رواية سر خلف النقاب الفصل السادس عشر 16 بقلم هدوء آل محمد
وتفاجئنا الاقدار باشياء لم تكن بالحسبان 
اقروا الكلام الي بنهاية البارت رجاءاً
____________________________________
گاعدين بالحديقة كلنا كعائلة وحدة نبتسم رغم جروحنا
مناكرات نوفل وعبد القادر صدمنا عمو ابو نوفل بكلامة
ابو نوفل:- من رخصة الجميع عندي حجايتين ياريت تنتبهولي
الكل ركز ويا ونوفل عقد حاجبة وباوع باستغراب لوالدة
حجى عمو يحيى
يحيى:- تفضل خوية گول شغلت بالي خير ان شاء الله
طبطب على رجلة
ابو نوفل:- كل خير ان شاء الله.. تعرف ياابو عبد القادر ان نوفل كبر والشيب ترس راسه وانا حابب افرح بي قبل لا الله ياخذ امانته
يحيى:-لك طولة العمر خويه صحيح نوفل كبر والي بگدة جهالة بطولهم
اجت عيني على نوفل يباوع لوالدة بخيبه وصدمة ووجهه تغير الى احمر دم راحت عيني على تقى الي نصفر وجهها والدمعة لالت بعينها خافت يضيع حبيبها الي مايدري عنها على اثر صفنتي فجر القنبلة بكلامة
ابو نوفل:- لهذا ياخوية اتشرف اطلب ايد بنتك تقى لابني نوفل
سمعت شهكت الكل التفت الها گامت تركض دخلت جوى
ضحك قتيبة
قتيبة:- رده فعل غير متوقعة لواكة البنات عود مستحية تالي المستحة تصلخك ب20 حاضر و25 غايب لعد والمستحى وين وله
باوعت على نوفل الي يباوع على ابو بخيبه وابو يباوعله بتحدي
ابو نوفل:- شگلت نوفل وليدي
بتسم مجاملة
نوفل:- مالگى احسن من نسبك عمي يحيى اتشرف
باوع لساعته وتكلم
نوفل:- انا اترخص عندي شغل عن اذنكم
.
.
قبل ايام
گاعدعلى الكرسي يم الشباك وبيدة صورة صافن بيها ومبتسم بقهر والدموع تنزل بهدوء
نوفل:- كلشي مابقالي كلشي احبه راح مني
نفتح الباب ندار على الشباك مسح عيونة وضم الصورة بجيبه
ابو نوفل:- بعدك تحضن بالصور وتبچي ولك حرااام ياحيوان حرام
ندار على ابو يحاول ينكر
نوفل:- لا يابه يتراوالك
ابو نوفل:- يتراوالي صح
تقدم وسحب اطراف الصورة الطالعة من جيبه وباوع على ابنه
ابو نوفل:- مع الاسف عليك والله تجذب عليه
شهگ شهگه من نص گلبه وسحب فالينته من صدره رفعها لوجهه ودنگ يشهگ مثل الطفل نكسر گلب الابن على حالة ابنه تقدم وضم راسه لحضنه
ابو نوفل:- كافي وليدي كافي الله يسعدها
ابعد راسه من حضن ابو ودموعة مبلله
نوفل:- ياسعادة التحجي عنها يابه يا سعادة بس فهمني
ابو نوفل:- شنو ببالك ولك ليكون تنتظرها تتطلگ؟؟
سكت ونسحب اخذ جهازة وطلع وهل شي خلا ابو نوفل يجن
جنونه هز راسه الاب
ابو نوفل:-سهلة نوفل سهلة ماتنسي المرأة الا المرأة
.
.
