رواية مأساة حورية الفصل الخامس والاربعون 45 والاخير بقلم فريدة احمد
هو انت هتتجوز عليا بجد؟
قالتها سمر بدموع وقهرة لـ عاصم اللي بصلها بملامح باردة وبعدين قال… انا فعلا هتجوز.. بس مش فاهم يخصك في ايه
ابتسم بسخرية وقال… ولا تكوني فاكرة نفسك مراتي بجد
نسيتي اني متجوزك عشان استر عليكي
غمضت سمر عيونها بألم ودموعها بقت تنزل بوجع شديد، فهو دايما مش بيسيب فرصة غير لما يفكرها بسبب جوازه منها دا غير انه مش بيفوت لحظة بدون ما يسمها بكلامه اللي مبيرحمش
قعدت مكانها علي الكنبة وبقت تبكي بقهرة، اما هو دخل الاوضة بلامبالاة رمي جسمه علي السرير ونام بعد ما حدف تليفونه جمبه بإهمال
……
دخلت والدة موسي المطبخ قربت من حورية وهي بتقولها …. ليه يا حبيبتي تتعبي نفسك
الشغالين كتير اهم خليهم هما يعملو
كانت حورية واقفة بتعمل كنافة بحب، بصتلها وقالت…موسي بيحب الكنافة وانا حابة اعمهالو بإيدي ياطنط
ابتسمت والدة موسي وقالت…..موسي محظوظ بيكي يا حورية
كملت بضحك… مكنتش اتخيل ان ابني اللي طول عمره فلاتي وبتاع ستات. هيقع في واحدة زيك كده وتتوبه
ضحكت حورية وقالت… عالله بس يكون تاب بجد
والدة موسي… لا متقلقيش هو واضح انه تاب..دا بيموت فيكي.
ابتسمت حورية وبعدين قالت … الا قوليلي ياطنط هو اتجوز كام مرة
والدة موسي…. يوووه كتييير متعديش.. بس خلاص من وقت ما ظهرتي في حياته وهو اتبدل. كرفلهم كلهم.
اتنهدت وكملت بحب… احنا كمان حبناكي اوي يا حورية.. سبحان الله اول ما شوفتك قلبي اتفتحلك وحسيتك بنتي
ابتسمت حورية وقربت باستها من خدها وقالت.. القلوب عند بعضها.. انا كمان متعرفيش حبيتك ازاي يا طنط
والدة موسي…. لا بقا طنط ايه.. انتي من دلوقتي تناديني ب ماما
حورية… حاضر يا احلي ماما
……
في شقة كريم وهنا
دخل كريم بعد ما قفل مع الدكتور اللي طمنه علي بنتهم
قرب علي هنا اللي كانت واقفة قصاد الشباك بحزن، مسك ايدها باسها وقالها ببتسامة .. يلا البسي عشان هنروح نجيب هنا الصغيرة من الحضانة
بصتله هنا بعدم تصديق… فقال.. الدكتور لسه قافل معاه دلوقتي. قالي انها بقت كويسة وينفع تخرج
مكنتش هنا مصدقة قالت بفرحة… بجد. بجد يا كريم
كريم… بجد ياحبيبي.. يلا بسرعة اجهزي
هنا بفرحة… هوا
وبقت تجهز بحماس فهي مشتاقة ل بنتها اللي ملحقتش تاخدها في حضنها. اتحرمت منها شهر كامل من وقت والدتها
….
بعد مرور شهر
كان موسي واقف في مزرعة الخيل بتاعته بيمرر ايده علي الحصان وحورية معاه
بصلها وقال….. تعرفي يا فرسة بربي في الحصان ده من امتا. اصل الحصان ده بالذات ليه معزة في قلبي عن باقي الخيل اللي في المزرعة
بقلمي فريدة احمد
الجزء الاخير علي صفحتي الشخصية وبس
حورية…. بتحب الخيل اوي كده
موسي… اول حاجة بحبها بعد النسوان.
ضربته في كتفه بغيظ وقالت… يارب نتلم بقا.
بصتله وبتحذير… عشان اقسم بالله ياموسي
قاطعها وقال…. يعني بالعقل كده هيبقي معايا فرسة زيك وابص بره.
حورية… بحسب
ضحك موسي وبعدين قال بصدق … انتي ملكتي قلبي ياحوريتي خلاص
ومسك ايديها الاتنين باسهم بحب،
اخد بالو من لبسها فتعصب وقال… بس لبسك ده يتغير
بصت حورية علي نفسها ورجعت قالتله باستغراب… مالو لبسي
موسي… انا عاوزك تلبسي عبايات. زي باقي الحريم اللي في البلد
حورية… جلابية يعني
موسي… سميها زي ما تسميها. المهم البناطيل الضيقة دي متتلبسش تاني
ابتسمت حورية وقالت… بتغير عليا
موسي… لو عاليا اقفل عليكي عشان محدش يلمحك. اصلك حلوة وجذابة اوي يا حورية. انتي تجذبي اي حد
مستحملش الفكرة وقال… لو حد بصلك هد،، بـحو
ابتسمت حورية وقالت… وانا مش عاوزة حد يشوفني غيرك.
كملت باقتناع وقالت… وحاضر هغير استايل لبسي وهلبس عبايات.
موسي… حبيبي اللي بيسمع الكلام
وباس راسها
بعدين ميل عليها بتمهل ولسه هيقرب من شفا،، يفها،،بعدت بسرعة وقالت….موسي احترم نفسك. احنا مش في البيت.حد يشوفنا
موسي وهو بيقربها ليه بعد مارفع ايده وبقي يمرر صباعه علي شفا، يفها، بشتهاء. قال…حد مين انتي مش شايفة المزرعة هو ازاي..انا مشيت الغفر من بدري
ووبدون ما يديها فرصة ميل عليها وبقي يبوسها،، هي كمان حاوطت رقبته وبقت تتجاوب معاه وتبادله مشاعره بمشاعر اكبر
بعد دقايق بعدو عن بعض ، غمزلها وقال… بقولك ايه ما تيجي نريح شوية في الاوضة اللي جوة
حورية… بطل سفالة بقا
بصت للحصان وبقت تمرر ايدها علي وشه وقالت… بقولك ايه…
وكملت بسرعة…. انا عاوزة اجرب الخيل
موسي…هتعرفي
حورية… اه. علي فكرة بابا الله يرحمه دايما كان بيعملني ركوب الخيل.. يعني متعودة متقلقش
موسي… طب وريني.
حورية بحماس… اوريك طبعا
شالت الطرحة من علي شعرها حدفتها عليه ورفعت شعرها لفوق لكحكة وثبتتها كويس بمشبك الشعر وقربت من الحصان وفي لحظة كانت نطت و ركبته بكل لياقة
ميلت علي الحصان وهي محاوطة رقبته بإديها وبدأت تحرك ايدها عليه وبعدها شالت اللجام رمته
موسي خاف عليها وقال … بتعملي ايه يامجنونة. هتقعي كده
بصتله بمعني متخافش وجريت بالحصان، لفت بيه المزرعة كلها
كان بيبصلها بإعجاب وهو مبهور بيها لكن كان خايف لتقع
لحد ما رجعت بالحصان ووقفته قدامه وهو مدلها ايده نزلها وقال… يخربيت جنانك
حورية بضحك… كان نفسي اركبه من زمان بس كنت مكسوفة اقولك..
