رواية لمن تقرع الاجراس الفصل السابع 7 بقلم ملاك الشويرف
الحلقه.7❤️
🔥روايات بكابكا🔥
♥️الكاتبة ملاك♥️
🔥روايات بكابكا🔥
+
Malak Osama ❤️🥺
+
🔥بقلم ملاك اسامه الشويرف🔥
♥️روايات بكابكا♥️
+
يدك علي احببته❤️
وتعليق قنين ❤️
ضيفوا اهلكم وناسكم حبايبي❤️
_________________________________
+
نجيب. سكروا الابواب كلها. وتلفت يشوفلهم
+
جنى. تشوف ل وسام بصدمه كأنه فخ يلي صار
وسام. يطمن فيها ب نضراته بس هو بروحه من داخل خايف بالاصح خايف علي جنى لانها بنت مش زي الولد يدبر امره.
+
نجيب. متخافوش قاعذ علي كلمتي
جنى. ارتاحت وقدمت وهيا شاذه ف يد وسام ووسام يده التانيه فيها صندوق📦 الفلوس
+
نجيب. مشاء الله بنت نزار كبرت
جنى. ابتسمت.
نجيب. عرفينا هدا علي
جنى. بسرعه ما تلاشت الابتسامه تشوف ل وسام
وسام. حب يمشي الكدبه. اي علي
نجيب. مشاء الله. سلم عليه وقدم سلم علي جنى
جنى. ارتاحت انه سترها. شني يا عمي وين التسجيلات
نجيب. مراد مراد
مراد. نعم عمي نجيب
نجيب. جيب التسجيلات تلقاهم ف ضرف فوق الطاوله
مراد. حاظر وركب يجيب فيهم
نجيب. جبتي الفلوس
جنى. اي
وسام. قدم حطهم قدامه
نجيب. قعذ يشوف فيهم ب عيونه زبط المبلغ كامل بس ناقص ورقه 50 الراجل يفهم
نجيب. المبلغ ناقص
جنى. ابتسمت وفتحت شنطتها وطلعت ورقه 50 دينار
نجيب. شن يا دكيه😂 عارفه اني خبزه ف عد الفلوس ب عيوني
جنى. قلت نجرب وكان مالاحظش نقوله
+
وسام. ابتسم ب دهشه بس قلبه مغموم من جيهة
جنى. تلفتت ل وسام تشوفله وهو قارنهم
وسام. شن ياعمي
مراد. وصل تفصل عمي نجيب
نجيب. خدي منه الضرف وعطاه ل جنى
جنى. خداته شكرا عمي نجيب مش حننسالك المعروف هدا
نجيب. تسلمي. وهي طريق السلامه افتحوا الباب الرئيسي.
وسام. شد ف يد جنى وطلعوا وصلوا بدلى السياره
+
جنى. ابتسمت ب دهشة اوفففف وتنهدت.
وسام. كان متعفلق. ركب من غير ما يشوفلها
جنى. خيرك متعفلق
وسام. من امتى يهمك
جنى. استغربت كلامه عفوا
وسام. شافلها
جنى. خيرك
وسام. تجاهلها وما ردش عليها قعذ لاهي يسوق
جنى. اكره شي يقتل فيا التجاهل التجاهل انا يلي نتجاهل مش حد يجي يستفزني عن رغم من هدا مدورتش وقعدت نبربش ف تلفوني وبعدين جاني مسج. كالأتي. (شفتك خديتي عقلي اليوم كان تقبلي الزواج بيا مره تانيه نطلقها يا سيده الاعمال كبرتي وكملتي قرايتك وليتي تهبلي اكثر من زمان بنهبل)
+
جنى. اضايقت وقعدت تسب حقير حسبي الله
فيه شن يبي بعد هالسنين.
