رواية عقارب ذوي القربي الفصل الخامس عشر 15 بقلم انين الليل
مها
راحت حلا هيه وابنها الغرفتها وروان ورهف هم راحن ايبدلن وانا اخذت ملاك غسلت الها وبدلت ملابسها
ورهف اجت يمي وهيه تگلي
اليوم شبعت كلش وشربنه ببسي ورحت لعبت بالسرسيحه عفيه مها اخذينه دووم
ما جاوبتها لان انا بغير عالم شفت رهف تهز بايدي // مها مها روان اتصيحج
انتبهت جاوبتها = ها وليش ما تجي اهنا
– – روحي شوفيها شتريد انا ابقى يم بيبي
ما رديت رهف كالت // مها جاي اكلج روحي انا باقيه يم بيبي
هزيت راسي = اي اساسا هيه نايمه
رحت الروان = ها شرايده
روان اتقربت // شبيج مها باچيه
بلعت ريگي = لا شنو باچيه ما بيه شي
– – عيونج غاديات دم او وجهج اصفر
= تعبانه ما بيه شي
اتقربت مني وگالت //هاج مها
(شفت علاگه بايدها ملفوفه ). سالتها = شنو هاي
– – هاي لفة كباب جبتها الج
= منين ؟
روان //مو سهيل جاب كباب انا سويتلي لفه واللفه الثانيه ضميتها الج
ابتسمت = لا حبيبتي اتعشيت
روان // مي خالف الخاطري اكلي والله رحت ورجعت ضايجه لان انتي مو ويانه حبابه اخذيها واكليها
اخذتها صرت اعض اللگمه واصير الوج بيها بس ما اگدر ابلعها الوج بيها وانا دموعي تنزل روان حضنتني
وهيه تسال // شبيج مها منو وياج
رديت وانا ارجف = ليش
– – شنو ليش
= ليش احنه من دون البنات امنه مو زينه وابونه يشرب عرك
روان ضحكت وكالت // هيه بس هاي والفقر والجوع والملابس القديمه الي الناس تنطيها النه
صرت اناشغ وانا ابدي اسولف الروان على الي صار وياي بس خفت من سليم ينفذ تهديده
هيه حضنتني وكالت // اذا انتي موجوده بحياتنا ما نحتاج لا ام ولا اب اصلا ما نحتاج بس الله وانتي
زدت بالبجي وانا اكللها = ياريت اغمض واگعد والگى نفسي چبيره واشتغل وما اخليچن تحتاجن اي واحد
روان // يابعد روحي احنه هسه ما محتاجين بس انتي وانتي يمنه خلص مهاوي اضحكي الله عليج
مجبوره ابتسمت واعرف بكلام روان چذب ويمكن جاي تقنع بنفسها انو ما محتاجه احد ما اعرف شلون غفيت
بذيج الليله ولا شنو الافكار الي مرت بيه وما اگدر اوصف كمية الخوف والرهبه الي اتعرضت الها
اتذكرت كلام بيبي انو انا الچبيره ولازم ادير بالي على اخواتي ولازم اوگف بوجه اي شي يعترض طريقي
ويحاول اياذيني ولازم ما اثق اب اي احد مهما كان قريب علينه لازم نتعامل بحذر ويه الكل
صرت احجي ويه نفسي. = والله كلامج طلع صحيح يابيبي لازم ما اثق اب اي احد
ثاني يوم مثل كل يوم گعدت الصبح وبدا يومي تغسيل وتغيير البيبي واوكلها وابلش شغل بالبيت وطبعا وجود
حلا وحلگها الي ما يسكت
بالليل اجه سليم وكفايه ونور وانا اشوفه شلون يباوعلي ويخزرني ويتوعد لي بنظراته
وعمتي كفايه اسولف ويه حلا نور سالتني // مها عود امس ليش ما اجيتي ويانه
جاوبتها = بقيت يم بيبي
حلا جاوبتها // مو راحن اخواتها اله كلهن يرحن
رديت عليها // وانا ما كلت اروح نور سالتني وانا جاوبت
حلا // ولج انتي شنو هاللسان منتبهه النفسج شلون اتراددين
ما جاوبتها رحت للمطبخ ما عندي شي اسوي بس حسيت بنفسي مختنكه حلا صارت تحچي
– – هاي شبيها مطنگره يراد الها تكسيرة راس
اجه سليم وراي شفته وگفت واحس بريكي يبس اتقرب مني وانا اشوف نظراته الي ما الگى الها اسم غير نگسه
اي نظرات نگسه لان دنت نفسه على بنيه اقل ما تسمى طفله ومو بس هيج هيه بت اخو
اتقرب عليه وهوه ايكلي // شبيج هيج تحچيين ويه عمتج
ما جاوبته بس اباوع اله
اتقرب عليه ولزم ايدي حييل وهو يسالني // مو احچي وياج
انا صرت ارجف هوه ضغط على ايدي ورد باب المطبخ صار كدامه ومد ايده على صدري وصار يتحسس
ونفسه صار عالي وهو يكلي // بت الكلب صايره تخبليين
جاوبته بخوف = عوفني تره اعيط واكل العمتي عليك
هوه خف ايده مني وسالني // شتكليلها
من كلامه حسيت بي متوترانا استغليت الفرصه جاوبته = اكلها رجلج جاي يتحرش بيه
صك على اسنانه /// هههههه ياالله روحي كليلها شوفي شنو اسوي بيج انتي واخواتج
= زين ما طول هالشكل راح اگل الابوي