بصتله وقالت بغمزة .. بس ايه رايك
موسي بصلها بوقاحة وقال وهو بيمرر عينه علي جسمها.. كنتي فرسة راكبة فرسه
ابتسمت وقالت بيأس …. تصدق اتعودت علي الكلمة دي منك خلاص
بصتله وقالت بتساؤول… بس هو انت ليه دايما تقولهالي.
رد موسي عليها بنفس وقاحته وقال … لاني مش بشوفك غير فرسة. فرسة وعاوزة خيال
حورية بغيظ…. وقح
حطت ايدها علي رسها لما حست بدوخة فجأة. لاحظ انها مش كويسة فقالها بخضة.. مالك. حاسة بإيه
حورية… مش عارفة. شكلي لما ركبت الحصان وجريت بيه
بصتله وكملت… انا حاسة بدوخة اوي ياموسي
وفي لحظة كانت وقعت في حضنه فاقدة الوعي
لحقها بسرعة وبقي يحاول يفوقها لكن مفيش فايدة.. شالها بسرعة حطها في العربية وجري بيها علي المستشفى
..
وبعد وقت كان الدكتورة بتكشف عليها وهو واقف جمبها بقلق،
فتحت عيونها لاقته جمبها. ميل باس رسها وقالها… الف سلامة ياحبيبي
ابتسمتله بتعب وهي ماسكة ايده
والدكتورة قالتلها ببتسامة… حمدلله علي سلامتك يامدام
حورية بتعب… الله يسلمك
موسي… من ايه اللي حصلها ده يا دكتورة
الدكتورة… متقلقوش اللي حصل ده طبيعي. لان في اول الحمل معروف بيحصل اغماء ودوخة
حورية بعدم استيعاب….حمل
وبصت ل موسي اللي كان هو كمان مش مستوعب الكلمة ورجعت بصت للدكتورة وقالت…حمل ايه يا دكتورة.انا مبخلفش
: انتي حامل يا مدام حورية
قالتها الدكتورة لحورية ببتسامة لتنصدم حورية، وموسي ايضا
حورية بعدم استيعاب قالت… حامل.
وكملت بلامبالاة وهي متيقنة ان اكيد الدكتورة شخصت غلط فقالت… انا مش بخلف يا دكتورة
لترد الدكتورة عليها بتأكيد وتقول… لا انتي حامل فعلا
واضح جدا في الجهاز قدامي اهو
بصت حورية لـ موسي اللي كان هو كمان بيحاول يستوعب ورجعت بصت للدكتورة وقالت بحزن و ألم.. يا دكتورة. انا مش بخلف. ازاي هكون حامل بس
موسي … اكشفي عليها تاني يادكتورة
اتنهدت الدكتورة بقلة حيلة وابتدت تفحصها تاني
وبعد ما انتهت بصتلهم وقالت…فيه حمل فعلا. انتو ليه مش مصدقين
و بصت لحورية ولتاني مرة تأكدها… يامدام حورية انتي حامل بجد
حورية بعدم تصديق.. ازاي.
بصت للدكتورة وهي بتحاول تتاكد تاني وبترجي خايفة تديها امل وفي الاخر يطلع كل ده وهم،،قالتلها … يا دكتورة. حضرتك متاكدة.. انا روحت لدكاترة كتير جدا. كلهم اجمعو علي اني ليمكن هخلف. لاني عندي مشاكل تمنعني من الخلفة
الدكتورة باستغراب… ازاي بس. انتي حامل فعلا وانا متاكده
بعدين قالت… طيب انا هكتبلك علي تحاليل تعمليها
وابتدت تكتبلها علي تحاليل وهي بتقول… وعلشان تتأكدو
اعملي التحاليل دي
….
وبعد وقت كانت عملت التحاليل ومنتظرين النتيجة
كانت حورية قاعدة بتوتر، من شدة توترها كانت سامعة دقات قلبها اللي بتخفق بسرعة شديدة
مسك موسي ايدها المتلجة وقال وهو بيخفف من توترها…بإذن الله كلامها هيطلع صح. انا متفائل. وبعدين دي دكتورة كبيرة اكيد مش هتغلط يعني
حورية بأمل… ياريت
موسي… ان شاء الله خير
وبعد وقت
اخيرا ظهرت نتيجة التحاليل اللي سلمهالهم الدكتور تبع المعمل وهو بيقول ببتسامة…الف مبروك. المدام حامل
موسي… متاكد يا دكتور
الدكتور بتاكيد ….طبعا، التحاليل اثبتت ان في حمل بإذن الله..
كمل باللي فاجأهم وقال…. وبعدين المدام مفيش عندها اي موانع للخلفة.. ازاي بتقولي انك مبتخلفيش..التحاليل بتثبت انك سليمة وعمر ما كان عندك اي موانع للخلفة. الف مبروك
كانت حورية في حالة زهول. مشاعر متلخبطة. بين فرحتها بحملها اللي مش قادرة تستوعبه انه حقيقة وبين صدمتها في محمد اللي في اللحظة دي بس اكتشفت انه كان بيخدعها طول سنين جوزاهم واوهمها ان العيب منها ودلوقتي بس اتاكدت انه كان منه هو
غمضت عيونها ودموعها بقت تنزل
مد موسي ايده مسح دموعها، بصتله، فقال… افرحي يا حورية. متفكريش في الماضي
حورية بدموع …. انا حامل ياموسي.
كانت حورية قلبها هيقف حرفيا من الفرحة. مش مصدقة.
بقت تقول… انا حامل بجد. يعني هبقي ام
موسي …شوفتي. كنت متاكد ان ربنا هيراضينا
حورية بدون مقدمات نزلت علي الارض وسجدت ل ربنا وفضلت تحمده وتشكره بدموع، وعلي ترتيبه وحكمته في كل حاجة حصلت حتي لو كانت هي شايفاها اذي ليها، فعلا وعسي ان تكرهو شيئا وهو خير لكم.
قامت وهي بتقول بدموع… كـ كنت حاسة. كنت حاسة ان ربنا هيجبرني في يوم من الايام.. كنت حاسة انه هيعوضني
موسي شدها لحضنه وبقي يضمها بحب وفرحة وهو كمان بيحمد ربنا ، مسك ايديها باسها وباس راسها وقال… انتي تستاهلي كل خير ياحورية
بصتله وقالت… انا بحبك اوي يا موسي.. انت اتنازلت عن الخلفة عشاني.
كملت بدموع… شوفت ربنا عوضنا احنا الاتنين ازاي
….
: طلقني يا عاصم
قالتها سمر بدموع لعاصم اللي رد عليها وقال… هيحصل اول ما السنة تخلص
بصلها بسخرية وقال… عشان محدش يجيب في سيرتك. انتي في الاول والاخر بنت عمي
سمر… لا كتر خيرك. طلقني دلوقتي مش لازم تستني لحد ما السنة تعدي.
مسحت دموعها وكملت… انت عملت اللي محدش كان هيقبل بيه يا عاصم… انا بشكرك جدا انك رضيت تستر عليا. حتي كل كلامك اللي بتقولهولي مقدرش الومك عليه. لاني استاهله. انا اللي فرطت في شرفي
بصتله وقالت… بس انت كمان مش ملاك يا عاصم
بصلها فهزت راسها وقالت …ايوا مش ملاك. علي الاقل انا كنت متجوزة. يعني معملتش حاجة في الحرام. واذا كنت غلطت. فانت كمان عملت كل حاجة غلط في حياتك. طول الوقت بتز، ني في الحرام. وعمرك ما فكرت تتوب او ترجع عن علاقاتك الحرام..
