رواية غرام في قلب الصعيد الفصل الخامس والثلاثون 35 بقلم اسماعيل موسي
فرك فرغلى شاربه ومرر يده على خده الحليق ثم صعد درجات السلم وهو يفكر سيفتح عليها الغرفه ويفاجأها ولن تتمكن من مقاومته
فلتشتم
انتهت الحلول السلميه ان سلاحه جاهز تماما للمغامره، الرجل لا يكون رجل إلا إذا اخذ انثاه غصبآ مره واحده على الأقل فى حياته
وكان البيت صامت كأنه يستعد لحدث جسيم حتى صوت الطيور اختفى ولم تسمع شقشقة الزرازير فوق فروع الأشجار
لما وصل فرغلى الرواق لمح شخص يقف فى منتصفة
عبد التواب قال انه امر رجاله بالأنصراف، الجدع دا بيعمل ايه هنا
وإيه إلى طلعه عند النسوان؟ كيف يجروء؟ وشعر بالغيرة والنخوه تأكل صدره
فصرخ انت مين وبتعمل ايه هنا، ولأنه لا يمتلك الوقت فأمره ان يرحل وانه سيؤدبه بعد أن ينتهى من سادين ويحفر اسمه فوق جسدها
فين ستك سادين يا ولد؟
انا مليش سيد غير إلى خلقنى يا فرغلى!!
صرخ فرغلى، وتعرف أسمى؟ لابد انك غبى لأنك تعرف ما يستطيع فرغلى ان يفعله بأمثالك
انطق فين ستك سادين
ابتسم الشاب تحت لثامه ومع ابتسامته تذكر فرغلى الماضى القريب
فوق المنصه عندما صعد شاب ملثم إلى الساحه وقاتل جوار صقر
صرخ فرغلى امشى قبل ما أقتلك انت فى حرم النسوان وملكش ديه!!
صرخ الشاب وانت ماذا تفعل فى حرم النسوان يا رجل؟
ليس شأنك همس فرغلى بتردد
لو كنت عايز سادين لازم تتعدانى الأول، انا هنا أقف حائل بينك وبينها، وسادين لن تكون لأحد اذا لم يتمكن من عبورى
بقا عبد التواب جايب راجل يحمى سادين وعامل عليه شريف؟
ولا تكنش سادين أجرت الراجل دا يدافع عنها؟
لا هذا الرجل ولا غيره يمكنه إيقاف فرغلى، وكان فرغلى قد آتى بيد فارغه ولم يتوقع خيانه لوح الشاب بعكازه وقرب من فرغلى
وفرغلى يفتح عينيه بغضب لأرعابه، واصل الشاب تقدمه بثبات حتى أصبح على بعد خطوات من فرغلى وصرخ انت جبان وقذر
انت، انت مش خايف منى؟ صرخ فرغلى بعزم صوته
لكن الشاب لسعه بالعصا فوق جسده وعندما ركض فرغلى تجاهه غرز العكاز فى معدته وضربه على ظهره ضربه قويه
جعلته يصرخ من الألم
حاول فرغلى ان يقاوم فصرخ اهذه مرجله؟ تضرب انسان اعزل وانت محتمى بعكازك
انت مش انسان يا فرغلى انت شيطان، إلى يأتى بغرض اخذ حرمه غصب يبقى حيوان
ثم القى بعكاز تجاه فرغلى، امسك عكازك يا فرغلى وادينى كلمة راجل
لو انتصرت عليك لن تحضر لهذا المنزل مره اخرى مهما حدث
نزع فرغلى جلبابه
انت مش محتاج وعدى لأنك هتموت قبل ما انفذه
وامنحك وعدى رغم ذلك
وسط الرواق الضيق دارت معركه بين فرغلى والشاب الملثم
معركه استمرت أكثر من ساعه حتى ضرب الشاب فرغلى فى ركبته ولم يستطع المشى عليهآ
ثم ساقه الشاب الملثم بالعصا حتى اوصله الشارع وفرغلى يركض مثل النساء
