رواية هجران القلوب الفصل العاشر 10 بقلم شروق الشمس

هو انه حب منخلق

من انجرح احتظر.. متروس كلي احساس

رهمني گتلك ولك

هوه انة بيه طبع ما ارهم وي الناس

………….

نرجس…. ظليت طول ليل الوب عليهم من طرف اخوية ومن طرف صديقتي

طر لفجر واني كاعده مايجيتي نوم

دزيت مسج لهجران

طمنيني عنج بالي يمج

.. لا يظل بالج اني زينة بس صار عندي هبوط بالضغط

.. الحمدلله على السلامة

… الله يسلمج

.. طمني ذولاك لناس نرجس افتهمتي

… اي فتهمتج تخبلت عليج رادت تجي للمستشفى اله انطوهة مهدء ياللة نامت

…. نرجس كوليلهة حققي امنيتي واذا ليوم بعد احسن لان بس زوجة خالي وياية بالصالون وتعرف بية ارجوج نرجس وصليهة

…. تمام حبي

دكيت على علي جاوبني بنعاس

ها نرجس

صباح الخير

يا خير هذا

لا تخاف هي زينة هسة جنت احجي وياهة

بصلاة محمد زينة

اي والله زينة بس امنتني تكول وصليلة كليلة حقق امنيتي بالصالون بس زوجة خالهة وتعرف كلشي

مااعرف نرجس لتريده صعبة علية وعليهة وغلط هم

ليش شتريد منك

تريد تشوفني

وشنو يعني

ميصير بنتي حرام

علي اخاف بيهة شي

تمام لا تكولين الاحد حضري نفسج جاي عليج ترحين وياية

اي انتضرك

طلعت من لمستشفى بدون لا احد يدري اخذت سيارة خالي كريم وطلعت للبيت اخذت نرجس لحد مصارت لساعة 9 رحت للصالون لكالت علية

نرجس انزلي شوفيهة اذا اكثر من وحده وياهة لا تحجين شي بس كولي. اجيت اودعت لان مااكدر اجي للعرس. واذا ماكو احد. كوليلهة اني بالباب

تمام

نزلت دخلت للصالون جانت هجران ويمهة مره كاعده هجران بس تبچي ولمره سكتتهة شافتني فزه

نرجس اجيتي

اجيت اشوفج

تعاي هاي زوجة خالي علي وين

هجران غلط لسوينة

محد راح يحس بينة وبكلوينة وينة هوه

بره ينتظرج بالسياره

عفتهن وطلعت اركض للسياره

شفتهة تركض باتجاهي نزلت عليهة بلهفة الله الله بوية لا توكعين فتحتلهة باب لسياره وصعدت افتريت من لمكان لسايق

علي اطلع

وين ياروح علي

خلينه نرح نعيش سوه ونعوفهم كلهم مااكدر اكمل وياهم

اخذت نفس بحركة وزفرتة كلت ياروح علي انتي ليصير غلط الله مايقبل تنزلين راس ابوج مستعد كلشي اسوي وياج بس ننهزم سوه لا غلط ياروحي الله كتب هيج علينة بعد هاي طلعتي من لمستشفى علمودج

انت ماتحبني

صح مااحبج بس عاشگج الاخر نفس

خلينة نروح سوه

ميصير يابعد روحي ميصير لازم نتحمل ونرضه بالكاتبة الله واذا مكتوبلنة ننجمع بعد الف سنة. ننجمع اذا هسة رحنة سوه شكد راح نعيش بالتالي اهلج او اهلي يلكونة وتنتهي لو حياتج لو حياتي فكري بيهة اذا يصيرلنة اطفال واهلج كشفو مكانة جهالنة وين يرحون انه مااريد اعيش وياج بالظلمة انه اريد اتباهة بيج كدام لدنية كلهة واخلي ايدج بيدي واكول اخذتهة جمرة افادي

