رواية طبيب القرية الفصل التاسع 9 بقلم صفاء حسني
الحلقة 9
.
.
عند زبيدة وهى متجهه ل قصر مالك علشان تبلغ ابوه أن نعمة حامل ويجبر ابنه ان يتمم الزواج ويعترف به ويستر عليها اوقفها شخص وتكلم معها….
الشخص : متتعبيش نفسك يا بت الجنايني هي اخرتها الموت وهو عمره ما هيتصلح واصل …
تلتفت زبيدة علي الصوت…
زبيدة : اني اسمى Ners مش بنت الجنايني ،ولو مش عارف يعنى ايه نيرس يعنى حكيمة …
الجنايني إللي مش عاجبك ده علم بته وخلاها احسن من الف راجل زيك في الكفر ..
الشخص : انا ماقصدش والله العظيم و انتى. خابرة مليح انى بحبك يا زبيدة.
زبيدة :انا مش خابرة حاجة واصل وممكن تبعد عن طريقي…
الشخص : لا انتى عايزاني اسيبك تروحي عنده برجليكي لا وألف لا .
زبيدة :انت مش فاهم ولا خابر حاجة سيبنى …
الشخص : لا خابر وعارف انك هيمانه في مالك ولو روحتى دلوقتى عنديه انا هاخسرك و للابد ويمسكها من ايدها بعنف …
زبيدة ؛:انت مجنون سيب يدى وملكش صالح بيا واصل …
الشخص : بقى اكده ماشي لو دخلت القصر اني هقتله عارفة يعنى ايه هقتله.
زبيدة :انت اتجنيت فعقلك ياك وتسيبه وترجع علي بيتها….
الشخص: انا اتجنيت بحبك يا قلبي انتي…
ترجع زبيدة وهى تكلم نفسها يا ترى اعمل ايه والمجنون دا ممكن يقتله يارب اعمل ايه وليه قلبي دق ليه هو وبس لكن لو صدق و اتغير طيب لو اتغير ليه معاند و نعمة ذنبها ايه انا هتتجنن ايه ديه الساعة 9 لازمنا الحق النبطشيه..
مرت الأيام ببطئ علي نعمة وهى تبكى وتتمنى الموت في كل دقيقة ..
اما مالك أصبح حزين وقطع علاقته ب شاهين بعد آخر حوار بينهم …
شاهين :عملت اي مع حته القشطة بتاعتك..
مالك :انا بحبها وعايز اتجوزها بس في مشكلة ظهرت..
شاهين :بتحب مين انت اتجننت مش كنت بتفكر تنتقم منها …
مالك :انا كنت غلطان في كل تفكيرى ازاى انتقم من روحي ..
شاهين :روح مين يا بابا انت هتمثل علي انا كمان انت عايز توصل ل ايه ولا هى جانبك وخايف تسمع …
مالك :لا دى الحقيقة وللأسف اول ما فهمت ده وعرفت انى بحبها ربنا يحرمنى منها …
شاهين :ممكن افهم بالراحة انت عايز توصل ل ايه..
مالك :نعمة حامل …
شاهين :عادى مش اول واحدة يحصل معها كدة ما في بنات كتيرة لعبت عليهم قبل كدة …
مالك :دا كان من زمان ام دلوكيتي لا لازمن أصلح غلطي حتى علي الأقل أكون بصورة زينه في نظر زبيدة …
شاهين :انت مالك حصلك ايه فين مالك الصياد أصبح فريسة ولا إيه…
مالك :وانا مش خابر انت عايز ايه وبتعمل ايه هنا …
شاهين :جاي أشوف حتت القشطة بتاعتك إللي بعد ما تطلقها اعرف اصطادها انا …
مالك بغضب :انت بتجول ايه يا حيوان..
شاهين :مين إللي حيوان بردوا زير البنات جاي يقول لي الكلام دا هو انت صدقت شعر الثعلب وافتكرت نفسك انك شيخ.
هههههه بـَرَزَ الثعـــْـــلَبُ يوماً *** في شـِعـــار الواعـِظيـنا
فـَمـَشى في الأرضِ يـَهــْـدي *** ويـَســُـبُّ المـاكرينا
ويقول: الحـــَــــمـْد لله *** إلـــَـــه العالــــَــمينا
يا عـــِـــباد الله توبوا *** فـَهو كـَهـْف ُ التــائبينا
وازهـَدوا في الطـَيـْر إن الـ *** عـَيـْش عـَيـْشُ الزاهـِدينا
واطـْلـُبوا الديـــك يؤذن *** لصـَـلاة الصـُـبـْح فينا
فأتَى الديك َ رَســــُــولٌ *** مـِن إمــام الناســــكينا
عـَرَضَ الأمرَ عـَلـَيـْـهِ *** وهو يـَرجـــو أن يـَلينا
فأجـــــاب الديـكُ عـُذْراً *** يا أضــَـل المهـْتـَدينا
بـَلـِّـغ الثـَعـْلـَبَ عـَنـي *** عـَنْ جـُدودي الصالحـــينا
عن ذَوي التـِيجان مـِمـَّن *** دَخــَــلَ البـَطـْنَ اللعينا
إنهم قـــالوا وخـَيـْرُ الـ *** قـَوْلِ قـَـوْلُ العـــارفينا
” مـُخـْطـِئ ٌمـَنْ ظـَنّ يـَومـاً *** أنَ لِلثـَعـْـلَبِ ديـــنا….
