رواية شمس الجاسر الفصل الثاني 2 بقلم حنين مراد
الـكـاتـبة:- حـنـيـن مُـراد
+
فضلاً لتنسوون التصويت + التعليق بين الفقرات +المتابعة لطفاً
+
بـسـم الله الـرحـمـن الـرحـيـم
+
__________________________.♡
____________________.♡
+
الاء:- لاتخافين احجي اساعدج ترا
+
جان يمي كلاص مي ، شلتة وشمرتة عليهة
جرهة لؤي بسُرعة وخزرني
+
شـمـس:- اكُلي…. واحترمي نفسج ، اشرف منج اني
+
لؤي:- احترمي نفسج لج
+
شـمـس:- خو انتَ تتمرجل عَلَيَّ وتصير خروف يمهة
+
ضربني راشدي من قوتة كمت اسمع اذني تطنطن
+
لؤي:- بت الـ… هاي عليمن؟
+
شمس:- عليك
+
الاء:- شفت حبيبي
رافضة الزواج وكُتلك زوجهة من البداية اختك سالفتهة مو خالية لا انوب تجيبلك سالفة وتنزل راسك
+
متحملت كلامهة ، رحت وجريتهة من شعرهة
+
شـمـس:- احترمي نفسج لـچ كلبة
؏ الاقل ما اراسل ولد ؏ النت واخليهم يتزوجوني فهمتي
+
لؤي:- لاتحجين وياهة هيـچ لا اكسرج
+
شـمـس:- كسر كسرر يلاا مخايفة منك انتَ بقيت شي بجسمي صاحي اصلاً
وممكذبة اني اشرف منهة ومن الخلفوهة وما اراسل ولد مثلهة شلون تزوجت هيـچ وحده ما ادري
+
لزمني من شعري وصاح الـ الاء
+
لؤي:- حميلي السجين
+
فتحت عيوني ؏ وسعهن واني اشوفهة ركُضت للمطبخ
واني متوجعة جوة ايدة وعيوني تباوعلة بغضب
4
شفتها اجت مبتسمة بحقارة
+
شـمـس:- الله لاينطيك الصحة الله لاينطيك الله ياخذك نذل عار اخخ يمة
+
توة ديحركني وفات حازم
+
حازم:- انتَ صدُك تحجي وخر منهة
+
لؤي:- خل اربيهة بت الـ… الـ…
+
شمس:- محد غير مرتك هيـچ
+
لؤي:- جيبهة جيبهة لـ… الخلفوهة
+
حازم:- تروح فدوة للخلفوهة وخر منهة وخر
+
وخرني حازم وخلاني ورا ضهرة ، يصيح على لؤي
+
حازم:- ليش هيـچ مسوي بيهة ، شمسويتلك هل طفلة ؟
+
لؤي:- شنو من طفلة هاي ؟ لسانهة اطول منهة ، الاء اكبر منهة تكلهة اشرف منـچ ومن اهلج وتغلط عليهة
+
شـمـس:- ممگذبة مرتك طعنت بشرفي ولك يارجال طعنت بشرفي ولك اُختك اني اُختكك
+
عاط حازم
+
حازم:- كافيي لخاطر الحمزة ، فهموني اصاير؟
+
ياسمين:- حازم الاء كالت الـ لؤي لأن روز ممتزوجة لهسة حجت كلام محلو عن روز واتُهمتها بشرفها وروز كالتلهة اني اشرف منـچ
+
حازم:- عاش السانهة
+
لؤي:- انتَ صدُك تحجي ، تأيدهة ؟؟ وشلون تحجي هيـچ على زوجتي !!