حس فرغلى بعار كبير لكن عزائه ان مفيش حد شاف إلى حصل وقف فرغلى دقيقه لحد ما قدر يمشى على رجله وابتعد عن البيت، مشى تجاه بيت شيخ البلد
الذى استقبله على الباب
ها عملت ايه يا فرغلى؟
وفكر فرغلى اذا كان عبد التواب ارسل هذا الرجل ليقلل من قيمته فأنه لن يعترف بذلك
فرفع يده بحكمه، بقى انت يا شيخ البلد فكرت انى ممكن اخد سادين غصب؟
دى مهما كانت بنت شيخ البلد وانا اعرف الأصول وانت يا عبد التواب تستحق منى افضل من كده
انا روحت البيت فعلا لكن ضميرى ونخوتى وشهامتى منعتنى ان أفعل شيء
احترمتك يا عبد التواب ولابد ان تحترمنى
برافو عليك يا فرغلى والله، لكن احترمك ازاى؟
توفى بوعدك يا شيخ البلد، اتجوز سادين بعد شهور العده زى ما الأصول والشرع بيقول
بسيطه يا فرغلى انا قلتلك سادين لك، بس انت متسرع مش صابر
ثم همس عبد التواب، لكن السر إلى بينا مات؟ انا وفيت بوعدي وصرفت الرجال من بيت سادين
تمام يا شيخ البلد اسيبك تهتم بشؤن القريه ربنا يساعدك ويقدرك على فعل الخير
وفى الطريق فكر فرغلى اذا كان عبد التواب لم يرسل الرجل إلى بيت سادين، من يكون هذا الشاب؟
وكان الأنتقام يتلوى فى عروقه فذهب إلى البيت واحضر بندقيته
اخذ طريق الحقول بعيد عن الناس، سيقتل هذا الشاب وتكون سادين ملكه ثم اقسم ان يأخذها غصب مهما حدث
خلف البيت كمن فرغلى حتى تسلل الليل وكانت سادين قد صرفت الخدم واقسمت ان لا يخدمها احد طالما وافقو قرار عبد التواب وتركوها بمفردها
فكان البيت خالى مثلما تركه فرغلى، راقب فرغلى البيت بتركيز وراقب شرفاته ونوافذه ولم يلمح اى شخص يخرج او يدخل منه
وكانت الغيره تتلوى فى صدره أكثر من الأنتقام، فهناك شخص آخر يرتشف من رحيق سادين ويرتع فى أرضها كيفما شاء، انه لا يعرف كيف قبلت سادين بذلك لكنه يعرف
انها طالما سمحت لشخص ان يقتحم حصونها فأن هذا يمنحه الحق ان يكون الآخر
وكان واحد من رجاله يراقب المنزل من الناحيه الاماميه
واذ لمح شاب يخرج من هناك سيصرخ مثلما أمره فرغلى
سيفضح سادين وشيخ البلد ولن يجدو امامهم شخص شهم سوى فرغلى يدارى على الفضيحه
وانها ليست المره الأولى لسادين فقد سمحت لصقر ان يحتضنها ويأخذها الناس كلها تعرف ذلك
اما ان يقتل الشاب واما يفضح سادين ولن تمر الليله الا وسادين فى حضنه ، على فراشه تتلوى امامه وهو يدخن الشيشه
ولما سكن الليل ولم يخرج الشاب تسلل فرغلى بين الحقول ليتسلق بيت سادين من الخلف وعندما خرج فرغلى من الحقول ووضع اول قدم نحو البيت تلقى ضربة قويه على مؤخرة رأسه اسقطته على الأرض فاقد للوعى.
٣٥
يا حضرة شيخ البلد احنا لقينا فرغلى واقع من طوله وسط الزراعات عند بيت ست سادين البحرى !!
