رواية ضحية لمن لا يرحم الفصل الرابع 4 بقلم زهراء الحسناوي
\ﻳﺨﺎﻳﺐ ﺍﻟﻐﺮﺑﻪ ﻛﻠﻬﺎ ﺍﺗﺼﺎﺣﺒﺖ
ﺑﺲ ﺍﺣﻨﻪ ﺿﻠﻴﻨﻪ ﻏﺮﺏ
ﻻﻟﻤﻨﻪ ﺑﻌﻴﻮﻧﻪ ﺍﻟﻮﻃﻦ
ﻭﻻﮔﺎﺩﻙ ﺍﻟﺤﻀﻨﻲ ﺍﻟﺪﺭﺏ 💔
،،،،،،،،،،، .
/// ﺿﺤﻴﻪ ﻟﻤﻦ ﻻﻳﺮﺣﻢ ///
// ﺑﻘﻠﻢ ﺯﻫﺮﺍﺀ ﺍﻟﺤﺴﻨﺎﻭﻱ //
،،،،،،،،
ﻣﺴﺎﺀ ﺍﻟﻌﺎﻓﻴﻪ ﺑﻨﺎﺕ
ﻃﺒﻌﺎ ﻛﻠﻜﻢ ﺗﻌﺮﻓﻮﻥ ﺷﻨﻮ ﺍﻟﺴﺒﺐ ﺍﻟﺨﻼﻧﻲ ﺍﻧﺰﻝ ﺍﻟﺮﻭﺍﻳﻪ ﻗﺒﻞ ﻣﺎﺍﻛﻤﻞ ﻛﻞ ﺍﻻﺣﺪﺍﺙ ﻫﻲ ﺍﺻﻼ ﻛﻨﺖ ﻣﻘﺮﺭﺓ ﺍﻧﺰﻟﻬﺎ 15/11
ﻻﺯﻡ ﺍﺧﺬ ﻛﻞ ﺍﻻﺣﺪﺍﺙ ﻳﺎﻟﻠﻪ ﺍﺑﺪﻱ ﺑﺘﻨﺰﻳﻠﻬﺎ
ﻑ ﺍﺿﻄﺮﻳﺖ ﺍﻧﺰﻝ ﺣﺘﺊ ﻣﺎﻳﻨﺤﺬﻓﻦ ﺍﻟﺒﺎﺭﺗﺎﺕ ﻭﺍﺭﺟﻊ ﺍﻛﺘﺐ ﻣﻦ ﺟﺪﻳﺪ
ﻑ ﺍﻧﺸﺎﺀﺍﻟﻠﻪ ﻛﻢ ﻳﻮﻡ ﻭﺍﺑﺪﻱ ﺑﺘﻨﺰﻳﻞ ﺑﺎﻗﻲ ﺍﻻﺣﺪﺍﺙ ﻻﻥ ﺍﻟﺮﻭﺍﻳﻪ ﺻﻌﺒﻪ ﻭﺗﺨﺘﻠﻒ ﻭﻣﺎﺍﺭﻳﺪ ﺍﺗﻌﺒﻜﻢ ﻭﻳﺎﻱ
ﻑ ﺍﻟﻴﺮﻳﺪ ﻳﺤﺬﻓﻬﺎ ﻭﻣﻦ ﺗﻨﺘﻬﻲ ﻳﺤﻤﻠﻬﺎ ﺣﺘﺊ ﻟﻴﮕﻮﻝ ﺷﻠﻌﺘﻲ ﮔﻠﺒﻨﻪ ﺑﻠﺘﻨﺰﻳﻞ
ﻭﺍﻟﻠﻪ ﺍﻻﺑﻨﻴﻪ ﺍﻟﺒﺎﺭﺣﻪ ﻳﺎﻟﻠﻪ ﺣﺼﻠﺖ ﺣﺴﺎﺑﻬﺎ ﻭﺭﺟﻌﺖ ﺗﻜﻤﻞ ﺑﺎﻗﻲ ﺍﻟﺘﻜﻤﻠﻪ
ﻑ ﺍﻟﻌﺬﺭ ﻟﻠﻪ ﻭﺍﻟﻜﻢ
ﺍﺣﺒﻜﻢ ﺑﻌﺪ ﮔﻠﺒﻲ 😘😘😘😘
،،،،،
ﺭﺟﻠﻴﻪ ﺟﻤﺪﻥ ﻭﺍﻧﻲ ﺍﺷﻮﻑ ﺟﻤﺎﻋﺘﻲ ﺟﺜﺚ ﻫﺎﻣﺪﻩ
ﺑﺲ ﻋﻴﻮﻧﻲ ﺗﻔﺘﺮ . ﺭﻛﻀﺖ ﻋﻠﻴﻬﻢ ﻭﺍﺣﺪ ﻭﺍﺣﺪ ﻛﻞ ﻭﺍﺣﺪ ﻣﻨﻬﻢ ﻏﺮﮔﺎﻥ ﺑﺪﻣﻪ ﺧﻠﻴﺖ ﺍﻳﺪﻱ ﺑﺤﻠﮕﻲ ﻋﻀﻴﺘﻬﺎ ﺍﻛﺘﻢ ﺻﺮﺧﻪ ﺑﻴﻪ ﺗﻬﺰ ﺍﻟﻜﻮﻥ ﻛﻞ ﻭﺍﺣﺪ ﺑﻴﻬﻢ ﺟﺎﻥ ﻋﻨﺪﺓ ﺣﻠﻢ ﻳﺤﻘﻘﻪ . ﻣﻦ ﻳﺮﺟﻊ ﻭﻣﻦ ﺍﻟﻠﻪ ﻳﺨﻠﺼﻨﻪ ﻭﻧﻄﻠﻊ ﺳﺎﻟﻤﻴﻦ ﺑﻌﺪ ﻣﺎﺗﺤﺎﺻﺮﻧﻪ
ﻣﺤﻤﺪ ﻣﺎﻋﻨﺪﺓ ﺍﻃﻔﺎﻝ ﺳﺒﻊ ﺳﻨﻮﺍﺕ ﻭﺣﻜﻢ ﺍﻟﻠﻪ ﺷﺎﺀ ﺍﻧﻮ
ﺗﺤﺒﻞ ﻣﺮﺗﻪ ﺑﻮﻟﺪ ﺟﺎﻥ ﻛﻞ ﻣﺎﻳﻨﺰﻝ ﻣﺠﺎﺯ ﻳﻜﻮﻝ ﻛﻮﻥ ﺍﺭﺟﻊ ﻟﻠﺒﻴﺖ ﺍﻟﻜﻪ ﻣﺮﺗﻲ ﺟﺎﻳﺒﻪ ﻣﻦ ﮔﺪ ﻣﺎﻣﺘﻠﻬﻒ ﻳﺸﻮﻑ ﺍﺑﻨﻪ
ﺳﺎﻟﻢ ﺍﻫﻠﻪ ﻣﻨﺘﻀﺮﻱ ﺑﺲ ﻳﻨﺰﻝ ﻣﺠﺎﺯ ﻳﺎﺧﺬ ﺑﻨﺖ ﻋﻤﻪ ﺍﻟﻴﺤﺒﻬﺎ ﻭﻋﻼﻭﻱ ﻳﺮﻭﺡ ﻳﺨﻄﺐ ﺑﻨﺖ ﺧﺎﻟﻪ ﺣﻠﻒ ﺍﺫﺍ ﻣﺎﻳﻨﻄﻴﻬﺎ ﺍﺑﻮﻫﺎ ﻳﻔﺮﺵ ﺍﺑﺎﺑﻬﻢ ﻭﻳﮕﺎﺑﻠﻬﻢ ﻭﻳﮕﻌﺪ
ﻛﻞ ﻭﺍﺣﺪ ﺑﻴﻬﻢ ﻋﻨﺪﺓ ﺍﺣﻼﻡ ﺑﺴﻴﻄﻪ ﻳﺘﻤﻨﺊ ﺗﺘﺤﻘﻖ ﻣﻦ ﻳﺮﺟﻊ ﻟﻬﻠﻪ
ﺍﺑﺎﻭﻋﻠﻬﻢ ﻛﻠﻬﻢ ﺍﻋﺰﺍﺯ ﺑﺲ ﻋﻠﻲ ﺍﺧﻮﻱ ﻣﻌﺰﺗﻪ ﺗﺨﺘﻠﻒ
ﺍﻋﺎﻳﻦ ﻋﻠﻴﻬﻢ ﻣﺎﻣﺶ ﻧﻔﺲ ﻭﻻﺣﺮﻛﻪ ﻣﻨﻬﻢ ﻭﺍﻧﻲ ﻣﺎﺍﺧﺘﻠﻒ ﻋﻨﻬﻢ ﺑﺸﻲ ﻭﮔﻔﺖ ﻣﺘﺼﻨﻢ ﺑﻤﻜﺎﻧﻲ ﻣﻨﻀﺮ ﻣﺮﻋﺐ ﻋﻔﺘﻬﻢ ﺳﺎﻋﺎﺕ ﺗﺎﻟﻲ ﺍﻟﻜﺎﻫﻢ ﻣﺬﺑﺤﻴﻦ
ﺍﻫﻨﺎﺍﻙ ﻭﺻﺎﺭ ﺍﻛﺒﺎﻟﻲ ﻋﻠﻲ ﺻﺎﻳﺮ ﺑﻨﻬﺎﻳﺔ ﺍﻟﺴﻄﺢ ﺑﺼﻒ ﺍﻟﺤﺎﻳﻂ ﻧﺎﺣﺮﻳﻨﻪ ﺑﺼﻮﺭﺓ ﺑﺸﻌﻪ
ﻛﻮﺓ ﻧﮕﻠﺖ ﺍﺟﺪﺍﻣﻲ ﺍﻟﺼﻮﺏ ﺻﺎﺣﺒﻲ
ﺍﻧﻬﺎﺭﺕ ﻗﻮﺍﻱ ﻭﻛﻌﺖ ﻳﻤﻪ ﻣﻔﺘﺢ ﻋﻴﻮﻧﻪ ﻣﺴﻠﻬﻤﻬﻦ
ﻋﻴﻮﻧﻪ ﺭﺳﻤﺘﻬﻦ ﺣﻠﻮﺓ ﺑﻴﻬﻦ ﺧﻴﻂ ﺻﻔﺎﺭ
ﺩﺍﻳﺮ ﻣﺪﺍﻳﺮﺓ ﺟﻴﺤﻪ ﻣﻦ ﺩﻣﻪ
ﺟﺮﻳﺘﻪ ﺧﻠﻴﺖ ﺭﺍﺳﻪ ﺑﺤﻀﻨﻲ ﺍﻣﺴﺢ ﺑﺨﺪﻩ ﻻﺯﻙ ﺑﻲ ﺩﻡ ﻭﺍﺗﺮﺍﺏ
