رواية لمن تقرع الاجراس كاملة وحصرية بقلم ملاك الشويرف
🔥بقلم ملاك اسامه الشويرف🔥
♥️روايات بكابكا♥️
+
يدك علي احببته❤️
وتعليق قنين ❤️
ضيفوا اهلكم وناسكم حبايبي❤️
_________________________________
+
بطله الروايه جنى بنت قويه وصعبه وتحب روحها هلبا رغم شكلها البريء الا انه الناس تخاف تغلط معاها متحبش جنس ادم بتاتا ! بس تجامل فيهم لاسبابها الخاصة.
+
تحب عيلتها بشكل كبير كانت وحيده امها وبوها تخرجت ف سنه 2017 وتعلمت الخدمه ف الشركه ف يوم من الايام قرر اب جنى انه يمشي هو ومرته يتغذوا برا ويحتلفوا ب نجاح جنى ف الشركه المهم طلع بوها وامها للمطعم قرروا يديرولها مفجأه وفجاه تنقلب السياره ف سوط الطريق بيهم جنى وهيا طالعه ب سيارتها تشوف ف سياره اهلها مقلوبه جتها صدمه تلاتيه الابعاد قاللوا ف الاول لجنه التحقيق انه الحادث مدبر بعدين لما مشت جنى بتشوف التقرير لقاته عطل ف السياره ولما قالتلهم بش كان مدبر بلعوا ريقهم.
+
جديات انصدمت بي اهل امي يلي منعرفهمش جو بعد اسبوع من العزي طبعا الناس كلها من بعد تالت يوم معاش جو استغربت انا اصلا منعرفهمش اهل امي. لان امي متزوجة بابا غصب علي اهلها ف خيروها بين حب حياتها او رضاهم اختارت بابا
من يوم عرسها معاش تعرف عليهم شي وانا منعرفهمش جو شباب حضرتهم ولاد خالي!؟
وجدي يلي هو بو امي خشوا للحوش استقبلتهم بس الكلام يلي سمعته خلاني نتكلم……؟.
+
جدي. يابنتي خايف عليك انتي بروحك والدنيا فيها كل شي يابنتي جيت انا وولاد خوالك يمكن متعرفيهمش
+
جنى. اسمع ياجدي انا بنت كبيره وواعيه ومستحيل ندير شي يغضب ربي وبعدين ربي معاي ويشبح فيا وكان خايف عليا من الخطف ومن الشباب نحب نبشرك الشباب يلي برا شوفتهم هادوم نعرفهم من اول ما جيت علي الدنيا وهما يحرسوا ف حوشنا ف مافيش شي من عقلك وورث بوي كان جاي عليه بي اسمي ومستحيل نتنازل عليه
جدي. فهمتيني غلط يا
جنى. جنى
جدي. جنى انا مجيتش ابدا علي الفلوس وبعدين عندي خيرالدنيا كلها وفلوس يشروا مدينه وانتي عارفه الكلام هذا اكيد امك ربي يرحمها ويسامحها حكتلك لو شويه علينا
جنى. ابتسمت بوجع. اي معناها خلاص انا في امن وامان واليوم الصبح كنت ف الشركه امتاع بوي
جدي. باين عليك صغيره كيف تخدمي
جنى. متخرجة قبل 6 شهور
جدي. مشاء الله مواليد شني
جنى. مواليدي 96
جدي. مشاء الله انتي نداد محمد واشر عليه
جنى. ابتسمت.
جدي. خلي نعرفك علي الشباب صغار خوالك
+
هدا محمد ولد خالك محمود
محمد. بي اعجاب مد يده
جنى. سلمت عليه وهو قنط عليها لوتهاله
جدي. خيرك يابنتي
جنى. عطت نظره ليه منسهاش
محمد. ف خاطره بنت الكلب.
جدي. وهذا خوه وائل. مواليد98 قاعد يقرا دكتور اسنان.
اياد. مد يده شن الجو بنت عمتي
جنى. ابتمست الحمد الله ومدت يدها مليح وجوك
اياد. الحمد الله.
