رواية عشق لا يروض الفصل الحادي والعشرين 21 بقلم حنين محمود
اهلا بكم في مدونة مكتبة حواء نقرأ لكم ونكتب من اجلكم
عشق لايروض
الحلقه قبل الأخيره
بقلم: حنين محمود إبراهيم
______________________
الساعه 2:55 دقيقه بعد منتصف الليل وتحديدًا امام مطار اسطنبول الدولي كان واقف رائد على بُعد من المطار وجمبه القوات اتكلم اللواء التُركي مراد رسلان: يجب علينا التحرك فورًا
رائد: الان الفرقه الاولى تسيطر على الاوضاع وقت الهجوم وتُبعد المدنيين عن موقع الخطر
اما الفرقه الثانيه تُأمن جميع مداخل ومخارج المطار ومنع دخول او خروج احد قبل انتهاء المهمه
مراد: لا تقلق ايها الذئب كل شيء على ما يُرام والقوات في جميع انحاء النطاق وتم التواصل ايضًا مع المخابرات المصريه والان حان فقد ثلاث دقائق لبدء المهمه
رائد: حسنًا هيا بنا
الساعه دقت 3 بالظبط بدأت القوات في اقتحام المطار بهدوء في صفوف منظمة بينما تقدمت قوة التأمين أولًا لإخلاء المنطقة المحيطة بمدخل صالة الوصول لمنع اي اذى يحصل للمدنيين
واتجهت باقي القوات إلى مواقعها المحددة مسبقًا
مكنش حد فاهم حاجه ولا ايه بيحصل بس تم تجميع جميع المدنيين في نطاق معين من المطار ووقف قدامهم صف كامل من الظباط على اتم استهداد للهجوم في اي لحظه لو حد فكر يقرب منهم
اتكلم مراد وقال: يجب عليكم الهدوء التام نحن هنا لحمايتكم نرجوا منكم عدم الخوف ولا التوتر
قرب ظابط مصري من رائد وقال: هو احنا ليه منخرجهومش بره.؟
رائد: دا لان مثلا يعني افراد الشبكه متواجدين في المكان
وسط الزحمه كان واقف راجل لابس بدله شيك جدا وباين عليه الهيبه
مارك: اهاذا ما يُدعى الزعيم؟
راجل من رجالتُه: نعم انه الذئب لا اعلم ما اتى به الا هُنا ف هو مصري
مارك: اتعتقد ان هذا يخفى عليه شيئا لقد ارسلوه من مصر الا هنا لكي يقوم بالقبض علينا
الراجل: ولكن سيدي لا احد يعلم من نحن
مارك: يجب علينا الهروب ف ان توصلوا الينا سنخسر كل ما خططنا له على مدار السنوات الماضيه كنت اعلم انهم لم يدعونا نفعل ما خططنا له ف هذه صفقه دوليه
الراجل: اذا ماذا يجيب علينا ان نفعل
مارك: لا اعلم ولكن من الافضل هو تشتيته
الراجل: إذًا علينا بذلك
بدأ يتسحب وسط الناس لحد ما وصل عند جهاز انذار الحرايق وشغله
الرُعب والاصوات علت في المكان
مُراد: ماذا يحدث الأن.!!