ﺩﻣﻮﻋﻲ ﺗﻨﺰﻝ ﻋﻠﻰ ﻭﺟﻬﺎ
ﺍﺣﺎﺟﻲ ﻣﺎﻳﺴﻤﻊ ﺍﺣﺲ ﻋﻘﻠﻲ ﻣﺘﺒﻨﺞ
ﺍﻫﻮﺍﻱ ﻣﺮﺕ ﻋﻠﻴﻪ ﻣﺼﺎﻳﺐ ﺑﺎﻟﻤﻮﺻﻞ ﺑﺲ ﺍﻭﻝ ﻣﺮﺓ ﺍﺷﻮﻑ ﻫﻴﺞ ﺷﻲ
ﺍﻻﻧﺬﺍﻝ ﺍﻣﺜﻠﻴﻦ ﺑﺠﺜﺚ ﺍﻟﻜﻞ
ﻋﻠﻲ ﺻﺪﺭﺓ ﻣﻀﺮﻭﺏ ٦ﺿﺮﺑﺎﺕ ﺑﺎﻟﺤﺮﺑﻪ
ﻟﺰﻣﺖ ﻣﺴﺪﺳﻲ ﺿﺮﺑﺖ ﺑﺎﻻﺧﻤﺲ ﻋﻠﻰ ﺭﺍﺳﻲ ﻟﻮﻣﺴﺘﺸﻬﺪ ﻭﻳﺎﻫﻢ ﻭﻻ ﺷﺎﻳﻒ ﻫﺬﺍ ﺍﻟﻴﻮﻡ
ﺷﻜﻮﻝ ﻝ ﺍﻡ ﻋﻠﻲ ؟
ﻳﻮﻣﻴﻪ ﺗﻮﺻﻴﻨﻲ ﺑﻮﻟﻴﺪﻫﺎ
ﺑﺴﺘﻪ ﺑﻜﺼﺘﻪ ﻭﻏﻤﻀﺖ ﻋﻴﻮﻧﻪ ﺍﺑﺠﻲ ﺑﺼﻮﺕ ﻧﺎﺻﻲ ﻻﻥ ﺍﺳﻤﻊ ﺍﺻﻮﺍﺗﻬﻢ ﺟﻮﺓ ﺑﺎﻟﺒﻨﺎﻳﻪ ﻣﺤﺘﻔﻠﻴﻦ ﺑﻤﻮﺕ ﺟﻤﺎﻋﺘﻨﻪ
ﺷﺎﻭﺭﺗﻪ ﻳﻢ ﺍﺫﻧﻪ
ﻛﺘﻠﻪ ﺑﺎﻟﻌﺎﻓﻴﻪ ﻋﻠﻴﻚ ﺍﻟﺸﻬﺎﺩﺓ ﻋﺮﺳﻚ ﺭﺍﺡ ﻳﻜﻮﻥ ﺑﺎﻟﺠﻨﻪ
ﺍﺩﻋﻴﻠﻲ ﻋﺪ ﺭﺑﻚ ﻳﺎﺧﺬﻧﻲ ﻭﺭﺍﻙ ﻭﺍﻧﻮﻝ ﺷﺮﻑ ﺍﻟﺸﻬﺎﺩﻩ
ﺧﻠﻴﺖ ﺭﺍﺳﻪ ﺑﺎﻟﻜﺎﻉ ﻭﻧﻬﻀﺖ ﺑﻴﺪﻱ ﺍﺳﻼﺣﻲ ﻛﻞ ﺍﻟﻴﺪﻭﺭ ﺍﺑﺎﻟﻲ ﺍﻧﺰﻝ ﺍﻗﺎﺗﻠﻬﻢ ﻭﺍﺧﺬ ﺑﺜﺎﺭ ﺍﺧﻮﻱ
ﺍﺗﻘﺮﺑﺖ ﻟﻠﺴﻴﺎﺝ ﺍﺭﻳﺪ ﺍﻣﺪ ﺭﺍﺳﻲ ﺍﺷﻮﻓﻬﻢ ﺷﻜﻢ ﻭﺍﺣﺪ
ﺑﺲ ﺍﺗﺮﺍﺟﻌﺖ ﻻﻥ ﺍﻋﺮﻑ ﺍﻛﻮ ﻗﻨﺎﺻﻴﻦ ﻣﺘﻤﺮﻛﺰﻳﻦ ﻉ ﺍﻟﺒﻨﺎﻳﺎﺕ
ﺑﺎﻭﻋﺖ ﻣﻦ ﺍﺛﻘﻮﺏ ﺍﻟﺮﺻﺎﺹ ﻋﺪﺩﻫﻢ ﺗﻘﺮﻳﺒﺎ ٢٥ﻭﺍﺣﺪ
ﻭﺍﻧﻲ ﺑﻄﺮﻙ ﺭﻭﺣﻲ ﺍﺫﺍ ﺍﻧﺰﻝ ﻗﺒﻞ ﻣﺎﺍﺭﻣﻴﻬﻢ ﻳﻜﺘﻠﻮﻧﻲ ﻭﺍﻧﻲ ﻣﺎﺍﺭﻳﺪ ﺍﻣﻮﺕ ﺍﺫﺍ ﻣﺎﺍﺩﺯﻫﻢ ﺍﻟﺠﻬﻨﻢ
ﺩﻧﻜﺖ ﻭﺍﺭﺗﺪﻳﺖ ﻟﻠﺨﻠﻒ ﺍﺭﻳﺪ ﺍﻧﺰﻝ ﻣﻦ ﺑﺎﺏ ﺍﻟﺴﻄﺢ
ﻓﻜﺮ ﻣﺎﻛﻮ ﺑﺮﺍﺳﻲ ﺍﺗﻤﻨﻰ ﺍﻟﺰﻣﻬﻢ ﻭﺍﺣﺪ ﻭﺍﺣﺪ . ﺍﺳﻠﺦ ﺟﻠﺪﻫﻢ ﻋﻦ ﻋﻀﻤﻬﻢ
ﺍﻓﺘﺮ ﺑﻤﻜﺎﻧﻲ ﻣﺪﻭﻫﻦ ﺷﺒﻪ ﻓﺎﻗﺪ ﻣﻮﻗﻒ ﺣﻴﻴﻴﻞ ﺻﻌﺐ
ﻭﺍﻛﻒ ﺍﺑﺎﺏ ﺍﻟﺴﻄﺢ ﺍﺭﻳﺪ ﺍﻧﺰﻝ ﺍﻗﺎﺗﻠﻬﻢ ﻭﺍﺭﺟﻊ ﺍﻛﻮﻝ ﺍﺫﺍ ﻧﺰﻟﺖ ﻳﻘﺘﻠﻮﻧﻲ ﺑﺪﻭﻥ ﻣﺎﺍﻗﺘﻞ ﺍﺣﺪ ﺑﻴﻬﻢ
ﻭﺍﻧﻲ ﺿﺎﻳﻊ ﺑﺘﻔﻜﻴﺮﻱ ﻣﺎﺣﺴﻴﺖ ﻏﻴﺮ ﻭﺍﺣﺪ ﻣﻨﻬﻢ ﻃﻠﻊ ﺑﻮﺟﻬﻲ ﻫﻮ ﺍﻧﺼﺪﻡ ﻭﺍﻧﻲ ﻛﺬﻟﻚ
ﺗﻮﻩ ﻳﺮﻳﺪ ﻳﻔﺘﺢ ﺣﻠﻜﻪ ﻳﺼﻴﺢ ﺟﻤﺎﻋﺘﻪ ﺟﺮﻳﺘﻪ ﺭﺍﺳﻪ ﺧﻠﻴﺘﻪ ﺟﻮﺓ ﺿﻠﻌﻲ ﻃﻮﻗﺖ ﺭﻛﺒﺘﻪ ﺑﺜﻨﻴﻦ ﺍﺩﻳﻪ ﺳﺎﺩ ﺣﻠﮕﻪ ﻭﻣﻜﺘﻔﻪ ﻋﻦ ﺍﻟﺤﺮﻛﻪ
ﺳﺒﺤﺎﻥ ﺍﻟﻠﻪ ﻣﻦ ﺷﺨﺺ ﻳﻮﺍﺟﻪ ﺍﻟﻤﻮﺕ ﻳﺼﻴﺮ ﻋﻨﺪﻩ ﻗﻮﺓ ﻋﺠﻴﺒﻪ
ﺳﻼﺣﻲ ﺑﺤﺰﺍﻣﻲ ﺑﻀﻬﺮﻱ ﺍﺫﺍ ﺍﺿﺮﺑﻪ ﻃﻠﻘﻪ ﺭﺍﺡ ﻳﺴﻤﻌﻮﻥ ﺻﻮﺗﻬﺎ ﻭﻳﺠﻮﻥ ﻭﻫﻮ ﻣﺎﺷﺎﻳﻞ ﺍﺳﻼﺡ ﻏﻴﺮ ﺣﺮﺑﻪ ﺣﺎﻃﻬﺎ ﺑﺤﺰﺍﻣﻪ
ﺻﺮﻧﻪ ﻧﺘﻤﺎﻃﻞ ﺍﻧﻲ ﻭﻳﺎﻩ ﺑﺎﻟﻜﺎﻉ ﻛﻞ ﻣﺤﺎﻭﻟﺘﻪ ﻟﻠﺨﻼﺹ ﻣﻦ ﻗﺒﻀﺘﻲ ﻭﺗﺤﺮﻳﺮ ﺻﻮﺗﻪ ﺑﺎﺋﺖ ﺑﺎﻟﻔﺸﻞ ﻻﻥ ﻛﻨﺖ ﻣﺴﻴﻄﺮ ﺗﻤﺎﻣﺎ
ﺧﻼﻝ ﺗﺪﺭﻳﺒﻨﻪ ﺑﻬﺎﻱ ﺍﻟﺴﻨﻪ ﺍﻟﻤﺮﺕ ﻛﺪﺭﺕ ﺍﻛﺘﺴﺐ ﻣﻬﺎﺭﺍﺕ ﺑﺎﻟﻘﺘﺎﻝ ﻭﻫﻮ ﻣﻮﺿﺨﻢ ﺭﻓﻴﻊ ﻣﺴﻠﻮﻉ
ﺣﺎﻃﻠﻪ ﺣﺮﺑﻪ ﻛﻠﻬﺎ ﺩﻡ ﺑﺤﺰﺍﻣﻪ
ﻃﻮﻝ ﻣﺎﻛﻨﺖ ﺍﺗﻼﻭﺓ ﻭﻳﺎﻩ ﺫﻛﺮ ﺍﺑﻮ ﺍﻟﺤﺴﻦ ﻋﻠﻲ ﻳﺘﺮﺩﺩ ﺍﺑﺮﺍﺳﻲ ﻣﻮ ﺧﺎﻳﻒ ﻣﻦ ﺍﻟﻤﻮﺕ ﺑﺲ ﺧﺎﻳﻒ ﺍﻣﻮﺕ ﺑﺪﻳﻦ ﻭﺍﺣﺪ ﻧﺠﺲ ﺑﺪﻭﻥ ﻣﺎﺍﺧﺬ ﺛﺎﺭ ﺍﺧﻮﺗﻲ
