رواية رق قلبي بإيمانها كامله بقلم مريم الشهاوي
رجع من سهرته مع صحابه الساعة سته الصبح
عدلي/كنت فين يا استاذ
يامن اف اف /انا تعبان يا بابا وعاوز انام بعد اذنك تصبح على خير
عدلي زعق وقام وقف قصاده/انت يلا…. لو مش ناوي تفوق لنفسك والله هتزعل مني وانا عارف همشي كلامي عليك ازاي
يامن ضحك بسخرية/بجد… طيب اوكي… تصبح على خير
يامن غمض عينه بخنقه ووقف
عدلي/فضيلي نفسك بكره عشان عاوزك معايا في الشغل
يامن/سوري انا اتفقت انا وصحابي اننا هنسافر شرم… خليها يوم تاني… وبعدين مشوار اي!… انا قولتلك اني مش عايز اشتغل معاك… انا مبسوط كدا
عدلي/مبسوط وانت قاعد بشهادتك في البيت وانت واخد شهادة من احسن جامعة في امريكا
يامن نفخ بضيق/ايوة… بابا انا بجد تعبان اوي ومش قادر فارجوك نتكلم اما اصحى
عدلي/مش هتنام غير اما توافق على مرواحك معايا للاجتماع هو اخر النهار انت لازم تعرف تمسك الشركة…اما اموت انا مين هيمسك الشركة غيرك انت
يامن بعصبيه/وانا قولتلك اننا مسافرين انا وصحابي…
طلع اوضته وعدلي بقا واقف مش قادر يسيطر هو فعلا ضيع ابنه…. نفسه يطلعه من الوحل الي هو فيه… نفسه يعرف دينه ويعرف ان السهر في الكبار*يهات والديس*كو والشرب الي كل يوم دا هيتحاسب قوي عليه ونهايته مش هتكون حلوة ابدا… دعا في سره ربنا يهديه /انا عارف هجيبك ازاي
وراح على شغله
عدلي قعد في مكتبه مش قادر يفكر في اي حاجه دخلت السكرتيرة وقعدت تكلمه كتير بس هو ولا هنا دماغه مشغوله بيامن ابنه الي ضيعه من ايديه
السكرتيرة (هدى)/دكتور عدلي حضرتك معايا
عدلي فاق من شروده/ها… لا لا انا تعبان دلوقتي ومش فايق خدي الملفات دي ابقى اشوفها بعدين
دخلت وسام مراته /قولت اجي اسلم عليك يا حبيبي
عدلي سلم على مراته وسام
عدلي بابتسامه/كويس انك رجعتي من السفر بسرعة… مخنوق اوي ومش عارف افضفض لمين
وسام/وانا جيت اهو يا حبيبي… قولت اعدي عليك علشركة واريح حبه واخر النهار عاوزاك تعزمني على غدوة تحفة
عدلي /اكيد طبعا اطلبي الي عايزاه…. كنت عاوز اخد يامن النهاردة الاجتماع واحاول ادخله تاني في المجال… صعبان عليا يفضل كدا
وسام بخنقة/انا مش فاهمه انت معترض على اي واي الي مزعلك… ما ابنك شاب طول بعرض وحليوة واي بنت تتمناه ومعاه شهادة من احسن الجامعات في امريكا هو محتاج اي تاني مهو عندو كل حاجه يا عدلي
عدلي/ بس معندوش دين….. معندوش مسؤليه…. متهرب من جميع مسؤلياته….. معندوش اخلاق…. طول الوقت مع بنات… معندوش احترام وقليل الذوق وشايف انه لسه عايش في امريكا وبيتعامل على كيفه وحريته وكان عاوز ياخد بيت لوحده ولولا اقنعته بالعافيه انه مينفعش يقعد في حته واحنا في حته كفاية الغربه الي عاشها طول الوقت عايز كمان يتغرب تاني ويبعد عني تاني