رائد لمح مارك وهو بيجري وسط رجالته لساحة الطائرات: يقومون بتشتيتنا ليهربون يجب علينا الهجوم فورا
قوات الاخلاء كانت بتحاول تسيطر على الوضع اما رائد ومراد والباقي جريوا مكان ما خرج مارك ورجالته
خرجوا على Hangar 3 او ساحة الطائرات الخاصه
كان ركب مارك بسرعه وبدأت الطياره تتحرك لكن رائد في لمح البصر كان ضارب اكتر من طلقه على مراوح الطياره ف وقفت وهبدت في الارض
جري عليهم ووراه القوات وكسروا باب الطياره ودخلوا
رجالة مارك بدأت تضرب نار عليهم بس قدروا يسيطرو على الوضع وقرب رائد من مارك اللي كان واقع على الارض بعد ما اخد طلقه في كتفه
وقال بسخريه: اوه ما الذي اصابك عزيزي مارك
مارك: كيف عثرت علي؟
رائد بسخريه: هقولك زي ما قال حمو المرشي انا 5 استار على كوكبي انا البابا يلا عيب عليك اما تسألني سؤال زي دا
مارك: ماذا تقصد انا لا افهم شيئًا
رائد: اقصد يا روح امك الم تكن تعلم من هو ذئب المخابرات لا اعتقد انك لم تسمع عني ف انا مثل الخفافيش انطلق بسرعة البرق
مارك: هه ان كنت تظن انك سترجع بالملف ف انت مچنون الملف سيُحرق معنا الان متبقي على انفچار القُمبله 7 دقائق
رائد: اوه عزيزي كم انت كريزي هل كنت تعتقد انني مغفل ولا اعلم بأمر القمبله
رفع ايده بالملف وقال: الان الملف معي وتم القبض على جميع افراد الشبكه وتم اخلاء المطار ايضا من الافراد والان لا يوجد سوانا هنا
مارك بغضب: اهل جننت كيف حصلت عليه.!؟؟
رائد قام وقف ولبس نضارته بسخريه وقال: من عند امك
خلص كلامه وقال: حسنا يجب علينا ان نغادر الان لكي تحظى بنومٍ هنيء لك الجحيم
نزلوا كلهم من الطياره واول ما بعدوا عنها بمسافه حلوه داس رائد على زرار في ايده والطياره انفجرت
سقف وقال: ياه احلى حاجه شوفتها في حياتي يلا الداهيه اللي حدفت تاخد
مراد: حقا نشكر المخابرات المصريه على مساعتدكم لنا والتعاون معنا لان بدونك لم نكن نتسطيع القبض على اكبر شبكه في الشرق الاوسط
رائد: لا داعي للشكر الان توصلنا لمعظهم وقريبا سيتم القبض عليهم جميعا ولكن الاهم من ذلك اننا سيطرنا على الجزء الاخطر
___________________________________
في نفس التوقيت اللي حصل فيه كل ده في تركيا نرجع بيه لمصر
في الصحراء كان نعمان واقف وعياله قدام مخزن كبير جدا في مكان في الصحراء كان المستحيل اكتشافه
كان في عربيات كتيره واقفه بتحمل بضاعه اما ياسين والقوات كانوا واقفين على بعد خطوات منهم خلف الجبل
ياسين كان مستني يسمع الاشاره من رائد لبدأ الهجوم وكانت خطتهم ان الهجوم يحصل في نفس التوقيت عشان محدش فيهم يلحق يبلغ الجهه التانيه
بعد دقايق بالظبط سمع ياسين رائد من اللاسلكي بيديهم الاشاره
بص للقوات وقال: زي ما احنا متفقين مش عاوز ولا غلطه
بدأوا يتحركوا بحذر شديد وفجاه بدأو في ضرب النار ونعمان اتصدم اما شافهم وجري استخبى ورا العربيه ورجالته بدأو يتبادلوا ضرب النار مع القوات
ياسين جري عليه قبل ما يهرب ومسكه وقال: اهلا بجدي العزيز واساس الشبكه هنا في مصر والله وليك واحشه يا حاج نعمان ولا نقول التُربيني؟
نعمان: ايه اللي بتجوله ده ياواد انت اتچننت
ياسين: لا انت اللي اتجننت بروح امك اوعا تكون مفكر اني مش عارف حقيقتك من بادري انت وبنتك يا اشكال يا قذره وبردو عارف ان امي متبقاش بنتك وانك خطفتها وهي صغيره من بنت عدوك عشان تحرق قلبه عليها واتقال انها ماتت
انا بكرهك فوق ما انت تتخيل وحانت اللحظه اهي اللي اقدر اموتك فيها بنفسي بحق حرقة قلبي انا وامي طول السنين اللي فاتت دي
صوب السلاح عليه بس نعمان قال: اوعا تكون مفكر انكم اكده بتتخلصوا منينا احنا مفيش اجتر منينا مهما جابلتوا منينا مش هتعرفوا تقبضوا علينا كلياتنا
ياسين مردش عليه ولكن ضربه بالنار ف وقع على الارض غرقان في دمه بعد كل اللي ارتكبه زمان من جرايم.