هزت راسها بالرفض وقالت… انا مش بقولك كده عشان ترضي بيا لا والله… انا اساسا مقتنعة ان وجودي معاك ظلم ليك. لان ببساطة انت مش واجب عليك تصلح غلطة حد.. انت فعلا ملكش ذنب..
اتنهدت وقالت… طلقتني واتجوز واحدة تكون مغلتطش زيي او علي الاقل تكون انت اللي غطلت معاه
اخدت طرحتها وقالت..هنزل اشوف ماما لتكون محتاجة حاجة ومحدش جمبها..
اتنهدت وقالت… انا هفضل معاها.. ابعتلي ورقتي يا عاصم
ونزلت سابته واقف شارد بيفكر في كلامها. مسح علي وشه بضيق فهي عندها حق في اللي قالته هو حياته كلها معاصي
……
وقف موسي بالعربية ونزل، لف الناحية التانية فتحلها الباب وبدون مقدمات شالها
حورية… بتعمل ايه.. هو انا مش هعرف امشي يعني
موسي وهو شايلها ومتجه بيها للداخل، قال… من دلوقتي مفيش حركة
حورية … ياموسي نزلني. العيلة كلهم هيتفرجو عليا وانت شايلني كده.
موسي… محدش ليه حاجة عندنا
وبمجرد ما دخل اتخضو كل الموجودين. وقامو قربو عليه بقلق وهما بيقولو…. في ايه. مالها مراتك وشايلها ليه كده
رد عليهم وهو متجه بيها للسلم… مفيش متقلقوش. الفرسة حامل بس
لينصدم الجميع ويقولو في صوت واحد كلهم بزهول… حامل.
وهما بيبصو لبعض.. حامل ازاي
وطلعو علطول وراه
دخلو كان بينزلها في السرير
عمته… انت بتتكلم صح يا ولدي.. مرتك حامل صح
موسي… صح يا عمتي
عمته بفرحة … يا الف بركة
وبصت لحورية وقالت … الف مبروك يا بتي
وقربت حضنتها
حورية… الله يبارك فيكي يا عمتو
والدته هي كمان كانت طايرة من الفرحة وبقت تحضنها ومرات عمه وكل الموجودين بقو يباركولها
كانت الفرحة مش سيعاهم وبقت الفرحة مالية البيت كله بالخبر السعيد ده
…
…..
بعد اسبوعين
كانت حورية في شغلها بعد ما صممت انها تنزله بعد محاولات كتير مع موسي اللي كان رافض خوف عليها فهو كان حابب يوفرلها اكبر قدر من الراحة
لكنها اصرت واقنعته انه شغلها مش هيأثر علي الحمل وانه عادي تنزل وتتحرك
كانت قاعدة علي مكتبها فجأة وهي مشغولة اتفاجات ب هنا بتتصل بيها
مسكت الفون وردت عليها بفرحة وهي بتقول… وحشاني يا هنون.
هنا…انتي اكتر.عاملة ايه
حورية…بخير يا حبيبتي..انتي طمنيني عليكي وهنا الصغيرة عاملة ايه
هنا….الحمدالله بقت كويسة
حورية…. ربنا يحفظها ويباركلك فيها يا رب يا قلبي
هنا… يارب
وبعدين قالتلها بتردد… حورية.. كنت عاوزة اطلب منك طلب.. بس بالله ما تكسفيني
حورية… اتكلمي علطول يا هنا فيه ايه
هنا… مرات عمي
حورية اتنهدت وقالت بجمود …. مالها
هنا…. عاوزة تشوفك
وقبل ما حورية ترد قالت هنا بسرعة وترجي… عشان خاطري تعالي. هي بقالها فترة بتقولي اكلمك. عاوزة تشوفك وتعتذرلك.. صدقيني هي مبقتش زي الاول. لو تشوفيها دلوقتي هتصعب عليكي.. بقت تعبانة اوي. حتي مش بتقدر تتكلم
حورية بجمود… ربنا يشفيها
هنا…. هتيجي يا حورية؟
لترد حورية بدون تفكير وتقول… اجي ايه ياهنا. هو انتي متخيلة ان لما تقوليلي كده هجيلها
وهي بتفتكر كل اللي قدرية عملته معاها. قالت… هو انتي فاكرة بعد اللي عملته هكون
هنا قاطعتها … عشان خاطري يا حورية. سامحي..صدقيني هي خلاص. وكمان الدكاترة بيقولو ان حالتها بتسوء.. تعرفي هي لو بتقعد علي كرسي كانت جاتلك. هي بتقول كده.عاوزة تجيلك وتعتذرلك. بس هي مش بتتحرك اصلا. والله بقت حالتها صعبة جدا .. بقت لا حول ليها ولا قوة.. عشان خاطري يا حورية. دا ربنا بيسامح
وبعد محاولات كتير من هنا. وافقت حورية
…
عند يوسف وحور
دخلت لقته بيغسل ايده بالغسول بتاعها
عينها وسعت بصدمة وقالت بزهول… انت بتعمل ايه..انت عارف دا بكام؟؟
يوسف… هو ايه دا اصلا
حور… دا الغسول بتاعي. جيباه ل وشي.. دا بالف جنيه. بتغسل بيه ايدك!!!
يوسف بزهول … بكام!.
حور… بألف جنيههه
يوسف… ب الف جنيه ليه .. بيغسل الذنوب
حور… لا بس هو كويس جدا للبشرة و
يوسف… وايه ياختي.
وبقي يضرب كف علي كف ويقول بزهول… وانا اللي بقول فلوسي بتروح فين. هي دي بقا الاوردرات اللي كل يوم والتاني تسحبي وتقولي اصل دفعت حساب الاوردر
حور… الله. ماهو كل ده ليك
يوسف… ليا ازاي.. دا انتي كنتي هتاكليني لما لاقتيني بغسل بيه
حور… مش قصدي ليك تستخدمه .. انا بقصد اني بجيب الحجات دي ليه. مش عشان اهتم بنفسي علشانك وتشوفني دايما حلوة علطول
يوسف… وهو انتي مش هتكوني حلوة غير بالحجات دي. ياستي انتي حلوة من غير حاجة وعجباني. بس خفي شوي ياما انا كده هفلس
حور بزعل…. كتير عليا يعني
ابتسم يوسف وقال …. مفيش حاجه كتيرة عليكي ياحوري. دانتي لو طلبتي نجمة من السما اجبهالك. هو انا عندي كام حور
حور… بتحبني
يوسف.. بحبك ايه يابت. دي الحارة كلها تشهد. داحنا ياما اتقفشنا. وتقوليلي بتحبني.
ضحكت حور وقالت.. يالهوي داحنا اتقفشنها كتيير فعلا.
بصتله وقالت … بس بردو بحبك كل شوية تقولهالي يا يوسف.
باسها وقال … انا مش بس بحبك.
باس ايديها وكمل.. انا بعشقك
حور بهيام .. وايه تاني
يوسف… ايه تاني دي. هنقولها جوه في السرير
وفي لحظة كان ميل شالها ودخل بيها الاوضة
….
