رواية طبيب القرية الفصل الخامس عشر 15 بقلم صفاء حسني
الحلقة 15
.
.
ينظر سليم الي زبيدة وهى تنظر له نظره لوم وعدم رضي..
نهر : تعالو اتفضلوا نورتو الكفر كله السواق هيوصلنا ترتاحوا من السفر الأول وبعد كدة تجتمع مع كبارات الكفر لو حبيت …
سليم : اكيد احب انا مستنى اليوم دا من سنين ..
نهر : مش فاهمة تقصد اي …
سليم : متشغليش بالك انتي …
يركبوا العربية سليم جمب السواق وزبيدة ونهر في الخلف…
سليم : طوال الطريق يتذكر السبب إلذي جعله يقوم بفعل ما عمله مع زبيدة ….
فلاش باك***
خرج سليم يشرب قهوة في الكافيتيريا
جاء شخص من بعيد وقرب منه..
الشخص : مين مالك صقر انا شايف انك بقيت كويس ورجلك بقيت تمشي عليها كويس..
سليم كان فاكر الكلام لحد غيره ما ركزش…
الشخص نادى علي شخص آخر يا محسن النايب مالك صقر معانا علي القطر تصدق دا …
محسن : فين دا أبو سيد كنت هتجنن عايز اتكلم معاه في موضوع..
سيد : اهوه يا بنى تعالي نتكلم معاه وقوله اكيد هيساعدك …
يقترب (محسن) من (سليم ) استاذ مالك كنت محتاج مساعدة منك ضروري …
يلتفت سليم : عفوا حضرتك بتكلمني انا …
سيد : سبحان الله اسف انت شبه النايب مالك صقر غريبه قوى …
سليم : تقصد مالك صقر بتاع كفر غريبة إلى اسمه وردة دلوقتي….
سيد : طلعت تعرفه اكيد قريب ليه او تكون ابن اخته…
سليم : آسف معلش انا سمعت أنه مات
(محسن )مين إلى مات تقصد صقر مش ابنه ..
سليم *انا من كفر قريب منك وأبويا حكالي عنهم أنهم ماتوا ….
محسن : تقصد الحكاية القديمه بتاعه المستوصف ياه الكل وجتها كان فاكر أنهم ماتوا ومسك الكفر عائلة المحمودي وطلع واحد اسمه شاهين ومحمود وعدن اتفقوا معاهم علشان يموتهم لكن بعد شهور رجع صقر بكل قوته وكان مالك قعيد علي كرسي
سليم : تقصد مشلول …
سيد : اه فضل كدة يجي 10 سنين من دكتور ل دكتور لحد ما بقى يمشي علي رجله وفيه عكاز في ايده بس الصراحة خلص البلد من ظلم أمه وبطشها هى والمحمودي وعادل ومفيش حد يطلب منه طلب و يرفضه ….
سليم : طيب تعرف اي عن الباقين مراته والممرضة …
محسن : في اقاويل اتقالت وقتها في اللي رفض يصدق ان الممرضة زبيدة تقتل نعمة علشان الكل كان عارف اخلاقها مليح وفي بيقول كيد النساء مفيش زيه وإن كان خالتها وردة هي بتبقي ايه بس هي ماتت هي كمان وربنا عاقبها…
سليم *وأنت كنت عايز اي من النائب مادم مش بيرفض طلب …
سيد : بإحراج لا طلبي عائلي انا مهندس ومعجب ب بنته الدكتور نهر ..
سليم : بنته هو اتجوز ..
محسن : محدش يعرف سافر مع أخته يتعالج وهي تكمل تعليمها رجع ببته الدكتوره نهر في بيقول أنها بنت صفية وفي بيقول بنته من واحده اجنبيه من البلاد الأجنبية رميتها ليه ورجعت علي بلدها ..
