رواية مدللة كسرت كبريائي الفصل الثاني 2 بقلم ميرا اسماعيل
البارت الثانى رواية مدللة كسرت كبريائي
تأليفي ميرا إسماعيل
:****************************************************
في فيلا فريد المنشاوى
علي العشا
نفين .. كده يا نور طول الإجازة مفكرتيش تسالى عليا
نور .. سورى يا مامى اصل كنت مبسوطة جدا عارفة جدو جاب ليا حصان شكله حلو جدا وانا وليث سمناه نورى
فريد .. مبروك يا حبيبتى واتعلمتى تركبيه
نور بزعل .. لا ليث مرضيش بيقول انى صغيرة مامى ممكن أتعلم ركوب خيل علشان لما اروح الإجازة الجاية اغيظ ليث
نفين بغضب .. ايه هو كل حاجة كانت حلوة هناك كده نسوكى امك وبكرة تتكلمي زيهم حياتنا كلها هتبقا فايز وعايلة الجبالي
نور بخوف حضنت دادا صباح
نور .. مامى انا خايفة انت بتزعقى ليه
فريد ادخل .. نفين علي غرفتك حالا
نفين طلعت فعلا
فريد قرب علي نور قلب جدو .. متخافيش مامى بس تعبانة شوية وبكره هتصالحك اوك
نور بخوف بسيط .. اوك تصبح علي خير يا جدو وطلعت علشان تنام
نفين فى غرفتها دخل ليها فريد
فريد .. انت ايه دى بنتك بتعملى فيها كده قدامى اما اسافر هتعملى ايه
نفين .. نور لازم تكون في صفى مهما حصل
فريد .. هى ورث دى انسانه لحم ودم انت ايه
نفين .. نور سلاحى يا بابى سلاحى اللي هكسب بيه واذل عايله الجبالي كلها
فريد .. مفيش فايدة بس تحذير أخير لو كررتى اللي حصل تانى انا بنفسي هرجع البنت لابوها واياك لما اسافر تعملى اى مصيبة سامعه
نفين .. سامعة
نور فى غرفتها
نور .. اوفففففف مش عارفة انام انا عايزة ليث اعمل ايه بقا
دخلت عليها صباح
صباح .. القمر منامش ليه ؟
نور .. مش عارفة انام انا عايزة ليث انام في حضنه
صباح … هشششش وطى صوتك انت عايزة مامتك تقوم الدنيا مش ليث قالك دى اسرار
نور بتخبط ايديها علي الجبهه .. اخ نسيت فعلا دى اسرار مامى مش لازم تعرف طيب نامى انت معايا بليييييز
صباح .. حاضر تعالى يا قلبي وفعلا صباح فضلت تحاول معاها لغاية اما راحت في النوم
في قصر الجبالى (في فيلا الجبالى)
رؤوف .. مالك يا ليث مابتكلش ليه ؟
ليث .. مفيش بس خايف علي نور مش هتعرف تنام لحالها هناك
فايز .. متخفش صباح معاها ومش بتسبها وبحزن ربنا عوضها ب صباح عن نفين
سعاد .. وانت يا ولدى فكرت في اللي اتحددت في وايك ؟!!!
فايز .. اه يا اما فكرت بس خايف علي نور
ليث كان يتابع الموقف بعدم فهم ولكن عندما احس ان الموضوع من الممكن ان يؤذي نور
ليث .. هو ايه الموضوع ؟
سعاد .. أنى جايبه ل عمك عروسة زينه جوى
ليث .. عروسة ل عمى !!!!!!