في نفس الوقت كانت القوات قدرت تسيطر على الرجاله وتم القبض عليهم جميعا
وقف ياسين وقال لحسام: لولا انك كنت مصارح اللواء كان زمانك روحت في ابو بلاش معاهم
حسام: الحمدلله ان ربنا الهمني اعمل حاجه زي دي حتى لو كان هيحبسني بس على الاقل مش هعيش طول عمري بتأنيب الضمير
فتح ياسين موبايله عشان يبعت رساله لرائد لكن لقى بالفعل رساله منه
ضحك على محتواها واتصل عليه وقال: ايه يا زعيم الجمدان ده يخربيت جمدان امك لحقت تخلص بالسرعه دي
رائد ضحك وقال: بعض ما عندكم يا اخويا المهم عملتوا ايه
ياسين اتنهد بإرتياح وقال: اخيرا قدرنا نخلص منهم بعد كل السنين اللي كنا بندور وراهم فيها
رائد: الحمدلله ان الكابوس ده انتهى
ياسين بمشاكسه: بس قولي ايلين جت معاكم البت جامده انا عارف
رائد: اتلم يا خفيف وبعدين لا مجتش ايلين عميل سري ملهاش انها تنزل مهمات معانا وبعدين وعليا النعمه ما في اجمد من اختك
ياسين: يخربيت اهلك يا جدع انا مش مركب ارايل قدامك ما تراعي انها زفت اختي
رائد ببرود: زمان الكلام ده كان زمان دلوقتي هي مراتي
ياسين: استقبل يا حلو اما تعرف انكم رايحين هناك اصلا عشان المهمه
رائد: انبر فيها بقى انبر
ضحك يايسن وقال: يلا ليلتك بيضه يا شبح نشوفكم بكره ان شاءلله ربنا معاك
__________________________________
تاني يوم في مصر كانت قاعده نيروز بتعيط في حضن منال بعد اللي عرفته ومنال كانت بتحاول تهديها
نيروز: بقى بتضحكوا عليا يا ماما ومجوزني ليه عشان المهمه وبسبب جدي؟
ياسين: انتي شايفه ان اللي عملتيه دا صح وانك اصريتي اجي اخدك من المطار ومروحتيش مع جوزك؟
نيروز: انت اصلا تسكت خالص عشان انت االي جبتلي الانتر ڤيو في شركة رائد وانت االي خليتني اروح هناك عشان يشوفنى وطبعا عملتوا الفيلم ده كله عشان يتجوزني وتلاقيه مش بيحبني اصلا
ياسين: بت اتعدلي كده وانتي بتتكلمي
نيروز: انت بتتكلم معايا ليه اصلا انا مش طيقاك انت كمان وبعدين كل ده ونطلع مش من العيله المقرفه دي؟؟
منال: انا عارفه من زمان الموضوع ده سمعتهم بيتكلموا فيه عشان كده اول ما اتجوزت ابوكم اصريت عليه نيجي هنا
نيروز: لالا بس انا مش قادره اتخيل يا ماما ان كل اللي رائد عمله معايا ده طلع كدب
ياسين: بت اتظبطي ومتعصبيش امي ومين اللي قال انه كدب رائد بيحبك بجد ومن زمان كمان وهو اللي اصر عليا نعمل الموضوع ده في اسرع وقت عشان يتجوزك
نيروز: وليه وهو لو كان جه اتقدم طبيعي بدون المسرحيه دي كنت هرفض؟
ياسين: نيروز متجننيش وبعدين احنا كانت اعصابنا بايظه بسبب المهمه الزفت دي وان حد منكم يتأذي
نيروز: بس لا بردو مش هرجع معاه
قبل ما يرد عليها موبايله رن وكان رائد رد عليه وفتح الاسبيكر وقال: لسه مصممه على اللي في دماغها؟
نيروز بحده: اه ومتحاولش ولا ترن تاني يارائد عشان انا مش هرجع معاك وريح دماغك مني بقى
رائد: طب جميل انتي اللي اختارتي حاول يقلد صوتها وكمل مترجعيش تقوليلي بقى رائد انت اتجننت ايه اللي انت بتعمله ده
ملحقتش تستفسر عن كلامه سمعت صوت اغاني اشتغلت تحت البيت
بصت لياسين بصدمه وهو ضحك عليها وشدها وقال: قومي الحقيه دا مجنون ومبيهموش حد
دخلوا البلكون بسرعه شافت رائد راكن عربيته تحت البيت في نص الشارع ومتزينه ببوكيهات ورد كتيره اما هو نايم على سقف العربيه بكل اريحيه ومش هامه اي حد ولا شكله قدام الناس
نيروز بصدمه: رائد انت اتجننت.!!
