رواية طبيب القرية الفصل الثالث عشر 13 بقلم صفاء حسني
الحلقة 13
.
.
بسم الله الرحمن الرحيم وبه نستعين
# الحلقة_الثالثة_عشر
#طبيب_القرية
#بقلمى_صفاء_الطيب
مالك: خير يا بنت صفية متنططه من الفرحة اكده
نهر : آخيراا يا خالى المستشفي إللي انت بتتبرع فيها وافقت تبعت دكتور متخصص باطنة وأطفال
مالك :مستشفي الدكتور عز ونور
نهر :اه يا خالو بس انا مش عارفة ازاى اتعرفت بيهم وهما في القاهرة واحنا هنا
مالك :انا اعرف الدكتور عز مش نور كان هو الطبيب المعالج ليا لأنه دكتور جراحة عظام كبير وقام بالعملية ومتابع معايا لحد دلوقتى
نهر : طيب ازاى م قدرش يخليك تقدر تمشي علي رجلك
مدام دكتور كبير كدة
مالك :لان وقتها كان لسه صغير وموجود في مستشفي في المحافظة وانا وقت ما روحت علي المستشفي كان داخل 3 رصاصات في رجلي وكتفي اتنين وفي رجلي الشمال واحدة وكنت هبقي مشلول دلوقتى لكن الفضل يرجع له بعد ربنا طبعا قدر وقتها ده غير المسافة نزفت دم كتير قوى ودخلت في غيبوبة وقتها شال رصاصتين من رجلي والتالته م كنتش ظاهرة لأنها دخلت ف مكان دقيق ف رجلي بعد سنين كنت بنزل دايما في المتابعة طلب منى اعمل اشاعة رنين كان جهاز جديد وقتها واكتشف الرصاصه دى وخرجها لكن سببت لي مشاكل وانى الحمد الله احسن من غيري يا بتى
نهر :دايما يا احسن خال في الدنيا كلها يالا ايدك بقي ع 5 الاف جنيه
مالك :ليه دول يا بت صفية قاعدتك معايا جات بخاسرة ليا
نهر :بقى إكدة يا خالى يعنى كنت عايزني أسافر لندن مع أمى واخويا رحيم
مالك : لاه طبعا انا خابر عيشه الغرب دا مش مليح للبت وكمان ابوكى قبل ما يموت أمني عليكي انتى واخوكي وأمك
نهر: عارفه يا خالى بس كل الكفر بيقول انى بتك ومش بيندونى غير نهر مالك
مالك :خابرة ليه الحديت دا
نهر :لا مش خابرة
مالك :علشان وجدقت ما ولدى مات انى تعبت كتير انى وأمك وامى أهل البلد كانوا قاسيين علينا ورغم اني كنت عندى مال لكن مفيش حد بيحبنى كنت وحيد كانت أمك اقرب الناس ليا وامى استلمت كل حاجة بقت ست الكفر واتغير الكفر من اسم غريبة ل اسم كفر وردة لحد ما كبرت وحبيت
#فلاششسسسس باك *
تدخل الجامعة أمى رفضت
وردة قالت: لاه مفيش بنته تسيب الكفر وتخرج تتعلم برا
#مالك: وقفت ليها وقتها وقلت هتروح وانا معاها انا اساسا مش ليا لازمة في الكفر اهنه وانتى ست الكفر .. قالت
#وردة*روح مطرح ما انت عايز ما انت زي صقر مش كفايه وهبت روحك حزن علي زبيدة زي ابوك وم اتجوزتش لحد دلوقتى .
..