شاهين : فهمت والا لا …
مالك :تصدق انك شيطان وانا غلطان انى اعتبرتك صديق لي …
شاهين :حقيقة وأنت اي ما انت شيطان وبتلعب علي الكل من غير خوف من ربنا ودلوقتي بتقول اتغيرت ….
مالك :أخرج من بيتى وانسي أنى كنت صديق ليك فاهم ….
شاهين : بتطردنى انت فاكر نفسك اي انت ولا حاجه وانا هكشف خطتك قدام الكل…
مالك بغضب :أعلي ما في خيلك اركبه والبيت دا متدخلوش في حياتك…
شاهين :بقي كدة ماشي تبقي تقابلني لو خليتك تتجمع معاها ولو بتحبها بجد هكسر قلبك …
مالك : أطلع برا ومهتقدرش تعمل حاجه فاهم…
خرج شاهين وهو يتوعد لمالك وفي نفس الوقت الشاب الي كانت زبيدة واقفه معه كمان بيحلف انها مش هتكون غير ليه هو وبس…
الشخص : زبيدة رايحه فين وسبتيني انا بحبك انتى ليا مفهوم والله امسحك من علي وش الأرض يا مالك يا صقر لو فكرت تخطفها منى….
شاهين: انت تقصد مالك صقر النائب
الشخص : هو في غيره في المخروب دا
شاهين :حبيبي انا اسمى شاهين وانا كمان بكرهه كره العمى …
الشخص : انت مش من حدانا انت من وين وليه بتكرهه ….
شاهين :باين عليك ذكى ولماح طيب ليه انت واخد منه موقف ….
الشخص : عايز ياخد حب عمرى منى زبيدة بنت عمى لكن بعينه …
شاهين بابتسامة كلها شر : انت بخيل ولا ايه اعزمنى حتى علي كوبايه شاي
الشخص : أخ آسف انت بردوا غريب وتتغدى وواحد شاي صعيدي يوزن الدماغ….
شاهين :ههههه اوى كدة يلا ورأينا المحمر والمشمر حداكم…
مالك رايح جاي في المكان وهو مخنوق وخصتا انه خسر ما كان يعتقده احسن رفيق له جاء له اتصال …
مالك :الو بتقولي ايه انا جاي حالا …
نهر :مين إلي اتصل بيك يا خالى…
مالك :زبيدة لأن وقت ما سابت نعمة وقعت مغمى عليها واستعوقوها اهلها نادواها وهي علي السريع أخدتها علي المستشفى..
نهر :سقطت يعنى …
مالك :لا جالها سكر حمل من كتر الضغط وكان لازمن تفضل تحت مراقبة.
نهر :اكيد من غير غذى وحزن ونفسيه متدمره ومفيش متابعة ولا علاج ولا اهتمام..
مالك :فعلا ولما شوفتها كدة صعبت عليه روحت عديت علي ابوها خدته وجبيت مأذون وشهود وكتبت كتابي عليها
نهر :وافق ابوها بالسرعه دى مش غريبة
مالك :حد يرفض شاب من عيلة غنية
نهر : رغم الشاب دا إللي اخد شرفها مش عجيبة…
مالك :ابوها كفيف و ميعرفش ان بته حامل وطبعا فرح لم انا طلبتها منه
نهر :طيب انت ليه وافقت مش كنت معاند وقتها..
مالك :علشان زبيدة حب عمرى طلبت منى ولو طلبت روحى أديها لها وقلت ممكن ربنا ميحرمنيش منيها ..
نهر :يعنى كنت بتتمنى ان نعمة تموت.
مالك :لا طبعا عمرى ما أتمنى الموت ل اي شخص ونعمة كانت بت بريئه وانا إللي ضحكت عليها …..
نهر :طيب امتى جدى صقر عرف انك اتجوزت من نعمة وعمل أي ومين السبب في موت زبيدة وابنك…
مالك :بكرة يا بنيتى الوقت سرقنا …
نهر :أرجوك يا خالى نفسي اعرف كل حاجة …
سليم : وفي اليوم دا انكتبت كتابه عليها والفضل يرجع ليكي صح ..