سليم : ما بين نفسه أي الكفر العجيب دا والأخبار إللي كلها مش واضحة بس ممكن تكون بنت زبيدة وتطلع اتجوزته في القاهرة لما نزل وهو ربي بنتها وهي ابنه…
اي وجع الدماغ دا بس انا هاعرف مين بيلعب علي التانى والله يا زبيدة هانم انتى ومالك صقر لو طلعتوا مطبخنيها سوي لتشوفوا مني اسوء ما عندى .
باك ***
يفوق سليم علي صوت الدكتورة
نهر : وصلنا الكفر نورتوا كفر غريب…
سليم : شكرا جدا …
نهر : تحب تقابل كبرات البلد امتى..
سليم : بعد ساعة لو أمكن …
#نهر : اكيد حضرتك وممكن بعد صلاة العشاء الكل بيتجمع ….
#زبيدة هما لسه بيتجمعوا ويسمعوا التواشيح والمشايخ…
#نهر : اه هو انتى عرفتى من فين …
#سليم : معلش ممكن توصلينى للمكان إلى هنقيم فيه …
#نهر (في نفسها )واضح صعب جدا حتى مراته مش عرفت تنطق كلمة علي بعضها …
نهر : اه اتفضلوا ..
ويمشوا ما بين الحديقة وزبيدة بدموع هنا اول مرة اتكلمت معايا كنت بقول عمرك ما هاتشوفنى …
سليم عينيه علي زبيده يراقب كل تحركاتها لحد ما وصلت بيتها وهنا زبيدة لم تتحمل وقعت مغشى عليها
جرت نهر عليها اكيد تعبت من الحر هنا والطريق..
سليم : تذكر لما كانت بتجري عليه وهو صغير وتداوي جرحه كانت أقرب ليه من شمس امه بالتبني وعندما كان يذاكر كانت تسهر علي راحته مهما كانت. مرهقه من عملها في التمريض،
فقام سريعا بحملها قائلا..
سليم : فين الاوضه بعد إذنك علشان اكشف عليها…
نهر : اتفضل هنا بس انا ممكن اكشف عليها انا دكتورة ذي حضرتك…
سليم : لأ ….
نهر : طيب أخلع عنها النقاب علشان ميضايقش نفسها مع الحر دا …
سليم بعصبية: قلت لأ مهمتك توصليني علي اوضه النوم وتسيبينى معاها مفهوم ولما أحتاج حاجة هابلغك…
نهر : حاضر …. مغرور كدة ليه ولا ممكن جميلة وخايف حد يحسدها
سليم : يا دكتورة ؟!
نهر : نعم…
سليم : ممكن معاكى بعد إذنك شنطه الكشف موجودة في السيارة …
نهر : حاضر …
تعالي معي انتى يا ام فتحى حضري اكل وانا هاجيب شنطه الدكتور …
خرجت وسليم خلع النقاب من علي وجه زبيدة وبدأ يضغط علي قلبها ويدعك في ايدها
بعد شوية بدأت تفوق..
نهر دقت علي الباب
سليم نزل النقاب علي وجه زبيدة ولاحظت نهر مافعل…
نهر : غريب الشخص دا انا بنت زيها يعنى عادى وليه للدرجادي دى خايف عليها اكيد بيحبها وبيغير عليها …
زبيدة فاقت وبدأت تعدل نفسها
نهر : انا ممكن اساعدك ونخلع عنها الحجاب …
سليم : لأ…
نهر : انا دكتورة زيك واقدر اشخص الحالة علي فكرة…
زبيدة : انتى دكتورة …
نهر : اه…
زبيدة : تمام اكشفي انتى علي…
سليم : انا قلت انا إللي هاكشف وخلص الكلام..
