رواية لسنا ابرياء الفصل الثالث عشر 13 بقلم هيلانا
هذا الطريق يخيفني
وأخافُ أن لا أسلكه
كل احتمالات المسافة
مُهلِكة
فتشتُ أسمائي
لعل قصاصةً منسيةً
حفظت تعاويذ السماء
أنا لم أكن كاليوم
أحتاج السماء
لاشئ غير الصمت ملء أصابعي
الصمتُ أليقُ مايكونُ
لنملكه
غيبٌ يهز حبالك الملقاة في روحي
وأسقطُ في انتباهتكَ العليّةِ واهمًا
أن أُمسكه
___________________________
اخذت نفس وحجيت بهدوء واني ارفع ادية بيناتنة
-: باوع خلينة نحجي بمنطقية انتة تحرشت بية بالبصرة اذا ماتذكر
باوعتلة اتاكد هز راسة بأي : اوكي هنا متفقين بعدين اجيت تدعمني انتة والعـ… قصدي صديقك ذاك واني رديت حقي بس بعدين هوة قميص
مجاهد: قميصي اغلة منج
گلبت عيوني بنزعاج: هسة غير يستقر الامير وليام شكد سعرة قميصك الاغلى مني بالله
تقرب مني حيل صارت ادية على صدرة سحبتهن وراي
مجاهد: ما دور فلوس اني
دليار: اي حقك يجوز دور اخلاق ناس دور لناقصهة
ابتسم تك خد : وانتي الصح ما ناقصني فلوس بس هم مادور اخلاق
دليار: شدور بالله
حجة بستهزاء: حنان
دليار: لعد انتة گدام شخص الغلط اني مو حنان
مجاهد: خوش تنكتين ‘ رفع ايدة و مرراهة على خدي وحجة بهدوء ‘ اريد تعويض عن الضرر لسببتي لقميصي
وخرت ايدة : واني اريد تعويض على الضرر النفسي لسببتة الية بالبصرة
مجاهد: شكلج مو شكل وحدة مضررة نفسياً
دليار: تريد دمعتي بعيني شنو تجاوزت بس بقت الاثار و الغضب واني ماكدر اعيش معصبة على شخص بدون ما ردهة الة
مجاهد: تعرفين اذا تلعبين بالنار راح تحركج
رفعت عيني بعينة : اعرف اني مالعبت بالنار الة واني گدهة
حط اديه ثنينهن على خصري كشيت ورجعت ليورة خطوة ضربت بالحايط حجة وخلة شفتة يم خدي جنة يشم بي : متأكدة
لا الله وداعتك لامتأكدة ولا هم يحزنون كسر الهدوء صوت مبايلي طلعتة بسرعة وبرجفة لان صوت جان عالي رديت بدون تفكير : ها بابا
محمد: وين وليتي تعاي
خلة شفتة على خدي وحجة بصوت ينسمع: هسة شنسوي
فكيت عيوني اكيد بابا سمع دفعتة وخليت ايدي على حلگة اسدة واني اخزر بي حسيتة ابتسم مقابل ايدي
محمد: وين انتي شنو هذا صوت
دليار: بابا جاي اشتري هـ هذا ابو المحل شـ” عظ ايدي ولكاهة بالسانة قشعر جسمي ” شوية واجي بس انتظروني بالسيارة بسرعة
محمد: يالله احنة طالعين مو تأخري
سديتة بدون مارد وخرت ايدي: جلب شبيك تعض
مجاهد: انتي مال تعضعض شعلية اني
خزرتة واخذت نفس وحجيت: شتريد من الاخير باع اني اسفة واعتذر وبعد ماراويك وجهي شكد سعر قميصك خل نحل موضوع
مجاهد: ماريد فلوس
حجيت بقلة صبر واني اتنهد : شتريد
وخر عني مسافة و اتنفست براحة حجة برود: ابجي
باوعتلة بغباء: عفواً
مجاهد: اريدج تبجين
رمشت احاول استوعب : شبيك مريض انتة
مجاهد: مادري مشكلتج انتي المنتظريهة اهلهة اني ماوراي شي انتي خسرانة
دليار: تشاقة
هز راسة وهو يكتف ادي يباوعلي مبتسم خرب حضي شهالمريض هذا اوف يالله بجي ولا شيء ثاني
