رواية عصابة بنات الفصل السابع 7 بقلم هاجر ابراهيم
بنفس الكافيتيريا كان في حدا قاعد وعم يرائقب كنان ،،
وعند الصبايا كانو قاعدين وحاسين هموم الدنيا فوق راسهن
ميرا :برأيكون شمس بتقدر تقنعو يتستر علينا ؟
شهد :لك شمس بتطلع الحية من وكرها …بس انشالله هوة يطلع ابن حلال
ميرا :يا الله راسي كتييير بوجعني ..حاسة حالي رح امرض
فجأة بلش جرس الباب يرن …
يمنئ :هي أكيد شمس …
نطو البنات كلهم وركدو لحتا يفتحو الباب … وبس فتحو وقفو كلهم مصدومين باللي اجا ،، كان كريم اخو جمال …
انصدم واتوسعو عيونو بس شاف البنات
كريم :ياعيني …شو يعني جمال قرر يصير رجال ويتجوز اربعة
شهد :صبايا هاد مو شمس
ميرا :ما نحنا شايفين انو مو شمس
يمنى :….
كريم :وين الرابعة ؟
ميرا :ناطرينا لحتا تجي
كريم :ووينو جوجو
شهد :مسنوح بالطابق التاني ،انت صاحبو الطانط
مسكت يمنى البنات وسحبتهن عالغرفة …
ميرا :ايييي يمنى شبك
يمنئ :لكككك هاد كريم اخو لـ كناااان وجمااال
شهد :اي طيب ماهوة مابيعرفنا …شبكي يمونة. مو كان مغمي لما سرقناه
يمنى :ممم مبلا كان مغمي …بس هوة شاف شمس وشمس وينا ياحزركووون …
ميرا :عالطريق …راجعة عالبيت
شهد :يخراب بيتنا … رح ننفضح … اتصلي بـ مقصوفة الرقبة بركي بتأخر رجعتها لبين ما ينقلع هالخاروف
فات كريم عالبيت وهوة مستغرب من الصبايا وقال لحالو :يخربيتكون شو حلوين ، وينو جمال ؟
وشافو نازل عالدرج وهوة عم يتاوب …
كريم :كيفك أبو الجووج
جمال :يعليك رعبتني … اهلين بكرومي والله لككك ايمتا اجييت
كريم :هلا .. لك اخي ايمتا قررت تصير رجال وتتجوز
جمال :انا !
كريم :لك اي …اما شو منقيهم حلوات عالكتالوك …
جمال :والله ماعم بفهم عنشو عم تحكي
،،،،،،،،،،،،،،
بلشو البنات يرنولا عجوالها بس ما كانت ترد … اما شمس كانت ماشية وهية سارحة وعم تفكر بـ كلام كنان….
وفجأة بلشت تمشي سيارة من جنبا سمعت صوت واحد عم يلطشا ..
…:ويين ياحلو … لك يقبرني جمالو
شمس :لا اله الا الله
التفتت واتفاجأة …
شمس :وائل !!؟
وقف السيارة وطلع
وائل :ههههه اي وائل …كيفك وليه
شمس :لك ايمت رجعت من سفرك ؟
وائل :من شهرين … لك كيف بجي ومابلاقيكي ولولا هالصدفة ماكنت رح شوفك
شمس :شكلك ماخبرت بشي
وائل :لا والله …بشو بدي اخبر ؟
اتنهدت شمس :ابوك استولى على كل شي املاك …
وائل :كيف يعني ؟
شمس :قصدي ياسيد وائل ابوك خلا ماما توقع على اوراق بيع شري بأملاك بابا الله يرحمو واستولى عليهون
وائل «بصدمة »:كييييف !!!
