رواية قلبي لمن يعشقه الفصل السادس والثلاثون 36 بقلم نانا ابو جبل
الجزء السادس و الثلاثون :
سامر : يارجال إسمعوني منيح ، هلق أنا رايح لمكان وجود عامر مابدي حدا يطلع من المستشفى عم تسمعوا …
واحد من الرجال : حاضر سيدي …
طلع سامر على الطابق الثاني فشاف لؤي و معتصم و سوسن واقفين عند باب العناية المركزة …
في نفس الوقت طلع الدكتور من عند الغرفة …
فراح لعنده معتصم …
معتصم : مرحبا دكتور ، ممكن تخبرني عن وضع أخي …
الدكتور : وضع سيء ، و أنا طلبت من المساعدين و الممرضين بتجهيز أوضة العمليات حالا …
معتصم : لهدرجة وضع خطير …
الدكتور : خطير لدرجة إنو كنا راح نفقده ، و هلق بدي أروح أجهز حالي للعملية …
راح الدكتور على غرفته ليجهز حاله …
أما سامر فضل مراقب للموقف من بعيد ..
أما قصي فقعد سرحان طول الوقت و إمه بتنادي عليه …
رولا : قصي ، يا قصي …
قصي : نعم ماما ، شوفيه …
رولا : مالك حبيبي سرحان ….
قصي : و لا شي ، ماما بس إتذكرت شي في الدراسة …
رولا : عم تعب حالك ، الله يوفقك …
في هذا الوقت اجت تالا و هلا و لعندهم و معاهم الصندوق …
دعاء : وينك رحتي يا تالا ، كل اللي طلبته تجيبي صندوق …
تالا : بعرف ماما ، بس صار معي موقف …
دعاء : و شو هو الموقف …
تالا : ماما بعدين بخبرك …
دعاء : هلق خبريني تالا و قدام خالتلك ، شو هي غريبة بنتي …
تالا : مو هيك ماما ، خلص راح اخبرك ، في صورة لولد صغير
موجودة جنب أوضتي …
دعاء : هاي صورة إبن خالتك المتوفي …
تالا : بس حاسة بشعور غريب و كأن هذا الشخص شفته قبل هيك …
دعاء : تالا تعالي أقعدي وبلاك من أحاسيسك …
قعدت تالا جنب إمها و فتحت الصندوق …
مسكت ورقة وفتحتها …
دعاء : تالا شو مكتوب جواة الورقة …
تالا : مكتوب عليها تاريخ ميلادي ، وهي ورقة ثانية بتاريخ ميلاد هلا …
دعاء : طيب شفتي الصور ، تالا …
تالا : لا ، ليس هلق بشوفها …
مسكت تالا و قعدت تتطلع عليهم و فجأة شافت نفس الصورة المعلقة …
تالا : ماما عندي سؤال ، كم المفروض يكون عمر صاحب الصورة …
دعاء : 23 سنة تالا ….
و فجأة خطر في بالها لؤي و صارت تتذكر شكله …
هلا : تالا ، وين رحتي حبيبتي …
تالا : و لا لمكان هلا …
هلا : بشو كنت بتفكري …
تالا : هلا ، عم بتذكر لؤي تعرفي بشبه كثير صاحب الصورة …
هلا : لؤي ، بتحكي عنجد …
تالا : أه ، هلا إتذكري شكله بتلاحظي الشبه …
دعاء : يا بنات شو وين وصلتوا …
هلا : ماما ، بتذكري مرة حكيتلك عن شب خبط مرة بتالا …
دعاء : و لا مرة حكيتلي ، مين هذا الشب …
هلا : هذا شب خبط في تالا ونحن طالعين من القاعة ، و إعتذر منها …
دعاء : طيب ، شو ماله …
هلا : الصراحة ، بشبه كثير صاحب هاي الصورة …
دعاء : إنتي متأكدة هلا …
هلا : أه ماما و اللي لاحظ هذا الشي تالا …
دعاء : تالا ، بتعرفي شو إسمه …
تالا : أه ، ماما إسمه (لؤي) …
يتبع .
