رواية كانت الصدفة حياة كامله وحصريه بقلم حنين عماد
اسكريبت كانت الصدفة حياة
البارت الأول (اللقاء)
قعدت معاه بعد ما سمعت الوصايا العشر من ماما .. اقعدي محترمة وعاقلة .. بلاش هزار كتير عمال على بطال .. اتكلمي في حدود الأدب وخدي بالك من كلامك وبلاش دبش .. اتعرفي عليه وشوفي صفاته وشخصيته .. ايه كل دا؟! هو انا هحارب ولا ايه وبعدين مالهم متسربعين ليه على جوازي كدا؟ هو انا عنست؟! هل انا عنست؟! ماكنوش يعني كام عريس طفشتهم وكام سنة كبرتهم اللي هيعملوا أزمة .. والله كبرتوا الموضوع يا شباب .. قعدت وانا ببص في الارض وكاتمة كمية قفشات افلام جوايا هموت وتطلع .. بصيت على السجادة وألوانها الكتير .. يا سلام أما سجادة جميلة بصحيح .. جزمته سودا وايه دا؟! شرابه اسود .. بصيت بسرعة على رجلي لاقيتني لابسة شراب اسود وهنا بقا ماقدرتش وقولت
انا: شرابك اسود وشرابي اسود
هو: ايه؟!!!
انا: احم .. انت جيت ليه؟!
هو: جيت ليه؟!!!!
يا ربي كتلة دبش متحركة؟! .. ابتسمت بهدوء واتكلمت
انا: استاذ …
هو: مراد
الله! احنا هنبتديها كدا ؟! دا اكتر اسم بحبه .. لا لا مش هضعف
انا: استاذ مراد ، حضرتك جاي تتقدملي ليه؟
هو: علشان عايز اتجوزك
انا: ليه؟
هو: علشان اعجبت بيكي وبأخلاقك
انا يا ابني؟ .. شكراً على ثقتك الغالية
انا: وهو حضرتك لحقت تعرف اخلاقي في ٣ شهور بس
قولت الجملة وانا مستغربة انه اتقدملي .. انا ماشوفتوش غير مرة وانا بقدم للوظيفة وماحصلش بينا تعامل يبقى عايز يتجوزني ليه؟! وانا اوافق ليه؟! معاه واسطة؟ جامد جدا مثلا؟!!!! .. انتبهت لما لاقيته لفلي بابتسامة بسيطة واتكلم
هو: انا معاكي انهم فترة قليلة بس انا من اول ما شوفتك في الانترڤيو شدتني ثقتك بنفسك وازاي كنتي بتتكلمي وانتي مش خايفة وبعدها ابتديت اتابعك وبصراحة عليتي في نظري لما لاقيتك حاطة حدود في التعامل مع الشباب بس مش مقفلة خالص .. بتتكلمي بس عاملة ليهم خط احمر ماينفعش يتخطوه .. دا شدني ليكي جدا ودا طبعا غير جمالك
ايه دا فيه ايه؟! حد يخض حد كدا؟!! .. حاولت ابين اني ماتوترتش خالص ولا قلبي بقا بيدق بسرعة ولا حاسة بدوخة ولا اي حاجة .. ياريت بس تدوا الاسعاف رنة
انا: طب و.. انا ايه اللي يخليني اوافق على حضرتك
هو: وليه ترفضي؟
انا: مش يمكن مش بفكر في الجواز
هو: ماظنش
استفزني بثقته الزايدة اللي بانت في الكلمة ف بصيتله ورفعت حاجبي وقولت
انا: ليه بقا ان شاء الله؟
هو: لو كنتي مش بتفكري في الجواز ماكنتيش وافقتي على القعدة دي من الاول
انا: مش جايز قاعدة بالغصب؟
هو: يعني انتي مغصوبة عليا!!!
سكت لما سمعت سؤاله .. لمحة الحزن اللي حسيتها في صوته وجعت قلبي .. انا مش حمل اني ازعل حد .. قلبي بيوجعني لما حد بيزعل مني .. لقيته فجأة وقف وانا قلبي وجعني اكتر لما لاقيته بيتأسف انه فرض نفسه عليا وقبل ما يخطي خطوة واحدة وقفت وندهت عليه
انا: مراد
وقف وبصلي وأنا اتوترت وخصوصاً لما انتبهت اني قولت اسمه من غير ألقاب .. اخدت نفس وبصيتله بهدوء وقولت
انا: ممكن تقعد لو سمحت؟
قعد من غير ولا كلمة زي ما يكون مستني اني اتكلم وفعلا اتكلمت وانا بحاول احاسب على كلامي
انا: استاذ مراد انا اسفة .. انت فاهم غلط ، انا مش مغصوبة عليك انا بس قولت كدا علشان ..