رائد قام قعد وقال: سامعه بيقولك ايه يا اجمل هديه بعتهالي القدر ليا يا قمري في عن لياليا اوصفلك ايه والله والدنيا بقت في عنيا حاجه تانيه هواكي قابلته وفي ثانيه جريت عليه
نيروز كانت هتعيط من اللي بيعمله ليها بس حاولت تثبت على قرارها وقالت: روح يا رائد
رائد: يعني ايه مش فاهم كلامك ده.!؟
نيروز: زي ما سمعت كده مش هكمل معاك وهتطلقني
رائد: دا على جثتي ان سيبتك لحد غيري.!!!!
انتي اتولدتي في الدنيا دي عشان تكملي ضلعي الناقص.!!!
بوجودك وكلك على بعضك من اولك لأخرك بتاعتي ولو مفكره عشان زعلان منك همشي ورا كلامك الفارغ ده تبقي غبيه.!!!
عشان انا مش بحبك انا عديت كل مراحل الحُب والعِشق والهوس انا بقيت بتنفسك ومش عاوز حاجه من الدنيا دي غيرك يا فراوله.!!
مبقتش قادر اشوف ولا شايف ست غيرك اصلا.!
انتي مليتي عيني وقلبي وعقلي بعشقك.!
وانا اكتفيت بيكي انتي بس وتُحرم عليا اي ست غيرك.!
لكن بموتي لو بعدتي عني انا بموت من غيرك يا فراوله.!!!
عاوزه تسيبي حبيبك متعذب كدا يرضيكي؟
كان بيقول كل كلامه ده ومش مكسوف من حد واكنه بيحاول يعرف الدنيا كلها ان عشقها في قلبه فاق كل الحدود وان الست دي ملك ليه هو وبس
هي مردتش عليه لكن نزلت تجري بسرعه وهو ابتسم اول ما قربت منه ونزل من على العربيه وفتحت دراعاته ليها
وهي حضنته جامد كل اللي كانوا واقفين بدأو يسقفو ليهم بإعجاب وهو شالها ولف بيها وقال بصوت عالي: بحبك بحبك بحبكككك يا اجمل بنات حواء كلهم واجمل هديه ربنا هداني بيها في حياتي
دموعها نزلت وقالت: انا بحبك اوي اوي يا رائد ربنا يخليك ليا يا حبيبي
نزلها ومسح دموعها بإيده وقال: اه منك يا مغلبه رائد وواجعه قلبه ومخلياه مستعد يعمل اي حاجه في الدنيا عشان خاطر بس تفضلي معاه
في احدى البلكونات ميلت الام على بنتها وقالت: شايفه البت يا موكوسه جابت الواد على جدور رقبته ازاي لا وبتلعب على التقيل وقعت رجل اعمال مره واحده
هايدي: خلاص بقى ياما سيبيني في اللي انا فيه
الام بغل: والله ما بيطمر فيكي حاجه يا مقصوفة الرقبه البت لفت الواد على صباعها ومستعد يهد الدنيا عشانها شايفه… شايفه بيعمل ايه في نص الحاره ومش هامه حد
هايدي: شايفه يا اما شايفه ما خلاص بقى
ياسين: خلاص ياشبح فضي الليله وخد مراتك وامشو الناس بتتفرج علينا
ضحك رائد وقال: مردودالك يا ابو الصحاب
ضحك رائد ليه وهو مسك اديها وباسها وبعدين فتح ليها باب العربيه وقال: خشي يا مانجا لا مانجة ايه عليا الطلاق خوخايا بتدوب في البوق
ضحكت بخجل وركبت بسرعه عشان تشيل انظار الناس عنها وهو لف وركب الجهه التانيه ودور العربيه واتحرك بيها
__________________________________
بعد مرور شهر بالظبط كانوا قاعدين كلهم في صالة القصر الكبيره اللي متزينه بالانوار والبلالين مستنين اعللن نتيجة البنات
أيسل ورحمه كانوا متوترين جدا رائد بصلهم وقال: بس بس انتي وهي اهدو كده هتفطسوا تموتوا مننا
ضحكوا كلهم وقالت ايسل ليامن: ها ظهرت
يامن: لسه الموقع معلق
زين: والله انا مش عارف انتو خايفين كده ليه ما كدا او كدا هتدخلوا جامعات خاصه لازمتها ايه التوتر ده
رحمه: ها لالالا انا هدخل جامعه على حسب مجهودي ما يجيب مش هكلف حد