ولحل علي مااكدر

تكدرين ياروحة لعلي انت قوية خلي ايمانج برب لعزة كلة اختبار من رب العالمين يريد يشوفنة نغلط لو ننتضر هوه يجمهنة اذا مو بالدنية بالاخره هدي حبيبي هدي بيوية انزلي هسة اروح اجيبلج ريوك وارتاحي عيشي لنفسج وبس ليعجبج سوي ولميعجبج طنشي بس لا تغضبين اهلج والله يلة بوية هاي ردتي تشوفيني واجيتج ماكسرت بيج شوكت ماترديني اني يمج بس انطي خبر لنرجس

ليش مراح تتواصل وياية

بوية انه مو لهل درجة قليل اصل واخليج تمشين على لغلط مايصير بعد نتواصل لانج بذمة رجال وهاي كعدتنه الله ماقابل عليهة

ماشي اشوفك بخير والله يوفقك

هجران

ها

ابريني لذمة بوية

مبري لذمة لا تهتم هجران بقت يمك بهاي لسيارة لراح تدخل مجرد جثة. لا اكثر ولا اقل

روحي بوية بحسرة كلتهة روحي يحفظج علي

نزلت هي رحت اخذتلهة ريوك ودزيت على نرجس تاخذه الهة

نرجس ابقي وياهة اليوم

لا علي خليني ارجع مااتحمل قهر اكثر من هيج

براحتج

هجران….. من دخلت باب لصالون زوجة خالي فرحة عبالهة راح انفذ لكلته بس علي ماقبل دخلت بشخصية ثانية عفت هجران وروحهة يم علي بالسيارة.دزلي لريوك اكلت منة احس بي لذه لان منة اخذت عهد لنفسي بعد اعيش بس لنفسي وبس وعلي ماافكر بي شنو ذنب ابن لناس وياية

خلصت لصالون واجة عمر اخذنة للمصور كملنة و رجعت للبيت احس بغير عالم اني كلهم عبالهم خايفة بس لبكلبي غير شي خلصة لحنة واجتي لثاني يوم بالزفة نفس لروتين بس متأكده من طلعت ودعت اهلي حسيت علي موجود شلت واسي اريد اشوفة بس مالمحتة صعدنة بالسيارات وطلعت لزفة لبيت زوجي

بعد ماتعشت لناس زفونة للغرفة جنت اتمنة يعوفني هاي ليلة

عمر…. نورتي غرفتج ياعروس

هجران… شكراً الك

عمر…. هجران مااحب لرسميات اني

يعني شنو

يعني اشكرج وتشكريني مااحبهة

اوكي براحتك

يلة بدلي خلي نتعشة ورانة ليلة طويلة

ماحجيت شي بس بداخلي ارجف من خوف وحزن وكلشي

تعشينة كملنة ماحسيت اله سحبني علية وبدون مقدمات جردني من كلشي

عمر… لا تخافين دقايق وكلشي يخلص بس سلميني نفسج

انتهة كلشي بس من مديت ايدي وشفت لدم احس لدنية وكعت على راسي انتهيت من لبچي

عمر….. هجران متوجعة بيج شي

اي الم عندي

اي هسة اصيح امي

لا لتصيح احد هسة بس اسبح ارتاح

يلة كومي اسبحي

دخلت للحمام ونطلقت معاناتي بحبسة لدموع

ماحسيت على نفسي اله من دكت لباب

بيج شي

لا هسة اطلع

طلعت وكبل جوه لفراش ماعرفت شوكت اجة عمر نام يمي

…….

علي….. احترك كلبي عليهة بس وصلنة لطريق مسدود شسوي اخذت نرجس رجعتهة للبيت واتصلت بخالي كريم كتلة طالع لكربلة اني لا يظل بالكم حجة ورزل لان من لصبح طالع وميعرفون وين اني بس غلست عنة رحت بحضرة لعباس فرغت كل همي ثاني يوم ساعة 12 رجعت وصلت لبيتهم وية طلعت لزفة مالتهة حست يمكن بوجودي ظلت تتلفت بس ماخليتهة تشوفني مشيت وراهم لحد بيت عيالهة من نزلت صوت لهلاهل ولچكليت ولذبيحة جوه رجلهم كلت

ياجيرانه ويا عشگ باب لباب

ياطيش صباي وياغلطتي وحبيت

هلاهل زفتج رخت سراجي لبوب

طاح بيتنة من طشو لچكليت

…..