وسام. انتبهلها وخدي الموبايل قري المسج
جنى. انت شني انت مليكش علاقه تاخد حاجة مش ليك
وسام. نفسه الحقير يلي شوفناه اليوم ف المحل
جنى. مش عارفه اعطيني الموبايل
وسام. سكري راسك زيدي حتجيبي اخرتك يا جنى وضرب الستيرسوا من هو الحقير هذا قولي من هو
جنى. ميعنيكش يا افندي
وسام. يعنيني ونص
جنى. ميعنيكش من تكون انت
وسام. نكون انا
جنى. ضحكت وتلفتت للروشن بسرعه ما تلاشت الضحكة بعد ما سمعاته يتكلم وتلفتت
وسام. تبي تعرفي من نكون تبي انا عشقتككك وفتتت الحب تبي تعرفي علاش ديما معصب لان انا نغار علي الارض يلي انتي تمشي عليها نغاررررررر نعترف اني حبيت البنت الغلط بس قلبي مسألنيش وماقاليش اختار رغم اني خاطب نسيتها وقت شوفتك يا اميره زماني نعترف اني حبيتك ونعترف اني حبيت وحده انانيه وتحب روحها ومغروره زياده
+
جنى. انصدمت صدمة تلاتيه الابعاد صح ديما يتعارك معاها وكلمه بكلمه بس متوقعتاش يحبها. شن تقولي ياجنى يحبني.
+
وسام. قولي حاجة بررري راه ناررررر ف قلبي
جنى. تلفتت ل الروشن
وسام. هدا ردك بعد يلي قلته وين لسانك بلعتيه وينه يلي قبل شويه كان مطلوق
جنى. سكتت شويه وتلفتتله قاعذ لساني بس فيك تقول قاعذه تحت تأثير الصدمه
وسام. هدا ردك نفهم انك
جنى. اسسسسس انا وياك مستحيل وسام
وسام. ضرب علي الستيرسوا شن هو المستحيل شن هوووووووو قولي
جنى. وووووه عليا تعرف وووه معاش تعلي حسك عليا وزي ما سمعت انا وانت لا
وسام. ضحك ب صدمه علاش الغرور هدا كله والكره يلي موجه ليا
جنى. لاني مطلقه.
_________________________________
+
(قد يكون كل شيء مستحيلًا الا حب شخص غير متوقع❤️✋🏻 )
(قد يكون كل شيء مستحيلا حيال عذه اشياء ف الحياه ف الحب لا يكون مستحيلا بحب شخص غير متوقع لان الحب يختار دائما الاشياء الغير متوقعه❤️)
+
(لو احببك شخص لا تفرطي به ف هو يمتلك الدنيا ان كنتي تحبيه❤️😉)
+
شويه حاجات من القلب❤️؟!
+
هل هادي بدايه قصتنا ام لا❤️😎؟!
+
_________________________________
+
علي طاوله العشاء مع الساعه 7:33.
+
كانت عيله اسماعيل عيله محافظه علي مواعيدها عيله منظمه مواعيد الاكل والنوم وكل شي وكانت كان حياتهم منظمه.
+
اسماعيل. نبي نعرف انا شن مداير مع جنى
مهند. سمع اسمها شرق ب الرز يلي كلاه
اسماعيل. برافوا قعد يصفق توا بروحي تأكدت انه ف موضووع. تفضل تكلم تعرف لو كان قاعد عقد الشراكة بين شركة الشروق يلي مالكتها السيده جنى نزار ال*****. راه قعدنا معروفين وديما شركتنا خيار الناس وبعدين متناس شركة الشروق معروفه ب سمعتها النظيفه بس الله غالب عندي فرخ مكلوب يقطع ف رزقي
مهند. فاهم غلط يابوي كلماتك هيا
اسماعيل. لا مكلمتنيش ولا عندي اصلا وجه نسإلها لان واضح صاير شي بينك وبينها.
