رواية هجران القلوب الفصل الثامن 8 بقلم شروق الشمس

……………….

هجران تكول

كل ذمه ماابريك واحسابك احساب

يم الله يل خليت بگليبي عطاب

علي جاوبهة

كل ذمه ماابريك يل الرحت عني

سهران اكظي الليل والون كتلني

ــــــــــــــــــــــــــــــــــــــــــــــــــــــ

من هذا لبارت راح نحذف لدغة مال هجران لان اكثرية لمتابعات يكولون منفتهم عليهة راح نحجي عدل بدون لدغة

علي…

يعني شلون نرجس مافتهمتج

علي هجران لخميس مهرهة اليوم ابوهة اجه لخالي كريم واعتذر منه كاله لو قبل لا كاطعين مهرهة جايين بوكتهة انطيكم بدون مهر لان انتم اعزاز عليه بس بعد ماكملو كلشي صعبة نخربهة ولناس هم من معارفنة

يعني خلص راحت عود الخيزران بعد مااشوف طولهة ولا عيونهة ياريت باقي بس على لنظرات ولا عارف اسمهة

اريد احجي وياهة نرجس

شلون

سوي مكالمة جماعية

تمام

هجران….. الوووو نرجس

علي…. بدموع وعين مغمض يتأمل صوت هجران بسكوت تام

الووووو. الوووو…. نرجس اتسمعيني الووو

كلت

مُــر بــيه ولفي اتوسلك

والحچـي بـيني وبينـك

اقبل تجي وجايب جرح

واتناوشه مــن ايدينــك

اقســم بـرجـفَـة شِــفتّي

بالـ ها تجي؟ وها وينك؟

عگبك ترس عيني الدمع

يالــ غيري تارس عينــك..

اوف ولج شسويتي بية

هذا انت

اي انه سيد كلك انه ابو صفنه لتاه بطولج انه لضعت ييوم لسمعت لدغتج

خلص يبت كلبي راح تتزوجين بس كولي مااريد والله اسوي لماصاير الج واخذج

اعذرني خوية بس لجاي يصير حرام اني بذمة رجال

خوية ههههه جنت اتمنة اصيرلج الاخ والابو وانتي تصيريلي كل عشيرتي هوه لو جان رجال مااخذ بت كلبي وخلاني متلوع ليلي ونهاري يبت گلبي ساعديني ادخل هل معركة وافوز بيج

اعذرني بس مستقبل اهلي واختي اهم من حياتي الله يرزقك بنت تنسيك كلشي

لا تهددني برحيلك

ساعه رايح ساعه جاي

وليش تحببني بيك

وأني أعرف

اني يمك مالي راي

چبت عمري بمشتهاتك

.

هههههه خوش چا اخذ اختج من ريحتج بهيج نتعادل

ديررررر باااااالك تتقرب الاختي خاف الله بيهة لا تلوعهة وانت ماتريدهة

لا اريدهة لانهة من ريحتج

ابد اذا الي معزه بكلبك ولو واحد بالمية ابتعد من اختي لانه مو قوية مثلي اختي ترفه ماتتحمل كسر علي اترجاك

اويلي هيج اسمي حلو بلسانج ياعود لخيزران

خسارتي جبيره محد يعوضهة اله انتي

شوكت زفتج

مالك شغلة اياني وياك تسوي مشكلة وتفضحني

تحبي

ميخصك

بعصبية كلت لاااااااااا تكفريني رجع حجه بتوسل ابوس ايدج جاوبيني تحبينة

ميهم اذا حبيتة او لا

واني

ماضي انت الية

بس انتي كلشي الية ماضي وحاضر ومستقبل

هجران لا تسوين كلشي يريده منج

شنووووو

اسكتي واسمعيني

خليلي شي خاص بس الية

انت متستحي

لا لا والله مو قصدي غير شي بس اريد شي بس الية اجربينة وياية

لا صدك اجاوزت حدك انت

من زمان اجاوزت حدي وياج وهواي عصيت ربي بسببج بس قابل بيهن كلهن

عسا لا تهنيتي ولا يتهنة بيج روحي وانتي منفوسة وحق هو داحي باب خيبر لو رجعتي مطلكة لو ارملة اله اطش چكليت بحضرت علي واطعم 60 فقير بس تردين لحضني

