك
-ويهينك هم شني وحدي؟
-استغفر الله هسه شنو
-هااا لكيتها
-ايي عبيسس هلا كول؟
-اكول الضَهير شفت واحد يرمي بهذا السلا#ح وشرد تعرفه مالمن؟
-ايي خوش فكرة امشي امشي
-بس اكلك
-ها
-خاف اخوك الخبيث ذراع يفضحنا؟
-لا معليك فوت بيها
-امشي وياي
-: كردوس ديخابر والسيد ضَهير واكف وبيده التلفون وقاطعوهم عباس وقيس
-سيد عباس: هذا مالمن تعرفوه؟
-سيد ضَهير بضحكة: هااااا يعني هاي انتم
وأني اكول عبيس وينه مختفي جيبوا
-سيد قيس بتوتر: هو شنو اليضحك
-سيد ضَهير: انجبو بابا اني مربيكم واعرفكم دمار دمار انتم رميتو بالسلا#ح واتورطتوا وهسه جايين علساس لكيتوا دنچبوا وروحو لتكعدون تجذبون مالي خلك
-كردوس: شكد نگريين، هبطتوني صدك تحجون وعلي حيلي كله أنهد لو جاين وطالبينه مني والله بيدي انطي الكم
-سيد عباس: وين اكو سني من صلاح الدين يكول وعلي دروح بابا متشوف انوخذ سلا#حك
-كردوس: اي فطير غير
-سيد قيس: فطير محشى جبن
-سيد عباس بضحكة: وخضروااات
-كردوس: دمشو لا أخبر عليكم هسه، من وراكم رح انلزم مجلس تحقيق هسه
-سيد ضَهير: ولايهمك عضيدي يمي
-كردوس: أي عمي العراق بيد عمو عواد
-سيد ضَهير: هههه عوف العراق وخل نطلع يم المعگلين هسه عبالهم اني بعدني لاطش جوه
-كردوس: صدك حلوة لا
-سيد ضَهير: اهوووو كام ياكل زربا#ن
-كردوس: هههههاي هسه تطلع تشبهني
-سيد ضَهير: غير أحركها اذا تشبهك بعلي
-كردوس: ولل؟ صدك شبيه اني يابا
-سيد ضَهير: دمشي امشي حلو
-: دُرر تسولف ويه أخت سيد ضَهير أشجان وبنص الكلام قاطعتهن وردة
-وردة: أشجان منيه أكبر انتي لو مريم؟
-علوية أشجان: اني گلبي وأني اكبر حتى من ضَهير
-وردة: عود صدك والله ولا مبين
-علوية أشجان بأبتسامة: ليش ممبين
-وردة: انتي شكلج حيل ناعم وضَهير كلش خشن مبين أكبركم
-علوية مريم: اي أجى على عمي الوسطاني مبين أكبر اخوته وهو وسطاني
-وردة: هااا
-دُرر بهمس: وردة، وردة
-: ووردة متجاوب دتاكل
-دُرر: خاب الطرشه
-وردة: وكرص شكو
-دُرر: جيبولي لفات جعت وسم
-وردة: اجيبلج نعا#ل تعلجين بي؟
-دُرر بضحكة: كبر لفج ذكرتيني بمشهد توم عالقارب
-: صار ضحكهن بصوت عالي وخزرتهن أم دُرر
لاحظت دُرر الكُل يركص ومتونس ألا زينب ومبينه متلاشية ما بين الحزن والفرحة
خلصت الحفلة وكلمن راح على بيته وصار ليل وأنرسل الدُرر أول رساله
(محادثات)
-سيد ضَهير: هلو كبدبد
-دُرر: هلا عيني
-طالعة حلوة اليوم
-ليش قبلها مو حلوة؟
-لا حلوة شلون موحلوة
-اي خوش
-شاطرة بس خلف الشاشة
-شنو قصدك
-أحس اكو نتر بالرساله
-لا ماكو متوهم سيد
-دائماً اسمع كلمة متوهم لتكوليها
-ليش مبين تتوهم هواي
-أكلها لتكوليها
-تمام
-تكدرين تجين اتصال؟
-لا ماكدر
-ليش ست
-تعبانة وهستوني فتحت التسريحة اريد ارتاح
-بعد وراج عرس
-اي وشنو يعني
-ههههه عرس عرس
-اي شنو
-مترتاحين اسبوع من وره تسريحة
-مو لهل درجة
-هسه تشوفين
-اوك انت شوكت تنام
-خو كليلي روح شهل بسامير
-مو جاكوج اني