وسام/ما انت الي بعدته يا عدلي… قبل ما تبص على الحريقة شوف البنزين اتسرب منين ومين الي ولع وخلا الدنيا باقت رماد انا معاك انه معندوش مسؤليه بس دا لانه عاش كل عمره بره يا حبيبي… انت من يوم وليله نقلته بره مصر لمدارس دخلي وبقيت كل سنه بتشوفه مره واحدة… فهو عايش لوحده وبيعمل الي على مزاجه من وهو طفل…… قضي عمره وشبابه وعرف صحاب… ومتنساش ان المرء على دين خليله… وصحاب يامن كلهم او نصهم اجانب وقل قليل كانوا زيو مصريين وراحوا برا يتعلموا….. انا مش بقول انه ماشي صح… انا بقول ان ابنك الظروف هيه الي جبرته انه يمشي كدا…. وانت السبب في الوقت الي اي طفل بيحتاج فيه امه….. تطبطب عليه لو عيط او اتخبطت…. ابنك كان بيلاقي مدرسة مدرسته او الدادا بتاعته…… واما كبر بقوا صحابه وعشان كدا هو مش مهتم باي حد المهم صحابه ومتعته وبس
عدلي حط ايده على دماغه وخلاص هينفجر من كتر التفكير /طب دا نعالجه ازاي… او نعدله ازاي…. انا عاوز انقذه قبل ما يغرق
وسام بشفقة/لا هو غرق اصلا… احنا عايزين حد ينزل ياخد بايده ويساعده انه يعيش وينقذه م الوحل الي هو فيه دا والحد دا مش احنا… لانه مش بيسمعلنا نهائي وخصوصا انا…انت عارف انه مش بيطيقني… فاحنا للأسف مش هنعرف
عدلي/طب ومين الشخص الي ممكن ينقذه
وسام سكتت وفكرت شوية وبعديها خطرت في بالها فكرة قالتها مره واحدة/يتجوز
عدلي ضحك~فاتحته في الموضوع دا… قالي متبهدلش واحدة معايا انا جواز مش هتجوز ومش محتاج للجواز ومش عاوز اشيل مسؤليه واحدة معرفهاش واخلف منها واوجع دماغي بعيال وقرف وبيت طب مانا بطلع اسهر مع صحابي بنسافر بنعمل كل حاجه وانا مش محتاج حاجه الحمد لله
وسام/مهو لما يتجوز لازم ميتجوزش اي واحدة واحدة تكون مسيطرة وتعدله هي وتكون عارفه ربنا كويس وتاخد بايده لحبل النجاه
عدلي/تفتكري ممكن يبقى في امل
وسام بابتسامه/طبعا في امل طول مانت لسه خايف عليه ونفسك يتغير وبتدعيله بالهدايه في صلاتك دايما يبقى في امل
عدلي/طب ونلاقيها فين دي
وسام/مش عارفة والله انا قولت الفكره اعتقد كده تعبت اوي… دور انت علبنت بقا تبقى مؤدبه وطالعه من بيت محترم ومتربيه وقوية وتعرف تعدل الواد الي مطلع عينيك دا
عدلي قعد علكرسي يفكر شوية
وسام/يعني مفيهاش غدوة النهاردة
عدلي/لا فيه طبعا روحي ريحي شوية وان شاء الله اعدي عليكي بعد الشغل… انا اسف لو روشتك وانت لسه راجعه من السفر بس انا فعلا كنت مضغوط ومصدقت انك رجعتي
وسام/حبيبي مفيش حاجه تتعبني ابدا لو في مصلحة ابنك…اااا…ابننا وكويس ان احنا وصلنا لحل… يلا باي باي فكر في بنت كويسه
عدلي/ان شاء الله
عدلي رجع بالكرسي لورا وغمض عينيه وهو بيردد/بنت كويسه… يارب….