#مالك : اه انا صونت الحب م حطيتش أيدى في ايد أعداء بوى وبقيت الكل في الكل وكمان اتجوزتى جوز أختك اي الجبروت دا كله من زمان دمرتي حياه أختك واخدتي حبيبها وبعد ما ماتت اخدتي جوزها قبل ما جثة ابوي تتحلل
….*وردة: في سرها لانى بسبهم ادمرت انا حياتى كانت مفيش ف الكفر إلا صابحه كل الشباب بيحبها حتى ابن أكبر كبرات البلد وبعديه عثمان اما انى مش موجودة بس انا اخدت منها كل واحد حبها في الاول صقر وبعد اكدة عثمان
#مالك *ردى عملت اكدة ليه
#وردة* لانى ست الناس زى ما كان ابوك يقول قدام صابحه و قدام كل الناس لكن ابوك كان بيعاملنى كاني خدامة ولا حاجه ويوم ما كان يقرب منى كان يناديني بصابحه و بعد ما عرف الحقيقية احتقرني وذلني 4شهور كسرنى حتى بعد ما كنت فاكراه انكسر رجع قوي في 4شهور ورغم اني سبت اختى في المستوصف وجريت عليكم وهربت بيكم اتهمنى ب الانانيه أنى سبتهم لوحديهم ولما عرف أنها انحكم عليها بعت ليها أكبر المحامين وم راعاش انى مرته وليا مشاعر واحساس …
*مالك #مش خابر اقولك ايه بس انى مش هسيب اختى مستقبلها يتحطم زي ما عملتى مع أختك
….
*باك #
نهر :وقتها سافرتوا وسبتوا الكفر
مالك :اه كنت بتابع مع الدكتور وكمان انضميت ل حزب كبير في القاهرة ودخلت مجلس الشعب عن حى شعبي كنت ساكن فيه انى وصفية #وصفية*درست صحافة وإعلام
وانا خلال 4 سنين بقيت موجود في أكبر حزب بعد ما كنت محبوب في الحي دعمونى ودخلت الإنتخابات وبعد كدة الحزب طلب انضم ليه وبعد كدة رجعت ودخلت هنيه ونجحت وبقيت ليا الكلمة وامى خرجت من الحزب لما لاقونى قدها ، ووقتها أمك اتعرفت علي واحد وحبيته لكن امى كانت عاوزة تجوزها ابن واحد من الكبرات اللي في البلد الر سندينها في الإنتخابات .
نهر :دا بابا صح
. ….
#مالك* اه ابوكى الشاب اللي امك حبيته كان ابن عضو من الحزب كان بيساعدنى هو وهى حبوا بعض واتجوزوا رغم ان أمى كانت معارضة لكن وقفت ليها المرة التانيه
….
*مالك #انى عارف انك بتكرهي الحب وكنتى السبب في فراق كل حبايبنا لكن صفية لاع ماشي يا وردة هانم
#وردة* انت فاكر نفسك كبرت انت عاجز م تقدرش تمشي خطوتين من غير عكاز ولو المرة دى فزت عليا بالحزب انى المرة الجايه هكسب
#مالك* مهما تكسبى يا وردة هانم انتى خسرتي حتى الحب وكمان حب أولادك وانا كنت فاكر ابوي وحش لكن طلع بالنسبة ليكى ملاك يا ام مالك وصفيه هتتجوز اللي بتحبه مفهوم
…
#مالك* واتجوزوا وعاشوا في القاهرة اما انى كنت من هنا لهناك مش خابر ليه كنت بحس أن في حاجة ليا في القاهرة كأن روحى هناك رغم لازمن روحى تكون هنا وجيت يوم ولادتك ولما نورتى الدنيا شيلتك وانى فرحان بيكي ابوكى سعيد سالنى
#سعيد * هتسميها ايه يا مالك
مالك #انا إللي اسميها ازاى بقي
سعيد #دا أقل معروف ليك يا حضرة النائب و اخو حبيبتى .