زبيدة : لا طبعا تعالي يا دكتوره واتفضل انت لو سمحت …
سليم بعصبية : ليه بتعملي كده ؟
زبيدة : تقرب من ودنه مش انت قلت انى مجرد ست جميله يبقي محرم علي يا ابن مالك ومش هينفع انكشف عليك ولا خايف ل تعرف انى لسه بنت بنوت وكذبتك تنكشف …
سليم أوكى : اتفضلي يا دكتوره انتى
ويخرج وهو متعصب جدا وبعد كدة يقول ما بين نفسه وفعلا انا خايف عليها ليه انا عايز اكسر مين فيهم مالك ولا زبيدة وهى واضح عليها متعرفش أنه عايش وممكن هو كمان كدة ومحدش فيهم تعب نفسه يتأكد ولا حبيت حبها لمالك وعايزه تكسره لما يعرف أن ابنه اتجوز حبيبته اللي كان عايز يرمى امى علشانها ويطلع سيجارة علشان يشربها
نهر : بعد اذنك شيلي النقاب …
زبيدة : انتى بنت مين هنا
علي دخول….
ام فتحى : بنت حضرت النايب مالك صقر ربنا يبارك فيها اشطر دكتوره هنا.
زبيدة مش مستوعبه : انا فين ..
نهر : مستغربة ليه بس مش انتى عارفه انك في سوهاج كفر وردة …
زبيدة : اقصد المكان دا …
نهر دا قصر الصقراوي ودا بيت صغير في قلب القصر متخافيش..
#زبيدة طيب ازاى انتى بنت مالك..
نهر : هههه مالك يبقي خالي…
زبيدة : انتى بنت صفيه …
نهر : اه بس الكل هنا فاكر انى بنت خالي علشان يعتبر هو إللي مربيني …
زبيدة : مين اللي مربيكي …
نهر : خالى مالك صقر …
زبيدة :بتقولى مين ويغشى عليها مرة اخري ..
نهر : يا مدام ….
ام فتحى هاتى العلاج دا من الصيادلة ومحلول فورا ..
ام فتحى : حاضر ..
نهر : ايه اللي بيحصل دا وليه اغمى عليها واي حكايه الدكتور دا …
تقيس ضغطها يطلع منخفض وترفع النقاب..
بسم الله ماشاء الله دي قمر ممكن علشان كده حساسة ، بس انا حاسة انى شوفتها قبل كدة فين مش فاكرة…
تجرى ام فتحى ويشوفها سليم..
سليم : خير بتجرى لي …
ام فتحى : اصل المدام اغمي عليها تانى يمكن تكون حبلي …
سليم : نعم حامل مين قال الكلام الفارغ دا…
ام فتحى : بخوف وانى ايش عرفنى يا دكتور بس واحنا بنتحدت غميت
سليم : اتحدتي معاها ليه بصفتك ايه والدكتورة الفاشلة اللي جوه بتعمل ايه
ويدخل وهو متعصب…
سليم يدفع الباب ..
نهر تتفزع : في أي انت دخلت ليه دلوقتي…
سليم : علشان انتى دكتورة فاشلة وبدل ما تدخلي تكشفي عليها داخله تتعرفي وتتكلمي معاها صح اوعى كدة..
نهر : استنى عندك ايه قلة الذوق دي لا انا فعلا كشفت عليها وبعت ام فتحى تجيب حقنا ليها ….
سليم : مش بقولك فاشلة وسعي كدة ويطلع من حقيبته حقنة ودواء ويبدأ يرفع ايد زبيدة وهو عنده احساس متناقض ويعطيها الحقنة…
نهر : أنا مش فاشلة والحقنة دى مش تنفع ليها مضاعفات خطيرة…
سليم : وحقنة الفيتامين اللي بتتكتب للست الحامل مش ليها مضاعفات…
نهر : لا طبعا علشان زى ما قلت فتامين واي جسم ست محتاجها وملوش اثار خطيره اما انت بعصبية أديتها حقنة ترفع مستوى السكر في الدم عارف دا معنى اي يعنى هتسبب لخبطة في جسمها …
سليم : يركز على العلاج وينتبه أنه فعلا يخص مرضي السكر
تدخل ام فتحى