دفعته ورحت من المطبخ الغرفة بيبي شفت عمه كفايه وحلا كاعدات يسولفن
وروان ونور گاعدات بغرفتنا ورهف ويه ملاك فاتحيلها التلفزيون على طيور الجنه اجيت اكعد وسليم
صاح من المطبخ // تعاي مها
كفايه باوعتلي وهي اتسلس حب الشمس / روحي شوفي عمج شيريد
طلعت من الغرفه وصلت يمه واتعمدت اعلي صوتي = ها عمو شرايد
رد عليه //وجعا تعاي
دخلت ولزمني من ايدي وقربني علي وهو يكلي //شوفي محد راح ايصدكج اذا حچيتي والكل راح يكول
تتبلى عليه واذا تحچين الابوج ابو العرك هم راح الزمه واشبعه كتل واموته
صار گلبي يدك بخوف = عمو الله يخليك شتريد مني
ما اريد شي بس شنو اسوي اتسكتين
= عمو حرام عليك انا بت اخوك
– – لج يا اخوي امج ن…بيجن لمن ما كالت بس انا ما اسويلج شي بس مشتهيج واريد ارتاح وراح كل شي
انطيج وادللج فلوس وطلعات
1
= عمو حرام
– – نصي صوتج ادب سزز وتعاي
قربني اله وحضني حييل وصارت انفاسه اتطخ بيه وهو يحرك جسمه عليه ويكلي
– – اهدي ما عليج انتي انا احبج وراح انطيج فلوس واشتريلج ملابس جديدات
حاولت افك نفسي گتله وانا ادفع بي = عمو عوفني لا اعيط
– – عيطي وشوفي اله اذبحج وبعدين اروح الروان وانوب رهف وحتى ملاك
بذيج اللحظه اتمنيت اقتله بقى لازم بيه وانا ما اكدر ادفعه بعدين هوه تركني وهويتنفس قوي انا رحت
بسرعه للغرفه اتمددت وغطيت وجهي من الخوف وانا ارجف صرت ابجي جوه الفراش انقربت مني روان
سالتني // شبيج مها
ما جاوبتها اجت عمه كفايه للغرفه شالت الغطا عن وجهي انا غمضت عيوني سالتني
// شبيج عمه ليش تبچيين شو اكعدي سولفيلي
سمعت صوت سليم قريب من الغرفه //عوفيها كفايه يمكن صدك مقهوره لان ما راحت انا باجر اجي واخذها
نور // بابا عفيه اخذني وياها
هو رد // اهووو هم لزيتي لا شو اخذها بس هيه
كفايه لزمتني //ياالله شو اكعدي لا تزعليين عمج باجر ياخذج
خفت اكثر لكن بلحظه فكرت وحجييت تلقائيا وانا اشهك // عمه ما اروح اذا انتي ونور ما ترحين ويانه
///////////////
وليش كل احنه حزانه
لايشيل هموم گلبج
يكفي بس انا حزين
يكفي اشيل
همومج هموم الشماته …هموم وكتي
وكلهن بهالرگبه دين
كاظم اسماعيل الكاطع
/////////……///////////
ما اسولفكم عن فرحة عمتي كفايه ولمعت عيونها ومفاجأة سليم واستغرابه كفايه جاوبتني
– – خلص ولا يهمج نروح انا ونور وياج
شفت سليم وهوه يتوعدني بنظراته من راحو بقيت الليل كله گاعده واسولف على بيبي الي جره مره ابجي
مره احچي بحركه وادعي ما اعرف شلون نمت ولا يمته
ومثل روتين كل يوم الى ان اجه المغرب الي اتمنيته ما يجي والي دعيت الله يصير حادث او اي شي يعطل
روحتي لكن بدون جدوى انا اخذت المفتاح وياي وهاي النسخه دووم عندي خصوصا من بنو المحلات
وره ما صليت وكملت بدلت لبست بجامه وقميص وفوكها العبايه الاسلاميه روان كالت
ليش ما تبدلين
= هوه شعدنا وابدل
البسي البنطلون الكابوي الي جابه معين الي
= لا على شنو هذا الكاب كلش كافي
هسه تجي نور لابسه ارقى لبس
= اي ليش لا لان نور عدها ابو يصرف عليها مو الي يحصله يشرب بي عرك وعدها ام تباوع الحلگها شتريد
وشتطلب اتجيبه الها مو ام محتاره بنفسها ونست عدها بنات
روان // ولاتنسين عدها اخوان يموتون عليها
هزيت راسي وصيتها // ديري بالج على بيبي وملاك
ترديني انام يمها
= لا نيمي ملاك يمج واقفلي عليجن الغرفه بيبي ما تحتاج شي
مرو عليه ورحت وياهم ورغم هذا الشي چنت اتمنا (اقصد الطلعه وشويه اغير جو )
لكن ما اكذب عليكم شگد چنت خايفه من سليم وردة فعله واكيد ما راح اسلم من عقابه ومن تحرشه
اخذنه للمتنزه وبي العاب ونور بس وصلنه اخذت منه فلوس وراحت ركبت هوه واگف بحجة يدخن لكن اعرف
بي جاي ايباوعلي كفايه انطتني فلوس وكالت // هاج روحي اركبي
انا رحت كصيت كرت ورحت ع السيارات الي تتداعم هذا چان حلمي اركب بيهن وركبت يمكن اللحظه نسيت
الي صار وياي لكن من نزلت شفت سليم يباوعلي ويخزرني ما اهتميتله او بينت ما مهتمتله رحت للمكان