سكت ف سألني
هو: علشان ايه؟
اتنهدت وكملت
انا: علشان خايفة .. انا واحدة بتخاف من كل حاجة .. بتخاف تبقى لوحدها في الضلمة .. بتخاف من الزحمة .. من الاماكن العالية .. من الدوشة الجامدة .. بخاف من الوحدة ومن المرض والموت .. بخاف من اني اتجرح .. بخاف اني اتساب
هو: وايه اللي يخلي حد يسيب حد بالجمال دا؟
اتجاهلت جملته اللي فيها غزل وجاوبت بهدوء
انا: يمكن علشان حد اجمل
هو: ماظنش فيه اجمل
انا: يعني انت شايفني جميلة؟
هو: شايفك اجمل ما في الكون ولو حد مش شايفك كدا يبقى مع احترامي ليه هو مش بيشوف
قلبي دق بسرعة وارتبكت .. انا عمر ما حد قالي كلام كدا قبل كدا .. خدودي احمرت زي البنات العاديين يعني وابتسامة خفيفة اترسمت على شفايفي
هو: تعرفي ان ابتسامتك حلوة اوي
انا: ااا .. بص يا استاذ مراد انا واحدة مش بتاعة لف ودوران ولا بتاعة كلام حب وتسلية وفي الاخر بح
هو: بح؟!
انا: اه .. يعني جو اننا نتكلم ونحب في بعض من غير ارتباط رسمي مفيش
هو: هو كلام يحترم وكل حاجة بس انا متقدملك رسمي على فكرة واحنا قاعدين في البيت عندكم والحاج والحاجة قاعدين برة .. هو فيه رسمي اكتر من كدا؟!!
يالاهوي عالكسفة اللي انت فيها يا حازم .. هو انا ازاي ماخدتش بالي
انا: ااا .. انا قصدي مفيش فترة خطوبة طويلة وتفضل بقا داخل خارج خطيبتي خطيبي والجو دا
هو: ودا الشئ اللي كنت هطلبه من والدك .. انا الحمد لله عندي شقة ولو ربنا اراد هتيجي انتي وباباكي ومامتك علشان تشوفوها وتختاري ألوانها على ذوقك .. والعفش هننزل انا وانتي نختاره على ذوقنا يعني بالكتير ٣ شهور وتكون الشقة جاهزة .. بس اهم حاجة يكون فيه مكتبة كبيرة لأني بعشق القراية
الجملة رنت في ودني وسمعت في قلبي .. طول عمري بحلم ببيت فيه مكتبة وكتب وحد بيحب يقرأ .. بص يا ابني خد قلبي والله انا مش عايزاه
انا: وبتحب تقرأ لمين؟
هو: احسان عبد القدوس ونجيب محفوظ ويوسف ادريس وعندي دواوين عمرو حسن ومحمد ابراهيم
ياربي عالكوكتيل الجميل دا
انا: وفي الانجليزي؟
هو: ديكينز وبرنارد شو ونيكولاس سباركس
ترا والله اعطيتك قلبي .. دا انا لو قايلاله عالحاجات اللي بحبها مش هيبقى زيي كدا .. بصلي وسألني انا بحب اقرأ لمين
انا: تقريباً زيك وكمان عندك د. حنان لاشين ودعاء عبد الرحمن وعمرو عبد الحميد وساندرا سراج وآيه محمد ورحاب ابراهيم وزيزي محمد ورحمة نبيل ورحمة سيد ورحمة طارق ودينا ابراهيم وغيرهم كتير
هو: للدرجة دي بتحبي القراية؟
انا: جدااااا
ابتسم بشكل يخطف القلب وابتسمت انا كمان .. شكله جميل وهو بيبتسم .. بصلي وسألني
هو: بتعرفي تطبخي؟
لفيتله بكل حماس ونسيت انا قاعدة مع مين واتكلمت بتلقائية
انا: طبعاااا طب دا انا عليا صينية مكرونة بالبشاميل روعة
ضحك على حماسي وقال
هو: انا كدا اتطمنت على مستقبلي
انتبهت فجأة لحماسي الزيادة اوي واتعدلت تاني في قعدتي وانا بسأله
انا: انت مواليد سنة كام؟
هو: ١/١/١٩٩٥ .. انتي ١٣/٥/١٩٩٨ صح؟
انا: ايوة .. عرفت منين؟
هو: انتي ناسية اني كان معايا السي ڤي بتاعك وقت الانترڤيو