يامن برفعة حاجب: حد مين ياقلب امك انا جوزك وواجبي اصرف عليكي لو مش واخده بالك؟
أدهم: بس يلا اتهد شويه وانتي يارحمه من يوم ما جيتي هنا اظن وكلنا معتبرينك زي ايسل بالظبط يعني انتي بنتي وانا مرضاش يبقى ربنا رازقنا بفلوس الحمدلله واسيبكم تتمرمطوا في الجامعات الحكومه بنات المغربي لازم يتدلعوا احلى دلع
زين قام وهو بيصفر: ظهرتتتتتت واسمع احلى سلام لأجمل مهندسه أيسل في الدنيا كلهااااااا
ضحكوا كلهم وأيسل نزلت دموعها وقالت: كام؟
زين: 98% يا وحش عفارم عليكي والله مكنتش اعرف انك بتفهمي يابت
ضحكوا عليه ورائد حضنها وقال: الف مبروك ياقلب اخوكي
يامن قال: نتيجة رحمه ظهرت اهي
نيروز بحماس: كام كام قول بسرعه
بصلها وحب ينكشها ف قال: بصي يا حبيبتي طبعا كل حاجه قضاء وقدر و…
ملحقش يكمل لإن رحمه فهمت قصده وقالت بدموع: خلاص يا يامن
بصولها بحزن لكن مره واحده حست بنفسها طايره في الهواء وكان يامن اللي بيلف بيها وقال: وعندنا احلى دكتوره في العيله كلهااااا
ضحكوا كلهم بفرحه على الصغيرتين وقالت سمر وهي بتشدها بعد ما يامن نزلها وبتحضنها: وسع كده ياواد انت بتلمسها ليه اصلا
يامن: يا ماما يا حبيبتي مراتي اقسم بالله مراتي
أدهم: لا لسه مش مراتك
رحمه كانت محرجه من اللي بيحصل قالت نيروز: الف الف الف مليون مبروك يا حبايب قلبي فرحانه بيكم اوي والله
ميل رائد عليها وقال في ودنها: طب ما تفرحيني انا كمان دا انا حتى غلبان وزي جوزك
نيروز وشها احمر وقالت: رائد بقى احترم نفسك
رائد: خلاص خلاص متزقيش
بعد عنها وقال: طب يا جماعه بالمناسبه الحلوه دي عندنا خبر حلو ليكم
بصوله كلهم بإهتمام قال لنيروز: هتقولي انتي ولا اقول انا
نيروز بخجل: لا قول انت
زين: ما تخلصونا يا جماعه هي فزوره
رائد: ابشر ياعم بعد 8 شهور هيتقالك ياعمو
زين: مش فاهم ليه بعد 8 شهور
رائد رفع في وشه اختبار الحمل وقال: افهم ياغبي لو جبت هيثم ابن مؤمن كان فهم يخربيت غبائك
زين بص لإختبار الحمل بإنبهار وقال: لا متهزرش قول وربنا
رائد: والله اخيرا هتبقى عمو
زين بفرحه: يعني انت حامل بجد؟
بصوله كلهم بصدمه وبعدها انفجروا في الضحك اما يامن قال: اتطمنت على مستقبل عيالك يا زين يا حبيبي
قربت سمر من نيروز وحضنتها وقالت: الف الف الف مليون مبروك يا حبايب قلبي انا مش مصدقه نفسي والله
نيروز بحب: الله يبارك فيكي ياماما
بعد ما سلموا عليهم وباركوا ليهم قال رائد: انا هاخدها وهنسافر الساحل بالليل نغير جو
أيسل: طب ما تاخدني معاك ربنا يسترك دنيا واخره يارب
رائد: لا يا قلبي عندك ابوكي اهو يوديكي
ايسل: دا انت غلس يا جدع
رائد: لسان اهلك هاجي اضربك
حطت اديها على بوقها بسرعه وقالت: خلاص خلاص ياعم سكت اهو
ضحكوا عليها
أدهم بص على يامن ورحمه وبص لرائد وهو هزله راسه اما فهم قصدم
أدهم: احم تعالوا اقعدوا يا جماعه عشان لازم نتكلم في حاجه مهمه مش هينفع تتأجل اكتر من كده
بالفعل قعدوا كلهم بص أدهم لرحمه وقال: دلوقتي الحمدلله خلصتي امتحانات واتطمنا على مستقبلك
هزت راسها ليه بدون ما تتكلم
بصلها وقال: عاوزه تكملي مع يامن ولا اطلقك منه؟
بصو ليه كلهم بصدمه و……
يتبع….