دموعي تتسابق على وجناتي

ظليت اناطر يم بيتهم اثاري شباك غرفتة مقابيل سيارتي وكفتي خلص لعرس وكلمن طش الاهلة وزفو لعريس لمحبوبتي

عرفت غرفتهة من طفة لضوه وصارت هدوء وبعد فتره طلع يرمي من لشباك

بالعافية عليك محبوبتي ريت طلقة توكع بنص كلبي واموت

شحالج هسة بالغصب اخذت لو برضاج

هم اجيت عالبالج لو انتهى كلشي بنزلتج

هوه رمى من انتي بچيني بس انه دمعي قبلج نزل

شايفين احساسي شنو جان مثل ام 20 سنة ماعدهة خلفة وصالهة ولد انشلت وكدام عينة يذبحونة بسچين. عمية لا تكدر تصرخ ولا تكدر اتكوم تنقذه

هذا احساسي

رجعت للبيت خليت راسي بحضن امي ونمت

ثاني يوم طلعت للدوام شكد حاولو يمنعوني بس عاندت وطلعت

انتهى كلشي بس بقة حبهة بداخلي محفور

وقررت ارجع ادرس واعلي رتبتي واحقق حلم من احلامي

……..

هجران…. فزيت عمر. ساحبني بحضنة وحاضني غاط بالنوم بالاول عبالي بحضن علي اني ردت اندار علية واكعده مثل ماجنت اتخيل بس لحضة فزيت من صفنتي وتذكرت اني وين فز عمر وراد يعيد لسواه بليل بس منعته بحجة متأذية

عمر….. ليش

متأذية مااكدر عمر

ماشي بس بليل ماكو ممنوع

اعذرني مااكدر ارضيك على احساب اذيتي

هاي شبيج

مابية شي بس افتهمني جاي اكلك متأذية

اوكي على راحتج

بدلنة ونزلنة جوه تلكونة باهلاهل خلو لريوك تريكنة لبنات ماخلني اسوي شي بقيت كاعده بمكاني وناس رايحة وناس جاية للظهر تعبت صعدت امدد شوية اجه بالي اتصل بنرجس بعدين كلت لا خلي ابتعد احسن

نمت بس عمر مااجه للغرفة حسيت لدنية عصر بدلت ونزلت جانو كلهم كاعدين عادي سلمت وكعدت يمهم مشت ايامنة متشابهة لحد لسبعة صارت وسوينة حفلة اجوي اهلي وعزمونة يمهم يوم لجمعة وعيالي هم عزمو اهلي وبدت لعزايم كل اسبوع بيت مرت شهر وشهرين تأقلمت وية لوضع ومن بعد لشهرين بدت عندي اعراض

لحمل احاول قدر الامكان ابد ماافكر بعلي ولا تواصلت وية نوجس خفت يسمع اخباري ويتأذه بسببي

فرحو عيالي واهلي وحتى عمر فرح بالحمل

بس مااحس بفرحة عادي عندي

عمر زين وياية يعني متفاهمين يطلع من لصبح ميجي اله لعصر من لشغل

اله بيوم جان علية 7 اشهر حمل فزيت من نومي عمر يكعدني

هجران… هجران…. شبيج

مابية شي ليش

منو هذا علي

بصدمة شنو

منو علي لتصيحين بااسمة

واني شعرفني تحاسبني على هذياني واني نايمة

هجران هاي مو اول مرة اتصير اكثر من مرة اسمعت واغلس بس وصل حدهة

تره جنت نايمة يعني مو بوعيي احجي شعرفني منو واسم منو اصيح يجوز بالامام علي

هز راسة وطلع من لغرفة متعصب كعدت ابجي

ليش ماجاي تعوفي حتى بمانمي لاحكني شسوي ياربي

بقيت حوالي ساعة ابجي دخل علية عمر

ليش تبجين

مابية شي

لا تبچين مو زين عليكم لبچي بس اعذريني هجران لصار غصب عني خلي نفسج بمكاني

كل متنامي بحضني بس اغفة واناديج بغير اسم شيكون موقفج

مو بيدي

اعرف خارج عن الاراده النايم بس

بس شنو عمر

لا ماكو شي

كول عمر شنو

هجران حتى ذاك ليوم من تقربتلج اوله مره هيج اذوبين بين ايدي ومن بديت احجي وياج ناديتيني بعلي واني غلست عنج كلت حامل وخطية

