رواية قلبي وقلبها كامله بقلم زهرة عيد
مريم: بحبك
ايه سمعتوا صوت قلبي وهو بيتكسر وكمان بيحب اختي اه ياوجع قلبي اه نسيت اعرفكم بنفسي انا مريم في 3 ثانوي بشرتي بيضه شعري قصير علشان مش بحب الشعر الطويل وبحبه دايما مفرود ودايما بلبس سلوبتات وناس كتير شايفه اني مسترجله وبحب او بعشق ابن عمتي يوسف عنده 30سنه وشغال مهندس وهو صديقي الصدوق بحكيله علي كل حاجه والنهاردة قررت اصارحه اني بحبه احنا بيت عيله ولاد (عمي احمد ) مصطفي عنده 30سنه وشغال مدرس في الكويت ومجوز أميره بنت عمتي رتيبه هي اخت يوسف وفيروز عندها 15 سنه نفسها تطلع دكتوره
وعمتي رتيبه ولادها يوسف واميرة
و(عمي محمود ) ولاده عاصم عنده 27سنه وشغال دكتور جراحه واخوه كرم عنده 17 سنه
وبابا اسمه (حسن ) ولاده بقا سندس اختي الكبيره جميلة جمال غير عادي وعيونها زرقه وبتخطف اي حد وطيبه وانا بموت فيها وعلي اخويا بقا دا مسافر عالطول هو دكتور عيون وعنده 31سنه ومجوز ومخلف ولد عنده 3سنين
وبيبجي مصر في الاجازات
يوسف: ايه
مريم :االا انت صدقت ولاايه
يوسف: اومال ايه
مريم: دا كان امر في لعبة الشايب
معلش ياصديقي
يوسف: ياشيخه وقعتي قلبي
مريم: سلامة قلب يابرو
يوسف: ايه رايك طيب
مريم: في ايه
يوسف: مالك كده مش علي بعضك
فيكي حاجه ولاايه
مريم: …… اااا ولاحاجه انا هقوم اروح علشان اتصدعت ونتكلم بعدين سلام
يوسف: مالها دي
مريم: روحت وجريت علي اوضتي وقفلت الباب علي نفسي وانهارت في العياط وكتمت صوتي في مخدتي
اه ياربي علي وجع القلب
تاني يوم
يوسف: فينك يازفته
مريم: معلش تعبانه
يوسف: مش هتروح المدرسة
مريم: لا انا تعبانة مش هقدر اروح
يوسف: بس ……دي قفلت التلفون في وشي والله البنت دي مش طبيعية بالمرة
الساعه 8في العشاء
بابا :دخل علينا الاوضه وبيبارك لاختي علي قراية فتحتها علي يوسف
مريم : ايه استنوا في ايه يعني يوسف كده مش هيبقا ليا وغير كده هشوفه دايما طب اخبي وجعي ازي وبرضه اختي ملهاش ذنب لازم افرحلها واكون معاها انا شايفه الفرحه في عنيها بصيت علي اختي
سندس: فرحانه فرحانه انا هطير من الفرحه اخيراربنا استجاب لدعواتي
تعرفي يامريم انا بحب يوسف من وانا عندي 11سنه اخيرا هكون علي اسمه الله علي دا احساس
مريم :ااااامبروك ياقلبي ربنا يتمملك بخير
سندس :انا هروح اصلي ركعتين شكر لربنا
مريم: ماشي ياقلبي
قفلت الباب علي نفسي خلاص مش هعيط تاني كفاية كده انا لازم ابان قوية واقف مع اختي وانسي يوسف دا مش هينفع وانا وقلبي لينا ربنا
بعد اسبوع يوم كتب الكتاب
اختي لبست فستان ابيض سمبل وجميل من يومها وهي بسيطه بجد ربنا يحميكي عامله زي سندريلا
انا لبست سلوبتا حمرا وسيبت شعري ومحتطتش اي حاجه في وشي اصلا اللي يركز هيعرف اني بموت ربنا يعدي اليوم علي خير يوم ايه بس قولوا ايامي وسنيني حاسه اني مش قادره اتنفس طول الوقت ايه دا مالها دموعي بتنزل كتير كده ليه انا هروح اغسل وشي واطلع لازم اكون قوية ولازم محدش يعرف حاجه
بعد شوية
يوسف: ايه ياست مريم مش راضيه تورينا طلتك البهيه دي ليه
مريم :ماهو ياعم في ايه ركز في عروستك
يوسف :مالك يابت بتهبي فيا ليه !
مريم: ياعمي سيبني وخليك في ليلتك وغمزتلوا
يوسف قرب مني وهمسلي :بس طالعه تخطفي العقل بالاحمرا دا يااحمر انت بس فيكي حاجه لازم اعرفها
مريم حسيت اني عايزه اترمي في حضنه :ااامرسي علي زوقك بعدين بعدين بيندهو عليا
عاصم: يامريم يامريم مالك سبتي كتب الكتاب وقعدتي في البلاكونه لوحدك
مريم: عادي اتصدعت من الدوشة
عاصم :بس امتا هتكوني بنوته وتلبسي لبس البنات
مريم :وانت مالك
عاصم: انا بنصحك وملييش دعوة
وبصلي من تحت لفوق ومشي
مريم :ياربي هو انا ناقصه
ايه دا يوسف بيشاورلي ليه !
اروح اشوفه يارب عديها علي خير
مريم :ايوا يايوسف عايز ايه !
يوسف قرب مني : عاصم كان عايز ايه
مريم :ولاحاجه
يوسف بعصبيه: ماتتكلمي عدل مالك ماتتعدلي كده
مريم :ماتسيبني في حالي بقا كفايه اللي عملتوا فيا
يوسف :اااااااانا عملت…… مشيت انا عملت فيها ايه يعني وبعد كده هي بتتحرك في كل مكان زي الفراشه وكله بيبصالها يو بقا وانت مالك يايوسف مركز معاها ليه ركز مع سندس حب عمرك بس فجاة حصل ………