انا: ايوة صح .. طب قولي ايه اكتر لون بتحبه؟
هو: الازرق الغامق وانتي؟
انا: الموڤ
هو: اللون النرجسي
انا: وليه ماتقولش انه لون الثقة بالنفس
هو: الثقة بالنفس الزيادة خطر
انا: وقلتها برضو غلط .. كل حاجة في الاعتدال حلوة
هو: معاكي حق .. قوليلي بتصلي؟
ارتبكت زي طفل صغير وقولت
انا: بصراحة مش منتظمة اوي .. يعني ممكن ساعات اصلي الصلاة قضى او اكسل
هو: معلش المهم انك بتحاولي وان شاء الله سوا هننتظم .. اصلي بصراحة زيك مش منتظم اوي بس ادينا بنجاهد علشان نقرب من ربنا
جملته لمست قلبي .. فرحت انه ماحاسبنيش ولا حسسني اني غلطانة رغم اني عارفة غلطي وتقصيري بس كلامه كان لطيف وهادي
انا: بتدخن؟
هو: لأ .. جربتها مرة وانا في ثانوي ووالدي شافني .. ساعتها بصلي بكسرة ومشي .. كان اهون عليا انه يضربني ولا اني احس اني زعلته .. يومها اعتذرتله وقولت عمري ما هلمسها تاني
طب ينفع اقوم ابوسه .. هو ازاي قمر كدا .. لا لا احترمي نفسك يا حنين .. احنا بنتنا اشرف من الشرف
انا: تفتكر ايه اللي يخلي الجواز ينجح؟
هو: ان يكون فيه توافق بين الزوج والزوجة .. فكري وعقلي واجتماعي وثقافي ونفسي كمان .. لازم يبقى فيه مشاعر متبادلة وتبقى العلاقة بينهم هات وخد مش واحد يدي وبس والتاني ياخد وبس
ياختي زوجي قرة عيني .. ودوني على بيت حبيبي يا جماعة
انا: بتحب الكرتون؟
هو: احم .. ليه الاحراج دا .. بصراحة لازم كل اسبوع اتفرج على فيلم كرتون
ابتسمت وقلبي زقطط
انا: ايه اخر فيلم كرتون شوفته؟
هو: coco وانتي؟
انا: beauty and the best شوفته حوالي ١٠٠ مرة
هو: بتحبيه اوي كدا؟
انا: بعشقه .. بحس بيل شبهي في حبها للقراية واختلافها عن بنات قريتها
هو: بس دا معناه اني هبقى الوحش
بصيتله ومن جوايا بقول بذمتك فيه وحش قمر كدا .. انت مامتك كانت بتتوحم فيك على ايه .. كراملة؟ .. يا كراميلة .. سرحت في عينيه ولقتني بقول
انا: يخربيت جمال عينيك
هو: ايه؟!
انا: ايه؟!!! ايه اللي حصل ؟!! لا بص .. انت قوم امشي
قولتها وانا بقف بارتباك ولغبطة تضحك وهو كمان وقف وهو بيبتسم
هو: رايحة فين؟
قولتله وانا بتحرك ناحية باب الصالون بارتباك
انا: معلش دا ميعاد القيلولة بتاعتي .. روح وهنبقى نكلمك
ندهلي قبل ما اخرج من باب الصالون وهو بيبتسم على خجلي اللذيذ
هو: طب بقولك
انا: ها؟
غمز وقال
هو: شكلك زي القمر
احيه؟!!! ليه الانسان يعمل في اخوه الإنسان كدا؟! حد يخطف قلب حد كدا .. اعيش انا من غير قلبي ازاي .. خرجت بسرعة وجريت على اوضتي ومفيش خمس دقايق سمعت صوت باب البيت بيتقفل وهوب لاقيت ماما دخلت ورايا الاوضة وفتحت الباب جامد لدرجة اني اتنفضت من عالسرير
انا: فيه حد يخض حد كدا .. قولتلك يا ست الكل بلاش دخلة بوليس الاداب دي بدل ما اموت فيها
بصتلي وضيقت عينيها
ماما: ايه اللي حصل؟
انا: حصل فيه ايه؟
ماما: بت انتي ماتستعبطيش .. طفشتيه؟
انا: انا مش عارفة انتي واخدة فكرة غلط عني ليه؟
ماما: عشان بنتي وعارفاكي
حاولت اداري كسوفي وقولت
انا: ماتخافيش ماطفش
ماما: ماطفش؟! يعني انتي موافقة؟!