+
حازم:- والف مرة هم أأيدهة لأن ممجذبة وبعدين متستحي ؟ مرتك تطعن بشرف اُختك وانتَ ساكت يعني عيب احجي هيـچ ؏ مرتك بس مو عيب مرتك هيـچ تحجي على اختك
ياحيف تربيه أهلي بيك ولك هل يتيمة امنوهة عندك ، تالي تنكلب على البت هيـچ ولك خاف الله باجر عكبة تقابلة شتكُلة
+
لؤي:- دا اكُلك ممسوي شي غلط فهمت لو لا
+
حازم:- ياسمين اخذي شمس لغرفتهة
+
اخذتني لغرفتي واسمع عياطهم
+
ياسمين:- كُعدي گلبي كُعدي حبيبتي
+
شـمـس:- ولج تعبت والله تعبتت متى الله ياخذني وارتاح
+
ياسمين:- اسم الله فال الله ولا فالج حبيبتي لاتحجين هيـچ
+
شـمـس:- ولج والله صعبة والله يطعنوج بشرفج واقرب الناس الـچ ميحجون ومصدكين
+
ياسمين:- وربج ادري صعبة ، بس شنسوي هذا اختبار من ربج مو كُلشي يصير تكُليلي تحملي واصبري وهذا اختبار من الله؟
+
اشو انتِ اقوة بنت عرفتهة بكُل حياتي اقوة لسان السانج وچ عوبة لسانج يخبل جنة رشاشة يسكت اكبر واحد
+
شـمـس:- هههه مفهمنة هسة تمدحين تذمين
+
ياسمين:- يابة عتبري اي شي المهم بجي ماكوو
+
شـمـس:- صار
+
حضنتهة بسرعة ، ياسمينن مقربة عَلَيَّ فعلاً گـ اخت جبيرة الي
+
روز:- ياسوو
+
ياسمين:- هههه ياستار من هل ياسو ، شنو ؟
+
روز:- ابقي يمي لحد منام
+
ياسمين:- ههههه دلليي نامي
+
نمت بحضنهة ، بقت تحرك بشعري
بديت اغفي شوي شوي
+
ورا فترة سمعت دك ؏ الباب
+
باوعت ، ياسمين ماكو
محجيت شي سويت روحي نايمة ، مابية حيل ، نفتح لباب ودخل لؤي
عزا شجابة هذا
+
تقرب من الجرباية وكعد ، حط ايدهة ؏ راسي
+
لؤي:- اسف خيتي ، مدري شديصير بية اني نفسي مدا اعرُف شداسوي
ماادري ليش انفعل كُلش
اليوم كلام حازم فعلاً ايقضني ، ماادري ليش اتنرفز البيت كلة كارهة ، ساعات اريد ابيع البيت وننتقل بس ادري اخر شي الأهلي ومااكدر واكيد محتوافقون انتو
ما ادري هيـچ مأذيج
+
باسني براسي وطلع ، كُعدت ؏ حيلي ممستوعبة كلامه
+
شـمـس:- يشاقةة ويايه لو شنوو ؟ كُل هل كتلل ومزورك جسمي ازورك ومجان يدري ؟ كمت اشك لؤي بي جني
يكطعني انوب يكول ما ادري هيـچ مأذيج ، تشاقة انتَ؟؟؟
+
يلا عادي باجر اكُعد ويرجع نفس الشي
لفيت راسي ونمت..
+
فزيت دنيا ليل كُلش وسنطة
باوعت للساعة بـ3 ، نزلت والحركة موتتني ردت احط معجون عليهة طبيت للمطبخ واشوف خيال مدري شنوو ، مال مرة
خفت كُلش قريت المعوذات وتقدمت
+
شـمـس:- منو هنا؟
+
شفتهة فزت فزة ، ندارت وطلعت الاء وبيدهة علاكة سودة مدري شنو
+
الاء:- شتسوين هنا ؟
+
شـمـس:- بيتي وبكيفي انتِ شتسويين هنا؟
+
الاء:- ها ااا نزلت اشرب مي
+
شـمـس:- وشبيج خايفة شنو طالعلج بُعبع وبعدين هاي العلاكة السودة شنو؟
+
الاء:- لا ؏ شنو اخاف والعلاكة بيهة حب وبعدين على شنو دا اجاوبج شو دوخري
+
شمس:- اووي اعصابج سوسو استغفرلله ياربي
+
حطيت معجون على ايدي وصعدت نمت…
+
كعدت بـ6 واني مشبعانة نوم
كلت ما اروح بعدين تذكرت البنات وكمت سويت الروتين العادي ولبست ملابسي وطلعت ، الولد طالعين للشغل
لكيت ياسمين مسوية ريوك كعدت اكل ، خلصت كمت غسلت وطلعت اتمشة
+