رؤوف .. يا ولدى اسمع حديت امك مش هتخسر
ليث .. مين العروسة يا ستى
سعاد بفخر .. صفية بت الشيخ سويلم بت شيخ يعنى عارفه ربها وهتراعى ربنا في ولدى وبته
ليث باستغراب .. دى ارملة ومعاها بت في سن نور
سعاد .. وماله هى هتراعى في بتنا ربنا واحنا كمان وبتها هتبجا بتنا من اول ماتدخل الدوار
فايز بضحك “… هههه خلاص دخلتيها وباس ايد سعاد علشان خاطرك حاضر هروح وأقعد واللي فيه الخير يقدمه ربنا
وفعلا فايز راح واتكلم مع صفية وارتاح ليها جدا واتفق مع والده انه هيتجوزو في الاجازة بحيث أن نور تكون عرفت
وعدت الايام وجاء اول يوم دراسي
فيلا فريد
نفين .. خلصى اكلك كله بسرعة الباص علي وصول
نور .. بحزن مامى بليز وافقى عايزة اكلم بابي
نفين بصوت عالي .. قولت لاء لاء واتفضلى خلصى اكلك
نور بنظرة كلها غضب .. مش هاكل
نفين بصدمة مش بسبب الرد لكن بسبب نظرة نور لاول مرة تحس ان نور فعلا جواها دم الجبالى وقطع تفكيرها صوت صباح
صباح .. احممم مدام نفين فايز بيه علي التليفون عايز نور
نور بفرحة .. بابي وقامت تجرى تكلمه
نور .. بابي وحشتنى جدا
فايز .. وانت كمان يا قلبي ها فطرتى وجهزتى لاول يوم دراسي
نور ..اه يا بابي جاهزة بابي ليث عندك
فايز بضحك .. ههه اه خدى كلميه
نور .. ليث ازيك وحشتنى قوى
ليث .. أنى بخير انت عاملة ايه ؟
نور .. انا كويسة بس،عايزة اجى عندك بسرعة نورى عاملة
ليث .. نورى زينه هانت كلها شهرين وتيجى سبوعين بحالهم
نور .. اوففف لسه شهرين كتير انت وحشتنى وجدو ونناه و وبابي ونورى حتى ليل كمان وحشنى
ليث ..وانت وحشتينا كلتنا خدى جدى عايزك
نور .. جدو حبيبي
رؤوف .. نور جلبي عاملة ايه هتروحى المدرسة دلوجيت
نور .. ايوة انا لبست وافطرت ومستنيه الباص
رؤوف .. ربنا يوفجك يا جلب جدك خلي بالك علي حالك سامعة
نور .. حاضر ياجدو فين نناه
سعاد .. أنى اهنا يا جلب ستك من جوه خلي بالك علي حالك يانور
نور .. حاضر انا لازم امشي الباص وصل سلام
وقفلت نور التيلفون وانطلقت الي مدرستها وعلي الجانب الاخر انطلق ليث هو الاخر لمدرسته
وعدت الدراسة وجت الإجازة
نور .. يلا يا بابى انا جاهزة
فايز .. ماشي ياروحى اسبقي علي العربية وانا وراكى
نور .. ماشي باى يا مامى هتوحشينى
نفين ..باى يا روحى
فايز .. كويس انك سمعتى الكلام ومعملتيش بلوه تانية
نفين .. لا متخفش بس انا عارفة هتلف وترجع ليا ولو نور مش السبب حنينك ليا السبب وقربت عليه ولا نيفو موحشتكش
فايز .. مسك ايدها عارفة مشكلتك ايه ؟ غرورك دا ويكون في علمك انا مش هرجع ل بسبب نور ولا بسبب حنينى عارفة ليه ؟ لانى هتجوز واحده برقبتك سلام يا نيفو
وخرج فايز ب نور متوجهين للصعيد
اما نفين فحدث ولا حرج كسرت كل اللي حواليها وبغل .. ههدك يا فايز ههدك والايام بينا
في الصعيد
نور .. نناه وحشتينى وانت يا جدو
سعاد .. احنا اتوحشناكى جوى
رؤوف .. عاملة ايه ؟ يا جلب جدك انت والمدرسة زينة
نور .. اه يا جدو حلوة قوى وبقا عندى صحاب كتيييير وكلهم بيحبونى
سعاد .. طب يلا نغير علشان ناكل
نور .. ماشي وبتبص حواليها امال ليث فين ؟
ليث من وراها .. أنى اهنا
نور .. جريت عليه وحضنته ليث وحشتنى جوى
ليث باحراج .. احمممم نور أنى كمان اتوحشتك جوى بس انزلى بجا
نور بزعل .. انت مش عايزنى اسلم عليك ماشي انا مخصماك وطلعت علي فوق
فايز .. ليه زعلتها يا ليث
ليث .. يا عمى متخافش هعرف ارضيها
وبعد الغداء اخدها ليث بعد محاولات كثيرة
نور .. ايه دا المكان دا غريب
ليث .. دا بجا سرنا التالت فاكرة الاول التنين اللي جبل اكده
نور مؤكده .. وهى بتعد اول سر أن انام في حضنك لما يكون في حلم وحش تانى سر ان اسمى عندك نورى
ليث .. شاطرة ودا بجا التالت العشة دى أنى اللي عملتها من البوص وباجى اهنا علي طول من النهاردة دا مكانا بتاعنا احنا وبس
نور .. الله دا ليا انا وانت حلو قوى ووعد مش هقول لحد عليه
ليث .. وانى عارف دا زينه تعالى ندخل بجا
وفي المساء
فتح الجد مع نور اللي الكلام فى موضوع جواز فايز فالأول كانت مرحبه لكن فاجئة عيطت وطلعت علي غرفتها
فايز .. كنت عارف انها هتزعل
ليث .. لا يا عمى هى الاول كانت مبسوطة في حاجة تانية زعلتها أنى هطلع ليها
رؤوف .. اطلع يا ولدى وبفخر ب ليث لانه لاحظ أن نور فعلا مكنتش معترضة لكن ايه اللي بدل حالها ؟؟؟؟!!!