زبيدة :لا مش صح مالك من جواه شي مليح ونبتة طيبة لكن الدلع في الولد أكبر غلط ..
سليم :انتى بتقولي كدة ما انتى دلعتينى كتير كنت الأب والأم ليا رغم انى مش من دمك انتى والدكتور عز والدكتورة شمس، هى الدكتورة شمس كانت هى الى بتعالج امى.
زبيدة :اه يا ابنى هى إللي وقفت معايا كتير وهى إللي قدرت تهربنى من الكفر بعد ما نعمة ماتت..
سليم :هى ماتت مين إللي قتلها ..
زبيدة : بلاش نظره الشك اللي في عينك دي ….
سليم :ماقصدش يا أمى بس محتار بالقصة الغريبه دي حبيبه ابويا هى إللي تربينى وأبويا يرمينى …
زبيدة :ابوك مات كمان يومها كان يوم صعب قوى قوم يا ولدى الصبح شقشق علينا وانت عندك شغل…
سليم :لا يا أمى مش هقوم إلا لم اعرف ماتوا ازاى وانتى متهمة بقتل مين… ابويا والا امى
زبيدة بحزن :ليه بتقول كدة يا ولدى اقتل ليه ابوك او أمك
سليم :مش عارف ممكن قتلتى أمى عشان تكوني مع ابويا
زبيدة :مش ده إلى حوصل واصل انا مش قاسية ولا قليلة أصل يا ابن مالك وانا هريحك لكن انت جرحتنى وانسا انك ليك ام اسمها زبيدة واصل بعد ما اخبرك اللي حوصل
ولسانك وخشمك ما يحدتونيش بكلمة واحدة مفهوم
سليم :أمى ما اقصدش لكن هتجنن واعرف ايه إلا حصل
زبيدة :وانى مش مسامحاك لكن هقولك وهريحك يا ابن مالك
…………….
نهر : كمل علشان خاطري يا خالى ازاى ماتوا وازى أقنعت ابوك
مالك : قلت له كل شي وقتها
نهر :زى ايه
مالك :هقولك يا بت صفية
…. فلاااااااااش باك ……
صقر :أيه إلى سمعته دا انت هتتجوز بردو بنت صابحه ورايح جاي معها
مالك : لا مش هتجوزها مش علشان مش بحبها لكن نعمة حامل ووصلت للشهر الرابع ولازمن اكتب كتابي النهارده عليها
صقر :انت انخبلت يا ولا بتقول اي انت صدقت أنها حامل وكمان واحدة سلمت نفسها ليك كيف تتجوزها
مالك : هو ده إللي عندى وزى ما سمعت هتيجي تمام مش هتيجي انت حر وأعمل حسابك موضوع انك تحرمنى من الورث والنظام دا قديم لانى انت قبلي عملت كدة
صقر :انى ما روحتش عملت علاقة وبعد كدة صلحتها فاهم
مالك :انا عارف انى غلطت وهصلح غلطي بس انت عارف ذنب كل البنته الى ضحكت عليها أن كان جواز عرفي او وعد بالجواز وانكشفت وأنت حميتنى في رقبتك انت انت السبب انى وصلت أكون شيطان انت عارف انا اتغيرت بسبب مين بسبب بنت صابحه إلى انت طول السنين فاكرها خانت وعدك
وردة :بلاش يا مالك ليه عايز تفتح القديم بس
مالك :دا حقها يا أمى علشان ترتاحى من الذنب إلا انتى ارتكبتيه زى ما انا هصلح ذنب ارتكبته
وردة :ليه يا ولدى عايز تخرب كل شي في يوم واحد
صقر :ممكن افهم اي إللي بيحصل وايه الحديت اللي بيناتكم
مالك :هتقولي يا أمى والا هقول انا
وردة :انت عايز تحكم علي يا ابنى ب الإعدام
مالك :ما خالتى انحكم عليها كدة وعاشت مذلولة قدامك سنين وانتى منطقتيش بكلمة واحدة
صقر يخبط علي الحيط وبصوت عالي : انا مش عايز عوج في الكلام
مالك :انا قلت إللي عندى هتجوز نعمة
صقر :مش هتهوب البيت هنا
مالك :هههه انا عارف بس مش علشان انت قلت كدة علشان هي مريضة ولازمنا تكون في مستشفى وهجهز المستوصف ليها وهجيب احسن الدكاتره لحد ما تقوم بالسلامة ووقتها نتحاسب
صقر :انت كدة بتصغرنى قدم كبرات البلد والكفور
مالك :بالعكس بكبرك ابنك غلط وبيصلح غلطته
وردة :مش كنت عايز تتجوز زبيدة ايه اللي حوصل
مالك :اكيد هتجوزها وهتكون حلالي لكن وقت ما اصلح غلطى مع نعمة ومحدش يقدر يجبرنى علي حاجة واصل
صقر : انت حر لكن أنسي ان عندك أب انى عارف ان بنت صابحه هى السبب إللي خلتك تقول الحديت الماسخ دا وأمها السبب عايزين يكسرونى
….