بسرعة وصلت للكُلية ويا نزلتي نزلت ايات من سيارة عالية مُضللة ، حجت وي الي بالسيارة وسدت الباب ، شافتني وبتسمت
اجت بسرعة عليه باوستني
+
ايات:- هلاو شلونج
+
شـمـس:- هلا دادة الحمدللة وانتِ
+
ايات:- الحمدلله
+
شـمـس:- ويامن اجيتي ؟ هاي اول مرة تجين بسيارة مو تكسي ، اعترفي ولج يمصكوعة منو هذا ؟
+
ضربتني على راسي وهية تضحك
+
ايات:- هههه مرض اخووي هذا
+
شـمـس:- اممم اخووووج
+
ايات:- ايي اخوووي تعاي اراويجيا حتة ترتاحين
+
جرتني وتريد تاخذني للسيارة وكفتهة بسرعة
+
شـمـس:- لا يمصكوعة تردين تفضحيني
+
ايـات:- لالا والله تعاي
+
شـمـس:- عاا ولي
+
ايـات:- ههههه
+
كلامنة كُلة جان بباب الجامعة وسيارة اخوهة بعدهة واكفة ، طبينة وتحرك
+
ايـات:- امشي نشوف ذني العوبات
+
شـمـس:- يلا
+
ايـات:- روز
+
شـمـس:- روز بعينج ، شمس شمس
+
ايـات:- روز احلا
+
شـمـس:- نجبي ايااااات
+
ايـات:- ووجع
+
شـمـس:- يوجعجج ، اوووف حيجونن خوالي الخميس
+
ايـات:- ليش ؟
+
شـمـس:- عازمهم اخويي بس المتحمستلة حيجون عمو ادهم وعمو معتز هم تخيلي حشوفهم بعد اربعع سنين
+
ايـات:- زين هوة اخوج مو متعارك وياهم شلون هسة عازمهم؟
+
شـمـس:- ما اعرف والله بس الاهم اشوفهمم بس خوالي وخالاتي حيجون ، خرب شكد اكرهُم والبيت ينترس وتنضيف وعشة وايعع
+
ايـات:- يبوو همزين اخوي اذا عدنة عزيمة يقفل عليه الغرفة حتة أروى ادك روحهة بالكاع لأن الشغل يبقة عليهة بس متكدر تحجي لأن الولد ميقبلون
+
شـمـس:- مرت اخوج الجبير مو
+
ايـات:- ايي حية البيت
+
شـمـس:- هههههههه اخلي هل اسم الـ الاء
+
ايـات:- هههه امشي نشوفهن
+
رحنة للكفتريا ، لكيناهن هناك
احنة نجي قبل المحاضرة بوقت حتة نبقة كاعدات توجهنة للطاولة مالتهن
+
ايـات:- السلام عليكم
+
شـمـس:- سلام
+
تبارك:- هلااا والله
+
بتول:- كُعدن
+
بقينة نسولف هواي ، فجأة رفعت ايدي وما احس الة بشهكة البنات وموبايل يرن
+
نتبهت وين يباوعن
على الحرگ هوة مو كُلش جبير هيـچ شوي صار بس طبع بدايتهة
نداريت عليهن بسرعة ايات جرت ايدي
+
ايـات:- هااي شنو ايدج ؟؟؟
+
بتسمت بهدوء
+
شـمـس:- على اساس متعرفن ضيمي المعروف
+
تبارك:- عزا الله لا ينطي
+
شمس:- خيولي
+
بتول:- هوة شنو خيولي شمسوي بأيدج
+
بتسمت والدمعة بطرف عيني
+
شـمـس:- عاديي احم يلاا امشن للمحاضرة
+
كمت وشلت اغراضي
+
ايـات:- هسة اجي بس ارد على الجهاز
+
شلت غراض ايات وياي وتوجهت للمحاضرة وبقينة لساعة بـ12 طلعنة
+
ايـات:- اووف متتتت من التعب وبعد كم ساعة ونطلع اوووف
+
بتول:- اين زوجي زوجييي الحقني
+
تبارك:- اخوي خطب وحدة وابن عمهة طلع حاجزهة
+
طكيتهة بضحكة قوية كرصتني ايات من ايدي
+
ايـات:- مررض مررض فضحتينة
+
شـمـس:- هههههه دادة اخوج افكر منة ماكو ، كُل ميخطب بنت يفتح قسمتهة ههههه
خلي يخطُب ايات حتة نخلص منهة
+
ايـات:- مرضض لا عيني دندور على عروس لأخوية بس نريدهة معدلةة مو حيةة
+
بتول:- روز موجودة
+
شـمـس:- روز بعينج ، ول يابة شمالكم بكُل سالفة للزواج حاطيني بالنص
+
بتول:- اخووج مو ؟
+
ايـات:- هوة ميريد بس ماما دتلح عَلَيَّ وهوة قافل
+
تبارك:- اخو….