————–*
ميرا :ماعم ترد … سمعو شو رح تعملو لحتا نضمن انو كريم وشمس مايلتئو …
————*
جمال :هههههههه لا لا مو طبيعي انت كروم ههههه
كريم :شبك فرطت لك جمال …عم بسألك مين هالبنات اللي ئقاعدين عندك ،يعني ازا مو متجوز لكن مين
جمال :هدول رفقاتي انا استقبلتون ببيتي لأنو حرام شقتهن عم تترمم ومالن مكان يروحو عليه
كريم :لك كنت ابعتون لعندي …الله يصلحك يا جوجو 
طلعت يمنى من الغرفة وراحت بخطوات بطيئة اتجاه جمال وكريم …
يمنى :مرحبا
كريم :ولي عقلبي …لك يا اهلين ومرحبتين بالقمر
جمال :اهلين يمونة
يمنى :ممكن اقعد معكون بدال مالي قاعدة لحال
جمال :اي ولو بيبي يمونة اقعدي
قعدت يمنى …
كريم :ومو حضرتك الآنسة روز ؟
يمنى :روز ؟ هههه لا شو انا اسمي يمنى
كريم :كيف مو حضرتك اللي كنتي بمكتب أخي كنان مبارح ؟
جمال :كنتي عند كنان ؟؟
يمنى :اه…اي ما انا طلبت من السيد كنان يلاقيلي شغل وهوة طلب مني احضر لعندو عالمكتب
جمال :ااه طب ليش ماحكيتيلي …كنت انا شغلتك معي بالاستيديو تبعي
كانت يمنى عم تاخد وتعطي معهن لما طلعت شهد من الغرفة واتجهت لعند باب البيت وطلعت لحتا تنطر شمس …
،،،،،،،،،،،،،،،،،،،،
اما شمس كانت راكبة بالسيارة مع وائل لحتا يوصلا وعم يحكو …
وائل :عم قلك والله مالي خبر انو ابي عمل هيك …كل فكري انو عم يدير الشركة لأنو انتي وامك طلبتو منو هالشي..
شمس : وشو رأيك بهالشي ؟
وائل :بصراحة انتي فاجأتيني وامك ماجابتلي سيرة …
شمس :هه محلاها وتحكي ..شو بدها تقلك …ابوك سرقني وكوش عمصاري بنت يتيمة
وائل :خلص شمس مافي داعي للغلط … عكل حال انا بحاكيه وبفهم ليش هيك عمل
شمس :مافي داعي وائل .. ولاتخاف من هالناحية انا مالي نسيانتو
وائل :صحيح …ليش ماعم تزوري امك ؟
شمس :ماخصك انت …بس اشتقلا بزورها
وائل :هههه لك لسا ماتغيرتي اخلاقك بروس مناخيرك بتضل
شمس : الله لا يغيرلي هالعادة ، خلص وقف انا وصلت ..
وائل :اي خلينا نشوفك شموسة
شمس :انشالله …باي
نزلت من السيارة وصات تمشي … اما وائل قرر يلحقها لحتا يشوف وين رح تفوت … وبس شافها دخلت على حديقة بيت …
نزل من السيارة ومشي وراها لحتا وصل وشافها …
شمس : كيفك شهودة
شهد :منيح اجيتي هلا ،حزري مين فيه هون
شمس :مين ؟
شهد :كريم يا بعدي …اخو للأفندي
شمس :اي !!
شهد :شو اي …مو هوة بيعرفك …مو انتي يلي استدرجتيلنا اياه هداك اليوم
كان وائل واقف ورا باب الحديقة وعم يتسمع …
وائل :استدرجتو !؟؟ عنشو عم تحكي ؟
شمس :وشو يعني انتو ليش خايفين ؟
شهد :مافهمت عليكي …شموسة انتي نسيتي انك انتي يلي جبتي ونحنا قشطناه وللا ليكون صابك زهايمر ولوو
وائل :قشطوه !!؟
شمس :لك يا هبلة هوة كيف رح يتزكرني…ما انا كنت ماعطة حالي معط بالمكياج ولبسي غير وبعدين حتى لو اتزكرني يا مجدووبة انتي ويلي حكولك … مين رح يسدقو انو انا يلي استدرجتو
وائل :له ياشمس ماتوقعتك هيك ..
