رواية طبيب القرية الفصل التاسع والعشرين 29 بقلم صفاء حسني
الحلقة التاسعة والعشرون
بقلمى صفاء حسنى الطيب
يأتي إتصال من نهر الى زبيده……
زبيدة :خير يا بنتي سليم بخير …
نهر :مش عارفة اقولك إيه بس في أحداث حصلت غريبة وإحنا في الكفر ده …..
زبيدة :أحداث ايه طمنيني يا دكتورة سليم كويس اتحسن….
نهر :مش عارفه اشرحلك دلوقتى اي حاجة إلا أني عرفت أن سليم مكتبش عقد عرفى ولا انتي مضيتي علي اي حاجه زي كدا .. بس طلب مني طلب ..
زبيدة :انا عارفة أنه مكتبش حاجة لأن الوقت إللي قال عليه أنا كنت في عملية مهمه مع دكتور نور وبعد ما خلصت روحت نمت علي طول وقتها بس ايه الطلب ديه…
نهر :هو طلب يكتب كتابه عليا فاكر ان لو عمل كدا هيثبتلك وللكل أنه معملش كدة وانتي عارفة ده معناه ايه….
زبيدة :اكيد أن الشخصية الحقيقة بتتغلب على الشخصية الوهميه….
نهر :صح طيب انا جايه انا وهو عندك علي اسكندرية انا شايفة الجو هناك هيكون مناسب للعلاج ونشوف دكتور نفسي كويس يساعدنا…
زبيدة :تمام يا بتى وشكرا انك وصلتي معاه لحد كدة وافقي يا بتي مهتلاقيش أحن من سليم وصدقيني مهينساشي وقفتك معاه أنا خابره أنها خطوة صعبة عليكي بس انتي بتساعدى ولد خالك في العلاج وده ثواب كبير…
نهر :يارب اقدر يا عمتوا ومش فارق معايا اي حاجه ابدا كفاية أرد واجب خالي مالك عليا …
زبيدة :هو أخباره ايه….
نهر :الحمد الله كويس بس حزين وانا ببلغه لما بوصل لأي مكان إنك مش موجودة بيحزن اكتر …
زبيدة :سليم يطيب ويكون بخير ووقتها كل حاجة تنحل يا بتي …
نهر :إن شاء الله يا عمتوا سلام ..
زبيدة :سلام …
في كفر غريبة يأتي شخص لمالك …
مالك :نورت يا باشا اتفضل …
الباشا : الفضل من خيرك انا جيتلك مخصوص ومبعتش حد من عندى علشان عندى ليك أخبار حلوه قوي ..
مالك:تعبك فوقي رأسي يا باشا واتمني تكون وصلت ل حاجة …
ويتذكر مالك لما أحمد اتكلم معاه وتراجع في السفر مع سليم …
احمد :هو انت لسه مصمم تروح مع سليم طيب الحزب والانتخابات ..
مالك :كل شي يهون بس اعتر في زبيدة …
احمد :طيب انت في الحزب وليك ناس واصله صح…
مالك :صح بس ايه غرضك من السؤال
أحمد :ممكن يعرفوا يوصلوا لمكانها لأني عرفت من نهر ان احتمال كبير متكونش هناك بس هي قالت كدة علشان تلخم سليم في الشغل ….
مالك :يا بوى راحت من بالي دي ازاى برافو عليك يا أحمد انت دماغك حلوة .
احمد :بس الحظ مش في صفي للأسف
مالك :معايا هعوضك عن كل شي وهتكون دراعي اليمين …
ويعمل اتصال يفوق مالك علي صوت الباشا
..