+
بتول:- ايات ….
+
ايـات:- موجود…..
+
بقيت انقل انضاري بيناتهن وحجيت بنفس طريقتهن
+
شـمـس:- بلا كلان… نجبن ما اريد اتزوج
+
ايـات:- والله يطبج مرض العليَّ كُتلج اخوية ما يتفووت فديتة
شغُل ورتبة وشكل وجمال وجسم
+
مدتلهة تبارك ايدهة وبتسمت
+
تبارك:- ختبيني
+
ايـات:- ههههه شنو ؟
+
تبارك:- ختبيني
+
ايـات:- نريد حلوة مو جنهة جني
+
ركعتهة تبارك وايات تضحك
+
تبارك:- وين اكو بجمالي اصلاً
+
شـمـس:- استقريي دادة
+
ايـات:- ماما ميتةة على بنت اختهة متدري بأخوي يمووت من اختهة وبنت اختهة
+
شـمـس:- ليش ؟
+
ايـات:- دادة على كولتج سوالفهن تغث يعني اخوي يُعتبر اجنبي عنهن وحرام يشوفهن بتراك او بدون حجاب بس هنة يسون عكس هل شي اخذن ياسر عبالهن جاسر ياخذنة هم
+
شـمـس:- يمكن يُعجب بيهن هههههههه
+
بتول:- الكرامة ينااس الكرامة
+
ايـات:- مافي مافي ؏ كولة بنت عمي جاعن وكلنهة
+
شـمـس:- هههه حكنسل ؏ المحاضرات الباقيات لأن باجر عزيمة ولازم ارجع انضف
+
بتول:- عزمينة
+
شـمـس:- نجبنن كم مرة كُلتلجن وانتن لاا استحي ومدري شنو وكايلتلجن بيتي مفتوح الجن دوم بالوقت اليعجبجن
+
تبارك:- ههه اخاف اخوج يطردنة
+
شـمـس:- شحدوو دادة بعدين نجبي انتي اهلج ميقبلون تطلعين
+
تبارك: صح
+
ايات:- انتِ خطية اهلج حيلل مُتشددين ، يول كُل الشيوخ هيـچ ؟؟
+
شـمـس:- لا جانت عندي صديقة نسيت اسمهة وعائلتهة كلهم شيوخ بس منطيهة حريتهة يعني عادي
+
تبارك:- حضييي بعد حتة تراك ما اكدر البس
+
شـمـس:- اوف هل شي يضوج دادة اني نادرًا البس دشاديش كلة تراكات
+
ايـات:- واذا تزوجين ؟
+
شـمـس:- انتِ الة تزوجيني يلا ترتاحين
+
ضحكت وهزت راسهة بمعنى اي
+
شـمـس:- تف اكوم اولي احسن
+
ايـات:- انتضري اطلع وياج
+
شـمـس:- يلا
+
ودعنة البنات وطلعنة
+
شـمـس:- انتِ ماعندج شي ليش مبقيتي
+
ايـات:- باجر يجن هم
+
شـمـس:- خالاتج
+
ايـات:- مع الأسف
+
شـمـس:- ههههههه
+
دا اوكف تگسي و وكفتني ايات
+
ايـات:- لا ذاك اخوي تعاي اوصلج
+
شـمـس:- واصعد وي اخوج ؟ نجبي دادة
+
ايـات:- شحلاتجج ترا مياكُل والله
+
شـمـس:- مو قصة ياكُل لكن عيب استحيي
+
ايـات:- دمشي
+
شـمـس:- وربي ما اكدر ولو يشوفني لؤي تعرفين شيسوي
+
ايـات:- اوكِ باي
+
شـمـس:- اوكفي
+
زعلت وراحت ، ما اكدر اروح استحي
دا اوكف تگسي ؏ حضي ماكو اليوم
نسدت بوجهي يومية عشرة عشرة
انوب الشمس تكتل
وگفت كبالي سيارة ، باوعت سيارة اخو ايـات هل عوبة اني اعلمهة اكيد هية كالتلة نوب نزلت الجامة وتباوع وتضحك
+
ايـات:- صُعدي
+
اشرتلهة بمعنى ماا خزرتني والمفروض اني اخزرهة يعني
+
نزل الجامة وسمعت صوتة
+
:- صُعدي
+
شـمـس:- لاا هسة اخذ تگسي
+
:- ماكو تگاسي هسة صُعدي واني اذبج بطريقي
+
صعدت واني اغم بنفسي على هل فشلة
بس صعدت بصفهة كرصتهة انوب مفضوحة مال المرض تحجي بصوت عالي
+
ايـات:- اخخ ليش تكرصين هوة جاسر قابل منو يعني ول يابة ؏ كولتج عادي ترا عادي
+
باوعتلهة بعصبية وهية بس تضحك
+
شـمـس:- اني اعلمج صبريلي
+
ايـات:- هههههه
+
شوي ووصلت قريب ؏ البيت
+
شـمـس:- ايـات خلي يوكف هنا
+
ايـات:- جاسر اوكف هنا
+
جـاسر:- ليش ؟
+
ايـات:- مو اخـ…..