انت

اااااااااشششش اسكتي ولا تحجين خليني اخلص لان مو من حقي احجي بعد عساج لا شفتي لبنات بس ولد تخلفين ويحبون وتتلعوعين مثل لوعة امي علية

عساه انشالله لا شاف خيرج ولا حبج ولو محد يحبج بكدي متأكد انة راح ادعي عليج بكل صلاه الله ماينطيج بنية تعرفين ليش

بهضم كلت ليش

لانه لو صارت انه اخذهة

انت مخبل مو عاقل

اي ياهجران گلبي تخبلت بيج حبيبتي ادعي الله لو ترجعين لحضني واذا ماصارت لو بتج لو اختج بدالج ولو مايسدن مكانج بس اهم شي من ريحتج واضل دوم اشوفج

احبج ياجرح كلبي مودعة بالله يحفظج لرحمن. لكلبي انشالله ويگصر عمر رجلج يارب

كلش هضمني وكلامة نبته بكلبي وعبالك اني لمسؤولة على هذا لشي ليش هسة ياللة ظهرت وين جنت كل هاي لسنين هسة يالله تذكرتني

صار خوفي من علي مضاعف على اختي دعيت الله يحفظهة ويبعد لشر عنهة ثاني يوم عمُر اتصل ب امي وراد يحجي وياية واني رفضت احجي وياه ضلت تحجي عيلة امي ميصر ولا تتقبلينة راح يصير زوجج اني بس اتخيل لفكره اتخبل كلت مااريده مااحبة فدوه يمة خلصيني منه ابوس ايدج يمة مااريد مااريد فدوه اني ابچي واملخ نفسي وهي حاضنتني لان مراح يتغيّر شي كلشي كامل صار تعبت من لبچي ولقهر على شي مراح يتغير توكلت على الله وعفت كلشي وراية وخليت املي برب لعزه هربت للنوم وكئنما من انام اخلص من همي لليل احس گلبي وجعني حيل مااعرف ليش اجه بالي علي ردت ادك على نرجس بس تراجعت مادكيت مرة يومين حالتي زفت شكد تحجي امي تتوسل ابد اني قافلة وماعندي شجاعة ااروح الابوية واخلي بخرب كلشي اخاف من شنو وليش مااعرف تهديد عمتي وتهديد علي بالي وماعرفت اخاف من منو واطنش منو بليل وفجأه خاصرتي ظلت توجعني وتخربطت نقلوني للمستشفى كال لدكتور فوراً للعمليات لزائده ملتهبة عدهة بقيت قريب لفجر ودخلوني للعمليات خفت من لبنج واخاف احجي كلت بتوسل للدكتووه لا اطلعيني من لعمليات اله يفتحني لبنج اخاف احجي كلام وخطيبي يزعل جذبت هاي لجذبة جان تضحك لدكتوره ههههه لا تخافين حبيبتي مراح اطلعج اله توعين نيالله لخطيبج هيج تحبينة كلت اي اموت منه اقصد علية مرت ساعات وعيت على نفسي بوجع بس مو اكثر من وجع كلبي كلهم ملتمين يمي عزوز هم جاي بس مالي خلك اي احد فرحت لان كلشي تأجل وكلت يجوز الله راد هيج لان مو قسمتة ورحت بتخيلاتي يجي علي ويخلصني واصير حلاله بعد ماعرفتة يبادلني نفس الحب

وكلشي يصير اله مثل مايتمنة ويريد وكلني اصير ملكه اعيش احلى لحضاتي وياه ههههه يسميني عود لخيزوان حبيت كلشي بي صاير نسخة طبق الاصل من لممثل خالد سليم

كلشي بي يشبهة عشقت هذا لفنان بسبب علي

فزيت على ايد عزوز يمي

حمدالله على السلامة حبيبتي

الله يسلمك

هذا خطيبج بره واكف يريد يشوفج

كوله نايمة مالي خلك اشوف احد فدوه

بيج شي

لا

متعاركين سوه

لا

هجران مغصوبة انتي

لا

هز راسة وكال سهلة يصير خير انشالله

طلعت من لمستشفى للبيت وصار خطار رايح وخطار جاي دزيت مسج لنرجس كتبت

علي اذا بعدك. رايدني وتحبني مثل مااني ابادلك هذا لشعور انتضرك والك مهلة للخميس ليجي بعدهة كلشي ينتهي بيناتنة هاي اخر فرصة النة قبل لا اعقد محكمة انتظرك علي