الباشا : طلع يا حاج شكك كان في محله راقبنا تليفون بنت أختك” وتليفون زبيدة وطلعت عارفة مكانها فين ومتفقه معها واحتمال تروح عندها ……
مالك بعيون تلمع من الفرحه : متأكد طيب إزاي عرفت طمني بسرعة …
الباشا :ده تسجيل آخر مكالمة ما بينهم. …ومعابا معظم التسجيلات
مالك يسمع الحوار ويشعر بسعادة الحمد الله
… انا كنت خايف لتحرم منها ويكون فعلا اتجوزها عرفي كانت هتكون محرمة علي للابد …
الباشا :انت تستاهل كل خير أتابع في المراقبة ولا كفاية كدة …
مالك :مش خابر والله انت رأيك ايه
الباشا :نكمل لحد ما تطمئن عليهم وآه هي اتكتب كتابها علي ابنك …
مالك : خطفتيه يا بت صفية كانت عنيها عليه من قبل ما يظهر ههههه ودايما تسالني ياريت عندك ولد يا خال ويكون قمر ويشبهك وانا اقع في حبه علي طول اتحقق حلمك يا بت صفية هههه دلوقتي نسيتي خالك خال ايه بقى انى هكون حماها كمان هههه
الباشا : طيب اي خدمة منى تاني استئذن انا ….
مالك : يادي العيبة من غير ما تاخد واجبك ميصحش لازمن نكلوا عيش وملح ويغمز لفتحي…
الباشا :خيرك سابق يا حضرة النايب..
مالك :انا طلبت منه يجهزلك في عربيتك بقرة كاملة مذبوحة ومتشفيه وبكل لاوزمها علشان توزعها علي حبايبك قبل العيد … وهدايا بسيطه من خير بلدنا والأمانة بالمبلغ اللي اتفقنا عليه…
الباشا :كتير كل ده يا حضرة النايب دايما عامر ….
يبتسم مالك وفي سره كنوز الدنيا متسواش قدام نظرة في عينيكي يا زبيدة اني جايلك ومرجعش إلا اما تكوني حرمي 
….
الباشا يأخذ واجبه ويمشي بعد شكره علي ما قدمه لمالك ….
أحمد :مش كتير يا حاج كل اللي بعته دا ….
مالك :تعالي يا ولدى انا أخبرك كل أسرار الحزب والبرلمان لأنك انت هتكون مكاني في الجولة الجديده …
احمد :انا ازاى بس ده كتير …
مالك :كتير اي انت من صلبي ودراعي اليمين اما اخوك اني خابره اول ما يكون مليح هيسبني ويخطف نهر ويعيشوا في القاهرة أما انت ابن البلد دي…
احمد بحزن :لكن انا كنت من المطاريد وكنت بسرق وانهب ازاى أكون كويس وأجيب حق المظلوم …
مالك :خابر يا ولدى وأنا معاك ، وأنت فاكر يعني ان كل اللي بيكون في الكرسي دا شريف ، قليل قوى يا ولدي … الشغل ده بيكون لصالح الناس الكبيرة اكتر من أهل الكفر وعلشان تقدر تسوق العجلة وتخليها تمشي لازم تجدف برجليك الاتنين من الناحتين مش زاي العربيه بيد واحدة ورجل واحده ….
أحمد :مش فاهم يا حاج …
مالك :تعالى معايا وأنت هتفهم كل شي وهتعرف …انت خابر اللي انا قدمت ليه كل ده دلوقتي من وين …
احمد :من وين …
مالك : الباشا من أمن الدولة …
احمد بخوف :نعم وعاوز ايه ده من عندينا …
مالك : هههه يا ابني ده بيخدمنى مقابل الهدايا إللي انت شوفتها دى وشوية فلوس يجي لي بدالها ضعف الأضعاف..
أحمد : يخدمك ازاى مش شغلهم يقبضوا علي المجرمين …ومن غير ما يظلم حد …
مالك: هههه لا ياولدى دي لعبة كبيرة تجسس ومصالح ومعرفتي بيه هي السبب اني أوقع امي واكون مكانها ..
احمد :ايوه كانت مغلوله قوى منك جدتي ..
مالك : مليح تستحق ، بص ياولدى اهم حاجة في وسط اللعبة دى تلعب بدون ظلم او خسارة ..سيبك بقي من الحديت الماسخ ده لازمن أفرح بيك انت كمان شوفلك انت كمان عروسة مليحة كدة تتجوزها ..
احمد :بجد انت موافق اتجوز اي واحدة
مالك :اكيد يا ولدى بس تكون بتحبها يا ولدى …
أحمد :اني مش بحبها بس انا بعشقها..
مالك :يخلبوص مين سعيدة الحظ دى.
احمد :بحب بنت موهجة انهار بس امي كانت رافضه …
مالك :ههه خابر ليه لانها كانت بتغير منها هي وزبيدة ….