ياسين. شن بيكون صاير بينه وبينها بعدين هيا الفرخة معروفه ب لسانها الطويل ويلي تقوله اديره قصدي قول وفعل راه جديات ينخاف منها
اسماعيل. اهو سكت الاول بدا التاني من وين تعرفها انت
ياسين. عيب عليك يابوي كيف منعرفهاش مره بش جت مع بوها وامها اهني
اسماعيل. به
ياسين. انا ضائقتها بكلامي ولا نسيت رقدت ليله كامله ف المركز وبوها يلي مشي شكي قصدي فرخة اخر دلع
اسماعيل. ماه انت لا تستحي ولا تتحشم انت وخوك وبعدين مدخليش فيها انا البنت كويسه ومأدبة وخلوقه
+
تهاني. معاش تحرق دمك يا حاج وهو فاير خير ما يرقى الضغط
اسماعيل. معاهم هما مستحيل ميرقاش الضغط
رزان. بشويه عليك بابا مدورش ربي يعوض
اسماعيل. انشاء الله خير
+
مهند. وقف صحة
اسماعيل. وين طالع
مهند. مع صحابي
اسماعيل. شله الفساد هاذوا اصلا هاذوا يلي مفسدينك
مهند. باهي يابوي ياسر منها الاسطوانه اهيا
ياسين. ناض حتى هو طالع حتى انا.
_________________________________
+
نجمة. استحشت جنى ياحاج
جدي. والله تعودت عليها حتى انا
نجمة. نتصل بيها نشوفها كنهدا تجينا الجمعه اهيا
جدي. خير ما اديري
نجمة. تتصل ب جنى
+
جنى. بعد قالت كلمتها رن موبايلها ردت طول وتلفتت للروشن متهربه من نضرات وسام
جنى. نعم حناي
نجمة. امكككك😂
جنى. نعم امي
نجمة. وينك يابنتي مغطسه استحشتك
جنى. والله حتى انا استحشتكم وتعودت عليكم بس ضروري نرد لحياتي وشغلي
نجمة. نعرف يابنتي به تعالي يوم الجمعه تغدي
جنى. غدوا طيارتي ل تركيا
نجمة. مسافره ليش
جنى.علي خاطر الشغل
نجمة. بروحك يابنتي متخافيش
جنى. متعوده نسافر بروحي شن بيصيرلي تركيا حافظتها شارع شارع زي ليبيا
نجمة. ربي يسلمك بس ضروري معاك حد علي الاقل نطمن عليك
جنى.متخافيش بتمشي معاي سامينا
نجمة. من سامينا
جنى. البنيه يلي قاعذه معاي ف الحوش
نجمة. من تكون اهيا
جنى. بنت مسكينه لقيطه من الميتم وصلت عمر ال18 طلعت من الميتم وادور ف شغل جت لشركة بابا الله يرحمه وهيا معندهاش شهاده قالتله نخدم حتى ف المطبخ امتاع الشركة بابا وجعاته جابها للحوش من زمان من لما انا ف الاعدادي وهيا عندنا ف الحوش تخدم اضم واطيب وامي الله يرحمها عاملتها زي بنتها وعندها حلو دار بروحها نبيها تمشي معاي نطمن عليها
نجمة. مسكينه البنيه لكن يابنتي انتم بنات بروحكم مهما كان ولاد الحرام كاترين
جنى. متخافيش زي ما قتلك مش اول مره نسافر بروحي
نجمة.ربي يفتحها عليك قلت قبل بلكي واحد من الشباب يرفعك وهكي يعني
جنى. معندي مندير بيهم وبعدين مش محرم ليًا هما
نجمة. صح عندك الحق مالا منطولش عليك تصبحي علي خير.
+
وسام. درس قدام حوش جنى.