-انام من وكت واكعد ب2 بليل اذا تضلين كاعدة وتحبين تسولفين موجود
-وليش تكعد بهل وقت طنطل؟
-ولج احجي عدل طنطل شنو
-وهاي لوين تضل كاعد؟
-اكعد الحد ما يطر الفجر
-شعندك
-اقرة كتابي المفضل وكتب ثانية وقرآن
-اها زين
-اي حب يلا تأخر الوقت اني انام وراي كعدة
-اوكي نام
-تصبحين عليه لان ماكو فرق بيني وبين الخير
-ههه اوكي وانت من اهلو
-: صارت ساعة بـ، 2 بليل وصل أشعار رساله من سيد ضَهير الـ دُرر
تسولف دُرر ويه اختها وتضحك ولزمت التلفون ترد على الرساله
-وردة: هاها هذا السيد
-دُرر بأستغراب: اوكفي اتصل
-: فتحت الاتصال وماكو صوت غير صوت هوى عالي وضبضبه
-دُرر: ألو؟ ألو
-وردة: هاي شنو الاصوات
-دُرر: ألو؟
-ألو
-دُرر: منو؟
-وردة: اكلج شو ميشبه صوت ضَهير؟
-دُرر بأستغراب: اي شنو هاي خاف اخوته
الو عيني منو
-: صوت سيد ضَهير بعيد وهو يقرأ بس مو واضح الصوت،
قفلتة دُرر وضلت صافنة ع وردة
-وردة: سمعت صوت ضَهير بس مو واضح طبعا
-دُرر بأستغراب: أي اني هم بس شنو منو اليكول ألو بهل خشونيه والرعب
-وردة: شنو هاي الرعب وهو شكو كاعد بهيج وقت
-لج مادري هو كلي اكعد ب2 بليل الحد ميطر الفجر اقره كتب
-يااا ولج خاف عندة روحانيات ومدري شنو
-جوز والله
-اي اصلا مبين من وجهة والله حسيته غريب
-يمعودة شسويله خل نكمل سوالف
-: وره ساعة نامت وردة وضلت دُرر حاطة ايدها ع جبهتها وتفكر بهل موضوع وقاطع تفكيرها رساله من ضَهير
(تم أرسال صورة)
فتحتها ولكته دازلها زيارة عاشوراء ويمها شمعة
-دُرر: تقبل الله
-سيد ضَهير: اعمالنا واعمالكم
-شنو وضع الشمعة
-هاي اشغلها واضل أقره الحد ما تنطفي
-وشنو هذاك الاتصال الغريب؟ الي اجاني منك
-ماتصلت؟
-بلي أتصلت وجاوبني صوت غريب ومرعب
-هااا ههههه داشاقة حبيبتي
-هو هيج اليشاقه شنو هل رعب
-يلا تعيشين واوكلج غيرها
-شتوكلني
-انتي شتريدين
-هاي شنو
-اي شتريدين
-ماريد شي سلامتك
-تجين اتصال
-لا ماكدر تعبانة اريد انام
-من شوكت كلتي تعبانة اريد انام ومانمتي
-وردة ضلت تضحكني
-يلا خوش لعد
-يلا رح انام باي
-تمام مع سلامة دردر
فـي مكـان معزول والفجر بلش يطر على العالم
كاعد يدخن وعيونه على السماء ويفكر أنـهُ انتهى بعد هيَ صارت الغيره ومو من نصيبه
وأدرك أنو هو ميحبها بقوة مجرد شعور اعجاب والمشكلة الصارت مالها داعي
بين الفكرة والجكارة دك تلفونه
رفعه شاف ذراع يتصل عليه
-سيد مهيمن: خير شكو
-سيد ذراع: الحك ابونا متخربط
-سيد مهيمن: شنو شوكت متحجون وبعدين اخذه للمستشفى لاحكك
-سيد ذراع: جنت طالع وهسه بطريقي للبيت
-سيد مهيمن: ديلا لعد رايح
غلقوا الأتصال
ساق مهيمن بسيارته للبيت وصل ودخل يركض عليهم شاف أمه تبجي وقيس متوتر وحاير
-سيد مهيمن: شبيك مثل الطرطور واكف
تعال ساعدني ناخذه للمستشفى
-: أخذوا ابوهم للمستشفى وطلع ضيق تنفس عنده
وشوي ودخل سيد ذراع يركض
-سيد ذراع بخوف: ها شبي شطلع عنده
-سيد مهيمن: ضيق تنفس ماكو شي يخوف
-لا يالكعبه شلون يعني ماكو شي يخوف غير ابوك عنده عجز
