رواية طبيب القرية الفصل الثامن والعشرين 28 بقلم صفاء حسني
بسم الله الرحمن الرحيم
وبه نستعين
طبيب القرية
الحلقة الثامنة والعشرون
بقلمي صفاء حسنى الطيب
نهر :حصلت حاجة امبارح ومش عارفة اتصرف ..
ريهام : هي ايه مالك مرعوبة كدة يا بنتي ..
نهر مشغلة الفيديو علي اللاب وملامحها كلها خوف ..
نهر :مش عارفة اتلم علي أعصابي ومش عارفة اعمل ايه
ريهام :اهدئ طيب واحكي…
نهر :بعد ما أديت لسليم المهدئ بساعه ودخلت أنام لاقيت سليم جاي علي المخيم بتاعي وشكله عجيب وبيضحك فلاش ….
سليم :ههههه ضحك عليك سليم صح قال لك عايز يتجوزك علشان أمه زبيدة علشان يصعب عليها و تاخديه في حضنك وتحكي ل زبيدة وتقوليلها تسامحه..ويرجع الابن لأمه ده بعينه …
نهر : كنت بغمض وافتح عيني ومش مستوعبه في الأول بس توقعت أن ده الشخصية التانيه لسليم حبيت اجاريه
نهر : وانت ايه إللي مضايقك لما يتجوزني علي الأقل هترتاح منه ومش هيتجوز زبيدة …
سليم :هههه لا طبعا انا عارف أنه بيحبك انتي وعمره ما كان يفكر فيها بالنظرة دي لكن انا إللي خليته يعمل كدة ومش هاخليه يتجوزك مفهوم ..
نهر :بيحبني انا ازاى مش هو كتب عقد عرفي علشان يتجوز عمتو زبيده يبقي بيحبها هي ..
سليم :هههه انتي عبيطة ما هو متعلم وعارف. أن لا يجوز يتجوز واحدة من غير اذنها ..
علشان كدة اقنعته يعملها بس رفض وبعد ما انا كتبت العقد لكن هو قطعه بس كان لازم اسيطر عليه ويقول للكل أنه اتجوز زبيدة عرفي علشان مالك يقطع الأمل وكمان زبيدة تكره سليم.
نهر :يعنى زبيدة متجوزتش سليم بعقد عرفي …
سليم :طبعا لأ زبيدة ليا انا وبس..
نهر :طيب انت مين وعايز اي من مالك ومن سليم ..
سليم :انا حبيب زبيدة انا إللي كنت دايما في أحلامها وبتنادى عليا ايام وحدتها يعنى انتي فاكرة بنت تعيش كل السنين دى من غير جواز وتقدر تمسك نفسها حتى من الحلم …
نهر؛ أعوذ بالله انت قرين مين وامتي دخلت في سليم …..
القرين :انا دخلت قريب جدا كنت الاول دايما في اوضه زبيدة وبراقبها سنين انا قافل قلبها انها تحب حد ..
نهر : يعني انت كنت لابسها طيب خرجت منها ليه …
القرين :لا مدخلتش فيها لكن لما اعترفت زبيدة بالحقيقة وسليم كان تايه مش مظبوط ودخل علي اوضه زبيدة لما رجع علشان يستسمحها بعد ما سمع كلام شمس ونور في الوقت ده لقيته شاب وسيم وجميل ولازم اسيطر عليه علشان أكون مع زبيدة وتحبني ..
نهر :طيب ليه لمبستش زبيدة ولبست سليم …
القرين :علشان زبيدة اه احيانا بتكون ضعيفة لكن قريبه من ربها اوى مفيش فرض بتفوته ودايما بتقرأ قرآن مقدرتش أقرب منها بس انا عشقتها بجنون ومش هاسمح لاي حد يقرب منها …
نهر :وسليم ذنبه ايه بس انت بهدلت دكتور وشاب علشان رغباتك…. وليه ظهرت قدامى دلوقتي…
القرين : علشان انتى قدرتي تتغلبي علي عقل وقلب سليم وبدأ يرفض وجودى وبدأ يسيطر علي نفسه وانتي السبب حتى الدكتور مقدرش يعالجه بس انتي واقفة قدامي ومش خايفة مني …
نهر :أعوذ بالله من الشيطان الرجيم أخاف منك انت إزاي وربنا معايا حرام عليك أخرج من سليم وارحمه .
