رواية لعبة القلوب الفصل الثالث عشر 13 بقلم بختة لحويشي
🔥لــعــبــة الــقــلــوب🔥
💔الـنـهايـاتُ تعيسةٌ جـدًا ..فلا تنبهِرُو بـالـبـدايـات.💔
✒️بـــقـــلــــم:بـــخـــتـــة لـــحـــويـــشـــي✒️
🍯الــحــلــقــة الــثـــالـــثـــة عـــشــــر🍯
+
حلت عينيها حاسة راسها راح يطرطق….شحال دخل عليها لحبا.س….وشحال تعذب باش تولي مليحة….وفي الاخير غير شافت زاكي واحد جديد في الحومة عندو طونوبيل راحت ليه تجري….حاسة روحها كلبة تع دراهم….
+
منى:واش دخلني فيه….زيد هو محاب.سي يعني بابا محال يقبل بيه….وزيد معندوش دراهم نهار خدام وعشرة لالا واش ندير ببنادم كيفو….خلاص ربي يسهل عليه….
+
قالت هكدا وقفت راح لكوزينة كاش متاكل….ملڨري نفسها مسدودة بصح حابة تاكل باش تنسى شوي خاطر حاسة روحها راح تهبل وهيا تخمم غير فيه….غير هبطت لقات يماها مع خوها في لكوزينة….
+
فلان(مهدي): ولينا قليل وين نشوفوك….نهار كامل ونتي في هذيك دار غالقة على روحك….
+
شافت فيه وراحت لفريجيدار جبدت قرعة ما وهزت حبة زيتون دخلتها في فمها….وهزت موسو خبز مع لفرماج بدات تاكل وتكات على لبوتاجي وشافت فيه….
+
منى:كي تولي تدخل لدار ونشوفو وجهك تماك تولي نت تشوفنا….
+
نحى لكسكيطة 🧢(قبعة) ورماها عليها….جات في صدرها وشدتها في يدها ودرتها في راسها…
+
فلان:تعلمتي تردي عليا…. وتعرفي تجاوبي…
+
منى: اكيد نعرف نجاوب نسيت شكون خويا….
+
قربت ليه بعد ماكملت لماكلة وباستو من خدو تمتم وجبدت روحها باش ميشم والو….
+
منى:راح نرقد متنوضونيش حتى لغدوا….
+
قالت هكدا وراحت لفراشها باش ورقدت….
+
#يــتــبـــع….❤️
#ارأكـم_تـوقـعـاتـكـم…💗
#Bakhtouch🖤
+