خدودي احمرت وقولت
انا: ايوة
حطت ايدها على راسي وهي بتقول
ماما: مفيش حرارة اومال فيه ايه؟!!
انا: لا إله الا الله هو لا كدا عاجب ولا كدا عاجب!!
ماما: اصل غريبة يعني .. من ساعة كنتي بتقولي مش عايزة تتجوزي
انا: انا يا بنتي؟!
أين الثبات عالمبدأ انا لا أراه .. ماما قربت مني واتكلمت بحنية
ماما: حنين .. انتي بجد موافقة ولا علشان زني .. حبيبتي انا عايزة افرح بيكي بس مش على حساب سعادتك .. انتي لو مش موافقة انا…
قاطعتها بهدوء وانا ببتسم
انا: ماما .. انا فعلا موافقة
بصتلي بابتسامة وغمزت وقالت
ماما: افهم من كدا ان الواد عجبك؟
انا: ماما!!!!
بصتلي ثواني وشافت خدودي اللي قلبوا حبتين طماطم وفضحوني منهم لله .. فجأة لقيتها بتشدني لحضنها جامد وهي فرحانة وساعتها ضميتها وانا قلبي بيرقص .. ايه دا ثواني كدا؟!!! .. هو انا هتجوز ؟!!!!!!!!!!!
“”وكيف لا أحبك و قلبي لا يعرف رجالاً إلا أنت
””
يُتبع…
البارت الأول (اللقاء)
قعدت معاه بعد ما سمعت الوصايا العشر من ماما .. اقعدي محترمة وعاقلة .. بلاش هزار كتير عمال على بطال .. اتكلمي في حدود الأدب وخدي بالك من كلامك وبلاش دبش .. اتعرفي عليه وشوفي صفاته وشخصيته .. ايه كل دا؟! هو انا هحارب ولا ايه وبعدين مالهم متسربعين ليه على جوازي كدا؟ هو انا عنست؟! هل انا عنست؟! ماكنوش يعني كام عريس طفشتهم وكام سنة كبرتهم اللي هيعملوا أزمة .. والله كبرتوا الموضوع يا شباب .. قعدت وانا ببص في الارض وكاتمة كمية قفشات افلام جوايا هموت وتطلع .. بصيت على السجادة وألوانها الكتير .. يا سلام أما سجادة جميلة بصحيح .. جزمته سودا وايه دا؟! شرابه اسود .. بصيت بسرعة على رجلي لاقيتني لابسة شراب اسود وهنا بقا ماقدرتش وقولت
انا: شرابك اسود وشرابي اسود
هو: ايه؟!!!
انا: احم .. انت جيت ليه؟!
هو: جيت ليه؟!!!!