القرين : انتي كمان شبه زبيدة قوية وقريبه من ربنا وقرأتك للقرآن كل يوم علي رأس سليم بعد ما بينام
استفزتني بعد ما كنت موهوم ان سليم بشخصية مالك وسليم كان لازم يسمع كلامي ويتجوز زبيدة ويقع في حبها مش فاهم ازى حبك انتي …
نهر : وأنت بقي مضايق علشان قدرت اسيطر عليه صح …
القرين :اه وانا هبعده عن تاثيرك ….
نهر : ولو مبعدش من تأثيري هتعمل ايه
القرين :طول ما انتى بعيدة عنه ازاى يعني هيبقى تحت تاثيرك وعلشان كدة ظهرتلك وبقولك مش هتتجوزيه لأنك لو اتجوزتيه هتموتي فاهمة …
نهر :ومين إللي هيقتلني انت …
القرين :اه مش خايفة عايزة تشوفي ..
نهر :مش هتقدر…
القرين :انتي بتتحديني …
نهر :اه علشان انت موجود في جسم سليم وأنت اعترفت دلوقتي انه بيحبني وزي مقدرش يمضي علي عقد جوازه من عمتي زبيدة مش هيقدر يقتلني …
سليم عينيه تحمر ويمسك ايدها بعنف وصوته يتغير ..
.
انا هقتله لو مرجعتنيش عند زبيدة واخر بلد دي هتروحي فيها و على طول علي مكان زبيدة فاهمة ….
ويسيب ايدها ويبدأ جسم سليم يتنفض
نهر بدموع : خلاص بلاش أرجوك سيبه انا هوديك عندها….
سليم يقع مغمى عليه
نهر تجرى علي سليم..
نهر : سليم أرجوك فوق يا سليم أرجوك …
باك ****
ريهام : يا نهار اسود يا نهر وازاى قدرتي تقفي وتتكلمي معاه من غير خوف ؟ وسليم عامل ايه دلوقتي ؟…
نهر :حرارته ارتفعت وفضلت طول الليل اعمل كمادات بارده و اديته حقنة خافضة وحرارته منزلتش ( وبدموع ) خايفة يموت مني يا ريهام …
ريهام :القرين ده مش سهل يا نهر وهو بيوريكي يقدر يعمل ايه في سليم… طيب هو فين دلوقتى ؟
نهر :سألت علي شيخ في البلد وحكيتله وهو بيقرا ليه قرآن دلوقتي…
ريهام :مشعوذ يعني انتى متعلمة اكيد ده مرض نفسي وهو عنده انفصام في الشخصية …
نهر :طيب ازاى انا اتاكد أن كان فعلا روح لابساه او قرين او ان كان عنده انفصام في الشخصية ..
ريهام : هي أكبر غلطة أنكم شغلتوا المستوصف ده بعد الحريق واللي حصل فيه سليم هنا كان كويس إشمعنى لما راح عندكم …
نهر :ما انا حكيتلك إللي حصل واللي قاله معتز …
ريهام :معتز اساسا مش قريب من سليم للدرجادي وخصوصا بعد ما عرف أن ابوه عينه علي زبيدة يعنى ممكن بيضحك عليكي او سليم مراحش لدكتور أساسا …
نهر :انتي بتقولي ايه طيب انا هاقفل معاكي اسأل عمتو زبيدة علي حاجة وأشوف الشيخ عمل إيه مع سليم…
ريهام :ماشي خلي بالك ورأيي ان زبيدة ترجع او انتي وسليم تروحي عندها اساسا معظم قري الصعيد بسمع انها مسكونه…
نهر :انتي مش مصدقاني ومفكراني بخرف.. أهل الصعيد عارفين ربنا ماسمحش انك تغلطي فيهم يا ريهام…
ريهام :انا مقصدش كلهم يا بنتي انتى علي راسي من فوق وهما كمان بس إللي انتي بتقوليه ده ميطلعش من ناس متعلمه والبلد إللي انتي فيها مهجورة وعندهم بالليل متسمعيش صريخ ابن يومين الكل نايم ومتنكريش أن في ناس جاهلة وبتعمل أعمال توقف حال بنت او تعنس أو الحاجات إللي زى دي اهربي بسليم من المكان ده …
نهر :في دي عندك حق أنا هحجز القطر وفعلا أروح اسكندريه وأشوف أحسن دكتور نفسي هناك …
ريهام :عين العقل سلام ..