كانت واقفة حورية قصاد قدرية اللي نايمة في سريرها وقالت بجمود…. خير
قدرية بتعب…. شكرا. يا. ياحورية. يابنتي. انك جيتي
كملت وقالت… ک. كنت عاوزة. اعتذرلك.. و. واتمني انك تسامحيني. علي اي حاجة وحشة عملتها معاكي.. يا ريت تسا محيني.. اانا اللي فيه ده اكيد عقاب ربنا علي اللي عملته فيكي..
بصتلها برجاء وكملت… نفسي تسامحيني قبل ما اقابل ربنا.
حوريه…اسامحك علي ايه..
بصتلها وقالت….انتي فاكرة كنتي بتعملي معايا ايه. انتي ياما عيرتيني بالخلفة. فاكرة.. عملتي فيا كتير اوي. واخرهم طعنتيني في شرفي
قدرية هزت راسها بندم وقالت…واهو ربنا انتقملك مني اشد انتقام.. انا بعتذرلك يابنتي
كملت وقالت… و و كمان حابة اعترفلك بحاجة. انتي مش معيوبة يا حورية . ابني هو اللي كان معيوب. يعني انتي بتخلفي
ابتسمت حورية بسخرية وقالت… كذبتكم انا اكتشفتها. جيتي متأخر
كملت وقالت….لاني حامل
قدرية بفرحة …. الف مبروك
بصتلها حورية بسخرية وقدرية قالت… ليكي حق متصدقيش. بس صدقيني يابنتي انا ما بقيت قدرية اللي تعرفيها. اديكي شايفة. لا حول ليا ولا قوة.. نفسي تسامحيني
وهي بترجوها بعنيها… عاوزة اروحله وانتي مسامحاني يابنتي
لتصمت حورية وبعدها تقول… مسامحة في حقي لجل رقدتك دي
وفقط لفت وشها وخرجت
….
بعد مرور تسع اشهر
في دار العمدة كانت الاجواء كلها مشحونة بالفرحة والكل متجمعين فا اليوم سبوع (زين وغالب ) ايوا حورية جابت توأم واللي جهزو ليهم اكبر عقيقة تليق باحفاد العمدة
..
في مكان زي مدبح، كان واقف موسي في ايده سكـ ين
العمدة.. يلا ياولدي. سمي واد، بح
موسي ميل علي العجل اللي مربوط علي الارض وقال… بسم الله الله اكبر
ود، بحو
العمدة للغفير… فين باقي العجول. دخل يا عصران
الغفير… حالا ياعمدة
واحضر العجل التاني وموسي د، بحو. وكذالك التالت والرابع
العمدة…الطباخ وصل
احد الغفر… من بدري يا عمدة
العمدة…طب يلا خليه يشهل.
وبص ليهم وقال… ووزعو لحمة كتير. مش عاوز بيت في البلد مياكلش لحمة النهاردة
و حضرو اكبر وليمة حضر فيها كل من في البلد من اغنياء لفقراء والاقارب والمعارف. كانو تقريبا كل البلد متجمعين في دار العمدة
…
في داخل الفيلا
كان الكل متجمعين اهل حورية وعيلة موسي كانو كلهم متجمعين بفرحة وحب
حور وهي شايلة بيبي منهم قالت ليوسف .. الله دا حلو اوي يا يوسف
بصتله وقالت… انا عاوزة اجيب بيبي
يوسف… احنا قولنا ايه. لما تخلصي الجامعة.
حور… بس انا نفسي اوي.هستني 3 سنين. دا كتير
يوسف… انا مش عاوزك تقصري في تعليمك يا حور.. وبعدين هو احنا كنا كبرنا. خلصي الجامعة وبعدها نجيب عيال براحتنا
..
بيري وهي شايلة البيبي التاني قالت بحب… عسول اوي يا حورية
بصتلها بحب وقالت.. ربنا يحفظهملك يا قلبي
حورية… يارب يا بيري.. شوفتي عوض ربنا
بيري.. فعلا عوضه جميل اوي
..
في جمب تاني كان واقف رحيم ومعاه مراته ليلي اللي كان محاوطها بحب ، بصتله وقالت.. رحيم. عاوزة اقولك علي حاجه
بصلها بمعني ايه
ابتسمت وقالت.. كنت عند الدكتورة النهاردة وقالتلي اني حامل في ولد
رحيم… بجد
هزت راسها بفرحة ورحيم باس راسها وقال.. دا احلي خبر. عشان كان نفسك فيه يا ليلي
بعدين بص حواليه وقال… امال فين ياسمين
ياسمين من وراه… انا اهو يا حبيبي. وحشتك
وعلطول بصت ليلي وقالت بحب… الف مبروك يا لوله. فرحتلك اوي
ليلي…الله يبارك فيكي
( المشهد ده عشان الاء واحدة من المتابعين طلبت رحيم وليلي في مشهد، محبيتش ازعلها ❤)
…
في الغردقة
خرجت منار من الحمام وفي ايدها تيست الحمل
قربت علي امجد بدموع وقالت … انااا حامل يا امجد. حامل منك.. انا مش مصدقة
بصتله بحب وقالت بفرحة . هخلف طفل يبقي حته مني ومنك
حضنها امجد بحب وقال… انا اللي بتمني يكون لي طفل منك يا منار.
باس ايديها وقال…. ياعوض ربنا ليا.. انتي كنز يا منار ميتقدرش بتمن.
….
كانت سمر في اوضتها قاعدة علي سجادة الصلاة بتقرا في المصحف
دخل عاصم قرب عليها، قعد قدامها رفعت وشها و قالت صدق الله العظيم
عاصم…. انا مش هطلقك ياسمر
كمل وقال… ومش هتجوز.. انتي عندك حق. انا كمان مش ملاك. عملت كتير في حياتي. ياما عملت علاقات في الحرام
بصلها وقال..كفاية انتي رجعتي لربنا. واتعلمتي من غلطك
اتنهد وكمل بحسم… احنا هنكمل مع بعض
ابتسمت سمر وقالت… بجد.. يعني هتديني فرصة. انا والله اتغيرت. وندمت اوي. والله ندمت
عاصم… عارف يا سمر
وباس راسها وقال… قومي تعالي نروح شقتنا
…
بعد مرور 8 سنوات
كان موسي بيكلم حمزة علي التليفون اللي كان بيقولو بتحذير… لو ابنك ما بعدش عن بنتي هعلقهولك علي باب البيت ياموسي
موسي بملل… عمل ايه تاني يا ابو جورجينا
حمزة… عاملي فيها راجل.. عامل راجل علي البت. اسمع انا حذرتك بعدين هتيجي تفكو من علي باب البيت
وبعد ما قفل معاه، بصتله حورية وقالت.. ايه تاني
موسي… كالعادة حمزة بيشتكي من ابنك
حورية… يالهوي عليه. ولادنا دول مش متربيين
نادي موسي علي ابنه اللي جي وقف قدامه بسرعة وقال..نعم يا بابا
موسي… عملت ايه يلا ل بنت عمك حمزة
رد الولد ببساطة وقال… ضر، بتها
موسي… ليه
زين بغضب… عشان كانت بتلعب مع ابن عمو رحيم. وانا محذرها متقفش معاه. مسمعتش كلامي. ضر، بتها وضر، بته
موسي… لا جدع ياض
زين بغرور.. عشان بعد كده متكسرش كلمتي
في لحظة مسكه موسي من قفاه وقال… اسمع يلا لو جالي شكوي منك تاني انا اللي هعلقك. سامع. ملكش دعوة بالبت
زين باندفاع… لا طبعا زهرة دي بتاعتي
وبغضب… ولو شوفتها واقفة مع الواد السيس ده تاني وربنا لكون كاسرلها رجلها ورجله
موسي… وانت مالك بيهم يلا. طب هما ولاد عم في بعض
زين… يعم متعصبنيش. انا بحبها يا بابا
موسي بزهول … وانت بتعرف تحب يلا انت.
