رواية غلبني حبي لها الفصل الثالث 3 بقلم كيان احمد
غـلبـني حـبـي لـهـا
الفصل الثالث:
غـلبـني حـبـي لـهـا..
الفصل الثالث:
آسر بصوت منخفض لكن حاد: أنت متأكد من المعلومات دي يا مراد؟
مراد بجديه: أيوه يا آسر، دي بنته الوحيدة من مراته اللي سابته من زمان. وأنا كمان لسه عارف إن أبوها بيدور عليها بجنون من امبارح. شكلها هربت منه!
آسر حس بغليان في دمه، افتكر عيون زينه الحزينة، نظرتها المليانة خوف ، وافتكر كمان عنادها معاه وجرأتها عليه. هي مش بنت تاجر مخدرات! على الأقل مش بالطريقة اللي متخيلها.
آسر بحزم: أنا لازم أعرف الحكاية كلها، والبنت دي مش هسيبها لحد ما أفهم كل حاجة!
♡♡♡♡♡♡♡♡♡♡♡♡♡♡♡♡♡
عند زينه…
زينه كانت قاعدة في أوضة أحمد، بتحاول تهدى نفسها بعد سفره. كل اللي حصل كان فوق طاقتها، بس كانت واثقة إنه مش هيخذلها. فجأة، الموبايل اللي جنبها رن، رقم غريب.
زينه بتردد: ألو؟
آسر ببرود: لسه عايشة؟
زينه شهقت لما سمعت صوته، افتكرته أول ما شافته، نظراته الحادة، وطريقة كلامه اللي كانت بتعصبها.
زينه بعصبية: أنتَ عاوز إيه؟
آسر بحدة: عاوز أقابلك، حالًا!
زينه بسخرية: إنتَ اتجننت تقابلني بصفه اي؟ ليه أقابلك أصلاً؟
آسر ببرود : لأنكِ مش فاهمة اللي بيحصل، ولو فاكرة إنكِ هتهربي من اللي جاي تبقي بتحلمي!
قلبها دق بسرعة، هو يقصد إيه؟ يعني إيه “اللي جاي”؟ هل أبوها عرف مكانها؟ ولا آسر ناوي يعمل حاجة تانية؟
زينه بتوتر: إنتَ تقصد إيه بالكلام ده؟
آسر بصوت واثق: عندك نص ساعة، لو مجتيش هجيبك بطريقتي
وقفل الخط.
زينه حسّت بخوف لأول مرة، بس كانت واثقة إنها مش هتستسلم بسهولة. قررت تروح تقابله، بس المرة دي، مش هتكون زينه الضعيفة اللي هربت، هتكون زينه اللي هتواجه أي حد مهما كان.
♡♡♡♡♡♡♡♡♡♡♡♡♡♡♡♡♡
في الكافيه…
آسر كان قاعد مستني، عينيه مثبته على الباب، وأول ما شافها داخلة، ابتسامة ساخرة رسمت على وشه. كانت جاية بثقة، بس هو كان شايف الخوف في عيونها.
زينه وهي بتقعد قدامه: يلا قول إيه المصيبة اللي بتتكلم عنها؟
آسر وهو بيحط تليفونها على الطربيزة: المصيبة إن أبوكِ بيدور عليكِ، وعاوزك بأي تمن!
زينه اتجمدت في مكانها، وعينيها توسعت، إزاي عرف؟ وإزاي آسر يعرف حاجة زي دي؟
آسر بهدوء غامض: عاوزة تعرفي أكتر؟ يبقى لازم تثقي فيا، لأنكِ لوحدكِ مش هتعرفي تهربي منه.