غمضت عيوني احاول اذكر موقف حزين بس بدون فايدة
مجاهد: يالة
حجيت بنزعاج: دصبر خل اذكر شيء حزين ابجي عليه
رفع حاحبة يباوعلي بستغراب: شسوي ماعرف ابجي هيج حي الله
شلون الواحد يبجي فجأة اي فتحت جنتطتي وطلعت عطر خليتة كدام وجهي وفتحت عيوني رشيت عليهن
كمت اكمز بمكاني من وجع اوف يوجع: اخخخ بذمتك اذا نعميت
شوية كامن يدمعن عيوني ويحركني رفعت راسي الة : ها هاي دمعت بجيت
لكيتة فاك حلكة علية مبين مصدوم : انتي خبلة
دليار: لا اريد اروح
رجع خطوة ليورة گبل تحركت من كدامة وطلعت ورة ماخذت اغراضي طلعت بعجلة ضربت بولد واكف باوعلي بستغراب ماهتميت طلعت طيران للسيارة
وكفت برة اتنفست براحة اشتعلت عشيرتي عيوني يحركني صدك و يدمعن وصلت سيارة واني امسح بيهن
صعدت جانت ضلمة سيارة محد انتبه شكم حجاية من بابا ومشة الوضع
_____________________
فزيت ماعرف بيش الساعه بس ظلام وصوت المطر يزخ ويطلع صوت قوي
شفت تليفون شبل على ميز من جهته جان نايم مديت ايدي اريد اشوف الوقت
طخيتة بصدرةبحركة سريعه گلبني وصار فوكاي
نرهبت اكثر من صار اسلاحه على ركبتي
همست برعب:- شش. شششبببب..
رفع راسه والنعاس بعيونه ركزز بنظراته علية
-: ياراا
رفع السلاح رجعه يم مخدة بصفه ودفن راسه بركبتي تحركت جوة بعبث
-: شبللل كووم أتحرك عني شسوي
رفع راسه ولمعت عيونه بخبث كـال
:- هو كل واحد يكعد من نوم حلو هيج لو بس انتي
يارا:-ماادري بس كوم يلة اريد اروح لاهلي
سحب تليفونه باوع لساعة جانت ساعه بالخمسه الصبح ومطر وباردة تبين عبالك نص ليلل حجة بسخرية
-: تبيعين كيمر كاعدة من الصبح
يارا-: هو اني كوة غمضت عيني عفية شبل اتحرك من فوكاي
شبل:- اممم ابقي يمي شسوين باهلج
يارا:-خاف ما ترضة
شبل:- لا والله ارضى هههه
يارا:-دكوم شبيك ترا ثكيل كطعت نفسي
شبلل:-شسوي هاي اول مره تنام يمي حاته كل يوم اصبح بوجهه دمار جيرة بكصته يطرد النعمة
يارا-: شبل الي دا يصير غلط حتى حرام
شبل:- ههههه هو وين اكو حلال كلشي حرموو علينا
رجع حجـة بتسأل:- اذا اخطبج ابوج يوافق
يارا-: ماعرف
شبل:- اكو وحدة ما تعرف ابوها يوافق لو لا
يارا:- يعني مثلا اني كاعده بعقل بابا شيعرفني شبل
شبل:-وشدعوة عصبية
يارا:- اااي عصبيّة لان حضرتك ما جاي تتتحرك
همس بذوبان:- انتي ترفه وما خليتي عقل بيه شبيدي اني مسكين
رفعت أدية على صدرة وباوعتلة بزعل رخة ملامحة مبتسم
-: شبل راح ابجي والله
شبل-: هههههه يلة ابجي
يارا-: يااا شبيك صدك ابجي ترا
شبل:-هسه منو لازمج اابجي
يارا:- حباب شبل
غمزلي وضحكك-: اني اكزز عليج لفة كاهي مو بنية مصبوبة صبابة
احس الي يصير غلط وقرب شبل مني ماعرف احساس بشع احس كاعد أخون ثقة اهلي
عيوني دمعن بدون ماااحجي ابتعد بسرعه وضحك
-: فديت ربج لا تبجين ولج كايم
هو طلع واني تحركت لحمام غسلت وجهي وجريت نفس بحزن مدري شسوي احساسي مخربط ماعرف
شريد احساسي ويا حلو بس بنفس الوقت غلط
دا اطعن اهلي واخون ثقتهم كلشي