بعد حجاية ابو نوفل طلعوا عمي يحيى فرح كلش طبعاً وين يلكى مثل نوفل رجال ونعم منه كمت لحكت تقى لكيتها بالغرفة ترجف من شافتني كمزت حضنتني وانا اضحك
تقى:- ولج خيه صارت صدگ خطبني خطبني
هزت ركبتها
تقوى:- راح يصير عدنا عرس هلا هلا
_ اهدي شوي يجوز العروس مموافقة
بتعدت من حضني تباوعلي ترمش شكلها يضحك
ثريا:- جيل اگرع لاحيه ولامستحى
تقوى:- هسه شمسوين واكفين بالباب نصوفر للولد؟
ضربتها بالمخدة وعضت اصابيعها
ثريا:- اريد اشوف تاليتج يالصفرررة
هي بشرتها ابيض على اصفر لذالك تصيح الها الصفرة
تقى:- لتسبقون الحداث
هزت ايدها تضحك
تقوى:- خيه لو ما العيب كان راحتي ويا بدشداشتچ شتحجين انت بعد ماتترگع
ندگ الباب ودخل عمو باوع النا كلنا ملتمين
يحيى:- تلتمون عند النبي
الكل:-اللهم صلِّ وسلم وبارك على سيدنا محمد وال محمد
گعد على الجرباية وهو يباوع لتقى ببتسامة اشر الها راحت گعدت يمه مدنگة
يحيى:- بنتي رفعي راسج وجاوبيني شرايج بنوفل لان والدة گالي مستعجل على الخطوبة لان يريد يخابر اخته تجي من الامارات
مدنكة تلعب بطرف ردانها
تقى:-بكيفك بابا
تقوى:- والله چذابة
ثريا:- سكتي انتِ
ضحك عمو وهز راسه
يحيى:- اذا تزوجت تقى تقوى مازوجها
ردت بسرعة
تقوى:- مو هيه بكيفك
كالت هيج وستوعبت لطمت على حلگها هنا عمو بعد ما كان مصدوم نفجر بضحك
يحيى:- شما اشوف لسانج الفالت هذا راح يجيبلي بلوة
هي تفشلت والدمعة صارت بطرف عينها اشر الها
يحيى:- تعاي بابا تعاي تردين تزوجين
باست خدة
تقوى:-لا والله توبة بس تدري لساني فالت فدوة لتضوج مني
باوعت الهم تذكرت ابوية الي راح وهو ماراضي عني نسحبت بهدوء ردت اطلع بدون لا ينتبهون عليه
بس استوقفني صوت عمي
يحيى:-وين بويه
بلعت غصتي ونداريت احاول ابتسم
_ للبيت عمو تاخر الوقت
عاف البنات وتقدم الي مبتسم سحب راسي وضمة على صدرة وباس راسي
يحيى:- دام راسي يشم الهوى لاتعتبرين نفسج لاانت ولا اخوج يتامه غلطت مرة وبتعدت ماكرر الغلط
بعدت راسي من حضنه مسح دموعي بيدة سحبتها وبستها
صار صوت الكرسي عرفت ابو الغيرة اجى وويا قتيبة
قتيبة:- لكفتكم شجاي تسوون محاضن وكذا
يحيى:- حيوان حسن اسلوبك ادري صاحبها حتى تحجي هيج عمها انا دماغ سز
ضحكت من صرك بي وفز
قتيبة:- شحجيت بوية الله واكبر واگفلي على الزلة
يحيى:- صير خوش ادمي وانا ماحاجيك
قتيبة:- لو اصير امام جامع مترضى عليه هي گوة حضي واعرفة
يحيى:-هاك استلم شوف اسلوبة شلون
عبدالقادر:- هسه عوفك من هل مهتلف گلي شكالت تقى؟
قتيبة:-من ركصتها الچنها سحليه غسلت ايدي عود مستحية جذابة والله هسه تلگة كلبها يدگ ويرگص
باوعله عمي وبتسم بستهزاء
يحيى:- مو كلها مثل صاحبتك
بهت لون وجهة وختفت ضحكته وجهة صار احمر
قتيبة:- من رخصتكم
عافنا وطلع ستغربت ردة فعلة
عبدالقادر:- يابا على كيفك ويا
يحيى:- خل يولي حيوان عبالة مادري بعدة يلتقي بيها
عبد القادر:- يابه هاي حياته احنا شلنا دخل
يحيى:- حياته ماگلنا شي بس مو يريدني تالي عمري ادخل بيت استغفرالله يربي
حسيت الوضع توتر وحجيهم كلة اللغاز ستأذنت ورجعت للبيت فتحت لباب سراج وشامل بالحديقة
سراج:- شو تاخرتي
_ويه البنات
سراج:-ها وشصار
_مادري بس مبين موافقين
سراج:-طبعاً يوافقون اصلا بس لمخبل يرفض نوفل
هزيت راسي ودخلت للبيت بدلت و بديت احظر العشى
.
.