الي كعدنا بي شفت عمتي كفايه گاعده
هيه من شافتني ابتسمت وسالتني // ها حبيبتي ركبتي اشو ما اتاخرتي
عمه ركبت بلعبه وحده الباقيات ما احبهن
اجه سليم وسالني // شنو اجيتي
جاوبته بدون ما اباوع بوجهه = اي اجيت
ما اتاخرتي
= اي عمو ما احب اركب بالالعاب
كفايه // مها عقلها چبير
سليم // اي ذكيه وتفتهم اگلج نور وين (وكعد )
كفايه //نور روحها السفينه اكيد ركبت بيها وهسه تجي دايخه
سليم // روحي صيحيها يمعوده خلي نتعشى انا كلش جوعان
گامت كفايه گتلها = خليج عمه انا اصيحها
كفايه // لا اعرفها اله انا اروح واكللها ابوج صار عصبي ياالله تقبل تنزل
وراحت كفايه بقيت كاعده من شفتها راحت انا وگفت وصرت امشي هو حاچاني //. اوكفي اريد احجي وياج
وكفت وانا اعرف شيريد يگول اكو مصطبه گعدت عليها اجه يمي بقى واكف حاچاني // خوش عندج حيله
جاوبته بترجي = عمو الله يخليك شتريد مني
انتي تعرفين
= عمو حرام عليك حتى لو انا مو بت اخوك بس متسجله باسمه والناس تدري بيك انت عمي
خله اصبعه على حلكه // تؤ تؤ تؤ الناس كلها تدري امچ شنو وشگد م…ه بيچن فخلي الشرف بعيد عنج وعن امج
= عمو انا حتى ازغر من نور حرام عليك هذا الي تسوي
هو يباوع للجهه الي راحت بيها مرته // ما عليج لا تگعدين اتحللين وتحرمين
جاوبته بتحدي = بس هذا الي تطلبه مني ما يصير
هوه گلي // ولچ انا شريد منج ما اريد شي ولج يوم عن يوم تصيرين تخبلين وذاك اليوم من سابحه وطالعه
من الحمام خبلتيني الليل كله ما نمته شعبالج اعوفج
= عمو الله يخليك ان…
سليم // اششش افهمي انا احبج وما اعوفج لو شنو يصير اريد اجي يمج ساعه ساعتين ارتاح واروح ما اسويلج شي
= عمو شنو ما تسويلي شي
هز راسه // اي ما اسوي شي يخربج ماراح … كل شي من بره انتي بس داريني وراح ادللج
من سمعت كلامه خفت اكثر وتهيأتلي امور هواي حاچيته = لا ما اسوي الي تريده والله افضحك
– – هههههه اتفضحيني مره وحده شلون باالله اتفضحيني
گلبي صار يدك واحس نار تطلع من خشمي شفت كفايه اجت هيه ونور باوعتله بتحدي = هسه اراويك شلون افضحك
راسا صحت = عمه عمه تعالي (واشرت الها )
شفت وجهه صار ما يتفسر اجت كفايه هيه ونور سالتني // ها مها شرايده
باوعتله وجاوبتها = تعاي عمه اسمعي عمي سليم شيگول
هي باوعت السليم الي چان مذهول من تصرفي سالته // ها سليم شچنت تكول المها
هو بقلة صبر // شچنت اكللها ما گتلها شي
هيه باوعتلي مستفسره انا جاوبتها وانا ابتسم واباوعله وخاله عيني بعينه
= عمه ايگلي (شفته شلون عيونه تتوسلي بس ما احچي ) عمه ايگلي ها عمو اگوول
كفايه // يا دا احچي
= عمه عمي سليم ايگول اااخ لو تعرفين شگد احب عمتج كفايه وما ابدلها بنسوان البصره كلها
سليم جر نفس وكفايه صارت تضحك بخجل وهيه تساله // يا سليم هيج تحچي المها
سليم بارتباك // شعندي غيرج ام سهييل تدرين بيه احبج
نور // ماما لا ايچذب عليج شنو ايكول بس نسوان البصره
هو رد – – هههه عمي نسوان العراق كلهن بعد شتردين
كفايه // ياالله انته مو جوعان
هوه يخزر بيه ويتوعدني ويهز براسه // ياالله خلي نتعشى ونمشي
نور // بابا بعد وكت
هوه ايباوعلي ويگلها // لا بابا هم ياالله بت عمج تگول بيبيتج ابحدها
نور بقلة صبر // اووو هم انحسبت علينه طلعه
سليم // بابا لو ما بت عمج مشغوله جان ما خليت مكان ما اخذتج اله
كفايه // انتي مو امس طلعتي ويانه وهاي الطلعه الخاطير مها انتي ما تشبعيين
سليم // ياالله امشو خلي نتعشى
اخذنا للمطعم وهو يخزرني دخلنه وطلب وصرنا ناكل وبيومها سليم گعد ابصفي ويحاول ايطخ جسمه عليه
اكلت شويه وكفايه سالتني // ليش ما اكلتي
= عمه الحمد لله اكلت
سليم // ياالله اذا كملتو خلي نطلع
بالطريق جاب النه ببسي نور حچت // بابا بعد وكت فرنا
مو باجر وراج دوام
مي خالف خلي نفتر بعد وكت
سليم // تدلل نور
كفايه بضحك // وحتى مها
هز راسه // اي مها مو بس تدلل لا مها تأمر امر
جاوبته = شكرا عمو
ما اعرف وين ودانه كل شويه اينزلنه بمكان واخذنا ع الشط چانو بس شباب يمه هوه كال