نهر تتجه نحو الجامع و تدخل الجامع ..
الشيخ : إنتي متأكدة يا بنتي من اللي قلتيه ده ….
نهر : آه ليه يا شيخ ؟..
الشيخ : أصل …
فجاءة يخرج سليم وهو كويس جدا وبخير وبكل نشاط ..
شكرا جدا يا شيخنا صوتك حلو اوى
نهر مستغربة خير ..
الشيخ : تعالي يا بنتي دقيقة بعد إذنك
نهر : حاضر بس أفهم ..
سليم : تفهمي إيه مش أنا وأنتي جينا الصبح علشان نسأل الشيخ ..
نهر : نسأله علي ايه ..
سليم :ايه يا حبيبتي انتي نسيتي..
(ويقترب منها ويمسك ايديها )
علي مأذون علشان نتجوز وهو قال في مأذون هنا …
نهر تبلع ريقها وهي مش فاهمة حاجة .
الشيخ : ما انا قلت له ميستعجلش بس هو مصمم تعالي معايا عند بنتي تجهزك علشان تتجوزوا …
نهر :تمام ..
سليم : عايزك تبقي زى القمر ماشي يا قلبي ….
نهر بخوف : حاضر …
الشيخ روح انت مع الشباب علشان يجهزوك …
سليم : اكيد ويبتسم …
نهر :هو حصل إيه ياشخينا …
الشيخ : أول ما بدأت أقرأ عليه قرآن لاقيته قام وفاق وكأنه مش شايفني ودخل اتوضا ووقف وطلب مني اكون الامام بتاعه …
سليم :ممكن طلب يا شيخنا ..
الشيخ : أكيد اتفضل…
سليم :عايز أصلي آخر صلاه ليا في البلد دى وتكون الإمام بتاعي …
الشيخ : اكيد هو انت خلاص هتسيبنا يا ابني ..
سليم : آه وحاسس أني مجهد وتعبان حتي اغمي عليا والدكتورة قلقانه عليا جدا …
الشيخ :فعلا قلقانه جدا عليك متوترة واكيد تعبت هي كمان …
سليم : آه فعلا تعبت معايا من كفر لكفر ومستقرتش ، ممكن طلب كمان…
الشيخ : اتفضل يا ابني.
سليم :كنت عايز اكتب كتابي علي الدكتورة لأني بحبها وهي بنت عمتي بس مش هفضل أشرح لكل كفر وكل بلد أن إحنا قرايب علشان سمعتها في وسط الناس ….
الشيخ :طيب اهلكم يا ابني …
سليم :كتب كتاب بس يا شيخنا ولما هنرجع نعمل فرح وسط اهلنا ..
الشيخ : حاضر يا ابني إللي تشوفه ..
نهر :يعني محسيتش خالص أنه في حاجة مش طبيعيه فيه ….
الشيخ :الدكتور طبيعي جدا أكيد انتي كنتي مجهده يا بنتي وهو كمان بس انتي موافقة علي كتب الكتاب منه يا بنتي ..
نهر :انا آه يا شيخ هو عنده حق …..
وفعلا أهل الشيخ جهزوا نهر وكمان سليم جهز …
ووصل الشيخ وبدأ كتب الكتاب ..
جه اتصال من ريهام..
ترد نهر : الو يا ريهام …
ريهام : عملتي ايه وايه الزغاريت دي..
نهر :انا هتجوز سليم …
ريهام : بتقولي ايه 
ليه يا بنتي ؟!!…
نهر :ده إللي وصلتله ولو فعلا عنده انفصام في الشخصية هتظهر اما لو كان روح لابساه او قرين هيظهر …
ريهام :ده خطر عليكي إنتى بتعرضي نفسك للخطر ….
نهر :علشان أنقذ سليم معنديش حل تاني …
ريهام :انتي حبيتي سليم يا نهر ومش عارفة قرارك صح ولا غلط بس لو لسه ما اتكتبش الكتاب فكرى تاني يا نهر …
نهر تبكي ايه الحل طيب حرام. اتخلي عنه مهما يحصل معه