صفية #:حقيقي يا أخوى انا بعتبرك ابوى مش اخوى وانا قررت ان اول طفل ليا انت اللي تسميه
مالك #سرحت وقتها وافتكرت لما كنت مع زبيدة في المكان دا
….#فلاششششششش باك
زبيدة مجهدة وتخرج خارج المستوصف وتقف أمامه ياتى من خلفها مالك
#مالك انتى عارفة انى نفسي فى ايه
زبيدة #فى ايه
#مالك نفسي تكون ليا انا وبس توهبي نفسك ليا وتستنينى ومحدش يلمسك غيري انا وبس ولما نعمة تولد وأبنى و يكون عنده 10 سنين اتجوزك
زبيدة #والله يعنى أفضل مستنياك لحد ما اكون عندى 30 سنه واعنس علشان امنيتك صح
مالك #ولو بقيتي عندك 50 هأفضل أحبك وطول العمر مش شايف ازاى أبوي بيحب أمك ويفضلوا كدة لحد ما يموتوا
زبيدة #لكن الزمن فرق ما بينهم وكل واحد عاش حياته
مالك #بس عاشوا جسم من غير روح وانا عمرى ما المس واحده غيرك
زبيدة #يبقى بتظلم نعمة
مالك #سيبك من نعمة انى بنتى هاسميها نهر علشان النهر ده شاهد علي حبى وعشقي ليكى
زبيدة #هههه انت مجنون فعلا
مالك :#مجنون بحبك
زبيدة #طيب لو نعمة جابت هي بنت
مالك #اسميها نهر علشان أفضل فاكر كل لحظة كنت معاكى فيها بحب الكلام معاكي مش عايز أمشي لحظة من قدام عيونك ومش عارف لو سافرتي قلبي هيقف ويموت
زبيدة #تضع يدها علي فمه بعد الشر انا وأنت حبنا طاهر لكن مش هاحب اظلم بنت زيى وطول ما انى جنبك مش هتقدر تحب نعمة او ابنك سلام
#مالك *اوعدينى انك تستنينى يا زبيدة محدش يدخل قلبك غيرى ويوم ما يحصل انا هعرف حتى لو بينك وبيني بحور
زبيدة تبتسم وتدخل
….باك#
مالك #روحت نطقت وجتها نهر مالك
سعيد #نهر مالك وده هيكون اسمها وأنت ابوها التانى ومن اليوم دا نسميها نهر مالك
….
نهر :ومن الوقت دا كنت أب ليا بجد وكنت فرحانة انى عندى ابين وكان اجمل وقت إللي كنت باجي اقعد فيه هنا معاك في الكفر في الاجازة لحد ما خلصت تعليمي قررت اقعد معاك
مالك :اه يا بتى وجودك معايا عوضني كل حاجة كنت بحس انك بتى بجد
نهر تضمه ربنا يخليك ليا يا اجمل أب مش بيقولوا الخال والد
مالك :حقيقي يا بنت صفية خدي الفلوس بقي وسبينى شوية
نهر :تسلم يا اجمل آب
….
عند سليم يجهز حقيبته وكل شي يلزمه بخصوص السفر وحجز القطار الساعة 9مساء علشان يوصل علي الصبح
زبيدة كانت في غرفة العمليات مع الدكتور عز إللي بيعشقها ونفسه تتجوزه لكن هي رفضت ودايما بيتفائل بيها وعلي طول معاه في كل عملية خرجت بعد 4ساعات كانت العملية صعبة جدا لكن هى من اكفئ الممرضات في المستشفى وليها صبر وشاطرة جدا روحت وهى تعبانة نامت وهى مجهدة حلمت ب
مالك #انتى مش جاية بقي وحشتينى قوى
زبيدة # اجى فين
مالك# الكفر انا منتظرك تعالي
زبيدة #انت عايزني ازورك يعنى بس انى خايفة علي ابنك سليم بقي بسم الله ما شاء الله نسخة منك
مالك #ما انى عارف وهو بكرة جاي تعالي معاه اوعى تسيبه لوحده ابنى في خطر
زبيدة #بكرة جاي فين وخطر أي لا سليم سليم
وتقوم من النوم مفزوعة
تنزل شمس علي غرفتها : مالك يا زبيدة
زبيدة #وين ابنى سليم
شمس بحزن #قرر يسافر علي كفر في الصعيد علشان يساعد الأطفال والمرضى هناك
زبيدة بخوف # اسمه ايه الكفر
شمس م تخافيش مش الكفر إللي انتى هربتي منه الكفر ده اسمه وردة
زبيدة #بإرتياح ترد انى هاروح معاه رجلي علي رجله مش هسيبه
شمس :#يعنى قررتي انتى كمان تسبينى
زبيدة #مش قصدي والله بس ابنى مش هينفع اسيبه روحي تروح مني وأنا خايفة عليه
شمس #يعنى انا مش أمه وأخاف عليه كمان
زبيدة #والله مش جصدى لكن هو مش هيعرف العادات هناك في الصعيد وخايفه حد يتعرف عليه وأنى عمرى ما سمعت عن اسم الكفر ده قبل اكدة وقلبي مقبوض قوي
وكل دا وهى بترتب الحقيبة ولما تخلص
نور :#انا كنت عارف انك هتسافري معاه وحجزت لك زيه
خدى التذكرة
شمس #يعنى موافق علي سفرها
نور #دا كان طريق يا دكتورة شمس ولازم نوصل وكلنا كنا عارفين ان دى النهاية وأن يوم ما يعرف سليم كل حاجه عن نفسه هيسيب كل حاجة وممكن يرجع ل بلده
زبيدة :هو معاد القطر الساعة كام
نور :كمان ساعة الحقي سليم وخلي بالك منه والمرة دي وصيتى انا ليكي أن سليم يرجع سالم وروحوا تانى
زبيدة # بإذن الله وتسحب الحقيبة وهي ما بين نفسها مش خابره أن كانت صح ولا غلط لكن انت إللي طلبت منى اقول له كل حاجه ودا النتيجة عايز يرجع يدور علي أصله
وتذهب الي محطة مصر وتركب القطار درجة أولي غرفة بجوار سليم
سليم قاعد علي اللاب توب يبحث عن اسم الكفر او البلد ولم يجد اسمها
سليم #اكيد قولت اسم غلط علشان م اوصلش ل اصولي واحاسب كل اللي كان السبب في يتمى وموت أمى وابويا
ويتذكر الدكتورة نهر فيتصل بيها صوت وصورة لكى يتعرف علي من سوف ياتى لكى ياخده
….