هناك يجلس عند قبره ودموعة تجري الحياة تمشي عكس مايريد مامرة نصفته
نوفل:- ولگ گوم وشورني گوم اخوك صار حالة حال النسوان بس بالاسم محامي وانا مو گادر ادافع حتى عن نفسي لك همام ابوي ليوم فشلني وخلاني مثل بلاع الموس همام انا وعدتك وكسرت الوعد ماگدرت احميها اصلا حتى ماصار النا فرصة نلتقي او نسولف
همام گوم خوية انا بلياك ضايع مادري شسوي رد عليه خوية شسوي
حيلي مهدوم همام مرت اكثر من سنة على موتك وانا لحد الان واگف عند ذيج اللحظة لمن تصلو بيه گالو نتحر خوية خسرت دنيتك واخرتك عليمن بس فهمني عليمن عفتني
صار يشهگ مد ايدة بجيبة وطلع ابرة السكر غرسها بكتفة ونتچه على القبر
نوفل:- رافگني السكر بعدك كبرتني فوك عمري عمر گلي شسوي شور عليه برد ناري لك همام گلت بس احقق حلمك وارجع الها راحت وخذوها غدر مني
نشغ ومسح دموعة وهز راسه بوعيد
نوفل:- بس وعيونك اندمهم واحد واحد وحق من جعل الموت حق لخلي حياتهم بلون ليلهم وارجعها ارجعها هينه
فز على صوت ابو ونصدم
ابو نوفل:- عفيه عليك يسبعي عفيه ترجعها
يباوع اله بصدمة
نوفل:- من شوكت انت هنا
اخفى حزنه على ابنه بداخلة واظهر القساوة
ابو نوفل:- من بديت تتوعد يا ابضاي اطلع من جو العكيد معتز وخيرية وگوم
نوفل:- يابه لتصير انت والدنيا عليه
ابو نوفل:- لاويها للدنيا وعيشش گوم يالله گوم حصر نفسك للي گلبها يلهف من يمر طاري اسمك گوم
عقد حاجبة باستغراب
نوفل:- مفهمت
ابو نوفل:-ماخطبتها الك الا وانا متأكد ان هي تحبك
بصدمة
نوفل:- شلون شدا تحجي يابه
ابو نوفل:-اذا انت محامي فأنا النقيب(****) ماتصعب عليه هيج امور گوم وخل افرح بيك ولك گاعد يم گبرة وتحجي بعرضة من چان ستحيت على شيباتك
مد اله ايدة باوع نوفل على گبر صاحبة غمض عينه بستسلام وخلا ايدة بايد ابو مستسلم للقدر غير محارب من اجل الحب
طلعوا من المقبرة الدنيا ليل ووجع الگلوب يخفيه الظلام
رجعوا للبيت من بعد مسافة الطريق كانت الساعة ب11ودخلوا
يتوجة لغرفته وسد الباب اخذة گلبة للصندوگ يدور ومالگة شي عقد حاجبة يفكر لكن قاطع تفكيرة دخول والدة
ابو نوفل:- لاتدور على الصور حرگتها
ندار على والدة مصدوم هز رأسه يحاول يكذب والدة
نوفل:- تشاقة يابه
ابو نوفل:- لا والله اذا ما مصدگ روح شوف المنقلة
ابعد ابو وراح يركض للحديقة خانتة رجلة ووگع يم منقلة الشواء يباوع بقاية رماد صار ينثر بيهن ولگى بينهن قطعة صغيرة مامحترگة طالع بس وجهها شهگ من كل گلبه
نوفل:- حرگوا گلبي بيج يالوحمتچ تسوى ديرة
اخر كلمات نطقها واتخربط
ركض اله والدة بخوف
ابو نوفل:- وليدييي نووووفل
شاله على گلبه وركض بي للسيارة وشغلها وطلعها برى ورجع حتى يسد الباب مستعجل بهاي الاثناء كان قتيبة راجع من يم اصدقائه ويتمشة بتجاه بيتهم من شاف ابو نوفل بهل حال ركض اله
قتيبة:- خيرر عميي شبي نوفل
تكلم بنبرة وخوف واستعجال
ابو نوفل:- نوبة سكررر
ركب وياهم واخذوا للمستشفى تسارعوا الاطباء والممرضين حتى ينقذوا دخلوا للطوارئ وابو وقتيبة واگفين برة
قتيبة:- عمي شبي شصاير اله
تكلم بحزن وارتباك
ابو نوفل:- جان بالمقبرة
دنك رأسه بقهر
قتيبة:- الله يعينة
من بعد مدة طلع الدكتور وعلامات الغضب مبينة علي
تراكض الاب وقتيبة حتى يطمئنون علي
ابو نوفل:- طمني دكتور
تكلم بعصبية
الدكتور:- اريد افتهم هاي ثاني مرة ننقذة من الجلطة ومو كل مرة تسلم الجرة وينكم عنه ليش تخلوا هيج
رد بنتر
قتيبة:- دكتور ليش دا تحملنا الذنب ياخي نوفل فاگد اخو وصاحب عمرة مستحيل ينساه شبيدنا نسوي شو كلنا حوالي