ﻓﻠﺘﺖ ﺍﻳﺪﻩ ﺟﺮ ﺍﻟﺴﺠﻴﻨﻪ ﻣﺎﻟﺘﻪ ﺿﻞ ﻳﻬﻤﺶ ﻣﺎﻣﺴﻴﻄﺮ ﻫﺎﻱ ﻛﻠﻬﺎ ﺍﻟﻬﻮﺳﻪ ﻭﺍﻧﻲ ﻣﺎﺧﻠﻴﺖ ﻗﺒﻀﺘﻲ ﺗﻔﻠﺖ ﻋﻦ ﺣﻠﻜﻪ ﻛﺎﺗﻢ ﺻﻮﺗﻪ ﺗﻤﺎﻣﺎ
ﺟﺮﺣﻨﻲ ﺑﻤﺘﻨﻲ ﻣﺎﺣﺴﻴﺖ ﻣﻦ ﺣﻼﺓ ﺭﻭﺣﻲ
ﺍﺷﻮﻓﻪ ﻳﺠﺮﺣﻨﻲ ﺑﺲ ﻣﺎﺍﺣﺲ ﺑﻀﺮﺑﺎﺗﻪ ﺍﻟﻰ ﺍﻥ ﺟﺮﺡ ﺭﻛﺒﺘﻲ ﻭﺑﻠﺤﻀﻪ ﻭﺣﺪﺓ ﻃﻜﻴﺖ ﺭﻛﺒﺘﻪ ﻛﺴﺮﺗﻬﺎ
ﺑﻘﻴﺖ ﻣﺘﻤﺪﺩ ﺑﺎﻟﻜﺎﻉ ﻭﻫﻮ ﻋﻠﻰ ﺻﺪﺭﻱ
ﺩﻓﻌﺘﻪ ﻋﻨﻲ ﻭﻋﺪﻟﺖ ﻛﻌﺪﺗﻲ ﺑﺼﻔﻪ ﺗﻔﻠﺖ ﻋﻠﻲ
ﮔﻤﺖ ﮔﻮﺓ ﻻﻥ ﺗﻌﺒﺖ ﺍﻟﭽﻠﺐ ﻛﻮﺓ ﻃﻜﻴﺖ ﺭﻛﺒﺘﻪ ﺟﻨﻪ ﺍﺑﻮ ﺍﺑﺮﻳﺺ ﻭﻛﻞ ﺍﻟﻘﻮﺓ ﺑﻲ
ﺍﺧﺬﺕ ﻧﻔﺲ ﻭﺟﺮﻳﺘﻪ ﺍﻟﻨﻬﺎﻳﺔ ﺍﻟﺴﻄﺢ ﺍﻛﻮ ﺟﻴﺎﺱ ﺑﻴﻬﻦ ﺭﻣﻞ ﻣﺴﻮﻳﻬﻦ ﺳﺎﺗﺮ ﻉ ﺍﻟﺴﻴﺎﺝ
ﺧﻠﻴﺘﻪ ﺣﺘﻰ ﺧﺎﻑ ﻳﺼﻌﺪﻭﻥ ﺟﻤﺎﻋﺘﻪ ﻳﺸﻮﻓﻮ
ﺟﺮﻳﺖ ﺍﻟﺠﻴﺎﺱ ﺣﻄﻴﺘﻬﻦ ﻓﻮﻛﺎﻩ ﺍﻳﺪﻩ ﻣﺒﻴﻨﻪ ﺍﻧﺘﺒﻬﺖ ﺑﻴﻬﺎ ﻣﺤﺒﺲ ﺍﺳﻮﺩ ﻣﻜﺘﻮﺏ ﺑﻲ ﺷﻌﺎﺭﻫﻢ ﺍﻟﻠﻪ ﺭﺳﻮﻟﻪ ﻣﺤﻤﺪ
ﺳﺤﺒﺖ ﺍﻟﻤﺤﺒﺲ ﻣﻦ ﺍﺻﺒﻌﻪ ﻟﺒﺴﺘﻪ ﻛﺘﻠﻪ ﻫﺬﺍ ﻣﺤﺒﺴﻚ ﺭﺍﺡ ﺍﺿﻞ ﻻﺑﺴﻪ ﻣﻨﺎ ﻟﻤﻦ ﺍﺧﺬ ﺑﺜﺎﺭ ﺻﺤﺒﺎﻧﻲ ﻣﻦ ﻛﻞ ﻭﺍﺣﺪ ﺧﺎﻳﺲ ﺑﻴﻜﻢ ﺭﺍﺡ ﺍﺿﻞ ﻻﺑﺴﻪ ﺣﺘﻰ ﻛﻞ ﻣﺎﺍﺷﻮﻓﻪ ﺗﺰﻳﺪ ﻧﺎﺭ ﺍﻧﺘﻘﺎﻣﻲ ﻣﻨﻜﻢ ﻭﻣﺎﺗﺒﺮﺩ ﻭﻻﺗﻨﻄﻔﻲ ﻫﺎﻱ ﺍﻟﻨﺎﺭ ﻏﻴﺮ ﻟﻤﻦ ﺍﻧﻔﻴﻜﻢ ﻋﻦ ﺑﻜﺮﺓ ﺍﺑﻴﻜﻜﻢ
ﻛﻤﻠﺖ ﺗﻐﻄﻴﺔ ﺍﻟﺠﺜﻪ ﺑﺎﻟﺠﻴﺎﺱ ﻭﺍﻟﺰﺑﺎﻟﻪ ﺍﻟﻤﻮﺟﻮﺩ ﻓﻮﻙ ﺍﻟﺴﻄﺢ
ﺍﻧﺘﺒﻬﺖ ﻋﻠﻰ ﺭﻭﺣﻲ ﺭﻛﺒﺘﻲ ﺗﻨﺰﻑ ﻣﺸﺨﻮﻃﻪ ﺑﺲ ﺟﺮﺡ ﺑﺴﻴﻂ ﻟﻜﻦ ﺫﺭﺍﻋﻲ ﺟﺮﺣﻪ ﻏﻤﻴﺞ ﻳﺤﺘﺎﺟﻠﻪ ﺍﺧﻴﺎﻁ
ﺭﺟﻌﺖ ﻳﻢ ﺟﺜﺔ ﺧﻮﻳﻲ ﻭﺻﺎﺣﺒﻴﻲ ﺍﻋﻠﻴﻮﻱ
ﻋﻨﺪﺓ ﺍﺷﻤﺎﻍ ﻳﻠﻔﻪ ﺩﻭﻡ ﻋﻠﻰ ﺭﺍﺳﻪ ﻋﻦ ﺣﺮﺍﺭﺓ ﺍﻟﺸﻤﺲ
ﺍﻟﺸﻤﺎﻍ ﺑﻲ ﻃﻜﻌﻪ ﺩﻡ ﻣﻦ ﺩﻣﻪ ﺟﺮﻳﺘﻪ ﻟﻔﻴﺖ ﺑﻲ ﺍﺫﺭﺍﻋﻲ ﻭﺷﺪﻳﺖ ﻉ ﺍﻟﺠﺮﺡ ﺣﺘﻰ ﺷﻮﻳﻪ ﺍﺧﻔﻒ ﻣﻦ ﺍﻟﻨﺰﻳﻒ
ﺍﻧﻲ ﺳﺪﻳﺖ ﻋﻴﻮﻧﻪ ﺑﺲ ﺭﺟﻌﺖ ﻟﻜﻴﺘﻪ ﻣﻔﺘﺤﻬﻦ
ﺑﺠﻴﺖ ﻳﻤﻪ ﺑﺪﻭﻥ ﺻﻮﺕ ﺍﺣﺎﺟﻲ ﺑﺼﻮﺕ ﻧﺎﺻﻲ ﺍﺷﺒﻪ ﻟﻠﻬﻤﺲ
ﻛﺘﻠﻪ ﻫﺎ ﺧﻮﻳﻪ ؟
ﻣﻔﺘﺢ ﻋﻴﻮﻧﻚ ﺍﻋﻠﻪ ﺍﺧﻮﻙ ؟
ﻻﻥ ﺗﺸﻮﻓﻪ ﻳﺘﻤﺎﻃﻞ ﻭﻳﻪ ﺟﺘﺎﻟﻚ
ﺳﺪﻳﺖ ﺣﻠﻜﻲ ﻻﻥ ﺑﻴﻪ ﺻﺮﺧﻪ ﺑﺲ ﺍﻟﻠﻪ ﻳﻌﻠﻢ ﺑﻴﻬﺎ
ﺭﺟﻌﺖ ﺻﻤﻴﺖ ﻋﻴﻮﻧﻪ ﻭﺑﺴﺘﻪ ﺑﺮﺍﺳﻪ
ﻛﺘﻠﻪ ﻭﻋﺪ ﺍﺭﺟﻊ ﺍﺧﺬﻙ ﻭﺍﺭﺟﻌﻚ ﺍﻝ ﺍﻣﻚ ﻣﻠﻔﻮﻑ ﺑﻌﻠﻢ ﺍﻟﻨﺼﺮ ﻣﺎﺍﻋﻮﻓﻚ ﺍﻫﻨﺎ ﺍﻟﺠﺮﺫﺍﻥ ﺩﺍﻋﺶ
ﻛﻤﺖ ﻣﻦ ﻣﻜﺎﻧﻲ ﺍﺭﻳﺪ ﺻﺮﻓﻪ ﺍﻃﻠﻊ ﺑﻴﻬﺎ ﻣﻨﺎ
ﺍﻟﻤﺸﻜﻠﻪ ﺑﻘﻮ ﻛﺎﻋﺪﻳﻦ ﺍﺑﺎﺏ . ﺍﻟﺒﻨﺎﻳﻪ ﺷﻮﻳﻪ ﻭﺻﻌﺪﻭ ﺳﻴﺎﺭﺍﺗﻬﻢ ﻭﺍﻋﻼﻡ ﺍﻟﻐﺮﺑﺎﻥ ﺍﻟﺴﻮﺩ ﻣﻌﻠﻜﻴﻬﺎ
ﻭﺟﻮﻫﻢ ﻣﺜﻞ ﻭﺟﻮﻩ ﺍﻟﺸﻴﺎﻃﻴﻦ ﻭﺍﻟﻌﻴﺎﺫ ﺑﺎﻟﻠﻪ
ﻣﻮﺑﺎﻳﻼﺗﻨﻪ ﻛﻠﻬﺎ ﻣﻄﻔﻴﻪ ﺷﺤﻦ ﻭﺍﻟﺸﺒﻜﻪ ﺷﺒﻪ ﻣﻌﺪﻭﻣﻪ ﺍﺫﺍ ﺗﺠﻲ ﺩﻗﺎﻳﻖ ﻭﺗﺮﻭﺡ
ﻛﻞ ﺍﻻﺑﺎﻟﻲ ﺍﺗﺼﻞ ﺑﻮﺍﺣﺪ ﻣﻦ ﺍﻟﻀﺒﺎﻁ ﺑﺲ ﺍﺷﻠﻮﻥ ﺍﺗﺼﻞ ﺑﻲ ?