بص لحورية وقالها بتساؤل .. هما بقو عندهم كام سنه العيال دول
وقبل ما حورية ترد
رد غالب اللي كان نايم علي الارض بيلعب علي الفون وقال .. 8 سنين يا بابا.
قام اتعدل وقال … يعني فاضلي 12 واتجوز البت اللي معايا في المدرسة. مش انت قولتلي هجوزك لما يبقي عندك عشرين
موسي بزهول … اللهم صلي علي النبي
حورية بقت تضحك علي عيالها وتقول… انت مصدوم من ايه. دول طالعين ليك اصلا
بصلها بغيظ وزين قال …هتجوزني زهرة يابابا
موسي….ولا اخفي من قدامي احسن هعلقك من رجليلك دلوقتي
ليرد زين هو كمان ويقول بتهديد… جوزهالي يابابا احسن وربنا هنزل اقول لجدو وتيته اني شوفتك وانت بتبوس ماما
موسي .. يا بن الكلب
وقام يجري وراه
نزل الولد وهو بيقول… يا جدوو
وجري مسك في الحاج عتمان اللي كان قاعد بيشرب الشاي بتاعه،وراح وراه يتحامي فيه من موسي
الحاج عتمان… في ايه
موسي… خد يلا
وهو بيحاول يمسكه
زين لجده .. ياجدو بابا عاوز يضربني. عشان
وبص لموسي بتهديد وقال… اقول
موسي… يابن الكلب. هعلقك
وهو بيبصله بتحذير
زين خاف وقال … عاوز يضر، بني عشان اذاكر. وانا ذاكرت والله ياجدو. هو مش بيصدق
الحاج عتمان… خلاص ياموسي سيبو ماهو قالك ذاكر
عمة موسي فتحت ايدها ل زين وقالت… تعالي يا حبيبي راح زين ليها وهي قالت لموسي اللي كان بيبصلو بتوعد… خلاص ياموسي بقا متضربوش
نزلت حورية قعدت معاهم، بصتلها والدة موسي وقالت… ايه ياحور. فينك من الصبح منزلتيش
حورية.. كنت تعبانة شوية ياماما
والدة موسي بقلق… من ايه يا حبيبتي. حاسة بإيه
الحاج عتمان… شوف مرتك وديها للدكتور ياولدي
لتقول حورية… ياجماعة مفيش حاجة. انا بس
كملت وقالت… انا حامل.
موسي… بجد يا فرسة
حورية هزت راسها وكلهم بقو يباركولها بفرحة
…
في استطبل الخيل
قربت حورية بالشاي ادتهوله. اخده منها وهو بيقول تسلم ايدك يا فرسة
ابتسمت حورية بهدوء. بصتله وقالت..بتحبني ياموسي
بصلها بعشق وبعدين قال … بعد السنين دي كلها ولسه بتسألي.. انتي كل يوم حبك بيزيد في قلبي يا حوريتي
مسك ايديها الاتنين باسهم بحب وقال… انا كل يوم بحمد ربنا عليكي.. انتي اغلي ما املك في الدنيا دي يا حورية.
حورية… بحبك.
ودخلت في حضنه وهو ضمها ليه وقال.. بعشقك يا فرسة قلبي
….
🦋
كنت أعتقد أني أحبك فقط ولكن اكتشفت أني اعشقك أني أتنفسك لدرجة أنني لا أستطيع بدونك أن أتنفس فأنت الهواء الذي بدونه أفقد الحياة
تمت
: واضح انك مبقتيش تملي عينه ورجع يتبسط بره
كانت بنت عم موسي ماسكة الفون وهي بتفرجها صورة لـ موسي وهو واقف قدام الفيلا بالعربية وجمبه واحدة
ودي بتكون مرات ابن عمه اللي متوفي، كان موسي حاطط ايده علي خدها وواضح جدا في الصورة انه كان مقرب منها بطريقة مثيرة للشك، وكأن بينهم حاجة
كانت حورية بتبص للصورة بزهول وهي مش قادرة تستوعب من الصدمة، معقول بيخو، ني، معقول رجع يعرف ستات تاني، معقول مبقاش يحبني او كل السنين دي بيكدب عليا وبيمثل الحب
كانت افكاار كتير وسينريوهات بتدور في دماغها، لحد ما فاقت علي صوت بنت عمه اللي قالت بسخرية وهي بتبصلها باستهزاء…. لو كنتي فاكرة ان موسي دايب في هواكي وبيحبك وبيعشقك. تبقي غلطانة يا حورية
كملت وقالتلها وهي بتحاول تشككها فيه اكتر… موسي مبيعرفش يحب واستحالة يقدر يقعد السنين دي كلها من غير مايغير ويدوق حاجة من بره..انتي عارفة هو طول عمره كان بيحب يغير في الستات زي الشرابات..يعني ده داء فيه.اكيد مش هيخف منه مرة واحدة كده
بصتلها حورية وهي هزت راسها بالموافقة وقالت…صدقيني دي الحقيقة..موسي بيلعب بديلو من وراكي.. والدليل اهو.. لا ومين مرات ابن عمه اللي لسه متوفي من سنة. وانتي عارفة شادية طول عمرها عينها من موسي حتي وجوزها عايش،،
كانت حورية علي وشك الانفجار لكن اتمالكت نفسها وهي بتتصنع الثبات وزقتها من قدامها بعدتها وطلعت علي اوضتها
و بنت عمه كانت بتبتسم بانتصار وهي بتقول في نفسها … ولسه ياحورية.. ان ما خالتكو تتطلقو مبقاش انا سامية
وقعدت بأريحية علي الكنبة وهي بتتنهد بسعادة وهي بتاخد الشاي من علي الترابيزة وابتدت ترتشف منه، لكن نزلت الكوباية وحطتها تاني وهي بتنادي علي الشغالة وبتقول… بت يا احلام..انتي يا مخبولة انتي
طلعت بنت من المطبخ وهي بتقول… نعم يا ستي
سامية بتجبر…. خدي الشاي اللي سقع ده واعملي غيره
ورجعت تاني قالت… لا. اعملي قهوة.. انجري يلا
البنت اخدت الشاي وهي بتقول… حاضر يا ستي
….
اما حورية دخلت اوضتها وبمجرد ما قفلت بابها عليها حطت ايدها على قلبها وهي حاسة بوجع شديد فيه
غمضت عيونها وتلقائي دموعها اللي كانت حابساها نزلت وهي بتقول… هونت عليك ياموسي.. هونت عليك تكسر قلبي
وقعدت علي السرير وبقت تبكي بشدة
لكن مرة واحدة استجمعت قوتها وبقت تمسح دموعها بعنف وتقول بغل واصرار.. بس ورحمة ابويا لاندمك يا موسي
وقامت جابت الشنطة وبقت تلم هدومها وتحطها في الشنطة بعصبية وهي بتتوعدلو
..