جنى. تلاقي الخير يارب خذت شنطتها وفتحت باب السياره
وسام. كرها من يدها
جنى. شن تبي وفكت يدها
وسام.كان متعفلق. نبي نهدرز معاك شويه
جنى. معنديش معاك هذرزه وسام يلي تبيه سمعته
وسام. ليش متبيش تعطي روحك فرصه
جنى. ونبي فرصه شني كرهتتتتتهم جنس ادم
وسام.صوابع ايديك ياحلوه مش زي بعض
جنى. سمعتني ولالا وتوا عندي طلعه مصدقت وصلت اصلا
وسام. وين انشاء الله
جنى. مليكش علاقه
وسام. شد يدها وقنط عليها متختبريش صبري جنى وين بتمشي ف هاليل شوفي الساعه
جنى. ونبي فوتني انت وعقليتك مليكش دخل فيا انا هكي وحياتي هكي ف فوتني وخليك مع خطيبتك وانساني عيب تخونها وتفكر ف غيرها هدا ادا كان تعرف ف الاوصول
وسام. بصوت عالي. صبر ايوب يارب صبر ايوب خيرك انتي كل شي ب التفاهم وبلاش منه رمي الدوه هني روحك
جنى. معمريش شوفت حد يبي العناء انا فوتني وغذوا طيارتي ياراجل عندي حاجات بنكملها هنيني علي حالي ياريت قصيت رجلي وممشيتش ل اديداس ياريت
وسام. بعيد السو عليك معاش تفاولي علي روحك
جنى. الصبر شن تبي وسام. من الاخير افقشها
وسام. بنسافر غدوا معاك
جنى. احلم زي حلم ابليس ب الجنه احلم ونبي فوتني ومعاش تلصق فيا راه جديات بديت اضايق فيا راه
وسام. لهدرجة معبيه مني
جنى. قصدي حسيت كثرت علي ما وصوك ولد خالي مقلنا شي بس مش ف كل شي بتدخل
وسام. حبيتككككك فهمتي توا حبيتك.
جنى. بس انا لا
وسام. حتحبيني صدقيني
جنى. نزلت رجاء يا وسام خليني علي حالي تعرف وانت تعترفلي بحبك شريط حياتي يمر قدام عيوني. من صدماتي ومن زواجي. ف فوتني
وسام. نبي نسمع قصتك كلها
جنى. تسمعها ف روايه
وسام. شافلها علاش انتي مستفزه
جنى. هدا طبعي
وسام. باهي به.
جنى. خدت شنطتها والضرف
وسام. اضيفيني قهوه 😉 حياتي ولا ماتبيش
جنى. احمر وجها وزي يلي حست خرب برستيجها (😨🙂😂🤦♀️ لا ياجنى لاععععععع قاومي يافرخة وخليك زي ما عرفتك😂🤦♀️
انتي اسكتي نعرف ما يصلح بيا😂 قولي ل وسام ضفتك ف رواية ملاك😂 او قوليله قصتي 😂🤦♀️)
جنى.انزل
وسام. ابتسم علي انه اثر فيها حتى لو شويه. لان كان ميأس لانها عنايديه بس يا وسام ورا كل هدا ف قلب حنون ولو حب يحب ب صدق.
+
وسام. جديات القصص يلي صاروا اليوم من التفكير حسيت انه طلعلي الشيب قصدي شكيت في حاجة اليوم ف جنى وقت شافت الشخص يلي تقريبا كان اسمه علي مع مرته وكيف جي وتكلم وطلع الحقير وهيا انهارت جديات تعودت علي جنى قويه وهادي الميزه الحلوه فيها وعندها ف المخاطره جديات وقت قالت على العصابه انصدمت قلت البنات يخافوا ويبكوا رقيقات بس هيا لا تبكي علي مواضيع تافه ومواضيع يلي المفروض تبكي فيهم لا كان تبشر بصل ف عيونها مش حتبكي فيهم وعنادها وتسكير راسها مشافتاش عيني جديات غررت عليها نغار عليها انا من نسمه الهواء لو كان تفهم هيا بس اني نغار ومنتحملش فيها دقه الشوكة تعفلقت من الراجل يلي حسيته وكانه عارف انه هيا متزوجه بس كيف وعلي اني انا علي ويلي زاد صدمني اكثر صحيح الوجه يلي باعت رساله معاكسه جديات في يلي عنده وميشبعش استغفر الله العظيم وخلاص !…؟
+
السؤال من طرفي وين هل هيا متزوجة قبل علي ام متزوجة شخص تاني وعلي هدا كان علاقه عابره ف حياتها بمعنى كان نزوه زي قصص الحب يلي علي النت❤️؟!…
ويلي زاد خلاني نتعفلق برودها الزايد ولسانها الطويل البنات يتشحموا وقت حد يعترفلهم ب حب او شي بس هيا ردت بكل برود مطلقه.