بس

خلص انسي هجران تعاي خلي نام

معقولة لهاي لدرجة واصلة اني ياربي ساعدني شلون بية

مرت الايام وقربت ولادتي بس جبت ولد وسما عمر…. علي….. كال طلبتة من الامام علي

دنك علية كال علمود من تغلطين باسمي اعرف على ابنة ميبقة بالي يودي ويجيب

عافني بصدمتي وطلع عمر من نوع لجامد ماكو اي مشاعر بينة مجرد مشاعر عشره لا اكثر ولا اقل وهاي مرت سنة واني مااعرف اخبارهم شنو التهيت باابني وعيالي ورجلي كمت مااكدر افكر بشي ثاني

علي….. بعد ماالتحقت مانزلت للبيت جنت بس ادزلهم افلوس كلمن يريد ينزل اخذ مكانة اني وبقيت 3 اشهر منازل من لدوام كل ماتسأل امي اكلهة انذار بس روحي ماتريد ارجع اعرف بس ارجع اروح لبيتهة

ياتره شصار بهاي 3 اشهر بديتي تحبينة يدللج لو لا شاصاير بيج جنت اشوفج بس عيوني تحجي وهسة حتى شوفتج حسره علية صارت

بعد 3اشهر نزلت للبيت لخاطر امي شنو ذنبهة

حضنتي وتبجي من الاشتياق ونرجس كذالك

ذبيت اهمومي بالدوام ورجعتلهم قدمت لمتحانات لسادس واخذتهم رحنة لكربلة بقينة يومين ورجعنة

رجعت لروتيني لقديم من انزل اطلع وية خوالي بالمطعم عسى ولعل اشوفهة مرت ايامي متشابهة ماكو اي جديد امتحنت نص لسنة ونجحت للنهاية لسنة اخذت اجازه علمود لمتحانات لسادس علمي طلعت معدل يدخلني كلية عسكرية الحمدلله مرت سنة واني مالامح ظلهة احس تأقلمت على لوجع ولفراك

بديت اداوم بالكلية لعسكرية وانزل بس خميس وجمعة مرات ماانزل مرات انزل حسب لمزاج

وبيوم نزلت تعبان صادف خميس خالي كال عدنة طلبية تعال ساعدني

رحت اساعده خلصنة لطلبية وجان تجي عود لخيزران عرفتهة هي من كلبي دكت مثل لمخبل وتذكرت اول مشية الهة. كبالي تركص على كلبي هي ماشافتني اجتي وكفت يم نفس لمضمد لعرفته بي شفت وحدهة بس هي وياهة بنية ثانية شايلة طفل من شفت ماكو وياهن احد تقربت عليهة

ردت اسلم علية بس انصدمت من لطفل اشر عليهة وصاح مامة احس سچين بگلبي نبت

كلت بدون مقدمات

الله هذا ابنج لتمنينة ابني

هجران….. انصدمت. بصوتة ماحجيت شي وياه جان علي مريض واخذتة للمضمد اني وزهرة بقيت اتنفس بسرعة بس اريد لتوتر يروح مني وهوة واكف و راية جان زهرة تكول هجران اخذي علي شلع كلبي