ﺭﺟﻌﺖ ﺍﺗﺸﻠﺒﻴﺖ ﺍﻟﺒﻮﺭﻱ ﺑﺎﻟﺘﻘﺎﺳﻴﻢ ﻣﺎﻝ ﺍﻟﺘﺒﺮﻳﺪ ﺧﺎﻑ ﻳﺮﺟﻌﻮﻥ ﻳﺪﻭﺭﻭﻥ ﻋﻠﺊ ﺻﺎﺣﺒﻬﻢ ﺍﻧﺘﻀﺮﺕ ﺑﻴﻦ ﻣﺎ
ﺻﺎﺭﺕ ﺍﻟﺴﺎﻋﻪ ﺗﻘﺮﻳﺒﺎ 12 ﺑﻠﻴﻞ ﺷﺪﻳﺖ ﺍﻟﻌﺰﻡ ﻭﺍﺗﻜﻠﺖ ﻋﻠﻰ ﺍﻟﻠﻪ ﺑﺲ ﺍﻻﻋﺮﻓﻪ ﺍﻟﻄﺮﻕ ﻛﻠﻬﺎ ﻣﺰﺭﻭﻋﻪ ﺑﻴﻬﺎ ﺍﻟﺪﻭﺍﻋﺶ ﺑﺲ ﺍﻛﻮ ﻃﺮﻳﻖ ﻭﺍﺣﺪ ﻉ ﺍﻟﺒﺴﺎﺗﻴﻦ
ﻭﺳﻤﻌﺖ ﻣﻦ ﺍﻟﺸﺒﺎﺏ ﺍﻟﺪﻭﺍﻋﺶ ﻣﻠﻐﻤﻪ ﺍﻟﻤﻜﺎﻥ
ﻧﺰﻟﺖ ﻋﻠﻰ ﻛﻴﻒ ﺍﻛﻮ ﻭﺭﺓ ﺍﻟﺒﻨﺎﻳﻪ ﺳﻴﺎﺝ brc
ﻭﺑﻌﺪﻫﺎ ﻳﺠﻲ ﺑﺴﺘﺎﻥ ﻛﻠﺶ ﺟﺒﻴﺮ ﻣﻠﻴﺎﻥ ﻧﺨﻞ ﻭﺷﺠﺮ
ﺷﺒﺨﺖ ﺍﻟﺴﻴﺎﺝ ﻭﻃﻜﻴﺘﻬﺎ ﺭﻛﻀﻪ ﺑﺪﻭﻥ ﺗﻮﻗﻒ ﺛﻼﺙ ﺳﺎﻋﺎﺕ ﺍﺭﻛﺾ ﻭﻛﻞ ﺷﻮﻳﻪ ﺍﻛﻮﻝ ﻫﺴﻪ ﺗﻨﻔﺠﺮ ﺑﻴﻪ ﻋﺒﻮﺓ ﻭﺍﺭﺟﻊ ﺍﻛﻮﻝ ﻟﻮﻣﻜﺘﻮﺑﻠﻲ ﺍﻟﻤﻮﺕ ﺍﻟﻴﻮﻡ ﺟﺎﻥ ﻣﺘﺖ ﻭﻳﻪ ﺍﻟﺸﻬﺪﺍﺀ ﺍﻟﺴﺒﻘﻮﻧﻲ
ﻟﻠﺴﺎﻋﻪ 4 ﺍﻟﻔﺠﺮ ﺗﻘﺮﻳﺒﺎ ﻭﺻﻠﺖ ﺍﻟﻨﻬﺎﻳﻪ ﺍﻟﺒﺴﺘﺎﻥ ﻣﻦ ﺑﻌﻴﺪ ﺷﻔﺖ ﺳﻴﺎﺭﺍﺕ ﺟﻤﺎﻋﺘﻨﻪ ﺍﻟﺤﺸﺪ ﺷﻲ ﺑﻴﻪ ﺍﺭﺗﺎﺡ
ﻛﻤﻠﺖ ﻃﺮﻳﻘﻲ ﺑﺎﻟﺮﻛﺾ
ﺻﺮﺕ ﻗﺮﻳﺐ ﻛﻠﺶ ﻋﻠﻴﻬﻢ ﻛﻤﻠﺖ ﻃﺮﻳﻘﻲ ﺑﺠﻬﺘﻢ
ﺷﺎﻓﻮﻧﻲ ﺳﺤﺒﻮ ﺍﻗﺴﺎﻣﻬﻢ ﻛﻞ ﺿﻨﻬﻢ ﻭﺍﺣﺪ ﻣﻦ ﺟﺮﺫﺍﻥ ﺩﺍﻋﺶ
ﻟﺰﻣﻮﻧﻲ ﺍﻟﺠﻴﺶ ﺍﻟﻌﺮﺍﻗﻲ ﻭﺍﺣﺪ ﻣﻨﻬﻢ ﺿﺮﺑﻨﻲ ﺑﺎﺍﺧﻤﺲ ﺍﻟﺮﺷﺎﺷﻪ ﻛﻞ ﺿﻨﻬﻢ ﺍﻧﻲ ﺩﺍﻋﺸﻲ ﻧﻌﺘﻮﻧﻲ ﺑﺎﻻﺭﻫﺎﺑﻲ ﻭﺍﻟﺨﺎﻳﻦ ﺭﺩﺕ ﺍﻓﻬﻤﻬﻢ ﻭﺍﻧﻄﻴﻬﻢ ﻫﻮﻳﺘﻲ ﻣﺎﺟﺎﻥ ﻭﺍﺣﺪ ﻣﻨﻬﻢ ﻳﺴﻤﻊ
ﻭﮔﻔﺖ ﻋﻠﺊ . ﺣﻴﻠﻲ ﺑﺤﺮﻛﻪ ﻭﺣﺪﺓ ﺍﺧﺬﺕ ﺍﺳﻼﺡ ﺍﻟﺠﻨﺪﻱ ﻣﻦ ﺍﻳﺪﺓ ﻣﺎﺍﺣﺲ ﻏﻴﺮ ﺿﺮﺑﻪ ﻣﻦ ﻭﺭﺓ ﻋﻠﺊ ﺭﺍﺳﻲ ﺑﻌﺪﻫﺎ ﻓﻘﺪﺕ ﻣﺎﺍﺩﺭﻱ ﺑﺸﻲ ﻻﻥ ﺍﻟﻀﺮﺑﻪ ﻗﻮﻳﻪ
ﻣﺎﺻﺤﻴﺖ ﻏﻴﺮ ﺑﻜﺮﻓﺎﻥ ﻭﺩﺍﻳﺮ ﻣﺪﺍﻳﺮﻱ ﻛﻢ ﺟﻨﺪﻱ ﻭﻣﻦ ﺿﻤﻨﻬﻢ ﺍﺛﻨﻴﻦ ﺿﺒﺎﻁ ﻭﺍﺣﺪ ﻣﻨﻬﻢ ﺍﻋﺮﻓﻪ
ﺍﻟﻀﺎﺑﻂ ﻣﺆﻣﻞ، ،ﺍﻟﺤﻤﺪﺍﻟﻠﻪ ﻋﻠﺊ ﺳﻼﻣﺘﻚ ﻳﺎﺑﻄﻞ
ﻟﻮﺍﺀ،،ﻣﺪ ﺍﻳﺪﺓ ﺍﻧﻄﺎﻧﻲ ﻫﻮﻳﺎﺗﻲ ﻣﺎﺧﺬﻳﻬﻦ ﻭﺍﻣﻲ ﻓﺎﻗﺪ ﻋﺪﻟﺖ ﮔﻌﺪﺗﻲ ﮔﺎﻟﻲ ﺍﺑﻘﻪ ﻧﺎﻳﻢ ﺍﺭﺗﺎﺡ ﮔﺘﻠﻪ ﺷﺮﺗﺎﺡ ﻭﺟﻤﺎﻋﺘﻲ ﻣﻮﺫﺭﻳﻦ ﺍﺟﺴﺎﺩﻫﻢ ﺍﻻﻧﺠﺎﺱ
ﻭﻻﺯﻡ ﻧﺮﺟﻊ ﻧﺎﺧﺬﻫﻢ ﺍﻧﻲ ﺍﺟﻴﺖ ﺣﺘﺊ ﻧﺠﻴﺐ ﺟﺜﺜﻬﻢ
ﺍﻟﻀﺎﺑﻂ ﻣﺆﻣﻞ،،ﺍﺷﻠﻮﻥ ﻧﮕﺪﺭ ﺍﻧﻔﻮﺕ ﻭﺍﻟﻤﻨﻄﻘﻪ ﺍﺣﺘﻠﻮﻫﺎ ﺑﺎﻟﻜﺎﻣﻞ ﻭﺍﺟﺘﻨﻪ ﺍﺧﺒﺎﺭﻳﻪ ﻗﺒﻞ ﺷﻮﻳﻪ ﻗﺎﺻﻔﻴﻦ ﺍﻟﻤﺒﻨﺊ ﺍﻟﺠﻨﺘﻮ ﺑﻲ
ﻟﻮﺍﺀ،،ﻟﺰﻣﺖ ﺭﺍﺳﻲ ﺩﺍﻳﺦ ﮔﻌﺪﺕ ﺑﺎﻟﮕﺎﻉ ﺭﺟﻠﻴﻪ ﻣﺎﺗﺸﻴﻠﻨﻲ
ﮔﺘﻠﻪ ﺳﻴﺪﻱ ﺍﻋﻠﻴﻮﻱ ﺟﺎﻥ . ﻣﺎﻳﺨﻠﻲ ﻭﺍﺣﺪ ﻣﻦ ﺟﻤﺎﻋﺘﻨﻪ ﺍﺫﺍ ﻣﺎﻳﺠﻴﺒﻪ ﺣﺘﺊ ﻟﻮﻣﻴﺖ ﻣﺎﻳﺘﺮﻙ ﺟﺜﺘﻪ
ﻭﺍﻧﺘﻪ ﺗﺮﻳﺪﻧﻲ ﺍﺗﺮﻛﻪ ﺍﻫﻨﺎﻙ ﺟﺎﻭﺑﻨﻲ ﺍﺷﻠﻮﻥ ﺍﺗﺮﻛﻪ ?