— هذا الشط غدار ياما بلع ناس وحتى الي يريد يتخلص من واحد ايكتله ويثگله بصخر ويذبه محد يلگا
نور // اوو بابا خوفتني
— طبعا لازم اتخافن وما تتقربن من الشط ابحدجن
كفايه// اي والله سليم مثل ما تگول
هوه گعد ونور وكفايه هم كعدن وانا بقيت واكفه باوعتلي كفايه حاچيتها
= مو اتاخرنه
سليم // لا بعد وكت
= مو عندي مدرسه ولازم اكعد من وكت اغسل البيبي واشربها شويه حليب
نور // يعني مها عبالك بس انتي الي مداريه بيبي لعد عمتي حلا وروان شنو ايسوون
كفايه // اي نور كل تعب عمتي على مها
نور // هههه اشو كل الي نلزمه يگول تعبان وتعبان ما عرفنه
كفايه // ياالله سليم خلي نروح
وورغم انا چنت اتمنى اطلع واكل بالمطعم والعب واشتري لكن خوفي من سليم ونظراته
خلني انسى كل هذا الشي وارجع للبيت هوه وصلني بالبدايه استغربت من تصرفه لان جنت الطريق كله وانا
خايفه خاف اينزلهن هنه اول شي لكن هوه نزلني وكلي
بس كون قابله
انا ما رديت علي لان اعرف هوه شيريد مني دخلت للبيت باوعت من الشباك شفت اخواتي نايمات
وروان منيمه ملاك بحضنها رحت طفيت ضوه الصاله ودخلت الغرفة بيبي
شفتها نايمه اتعجبت على حلا شلون الها گلب تعوف بيبي بهاي الحاله الوحدها وعرفت بان حلا معتبره بيبي
انسانه ميته انا نزعت عباتي الاسلاميه واتمددت بين التعب والضوجه وكلام سليم يرن اباذني
اريد اغفى لان كلش تعبت بهاي الاثناء اب ايد اتخلت على حلگي وسحبني للدرج عرفته سليم صرت احاول
اوخر ايده مني لكن ما گدرت وهو يسحبني ع الدرج وانا مفرفحه ابين ادي
دخلني للغرفه وانا ارجف مثل السعفه شمرني ع الكاع بغرفة ابوي الي جانت خاليه بس من فراشه
فتح الكلوب وهوه لازم شعري ويگلي //شنو عبالج اعوفج انا مثل امج الي اشتهي لازم اضوكه
احس صوتي راح وهو يتوعدني بكلامه // عيطي ياالله حتى وحده وره الثانيه اغتصبچن واكتلجن واگول لگيتهن
ميتات داخله عصابه عليهن او هنه مصادقات ودخلن صحبانهن
صرت كوه اتنفس وانا اترجا وابچي = عمو الله يخليك ان…
هو قاطعني ويكلي // لا لا تبچيين ولا تتوسلين انا اتوسلج احبج مو اب ايدي تعرفين شنو احبج
اتشجعت وجاوبته = اذا لزمتني واعتديت عليه اكتل نفسي
اتقرب مني // منين اجاج الشرف من نهله اكتلي روحج المهم احصل الي اريده وما دام قررتي اتكتلين نفسج
معناتها كل شي راح اسوي وياج وما امنع نفسي من اي شي واكيد من اتكتلين نفسج يعرفوج سويتي هالشكل
لان انتي بالاساس مو ابنيه وخفتي لا اهلج يدرون ويكتلونج عاد انتي انتحرتي
هوه اتقرب مني كتله = راح اعيط
ضحك باستهزاء //عيطي انا جنت شاك بيچ عندج علاقه بصعداتج فوك السطح بس راح اسجنج بالغرفه
وبااثناء هذا الشي اجي واسوي وياج الي يعجبني وبعدين اخلي حليم ابو العرك ايكتلج
اتفاجات من كلامه = عمو انت اتخبلت شبيك
هز راسه // اي اتخبلت اتخبلت عليج اريدج مو اب ايدي
عرفت انا بعد ما الي اي وسيله للخلاص يمكن استسلمت هوه اجه يمي انا وكفت لزمني وحضني وهوه ايشاورني
– – ايي هيج اريدج خلينه ننسى كل شي ونرتاح حتى اسويلج الي تردينه
فكرت بكلمته حچيت باستسلام = الي اريده الي اريده
– – اي كل شي تردينه
بقى حاضني ونفسه قوي = تسويلي تحليل نسب واذا طلعت مو بت حليم تتزوجني
هو جاوبني /|كل شي اسويلج بس انتي ريحيني
= اي مي خالف بالاول نسوي تحليل النسب
هوه رد بعصبيه وهوه يهزني من اجتافي // شبيج انتي
وحضني حييل انا دفعته لكن هوه بي وما يضغط عليه ويريد ايبوسني حررت ايدي الي صار كل قوتي بيها
راد يبوسني بعدت وجهي ودفعته ما اعرف بذيج اللحظه غرزت اضافري بركبته رغم هنه مو طوال بس مثل
ما كلت كل قوتي صارت بايدي خرمشته حييل ما هدني وهوه بس يغلط ما ادري شلون عضيته اب ايده
عضه قويه بحيث تركني هو يمكن لزم ايده او ركبته وانا نزلت من الدرج اركض ودخلت للغرفه قفلتها
وانا احس كلبي يريد يطلع من الخوف
اجه دك دكات خفيفه وهوه ايكلي
انتي الي جنيتي على نفسج لا تتصورين راح ارحمج انا الج يابت الكلب