مشت ايام متشابهة وعلي ماكو اي خبر منة ونرجس كذالك رفضت لتواصل وية خطيبي بحجة ابوية ميقبل نتشاوف ومن اجة لخميس ومالكيت علي عرفت جوابة عقدنة محكمة

بيهة شفت عمر شكد حاول يلزم ايدي بس رفضت اخذنة ذهب ولملابس نطونه افلوس احنة سوينة ماطلعت جهزت اي شي كله امي ترح وحدهة وكئنما اتجهز لعدامي حددو لمهر ولحنة ولعرس نفس الاسبوع بس اني رفضت لان اتعب خلينة لمهر لخميس ولحنة ولعرس لسبوع لثاني خميس ولجمعة رحت للصالون وية امي وام زوجي سويت لتعديلات لازمة واجة يوم لخميس صاره هي خطبة وهي مهر نرجس ما عزمتهة بسبب تجاهلهة الية الايام لفاتت وهم كلت هسة عباله جاي اذكره بالموعد مازاله هوه مااجة ولا قدملي تبرير معناتهة صرت مااهمة بس تفاجأت لكيت نرجس گبالي موجوده

نرجس…. بعد ماعلي طلب مني اسوي مكالمة جماعية عفتهم يحجون ورحت اني

بعد حوالي ساعة دك علية علي وياريتني ماجاوبت

ها يابة

بصوت رد علية يهز صمام لگلب كلة كسران وجرح وكئنما بصوت يتيم بعازه امه

اريد امي وينهة

اي هاي وياك

ها يمــــ… ة ….. امي بقت ساكتة وبس نشغتهة تطلع منهة كاتمة صوتهة

بدون تفاهم ركضت لبيت خالي كريم صحتة لان احجي وية امي مجاوبني

خالو فدوه الحك امي وعلي مااعرف شبيهم

شكو خالي شصار

مااعرف اجه خالي وياية طبينة امي ادك وتلطم

ها ام علي شبيج

ولك خوية ولك علي مااعرف شصار بي

شصار

بس اخذت من نرجس وكتله ها يمة

جان يصرخ بكل صوته ويكول

‏مَهضوم يمه

وگلبي كلش تعبان

اسم الله عليك يمة ليش

مِن وضعي من الناس

مِن حنيتي من كلشي

ما امَيز صرت الآه

بية ولا بيك يمة

تَيهت روحي وتيهت تاليتي

يا يمه ربيتيني أحب كُل الناس

اي والله يمة

أسمحيلي اگللچ غلط تربيتي

ليش يابعد افادي

المَفروض أعرف أكره

وأفارگ ، وأرتاح

لا يمة

چا هَسه كلش تختلف وضعيتي

بَس انتِ ضحكاتچ صدگ يمه وياي

الضحكولي كلهُم فرهدوا عافيتي

اسم الله على عافيتك يمة

يمة رااااحت

يمة ضاعت مني

كسرو گلبي يمة

عسى الله يكسر كلوبهم

اااااااخ ولج يمة اريد اموت واخلص جبتهة شلعان كلب بشلعان كلب

يمة شلون بية كليلي بية لغلط لو بيهة

صرخ بصوت ربييييي ماانكسر خاطرك علية

واني يتيم من صغري مهضوم وتعبان اختبارك صعب ياربي

وظل بس يكول بصوت متگطع يمة اخ گلبي

ي….. م…… ة

بعد ماسمعت حسة بس سمعت طبة قوية بالكاع وطفة لخط

كريم اريد ابني منك ياخوية

يلة انشالله ماكو شي خيتي هسة اشوف اصدقائة

احد الجنود… طلعت اتمشى بالليل هوه بارد حلو جان من بعيد اشوف خيال طويل وضخم

اعوذ بالله من الشيطان الرجيم شنو هذاك

بديت اتقرب صار صوت طبة قوية ولخيال تكوم بالكاع

سويت نداء للوحده وطلعنة نركض علية جان نلكة سيد علي مكوم بمكانة ولدم ماخذه مانعرف منين ينزف شلنا الطوارئ