قصدي بنت زي هادي مطلقه كيف بدت حياتها هيا. ؟! جديات قصتها وشخصيتها المعقده حيره تقعذ سنين بش تحللهم. بس النوع هدا يعجب فيا ومن جيهة ميان خطيبتي
وامي يلي ديما قعذت ف لسانها فرخة لسانها طويل فرخة طالعه ل امها اوووف ياراسي هدا كله وانا من بدايه الطريق وانا متعفلق ونفكر فيه ولا ارتباكها لما قتلها حياتي عطاني امل
+
زي ماقلت ف الاعلان قصه حب هل تنتهي بزواج او دكره ❤️؟!
_________________________________
+
(ملاك. تعرفوا حاجة 🙂. منحبش البنت الخفيفه😂💦 خلوكم زي جنى 🙂 اصلا انا حطيت شويه شويات من شخصيتي😂🤦♀️
ها شويه راه😂 يلي قاري رواية بنات جهنم واملاكي 😂 بيضحكوا لان عارفين بارزه شخصيتي ف الروايتين😌 وللاسف شكلي حتى ف الروايه اهيا بندخل 😂 ف الروايه الجايه مش حندخل شخصيتي وحتنصدموا ف شخصيه البنت )
+
ادن الفجر وما شربتش ولا تسحرت🙂💦 فجرت الروايه النحسه ياربي🤦♀️
+
_________________________________
وسام. بشويه عليك ياحلوه🙂
جنى. حلوه وتردد فيها وابتسمت ب ثقه نعرف روحي حلوه
وسام. ووو ه عليا انا وعلي غرورك وعنادك🙂 بتعبيني
جنى. وشن وراك😂.
وسام. خفي علينا بس❤️
جنى. ابتسمت. ❤️ هي انزل والله وراي اجتماع ف الشركة وكم وراق بنديرهم
وسام. تمام تمشي معاك مستحيل نخليك بروحك
جنى. تمام❤️
وسام. نزل ومسك يدها باسها❤️ شن درتي فيا
جنى. ارتبكت وجبدت يدها شكلها استانست الا الحرام كل شي عادي عندي
وسام. ابتسم وحسها كبرت ف عينه. اسفه ياجنو❤️ هي نخشوا
+
قدم. احمد. شن ياجنى
جنى. كيف حالك عمي احمد اليوم
احمد. قدم سلم علي وسام ورد علي جنى الحمد الله كيف حالك انتي يابنتي
جنى. ابتسمت كويسه
احمد. هكي بتمشي وتخلينا
وسام. ضحك متعودين عليها شكلكم
احمد. كيف هادي بنتي متربيه قدام عيوني
وسام. ابتسم بس عنايديه
جنى. رفعت حاجبها
وسام. ومتكبره😂
احمد. اصلا ميزتها ف شخصيتها ويالا تقدرهم الجيل الجديد
جنى. رقصت حواجبها😂😂😂😂😂
وسام. اضحكي مداما الضحك ب البلاش😂
احمد. ضحك 😂😂😂 مالا شن تبيني نوقف معاك ومنوقفش مع جنى بنتي يلي تربت قدامي بنت نزار الغالي
جنى. 😂. ولما سمعت اسم بوها تنكدت الله يرحمه ويغفرله
احمد. اي والله
وسام. هي جنى خشي
احمد. صحبه شكلها. راه بنتي هادي يعني ف كل شي واقف قدامك
جنى. متخافش ولد خالي ياعمي.
احمد. معاش في ثقه ف حد يابنتي شوفتي سيدنا يوسف وخوته.
جنى. لالا بإذن الله مافيش شي
+
خشت ووراها وسام للجنان
جنى. تعالي وراي خشت للحديقه وقعمزت علي الدرجيحة وقعدت تتدرجح وتفكر قلعت الدجاكة ولوحتها علي العشب قعذت ب نص كم وسروال اسود. فتحت شعرها وقعدت تتدرجح وتفكر
+
*فلاش باك*
+
نزار مقعمز علي العشب هو وهاجر وجنى تتدرجح علي الدرجيحة وتتفرج عليهم
+
هاجر. شوفها كيف سارحة فينا
نزار. ضحك 😂 بنتي المشاغبه
هاجر. مش غير تعبت من تربيتها😂
نزار. بس جديات طالعه بنت بردع 10 رجاله
هاجر. خايفه يا نزار
نزار. بسم الله خيرك حبيبتي شن في
هاجر. يجي يوم ونسيبوها بروحها ف الدنيا اهيا
نزار. تحركي من مكانك بعيد السو انشاء الله مع بعضنا ولا نخلي بنتي بروحها هيا كل شي. فحياتي
هاجر. انشاء الله وتنهدت استحشت بوي وامي واختي سكينه وخوتي وجمعتنا.