ما رديت بس نفسي يصعد وينزل بقيت الليل كله وانا افكر شسوي والمن احچي ومنو راح ايصدگني
ابوي ولا يمنه سواء حچيت او لا العرك والحبوب ما خذات كل وكته
وحلا ما راح تسوي شي هاي اذا ما خلتهم ايكتلوني او شجعت سليم على اغتصابي لان اتذكر كلامها
بس يكبر ابني اخلي يغتصبهن وحده وره الثانيه
احجي المعين اكيد ما راح ايصدكني وانا اشوف بعيونه الكره الي
لو العمه كفايه لو الابنه سهيل
زين واذا نكر منو ايصدكون انا لو هو
اكيد هوه
وذاك الوكت شراح يصير بينه انا واخواتي
بچييت بحرگه وخوف من المجهول المنتظرنه
اخذت نقال بيبي والي هذا الشي الوحيد الي ما اخذته حلا لان ما بي فايده قديم اخذته وطلعت رقم خالتي
ردت اتصل بس اكيد هسه الناس نايمه خليها للصبح لا هسه اتصل
اتصلت مره وثاني مره جاوبتني چان صوت رجال
الو
= الو اشلونج خاله
سمعت واحد كلها صوت ابنيه
هيه ردت // الو
رددت نفس كلامي بس هالمره العبره اتكسرت بصدري = اشلونج خاله
– هلا حبيبتي انتي مها –
= اي خاله انا مها شلونج
– – زينه وانتي واخواتج شلونكم ليش اتصلتي بهالوكت شصاير
خنكتني عبرتي شهگت هيه سالتني // مها خاله شبيج ليش تبچيين
جاوبتها وانا ابچي = خاله محتاجه امي
سمعتها اتنفست //حبيبتي امچ يم رجلها
= بس خاله احنه بناتها
– – مها خاله محتاجه مصرف شمحتاجه
بچييت اكثر = خاله محتاجه امي
– – ياروحي انا امج شنو تحتاجين گليلي
= ليش وامي وين
– – حبيبتي سافرت ويه رجلها
= سافرت لو ما تريد تسمع عنه اي شي
– – حبيبتي سافرت ومن ترجع اخليها تتصل بيج
= لا خاله ماكو داعي
– – مهاوي شنو تحتاجين اتصلي بيه ومن تجين للزياره ابغداد مري
= ان شاالله خاله
سديت النقال واتعجبت من خالتي وكلامها وياي عبالك غريبه وتحچي وياي اسقاط واجب
لو على امي وشلون اتكلي مسافره
معقوله الهل درجه امي ما تريد تسمع عنه شي معقوله احنه محد ايريدنا كلها الناس تكرهنا
اباوع البيبي الي اشوفها نايمه ومغمضه عيونها اتقربت منها وحچيت
= ياريتج ما متمرضه على الاقل تكدرين اتدافعين عني واكيد راح اتصدكيني من اگلج ابنج يتحرش بيه
گعدت وانا امسح دموعي اتذكرت كلامها من كالت // الواحد من عدنا من اتصادفه مشكله لازم ايحلها بهدوء
الصياح والبچي ما راح ايحلن المشكله البشر لازم يتعامل بالمثل ويه الثاني
فكرت بكلامها وبالي سويته اليوم وامس اكيد ما انحلت مشكلتي لكن على الاقل نقذني هاي اليومين
جزمت امري انو لازم انا الي احمي نفسي وما دام سليم بدا وياي بالخيانه والمكر والخداع انا هم لازم
اصير حياله واحاول اخلي يبتعد عني ولازم اخلي يبتعد وللابد
احچي ويه نفسي = شلون يعني اكتله
بقيت افكر وخوفي على نفسي واخواتي زاد
من اتذكر نظرة سليم وتوعده الي
بيومها ما نمت وبقيت گاعده وانا من اتذكر تصرف سليم ارجف من الخوف حسيت بحركه بالباب خفت لا رجع
باوعت من الشباك شفته ابوي راجع وهوه بعالم ثاني و شلون يمشي وهو دايخ اكيد ما حاس
اتشجعت وطلعت وفتحت ضوه الصاله وباوعتله چانن عيونه حمر وريحته استغفر الله واساسا ما حاس
على شي لزمته من ايده = تعال بابا
هوه باوعلي وصار يضحك // ها شرايده
= تعال اگعد اهنا ارتاح (كعدته ع الكرويته )
هوه ايباوعلي انا حاچيته = بابا اهنا بعد نام
هوه جاوبني بكلام ثگيل // ليش اصعد فووك
= لا بابا اهنا احسن اخاف يطفر حرامي لو بيبي تحتاج شي
لزم ايدي انا بسرعه سحبتها كزبر جلدي نسيت بلحظه هوه ابوي وصارت گدام عيني صورة سليم
هوه ما انتبه لا التصرفي ولا الكلامي انتچى ع المخده وصار يسولف مره يضحك ومره يبچي ومره يهذي بكلام
ما مفهوم ونام حتى بدون ما يغير ملابسه
دخلت وقفلت الغرفه علينه انا وبيبي عبالك سليم راح يرجع يجي وقررت شي لازم اسوي
بقيت ما نمت الا لحظات لان كل ما اغفى صورة سليم گدامي وهوه يحاول يغتصبني افز وانا خايفه
ثاني يوم چان دوامي صباحي
گعدت الفجر صليت وصرت ادعي ربي ايساعدني لان هوه شايف انا ما عندي احد