كاعد يصير بينا غلط وحرام بس اضعف ويا واستسلم بسرعه
تنهدت باسئ ورفعت شعري كباية
وطلعت من حمام
شفته جان داير وجهه ويخابر وبنفس الوقت يصب جاي واكف يم الكاونتر
اول ما حس بوجودي اندار عليه وابتسم وقفل الخط
جاب جاي وصمون باقي من بارحة وجبن ما اكلت
شوي احس عدي مغص وخايفة شكول لاهلي شنو دا يصير موقفي شنو البنية الي تنخطف بالعراق اذا رجعت
سالمة لاهله تجيها سمعه رنانة غمضت عيوني بيائس احس بعصرة قوية بكلبي فزيت على ايدةحضن جفوف ايدية وهمس
شبل-: اريد احجي وياج وانت ركزي وشكول تسوين
هزيت راسي بـ.. اي وهو گمل بهتمام
:- انتي ما سمعتي شي ولا شفتي اي شي نذكر كدامج اسم او كلام انتي ما سمعتي
يارا-: بسـ…
حط ايدة على حلگي
-: شكول سوي هل شي لمصلحتج
اقشعر جسدي ورعشة سرت بجسمي اكو شي مو صح ماعرف شنوو بس خايفة نزلن دموعي بسرعه وهو نزل ايدة
-: هسه اني شكلت وبجيتي
يارا:- كاعد تخوفني شبل اني من غير شي خايفة وحدي
شبل-: سويتلج شي حتى خايفه
يارا:-لا
شبل:- بعد شكوو
يارا:-مااريد اضم على اهلي شي وراح احجي كلشي واني سمعت هواي اسماء تترددد كدامي مااكدر اجذب
جدحن عيونه بغضب بكت طن هووء رمشت عددت مرات بطئ ثقيل وبنبرة غاضبة
-: يارااااا
مسح وجهه وتحرك طلع جكارة وعينه عليه
باوعلي بنظرات جامدة
شبل:- ياراا من تحجين معناها تأذين بدرجة الاولى اهلج ابوج اختج
يارا:- شش. ششنوو ليش همة شدخلهم
شبل:-حتى لو ما دخلهم اذا فكيتي حلكج بحرف اعتبري حياتهم بخطر
جمد الدم بعروگي نذهلت معقولة
يهددني لو شنو
يارا:-يعني انت تهدددني تأذّي اهلي اكيد انت الي خطفتتني والله
كمت ابجي وعفته ورحت لغرفه جانت غراضي جنطتي وتليفوني المكسورة شاشتة مااذكر شوكت انكسرت اصلا اخذتهم بسرعه
ونصيت البس حذائي واني ابجي دخل وكف وجكارته بحكله كسرهة وذبها كدامي اتقدم بخطوات مني
بلعت ريكي ورجلية بادن بقيت مكاني لف ايدة على خصري صرت كلش بحضنة جنت منصية راسي
رفعه بيدة وتنهد-: شكد تبجين ام دميعه
مسحت دموعي بقسوة برداني
:- ما احجي شي بس رجعني لاهلي تعبت والله من تفكير والخوف
سحبني من ايدي وكعدني على سرير ونصة يلبسني بحذائي
:-ما أذّيج ولا أذّي أهلج مجرد أشرح الوضع الج
يارا-: انت الك ايدي بخطفي
شبل:- جا ليش راح ارجعج اذا اني خاطفج
يارا:- مادري تايهه بدوامة وماعرف شكاعد يصير وياي من يوم دخلت حياتي وهي صايرة مد وجزر
جنت هادئة ومرتاحة قبل لا تقتحم حياتي شبل
جان منصي ويستمع الي كمل حذائي وسحبني من ايدي كومني اتقرب
وباسني بعيوني هيج بوسة طويلة
-: اوف صدك لو كالو هم العبرية ولا عشگ بنية
ضحكت من بين ادموعي وهو جان مطنكر خلة وطلع كدامي بالطريق هدوؤء يسوق ساكت واني هم ساكته
وكف ونزل على ترابي جان اكو سيارات سود واكفات على صفحة خليت راسي على جامة وجانت عيني وراء
صعد بواحدة منهن مظللات ما يبين شي تقريباً نص ساعة ونزل صعد بصفّي وتحركنا وصلنا للتقاطع.