ﺍﻟﻀﺎﺑﻂ ﻣﺆﻣﻞ،،ﻫﻨﺌﻴﺄ ﻟﻬﻢ ﺍﻟﺠﻨﻪ ﺫﻭﻟﻪ ﺷﻬﺪﺍﺀ ﻟﺘﺨﺎﻑ ﻋﻠﻴﻬﻢ . ﻭﻗﺴﻤﺎ ﺑﺎﻟﻠﻪ ﻟﻮ ﻣﺎﻣﻘﺼﻮﻑ ﺍﻟﻤﻜﺎﻥ ﻫﺴﻪ ﺍﺭﺟﻊ ﻭﻳﺎﻙ ﻭﻣﺎﺍﺗﺮﻛﻬﻢ ﺑﺲ ﺍﺫﺍ ﺭﺣﻨﻪ ﺭﻭﺣﺘﻨﻪ ﻣﺎﺑﻴﻬﺎ ﻓﺎﻳﺪﺓ ﮔﻮﻡ ﺍﺭﺗﺎﺡ ﻫﺴﻪ ﺗﺠﻲ ﺍﻟﻄﺒﺎﺑﻪ ﻳﺨﻴﻄﻮﻥ ﺟﺮﺡ ﺍﻳﺪﻙ ﻭﻳﺪﺍﻭﻭﻙ ﺣﺘﺊ ﺍﺭﺟﻌﻚ ﻭﻳﺎﻱ ﻧﺎﺯﻝ ﻟﻬﻠﻲ ﺍﻟﻴﻮﻡ
ﻟﻮﺍﺀ،،ﻣﺎﻣﻘﺘﻨﻊ ﺑﻜﻼﻡ ﺍﻟﻀﺎﺑﻂ ﺷﻲ ﺑﻴﻪ ﻳﻴﺤﺜﻨﻲ ﺍﺭﺟﻊ
ﻛﺎﻧﻪ ﻣﻘﺴﻮﻡ ﻧﺼﻴﻦ ﻧﺺ ﻳﺮﻳﺪ ﺍﺭﺟﻊ ﻭﻧﺺ ﻳﻘﻨﻌﻨﻲ ﺍﺑﻘﺊ
ﺣﺎﻟﺘﻲ ﺍﻟﻨﻔﺴﻴﻪ ﺗﺤﺖ ﺍﻟﺼﻔﺮ ﺗﻌﺒﺎﻥ ﻣﻦ ﻛﻠﺸﻲ
ﻋﻴﻮﻥ ﻋﻠﻲ ﻣﺎﺗﺮﻭﺡ ﻣﻦ ﺑﺎﻟﻲ
ﻣﻮﺍﻗﻒ ﺟﻤﺎﻋﺘﻲ ﻭﺍﺣﺪ ﻭﺍﺣﺪ ﺍﺫﻛﺮﻫﻢ
ﺿﺤﻜﺎﺗﻬﻢ ﻫﺘﺎﻓﺎﺗﻬﻢ ﺗﺸﺠﻴﻌﻬﻢ ﺍﻟﻨﻪ
ﺟﺎﻧﻮ ﺯﻟﻢ ﺍﺳﺒﺎﻉ ﻭﻛﻔﻮ ﺑﻮﺟﻪ ﺍﻟﻤﻮﺕ ﻭﺑﺎﻻﺧﻴﺮ ﺍﺗﻜﺎﻓﺌﻮ ﺑﺎﻟﺸﻬﺎﺩﺓ
ﺣﻠﻔﺖ ﺍﺧﺬ ﺑﺜﺎﺭﻫﻢ ﻭﻣﺎﺍﺗﺮﺍﺟﻊ ﻭﻻﻳﻬﺰﻧﻲ ﺷﻲ
ﮔﻠﺖ ﻟﻠﻀﺎﺑﻂ ﺧﻞ ﺍﺗﺼﻞ ﺑﺎﺍﻫﻠﻲ ﺍﻭﻝ ﺷﻲ ﺍﻃﻤﻨﻬﻢ ﺻﺎﺭ ﻛﻢ ﻳﻮﻡ ﻣﺎﻣﺘﺼﻞ ﺑﻴﻬﻢ ﺍﻧﻄﺎﻧﻲ ﺍﻟﻀﺎﺑﻂ ﻣﻮﺑﺎﻳﻠﻪ ﻛﺘﻠﻪ ﺑﺲ ﺍﺭﻳﺪ ﺷﺎﺣﻨﻪ ﺍﺷﺤﻦ ﻣﻮﺑﺎﻳﻠﻲ ﻻﻥ ﻣﻄﻔﻲ ﻭﺍﻧﻲ ﻫﻢ ﻣﺎﺣﺎﻓﺾ ﻭﻻﺭﻗﻢ ﻣﻦ ﺍﺭﻗﺎﻣﻬﻢ
ﺧﻠﻴﺖ ﺍﻟﻤﻮﺑﺎﻳﻞ ﻉ ﺍﻟﺸﺤﻦ ﻭﺍﻧﺘﻀﺮﺗﻪ ﻛﻢ ﺩﻗﻴﻘﻪ ﺑﻴﻦ ﻣﺎﻳﻨﻔﺘﺢ
ﻭﺍﺧﻴﺮﺍ ﺷﻐﻠﺘﻪ ﻭﺍﺗﺼﻠﺖ ﺏ ﺍﻫﻠﻲ ﺑﺲ ﺍﻟﻌﺠﻴﺐ ﻭﻻﻭﺍﺣﺪ ﻣﻨﻬﻢ ﻳﻔﺘﺢ ﺧﻂ
ﻣﺎﺍﻋﺮﻑ ﻟﻴﺶ ﻧﻐﺰﻧﻲ ﻛﻠﺒﻲ ﺭﺟﻌﺖ ﺍﺗﺼﻠﺖ ﻫﻢ ﻣﺎﻛﻮ ﺟﻮﺍﺏ
ﺍﺧﺮ ﺷﻲ ﺍﺗﺼﻠﺖ ﺏ ﺑﺬﻳﺎﺏ ﺍﺑﻦ ﻋﻤﻲ ﻭﺻﺎﺣﺒﻲ
ﺟﺎﻭﺑﻨﻲ ﻣﻠﻬﻮﻑ ﻻﻥ ﺻﺎﺭ ﺍﻛﺜﺮ ﻣﻦ ﺍﺳﺒﻮﻉ ﻣﺎﻣﺘﺼﻞ ﺑﻮﺍﺣﺪ ﻣﻦ ﺍﻫﻠﻲ ﻭﺍﻧﻲ ﻣﻨﻄﻴﻬﻢ ﺧﺒﺮ ﺍﻧﻮ ﺷﺒﻜﻪ ﻣﺎﻛﻮ ﺣﺘﻰ ﻳﻄﻤﻨﻮﻥ ﺳﺎﻟﺘﻪ ﻋﻠﻰ ﺍﻫﻠﻲ ﻛﺎﻝ ﺧﺎﻑ ﻣﺸﻐﻮﻟﻴﻦ
ﻛﺘﻠﻪ ﻫﺬﺍ ﻣﻮﻋﺬﺭ ﺫﻳﺎﺏ ﻛﻠﻲ ﺷﺼﺎﻳﺮ؟
ﺫﻳﺎﺏ .. ﺧﻮﻳﻪ ﻣﺎﻛﻮ ﺷﻲ
ﻟﻮﺍﺀ .. ﺫﻳﺎﺏ ﺍﺣﺠﻲ ﻭﺍﻟﻠﻪ ﻛﻠﺒﻲ ﻻﺟﻤﻨﻲ ﺍﺑﻮﻱ ﻭﺍﻣﻲ ﺑﻴﻬﻢ ﺷﻲ ؟
ﺍﺧﻮﺗﻲ ﺑﺨﻴﺮ؟
ﺫﻳﺎﺏ .. ﻳﺎﺑﻪ ﻛﻠﺸﻲ ﻣﺎﻛﻮ ﺑﺲ ﺍﻟﺤﺠﻴﻪ ﺷﻮﻳﻪ ﻣﺮﻳﻀﻪ ﺻﺎﻋﺪ ﺿﻐﻄﻬﺎ
ﻟﻮﺍﺀ .. ﻣﺘﺎﻛﺪ ﻫﺬﺍ ﺍﻟﺴﺒﺐ؟؟
ﺫﻳﺎﺏ .. ﻣﺘﺎﻛﺪ ﻗﺎﺑﻞ ﺷﻜﻮ ﻭﻟﻮ ﺍﻛﻮ ﺷﻲ ﺍﺣﺠﻲ ﻭﻳﺎﻙ ﻃﺒﻴﻌﻲ ﻫﺴﻪ؟
ﻫﺴﻪ ﻋﻮﻓﻨﻪ ﻣﻦ ﻫﺎﻱ ﺍﻟﺴﺎﻟﻔﻪ ﺍﻧﺘﻪ ﺷﻮﻛﺖ ﺗﻨﺰﻝ؟
ﻟﻮﺍﺀ .. ﺍﻟﻴﻮﻡ ﺍﻧﺸﺎﺀﺍﻟﻠﻪ ﺷﻮﻳﻪ ﻭﺍﻃﻠﻊ
ﺫﻳﺎﺏ .. ﺗﻮﺻﻞ ﺑﺎﻟﺴﻼﻣﻪ
ﻟﻮﺍﺀ .. ﻧﻬﻴﺖ ﺍﻻﺗﺼﺎﻝ ﺑﺲ ﻛﻠﺒﻲ ﻻﻋﺐ
ﻣﺎﺻﺪﻛﺖ ﺷﻮﻛﺖ ﺍﻧﺰﻝ ﻟﻠﺒﻴﺖ ﻃﻠﻌﻨﻪ ﺍﻧﻲ ﻭﺍﻟﻀﺎﺑﻂ
ﺍﺣﺲ ﺍﻟﻄﺮﻳﻖ ﺻﺎﺭ ﺷﻄﻮﻟﻪ ﺗﻌﺒﺎﻥ ﺣﺪ ﺍﻟﻬﻼﻙ ﺍﺗﻤﻨﺊ ﺍﻟﻄﻢ ﻭﺍﺑﺠﻲ ﻋﻠﺊ ﺟﻤﺎﻋﺘﻲ ﻣﺨﻨﻮﮒ ﻣﻨﻀﺮﻫﻢ ﻣﺎﻳﺮﻭﺡ ﻣﻦ ﺑﺎﻟﻲ
ﻛﻞ ﺷﻮﻳﻪ ﺗﺠﻲ ﺍﺑﺎﻟﻲ ﺍﻡ ﻋﻠﻲ ﺍﺷﻠﻮﻥ ﺍﺭﻭﺡ ﻭﺍﺷﻠﻮﻥ ﺍﻭﺻﻠﻠﻬﺎ ﺧﺒﺮ ﺍﺳﺘﺸﻬﺎﺩ ﺍﺑﻨﻬﺎ
ﺍﻟﺬﺑﺤﻨﻲ ﻣﺎﺍﺭﺍﺡ ﻳﻜﻮﻥ ﺍﻟﻬﻢ ﻗﺒﻮﺭ ﻧﺰﻭﺭﻫﺎ
ﺍﺫﺍ ﺭﺍﺣﻠﻚ ﻋﺰﻳﺰ ﺍﺑﺴﻂ ﺷﻲ ﺗﺮﻭﺡ ﺍﻟﻘﺒﺮﺓ ﺗﺒﺠﻲ ﻳﻤﻪ ﺷﻲ ﺑﻴﻚ ﻳﺮﺗﺎﺡ ﺑﺲ ﻋﻠﻲ ﻭﺍﻟﺒﺎﻗﻴﻦ ﻣﺎﺭﺍﺡ ﻧﺮﺗﺎﺡ ﻋﻠﻴﻬﻢ ﻃﻮﻝ ﺍﻟﻌﻤﺮ ﻻﻥ ﻣﺎﻟﻬﻢ ﻗﺒﺮ ﻳﻨﺰﺍﺭ
ﺍﺗﻤﻨﻴﺖ ﻣﺴﺘﺸﻬﺪ ﻭﻳﺎﻫﻢ ﺍﺗﻤﻨﻴﺖ ﺍﻟﺸﻬﺎﺩﺓ ﻣﻦ ﻛﻞ ﮔﻠﺒﻲ ﺑﺪﺍﺧﻠﻲ ﮔﺘﻠﻪ ﺭﺑﻲ ﺷﻨﻮ ﺍﻟﺬﻧﺐ ﺍﻟﺴﻮﻳﺘﻪ ﺑﺤﻴﺎﺗﻲ ﺣﺘﺊ ﻣﺎﺍﺳﺘﺎﻫﻞ ﺍﻛﻮﻥ ﺷﻬﻴﺪ ?