بعد وقت قليل كانو والدة موسي ووالده بيحاولو يفهمو منها ايه اللي حصل وليه غضبانه، لكن حورية مكانتش راضية تتكلم ومصممة تسيب البيت وتروح لـ اهلها
والدة موسي…. يا حبيبتي ممكن تفهمينا موسي عمل ايه عشان تبقي عاوزة تسيبي البيت.. فهمينا بس ايه اللي حصل
لترد حورية ببكاء وتقول … لما يرجع ابقو اسألوه. لكن انا مش هقعد في البيت ده دقيقة واحدة بعد اللي ابنك عملو
والدة موسي… طيب فهمينا عمل ايه بس
حورية … ابقي اسالي ابنك
الحاج عتمان… احنا بنسالك انتي. وبعدين هو مش موجود عشان نسألو.. ها ايه اللي حصل
حورية ومازالت بتبكي ورافضة تقول السبب … لما يرجع هو يقولكو.. وياريت تبقو تخلوه يبعتلي ورقة طلاقي لاني استحالة هعيش معاه تاني
وبصت لـ ولادها وقالت.. يلا يازين. يلا يا غالب
كانو واقفين زين وغالب بضيق و اللي قالو بتذمر… ياماما يعني هو يزعلك احنا مالنا احنا.. احنا مش هنسيب بيت جدو ها
حورية بحدة وغضب… قولت قدامي انت وهو
الحاج عتمان… طب فهمينا بس ايه اللي حصل منه وانا اوعدك لما يرجع هشدهولك.
قرب منها وقال بحنان بعد ما حاوط وشها بين ايديه… انتي مش بتعتبريني زي ابوكي
هزت حورية راسها بدموع والحاج عتمان قال… طيب قوليلي بقا عملك ايه ابن الكلب ده وهتشوفي هعملك فيه ايه.. يلا اتكلمي
حورية ببكاء ومازالت رافضة تحكي السبب بصتله وقالت…. لو سمحت يا عمي سيبني اروح لاهلي
اتنهد الحاج عتمان بيأس وقال… بردو مصممة
…..
مساءا
دخل موسي البيت، طلع علطول يشوف حورية كعادته فهو بمجرد ما بيرجع البيت بكل لهفة مش بيبقي في دماغه غير انه يشوفها بس ويتطمن عليها
فتح الاوضة وبقي يبحث عنها بعنيه لكنه ملقهاش
نزل قابل والدته واللي سألها علطول بلهفة…فين حورية يا ست الكل
بصتله والدته بعدم رضا وقالت بعتاب…. يعني مش عارف
. مراتك سابت البيت.. شوف انت عملتلها ايه خلاها تغضب وتسيب البيت
موسي بدون فهم… انتي بتتكلمي بجد.
والدته باستفهام …. انا عاوزة افهم انت عملتها ايه
كملت بشك… اوعي تكون رجعت للرمرمة بتاعت زمان ياموسي.
موسي…. انتي بتقولي ايه ياما
وفي ثواني اتذكر لما مرات ابن عمه كانت معاه في العربية
. قال في نفسه… يانهاار اسود لتكون شافتني الصبح
وعلطول خرج بسرعة خد عربيته واتجه ل بيت اهل حورية
..
وبعد ساعات طويله اخيرا وصل نظرا لبعد المسافة. وطبعا كان بيحاول يكلمها طول الطريق لكنها مكانتش بترد عليه
دخل قابل سهام اللي بصتله بضيق، لكنه اتجاهل نظرتها وقالها … حورية فين
سهام… في اوضتها
بدون كلام اتجه علطول لـ اوضتها، فتح الباب، كانت قاعدة علي السرير بتبكي اول ما شافته، قامت بصتله بغضب وقالت بشراسه.. ايه اللي جابك
وهي بتتنفس بغضب وقالت… بس تمام. يلا طلقني حالا
يلا طلقني حالا
قالتها حورية بغضب لـ موسي اللي اتجاهل غضبها وجنانها وقال بطريقة مرعبة .. انتي ازاي تخرجي من البيت بدون اذني ..
كمل بزعيق … ايه مالكيش راجل.. ولا انا مش مالي عينك.. بس تمام اقسم بالله لاربيكي ياحورية
لترد عليه بغضب وتقول بزعيق هي الاخري… وهو انتا ليك عين تحاسبني يا خا، ين يا بتاع النسوان.. ايييه حنييت للرمرمة بتاعت زمان.. وحشتك السرمحة مع النسوان
مسكها موسي من دراعها بغضب وقال… فين ده.. خو، نتك امتا
حررت دراعها منو بقوة لكن ردت عليه بنبرة ضعيفة ودموع مقدرتش تحبسها … كانت معاك في العربية بتعمل ايه
ثم رجعت لجنونها مرة تانية، ضر، بته علي صدره بإديها الاتنين وقالت .. انتطق ورد عليا. ومتكذبش لاني شوفتك بعيني.. ااانطقق بدال ما اقـ تلك
مسك ايديها الاتنين وقال بضحك…. طب اهدي. اهدي.
وشدها ضمها ليه.. بعدين رفع وشها اللي حاوطه بإديه وقالها بصدق… انا مخونتكيش يا حورية.. والله ما خونتك
بصتله بغضب وقالت بشراسه… امال كانت معاك لييه هااا. كنتو بتعملو ايه. فيه ايه بينك وبينهاا
موسي… وهي معني انها كانت معايا يبقي فيه بيني وبينها حاجة
قالت بدموع…. امال معناها ايه يا خا، ين
مد ايده مسحلها دموعها بحنية وهو بيقول… ليه الدموع دي.. يابت دا انا روحي فيكي. ابص لمين ولا اشوف مين..
وبعدين انتي ازاي تحكمي عليا من غير ما تفهمي وتسمعي
ولا مش بتثقي فيا.
هزت راسها بالرفض وقالت بدموع…. بثق فيك. بس
موسي… بس ايه
قالت بدموع…. مش عارفة. بس انا شوفت الصورة وانت حاطط ايدك علي خدها والغضب عماني
موسي بدون فهم… صورة ايه وخدها ايه
حورية… سامية بنت عمك صورتك وانت مع الزفتة التانية
موسي غمض عينه بغضب من سامية وقال…يابنت الكاالب
وحورية كملت وقالت بصعوبة والم… ك كنتو قريبين من بعض و
ودموعها بقت تنزل وهي بتفتكر الصورة و بتتخيلو معاها
بصتله وقالت… انا شوفت الصورة وكنت هتجنن ياموسي
كملت بحيرة وقالت… انا بثق فيك اكتر من نفسي. بس الصورة اللي شوفتها مكانش ليها تفسير تاني غير انك بتخو، ني..
موسي… بس انا مخنتكيش ياحورية.
مسح علي وشه بغضب وقال… وبنت الكلب دي انا هعرف احاسبها كويس علي اللي عملته
مسك ايديها وقرب راسها ليه باسها وقالها وهو ماسك وشها بكفوفه… كل اللي عاوزك تتاكدي منه ان مفيش اي حاجة من اللي وصلتلك دي صح
حورية…يعني هي مكانتش معاك…
كملت بحيرة….طب ازاي وانا شيفاكم
موسي…لا كانت معايا بس مش بالمعني اللي وصلك
اتنهد وقال…وانا خارج من البيت قابلتها بتجري وبتعيط
لما شافتني جات عليا وقالتلي انهم كلموها من المدرسة وقالولها ان ابنها وقع رجله اتكسر، ت… الواد يعتبر ابن اخويا يعني زي ابني.. فكان طبيعي اروح واشوفه واخده علي المستشفى. ولا كنت اسيبه.. وهي امه ف طبيعي تيجي معايا.. لما ركبت معايا كانت بتعيط وقلقانة علي الولد ف كنت بهديها
حورية بغيظ… كنت بتهديها تحط ايدك علي خدها. يا حنين
موسي .. لا انا كنت بطبطب عليها بس
بصتله بغضب فقال بسرعة…يابت والله بهزر.ملمستهاش
حورية…لا كان حاطط ايدك على خدها
موسي… خدها ايه. انا مجيتش جمب خدها
قالت بشر … لا شوفتك وواضح اوي في الصورة متنكرش
موسي… محصلش.