لتفتت الية واشرلي على جهة ثانيه
-: انزلي هنا تمام ابن عمج جاي
يارا:- وانت
شبل-: راح اراقبج من بعيد اتاكد وصلتي بامان واروح
يارا-: وليش ما تنزل وياي
شبل:- لان ما يصير
يارا-: ما راح تگلي شنو شغلك
شبل:- فلاح
يارا:- ما جاي اشاقة
كرصني من خدي-: اشتغل بالحكومة بس شغلي سري تمام وبعد لا سالين وهل شي بينا
هزيت راسي بـ اي ونزلت عبرت الشارع لطرف ثاني سيارات تمر بسرعه باوعتلة
بعدة واكف يباوعلي صدك دقايق وطبكت كدامي سيارة سلام نزل واجاااني بلهفة عبالك ما مصدك
-: ياراااا
حجيته بعبرة واني خجلانة:- سـ.. للاا.. م
مسح وجهه وبلع ريكه مسدسه جان بيدة خلا بالكراب حجة بقلق وهو يخلي وجهي بين أدي
-: بيج شي هااا ياراا
هزيت راسي بنفي خلة أصابعي بين أصابعه وضغط عليهن وكل هذا تحت أنظار شبل
الي جان يبـاوع من بعيـد
-: تعاي يلة
مشيت لسيارة فتح باب وصعدني كلبي يدك بسرعه تفاجت لان
ما رحنا لبيت اخذني لمستشفى الي ادوم
بي اختي
-: ليش ما رحنا لبيت
سلام-: ليان وابوج بالمستشفى مااخذج الهم
شهكت بخوف-: ليش شكووو
سلام:-ماكو شي عمي شوي تعب
دك گلبي من خوف-: فدوة بابا شبي سلام
حجة يهدي بية- : ما بي شي والله لا تخافين هسه توصلين وتشوفين
صارت دقيقة تمر ساعة وادية يرجفن من خوف على بابا اموت اذا صارلة شيء
وصلنا لهناك صعدت بسرعة
مجرد ماعرفت رقم الغرفة
وسلام بوراي دفعت الباب ودخلت شفته على سرير فاتح عيونه وليان كامشته من
ايدة ومنصية عليه رفعت راسها
الية صاحت:- ياراا
ركضت بسرعه حضنته وهي تبوس بيه ما مصدكة سحبت نفسي منه وتقربت لبابا حضنتة
كمت ابجي شال ايدة خلهة على راسي
وتنفس براحة بدون ما يحجي
مر كم يوم وطلع بابا من المستشفى
صار كم يوم البيت هدوؤء
بابا متغيير مو مثل قبل
يصفن هواي ويشرب جكاير
بكثرة هو اصلا ما جان
يشرب جكاير
سالت ليان عن حالته كالت ان بيوم الحادثة من رجعت من دوام عباله اني بالكلية بعدين بابا جاي بالوحدة
وسالها عني فهي كايلة اله ما جاية لمستشفى يارا ولا شايفتها انوب بابا
رايح لمستشفى مدور عليه ومخابر
مصطفى وسلام ومن بعدها صاعد عندة الضغط
واكع ماخذي لمستشفى طلع عندة ذبحة
هي حالتة مستقرة زينه
بس دكتور كال قدر الامكان لا يعصب او يضوج اهم شي حالتة النفسية ويلتزم بعلاجة
كلما اذكر هو تمرض بسبي الغصة واكفة بعلومي سودة عليه بابا ليان تحوم فوكِي كل شوي وكالت
-: هم صار شي؟ خاف أذوج
أني أعرف شنو بالها هي ما جاي تكدر تسأل بطريقة مباشرة ودكول اعتدوا عليج أو شي
حلفت كم مرة إن ما ضروني بشي بس هي ما مقتنعة وتحاول ما تضغط عليّه
سلام إجه مرتين وسألني كم سؤال شبه تحقيق جاوبته إنو ما أعرف شي
ما جنت واعية وبنفس الوقت من جابوني جانوا مغطين عيوني ما أعرف ليش
بس ما حبيت أنطي بشبل أو أذي بسببِي.
بقوا يفترون عليّه
كل شوية واحد يسأل بس أني أحس بشعور غريب ونظراتهم تختلف
ليان خايفة عليّه وبابا ما سأل أي شي
من يشوفني يبتسم بهدوء يطمني
بس بعدين يرجع يضوج.
كعدت بغرفتي وأحس بالوحدة
وبعد معارك طاحنة بين عقلي وكلبي نزلت جوة لكيت بابا كاعد وصافن بالفراغ.
