رواية طفلة في ثوب انثي الفصل التاسع 9 والاخير بقلم غادة عبدالرحمن
انا لست سلعة … لست خادمة …. لست عورة
انا استحق …. الحب ….. الحياة……. الامان …… الاحترام
كعادتها منذ حادثة سقوط زوجة خالها تأتيها بالطعام و تساعدها علي النظافة الشخصية و تقوم بأمور المنزل
اصبح تبادل النظرات بينها و بين انس عادة يومية يحملوا فيها الكثير والكثير من الكلمات و الرسائل المخفية
كانت تحمل صينية بها اكواب الشاي بعد أن أقنعت ثريا أن تنضم لهم في الشرفة لاحتساءه
ولكنها تعثرت فجأة لا تعلم كيف و لكنها سقطت و سقطت الاكواب محدثة ضجيج لصوت انكسارها وعندما جاء انس للاطمئنان عليها مسرعا عادت الذكريات تتدفق مرة أخري في رأسها
وما أن جثي علي ركبتيه بجوارها حتى رفعت ذراعيها في وضع الحماية و هي تردد
امانه امانه متضربنيش و الله من غير قصد هنضف مكاني والنبي متضربنيش
بهت لون وجهه من حديثها لم يتخيل أن معاناتها وصلت إلي هذا الحد
حاول أن يلمسها لتهدئتها ولكنها قابلته بانتفاضة و صريخ فما كان منه إلا أن ضمها الي صدره بالقوة حتي سكنت بين أحضانه
فداكي يا دهب المهم انتي كويسة
رفعت نظرها إليه ثم انفجرت باكية لتخرج كل ما اختلج بصدرها
+
في مكان آخر يتشح بالسواد و يصدح فيه صوت البكاء
تجلس علي الارض كعادة بعض أهل الريف تنعي ولدها فلذة كبدها
ياااا نااااار قلبي عليك يا ابني رااااح الواد راح زينة العيال كلهم يااارب الصبر من عندك يارب
دخل عليهم رجال في ملابس عادية ولكن ترتسم الهيبه علي ملامحهم
السلام عليكم عظم الله اجركم
وعليكم السلام شكرا الله سعيكم خير مين حضراتكم
انا المقدم عز بدران جاي من المركز
ارتبك زوج فضة وهو يردف
واجبكم وصل يا بيه
انا جاي ابحث في سبب الوفاة عشان تصريح الدفن
ما انا طلعت التصريح خلاص و الدفن العصر
في أقاويل بتقول أن الولد موته بشبه جنائية
جنائية لا لا ايه الكلام ده
وانت تبقي ايه للولد
انا جده ابو أمه
نهضت بقوة من جلستها وازاحت والدها و زوجها من أمامها
انا أمه يا حضرة الضابط
البقاء لله يا ست
الدوام لله بس انا ابني اتخطف من حضني ابني لتقتل يا بيه وعايزة حقه
أمسكها زوجها من ذراعها و جذبها للخلف وهو يصيح فيها
بتقولي ايه يا مجنونة انتي امشي انجري علي جوا
استني انت سيبها تتكلم … ابنك جراله ايه يا ست
اجابته وهي تشير الي زوجها الذي شحب لونه
ابني اتقتل ايوه اتقتل و اللي اقتله اهو هو ده الظالم
عندك شهود
عندي يا بيه
هاتوهم علي المركز هي و جوزها
+
عاد إلي المنزل بعد يوم شاق في المركز
حصل ايه يا فايز
مش عايز كلام يا وش الفقر انتي و عيالك
الله يسامحك … فضة فين
راحت علي بيتها
والمخفي جوزها روح هو كمان
لا ده مواله لسه طويل و شكله كده مش هيخرج منها
تركها وذهبت لغرفته لزوجته الثانية حتي تعدل له مزاجه
ولكنه وجد غرفته خاوية و خزينة أمواله فارغة
انتي يا وليه يا فتحية …. فين الزفته مش لاقيها
يووووه هو انا مقولتش لك السنيورة اخدت شنطتها و مشيت وقالت لي اقولك ( تعيش وتاخد غيرها )
في لحظتها فهمت ما تعنيه ليستشيط غضبا ليهجم علي زوجته ويجذبها من يدها بقوة وهو يردف
اه يا ولاد الك لب بتعملوا عليا رباطيه ده انا هقتلكم
نفضت يده من عليها وهي تجيبه بتحدي
روح اتشطر علي اللي سرقتك و ضحكت عليك