نهر #صوت اي دا ايه دا اللاب أكيد رسالة تذهب تلاقي اتصال فيديو من الدكتور سليم نور
نهر #ياه التكنولوجيا يسرت أمور كتير زمان كانوا يقفوا ينتظروا الشخص علي القطار ويشبهوا في كل شخص او يرفع ورقة اما دلوقتي اتصال علي النت صوت وصورة اعرف انا أستقبل مين افتح بقي قبل ما يزهق
بس الأول ألبس الحجاب علي شعري وأخرج من الغرفة اه أطلع علي السطح علشان الشبكة وم يفصلش الاتصال
وفعلا لبست اسدال الصلاه ولفت الطراحة وطلعت ب اللاب توب
…
#سليم ممكن م شافتش الاتصال او الشبكة ضعيفه أحاول الاتصال مرة تانيه
نهر #فتحت اللاب وفتحت الاتصال الو السلام عليكم ورحمة الله وبركاته دكتور سليم
سليم يرفع اللاب علي وجهه وتظهر ملامح نهر اما هو عيونه ونصف وجهه
نهر :حضرتك في الطريق صح يعنى إن شاء الله هتوصل علي الساعة 9
سليم :اه يا دكتورة نهر مالك بإذن الله حضرتك إلى هتيجي
نهر #بإذن الله لكن لو أمكن تبعت صورة حضرتك علشان اقدر اتعرف عليك
سليم : انا خلاص شوفتك وانا هتصل بيكي ممكن رقم تليفونك
نهر #في سرها يافرحتى شفتنى وانا ابقي زى العبيطة ادور عليك واضح حضرتك مش سهل علي الاطلاق
سليم :#حضرتك سرحتى في اي انتي معايا
نهر #هه لا أبدا اكيد دقيقة اجيب الفون واكتب ليك الرقم
سليم #انتى مش حافظة رقمك
نهر #الصراحة اه هقوم اجيبه
سليم # لا استنى عندك انا حافظ رقمى اكتبي عندك يا دكتورة وللا لسه هتجيبي ورقة
نهر #هو ماله كدة وترد الصراحة اه
سليم #حضرتك ازاى بقيتى دكتورة بنات آخر زمن انا هبعته علي الاميل اقفلي
نهر #بلاش الغلط بعد إذنك وعلي العموم مش وقت نتكلم ماشي سلام
سليم #دلع بنات ويقفل الاتصال
نهر #اي قله الذوق دي يقفل في وشي وكمان حاطط الكاميرا باتجاه غلط ومش ظاهر إلا جزء صغير من وشه ادرس انا يعنى ملامح وشه ياباي
سليم يكتب الرقم ويبعته يسمع دق علي باب الغرفة
سليم: ادخل ويطلع التذكرة يقدمها يشوف زبيدة
سليم: مين أمى
زبيدة :اه يعنى تصدق انى يجي لي قلب اسيبك لوحدك
سليم :بس دا خطر عليكي
زبيدة :وانا معايا راجل لاه طبعا وكمان زمان الحكم سقط من زمان
نكمل الحلقة الجديدة