ونفاذة يمّه متروسة كطوف تنهدت بحزن
كل هالشي بسببي أكيد
اجيت كعدت يمّه وحچيت بهدوء
-: بابا
التفت عليّه ابتسم
:- ها حبيبتي بيچ شي؟
هزّيت راسي بلا حچيت والدمعة بعيني
-: إنتَ ضايج منّي؟
عدل گعدته وخلى إيده على راسي
-: لا بابا ليش أضوج منچ؟
فركت إيدَي بتوتر وخنكة بصوتي
-: ترى والله ما سوولي شي.
تغيرت ملامحه وتنهد بتعب
:- مصدّكچ بابا مادام گلتِ هيچ يعني ما صار شي.
قاطعتَه مرتبكة
-: لعد ليش إنتَ ضايج
فاهم:- أهم بيچ ما ضايج منج و الناس ما ترحم يا بابا إحنا أهلج ونعرفچ بس الناس ما تصدّگ تلزم حچاية.
حسّيت بذنب من گال هيچ ما جان لازم أطاوع شبل جان لازم أرجع بس يعوفوني
بس هم غايبة نص يوم وين جنت؟
حسّيت أختنكت دمعن عيوني
بابا حضني بقيت أبچي نزلت ليان على صوتي تنهدت وكعدت بصفي تمسح على ظهري.
_____________________
أسوة: وجع يالله گومي راح الوكت
دليار: غصصتيني مال الحمس اي والله
التفتت ماما علينة : انتن ماتحترمن گاعدة گبالجن اني
حطت البيض وكعدت: لا تستعجلن ابوج مو هنا ياخذجن
أسوة: يااا صدك لعد من ياخذنة راح نتأخر
دليار: صدك والله ولا فگدت بابا عبالي هنا لعد وينة
رند: اي عقلج مدري وين عيني
كشمت : ايع اذكرت واحد نعال هسة
أسوة: صدك وين
رند: عندة معاملة يمشي بيهة ما ياخذجن شكم يوم
تأفففت وكدت اباوع للساعة احس وقت راح يخلص ياربي هسة نتأخر هاي دليار مايهمهة لو توصل اخر دوام ..وسبحان الله هية وماما نفس البرود
أسوة: لعد هسة شلون
رند: خابرت ام يوسف جيرانة وكتلهة ترحن وية ابنهم هم بجامعجن هوة
أسوة: : ياا ماما عيب اكيد بابا ما يقبل
رند: هسة غير يولن من يمي بيت ام يوسف خوش ناس لاتخافن لو ما أمن بيهم ماخليجن تروحن
دليار: واذا بابا گام يحجي
رند: حجي علية مو عليج
سمعنة صوت هورن من برة اخذنة ملازمنة وطلعنة بسرعة سيارتهم واكفة گبال بابنة السايق درعان و بصفة حيدر
گبل اخذت الجهة الورة حيدر حتى ما اصير ورة ابو سيف هو اني من غير هيج و هيج مايعة
راحت دليار مناك صعدت سكتة بس هية سلمت
جان مشغل قرءان و منصي على كيف بس الصوت ينسمع
اشغلت نفسي اوباوع للشوارع عنة خرب احس متحمسة ماعرف شنو
شوية ودگ جهازي استحيت ارد شمرتة على دليار : هاج بابا يتصل ردي عليه
كالت بطفرة: معلية والله هسة يرزلني مالي خلق من صبح
حجيت بستغراب: شمسوية ويرزلج
فكت حلكهة و سدتة مدري شمسوية الله يستر منهة بقة يدك لحد ما فتحت بلعت ريجهة
دليار: ها بابا حبيبي اني اسوة
محمد: اني اعلمج العرمة
دليار: يا شمسوية
محمد: شكم مرة كايلج لاتنزلين شيء من سيارتي المن منزلة الاسألة واني اليوم عدي امتحانات بيهة
حجت بفهاوة: اسم الله زهرة ياهو الگالك اني هاي اسوة اكيد مشتبه
محمد: اسوة مو رعنة مثلج
دليار: مقبولة منك بابا حبيبي بس هم ضربتنة سفن و كعدنة من صبح ما لكيناك صراحة الك وحشة ماحسيت بيها ابد
كرصتهة تنكت من صبح وفضولي اريد اعرف شمسوية
وخرت ايدي لان اكرص بية و خزرتني
رجعت حجت بضحكة: هسة امسحة بوجهي اخر مرة وعلي بعد ماعيدهة عبالي ملازمي و نزلت ماجنت ادري اوراقك و بسطالوا للحمزة
محمد: دليااار
دليار: ههههه سكتت وعلي ، صدك شلون نرجع انتة تجينة
محمد: لا تعالن بتكسي
دليار: يا عزززة شلون نرجع بتكسي ماتخاف علية انخطف
محمد: ياهو ليخطفج انتي
دليار: لا بالله وغلاة اسوة المو غالية اني من بعيد اغري بالانخطاف
محمد: هههههه اجرن رجال جبير ما يكدر يشوف اغرائج بالانخطاف
حجت بسرعة: تما أجر تكسي بس اذا ما جينة
محمد: تجن لاتخافين انتي بس تأدبي وتوصلين سالمة
دليار: بوجودك بابا حبيبي رفه عن نفسك ولاتجي ضايج و تحط ضوجتك بية
محمد: يصير خير من اجي
حجت بدرامة: هلة بيك راح نوصل لازم اودعك گلبي مايـ..