يا ربي كتلة دبش متحركة؟! .. ابتسمت بهدوء واتكلمت
انا: استاذ …
هو: مراد
الله! احنا هنبتديها كدا ؟! دا اكتر اسم بحبه .. لا لا مش هضعف
انا: استاذ مراد ، حضرتك جاي تتقدملي ليه؟
هو: علشان عايز اتجوزك
انا: ليه؟
هو: علشان اعجبت بيكي وبأخلاقك
انا يا ابني؟ .. شكراً على ثقتك الغالية
انا: وهو حضرتك لحقت تعرف اخلاقي في ٣ شهور بس
قولت الجملة وانا مستغربة انه اتقدملي .. انا ماشوفتوش غير مرة وانا بقدم للوظيفة وماحصلش بينا تعامل يبقى عايز يتجوزني ليه؟! وانا اوافق ليه؟! معاه واسطة؟ جامد جدا مثلا؟!!!! .. انتبهت لما لاقيته لفلي بابتسامة بسيطة واتكلم
هو: انا معاكي انهم فترة قليلة بس انا من اول ما شوفتك في الانترڤيو شدتني ثقتك بنفسك وازاي كنتي بتتكلمي وانتي مش خايفة وبعدها ابتديت اتابعك وبصراحة عليتي في نظري لما لاقيتك حاطة حدود في التعامل مع الشباب بس مش مقفلة خالص .. بتتكلمي بس عاملة ليهم خط احمر ماينفعش يتخطوه .. دا شدني ليكي جدا ودا طبعا غير جمالك
ايه دا فيه ايه؟! حد يخض حد كدا؟!! .. حاولت ابين اني ماتوترتش خالص ولا قلبي بقا بيدق بسرعة ولا حاسة بدوخة ولا اي حاجة .. ياريت بس تدوا الاسعاف رنة
انا: طب و.. انا ايه اللي يخليني اوافق على حضرتك
هو: وليه ترفضي؟
انا: مش يمكن مش بفكر في الجواز
هو: ماظنش
استفزني بثقته الزايدة اللي بانت في الكلمة ف بصيتله ورفعت حاجبي وقولت
انا: ليه بقا ان شاء الله؟
هو: لو كنتي مش بتفكري في الجواز ماكنتيش وافقتي على القعدة دي من الاول
انا: مش جايز قاعدة بالغصب؟
هو: يعني انتي مغصوبة عليا!!!
سكت لما سمعت سؤاله .. لمحة الحزن اللي حسيتها في صوته وجعت قلبي .. انا مش حمل اني ازعل حد .. قلبي بيوجعني لما حد بيزعل مني .. لقيته فجأة وقف وانا قلبي وجعني اكتر لما لاقيته بيتأسف انه فرض نفسه عليا وقبل ما يخطي خطوة واحدة وقفت وندهت عليه
انا: مراد
وقف وبصلي وأنا اتوترت وخصوصاً لما انتبهت اني قولت اسمه من غير ألقاب .. اخدت نفس وبصيتله بهدوء وقولت
انا: ممكن تقعد لو سمحت؟
قعد من غير ولا كلمة زي ما يكون مستني اني اتكلم وفعلا اتكلمت وانا بحاول احاسب على كلامي
انا: استاذ مراد انا اسفة .. انت فاهم غلط ، انا مش مغصوبة عليك انا بس قولت كدا علشان ..
سكت ف سألني
هو: علشان ايه؟
اتنهدت وكملت
انا: علشان خايفة .. انا واحدة بتخاف من كل حاجة .. بتخاف تبقى لوحدها في الضلمة .. بتخاف من الزحمة .. من الاماكن العالية .. من الدوشة الجامدة .. بخاف من الوحدة ومن المرض والموت .. بخاف من اني اتجرح .. بخاف اني اتساب
هو: وايه اللي يخلي حد يسيب حد بالجمال دا؟
اتجاهلت جملته اللي فيها غزل وجاوبت بهدوء
انا: يمكن علشان حد اجمل
هو: ماظنش فيه اجمل
انا: يعني انت شايفني جميلة؟
هو: شايفك اجمل ما في الكون ولو حد مش شايفك كدا يبقى مع احترامي ليه هو مش بيشوف
قلبي دق بسرعة وارتبكت .. انا عمر ما حد قالي كلام كدا قبل كدا .. خدودي احمرت زي البنات العاديين يعني وابتسامة خفيفة اترسمت على شفايفي
هو: تعرفي ان ابتسامتك حلوة اوي
انا: ااا .. بص يا استاذ مراد انا واحدة مش بتاعة لف ودوران ولا بتاعة كلام حب وتسلية وفي الاخر بح
هو: بح؟!
انا: اه .. يعني جو اننا نتكلم ونحب في بعض من غير ارتباط رسمي مفيش
هو: هو كلام يحترم وكل حاجة بس انا متقدملك رسمي على فكرة واحنا قاعدين في البيت عندكم والحاج والحاجة قاعدين برة .. هو فيه رسمي اكتر من كدا؟!!