لم تمض ايام قليلة حتي فوجئت برجال الشرطة تدق ابواب المنزل بعنف
فين جوزك يا ست
في اوضته خير في حاجة
اعطي إشارة لعساكره ليدخلوا الي الداخل ليعودوا و معهم فايز وعلي وجه كل معالم الذهول
في ايه يا باشا بس انا عملت ايه
ده انت بلاويك كتييييرة يا راجل
بلاوي بلاوي ايه ده انا غلبان وفي حالي
علي العموم الإنكار مش هيفيدك و مراتك الراقصة اعترفت عليك وانك انت اللي بوظت عربية مجدي بغرض قتله و العربية دلوقتي في الفحص وكله هيبان
انهار هنا كل زيفه وخداعه ل يولول كما الحريم ناعيا حظه
+
بالعودة الي القاهرة .. وصلت الاخبار الحزينة و السعيدة دفعة واحدة ليطمئن قلب دهب و تنتهي ايام خوفها
دخلت الي ثريا لتجدها شارده حزينة
مالك يا طنط ثريا في حاجة وجعاكي
لا يا دهب انا كويسة
عليا انا برده ده انا حفظاكي مين زعلك
ولا حد قوليلي يا دهب ناوية علي ايه مع أنس
ارتبكت دهب و زادت ضربات قلبها بمجرد سماع اسمه ولكنها تعلم أنه الحلم المستحيل
مش عايزاكي تقلقي من الموضوع ده انا الأمور استقرت في البلد وهرجع اعيش وسط اخواتي وامي وهكمل دراستي والاستاذ انس بكره يلاقي اللي تليق بيه و تفرحه
انتي شايفة كده
اجابتها بهز رأسها موافقة لم تقوي علي الحديث وهي تكتم دموعها
بس انا حاسة أن انس مايل لك
ابتسمت دهب بتحسر واردفت
دي شفقة مش اكتر وبكره ينسي و يحب بجد
لو بتعملي كده عشاني فأنا خلاص وافقت علي جوازكم انا ام واكيد انتي هتقدري ردة فعلي بس انا عمري ما هلاقي حد احن منك عليا و عليه
احتضنتها دهب
انا عمري ما ازعل منك انتي امي بس صدقيني انس يستاهل واحدة تشرفه وتفرحه
+
– دهب يا دهب
_ ايوه يا استاذ انس
– استاذ؟! ما علينا ايه الكلام اللي ماما قلته قبل ما تنزل ده
_ كلام ايه
– انتي هترجعي البلد تاني
_ ايوه أن شاء الله اخلص الامتحانات واسافر امي واخواتي محتاجيني
– طب وانا جوزك مش المفروض تستأذنيني و تعرفيني علي خططك المستقبليه اللي انا تقريبا مش جزء منها
_ كتر خيرك انا عارفة أن جوازك مني شهامة وعملت الواجب وزيادة وشوف حابب ننهيه امتي وانا موافقة
– انتي ازاي بارده كده وبتكلمي عن بعدنا بالسهولة دي
_ متخليش شهمتك وشفقتك تتغلب علي عقلك
– ليه مش عايزة تصدقي اني فعلا عايزك وبحبك
_ كان نفسي فعلا اصدق بس تقدر تقولي علي ايه تعليم مفيش…عايلة تشرف مفيش…..و أرملة …أما بقي لو جيت تتكلم عن الجمال فراح من كتر الهم و الحزن والشقي
وازاحت جزء من ملابسها لتريه علامات حفرت علي جسدها
شوف هنا وهنا وغيرهم كتير …. مين هيرضي بواحدة شبه مشوهه زي مين
انا هرضي لا مش هرضي انا فعلا راضي وموافق و كل اللي جواكي ده هنعالجه انتي في نظري ست البنات كلهم
ادينا فرصة نحاول ننجح علاقتنا
+
عادت الي البلد برفقه خالها وعائلته وكان لقاء شديد الحرارة بين هاشم واخته التي حرمه زوجها منها لسنوات عديدة
يااااه يا هاشم الشيب عرف طريق شعرك
كبرنا يا فتحية وخلاص حسن الختام
بعد الشر عنك يا خويا انا ماصدقت اتجمعنا ….. زي ما انتي يا ثريا قمر ربنا يحفظك
تسلمي يا فتحيه ….. امال فين انس و دهب ؟
راحوا ل بيت فضة ياخدوا بخاطرها وزمانهم جايين
ابن الحلال عن ذكره بيبان اهم وصلوا ومعاهم فضة
السلام عليكم
وعليكم السلام ازيك يا فضة يا بنتي
الحمد لله يا خال