وخرت جهاز تباوعلة مدتة الي: هاج سدا بوجهي
أسوة: حقة هرجتي هرج عفية اللسان ما يدخل بحلكج
سمعنة حمحمة من ليگدام خرب صافنة على دليار و نسيتهم سكتنة ثنينة احترمنة نفسنة شوية وطبكت سيارة بالكراج مال كلية
ماصدكت گبل نزلت حتى ملازمي بقن نزلتهن دليار ولحكتني ورة ما تشكرت منهم
مشيت سريع لحكتني ذبت ملازم بيدي: هاج الم وراج اني
أسوة: والله عيب خايبة ضلينة نحجي وهمة گاعدين هسة شيگولون علينة
دليار: خاب دروحي الواحد گوة يصحصح الصبح انتي تردينة يفكر شيگول عليج
أسوة: وعلي انتي ولا قطرة دم بوجهج
دليار: اكيد ماكو دم وين لاكية حلوة مثلي بيهة دم بيه عسل يا عسل
أسوة: نفط
دليار: المهم شيء غالي حتى لو تراب الوطن
أسوة : ميت عليج تراب الوطن ام الوطن
انطتني نظرة من فوك ليجوة ودخلت جنة متأخرين شوية مشينة بسرعة وصلنة للقاعة صرت ورة دليار
هية افضل مني بهيج مواقف شوية صلافتهة تنقذهة اني اصل اعتعت بس الحمدلله ماكو استاذ موجود
دخلنة جان هواي طلاب عكس كل مرة مجموعتين سوة شفنة هبة تأشر من بعيد حاجزة كرسي
دليار: روحي گعدي يمهة اني ادور غير مكان
صدك جان ماكنين واحد بصف هبة واحد بجهة الولد اموت ما اكعد هناك راحت دليار كعدت و اني رحت بصف هبة
أسوة: صباح الخير افضل شيء بالحياة هاي الحركة
هبة: صباح النور تأخرتن
أسوة: اييي ماكو سيارة تجينة
شوية وصارت صنتة ودخل دكتور خرب غيرتة شهل الحياة البايخة هم جيرانة هم يوصلني وهم دكتوري
نعلعلعل على گولة دليار
: صباح الخير للجميع اهلا بيكم اني د.هشام اجيكم بالقانون الدستوري و هاي اول محاظرة الكم بالمادة
جمعناكم سوة هالمرة حتى نختصر الوقت
اتنمنى احصل على التركيز بالمحاظرة و الاجتهاد و الابتعاد عن الأحاديث الجانبية
حجة شكم نصيحة وبدة بالمحاظرة جان هدوء كلش بس صوتة ينسمع اول مرة ماركز بالمحاظرات
كد ما ركزت بمشيتة و حركتة وشلون يكتب و يكعد على طرف الميز و هوة يشرح جان تعابيرة جدية حيل
ماحاول يضحك ويانة لو اي شيء هم طولت محاظرة هواي ماعرف ليش يمكن المادة مهمة
بالي جان يمة اتمنى ذيج ثولة ركزت حتى ما طير علينة محاظرة صدك
خلص ولم اوراقة و لابتوبة وطلع بدون اي كلمة كمنة احنة نطلع
حجت هبة من وراي: من هسة اكللجن هذا الدكتور حقنة و مزاجة يخرب بس يدخل القاعة وراح يشلع گلبنة
نور: والله من هسة نشلع گلبي
لاكتنة دليار بالباب تحرك بديهة وككفت يمي شاورتني: اضرب يا نسختي الملونة طلع درعان اسمة هشام
طگيتهة بأيدي: واني شكو تكليلي
دليار: گلت خاف ما سمعتني لان مبين وين مخج للمعلومة
شاورتني على كيف: سجلت محاظرة
التفت عليه : عزة مو گال ممنوع التسجيل
دليار: اشش سمعج على هذا الصوت بعدين هوة شدرا قابل يعلم الغيب
أسوة: والمن مسجلتهة يحضي
دليار: لعد اضل اسمع هذا الحجي كلة يسوي تسوف بالامعاء شمالني بعدين اعمل بذكاء وليس بجهد
أسوة: ذكائج دمرني