بعد لفحوصات ولتحاليل جان مضروب جلطة قلبة بس خفيفة بقه تحت لعناية لمركزية بس فاقد

اخذت موبايلة جان طافي اول مافتحتة اجاني اتصال من خاله كريم بالغتة بالصار وانطيتة عنوان لمستشفى بقيت وياه لثاني يوم لصبح لحد مااجو اهله

انتم اهل لسيد علي

اي انه خاله

الحمدلله على السلامتة يابة هاي اغراضة انشالله ماكو شي

سيد كريم… رحت شفتة بالعناية لمركزه نايم

هيج ولك سوه بيك الحب وانت جبل مايهزك ريح ياابني لو حاچي من زمان جان هسة انت وهي لبعض وخاصة بت صديقنة هي ليش وصلت نفسك لهذا لحال شنو خلاك هيج اتصير ليادرجة عاشقهة انت عفتة ورحت يم لدكتور

بشرني دكتور شلونهة حالت علي

شوف ابني لو لا ستر الله وخشمة نازف جان انفجر دماغة بسبب صعود لضغط

عنده صابتة جلطة قلبية احنة انكول خفيفة بس من يصحة يالله نتأكد اخاف مسببتلة خلل خلال 24 ساعة لازم يصحة انتضر والله كريم

وبعد مرور يوم كامل علي بقة مستسلم للنوم ورفض يستجوب للعلاج ويصحة

دكتور هاي مرت اكثر من 24 ساعة

ابنكم متعرض لصدمة عصبية لذالك هوه رافض يصحة بس جسمة جاي يستجيب

النة بس دماغة رافض

الله يكون بعونكم تكدرون تبدلون اله وسووله تحفيز بالكلام لان يسمع كلشي

ويحس بيكم خلي احد يأثر علية علمود دماغة

يصير عنده سبب للستجابة النة

واذا ماصحة دكتور

كلشي بيد الله

يعني شنو

مراح اخوفك من هسة واكلك نعتبرهة موت سريري بس ازمة وتعدي انشاللة

ذكرو بالأشياء لحلوه وخلو احبابة يمة تحجي

وياه

كريم….. حيل نقهرت وشلون راح اوصل هذا لكلام الاختي الي انتظرتة اسنين يالة رجع لحضنهة اتصلت على اخوية علي

اشوف اخوية حالت علي تعبانة بس

مو جسدين تعبانة عقلين وكلبة لمتعبة انت روح لبيتهم واخذ لبنات وياك فهم اختك بس بهداوه وكلهة لازم كلنة نصير وياه لا تهبطهة وتكلهة موت سريري افتهمتني

اخوية

لا حول ولاقوة الابالله العلي العظيم

افتهمتك ابوعلي

نرجس… بقينة نلوب اني وامي خالي عافنة وراح ليل كله مقهورين علية وكل شوي يجي شي بالنة اجه خالي علي وزوجتة وچنتة وزوجة خالي كريم يمنة بس وجوهم ماتبشر بخير اول ماطبو صرخت ها خالي

علي مات؟

اخووووية ماااات مووووو خالي

اخخخخ ياااخوية

عِندما يؤلمكَ سن من أسنَانك ؛ ومن شِدة الألم يُصبح همّكَ الوحيد هو قَلعه ، وعِندما يَتم قلعه ؛ لا شعورياً يُصبح لِسانك طوال الوقت يَتجه إلى ذلك الفراغ الذي تَركه السن ، بِمعنى أقوى وأفصَح أنه تَرك فراغاً وأصبحت تفتَقده . .

غالباً ما يأخُذ وقتاً طَويلاً لِتتعود على هذا الفراغ ولكنكَ ستتعود وتسأل نَفسك ؛ هل كان يَجب عليكَ قلعه ! فتقول : نعم كان يَجب ذلك لأنه كان يُسبب لكَ ألماً ووجَعاً فظيعاً ؛ هكَذا هُم بعَض الأشخَاص في حياتنا وبَعض المواقف تُجبركَ على التخلّي عنهَم وتُكمل حياتكَ بِدونهم ، رغُم أنهم كانوا مصَدر سعَادتك يوماً ما . .

صحيح سَيتركون فراغاً في حياتكَ ، ولكن يَكفي أنه لَم يعد هُناك ألم أو وجع