أحمد :ليه الغيرة والحقد عليهم ..
مالك :علشان هما كانوا احلى منيها وأخلاقهم مليحة مفيش شاب يقدر يضحك عليهم يعرفوا في الدين والأصول …
احمد :لكن ظروف امي كانت السبب في إللي هي وصلت له…
مالك :خابر يا ولدى وأني كمان غلطت في حقها لكن وقت ما جيت اصلح غلطي سابت الغيرة تاكل فيها وسمعت للشيطان ووقت ما الانسان يسلم قلبه وعقله للشيطان بيخسر دنيته واخرته ياولدى …
أحمد :حقيقي يا بوى اني لما قربت منك آخر فترة فهمت ديه ….
مالك : اه يا حبيبي للاسف امك حرمتني منك ومن سليم وكانت فاكرة اني خسرت أمك كتير يا ولدي رغم موهجة وزبيدة كانوا بيحبوها وبينصحوها للخير لكن هي فضلت راكبة دماغها …
احمد :خابر كل شي يا ابوى والفضل لعمتى زبيدة لولا رجوعها كنت فضلت عايش في الوهم والجريمة …
مالك :زبيدة آي مكان تحط رجلها فيه بيكون خير يا ولدى…
أحمد :هههه انت مش عاشقها بس انت متيم بيها يابوى …
نهر يجهزونها اهل القريه من عادت القرية ان تلبس العروس جلباب أبيض وعليه وردة …ملونة بألوان كتيرة وفيه غرزة وحجاب أيضا مغرز ومكياج
بلدى يظهر جمال نهر بهذا البس اما سليم جعلوه يرتدي هو ايضا جلباب رجالي بيج وفيه تطريز من الكم والرقبة بعد الحلاقه وفوط سخنة وقص خفيفة في شعره …
وبعد قليل ياتى الماذون وتخرج نهر من غرفة ويخرج سليم من غرفة أخرى
وجميع أهل البلد موجودين في ساحة أمام الجامع ومقعد كبير (كنبه )ومنضده ومقعدين للماذون والشهود ..
سليم منبهر بجمال نهر وينظر لها
يجلس سليم وتأتي نهر بجواره وهي متورده وفي سرها
نفسي تتحسن يا سليم ….
الماذون يبدأ بايات من بالقرآن ثم خطبة بسيطة ويسأل سليم علي الزواج
سليم :اه موافق اكيد …
يسال نهر هل موافقة علي الزواج ..
نهر :اه موافقة …
الجميع يبدوأ بلزغاريد والتصفيق ثم الغناء تستمر حتي الليل وبعد الانتهاء،
طلب سليم ينفرد بنهر قليلا ….
الشيخ سمح له ودخلوا غرفة
وبعد الدخول يغلق سليم الباب وبصوت مختلف وينظر إلي نهر
سليم : مش قلتلك اوعى تتجوزيه مش بتسمعي الكلام ليه …
نهر : اه اتجوزته انت عايز ايه
يقترب منها وبمسك يديها بعنف انا هقتله فاهمة …
نهر :مش هتقدر …
سليم :لا هقدر وانتي جربتي وشوفتي المرة إللي فاتت …
نهر :بس لو قتلته ازاى هتقدر تروح ل زبيدة وتتجوزها …
يترك ايديها ما انتى اتجوزتيه خلاص..
نهر :علشان أضحك عليه واخده عند زبيدة وتسامحه وبعد كدة انت تظهر وتلعب مرة تاني …
سليم :هههه بتضحكي عليه ولا عليا انا…
نهر :لو مش مصدق دي تذاكر السفر وانا اتصلت بيها…
سليم :وطبعا حكيتيلها عني …
نهر :لا والله ماتكلمتش عنك كل اللي قلته أنه مكتبش العقد العرفى علشان تتقبل تشوفك …
سليم :ولو طلعتي بتكدبي اعمل ايه معاه …
نهر :لأ…معايا انا هو لأ أرجوك ..