ﻭﺻﻠﺖ ﺍﻟﻤﻨﻄﻘﺘﻨﻪ ﺭﻳﻔﻴﻔﻪ ﻭﻃﺮﻳﻘﻬﺎ ﻳﺸﻠﻊ ﺍﻟﻜﻠﺐ
ﻃﺮﻳﻘﻬﺎ ﺍﺗﺮﺍﺏ ﻣﺎﻣﺒﻠﻂ
ﺩﻧﻴﻪ ﺍﻟﻤﻐﺮﺏ ﻛﻠﺒﻲ ﺍﻧﻘﺒﺾ ﻣﻦ ﺷﻔﺖ ﺟﺎﺩﺭ ﻣﻨﺼﻮﺏ ﺍﺑﺎﺑﻨﻪ ﻛﻞ ﺿﻨﻲ ﺍﻣﻲ ﻣﺎﺗﺖ ﺑﺲ ﺫﻳﺎﺏ ﺿﻢ ﻋﻨﻲ ﺍﻟﺴﺎﻟﻔﻪ ﻻﻥ ﻳﺨﺎﻑ ﻋﻠﻴﻪ
ﻣﺎﺗﺤﻤﻠﺖ ﺗﻮﺻﻞ ﺍﻟﺴﻴﺎﺭﺓ ﻟﻠﺒﺎﺏ ﻭﺍﻧﺰﻝ ﺑﻌﺪﻫﺎ ﺗﻤﺸﻲ ﻋﻠﻰ ﻛﻴﻒ ﻓﺘﺤﺖ ﺍﻟﺒﺎﺏ ﻭﻧﺰﻟﺖ ﻓﺤﻄﺎﻥ ﻟﻠﺒﻴﺖ
ﺑﻤﺠﺮﺩ ﻣﺎﻓﺘﺤﺖ ﺍﻟﺒﺎﺏ ﻭﺩﺧﻠﺖ ﺍﺧﻮﺍﺗﻲ ﺷﺎﻓﻨﻲ ﺿﺠﻦ ﺑﺎﻟﺼﺎﻳﺢ ﻭﺍﻟﺒﻮﺍﺟﻲ ﻫﺎﻱ ﺍﻟﺘﺤﻀﻨﻲ ﻭﻫﺎﻱ ﺍﻻﺯﻣﻪ ﺫﺭﺍﻋﻲ ﻣﺤﺎﻭﻃﺘﻬﺎ
ﻣﺎﺍﺗﺤﻤﻠﺖ ﻛﻌﺪﺕ ﺑﺎﻟﻜﺎﻉ ﺍﺑﺠﻲ ﻭﻳﺎﻫﻦ ﻭﺍﻧﺤﺐ ﻭﺑﻠﺴﺎﻧﻲ ﻛﻠﻤﻪ ﺗﺘﺮﺩﺩ ﻳﺎﻳﻤﻤﻤﻪ
ﺍﺧﻮﺍﺗﻲ ﻳﺒﺎﻭﻋﻦ ﺑﻮﺟﻬﻲ ﻭﻳﺘﺒﺎﺟﻦ ﺭﻓﻌﺖ ﺭﺍﺳﻲ
ﺷﻔﺖ ﺟﻨﻪ ﺑﻨﺖ ﺍﺧﺘﻲ ﺗﺪﻓﻊ ﺍﻣﻲ ﺑﺎﻟﻌﺮﺑﺎﻧﻪ
ﻣﺜﻞ ﻭﺍﺣﺪ ﻛﻔﺨﻨﻲ ﻋﻠﻰ ﺭﺍﺳﻲ
ﺍﻧﺸﻞ ﺍﻟﺴﺎﻧﻲ ﻛﻤﺖ ﺑﺴﺮﻋﻪ ﺣﻀﻨﺖ ﺍﻣﻲ ﻭﻋﺪﻟﺖ ﻭﻛﻔﺘﻲ ﺍﺳﺎﻝ ﻣﻨﻮ ﺍﻟﻤﺎﺕ؟؟
ﻛﻠﻬﺎ ﺧﻨﺴﺖ
ﻋﻄﺖ ﺑﻴﻬﻦ
ﻭﻟﺠﻦ ﺍﺣﺠﻨﻨﻦ ﻣﻨﻮﻭ ﺍﻟﻤﻴﻴﻴﺖ؟؟
ﺍﺑﻮ ﻟﻮﺍﺀ .. ﺍﻟﻠﻪ ﻳﺠﺎﺑﺮﻙ ﺑﻤﻮﺕ ﺍﺧﻮﻙ ﺣﺴﻴﻦ ﻳﺎﺑﻪ
ﻟﻮﺍﺀ .. ﺳﺠﻴﻨﻪ ﻭﺍﻧﻐﺮﺯﺕ ﺑﻨﺺ ﺿﻬﺮﻱ ﺍﺣﺴﻬﺎ
ﺑﺬﻳﺞ ﺍﻟﺴﺎﻋﻪ ﻓﻘﺪﺕ ﻻﻥ ﺿﺮﺑﺘﻴﻦ ﻉ ﺍﻟﺮﺍﺱ ﺑﻨﻔﺲ ﺍﻟﻴﻮﻡ ﻳﻨﻬﻨﻚ ﻭﻳﺪﻣﺮﻧﻚ
ﺑﻨﻔﺲ ﺍﻟﻴﻮﻡ ﺭﺍﺣﻮﻟﻲ ﺍﺛﻨﻨﻴﻦ ﺍﻋﺰ ﻣﻦ ﺭﻭﺣﻲ
ﺍﺑﻮﻱ ﺣﺎﺿﻨﻲ ﻳﺒﺠﻲ ﻭﺫﻳﺎﺏ ﻓﻮﮒ ﺭﺍﺳﻲ ﻭﺍﻭﻻﺩ ﻋﻤﺎﻣﻲ ﻭﺍﻣﻲ ﻭﺍﺧﻮﺍﺗﻲ ﻛﻠﻬﺎ ﻣﻠﺘﻤﻪ ﺿﺎﺟﻪ ﺑﺎﻟﺒﺠﻲ ﻣﻮﻗﻒ ﻣﺎﺍﺗﻤﻨﺎ ﺍﻝ ﺍﻱ ﺷﺨﺺ
ﺍﻟﺪﻣﺮﻧﻲ ﺍﻛﺜﺮ ﻣﻦ ﺍﺟﺖ ﻣﺮﺕ ﺣﺴﻴﻦ ﻛﻌﺪﺕ ﮔﺒﺎﻟﻲ ﺗﺒﺠﻲ ﺑﺼﻮﺕ ﻋﺎﻟﻲ ﻣﺪﺕ ﺍﺩﻳﻬﺎ ﺍﻟﻲ
ﺣﻨﺎﻥ،،ﺧﻴﻴﻲ ﺷﻮﻑ ﺍﺩﻳﻪ ﺑﻌﺪﻫﺎﺍﺍ ﺍﻟﺤﻨﻪ ﺑﻴﻬﻨﻨﻨﻦ
ﻟﻮﺍﺀ،،ﻣﺮﺕ ﺣﺴﻴﻦ ﺑﻌﺪﻫﺎ ﻫﻢ ﻃﻔﻠﻪ ﻣﻮﺟﺒﻴﺮﺓ ﻋﻤﺮﻫﺎ ﻣﺎﻳﺘﺠﺎﻭﺯ ﺍﻝ 18 ﺳﻨﻪ
ﺟﺮﻳﺖ ﺭﺍﺳﻬﺎ ﺑﺴﺘﻬﺎ ﺑﺮﺍﺳﻬﺎ ﺣﺎﻟﻬﺎ ﻣﻦ ﺣﺎﻝ ﺟﻨﻪ ﻭﺍﺧﻮﺍﺗﻲ
ﺑﻌﺪﻫﺎ ﺫﻳﺎﺏ ﺣﺠﺎﻟﻲ ﺍﻟﺴﺎﻟﻔﻪ ﻛﻠﻬﺎ ﻭﺍﺷﻠﻮﻥ ﺍﻧﻜﺘﻞ ﺣﺴﻴﻦ ﺍﺗﻤﻨﻴﺖ ﺍﻟﻜﺘﻠﻪ ﮔﺪﺍﻣﻲ ﻻ ﻭﺑﺨﺖ ﻣﺤﻤﺪ ﺍﻓﺮﻍ ﺣﺮﮔﻪ . ﮔﻠﺒﻲ ﻛﻠﻬﺎ ﺑﻲ ﻳﻤﻜﻦ ﺍﻛﻄﻌﻪ ﺑﺴﻨﻮﻧﻲ ﻭﻣﺎﻳﺒﺮﺩ ﮔﻠﺒﻴﻲ
ﻳﻌﻨﻲ ﺍﻟﻴﻮﻡ ﺣﺴﻴﻦ ﺍﻟﻪ ﺭﺍﺑﻊ ﻳﻮﻡ ﻣﻴﺖ ?