يالاهوي عالكسفة اللي انت فيها يا حازم .. هو انا ازاي ماخدتش بالي
انا: ااا .. انا قصدي مفيش فترة خطوبة طويلة وتفضل بقا داخل خارج خطيبتي خطيبي والجو دا
هو: ودا الشئ اللي كنت هطلبه من والدك .. انا الحمد لله عندي شقة ولو ربنا اراد هتيجي انتي وباباكي ومامتك علشان تشوفوها وتختاري ألوانها على ذوقك .. والعفش هننزل انا وانتي نختاره على ذوقنا يعني بالكتير ٣ شهور وتكون الشقة جاهزة .. بس اهم حاجة يكون فيه مكتبة كبيرة لأني بعشق القراية
الجملة رنت في ودني وسمعت في قلبي .. طول عمري بحلم ببيت فيه مكتبة وكتب وحد بيحب يقرأ .. بص يا ابني خد قلبي والله انا مش عايزاه
انا: وبتحب تقرأ لمين؟
هو: احسان عبد القدوس ونجيب محفوظ ويوسف ادريس وعندي دواوين عمرو حسن ومحمد ابراهيم
ياربي عالكوكتيل الجميل دا
انا: وفي الانجليزي؟
هو: ديكينز وبرنارد شو ونيكولاس سباركس
ترا والله اعطيتك قلبي .. دا انا لو قايلاله عالحاجات اللي بحبها مش هيبقى زيي كدا .. بصلي وسألني انا بحب اقرأ لمين
انا: تقريباً زيك وكمان عندك د. حنان لاشين ودعاء عبد الرحمن وعمرو عبد الحميد وساندرا سراج وآيه محمد ورحاب ابراهيم وزيزي محمد ورحمة نبيل ورحمة سيد ورحمة طارق ودينا ابراهيم وغيرهم كتير
هو: للدرجة دي بتحبي القراية؟
انا: جدااااا
ابتسم بشكل يخطف القلب وابتسمت انا كمان .. شكله جميل وهو بيبتسم .. بصلي وسألني
هو: بتعرفي تطبخي؟
لفيتله بكل حماس ونسيت انا قاعدة مع مين واتكلمت بتلقائية
انا: طبعاااا طب دا انا عليا صينية مكرونة بالبشاميل روعة
ضحك على حماسي وقال
هو: انا كدا اتطمنت على مستقبلي
انتبهت فجأة لحماسي الزيادة اوي واتعدلت تاني في قعدتي وانا بسأله
انا: انت مواليد سنة كام؟
هو: ١/١/١٩٩٥ .. انتي ١٣/٥/١٩٩٨ صح؟
انا: ايوة .. عرفت منين؟
هو: انتي ناسية اني كان معايا السي ڤي بتاعك وقت الانترڤيو
انا: ايوة صح .. طب قولي ايه اكتر لون بتحبه؟
هو: الازرق الغامق وانتي؟
انا: الموڤ
هو: اللون النرجسي
انا: وليه ماتقولش انه لون الثقة بالنفس
هو: الثقة بالنفس الزيادة خطر
انا: وقلتها برضو غلط .. كل حاجة في الاعتدال حلوة
هو: معاكي حق .. قوليلي بتصلي؟
ارتبكت زي طفل صغير وقولت
انا: بصراحة مش منتظمة اوي .. يعني ممكن ساعات اصلي الصلاة قضى او اكسل
هو: معلش المهم انك بتحاولي وان شاء الله سوا هننتظم .. اصلي بصراحة زيك مش منتظم اوي بس ادينا بنجاهد علشان نقرب من ربنا
جملته لمست قلبي .. فرحت انه ماحاسبنيش ولا حسسني اني غلطانة رغم اني عارفة غلطي وتقصيري بس كلامه كان لطيف وهادي
انا: بتدخن؟
هو: لأ .. جربتها مرة وانا في ثانوي ووالدي شافني .. ساعتها بصلي بكسرة ومشي .. كان اهون عليا انه يضربني ولا اني احس اني زعلته .. يومها اعتذرتله وقولت عمري ما هلمسها تاني
طب ينفع اقوم ابوسه .. هو ازاي قمر كدا .. لا لا احترمي نفسك يا حنين .. احنا بنتنا اشرف من الشرف
انا: تفتكر ايه اللي يخلي الجواز ينجح؟
هو: ان يكون فيه توافق بين الزوج والزوجة .. فكري وعقلي واجتماعي وثقافي ونفسي كمان .. لازم يبقى فيه مشاعر متبادلة وتبقى العلاقة بينهم هات وخد مش واحد يدي وبس والتاني ياخد وبس
ياختي زوجي قرة عيني .. ودوني على بيت حبيبي يا جماعة
انا: بتحب الكرتون؟
هو: احم .. ليه الاحراج دا .. بصراحة لازم كل اسبوع اتفرج على فيلم كرتون
ابتسمت وقلبي زقطط
انا: ايه اخر فيلم كرتون شوفته؟
هو: coco وانتي؟
انا: beauty and the best شوفته حوالي ١٠٠ مرة
هو: بتحبيه اوي كدا؟
انا: بعشقه .. بحس بيل شبهي في حبها للقراية واختلافها عن بنات قريتها
هو: بس دا معناه اني هبقى الوحش
بصيتله ومن جوايا بقول بذمتك فيه وحش قمر كدا .. انت مامتك كانت بتتوحم فيك على ايه .. كراملة؟ .. يا كراميلة .. سرحت في عينيه ولقتني بقول
انا: يخربيت جمال عينيك
هو: ايه؟!