علي….. شهل صدمات هاي لا ومسميتة علي ويردوني انساج چا انتي مانسيتيني

هجران….. دمعت عيني من شفتة شلون متغير ويحجي بغصة

كلت من انت تنساني بهذاك افكر انساك

الله لا يوفقة لفركنة جان هسة ابني على ايدج

قسمة ومامكتوبة النة

مرتاحة يابعد لفاد

اذا انت مرتاح اني ارتاح

بس لموت يريحني انة

علي روح لا احد يشوفنة

لا تخافين محد ينتبه كليلي شلونج بدوني

مثل ماتشوفي

عساج بخير خليني اسمع صوتج اليوم

لا علي مااكدر

ليش ياروح علي

بدون شي وزوجي شاك بية لا تسويلي مشكلة فدوه لان مخلي تسجيل مكالمة عباله مااعرف

افة لو زلمة مايسوي هيج لا تنقهرين وامسحي دموعج يابعد رويحتي ردت روحي بشوفتج

اللة يردج الية بسلامة

روح علي

الله شكد حلو اسمي صار شكد ماسامعة بالسانج على فكره جنتي طالعة اميرة بالزفة بس للاسف مايستاهلج

ليش

ههههه لانة مو زلمة

تعرف شي

كلشي اعرف عنكم

يعني شنو

افتحي عيونج وانتي تعرفين

ميهمني

يهمج يهمج ياجمرة افادي لان بسببة راح ترجعين لحضني

انت شتحجي

مثل ماكتلج

عافني بصدمتي وراح مني شنو يقصد

دخلنة للمضمد وطلعنة زهرة تعرف كلشي لذالك ماسألت شي اصلن نفسة لجانت تروح علمودة بس هوه ميعرفهة لان كبرانة. وهي تستحي تحجي وياه

،

مرت الايام وبديت الاحض اشياء غريبة على عمر

،

صح بااخر فتره تغير كلش اهواي وهاي اول مره من بعد سنتين زواج يمد ايده علية جنت مااعرف حامل ومن ضربني طرحت اجوي اهلي للمستشفى رجعت وياهم وابني وياية

وهاي اول زعلة الية يم اهلي حجيت كلشي الاهلي وشلون يحاسبني من اني غافية وكول علي كلت اخاف يحور لكلام لاهلي صح ابوية حقق وياية بس مانطيت لزمة لنفسي ونكرت كلت خارج عن ارادتي

بعد شهر من زعلتي اجوي وكعدو وهوة فتح لموضوع بس لشهادة للة كلهة وكفت ضده كالو لنايم شعرفة شيحجي مايحجي لمهم رجعت لبيت عيالي مشت شهر ايامنة حلوة مابيهة شي ومن بعد لشهر عمر بده من يجي للبيت ريحتة مطيبة ابد بالاول جنت اصده ومااخلي يتقربلي وهوه سكوان بس بعدين كام يربطني بالچرباية وياخذ لي يريده غصب جانت تلعب نفسي منة لانه سكران واني اصلي واصوم سنة كاملة هيج بقة ماتحملت تصرفاتة وصل بي لحد يخليلي حبوب منوم بالعصير ويمارس وياية من اكعد راسي ثكيل ومااكدر اتحرك من مكاني واشوف نفسي بوضع مقرف كلش ماعدى اثار لضرب بية

لميت ملابسي وملابس ابني ولعصير لشربت منة باقي بس خليتة بطل صغير مااعرف شلون خطرت هاي لفكرة بالي يمكن كد مااتابع مسلسلات هههه وخابرت ابوية يجي ياخذني بس ماسويت اي مشكلة دكيت على عمر كتلة اريد ارح الاهلي كال رحي انطيت خبر لعيالي ورحت

اول ماوصلت حجيت الابوية لصار كتلة صارلة سنة يشرب ويجي سكران واني ساكتة وصل بي لحد يخليلي منوم بالعصير

بس شنو راح يثبت هوه يخليلج منوم بالعصير بنتي

طلعت لبطل وانطيتة اله ودي للمختبر وراح يعرفون همة

صارلة ستة اشهر على هذا لحال لا يوم ولا يومين

ابوية ودة لعصير للمختبر بس اني احس شي ضايع بجسمي وبس يحك روحي تريد تطلع مني مثل لحساسية هايجة عندي دخلت سبحت ومن لتعب نمت ماحاسة بنفسي

بعد يومين اجة ابوية شايط اول ماطب كال

اتصلي بهذا لكلب ابن لكلب

ماجادلنة ابوية دكيت على عمر وانطيتة الابوية

بس فتح خط نزل علية ابوية دوسة ونص

كالة باجر تجي اطلك ومالك ابن عدنة