سليم :الماذون والجواز …
نهر؛ :ما انت ممكن تخليه يطلقني صح
سليم ينظر لها بغباء انتي بتلعبي بالنار وصدقيني هتخسري …
نهر :صدقني ما انا وقتها احس أنه كدب علي وهطلب الطلاق منه …
سليم جسمه يتنفض ويصرخ انا بحبك يا نهر صدقينى ويقع علي الأرض …
نهر بدموع : سليم انت كويس وتسنده متخافش انا معاك ومش هاسيبك ابدا
يقوم ويمسك ايدها بعنف عرفتي انك بتضحكي علي آخر يوم ليكي النهاردة انا هموتك وخلاص عرفت مكان زبيدة وهروح عندها كل الفترة دي بتضحكي علي وتلفي بي من كفر لكفر وانتي عارفه مكانها ومخبيه عليا وزي ما بتلعبي انا كمان بعرف ألعب ولعبت عليكى بقصة حبي وهوصل ليها
ثم يضربها بالقلم تقع نهر علي حرف السرير يغمى عليه وينزل دم
سليم يضحك هههههه انا عرفت مكانها وقتلتها قتلتها
نعم قتلتها ازاى نهر أرجوكي فوقي انتى السبب انتى ضحكتى عليا كان لازم أضحك عليكي وامثل انى قرين واوهمك انى بحبك علشان سمعتك وانتى بتتكلمي معاها في السر بس شوفت الخوف في عينيكي عليا بس كان لازم اكمل التمثيل علشان زبيدة كمان تصدق انى اتجوزت ولعبة نفس اللعبة إلى لعبها خالك مع أمى زمان ضحك علي بنت غلبانه من الارياف بإسم الحب وبعد كدة أمه جات ولعبة بيها وضحكت عليها وبعتنا للدكتورة شمس اما زبيدة كانت دايما الدخيلة عليهم …
دلوقتي أكسر خالك لأن الماذون كذب والشيخ كمان كذب كله فيلم عليكي ودلوقتي هاخد حقي الشرعي منك ما انتى قدام الكفر مراتي هههههه وشوفوا بقي يا بنت الأصول
هتقولي ايه لخالك يا محترمة
ويتذكر ..
فلاش ***
معتز :أمك عاوزة تشوفك ..
سليم :انا مش هشوف حد..
معتز :مرة واحدة هي بكت بالدموع واترجتني ..
سليم :دموع التماسيح دي صح …
معتز :انا بلغتك وأنت حر ..
سليم تمام ودينى عندها …
نعمة : ولدي حبيبي كنت هاموت لو مشوفتكش..
سليم : ولدك مين ؟ إللي بعيته صح ؟
نعمة :لاع مش اني ده جدتك هي إللي باعتك …
سليم :وانتي وافقتى…
نعمة :لاه هما أجبروني كان عندها صور ليا وأنى مع أبوك قبل ما يكتب عليا كان أبوك مصورها ليا وهددني بيها قال لي انا هاتجوزك كدة وكده قدام زبيدة علشان تصدق اني اتغيرت وبعد ما تولدى واتجوز زبيدة انتى روحى لحالك مفهوم لافضحك بالصور
هو كان خابر كل شي ومشترك مع أمه ويلبسوني اني كل شي…
سليم : نعم بتقول ايه وزبيدة ؟ …
نعمة : ضحية للعبتهم هى كمان. كلهم لعبو علينا بيلعبوا علي البنات الفقيرة يا ولدي لازم تنتقم في كل بت من بنتاهم لازم تعمل معاها زى ما عملوا معايا …
باك ****
سليم : كل الموضوع كان إنتي كان لازم أكسر خالك وجدتك عليكي وارميكي وأنتي مش عارفة إن كنت اتجوزتي ولا لأ …واخد أمى زبيدة وانقذها من خالك…..اما نعمة ضعيفة ماقدرتش تحافظ علي نفسها أو أولادها حتى لو كانت ضحية آه هي إللي رسمت الخطة بس أنا إللي هكملها وكل الناس إللي انتى شوفتيها دى كومبارس يعنى ناس متأجرة اما اهل الكفر فاكرين أن إحنا ممثلين جايين يصوروا فيلم دكتور ودكتورة .يعنى مفيش حد شاهد علي جوازك مني وعلي ما ينتبهوا لك أكون وصلت لزبيدة وسافرنا للخارج و سلام يا بنت عمتي ههههههههه…