ومين إلى ضرب فرغلى؟ صقر مش هنا، وعوض العلاف الله يحرقه مطرح ما راح مش هنا
يكونش إلى فى بالى؟ ولد يا فحتى امشى انجر ابعتلى الراجل إلى كان بيراقب بيت سادين بسرعه
حاضر يا شيخ البلد وركض فتحى إلى البيت البحرى
خدو فرغلى على بيته، إلى يسأل قولو انهزم فى لعب العصا
ثم فكر عبد التواب فى سره انا مكنتش مصدق حكاية فرغلى امبارح، الراجل طالما نوى على حرمه عجابه مفيش حاجه تقدر تمنعه الا الدين وفرغلى معندوش دين، وبعدين دا كان ماشى بيعرج يكنش فاكر انى ما اخدتش بالى؟
__________
ايه يا هباب البرك انت واقف قدام بيت ستك سادين مش شايف حاجه؟
تكونش اتعميت ولا اتعميت!؟ صرخ شيخ البلد فى الرجل
مين دخل وخرج هناك يا زفت انت
مفيش يا شيخ البلد انا مشفتش اى شخص داخل عند ست سادين غير واحد بس وهمس بصوت واطى فرغلى
وبعدها خرج يجر فى رجلة زى ما يكون لسعة عقرب او عضه تعبان
متأكد يا وله انى مفيش حد دخل بست ستك سادين؟
ايوه متأكد يا شيخ البلد زى ما انا شايفك كده بالضبط
يبقى الموضوع فيه انه كبيره وشكلها هتطربق على الكل
______________
يا شيخ البلد فيه واحد من الجزيره الوسطنيه طالب يشوفك لأمر هام
بقا انت يا فتحى بتلوى لسانك إلى عايز ينقطع وتقول أمر هام ؟ فاكر نفسك بندرى يا ولا ولا ايه؟
العفو يا شيخ البلد احنا بنتعلم منك، الكل لابد أن يتعلم من شيخ البلد، ويتعلم من كل مسؤل فى السلطه مهما كانت الطريقه التى وصل بها، لأن المسؤل يعرف أكثر من الناس العاديين والا مكنش وصل مكانته المرموقه
طاه والراجل دا عايز ايه؟
وبعدين دا مش فى دايرتى؟
بيقول انه قريبك من بعيد يا شيخ البلد
ايوه انا عارفهم الناس إلى بيحبو يتلزقو دول، اديله وجبه وخليه يمشى
ولا اقلك اديه خمسين جنيه
خمسين جنيه حته واحده يا شيخ البلد؟ وكان فتحى يعرف ان شيخ البلد معفن وبخيل إلى حد بعيد
ايوه خمسين جنيه، هو مال ابوك يا وله أجرى نفذ الأمر
وعاد فتحى بعد دقيقه يخبر عبد التواب ان الرجل يقول انه ليس متسول ولا فقير
وانه يريد شيخ البلد لأمر هام
خليه يستنى فى المنضره لحد ما ارجع، انا ورايا مشوار صغير وهرجع، اصل انا شيخ البلد برضك ولازم اهتم بشؤن الناس
ثم مشى عبد التواب بمفرده ولم يأخذ احد معه من الغفر او رجاله، حتى وصل بيت من الطين اللبن صفع بابه بعكازه
انفتح الباب وظهر منه وجه رجل خنقته الحياه
شيخ البلد؟ يا أدى الهنا يا أدى الهنا، اتفضل يا شيخ البلد نورت البيت
نظر عبد التواب إلى المصطبه الحقيرة المفروشه بالقش
وهمس ها عملت ايه؟
لسه البت منشفه دماغها يا عبد الحميد؟
لسه يا شيخ البلد، انت عارف بنات اليومين دول لازم تكون موافقه على العريس
أدى آخرت إلى يودى بناته إلى الجامعات يا عبد الحميد
بقا يا راجل مش خسارة المال إلى ضيعتة على تعليمها وافسد دماغها؟
لو كنت اشتريت بيه بقره ولا جاموسه مش كان زمانه حملت دلوقتى وولدتك عجل تبيعة وتاكل من ماله؟
