رواية غلبني حبي لها الفصل الثاني 2 بقلم كيان احمد
غـلبـني حـبـي لـهـا..
الفصل الثاني:
آسر روح البيت ومريم جريت عليه بقلق آسر اتأخرت كده ليه ومحضرتش الاجتماع ليه كنت قلقانه عليك
آسر بحنيه: متقلقيش ي حبيبتي انا بخير، المهم عملتي اي انهارده ف الميتينج
آسر بملل: بدأنا غرور زي كل مره
مريم بشك: برضو مقولتليش كنت فين
آسر: انا هطلع اخد دش وانام عشان مش قادر وبكره هحكيلك كل حاجه يمريومه
مريم: ماشي ي حبيبي تصبح على خير
آسر: و أنتِ من اهل الخير ي حبيبتي
آسر طلع اوضته وبيقلع الجاكت لاقه بطاقه وتيلفون زينه معاه وافتكر ان لما اغمى عليها حاجتها كانت معاه
آسر فنفسه: ي ترا حكايتها ايه حاسس ان وراها حاجه كبيره وقريب هعرفها،وبعدين فاق وسأل نفسه وقال هوا انا مهتم بيها ليه وشاغل بالي ليه أصلاً؟
آسر خد دش وقعد عالسرير ومسك تيلفونها وشاف صورتها فالخلفيه وجواه مشاعر متلخبطه فضل سرحان فجمالها اللي دوب قلبه مع أن كل البنات هتموت عليه لكن ولا مره بنت شدت قلبه زيها… “
♡♡♡♡♡♡♡♡♡♡♡♡♡♡♡♡♡
عنـد زيـنه…
احمد: زينتي عامله اي ي قلبي بقيتي احسن
زينه بابتسامه شاحبه: الحمدلله ي حبيبي ثم اكملت بدموع ربنا يخليك ليا مش عارفه من غيرك كنت هعمل اي والله
احمد: ويخليكي ليا ي زينتي طول منا معاكِ مش عاوزك تخافي اتأكدي اني هفضل دايماً جنبك وسندك فالحياه
زينه وهي بتحضنو وده اللي انا متأكده منه ي حبيبي أنتَ حقيقي احسن اخ فالدنيا
احمد: و أنتِ زينه حياتي كلها ي زينتي
احمد: المُهم كنت عاوزه اقولك حاجه
زينه باهتمام: قول ي حبيبي
احمد: المفروض اسافر بكرا عشان عندي عمليه برا البلد عاوزك تخلي بالك من نفسك وانا إن شاءالله مش هطول وهرجع ف اسرع وقت وكمان هحطلك حراسه قدام باب الفيلا
زينه بقلق حاولت ان تخفيه: ماشي ي احمد ربنا يوفقك ويرجعك بالسلامه ي حبيبي
احمد: يالا نامي ي حبيبتي عشان أنتِ تعبتي انهارده، تصبحي على خير ي زينتي
زينه بحب: و أنتَ من اهل الخير ي حبييي
♡♡♡♡♡♡♡♡♡♡♡♡♡♡♡♡♡
فاليوم التالي عند آسر…
آسر صحي الصبح واخد دش وراح قعد فالمكتب واتصل على صديقه مراد
آسر: صباح الخير
مراد بمرح : صباح النور ي نجم
آسر: يخربيت ام لسانك في ضابط مخابرات يتكلم بالطريقه دي
مراد بمزاح: الله ي بيبي ومالها طريقتي ي آسورتي
آسر بملل: مفيش فايده، ثم أكمل بجديه: عاوزه تجبلي كل المعلومات عن بنت اسمها زينه محمد الصاوي ف اسرع وقت
مراد بشك : وعاوزها ليه شكلك وقعت ومحدش سما عليك
آسر بعصبيه: انا مش فاضي للكلام الفارغ ده هاتلي كل المعلومات وابعتهالي زي ماقولتلك
مراد بمزاح: هدي نفسك ي ي اسورتي مفيش حاجه مستاهله وحاضر دقتين وهبعتلك كل حاجه
آسر بنفاذ صبر قفل السكه
ستووب…
(مراد العدوي صديق آسر المقرب شاب يبلغ من العمر28عاماً ذو بشره بيضاء وعيون عسليه، خفيف الدم ويحب الضحك والمزاح)
بعد مرور وقت…
مراد اتصل على آسر
مراد: أنتَ كنت تعرف دي تبقا مين؟؟
آسر:…
مراد بجديه: دي تبقا بنت محمد الصاوي رجل الاعمال وتاجر المخدارت اللي احنا ماسكين قضيتو
آسر بصدمه أنتَ بتقول ايه..
يتبع….