انا: ايه؟!!! ايه اللي حصل ؟!! لا بص .. انت قوم امشي
قولتها وانا بقف بارتباك ولغبطة تضحك وهو كمان وقف وهو بيبتسم
هو: رايحة فين؟
قولتله وانا بتحرك ناحية باب الصالون بارتباك
انا: معلش دا ميعاد القيلولة بتاعتي .. روح وهنبقى نكلمك
ندهلي قبل ما اخرج من باب الصالون وهو بيبتسم على خجلي اللذيذ
هو: طب بقولك
انا: ها؟
غمز وقال
هو: شكلك زي القمر
احيه؟!!! ليه الانسان يعمل في اخوه الإنسان كدا؟! حد يخطف قلب حد كدا .. اعيش انا من غير قلبي ازاي .. خرجت بسرعة وجريت على اوضتي ومفيش خمس دقايق سمعت صوت باب البيت بيتقفل وهوب لاقيت ماما دخلت ورايا الاوضة وفتحت الباب جامد لدرجة اني اتنفضت من عالسرير
انا: فيه حد يخض حد كدا .. قولتلك يا ست الكل بلاش دخلة بوليس الاداب دي بدل ما اموت فيها
بصتلي وضيقت عينيها
ماما: ايه اللي حصل؟
انا: حصل فيه ايه؟
ماما: بت انتي ماتستعبطيش .. طفشتيه؟
انا: انا مش عارفة انتي واخدة فكرة غلط عني ليه؟
ماما: عشان بنتي وعارفاكي
حاولت اداري كسوفي وقولت
انا: ماتخافيش ماطفش
ماما: ماطفش؟! يعني انتي موافقة؟!
خدودي احمرت وقولت
انا: ايوة
حطت ايدها على راسي وهي بتقول
ماما: مفيش حرارة اومال فيه ايه؟!!
انا: لا إله الا الله هو لا كدا عاجب ولا كدا عاجب!!
ماما: اصل غريبة يعني .. من ساعة كنتي بتقولي مش عايزة تتجوزي
انا: انا يا بنتي؟!
أين الثبات عالمبدأ انا لا أراه .. ماما قربت مني واتكلمت بحنية
ماما: حنين .. انتي بجد موافقة ولا علشان زني .. حبيبتي انا عايزة افرح بيكي بس مش على حساب سعادتك .. انتي لو مش موافقة انا…
قاطعتها بهدوء وانا ببتسم
انا: ماما .. انا فعلا موافقة
بصتلي بابتسامة وغمزت وقالت
ماما: افهم من كدا ان الواد عجبك؟
انا: ماما!!!!
بصتلي ثواني وشافت خدودي اللي قلبوا حبتين طماطم وفضحوني منهم لله .. فجأة لقيتها بتشدني لحضنها جامد وهي فرحانة وساعتها ضميتها وانا قلبي بيرقص .. ايه دا ثواني كدا؟!!! .. هو انا هتجوز ؟!!!!!!!!!!!
“”وكيف لا أحبك و قلبي لا يعرف رجالاً إلا أنت
””يُتبع…