البقاء لله يا حبيبتي ربنا يصبرك
الدوام لله يا مرات خالي
وقفت دهب واستلمت الحديث
يا ماما فضة من بكره هتجيب عيالها و هتعيش معاكي هنا البيت ده و الاراضي اللي حواليه بتاعتك انتي و فضة مش عايزاكم تحتاجوا لحد ابدا و العيال تكمل تعليمها
بس دي فلوسك يا بنتي
وانا راضية كده يا امي المهم عندي تعيشوا وترتاحوا
وتقدم خالها من والدتها ومعه ظرف كبير
وفلوسك يا فتحيه اتفضلي بفوايدهم يا اختي من يوم ما مشيتي وانا شيلهم ليكي
بالنسبة لقضية طلاقك يا فضة صديق ليا محامي هيساعدك فيها ويمسكهالك متقلقيش
سمعوا طرقات علي الباب لتحضر قمر بصحبة زوجها و هي تسير علي هداوة بسبب بطنها المنتفخ فقد اقترب ميعاد ولادتها
برده جيتي يا قمر
يووه بقي يا ماما هتتجمعوا من غيري يعني
انا كنت جيالك انا و انس يا قمر عشان منتعبكيش
تعبكم راحة
وجه هاشم الحديث الي زوج قمر
+
بقولك يا اسماعيل
اامرني يا خال
يا بني بدل سفرك ولفك في البلاد ايه رايك تباشر أملاك دهب و بالمرة تراعي أرضك بدل ما انت سايبها للعمال
تدخلت دهب في الحديث
وعلي فكره انت هتكون بتشتغل معايا وانت فاهم قصدي ومفيش حد أمين و جدع زيك وكفاية بعد عن مراتك وعيالك
بصراحة مش عارف اقول ايه
جلس انس بجانبه واضعا يده علي كتفه
وافق بقي يا سمعة عايز دهب تبقي مطمنة وهي معايا في القاهرة انت في مقام اخوها الكبير
خلاص توكلنا علي الله
اول حاجة تعملها بقي تبني فيلا صغيرة كده في حته الأرض الشرقية عشان لما اجي زيارات
انا شكلي كده ادبست ههههههههه
+
ليضحك الجميع لتنتهي اوقات الحزن و الشقاء و تبدأ ايام جديدة مليئة بالفرح والسعادة
+
التحقت دهب بكلية الفنون التطبيقية كما كانت تحلم بسبب حبها للرسم . بدأت الذهاب لطبيبة نفسية حتي تزيل تراكمات الماضي و اثاره . اصبحت علي تواصل مستمر مع صديقتها امل التي خطبت للمقدم عز بعد أن رآها عدة مرات مع والدها واليوم ولأول مرة يغلق باب واحد يجمع انس و دهب معا
مبسوطة يا دهب اخدنا الشقة اللي فوق اهلي و عملتي انتي الديكورات و كل حاجة حتي العفش علي ذوقك
+
جداااا يا أنس مش متخيل فارق معايا قد ايه انا مبسوطة اوي
وده المهم عندي
جلس واجلسها علي قدمه و نظر بعمق في أعينها
دهب اوعي في يوم تخافي مني انا حمايتك انا امنك وامانك حضني دائما مفتوح ليكي
انا عارفة ومتاكده من ده
يعني موافقة نبدأ حياتنا مع بعض كأي زوجين
إجابته بابتسامة ثم دفنت رأسها في رقبته بخجل ليقوم بحملها الي غرفتهم واغلق الباب لتبدأ رحلتهم الوردية
+
” كان وجودك سببا كافيا لأعلم أن للحياة وجها يستحق كل هذا العناء ”
+
لما تيجي تختاري الشخص إللي هيشاركك الباقي من عمرك إوعى تختاري شخص قاسي مهما كنتي بتحبيه و متعلقه بيه دوري دايماً على صفة “الحنية” الشخص الحنين إللي يهوّن عليكي صعوبة الحياة و مشاكلها و ضغطها الشخص إللي بيعرف يطبطب و يداوي و يحتوي و يحس بيكي و يراضيكي الشخص إللي لما تُقعي تلاقي إيده ممدودة ليكي ميدكيش فرصه تدوري على إيد حد غيره علشان تسندك و تقومي كل حاجه ممكن تهون و تتعوض الفلوس بتروح و تيجي و الشكل بيتغير و بنكبر و مش بيبقى غير القلب الصادق الحنين مش بيبقى غير الحب و الإحتواء و الحنان و الرحمة و الونس و الدفىء و هما دول أهم حاجة في العلاقات .