صرت ادعي وابچي ان رب العالمين ينطيني القوه ويوقفلي ناس اتساعدني
صرت اتوسل واشهك وابث كل الي مريت بي والي خايفه منه شكيته ال الله سبحانه
ورحت خدرت الچاي واخذت بيبي للحمام غسلت الها ورجعت شربتها شويه حليب وبعدها انا وروان صبينه الكل
وحده كوب چاي وصمونه واتريكنا ورحت ندهت رهف وجبتها هيه وملاك الي شلتها حتى ايكملن نومتهن
يم بيبي من ردنا نطلع رحت دكيت الباب على عمتي الي فتحته = صباح الخير
بعدهي منعسه //هلا
جاوبتها = كل شي كملت وانا راح اروح
– – اهم شي غيرتيلها وبدلتي فراشها
= اي عمه غيرت الها وبدلت فراشها
– – زين وهذا شنو (اتاشر على ابوي ) الي منيمه اهنا
= اجه ما گدر يصعد وفرشتله بالصاله
– – اي منين يكدر يصعد اذا عرك وحبوب
ما جاوبتها وطلعنه انا وروان صرنا نمشي بالطريق روان گالت // البارحه حييل اتاخرتو
= اي نور كالت الابوها خلي نفتر
– – انتظرتج وتالي نعست ونمت
= اي شفتج من اجيت
باوعتلي //اكلج هسه احنه لو نبطل مو احسن النه شراح نستفاد من هاي المدرسه
= وشنسوي نبقى بالبيت
– – اقلها نكعد ع التلفزيون ونام
ما رديت عليها اكتفيت اباوع الها هيه سكتت ما جاوبتني دخلنه للمدرسه وروان راحت الصفها وانا رحت للاداره
شفت المديره بداية دوام وملتهيه ويه المدرسات تحچي وياهن باوعت شافتني گالت // ها مها شعندج ليش ما رايحه الصفج
ورجعت تحچي ويه مدرساتها والمعاونه الي كل شويه جايتها وحده
من كملت اشرتلي // تعاي ليش واكفه
اتقربت يمها وشاورتها = ست عندي موضوع مهم ولازم احجي الج
– – روحي هسه وتعالي بالفرصه
اتقربت اكثر = ست ابيناتنا
باوعتلي باستغراب هزت راسها // زين من يدك الجرس للدرس الثالث تعالي
= شكرا ست
دخلت للصف وانا اصلا مو يم الدرس وصارت الفرصه من اطلع دائما انزوي ابحدي ومرات تجي يمي روان
الي اشوفها تسولف ويه البنات وتضحك
ما چنا نشتري من الحانوت اله مراات متباعده لان محد ينطينه فلوس واذا صادف وبقى عندي فهو الرهف وملاك
الي دائما هادئه وكاعده على طيور الجنه
بيومها اجت يمي روان وهيه تضحك // ها اشو كاعده ابحدج
باوعت الها = وانا كل مره ويامن اكعد
– – شبيج جاي اتشاقى
مديت ايدي على جيبي وانطيتها 500 هيه باوعت وسالتني بعيونها جاوبتها
= البارحه انطوني فلوس اركب بالالعاب وانا خليت الباقي
– – ورهف ؟
= خليت الها بجنطتها
روان // وانتي كالعاده ما بقيتي الج
=شبقي شنو قابل كل يوم عدنا مصرف
– – مو اكلج لو نبطل ونكعد بالبيت احسن
سكتت وانا اعرف كلامها صح لان لا لبس مثل البنات ولا مصرف ولا اي شي تحلم بي ابسط بنيه بعمرنا
هيه راحت للحانوت وانا دك الجرس ورحت امشي بسرعه للاداره اجيت ادخل لكيت الكاتبه يم المديره
الي من شافتني سالتني // تعاي مها شعدكم هالدرس
= فيزيا
– – روحي الدرسج
= ست بس انا لازم احاچيج
– – روحي استاذني من مدرستج
رحت وشفت المدرسه طلعت من غرفة المدرسات رحت وراها =ست
باوعتلي // ها مها
= ست المديره رايدتني وراح اتاخر
هزت راسها // اي ومن تخلصين تعالي
= ان شا الله ست والله انا محضره
ابتسمت // اعرف
المدرسات چانن زينات وياي ما اعرف عطف او لان انا فعلا شاطره ومودبه دخلت للاداره وسديت الباب
وست اسراء اشرتلي اگعد وكالت // ها شرايده من الصبح كل ساع تجيين
عضيت شفتي وعيوني غرگن بالدموع هي سالتني
– – شبيج ماما شصاير فهميني
جريت نفس = ست بالاول اريدج اتوعديني الكلام ما يطلع لان اذا طلع اكيد محد يرحمني ومو بعيده يقتلوني
هيه من سمعت وكفت على حيلها واجت يمي وهي اتهزني من كتفي وتكلي // شبيج ولچ شصاير
صرت اسولف الها كل شي صار وياي بحيث ما نسيت ولا كلمه ولا اي شي اي شي ما ضميت عليها وانا
اسولف وابچي لان خايفه لا ما تصدگني او تروح تسولف الكلام للمدرسات واكيد حلا تسمع وسليم وما
راحو ايسكتون
هيه قربت الكلنس مني وسالتني بهدوء// وليش اجيتيلي بالذات وسولفتي
وانا امسح بدموعي = ست ما عندي احد واحس بيج انتي قويه وما تخافين
– – ههههه مو الهلدرجه