جدي. وهدا يوسف ولد خالك عمر. مواليد 94 يخدم عمل حر.
يوسف. مد يده
جنى. سلمت عليه وابتسمت وهو رد الابتسامه
جدي. وولد خالك سليمان وسام مسافر وانشاء الله بعد اسبوعين حيروح
جنى. تسلم شويه ونادت سامينا.
+
سامينا. نعم استاذه جنى
جنى. جيبي 5 فناجين قهوه وحلويات ونضمي جوك
سامينا. هزت راسها حاظر.
+
جدي. هادي الشغاله يلي ف الحوش
جنى. اي. جدي. شني يابنتي مش حتمشي معانا ل مصراته
+
جنى. اسفه جدي مش حنمشي اهو قدامك حياتي
فيها فراغ انشاء الله ربي يعوضه يلي هو بوي وامي وعيله بابا مقاطعتها
جدي. ليش شن في
جنى. طامعين في رزقي وعرضوا عليا نتزوج ولدهم ورفضت واصلا مافيش حد يقدر يغصبني لانهم يخافوا مني وحاولوا يديروا عليا هلبا حاجات ويكذبوا ويفلموا منجحوش داروا قريب مية حاجة ف الاسبوع هدا بس لما حبست الفرخ يلي بيزوجوني ليه ولوا وسكتوا
جدي. اندهش والله ينخاف منك وابتسم هادي بنتي انا متخلي حد يوصل فيك شني يابنتي بلكي تغيري رايك وتسكني معانا ف مصراته بين اهلك وناسك
جنى. آسفه ياجدي انا نجيكم زيارات كان تبي وانتم ديروا يوم انتم والعيله الشهر الجاي وتعالوا نتعرف عليكم وغيره لاا
جدي. تمام مش خايفه تقعدي بروحك
جنى. بتاتا اصلا متعوده لان ديما اهلي مسافرين وانا نقعد ف الحوش
جدي. تمام هيا ياشباب كل واحد وسيارته اهو جايكم انا
يوسف. تمام جدي ومشي هو والشباب
جدي. باس راسي❤️
جنى. ابتسمت
جدي. اعطيني رقمك وخلينا علي تواصل. وانتي يلي تعالي نعزموك عندنا. تو نبعث واحد من الاولاد يجوك
جنى. تمام جدي بس
جدي. منغير بس. اي مش هادوا بس شباب العيله راه مزال وبنات خوالك ولد خالتك.
جنى.ابتسمت علي جنب وتكلمت جدي. محمد هدا مانبيشي يخش عتبه حوشي
جدي. خيره دار حاجة
جنى. دار حركة وقت يسلم عليا لويتله يده الا الغلط منسامحش فيه
جدي. ضحك😂 الولد معجب بيك شكله
جنى. يدور غيري ياجدي ميه والف بنات ليبيا اشكال والوان وانا يخطاني خير ما يشوف شي ميعجباش انا متعوده علي حياتي ومش حنتزوج حنكمل حياتي هكي عندي صاحباتي. وجيرانا.
جدي. كيف يابنتي هكي تعيشي وحدانه اعزلي محمد توا نحكي كيف هكي
جنى. هكي متعوده انا علي حياتي وماعنديش فيه الجو هدا
جدي. تمام يابنتي ديري بالك علي روحك وخشت سامينا بسفره القهوه.
جدي هي في امان الله❤️
____________________________________
+
في الليل ف دار يوسف.
+
وسام. شن الجو يارفيق
يوسف. الحمد الله😂 شن امداير
وسام. حال الخدمه يلي معاش تبي تسكر والبطاقات يلي مزال يبوا شحن والبضاعة بتوصلني وحالههه
يوسف. هههه امتا مروح
وسام. تقدر تقول دوره اسبوع تلاته ايام
يوسف. علي حسب ما تقول تبي حتى اسبوعين
وسام. لالا وين فكرك مشي بعيد اقل شي تلاته ايام
نقدر انظم اموري وخلاص كل شي بنحوله ف ليبيا ليا سنتين متغرب
يوسف. استحشتك اصلا اخي عليها ليبيا
وسام. ضحك هدا هو رفيقي انا شن جو ولد العم شن اخر الاخبار
يوسف. بنت عمتك. ياوسام مش مطمن
وسام. تغيروا ملامحه خيرها اما منهم ليال ولا ندى
يوسف. لالا مش بنات عمتي سكينه
وسام. مالا مني في غيرها سكت وتكلم بنت عمتي هاجر.