طلعنة سوة رحنة للمطعم راحن هبة و دليار يطلبن وگعدت وية نور منتظريهن
حجت نوب فجأة وهية تضرب اصبع: يااا هسة عرفتة
أسوة: شنو
نور:د.هشام هوة نفسة الولد الطيحتي عليه الببسي مو واگول وين شايفتة
بقيت مفهية شوية نوب ذكرت جذبة دليار ضحكت بتسليك : هههههه اي هوة
نور: هسة ينتقم منج
أسوة: لاشدعوة هو ببسي يجوز حتى نساني
نور: اييي بس حقنة و صاك اني ماحب هيج اشخاص ماكدر اكرهم ولا يخلون واحد يحبهم
أسوة: شعلينة بي المهم نفهم اهم شيء
هزت راسهة بتايد ..شوية وجت دليار و هبة كعدنة ناكل ونسولف ماجان الي واهس
نغيث من مدري شنو اوف نوب ذني فضيحة هبة و نور ضحكهن وين واصل كلش نزعجت منهن ماحب هيج
ندست دليار تقربت علية: خلينة نگوم ما مرتاحة
دليار: ليش
اسوة: مادري
وخرت عني رجعت كملت سالفة وية نور نوب كامت كالتلهن: اعذرنة بنات متواعدين وية صديقاتنة من مدرسة راح نشوفهم
هبة: اخذي راحتج حبيبتي
دليار: حياتي ..يالة اسو
كمت وياهة طلعنة نتمشى بالحدائق
دليار: شبيج
أسوة: ضجت لوحدي
دليار: ماكو شيء اسمة ضجت لوحدي كولي
أسوة: خاب والله ماعرف ضجت لان ما نتبهت على محاظرة هسة من سألين كلشي ما اذكر
دليار: هههههه من ورة هشام
اسوة: خاب لاضحكين ترة ضوج تعرفين اهم شيء عدي دراستي انزعجت لان ما جان بالي ويا الموضوع شلون اخلص السنة
دليار: ترة مكبرة موضوع شبيج انتي بس غلسي لاتفكرين
حجيت بتردد واني افرك ايدي: اضني معجبة بي مادري اني شفتة كم مرة بس والله من اشوفة ادوخ
ضحكت دليار : خاف حامل
ضربتهة على جتفهة تمسخر واني لازمة كل شجاعتي واعترف الهة ضجت حيل
حسبت بأديهة التفت على جتفي من ورة حجت : اسفة شفتج مرتبكة گلت اخفف عنج
أسوة: ولي عني مو مال واحد يشكي الج
سكتت وحجت بهدوء: أسوة انتي تخلين الشيء حقيقي اذا تنطينة اسم من گلتي يجوز معجبة انتي خليتي اسم للعلاقة اعجاب حتمشين على هذا المبدأ
ورة مدة راح يزيد هذا جانب العدج تفكيرج هم بي راح يزيد و تخليلة اسم اكبر من الاعجاب الحب
بس انتي من كل هذا ما متقربة خطوة من شخص الانتي تگولين معجبة بي
حجة وياج ..اهتم بيج .. وكف بموقف صعب ..لا
أسوة: يعني تردين اتقرب منة
دليار: لا ابقي بحدودج لاتحاولين اذا الله كاتبلج صدق هذا الشعور و خير بي وكاتبة من نصيبج راح يجي
أسوة: زين شسوي هسة ما أكدر الة افكر بي
دليار: لهي نفسج بأي شيء فترة لحد ما تعودين لان اذا بقت عينج عليه راح تصير عادة و تگومين ماتكدرين تعوفهة
أسوة: اكلج يعجبني حركاتة و كلة هيج احس روحي متحمسة لشيء ماعرفة شنوو
دليار: شسوين اذا اجة حجة وياج
أسوة: يااا عزة من هسة صار عدي مغص
دليار: والله مادري شگلج ماحابة قبل عذريني
باوعتلهة بنص عين: هاي الفلسفة الطويلة و العريضة شنو
دليار: دا اكلج انو الاعجاب مو شيء خارج سيطرتج انتي تگدرين تحكمين بنفسج بس خلي كبريائج يرتفع وقلقلي عاطفتج
أسوة:لاحبي انتي ما تعرفين هيج مشاعر ما تگدرين تحكمين بيهة