= ست اعتبريني مثل بنتج والله انا خايفه ومحتاره شسوي الله يخليج ساعديني ولا تخليني اضعف اوانهزم
هيه باوعتلي بعصبيه // اش شنو تنهزمين ابد لا تفكرين بهيج شي
وگفت وفتحت الثلاجه وانطتني بطل ماي // هاج اشربي ماي وروحي غسلي وجهج وارجعي رايدتج
من غيرت نبرتها حسيت بشويه راحه رحت غسلت وجهي ورجعت للاداره هيه كالتلي //اكعدي مها
كعدت وهيه استردفت بالكلام // اسمعيني مها انا راح اساعدج بس ياويلج اذا طلع كلامج چذب
= ست الله يخليج ليش اچذب هوه عمي اخو ابوي يعني شريد منه لو اريد اچذب چان ما اتبلى علي خو على ابنه
هيه هزت راسها // ولچ كلامج مال وحده عمرها تلاثين سنه
انا باستعطاف = ست راح اتساعديني
هزت راسها //- اي راح اساعدج لان ادري بيج انتي خوش بنيه واعرف معاناتج بس شوفي من اصيحج ما اريدج تخافين
لو ترتبكيين اريدج تواجهينه وخلي ابالج اذا بقيتي واثقه بنفسج بعد سليم الحقير ما يوصلج
= ست يعني راح تحاچينه
هزت راسها // مو توچ تگولين كل الكلام الي سولفتي صدك
= اي والله ست كله صدك وانا حاضره بلي تطلبينه انفذه
— حافظه رقمه
= منو
هذا سليم الحقير
= اي ست حافظته
شعجب حافظته
= ست حافظه رقمه ورقم عمي معين گلت خاف يصير شي ابيبي عاد اخابرهم
– – هاج اكتبي اهنا ومن ترجعين للبيت اتصرفي عادي
= واذا بالليل يجي
– – انتي اليوم احمي نفسج شلون احتاليتي علي واخذتي مرته وبته وياج هم احتالي علي خرمشتي وعضيتي
اليوم احمي نفسج ولا تنطيين مجال ابد على نفسج
هزيت راسي واشوفها اتصلت بي گدامي وفتحت الحاكيه
هوه رد عليها
– الو منو
– السلام عليكم
– عليكم السلام اتفضلي
– انا مديرة اعدادية ال …للبنات
– اهلا وسهلا اتفضلي
– زاد فضلك رايدينك باجر الصبح الساعه بالتسعه
– خير ست شكو
– كل الخير شغلة خمس دقايق
– بخصوص شنو
– خويه باچر من تجي راح افهمك
– خو بنات اخوي ما مسويات شي
هزت راسها //لا الشغله مو يم البنات اصلا
– اذا مو يم البنات منين جبتي تلفوني
– وحده مدرسه ويانه زوجها متعامل وياك وجابتلي الرقم
– ست تريدين هسه اجي
– هسه راح نطلع باجر الصبح واكون ممنونه منك وهم اتدارينه
– ان شالله باجر الصبح انا يمج وتدللين
– شكرا جزيلا
– العفو بالخدمه
– مع السلامه
حسيت براحه وامل من كلامها وانا اشوفها تهز براسها وتبتسم لااراديا وكفت وبستها وهيه تكلي
— نزلت نفسي الهذا الحقير على مودج بس مون كلامج يطلع بمكانه
= والله ست ما اجذب عليج
هزت راسها // روحي الصفج وان شاالله ماكو شي
ورحت للصف طبعا باديه الحصه الرابعه دخلت وانا افكر
= شلون احمي نفسي من عنده مو المديره گلتلي بس اليوم احمي نفسج
حلينه وامشي وانا افكر ست اسراء شراح تسوي ويه سليم ومن يعرف يجوز ايموتني خلاص
هزيت راسي = اي خلي ايموتني ولا يتحرش بيه اقلها اذا موتني راح ينفضح وست اسراء ما راح تعوفه اكيد
راح اتسلمه للشرطه وبالتالي راح احافظ على اخواتي منه ومن شره
دخلت ولكيت حلا واكفه وتكلي // بعد وكت خاتون
= والله عمه بسرعه اجيت
ياالله بلا لغوه غدي بيبيتج وغسليلها
هزيت راسي وابتسمت بوجه رهف وباوعت الملاك كاعده وتباوع على التلفزيون اخذت ابنها لازمته من ايده
ورهف طلعت وراها انا شاورتها = خليتلج 500 بالجنطه
هيه بابتسامه // شفتهن مشكوره
وانا قفلت الباب وراها صار كل همي من احد يطلع اقفل الباب ورا خليت بدلت ورجعت على
بيبي بستها وغديتها واخذتها للحمام غسلت الها وغيرت فراشها طبعا فراشها يوميه اغيره يعني اغسل واحد
وابادله بالثاني احس بيها تعرف كل شي وتريد تسويلي شي ايريحني لكن ما تگدر انا دووم ابتسم بوجهها
واكللها كلمتي المعتاده = بيبي ادعيلي
وادري بيها تدعيلي رجعت للمطبخ وحميت مركة الفاصوليا وطبخت شويه تمن وبين ما هدرته رحت صليت
وبعدها روان صبت النه غدا عباره عن تمن بصينيه زغيره وفوگها مركه طبعا بدون لحم وهذا السبب الي
حلا لا هيه ولا ابنها متغدين
لان اذا يوم المركه بيها لحم فاكيد تاكل واذا ما بيها فتشتري اكل الها وال ابنها من المطعم واليوم نفس الشي