فى غرفة نور
نور بدموع .. مش عايزة اتكلم انا هنام
ليث .. مش أنى جولت اياكى تبكى وأنى جارك
نور .. بدموع ليث انت بتحب نور وبس صح
ليث باستغراب .. ايوة طبعا
نور .. يعنى مفيش حد هيشاركنا في اسرارنا صح
ليث بعدم فهم .. اسرارنا مالها ومال جواز عمى
نور بغضب .. انا مش بعيط علشان بابي هيتجوز انا خايفة تلعب مع بنت الست اللي بابي هيتجوزها أنت بتاعى انا صح
ليث بغضب .. ايه بتاعك هو أنى لعبه عنديكى يا نور
نور بدموع .. لا مش قصدى انت مش لعبة بس لما حسيت انها ممكن تلعب معاك وتقولها نورى او تدخلها العشة بتاعتنا زعلت
ليث بتفهم .. وهو بيمسح دموعها كل اللي جولتيه دا ملك نور وليث بس مفيش حد تانى هعمل معاه كده ودا وعد من ليث الجبالي ل نور الجبالي
نور .. وعد
ليث .. وعد يا نورى يلا بجا ننزل ليهم نجول ان انتى موافجة
نور .. ماشي بس مش هتكلم بنتها خالص
ليث .. ماشي
وبالفعل نور ابدت موافقتها واتحدد كتب الكتاب واتعمل كتب كتاب والكل متجمع في فرح ابن كبير كفر الجبالي
نور .. يا نناه انا هخرج ل بابي
سعاد .. مينفعش عيب احنا اهنا مع الحريم روحى العبى مع صفا اهى من سنك
صفا بنت صفية يتيمة الاب لديها شعر اسود ناعم خمرية اللون وبعيون عسلى
نور ..تحبى نلعب
صفا .. يلا نلعبو فين ؟
نور .. تعالى بعيد عن الدوشة وفعلا بدأ البنتان باللعب وفي هذا الوقت جاء ليث
صفا .. تعالى يا ليث
نور بغيرة .. يجى فين ؟ عيب احنا بنات وهو ولد
ليث استغرب ردها لكن افتكر كلامها وان ممنوع انه يكلم صفا
ليث .. لا انا كنت بشوف ستى علشان عمى عايز يطلع
نور .. وطى يا ليث وبالفعل نزل ليث ل مستواها
نور بصوت واطى .. شاطر يا ليث هجيب ليك شكولات
ليث .. بيكتم ضحكته .. شكرا يا نورى وغمز ليها وخرج
صفا .. ما انتم بتحددتو سوا فيها ايه لو فضل واينا
نور. .. ليث بيكلمنى انا وبس انا نور الجبالي وهو ليث الجبالي وانا مش هلعب معاكى تانى
خرجت نور شافت بابها واخد صفية وهيطلعو
ليث قرب عليها ومسك ايديها .. خليكى جارى ماشي
نور .. حركت راسها بدليل الموافقة
نفين من وراهم .. ينفع تتجوز من غير متعزم مراتك الاولى
فايز .. قصدك طليقتى مش مراتى انا حاليا مراتى هى دى صفية
نفين قربت عليها .. دى اللي اخترتاها بعد نفين الشناوى لايقة عليك فلاحة زيك
فايز .. بصوت عالى اخرصى خالص اوعى تتكلمى عليها كده انت سامعة
سعاد اول ما حست ان الامور اتطورت بت يا صالحة نادمى علي الحج جوام
نفين .. ماشي يا فايز يلا يا نور
فايز .. يلا فين
نفين .. هاخد نور انت خلاص مش محتاجها أما انا عايزة بنتى انت بكره تخلف وتنسا نور زى ما نسيت امها
وقربت تشد نور. من ليث اللي اتمسك بيها ومرديش يسيب ايدها
نفين بغضب .. يلا يا نور مستنية ايه لما يرموكى برة اول ما مراته تجيب ليه طفل هينساكى
فايز اتملك منه الغضب .. شدها جامد انت ايه يا شيخة دى بنتك اللي بدمريها بنتك
نفين ..عامل نفسك خايف عليها دلوقت كان فين خوفك لما قولت بلاش طلاق علشانها وانت صممت انت مش اب فبلاش تعمل اب وراجل دلوقت
فايز .. ضرب نفين بالقلم انا راجل غصب عنك
رؤوف .. ايه اللي بيحصل هنا وانت يا فايز من ميتا بنمد يدينا علي حريم
فايز لسه هيرد قطع كلامهم صريخ ليث ..نووووووور
التفت الجميع ونور كانت …….