بعدين قال بغضب… تلاقي بنت**** عملتها بالبتاع اللي اسمه الذكاء الاصطناعي ده
وهو بيتوعدلها…. البت دي حسابها عسير معايا
حورية… المهم الولد عامل ايه
موسي… رجله اتجبست
حورية لسه هتتكلم قاطعها بشر … قوليلي بقا وانتي اي حد يوريكي اي حاجة تصدقيها. وايه تسيبي البيت دي. من امتا وانتي بتتصرفي كده. دماغك كانت فين.. بس هربيكي علي عملتك دي. اتقلي عليا بس
حورية.. وانت كنت عاوزني اعمل ايه لما لشوف بنت الكلب دي معاك.. انا كنت هتجنن
مسك دراعها وبقي يضغط عليه جامد وهو بيقولها… مش تستني وتفهمي.. اكسر دماغ اهلك دلوقتي ولا اعمل فيكي ايه
في اللحظة دي ادركت غلطها فقالت باسف… اسفة. انا فعلا اتسرعت.. بس غصب عني. غضبي عماني وكأن عقلي اتلغي.
سابها وقال… مش مبرر يا حورية. انتي معملتيش حساب لحد.. مستنتيش ليه لما ارجع وتفهمي
حورية…. انت حتي مكنتش بترد علي الموبايل وده زود الشك فيا. حتي عمي وطنط لما حاولو يكلموك تليفونك كان مقفول
موسي… مجاش في دماغك انه كان قاطع شحن مثلا
سكتت ومكنتش عارفة ترد لكن قالت … صدقني غصب عني
قربت منه مسكت مقدمة قميصه وقالت… يا موسي انا بموت من غيرتي عليك.. لما شوفتك معاها كنت هتجنن.. خصوصا وانا عارفة انها بتحاول تتلزق فيك من وقت ما جوزها ما. ت .. غير الزفتة اللي اسمها سامية. هما الاتنين بيحاولو يقربو منك .. انا مش بقدر اشوفك قريب من اي واحدة ياموسي.. اعذرني
موسي… وانتي عمرك حسيتي اني بشوف اي واحدة غيرك
انتي عارفة ومتاكدة انك ماليه عيني.
هزت راسها بتاكيد وقالت… عارفة.
قربها ليه وقال… طب ليه سلمتي دماغك للشيطان.. ليه ياحورية
بصتله وقالت…. عشان بحبك
هزت راسها وقالت… بعشقك بجنون. انت كل حياتي ياموسي.. خوفت للحظة تبعد عني وتكون مش معايا.. خوفت الشيطان يلعب بدماغك انت ويخليك تضعف و تبص لـ غيري.
موسي … قوليلي ازاي يافرسة اشوف غيرك وانا ما بصدق ارجع البيت عشان اشوفك.. عارفة لما يبقا عندك حاجة حلوة بتحبي تروحي ليها بعد كل حاجه متعبة..
رفع ايده يمررها علي خدها بعشق وقال… انتي الحاجه الحلوه دي يا حورية.. بعشقك ..من اول مرة شوفتك فيها وانا معمي عن اي ست. مش شايف غيرك.. انتي ملكتي قلبي من اول مرة
: بحبك ياموسي. بحبك اووي
ردت عليه بيها بعشق وهي بتقرب منه وبتحضنه
ضمها ليه ومسك ايديها باسها وهو بيقول .. مش اكتر مني يا فرسه
حورية .. بحبها اوي
موسي… هي ايه
حورية… لما بتقولي يا فرسة
موسي… طب مش انا دايما بقولهالك
حورية… اممم.. وبحبها منك اوي
موسي… انتي فعلا فرسة فرسة يعني
: حلو الشعر البرتقالي ده عليكي
قالها بإعجاب وهو بيمسك خصلة من شعرها بعد ما لفت نظره لونه اللي غيرته
حورية … بجد عجبك
: اي حاجة عليكي بتبقي حلوة ياحوريتي
قالها وهو بيميل عليها يبو، سها
حاوطت رقبته وبقت تتجاوب معاه بحب
وكانهم نسيو الدنيا باللي فيها، غابو في قبلة طويلة كلها حب وشوق ولهفة
بعدو عن بعض اخيرا بصتله وقالت بهمس مغوي… بعـ شــقك
وهو قال لما بقي علي اخره … يخربيت حلاوة امك..يابت هتجننيني.. تعالي نروح.
وهو ببيص علي جسمها باشتياق… وحشاني اوي يا فرسة
بعدين قال وهو بيحاول يتمالك نفسه.. العيال فين صحيح.
حورية.. نايمين.
بعدين قالت… شوفت الجزم. مكانوش عاوزين ييجو معايا
موسي… عيال بيفهمو
رجع بصلها وقال بتحذير…. وانتي اقسم بالله يا حورية. ماتتكرر تاني هزعلك وعقابي مش هتستحمليه.
قربت ليه وقالت بدلع..واهون عليك
موسي… انسي دلعك ده مش هياكل معايا يا فرسة. ولسه كمان هتتعاقبي علي عملتك دي
قالت بثقة…. مش ههون عليك.. انتي بتحبني.. زي ما انا بحبك
وهي بتقرب شفا، يفها من شفا، يفه بطريقة اثارته وبتطبع قبلة رقيقة علي شفا. يفه.. وقبل ما تبعد كان جذبها قربها منه اكتر ميل يبو، سها هو بطريقته اللي بتدوبها
في اللحظة دي دخلت سهام وهي بتقول… تشرب ايه يا مو..
ولان الباب كان مفتوح ف دخلت من غير ما تخبط لكن
قطعت كلامها لما شافتهم كده ف قالت.. احم
بعدو عن بعض بسرعة وإحراج
كانت حورية هتموت من الكسوف
وموسي اتنحنح بحرج وقال… هستناكي في العربية يا حورية متتاخريش
سهام… طب مش هتشرب حاجة ياموسي
موسي …. والله يا سوسو مش هينفع اشرب علي معدة فاضية لاني جعان
سهام…. طب حالا هحضرلك اكل
وقبل ما تتحرك وقفها موسي وبص لحورية وقال بطبيعته الوقحة … لا. انا هاكل في البيت
وغمز لحورية اللي بقي وشها احمر من كتر الكسوف بعد ما فهمت مقصده خصوصا لما اتاكدت ان امها كمان فهمت
اما موسي خرج وكانه لم يفعل شئ وهو بيقولها… متتاخريش يافرسة
حورية… ح حاضر
بصتلها سهام وقالت بخبث… مش قادرين تصبرو لحد ما ترجعو البيت
حورية بإحراج…. يا ماما بقا. ما انتي عارفة موسي ووقاحته
وخدت طرحتها وخرجت بسرعة ورا موسي وهي بتهرب من عيون امها
خرجت وكان هو قاعد مستنيها في العربية ومعاه الولاد
فتحت العربية ركبت وبصتله وقالت بغيظ…عجبك كده
مسك ايدها عشان يبوسها وهو بيقول …بحـ..