ﺫﻳﺎﺏ،ﺍﻱ
ﻟﻮﺍﺀ،،ﺍﻟﺼﺪﻣﻨﻲ ﺍﺑﻮﻱ ﻗﺎﺑﻞ ﺑﺎﺍﻟﻔﺼﻞ ﻻﻥ ﻣﺎﻛﺎﺩﺭ ﻳﻜﺴﺮ ﻛﻠﻤﻪ ﺍﻟﺸﻴﻮﺥ ﻭﺍﻟﻨﺎﺱ ﺍﻟﻤﺪﺧﻠﻪ ﺑﺎﻟﺴﺎﻟﻔﻪ ﺣﺘﺊ ﺗﻬﺪﻱ ﺍﻟﻨﻔﻮﺱ
ﮔﻤﺖ ﻣﻦ ﻣﻜﺎﻧﻲ ﺟﺴﻤﻲ ﻳﺮﻋﺶ ﻣﻦ ﺍﻟﻌﺼﺒﻴﻪ ﻭﻓﻮﮔﻬﺎ ﻣﺎﺧﺬﻳﻦ ﻓﺼﻠﻴﺎﺕ
ﮔﺘﻠﻬﻢ ﺻﺪﻛﮕﻜﻜﻚ ﺗﺤﺠﻮﻭﻭﻥ ?
ﺑﻤﻜﺎﻥ ﺩﻣﻤﻢ ﺣﺴﺴﺴﻴﻦ ﺗﺎﺧﺬﻭﻭﻥ ﻓﺼﻠﻠﻞ ?
ﺫﻳﺎﺍﺏ،ﺍﻫﺪﺉ ﺧﻮﻳﻪ ﺍﻧﺘﻪ ﺗﻌﺒﺎﻥ
ﻟﻮﺍﺀ،،ﻭﻟﻚ ﺷﺘﻌﺒﺎﺍﻥ ﻭﺍﻧﻲ ﺍﺳﻤﻊ ﺑﻴﻜﻢ ﻣﺎﺧﺬﻳﻦ ﻓﺼﻠﻞ ?
ﺗﺮﻛﺘﻬﻢ ﻳﺤﺠﻮﻥ ﻳﺮﺩﻭﻧﻲ ﺍﻫﺪﺉ ﺭﻛﻀﺖ ﻟﻠﺪﺭﺝ ﺳﻮﻳﺘﻪ ﺷﺒﺨﺘﻴﻦ ﻓﺘﺤﺖ ﻛﻨﺘﻮﺭﻱ ﻃﻠﻌﺖ ﺭﺷﺎﺷﺘﻲ ﻭﻧﺰﻟﺖ ﺣﺎﻟﻒ ﺍﻧﻴﻤﻪ ﺑﺎﻟﮕﺒﻮﺭ ﻭﻣﺎﺍﺧﻠﻲ ﺧﺸﻤﻪ ﻳﺸﻢ ﺍﻟﻬﻮﺉ ﻭﺣﺴﻴﻦ ﻣﺘﻮﺳﺪ ﺍﻟﺘﺮﺑﺎﻥ
ﺍﺗﻠﮕﺎﻧﻲ ﺫﻳﺎﺏ ﻭﺍﺑﻮﻱ ﻭﮔﻔﻮ ﻛﺪﺍﻣﻲ ﻳﻤﻨﻌﻮﻧﻲ
ﺷﻴﺦ ﻣﻨﻬﻞ،،ﻭﺭﻭﻭﺡ ﺍﺧﻮﻭﻙ ﺍﺫﺍ ﻃﻠﻌﺖ ﺍﻏﻀﺐ ﻋﻠﻴﻚ ﺍﻟﻴﻮﻡ ﺍﻟﺪﻳﻦ
ﻟﻮﺍﺉ،،ﺑﻮﻭﻭﻳﻪ ﻻﺗﮕﻠﻲ ﺑﺮﻭﻭﻭﺡ ﺍﺧﻮﻙ ﺍﻣﺸﻲ ﺍﻋﻠﻴﻚ ﺍﻟﺤﺴﻴﻦ ﺍﺑﺎﻋﺒﺪﺍﻟﻠﻪ ﻻﺗﺤﻠﻒ . ﺑﺮﻭﺣﻪ ﻭﻫﻮ ﺍﻣﺲ ﻋﺮﻳﺲ ﻭﺍﻟﻴﻮﻡ ﺟﻮﺓ ﺍﻟﺘﺮﺍﺏ ﺑﺴﺒﺐ ﻫﻠﺴﺎﻗﻂ ﺍﻝ …..
ﺫﻳﺎﺏ ﺍﺧﺬ ﺍﻟﺴﻼﺡ ﻭﺍﺑﻮﻱ ﻟﺰﻣﻨﻲ ﻛﻌﺪﻧﻲ ﻳﺮﻳﺪ ﺍﻫﺪﺉ
ﺍﻧﻮﺏ ﺍﻟﻘﻬﺮﻧﻲ ﻳﮕﻠﻲ ﺍﺧﺬﻧﻪ ﻧﺴﻮﺍﻧﻬﻢ ﻓﺼﻠﻴﻪ ﻭﺣﺪﺓ ﺍﻟﻚ ﻭﺍﻟﺜﺎﻧﻴﻪ ﻟﺨﻮﻙ ﺣﺴﻦ
ﺣﺴﻦ ﻣﻦ ﺳﻤﻌﻬﻢ ﺍﺗﺴﻮﺩﻥ ﮔﺎﻝ ﺍﺫﺑﺤﻬﺎﺍﺍ ﻭﺍﻟﻠﻪ ﻣﺎﺍﺭﻳﺪﻫﺎ
ﺫﻳﺎﺏ ﺭﺍﺩ ﺣﺴﻦ ﻳﻬﺪﺉ ﻛﺎﻟﻪ ﻣﺤﺪ ﻳﻨﻄﻴﻬﺎ ﺍﻟﻚ ﺍﻧﻲ ﺭﺍﺡ ﺍﺧﺬﻫﺎ
ﺍﺑﻮﻱ ﺑﺴﺮﻋﻪ ﺍﻳﺪﺓ ﻛﺎﻝ ﺍﻱ ﻭﺣﺪﺓ ﻟﺬﻳﺎﺏ
ﻭﺍﻟﺮﺟﺎﻝ ﺫﻳﺎﺏ ﻣﺠﺮﺩ ﺣﺠﺎﻳﻪ ﺣﺠﺎﻫﺎ ﺭﺍﺩ ﻳﻬﺪﺉ ﺍﻟﻮﺿﻊ ﺗﺎﻟﻲ ﺻﺪﻙ ﺍﺗﻜﺮﺑﺴﺖ ﺑﺮﺍﺳﻪ ﺍﻟﺴﺎﻟﻔﻪ ﻣﻦ ﺳﻤﻊ ﻛﻼﻡ ﺍﺑﻮﻱ ﺳﻜﺖ ﺑﻌﺪ ﻣﺎﮔﺪﺭ ﻳﺤﺠﻲ ﺷﻲ
ﺷﻴﺦ ﻣﻨﻬﻞ،،ﻭﺍﻟﺜﺎﻧﻴﻪ ﺍﻟﻚ ﺑﻮﻳﻪ ﻭﺧﻞ ﻧﺴﺪ ﺍﻟﺴﺎﻟﻔﻪ ﻭﺍﻟﻤﻮﺕ ﻗﻀﺎﺀ ﻭﻗﺪﺭ
ﻣﻮﻋﺒﺎﻟﻚ ﻣﻮﺍﺯﻻﻡ ﻭﻣﺎﻧﮕﺪﺭ ﻧﺎﺧﺬ ﺑﺜﺎﺭ ﺣﺴﻴﻦ
ﺑﺲ ﺍﺣﻨﻪ ﺍﺗﻜﻔﻴﻨﻪ ﺍﻟﺸﺮ ﻻﻥ ﻟﻮ ﻛﺎﺗﻠﻴﻦ ﻭﺍﺣﺪ ﻣﻨﻬﻢ ﺍﻭﻻﺩ . ﺟﺎﺑﺮ ﺷﺮﺍﻧﻴﻴﻦ ﻭﺭﺍﺡ ﻳﺮﺟﻌﻮﻥ ﻳﻜﺘﻠﻮﻥ ﻭﺍﺣﺪ ﻣﻦ ﻋﺪﻧﻪ
ﻭﺭﺍﺡ ﻧﻌﻴﺶ ﺑﺪﻭﺍﻣﻪ ﺍﻟﺜﺎﺭ ﻃﻮﻝ ﻋﻤﺮﻧﻪ ﻭﺗﺼﻴﺮ ﺑﺤﺮ ﺩﻡ ﺍﻟﻪ ﺍﻭﻝ ﻣﺎﻟﻪ ﺗﺎﻟﻲ
ﻟﻮﺍﺀ،،ﺗﺮﻳﺪﻧﻲ ﺍﺧﺬ ﺍﺧﺖ ﺟﺘﺎﻝ ﺍﺧﻮﻱ ??
ﺷﻴﺦ ﻣﻨﻬﻞ،،ﺍﻱ ﻳﺎﺑﻪ
ﻟﻮﺍﺀ،،ﺍﻧﺴﻪ ﺍﻟﺴﺎﻟﻔﻪ ﺣﺠﻲ ﻣﺴﺘﺤﻴﻞ ﻫﺬﺍ ﺍﻟﺸﻲ
ﺗﺮﻛﺘﻬﻢ ﻭﺩﺧﻠﺖ ﻏﺮﻓﺘﻲ ﻣﻨﻴﻦ ﺍﺗﻠﮕﺎﻫﺎ ﺣﺘﺊ ﻣﻨﻴﻦ ?