صابحه :انتى صح بتتحدتى مع ابن النايب
زبيدة :اه عادى يا أمى مش ابن خالتي
صباحا : مش قلت لك الف مرة ماتحكيش مع ابن صقر بس دماغك مع نفسك وكل يوم معاه
زبيدة :مش معاه مع نعمة ومش ههملها واصل
صابحه :انا قررت انى وأبوكى هنسيب الكفر ونروح علي البلد وهتيجي معنا ونسيب ابن النايب
زبيدة :ليه دلوقتى يا أمى وانا قلت لك انى مع نعمة مش معاه
صباحا :لازم تبعدى عنيهم يا بتى دا الصالح ليكى
زبيدة :ما انا خبابرة ان دا ل صالحى بس ليه دلوقتى ما انتى كنت رافضة الموضوع ده من زمن
صابحه :مش عايزة حكى وحديت كتير انا قررت وخلاص
زبيدة : عايزة تهربي ماشى انى هاجي معاكى لكن بعد ما نعمة تولد وبعد كدة اجى معاكى
صابحه :ملناش صالح بيه واصل يا بتى مش هيجيب لينا إلا وجع النفوخ
زبيدة :معليش يا اما انا وعدتها انى مش هتخلي عنها
صابحه:طيب انى رايحه أبلغ اختى واودعها وبعد كدة نتحدتت
زبيدة :ممكن يا أمى اجي معاك علي القصر
صباحا :لا
زبيدة :ارجوكى لازم أقنع صقر بيه أنه يوافقطط علي جواز نعمة
صابحه:دماغه ناشفة مش هيوافق وكل واحد حر في حياته
زبيدة :علشان نعمة يتيمة وأبوها كفيف ملهاش حد تتسند عليه
صابحه أمرى لله يالا
….
وصلوا القصر صابحه هى وزبيدة وسمعت حديت صقر
صابحه :كفاية بقه يا شيخ حرام عليك مش كفايه ظلم في كل مصيبة تحصل صابحه عملت صابحه سوت انى هريحك من صباحا واصل و جاية هقولك انى حهمل الكفر ديه وهريحك منى انى وبنتى
زبيدة :اسفة يا اما مش هتخلي علي نعمة او مالك لحد ما تقوم بالسلامة ووتها حروح معاكى في اي مكان
صابحه انتى حرة انا بخبرك انك هتندمى
وردة :ليه عايزة تسيبنى يا اختى
صابحه :انا اكتفيت يا وردة وعملت ب اصلي معاكى للآخر وكنت خدامة تحت رجلك
وتنظر إلي صقر : برضاي لكن دلوقتى اكتفيت وانتى بجي عندك شاب راجل زين هيحميكى
صقر :يحميها من مين دى ست الناس هنا ماتوهميش نفسك يا صابحه وروحى مطرح ما انتى عايزة محدش ماسك فيكي
صابحه ‘:وعمرى ما حد يقدر يمنعنى ولا زمان ولا دلوقتى يا صقر بيه لكن اختى الصغيرة كبرت وكبر ولدها ماشاء الله بتى كبرت كمان يعنى مبقاش ليه لازمة هنا
وردة :ارجوكى يا اختى بلاش تسبيني انا عارفة انى غلطت في حقك حقك عليا انا اللي غيرت حياتك وحرمتك من حب عمرك وعارفه انه عمره ما نسيك
صابحه :بلاش الحديت الماسخ ده دلوقتي
صقر يمسك وردة : تقصدى ايه بانك السبب
صابحه :مفيش حاجه واصل سيبها متتحدتش معها اكدة
وردة :لا يا اختى كفاية إلى انتى اتحملتيه بسببي لحد النهارده وانا عارفة انك عايزة تهربي من البلد بعد ما وصلك التهديد أنهم يخبروا كل شي ل صقر لو مش اقنعته يتنازل
صقر ومالك تهديد مين اللي هددك
وردة بدموع : هددوا يقتلوا مالك لو مش اتنازلتش ولما قلت ليهم أنهم مش حيقدروا يعملوا حاجة هددوا يفضحوا سري اللي خبيته العمر دا كله وعشان كدي اختى لما عرفت قررت تسيب البلد
صقر :انى عايز اعرف كل حاجة دلوقتى
صابحه :مفيش حاجه واصل اهدى يا اختى وجوزك معاكى ومش حيسمح لحد يتعرض ليكى
وردة :عمره ما اعتبرنى مرته هو اتجوزني بس علشان يكسرك وانا كنت فاكرة لما خبيت الجواب إللي بعده ليك يحبنى انا واكون ست الناس
صقر جواب؟؟ حد ينطق