لكن قطع كلامه بسرعة لما اخد بالو من الولاد اللي مركزين معاه وقال…ايه يا رجالة. انتو صحيتو امتا.
غالب بنعاس… اطلع يابابا كده كده الطريق طويل وهننام وابقي بوس ماما براحتك
بص موسي لحورية بزهول وهو بيقول… هو الواد ده بيقول ايه
…..
صباحا
موسي نايم وحورية نايمة علي صدره فاقت بانزعاج علي صوت المنبه واللي مدت ايدها مسكته بضيق وقفلته، بصت علي موسي اللي نايم بعمق، سرحت فيه وفي لحظة وبدون وعي منها كانت بتميل عليه وبتبو، سه
حس بيها وفي ثواني كان قلبها تحته وبدأ يتعمق معاها
لكن مرة واحدة بعد وبصعوبة
حورية وهي مغيبة… بعدت ليه
موسي وهو بيولع سيجارة…. المشكلة انك مش قدي يا فرسة،
بصلها بوقاحة وقال…. بتتعبي علطول وبتفرهدي
دخلت في حضنه تاني وقالت…. انا بحبك يا موسي.
وسكتت بكسوف،، رفع وشها وهو بيبصلها ابتسم وقال…. هتستحملي
هزت راسها بكسوف
وفي اقل من ثانية كان موسي طفي السيجارة في الطفاية
وقرب يبو، سها بنهم وفي لحظات كان اتحول لعنف وبعدين
…………………………..
بعد وقت حورية واقفة قدام المراية بتحط كريم علي رقبتها اللي بقي كلها علامات، خرج موسي من الحمام واللي بمجرد ما شافته قالت …. عجبك كده.
كملت بحيرة…. هنزل ازاي دلوقتي .. لو اخدو بالهم تحت هيعملو عليا حفلة وانت السبب
مكانش واخد بالو بصلها بدون فهم وقال…ليه. انا عملت ايه
حورية بضيق … والله. يعني مش عارف عملت فيا ايه.. شاورت علي رقبتها وقالت… مش شايف اللي انت عملته
ضحك موسي بقوة وقرب ليها جذبها من وسطها وقال بوقاحة…. قولتلك هتتعبي. قولتي انا جامدة وهستحمل
حورية…. انت بتتعافي عليا يا موسي
موسي….انتي اللي فرسة يا حورية. بتدوخيني بجمالك وشقاوتك.
بقي يبص علي جسمها ويقول…. وتكاااية
ضحكت حورية وقالت… بجسمي اللي بايظ من الحمل ده. معتقدش
وهي بتبص علي نفسها في المراية
موسي… انتي في كل حلاتك بتعجبيني يا فرسة
وقرب فتح درج وطلع منه علبة صغيرة فتحها وكانت سلسله رقيقة جدا علي شكل فرسة
قرب ليها وقال… شيلي شعرك ده كده
جابت شعرها علي جمب وهو لبسها السلسلة
مسكتها وهي بتقول بانبهار… دي تحفة
لفت له وقالت… حلوة اوي
موسي… عجبتك
حورية… جدا
بعدين قالت بتساؤول.. بس انت جبتها امتا
موسي… جايبها من امبارح
كمل بغضب… بس رجعت لقيت الهاانم اللي ملهاش حاكم سابت البيت ولا كأن ليها راجل تعمله حساب
قربت حورية ليه بدلع حاوطت رقبته وقالت… خلاص بقا.. وبعدين مانا صالحتك امبارح
موسي… لا انا لسه زعلان. اصل مصالحتنيش بضمير
بصتله بغيظ…كل ده ومصالحتكش
وبعدين قالت …هو انت هتنزل دلوقتي
موسي بوقاحة بصلها وقال … عايزة حاجة ولا ايه
حورية بغيظ… تفكيرك كله شمال.. انا بسالك كنت عاوزة اروح ل بيري ف قولت تاخدني في طريقك
..
بعد وقت قليل كان موسي نزل ومستني حورية اللي كانت بتجهز
خرجت من الاوضة قابلت سامية في وشها اللي بصتلها بغل مخفي وحورية قربت ليها وقالت … المشكلة انك اكتر واحدة عارفة ومتاكدة قد ايه هو بيعشقني. واديكي شوفتي امبارح عمل ايه عشاني. لانه مبيقدرش يستغني عني لحظة
وهي بتبصلها بكيد
همت سامية بالكلام لكن قاطعتها حورية وقالت… اقولك علي حاجه.. جربي تشغلي نفسك بأي حاجه غيرنا. صدقيني هترتاحي بدل ما انتي طول الوقت شايطة وبتاكلي في نفسك
وعدت من جمبها ونزلت وهي سايباها شايطة
……
عند بيري في بيتها
حورية قاعدة معاها وبيتكلمو
بيري وهي بتديها النسكافيه….. ماتشربي النسكافيه اللي طلبتيه. قولتي عاوزة نسكافيه عملتك. وفي الآخر مشربتيهوش
حورية… ما هو سقع.
بيري… اعملك واحد غيره
حورية …. لا خليكي هقوم انا اعمل
قامت وبيري قالت…اعمليلي قهوة معاكي بالمرة ياحور.. انا بحب قهوتك
حورية… بتثبتيني يعني
بيري بضحك… اه
حورية اتحركت ناحية المطبخ اللي مفتوح علي الريسبشن وبدأت تعمل
قامت بيري قعدت علي الكرسي قصادها، بصت علي بطنها المنتفخة وقالت… هتولدي امتا يا حورية
حطت حورية ايدها على بطنها،، اتنهدت وقالت… لسه فاضلي شهرين
بيري…. ربنا يقومك بالسلامة ياقلبي
عملت القهوة وبدأو الاتنين يشربو
بيري لاحظت العلامات اللي علي رقبة حورية ف قالت بخبث….. شكل موسي شادت حيلو عليكي اليومين دول
حورية بدون فهم بصتلها وبيري قالت….. بتحبيه
حورية … مين
بيري بمكر…. اللي مبهدلك كدة
حورية حطت ايدها علي رقبتها بعد ما فهمت وقالت بغيظ… اتلمي يابيري
ضحكت بيري اوي وبعدين قالت….. هو فيه احلي من الحب. خصوصا لما يبهدل صاحبه كده
وغمزلتها
ابتسمت حورية بشرود وقالت…. بحبه اوي يا بيري
بيري …. ماهو واضح ياقلب بيري
وغمزتلها
بصتلها حورية بغيظ،لكن ابتسمت بسعادة وقالت…. عارفة.. بحب كل حاجة فيه.. حتي وهو عنيف كده معايا بحبه. انا مش عارفه هو بيعمل فيا ايه..
بصتلها وهي بتقول بحب…. بحبه اوي يابيري
بيري ببتسامة حب قالت… ياقلبي. ربنا يخليكم لبعض. وتفضلو في سعادة دايما يارب
حورية.. يارب يابيري
وهي بتحمد ربنا علي موسي والسعادة اللي معيشها فيها بحبه وحنيته وخوفه عليها
يارب تكون الحلقة عجبتك