دليار: الحمدلله ماعندي يالة امشي راح تبدي محاظرة
رجعنة للكلية دليار راحت تشتري ماي واني دخلت للقاعة كاعدة بصف بنات نسولف على المحاظرة وعدنة كوز شرحنة
: أسوة محمد منو؟
رفعت راسي على صوت طلع ممثل الشعبة يسأل
أسوة: انيي ليش
:د.هشام يريدج بمكتبة
باوعتلة بستغراب : ليش
: ماعرف بس گال اصيحج
مغصتني بطني بتوتر ليش يريدني كلشي ما مسوية ذكرت من جنت محاظرتة اول مرة ندخلهة وماسويت شيء غلط لا حجيت ولا ضحكت حتى مانتبهت
معقولة لاحظ جنت صافنة عليه ارتبكت من هذا الاحتمال انتحر ولا هيج
______________________________
جنت نايمة على سرير وأبجي بالفراش
حتى كلية صار يومين ما رايحة
احساس مؤلم من اشوف نظرات
بابا الحايرة وشكد يحاول يبين انه
ما مهتم وأهم شي اني رجعت سالمة
بس يبقى أب واكيد الف فكرة براسه من أذكر الصار بيني وبينه العن نفسي الف مرة
دمعت عيني ياربي اني شلون وصلت لهذا الوضع جنت بريئة اقصى شي احجي ويا الناس
مجرد كلام على عام وحتى سوالف الحب وتعارف كله كلام
بحياتي محد اتعدى هالحدود وأني أحس نفسي
قذرة على كلشي سويته
مسحت دموعي من دخلت ليان جانت تفتر بالغرفة انوب اجت كعدت بطرف
السرير باوعتلي بنظرات حزينة
-: يارا احجيلي صراحة اني اختج احنه سند لبعض ومحد يريد مصلحتج غيري
جنت منتظرتها تنطق ومتاكدة راح تنطق الي بالي
غمضت عيونها بقوة وحجت
-: سوالج شي يعني اعتداء او شي
زهكت من كثر ما عادت هالسؤال عليه
نحت بصوت عالي
وضميت وجهي بدية أبجي
-: وروح ماما ما تقربوا عليه ولا اي شي بشنو احلف حتى تصدكون كاااافي تباوعولي بهالنظرات كرهت نفسي والله
جنت احجي بصوت عالي وأبجي وهي ندمت على كلامها بس ما تعرف شلون تسكتني
حضتني وأني أبجي وهي تبجي وياي اجة على صوتنا بابا باوع النا مصدوم
ليان سحبت نفسها ونزلت وأني نصيت راسي اشهككك اصلا مالي عين أباوعلة
اتقرب لمني بحضنة
نهديت عبالك ما باجية اسنين
ولا يكول صارلي يومين انوح و الدموع ما تخلص مسح على شعري بحنان وهمس
-: أبوج يمج لا تخافين ومااريد اشوف دموعج بعد
بعدني ما ميت حتى تبجين
يارا:- بابا والله الي بالكم ما صار والله اصلا اقتل نفسي وماأرجع
رد بحنان وهو يمسح بدموعي
-: مصدكج بابا ولو ولو جان صاير فأنتي مالج ذنب وأني مااتخلى عنج ابد أني هم قصرت وياج شلون اعوفج ترحين وحدج
يارا:- انت ما مصدكني يعني
:- يصير ما اصدكج شلون وانتي تربيتي
مسح دموعي وباسني براسي
بهاللحظة حسيت شكد اني وصخة
ومااستاهل حبهم المفروض افكر
بأبا ومااخطي بشي
نذر عمره علمود يربينا حتى ما تزوج محضوظين بوجود بابا بحياتنا هو دائما جان أب وأم لنا
وما همة كلام الناس المهم أحنا
قررت بعد ماحجي ويا شبل
ولا اطي اي مجال واذا اتعرض لي مرة
ثانيـة احجي لأبابا
احساس تأنيب الضمير قاتل
وهذا احساسي حاليا ما أريد أخطأ أكثـر من هيج
____________________نهايـة البارت