فتلت شهد علئ شمس وئالت :لك كيف ماخطر عبالي
توسعو عيون وائل وانصدم صدمة ثلاثية ابعاد
وائل :هي حسن صبي … يخربيتها شو عم تعمل مع شمس ؟
وجوا .. اجا اتصال لـ جمال وراح لحتا يحكي بغرفة وضل كريم قاعد مع يمنى لحالهم …
كريم :وانشالله اخي كنان لقالك شغل
يمنئ :انشالله …بعدني ناطرة رد
كريم :لك بتعرفي …بكون اكبر غبي ازا ما شغلك … لك مو غبي وبس وحمار كمان
يمنى :…
نط من مكانو وبلمح البصر صار قاعد بجنبا …
كريم :وحتى لو رفض يشغلك انا موجود
اتلبكت وبلشت تبعد وهوة يقرب ويحكي: شني بقدر الجمال خيرات الله
خافت يمنى وبلش جسمها ينفض من الرعبة
كريم :طب عم حاكيكي ردي علينا
ومسكلا ايدها وهية انتفضت فجأة وصرخت :بعد عني يا كلب
ومسكت المخدة يلي جنبا عالكنبة وضربتو بنض خقتو
ووقفت وركدت عالغرفة …
يمنى :يخربيتك شحيوان
ميرا :لك شبك يمنى
يمنئ :تعالي احكيلك شو عمل معي هاد الحيوان اخو جمال … يا امي قلبي لحد الآن عم يرجف من الرعبة
وبرا …
شمس :خليني فوت لحتا احكيلك شو بدو هالأفندي
شهد :لا تقولي انو صار يبتزك لحتا يضل ساكت
شمس :جوا بقلك ….
رجعو فاتو البنات عالبيت وشافهن كريم …
كريم :ولييي رح يغط عقلبي … كل شوي بدها تفوت وحدة جديدة
تجاهلو البنات وفاتو عالغرفة….
يمنى :شمس …شو راح كريم ؟
شهد :ماراح بس شمس مصرة تفضحنا
ميرا :يعني شافك ؟
شمس :وماعرفني اتطمني منك الها …
ميرا :احكي شو بدو السيد كنان لحتا يضل ساكت ؟
شمس :طلع الأفندي بدو يدمر عامر وينتقم منو لأنو عامر خل باتفاقو بشي سفقة وشافها فرصة لحتا ينتقم منو
شهد :ايوا …بدو يخوزقو
يمنى :اي منيح …يعني رح يتركنا بحالنا
شمس :لا والله ..حزرو شو طلب
االكل :شو ؟
———————-*
اما كنان وصل عمكتبو وشلح جاكيتو وحلحل كرافتو ورما حالو عالكنبة واخد نفس طويل حس فيه عم يجري بكل جسمو …غمض عيونو وبلش يتخيل شمس ولمسة ايدها اللي خلت قلبو يخفق وجلدو يقشعر … وكأنو لمستها صارت بالنسبة لـ كنان جرعة مخدر وحس انو هالشي لازم يتكرر …لازم ايدها تلامس ايدو … لازم صوتها يضل عم برن براسو ..
كنان :شبك كنان … لازم ماتضعف قدامها … بس انا حاسس انو لازم يصير اكتر من مجرد لمسة ايد … بس ياكنان انت مانك هيك وهالبنت مارح تسكتلك …
رجع ركز قعدتو وقال :بس اللي بدي انا رح يصير … انا مابحياتي اتبعت اسلوب الإبتزاز …بس معك ياشمس رح اتبعو ،، انا عرفت شو هية نقطة ضعفك … البنت القوية يلي مابتخاف من حدا رح تخاف مني … ورح خليها تركض ورايي … بس كرمال اتأكد من هالمشاعر اللي اتملكت قلبي بس شفتك
—————–*
كان وائل قاعد بسيارتو وعم يفكر بالحديث يلي سمعو ….