السكرتيرة/الاجتماع يا دكتور عدلي كمان نص ساعة
عدلي/حلو اوي اكون جهزت الورق المطلوب
السكرتيرة/دكتور محمود بره ادخله
عدلي بابتسامه /طبعا دخليه دخليه
محمود دخل بترحاب كبير
عدلي/وحشتني يا راجل
محمود حضنه
دخلت رزان من ورا باباها وقالت بابتسامه وخجل/السلام عليكم
عدلي بصلها بنظرة طويلة /وعليكم السلام ورحمة الله وبركاته…
بص لمحمود باستغراب ومحمود اتكلم /دي رزان بنتي
عدلي بابتسامه/رزان!والله وكبرتي يا رزان…اخر مره شايفك كنت لسه بنوته مكملتش عشر سنين ازيك يا رزان
عدلي بص لخمارها الجميل وفستانها الواسع ووشها الي زي البدر ومفيهوش ولا نقطة ميك اب وابتسملها
رزان/ازي حضرتك
عدلي/ليه الغيبه دي كلها يا صاحبي
محمود/حقك عليا والله اتشغلت جامد وبعدين دي اول سنه شغل لرزان حبيت اعرفها كل حاجه واهي بتساعدني وايدها بإيدي لحد ما انت عرضت عليا شراكه الارض دي
عدلي/يعني لو مكنتش سألت مكنتش هتسأل.. اخص
محمود ضحك/لا والله… انا ادربكت جامدالفترة دي ومكنتش مركز اوي وبعدين ادينا اهو ربنا جمعنا في شغل وهنشوف بعض كل يوم
مره واحدة الباب اتفتح وكان يامن بيزعق ومتعصب/بابا انت قفلت رصيدي في البنك
رزاز اتخضت هيه وباباها وبصت لصاحب الصوت واتقابلت عينيهم في نظرة محدش فيهم فاهمها… يامن فاق من شروده واستغرب انه اتشد لبنت عامله زي الشوال قدامه بس عينيها.. عينيها.. مش عارف عملت في اي هو مش فاهم ماله
عدلي/سلم على عمك محمود يا يامن
محمود/هو دا يامن… رجع من سفره امتى…. حمد لله على سلامتك يابني
يامن ابتسم لذكرى الراجل دا /الله يسلمك يا انكل
محمود/ياااه الزمن عدى بسرعة الواحد كان لسه شايفك امبارح بتجري وتلعب وانت لسه صغير
يامن بيحب محمود جدا لانه كان بيحس معاه انه هو الي ابوه مش عدلي… وكان بيدافع عنه وهو صغير لما تحصل مشكله بين ابوه وهو راح وسلم عليه وحضنه وبص لرزان الي باصه للأرض ومش شايف منها غير دقنها
يامن بابتسامه/نورت والله
محمود/بنورك يا حبيبي
عدلي بابتسامه/مش هتسلم على بنت عمك محمود “رزان”
يامن راح ناحية رزان الي قلقت لما شافته بيقرب منها ومحمود كان مراقب الموقف بحذر على بنته
يامن مد ايده يسلم عليها/اهلا وسهلا
رزان بصت لايديه وخجلت طبطت على صدرها وبصتله وابتسمت بخجل وصوتها طالع بالعافيه/اهلا بيك
يامن ضم ويده ونزلها بحرج ومحمود وقف قدام بنته وبقا قصاد يامن/رزان مش بتسلم على رجالة يابني
عدلي/عشان محترمة ومتربية… ونعم التربية يا محمود… ربنا يحفظهالك من كل سوء
يامن فضل مركز مع رزان الي مشالتش عينيها من علأرض وهو مستغربها جدا
محمود/الله يخليك يا عدلي ويحفظلك انت كمان ابنك… استأذن انا… قولت اجي اشوفك عشان نحضر مع بعض المشروع الجديد.. بس عرفت انك مش فاضي وعندك اجتماعات النهاردة عن اذنك وابقا اشوفك يوم تاني
عدلي/تتعوض يوم تاني حقك عليا والله لو كنت اعرف انك جاي كنت فضيتلك نفسي النهاردة… مع السلامه يا حبيبي… سلام يا رزان
رزان/ابتسمت مع السلامه يا انكل
عدلي/هبقى اشوفك مع محمود كتير الفترة دي
رزان/ان شاء الله
محمود/سلام يا يامن… احب اني اشوفك تاني ومتسافرش تاني بقا كفاية غربه لحد كده
يامن/اه اه متقلقش… انا هستقر في مصر
محمود/طب الحمد لله… يلا سلام عليكم
عدلي بابتسامه/وعليكم السلام.. اتفضل
مشي محمود ورزان بنته وراه
رزان/خلاص اكدت الشراكة معاه
محمود/لسه… قولت اصلي استخارة النهاردة ونبدأ نشتغل في الارض… متوقع انها هتبقى شركة عالميه لان شركتي انا وعدلي لو انضمت سوا هنعلي السوق في البلد كلها… ربنا يرزقنا بس ونتوكل عليه
رزان/ان شاء الله خير.