-والله ما اعرف احس الدنيا تدور بيه
(بيت ابو مهيمن)
كاعدة بخوف على توتر وحدي بالبيت
والوب على ابويَ ومن اتصل عليهم يكولون ماكو شي
-: أشرقت الشمس على البيوت نورتهم بيوتهم بالضوء الساطع مع صوت العصافير
(بيت ابو ضَهير)
وصوت دعاء الصباح عالي
-آلَلَهّمً يَآمن دلَع لَسِآنَ آلَصّبآحَ بتٌبلَجّه
-وتسِرح قُطِع آلَلَيَلَ آلَمضلَم بِغُيَآهّب تجّلَجّلَهّ
-وأتقن صنِِع آلَفُُلَکْ آلَدوآر فيَ مقُآديَر تبرجّه
-وشَعشَع ضيَاء الشَمسَ بِنورَ تأجّجَه
-يَامَن دَلّ على ذَاتِيهِ بِذاتهَ
-وتنَزره عَن مَجنِاسَهّ فَي مَخلوقاتَهّ
-أبو ضَهير: يلا كوموا تريكوا بويه
-أم ضَهير: كلها تكعد الا عباس مركوع بالفراش
-: رفع الفراش عباس من وجهة بعصبيه وكال
-سيد عباس: شوكت تبطلون سجاجين بضهر اصلا اول واحد كاعد اني
-سيد فرهود: چذاب اني كعدت اول واحد
-سيد عباس: أسكت نمرود
-سيد فرهود بعصبية: شايف أذا أجتنه الچنة وضليت تكول نمرود
-سيد عباس: أييي؟ أي يمة خفت يمة شعر رجلي وكف
-: نزل سيد ضَهير وهو متونس على أخر تكة
-سيد عباس: اي عمي متونسين الجماعة
-سيد ضَهير: كبر حاسدني اول مره اكعد متونس هيج
-سيد عباس: حقك عمي حقك
-سيد ضَهير بضحكة: شبيك عبيس تريد تنكتل من صبح
-سيد عباس: لا أريد نمرود يكف مني
-ههههه نمرود ليش وياه نمرووود
-يچذب يكول اني كعدت اول واحد
-والعباس كعدت اول واحد
-يشيلك العباس اذا صدك
-أم ضَهير: ابو ضهيرر شوف شلون واحد يدعي عالثاني رح يهجمون بيتك
-أبو ضَهير: شوكت يكبرون ماعرف
-سيد عباس: زوجوني وهسه اعقل والله
-سيد سلام: ليش انت شنو مخبل؟
-سيد عباس: شنو مخبلل شفتني مصلخ روحي واركض بشارع
-سيد فرهود: هيه بقتلك بس هل حركة وتكمل السبحة
-سيد عباس: ليش تخلوني أغضب
-سيد ضَهير وهو يحضن عباس: عوفوه أبني هذا
-سيد عباس: شوفهم يحجون عليه ضفيره
-سيد ضَهير: ضفيره شنو؟
-سيد عباس: ضفيره منو؟
-سيد ضَهير: أنت كلت ضفيره بس لاقصدك عليه؟
-سيد عباس: وحقق هذاا…
-سيد ضَهير: اسكت اسكتتت لاتهجم السكف
-سيد فرهود: محد طيح حظة غيرك مدلل بيه
-سيد عباس: على الضحكة حاسدينه وهيه بس صوت
-سيد فرهود: باع شلون يمضر#ط
-سيد سلام بضحكة: ههههه كبر لفكم شافطين
-سيد ضَهير: كوم عباس أجتي روان حبيبه كلب عمها
-سيد عباس: اجت بواكة الزلم
-سيد ضَهير: تعاي حبيبب عموو تعايي
-سيد سلام: طبعاً روان بنتي وهدى بنت فرهود يرتاحن بس الضَهير
-سيد عباس: شايل خرزة
-سيد فرهود: باع اعور الدجال أختلف عليه بس شحتوه
-سيد عباس: اهووو خل اكوم اتريك نصبو السفره
-سيد فرهود: اي مو ماعندك رد وبس ترد احطك بالقوري
-سيد ضَهير: شحدك وعلي اسحله اليحجي ويه عبيسي
-سيد عباس: اخويه الزود وحزام الضهر
-سيد سلام بصوت عالي: أخوويي
-سيد عباس: أبد ميطيح وضهره مانكسر
-:التموا على السفره وهمَ يضحكون بعدها بثواني ما حسوا غير الباب ينضرب بقوة وصوت صياح عالي
طلع فرهود يفتح الباب ما حس غير الباب اتكسرت و…..
