رواية غلبني حبي لها كاملة وحصرية بقلم كيان احمد
غـلبـني حـبـي لـهـا..
الفصل الاول:
كنت بجري فالشارع وانا مش مصدقه كلام بابا وانه ممكن يدمر حياتي بالطريقه وعايز يجوزني صاحبه اللي بيتاجر فالمخدرات وكمان قد ابويا كنت بجري والدموع انهمرت فـ عيوني لحد مالقيت ضوء ابيض جه ف عيني ومن بعدها ماحستش بنفسي
آسر بحده: وسعو اما نشوف الانسه اللي رمت نفسها قدام عربيتي
آسر وهوا بيقرب عشان يشلها ويوديها المستشفى سرح ف ملامحها قد اي هي جميله بس باين علي وشها الحزن، بعدين فاق لنفسه وشالها وحطها فالعربيه وراح بيها المستشفى
♡♡♡♡♡♡♡♡♡♡♡♡♡♡♡♡
في مستشفي احمد..
الدكتوره: الانسه بخير هي بس اغمى عليها من الخضه او أثر الوقعه تقدر تتفضل تشوفها
آسر: تمام شكرا
آسر دخل عند زينه فضل سرحان فـ عيونها وانبهر من جمالها ولكن مبينش ده
آسر: حمدالله على سلامتك ي آنسه، المره الجايه ابقي ركزي و أنتِ ماشيه فالطريق
زينه بعصبيه: أنتَ كمان بتتكلم المفروض تتأسف عاللي عملتو
آسر بعصبيه: اظن مش انا اللي كنت ماشي فالشارع وبجري ووقفت قدام العربيه وتاني مره و أنتِ بتتكلمي معايا اعرفي بتتكلمي مع مين والزمي حدودك
زينه بحده وبتعلي صوتها: لا والله انت عارفه حدودي فين كويس بس في اوقات بنكسر فيها الحدود مع الناس قليله الذوق اللي زيك
آسر: انا مش هرد عليكِ عشان أنتِ فالمستشفي بس حسابك معايا بعدين وقومي يالا عشان نخلص من ام الموضوع واوصلك
زينه سرحت افتكرت كلام ابوها وانو هيجوزها لابن صاحبه غصبا عنها وقالت ف نفسها انا مستحيل ارجع البيت تاني مستحيل
آسر بحده: ممكن نخلص عشان مش فاضي
زينه بعصبيه وبتعلي صوتها: انا مش مستنيه منك حاجه أصلاً ومطلبتش منك توصلني اتفضل امشي
آسر بنرفزه وهو بيمسك دراعها: وطي صوتك و أنتِ بتكلميني وإلا والله اكسر المستشفى فوق دماغك وانا غلطان أصلاً اني بعمل معاكِ معروف اولعي
زينه بخوف: سيب ايدي لو سمحت
آسر ساب ايديها وخرج ورزع الباب وراه
زينه فنفسها: هوا مفكر نفسه مين عشان يكلمني بالطريقه دي وقامت وحاولت تمشي ولسه بتفتح الباب داخت وكانت هتقع بس ايد أحمد اخوها لحقتها
أحمد بقلق: زينه أنتِ بتعملي اي هنا أنتِ كويسه ي حبيبتي
زينه بتحضن اخوها: انا مش كويسه خالص والله وقالت وهي بتعيط بابا عاوز يجوزني صاحبه اللي قد ابويا وكمان تاجر مخدرات أنت متخيل ي احمد
أحمد بعصبيه: أنتِ بتقولي اي انا مستحيل اسمح ان ده يحصل وانا غلطان اني سبتك تعيشي معاه من البدايه، ولو على جثتي أنتِ هتيجي تعيشي معايا وتنسي ان ليكِ اب اسمه محمد عاصم
آسر كان واقف بعيد وشايف زينه وهي فحضن احمد واتكلم بسخريه: عملالي فيها محترمه وبتقولي سيب ايدي قال انا هخليها تندم على اسلوبها وطريقتها معايا….