نزار. اكيد حيسامحوك توا خلاص جبتي بنت ياهاجر
هاجر. بوي راسه مسكر وغاضب عليا خايفه كيف حنقابل ربي وانا معصيه الوالدين
نزار. ربي غفور رحيم وحنحاولوا ف الصيف
هاجر. انشاء الله
نزار. كبرت جنى بعد مأسااتها يلي عاشتها
هاجر. الغلط منا احنا
نزار. اي والله مكنتش نعرف حبه ليها مش زي حبي ليك انتي
هاجر. مسكت ف يده الحب الطاهر❤️ بالكلمه الحلوه❤️
نزار. ربي يعوضها❤️
هاجر. خايفه عليها يبدوا يعجبوا عليها علي انها مطلقه
نزار. نقتله ونشرب من دمه يلي يقول حاجة علي بنتي.
هاجر. هذا واقع الليبين والمجتمع الاسود والعيشه السوده
نزار. خلاص ياهاجر ياسر نكد وناض قرب جيهتي❤️ جي وراها وهيا قاعذه سارحة وقعذ يدف فيها
+
جنى. تلفتت بابا
نزار. عيون بوك انتي وباسها علي شعرها
جنى. دف بالقوه😂
نزار. تو اطيحي
جنى. مايصيرلي شي
نزار. تمام يابابا وقعذ يدف فيها
جنى. تضحك
+
هاجر. تبتسم ❤️ ربي يحفظكم ليا❤️
+
نزار. امين❤️
جنى. انشاء الله❤️
+
نزار. شن بنتي مديره الاعمال😂 سكرتي راسك نين خشيتيه
جنى. كيف مالا نبي نساعد بابا حبيبي ولا عيب
نزار. باس راسها طبعا مش عيب ❤️حبيبه بوك انتي❤️
+
هاجر. نزار وين مشيت انا😂🙂
جنى. ضحكت😂😂😂😂😂😂 قاعدلك مامتي حبيبيتي😂😂😂
نزار. امك مليهاش حل😂😂
جنى. ماما تغار😂 وغيرتها حلوه تغار عليا حتى من صاحبتي وسن.
نزار. مالا انا😂 يلي طيشت السكرتيره اكثر من مره نغير نين هيا قالت انا يلي بنشتغل معاك😂
هاجر. ياسر قرمة راه نسمع فيكم😂
جنى. ضحكت كله الا زعلك ياغاليه
نزار. هي انزلي شكلها حق زعلت
جنى. نزلت من علي الدرجيحة وقدمت ل امها هيا وبوها
جنى. حظنت امها😂❤️
هاجر. باستها راه نبصر عليكم. ❤️
جنى. نعرف
نزار. جي حظنهم الزوز يارب يحفظكم ليا ويقدرني نسعدكم يارب ❤️
جنى. ابتسمت هيا وهاجر. ❤️
+
جنى. فقت من سرحاني ف ذكرياتي مع ماما وبابا وانا دموعي ينزلوا مسحتهم بسرعه وكنت نحساب وسام مجاش وراي بس هو كان ورا الدرجيحة
+
وسام. جنى
جنى. تلفتت وعيونها حمر. هي تعالا نخشوا
+
وسام. شن قصتك 💔#يتبع
_________________________________
توقعاتكم وشن بيصير❤️😉
رايكم❤️يهمني❤️ دعمكم يحفزني❤️
تحياتي #ملاك_الشويرف
🔥روايات بكابكا🔥
♥️الكاتبة ملاك♥️
🔥روايات بكابكا🔥
+
🔥بقلم ملاك اسامه الشويرف🔥
♥️روايات بكابكا♥️
+