اكيد راح تودي العامله وتتغدا بالمدرسه اما رهف فمن تجي تاكل ابوي اجه العصر كلش وراد غدا صبيتله
ومن راد يصعد حاچيته
= بابا بعد بالليل تنام بالصاله لان اخاف على بيبي تتخربط
كلامه چان كانما واحد دايخ // عاادي خو اصعديلي فووك
= بابا اخاف
تخافين منين
= ما اعرف من بنو المحلات يتراوالي حراميه ايهجمون ع البيت
وشيلگون بي
= بابا الله يخليك نام اهنا
ابتسم وكلي //اي راح انام اهنا بالليل هسه راح اصعد فوك انام شويه
خلا خمس تالاف وصعد وانا لازم اتسوك بيهن غدا وعشا وريوك النه احنه الاربعه وابوي الخامس چان
اكلنه بالوجبه يقتصر على نوع واحد يعني لايمكن نسوي نوعين بالوجبه وچنا مو كلش نشبع مرات الجيران
يجيبولنه اكل لو ثواب لو شي يبقى عدهم
وناخذه واحنه فرحانات لان الجوارين جانو يعرفون بوضعنه خصوصا وهمه يشوفون لبسنه وحالة ابوي وبيبي
بيومها اشترينه صمون اب الفين وسويت معكرونه وضميت الصمونات للصبح والغدا قررته تمن وروبه
ام الالف والعشا الله كريم من يجي وينطينه نشوف شنسوي
چنا قنوعات رغم نشتهي ناكل لكن چنا نرضى بكل شي وما نستنكف من احد ينطينه لان مثل
ما تعرفون (الجوع كافر )
بيومها ما جنت مستقره بين الامل والخوف من جية سليم والخوف من باجر من يروح للمدرسه وكلام ست
اسراء يرن باذاني
= لازم احمي نفسي حتى لو بالحيله
واجت حلا وياها ابنها ورهف تمشي وراها اجت وغيرت ملابسها وصبيت الها الي بقى من غدانه وبعدها كعدنا
نقرا وملاك يمنا وبدينه بالعشا وانا خايفه سويت البيبي شويه حليب وشربتها وانا ابايدي امسح حلگها واذاني
يم الباب اخاف يندك وبعد ما كملت بيبي اتعشيت انا واخواتي ورحت اغسل المواعين اندك الباب وراح احمد
فتحه شفت سليم اجه وهوه يساله
– منو عدكم
– محد خالو
– خالك حليم وين
– طلع
باوعتله من الشباك اجه بايده علاكه انا فهمت روان ورهف يجن وياي للمطبخ
دخل يم بيبي ورحت اتصنط شنو يحجي سمعته // ها يمه اشلونج
حلا جاوبته // اشلونها قابل اتجاوبك
سليم اتحسر // اگلج حلا – اليوم كفايه كالتلي ماره بيكم
حلا // – اي اجت الضحى مرت علينه
هو گعد وحاچاها // اگلج شو هذا ابنج خاتل
حلار// شبي
سليم // يعني ولا چن انتي امه گوه يحجي ويجر بكلامه
حلا //. ههههه هوه هالشكل
سليم. // لا ما يصير علمي خلي يصير سبع
حلا تبتسم // ان شاالله
سليم //. ام احمد شويه ديري بالج على امي
– ليش عيوني شمسويتلها
– حلا كفايه اتكلي امي تعبانه وانتي بغرفتج ومن سائلتج مجاوبتها تجي مها وروان ويغسلن الها يعني هم
غسليلها نظفيها هيه هم امج
حلا بعصبيه //وهم امك وهم ام معين اعتبروني انا بعدني متزوجه رافد وبيتي شتسوون ذاك الوكت مو هم
كله تذبونه على مها واخواتها
سايم //ها هيج الحجي
حلا هزت راسها //اي هيه هم امك خلي مرتك وبتك تجيلها يووم
سليم //هذا الكلام احنه اتفقنا علي وانتي جاي تاخذين اجار المحل وراتبها مال الرعايه
= وانتم بنيتو محلات واجرتوهن شنو شايلين علاجها اكلها واذا على راتبها واجار المحل خلص اخذوها يمكم
واخذو راتبها
سليم بقلة صبر // اهوو خلي اكوم وينج مها
رحت ركض للمطبخ اجه واتفاجا شايله ملاك ورهف وروان يمي
باوعتله = ها عمو اذا تريد چاي يمك بالترمز خلي عمه اتصبلك
هوه كلي // تعاي رايدج
= ها عمو گول
– تعاي
باوعتله طلعت وملاك بايدي وراي روان ورهف هوه باوع الهن وانا سمعت حلا = ها عمو شرايد مني
– لا هيج جبت برتقال عود اعصري البيبيتج وشربيها
= اي عمو بس مو اليوم باجر لان شربتها حليب
هو هز راسه واشوف بنظراته توعد وحقد
راح وطبك الباب ورا وانا رحت اخذت علاكة البرتقال الي حلا اخذت تلاثه منهن وبوكتها بيبي جانت نايمه اخذت
وحده وانطيت نصها الرهف والنص الثاني وكلت ملاك صدكوني ما يهمني اكل او اموت من الجوع الي جان
يهمني وجود اهل احس بيهم همه سندي وعزوتي لكن الي حصل انو انا صرت اتوسل بالغريب حتى يحميني
من ظلم اقرب الناس الي
////////////////////////////يتبع