إلى حصل بقا يا شيخ البلد، دى بنتى الوحيده وكانت متشعلقه بالجامعه ومرضتش اكسر خاطرها
ودخل عبد الحميد ياخذ رأى ابنته مره اخرى والتى رفضت شيخ البلد لانه كبير فى السن ومتزوج ولا يناسبها
وخرج عبد الحميد برأس منحنية يهمس البت منشفه دماغها يا شيخ البلد
منشفه دماغها يعنى ايه؟
ثم ابعد عبد الحميد والد الفتاه بعصاه ودخل إلى غرفة شيماء التى كانت تجلس مع والدتها
اطلعى بره يا تحيه انا عايز اقول كلمتين لبتك
خرجت تحيه وانفرد عبد التواب بشيماء التى نهضت بتصميم واخبرت شيخ البلد انها لن تتزوجه مهما حدث
ابتسم عبد التواب وهمس بشوقك يا شيماء يا عاقله يا راسيه
انا برضه اعرف شرع الله ومش ممكن اغصبك على الزواج
وعندما وصل منزله امر رجاله ان يشعلو النار فى الأربعة قراريط قمح ملك عبد الحميد، واشتعلت النار ولم تبقى سوى الرماد ووصلت حقل على علاقه المجاور لأرض عبد الحميد واطفأها النار بالعافيه
وفى التحقيق الذى اجراه شيخ البلد فى حضرة القانون اتهم على علاقه عبد الحميد بحرق زرعه عن عمد لخلافات فى الجيره
وكان عبد الحميد عندما جره الغفير نحو المركز يصرخ بقا يا خلق الله احرق ارضى وزرعى علشان أضر جارى؟ بقا دا كلام يعقل
وفى النيابه حبس عبد الحميد أربعة أيام على زمة التحقيق
وكان اهل القريه يعرفون ان من يذهب إلى الحبس من أهل القريه لا يعود مره اخرى
_____
ركضت شيماء نحو منزل شيخ البلد وكان يجلس وسط الرجال والاعيان
دخلت مندفعه وقبلت يده وترجته ان يخرج اباها من السجن
وكان عبد التواب يبعد يده ويصرخ معاذ الله
ووعد شيماء ان يبذل كل جهده لاخراج والدها وان هذه وظيفته مساعدة الناس الغلابه والفقراء
همست شيماء خرجه يا شيخ البلد واعمل إلى انت عايزه
رفع شيخ البلد يده انا هكلم المركز ولن اترك المأمور حتى يخرجه
ولم يكلم شيخ البلد المأمور ولا غيره فقد كان منشغل بالآعيان فى منضرته
ومر يوم وعبد الحميد فى الحجز وقال المحامى ان التهمه لابسها ولا مفر من السجن
وقبل عودة شيماء من المركز مر عبد ألتواب على بيت عبد الحميد ووعد تحيه ان يبذل كل ما فى وسعه لاخراج زوجها
ان الخلافات الشخصيه لن تعيقه عن تأديت عمله
ولما وصلت شيماء دامعه، باكيه قبلت يد شيخ البلد وترجته ان يخرج والدها وقالت انها ستنفذ كل ما يأمر به فأحضر عبد التواب المأزون وكتب عليها ودخل بها فى بيتها قبل أن يذهب إلى المركز ويحضر عبد الحميد فى يده
_____
الراجل لسه منتظر يا شيخ البلد
بقا الراجل لسه قاعد من الصبح هنا +؟
دخله نشوف وراه ايه؟؟
وقف الرجل امام شيخ البلد وعرفه بنفسه فقد كان قريبه من بعيد
ثم قال ان صقر ابن أخيه وشخص اخر موجدين فى بيت احد رجال الجزيره وانه كان يعرف جبر والد صقر ويعرف انهم يبحثون عنه
ابتسم عبد التواب وشكر الرجل واقسم ان يتناول العشاء معه نظير الخدمه التى قدمها إلى الحكومه والشرطه