محمود/شوفتي ابنه يامن..بيشتكيلي كتير منه ربنا يهديه
رزان باستفهام/ماله
محمود/واد ضايع خالص ومطلع عينين عدلي ناقص يوطي يبوس على رجله عشان يشتغل معاه ويمسك معاه الشغل
رزان افتكرت نظرته ليها وقلبها دق ساعتها جامد هيه حاسه انه مش وحش للدرجة /الله يهديه….. دا كنان بيتصل
رزان/السلام عليكم
كنان/وعليكم السلام… رزان ماما مقالتش ليارا بنت عمك انها معزومة عندنا النهاردة انت قولتلها
رزان/اه قولتلها الصبح وبابا بلغ عمي برضو.. ومتقلقش مأكدة عليها متروحش لوحدها وانك رايح تجيبها
كنان ابتسم بهدوء/حبيبتي يا رزان….
محمود/هاتيه انا عاوزه…….
عدلي بعد ما محمود مشي/حلوة رزان….
يامن/حلوة اي وبتاع اي…. انت لغيت حسابي في البنك ليه… انا جيت اسحب النهاردة لقيته صفر
عدلي ابتسم /عرفت اجيبك الشركة اهو…
يامن/يعني انت عملت كدا عشان اجيلك… انت امتى هتفهم اني مبتجبرش على حاجه مش عاوزها….
عدلي/بس بعرف اجيب رجليك لحد عندي منغير ماتعب
يامن/بلاش تتعامل معايا بالاسلوب دا
عدلي/هو دا الاسلوب عاجبك عاجبك مش عاجبك حيطان الشركة كتير
يامن بنرفزة/انت عاوز مني اي دلوقتي… اديني جيت الشركة زي ما عايز افتحلي حسابي في البنك وربنا يسامحك بقا ضيعت عليا السفريه
عدلي/حاضر هفتحلك حسابك في البنك… بس تنفز شرط واحد
يامن بزهق/اي هو ومتقولش اشتغل معاك في الشركة
عدلي/لا خلاص انا فقدت الامل فيك… انا عاوز حاجه تانيه… تتجوز
يامن ضحك/اتجوز!!.. يا بابا انت عارف اجابتي للسؤال دا كويس اوي…. جواز مش هتجوز
عدلي/براحتك
قعد على مكتبه بكل برود/مفيش عربيه ومفيش حساب هيتفتح الا لما تتجوز
يامن نفخ وخلاص هيطق من ابوه
يامن/ومين يا ترى صاحبة الحظ التعيس الي جبتها ولا لسه بتدور على عروسه وبتعرض عليا الموضوع مش اكتر
عدلي/لا موجودة… ومش اي واحدة انا جبتلك واحدة تشرف ترفعك م الي انت فيه
يامن/مين؟
تدلي/رزان بنت عمك محمود الي لسه ماشيه من شوية
يامن/ام شوال!!!!
ونكمل بكرة
ياترى يامن هيقبل انه يتجوز رزان وهو حياته كلها غربيه او هل رزان هتقبل بيامن زوج ليها والفرق ما بينهم فرق السما والارض؟!
الثاني من هنا