+
ركعتهة ؏ كيف قبل لتكمل
+
ايـات:- احم بعدين اكُلك بس نزلهة هنا
+
وكف السيارة ، سلمت ؏ السريع ونزلت وخايفة خاف يشوفني لؤي
+
مشيت ؏ السريع ودخلت للبيت وتنفست بسرعة
+
ياسمين:- وچ شبيـچ ؟
+
شـمـس:- عزااا
+
ياسمين:- اسم الله حبيبتي شبيـچ ؟
+
شـمـس:- مابيَّ شي مابيَّ بعدين اسولفلج
+
صعدت فوك ؏ السريع بدلت
لبست تراك و لفيت شعري كُبة ونزلت وبدون ما اتغدة ولا شي
نزلت دك شغل حرفيًا المطبخ جلفتة ورحت للستقبال هم غسلتة واني انضف
+
خلصت ، بقة الصالة والحوش والخفايف ؏ البنات صعدت كبل نمت
كعدت ثاني يوم راسلت البنات كلتلهن ما اروح
+
نزلت نضفت البيت ويه البنات وصعدت بـ3 لبست دشداشة ولبست وخليت اشياء خفيفة على وجهي ونزلت..
+
لكيتهم جايين سلمت من ورة خشمي وهمة كذلك لا اني احبهم ولا هُمة ، صار الليل
وصبينة عشة وكضيتهة بالمطبخ
كعدت يمهم ولهسة مشايفة ولا واحد من عمامي حمووت
+
الاء:- روزي جيبي خواشيك زايدة من المخزن
+
شهلل تدلع اكو شي والله
+
شمس:- كايمة دادة
+
صعدت للمخزن موجودة بي الاغراض الزايدة واني اطلع الخواشيك سمعت الباب نسد
درت وجهي ؏ السريع ، شفتة مُهند ابن خالي رجعت ليورة بسرعة..
+
شـمـس:- شـ.. شتسوي هنا؟؟
+
مهند:- هيـچ حبيت استمتع وياج
+
شـمـس:- افتح الباب وخليني اطلع ودير بالك تقرب
+
مهند:- ممم شوفي ، اعوفج بس السبت من ترحين للجامعة اجيج واخذج وصدكي محد يعرف
+
شـمـس:- شهلل قرف !!! وخرر لا افضحك
+
مهند:- اذا ما اخذج امووت
+
شـمـس:- وخر وخررر
+
مشيت ومحسيت الة جرني من ردن الدشداشة نشك بيدة
+
تخبلت هنا بدون وعي ضليت اصيح
+
شـمـس:- وخررر نذل حقيرر
+
مهند:- بنت الـ… تستشرفين براسي تعاي
+
جر الشال مني وشمرة
+
شـمـس: وخرر من الباب وخررر
+
ضليت اصيح فقدت وهوة يحاول يتلمسني حسيت نفسي قذرة
+
مهند:- اش اش
+
حط ايدة على حلكي واني ابجي واكمز
نفتح الباب باوعت ؏ السريع ولعل واحد ينقذني شفت الكل واكف وعيوني تترجاهم يخلصوني من ايدة
مجنت ادري حينكلب كُلة ضدي فجأة اجت عيني على عمو ادهم بعيونة نضرة متفاجئة…
+