وائل :اي شو المعنى ؟ شمس شو كانت عم تشتغل طول هالفترة ؟ معقول بنت ليل !! ، لا لا شمس مو هالنوعية من البنات …لك بعرفها اكتر من حالي ،بس شو قصدها استدرجتو وقشطتو ؟؟ااخ حاسس راسي صار قد البطيخة
—————-*
البنات :شوووووووووو 
شمس :متل ماسمعتو حبيباتي … كنان بدو ايانا نروح قعد عندو بالشقة
شهد :لاااا هاد اكيد مستعجل عآخرتو
ميرا :معقول بس لأنو الو تار مع عامر يطلب ينضملنا ويساعدنا بتدميرو ويفتحلنا بيتو كمان …ما اقتنعت بصراحة
شمس :ماهاد اللي مجنني … انو بشو عم يفكر !
يمنى :وانتي شمس شو رأيك ؟ رح ترضي بطلبو ؟
شهد :لك ازا شمس وافقت انا مابوافق .. سمعي شمس هاد الزلمة مو مزبوط … هلا عم يطلب نروح نسكن عندو بكرا بيطلب شي اكبر … ولا تنسي انو هوة اللي ماسك علينا هالمستمسك
ميرا :شو نعمل ؟
شمس :خلينا نجاريه باللي بدو اياه
يمنئ :كييف ؟
شمس :انا فكرت فيها .. كنان الو مصلحة انو عامر يتدمر اسمو بالسوق اكتر مني … ومو من مصلحتو يضيع من بين ايديه هيك فرصة …
ميرا :فهمت عليكي شمس .. يعني شو بيطلع بايدو يعمل. .. وهوة اللي بحاجتنا وعحسب ماعم يفكر …كنان بدو يسهلنا الطريق اكتر من خلال قربنا منو رح نكون بأمان وبعاد عن كل شبهة باعتبارو بيعرف كلشي عن سوزان وكل معارفها ..
شهد :اااااه لك انتو يلي فيكون عقول تجارية كيف بتفكرو ، لا وبتفهمو عبعضكون كمان
وبعد تفكير ومناقشات مطولة قررو أخيرا قرار رح يغير مصير كل وحدة منن
—————*
رن تلفون كنان ورد :الو
شمس :انا موافقة رح جيب رفقاتي ونجي نفعد عندك بس حسك عينك تفكر ولو تفكير تأذي اي وحدة منا .. بتكون حكمت على حالك بالموت
كنان :هههههههه لك خدي نفس شوي … طيب جهزو اموركون رح اجي اليوم اخدكون على بيتي
شمس :مافي داعي … عطيني العنوان وانا بجيب البنات وبنجي
ضحك كنان وعطاها عنوان بيتو … وبس اخدت العنوان فصلت الخط بوجهو
كنان :اي مقبولة منك ست شمس … بس انا بعرف كيف داويكي
،،،،،،،،،،،،،،،،،،،،،،
اجا المسا وخلصو البنات ضبضبة أغراضون وبلشو يطلعوهم من البيت …
جمال بحزن :يعني هيك خلص رح تروحو ؟
شمس :يعني شقتنا جهزت ونحنا مابدنا ندايقك اكتر من هيك جوجو
جمال :بس انا تعودت عليكون …صح هنن اسبوع اللي قعدتوهن بس جد تعودت شوفكون كل يوم
شهد :اي جمموول ..فردها ولوو … سدقني رح نجي نزورك عطول
جمال :اي تعالو زوروني عطول اوك صبايا … وخصوصي انتي شهودة
شهد :تكرم ابو الجوج … يالله سلام. ..
ودعو البنات جمال وتوجهو عبيت كنان وهنن عم يفكرو شو مخبيتلهم الأيام …