يوسف. ربي يرحمها عمتي هاجر زي ما تعرف ماتت مسكينه وخلوا بنت
وسام. اي اي تفكرت شن صاير ف البنت اكيد خايفه بروحها
يوسف. ضحك انا يلي خايف مش هياً
وسام. خيرها ليش تضحك
يوسف. تعرف فرخة بردع عشره رجاله
وسام. متقولهاش
يوسف. تعرف ردت علي جدك رد انا بروحي منقدرش نقوله
وسام. كيف فرخة لسانها صار طويل
يوسف. ياريت هكي بس مسترجلهه
وسام. احكيلي من البدايه شن صار
يوسف. وقفنا قدام فيلا راقيه كبيره زي حوش العيله
وسام. به
يوسف. المهم ف زوز رجالًا قدام الحوش من الواضح انهم باديقارد المهم مبوش يخلونا نخشول درت عركة معاهم انا و اياد المهم طلعت بنت تشوفلها تقول مشاء الله علي الجمال واللبس والشياكة طلعت وهيا رافعه خشمها وتكلمت ومش خايفه ولا هزتها شعره
وسام. هادي تبي تربيه
يوسف. خيرك فصلت انت
وسام. نروح نوريها حدها
يوسف. غير اهدى وماليكش علاقه ولد عمي يتافهموا معاها جدي وعمامي وبوي
وسام. به كمل
وسام. اي تكلمت بحده قالت مني وخيركم جاييين متوقلش كان بتهدوا الحوش واشرت للباديقارد يفوتوا الموضوع رد جدي وقال حفيدتي شافتله مني
جدي. معقوله يابنتي انا جدك محمد
جنى. بو امي
جدي. اي
جنى. به شن يلي يخليني واثقه انك مش جدي
جدي. طلع صوره من جيبه وراهالها
جنى. سلمت علي جدي تفضل جدي وشافت للشباب وخشوا المهم جدي قالها خايف عليك وحكاله شن صار
وسام جريئه
يوسف. ضحك اي تعرف هلباااا واعره لكن راه احسن شي هكي شخصيتها ويالا تقدر ياراجل واحسن شي ف الوضع انه لوت يد محمد
وسام. ضحك مش عارف كيف قدرت
يوسف. واضح جسمها رياضي
وسام. اشيه هدا كله تعرفه شكلك حاط عينك عليها
يوسف. من جدك انت انا مستحيل ناخد زيها
وسام. علاش مثلا
يوسف. نبيها هاده تخاف من نسمه الهواء 😂
وسام. ههههههه تبي تكون البطل ف عيونها
يوسف. حاجة زي هكي😂
وسام. هي يا سرنا قرمة نشوفك بعد تلاته ايام😂
يوسف. سلام😂🧡
_________________________________
+
طول الليل وانا نفكر ف عيله امي يلي طلعولي فجاه شن المحبه يلي نزلت عليهم ليا❤️ وهما مقاطعين امي من زمان❤️ مش عارفه طامعين ف رزقي مش طامعين لان عندهم زي ماقالت كامل بس اكيد ف عندهم هذف😌🤔 مش عارفه شن هو لكن اكيد حيدوب التلج ويبان المرج#يتبع
+
نبدة صغيره علي روايتي الجديده ❤️ ومن نوع جديد انشاء الله تعجبكم❤️
+
_________________________________
رايكم❤️يهمني❤️ دعمكم يحفزني❤️
تحياتي #ملاك_الشويرف
🔥روايات بكابكا🔥
♥️الكاتبة ملاك♥️
🔥روايات بكابكا🔥
+
🔥بقلم ملاك اسامه الشويرف🔥
♥️روايات بكابكا