ﺻﻌﺒﺒﺒﻪ ﺣﻴﻴﻞ ﺻﻌﺒﻪ ﺣﺘﺊ ﺍﻡ ﻋﻠﻲ ﻧﺴﻴﺖ ﺳﺎﻟﻔﺘﻬﺎ ﺑﺴﺒﺐ ﺧﺒﺮ ﻣﻮﺕ ﺣﺴﻴﻦ
ﺍﺣﺲ ﺭﻭﺣﻲ ﺑﻜﺎﺑﻮﺱ ﺧﺎﻧﮕﻨﻲ ﺍﺭﻳﺪ ﺑﺲ ﺍﺻﺤﺊ ﻣﻨﺊ ﻛﻞ ﺍﻟﺠﺎﻱ ﻳﺼﻴﺮ ﻓﻮﻕ ﻃﺎﻗﺘﻲ
ﻛﺘﻠﻬﻢ ﻣﺎﺍﺭﻳﺪ ﻭﺍﺣﺪ ﻳﺪﺧﻠﻲ ﺗﻌﺒﺎﻥ ﺍﺭﻳﺪ ﺍﺭﺗﺎﺡ ﻭﻓﻌﻼ ﺗﺮﻛﻮﻧﻲ ﺣﺘﺊ ﻣﺎﻃﻠﻌﺖ ﻟﻠﻤﻀﻴﻐﻒ ﻟﻠﻨﺎﺱ ﺍﻟﺘﺠﻲ ﺗﻌﺰﻱ
ﺳﻤﻌﺖ ﺑﺎﻟﺼﺪﻓﻪ ﺑﺎﺟﺮ ﻳﺠﻴﺒﻮﻥ ﺍﻟﻔﺼﻠﻴﺎﺕ
ﺍﺑﻮﻱ ﻗﺒﻞ ﻻﻳﺠﻴﻦ ﺍﻟﺼﺒﺢ ﺣﺠﻪ ﻭﻳﺎﻱ ﻳﻘﻨﻌﻨﻲ ﺍﻋﻘﺪ ﻋﻠﺊ ﻭﺣﺪﺓ ﻣﻨﻬﻦ
ﺑﻌﺪ ﺟﺪﺍﻝ ﻃﻮﻭﻭﻭﻳﻞ ﺭﺿﺨﺖ ﻻﻥ ﻣﻬﻤﺎ ﻳﻜﻮﻥ ﻫﺬﺍ ﺍﺑﻮﻱ ﻭﻣﺎﺍﺭﻳﺪﻟﻪ ﺍﻟﻔﺸﻠﻪ ﺑﺲ ﺣﻠﻔﺖ ﻭﻳﻦ ﻣﺎﺍﺷﻮﻑ ﺍﺣﻤﺪ ﺍﺩﻓﻨﻪ ﺑﮕﺎﻋﻪ ﻟﻮ ﺍﻋﺮﻑ ﺍﺩﻓﻊ ﻛﻞ ﺣﻼﻟﻲ ﻓﺼﻞ ﻟﻬﻠﻪ
ﮔﺎﻋﺪ ﺑﺎﺍﻟﺪﻳﻮﺍﻥ ﻭﺫﻳﺎﺏ ﻭﺟﻌﻔﺮ ﺍﻭﻻﺩ ﻋﻤﻲ ﮔﺎﻋﺪﻳﻦ ﻳﻤﻲ ﻭﻛﻢ ﻭﺍﺣﺪ ﺟﺎﻱ ﻳﻘﺮﻭﻥ ﻓﺎﺗﺤﻪ
ﺍﺟﻪ ﺍﺑﻦ ﺑﺖ ﻋﻤﻲ ﺯﻏﻴﺮ ﮔﺎﻝ ﻟﺒﻮﻱ ﺟﺪﻱ ﺟﺎﺑﻮ ﺍﻟﻔﺼﻠﻴﺎﺕ ﻃﻠﻊ ﺍﺑﻮﻱ ﻭﻟﺤﮕﻪ . ﺫﻳﺎﺏ
ﺳﻤﻌﺖ ﺍﻟﻬﻮﺳﻪ ﺟﻮﻩ ﮔﺒﺖ ﺍﻟﻌﻴﻄﻪ ﻣﺎﮔﻤﺖ ﻭﻻﺩﺧﻠﺖ ﺟﻮﺓ ﺳﻨﺪﺕ ﺭﺍﺳﻲ ﺑﻴﺪﻱ ﺍﺣﺴﻪ ﺭﺍﺡ ﻳﻨﻔﺠﺮ
ﺷﻮﻳﻪ ﻭﺭﺟﻊ ﺍﺑﻮﻱ ﻛﻌﺪﻟﻪ ﻋﺸﺮ ﺩﻗﺎﻳﻖ ﻭﺍﺟﻪ ﻧﻔﺴﻪ ﺍﻟﻄﻔﻞ ﻳﺮﻛﺾ ﺷﺎﻭﺭ ﺍﺑﻮﻱ ﻭﺭﺍﺡ ﻧﻬﺾ ﺍﺑﻮﻱ ﻭﺻﺎﺡ ﺍﻟﺠﻌﻔﺮ ﻭﺫﻳﺎﺏ ﻳﻠﺤﮕﻮ ﺩﺧﻠﻮ ﻟﻠﺒﻴﺖ ﻭﺍﻧﻲ ﺑﺲ ﺍﺑﺎﻭﻉ ﺑﻌﻴﻮﻧﻲ ﻓﺎﺻﻞ ﻋﻨﻬﻢ
ﺭﺑﻊ ﺳﺎﻋﻪ ﻭﺭﺟﻌﻮ ﻟﻠﺪﻳﻮﺍﻥ ﺍﺳﻤﻊ ﺫﻳﺎﺏ ﻳﺤﺠﻲ ﻭﻱ ﺍﺑﻮﻱ ﻭﻳﮕﻠﻪ ﺧﻄﻴﻪ ﺷﻨﻮ ﺫﻧﺒﻬﻦ ﻳﺘﺮﺍﺟﻔﻦ ﻣﻦ ﺍﻟﺨﻮﻑ ﻭﻣﻮﻫﻴﺞ ﺍﻟﺤﺠﻲ
ﺑﺪﺍﺧﻠﻲ ﺍﻧﻜﺴﺮ ﺧﺎﻃﺮﻱ ﻋﻠﻴﻬﻦ ﻻﻥ ﻣﺎﻟﻬﻦ ﺫﻧﺐ ﻭﺭﺍﺣﻦ ﺿﺤﻴﻪ ﻟﻌﺎﺩﺍﺕ ﻭﺗﻘﺎﺍﻟﻴﺪ ﻓﺎﺷﻠﻪ
ﺯﻳﻨﺐ،،ﺍﻟﺸﻴﺦ ﺣﻠﻔﻬﻦ ﺑﺮﻭﺡ ﺣﺴﻴﻦ ﻣﺎﻳﻀﺮﺑﻨﻪ ﺍﻧﻲ ﻭﻏﺼﻮﻥ ﺗﺮﻛﻨﻪ ﺑﺲ ﻳﺘﻨﺎﻓﺨﻦ ﻳﺮﺩﻥ ﺑﺲ ﻳﻤﺮﻋﺪﻧﻪ ﺑﺴﻨﻮﻧﻬﻦ
ﺍﻡ ﻟﻮﺍﺀ،،ﺟﺎﻳﺎﺗﻨﻲ ﻻﺑﺴﺎﺕ ﺍﻟﻮﺍﻥ ﺑﻨﺎﺕ ﺍﻟﭽﻼﺍﺍﺏ ﺍﻟﻴﺸﻮﻓﻬﻦ ﻳﮕﻮﻝ ﻋﺪﻫﻦ ﻋﺮﺭﺭﺱ
ﺟﻨﻪ،،ﺑﻴﺒﻲ ﻭﻳﻦ ﺍﻧﻮﺩﻳﻬﻦ ??
ﺍﻡ ﻟﻮﺍﺀ، ،ﺍﺷﻤﺮﻳﻬﻦ ﺑﺎﻟﻤﺨﺰﻥ ﻣﺎﻝ ﺍﻟﻄﺤﻴﻦ ﻭﺍﻧﻄﻴﻬﻦ ﺍﻟﮕﻮﻧﻴﻪ ﺍﻟﺤﻄﻴﺖ ﺑﻴﻬﻦ ﺍﻟﻬﺪﻭﻡ ﺍﻟﺴﻮﺩ ﺍﻟﺮﺩﺕ ﺍﺫﺑﻬﻦ
ﺍﻧﻄﻴﻬﻦ ﺍﻟﻬﻦ ﺧﻞ ﻳﻠﺒﺴﻨﻬﻦ ﻭﺍﻟﻠﻪ ﻟﺨﻠﻲ ﺍﻳﺎﻣﻬﻦ ﺑﻠﻮﻥ ﺍﻻﺳﻮﺩ
ﺯﻳﻨﺐ،،ﺍﺟﺖ ﺍﻻﺳﻤﻬﺎ ﺟﻨﻪ ﺟﺮﺗﻨﻲ ﻣﻦ ﻳﺎﺧﺘﻲ ﺩﻓﻌﺘﻬﺎ ﻣﺎﺣﺴﻴﺖ ﻏﻴﺮ ﺿﺮﺑﻪ ﻋﻠﺊ ﺿﻬﺮﻱ ﻣﻦ ﺍﻻﺳﻤﻬﺎ ﺣﻨﺎﻥ
ﺣﻨﺎﻥ،،ﺳﺎﻗﻄﻪ ﻟﺪﻓﻌﻴﻬﺎﺍ . ﺍﺩﺑﺴﺰﺯ
ﺍﻡ ﻟﻮﺍﺀ،،ﺍﻱ ﺑﻌﺪ ﺍﻳﺪﻱ ﺟﺴﺮﻧﻬﻦ ﺍﺭﻳﺪ ﻛﻮﻥ . ﺍﺣﺮﮒ ﮔﻠﺐ ﺍﻫﻠﻬﻦ ﻣﺜﻞ ﻣﺎﺍﺑﻨﻬﻢ ﺣﺮﮒ ﮔﻠﺒﻲ
ﺟﻨﻪ،،ﻭﻟﺞ ﺍﻟﺴﺎﻗﻄﻪ ﺍﺫﺍ ﻓﺘﺤﺘﻲ ﺣﻠﮕﺞ ﺍﻋﺒﻲ ﺗﺒﻦ
ﺯﻳﻨﺐ،،ﺍﻧﻲ ﻣﺎﺍﺗﺤﻤﻞ ﻭﺣﺪﺓ ﺍﻃﻔﺮ ﺑﺎﻟﺤﺠﻲ ﻭﻣﻨﺎ ﺭﻭﺣﻲ ﻃﺎﻓﺮﺓ ﻭﮔﻠﺒﻲ ﻣﺠﻤﻮﺭ ﮔﺘﻠﻬﺎ ﺍﺣﺘﺮﻣﻲ ﻧﻔﺴﺞ ﻣﺎﻛﻮ ﻏﻴﺮﺝ ﺳﺎﻗﻄﻪ
ﻟﻮﺍﺀ،،ﻫﺎﻱ ﻭﻳﺎﻣﻦ ﺍﺗﮕﻮﻟﻴﻦ ﺳﺎﻗﻄﻪ ??
ﻳﺘﺘﺒﻊ
ﺍﻛﺜﺮ ﺑﺎﺭﺕ ﺗﻌﺒﻨﻲ ﻭﻗﻬﺮﻧﻲ ﺑﺤﻴﺚ ﺍﻛﺘﺐ ﻭﺍﺑﺠﻲ ﺑﺎﻟﻘﺮﺍﻥ
ﺍﻟﻠﻪ ﻳﺮﺣﻢ ﺷﻬﺪﺍﺋﻨﺎ ﺍﻻﺑﻄﺎﻝ
ﻭﻳﺠﻌﻞ ﻗﺒﻮﺭﻫﻢ ﺭﻭﺿﻪ ﻣﻦ ﺭﻳﺎﺽ ﺍﻟﺠﻨﻪ
ﺍﻋﺘﺬﺭ ﻋﻦ ﻛﻤﻴﻪ ﺍﻟﺤﺰﻥ ﺑﺎﻟﺒﺎﺭﺕ ﺑﺲ ﻣﺎﮔﺪﺭﺕ ﺍﺗﺠﺎﻭﺯ ﻣﻮﺕ ﻋﻠﻲ ﻭﺍﻻﺑﻄﺎﻝ ﺍﻟﻲ ﺍﺳﺘﺸﻬﺪﻭ ﻭﻳﺎﻩ