هز الدكتور رأسه باسف وطلع وتركهم
ستند ابو نوفل على الكرسي وبداخلة شي يگول اله ليش هيج سويت النسيان مو بالغصب
طلعوا على السدية ونقلوه لغرفة ثانية
رن جهاز قتيبة وكان العم يحيى
قتيبة:- ها يابه
يحيى:- لك حيوان وينك الساعة ب1 متووب من سوالفك
قتيبة:- بالمستشفى
تغيرة نبرة صوته من العصبية الى الخوف
يحيى:- خير وليدي شبيك
ردف بقهر
قتيبة:- وليدك الحيوان مابي شي بس نوفل رتفع عندة السكر
يحيى:- ها زين شلونه هسه
جر حسرة وردف
قتيبة:- الحمدلله
تكلم بنبرة حنونه
يحيى:- لتزعل مني يابا بس ضل بالي يمك
قتيبة:- تمون يابه تمون يالله احنا الصبح جايين
يحيى:-انا هسه اجيكم
قتيبة:- ماكو داعي والله نايم باجر الصبح نطلع
يحيى:- خير ان شاء الله شيصير وياك بلغني
قتيبة:- ان شاء الله
بعد مرور 7 ساعات فتح عيونه الي يمليها الحزن
لگى ابو يمه ويرتل قران والجهة الثانية قتيبة غفيان على سرير المرافق حرك ايدة وابو فز
ابو نوفل:-ها وليدي گعدت
صد بصفحة وساكت مارد بشي فقط صار يگح
فتهم الاب ان نوفل مايريد يحاجي وحازز بخاطرة منه سكت وطبطب على ايدة گعد قتيبة على صوت گحات نوفل
قتيبة:- ها ولك شلون صرت
نوفل:- عايش
سكت قتيبة لان مبين الحزن والتعب على وجه نوفل
بعد عدة دقائق اجى الدكتور طمئن على صحته وكملوا اوراق الخروج وطلعوا
.
.
گعدت الصبح على صياح سراج عليه
يحجي ويلبس بلقمصلة
سراج:- ولج گومي صحصحي اقفلي الباب وراي اريد اطلع
عقدت حاجبي احاول استوعب
_ شعندك؟ الساعة ب8 يبشرر
سراج:- نوفل متخربط وهسه راجع للبيت
فزيت
_شبي خير ان شاء الله
سراج:-نوبه السكر
هزيت راسي بقهر لان مايستاهل
_ الله يعينه على ما ابتلاه
گمت وراه قفلت لباب ورجعت لشامل بعدة نايم رتبت البيت وسويت ريوگ وگعدت بالهول اكل واكلب بالموبايل ندگ الباب گلت بگلبي خير ان شاء الله فتحته تقى عيونها دم نهبط گلبي
_ خير ياستار مااااات مو
شهكت تبجي
تقى:-لا اسم الله علي
لزمت گلبي مهبوطة
_ لعد شبيج من صبح مثل لبومه گطعتي حتى خلفتي
تكلمت بنبرة توسل وهي تمسح دموعها
تقى:- امشي نروح الهم للبيت هسه جابوا ولج حالة يكسر لگلب
فتحت عيني مصدومة
_راحت روحج يالماتستحين وين تريدين نجبي وگعدي ثگلي شوي
رجعت تبچي
تقى:- لعد خابري نوفل طمئني عنه امانه
جريت نفس وسحبت الموبايل اتصلت
من بعد اكثر من رنة يالله رد
سراج:- ها شكو
_ رد مثل لبشر يرحم اهلك
سراج:- لتبلشين رونق شكو
_ شلون صار نوفل
سراج:-زين هسه اكل شوي بس مدري شبي مهموم عبالك ليوم مات همام
خنكتني البچية بلعت ريگي
_ اووف الله يعينه ويصبرنا ويصبرة
سراج:- ياالله انا اروح .. لحضه شامل گعد لا
_ بعدة
سراج:- خوش ياالله باي
_باي… ها طمىنيتي؟
بتسمت
تقى:- يي الحمدلله
_شصار على الخطوبة
بتسمت ودنگت
تقى:- نطيت لموافقة لبابا وگال عساس ليوم يردلهم جواب.. بس شفتي شصار
_لانچ فكر
تقى:-يااا
ضحكت عليها شوي وطلعت للبيت وانا كعدت شامل وريكته وبديت اطبخ بالغداء…
.
.
گاعدين كلهم حواليه وهو مغمض عيونه وتعبان
يحيى:- ابني الروح الله خلاها امانة عدنا ليش هيج تسوي بنفسك ولك كلنا على هل طريق
هز رأسه مجاريهم بالكلام وهو مغمض
سراج:- نوفل خوية شد حيلك انا بلياك اضيع يبعد اخوك
فتح عينه وبتسم اله
نوفل:- لتخاف ماموت لو اريد اموت كان متت من زمان بس الله كاتب الي اصل متلوع على حبابي
ابو نوفل:- ماطول مابيك شي لعد خل نرجع لموضوعنه شگلت خوية ابو عبد القادر النا طريق لا
يحيى:- حياك الله خويه ناطيكم اذا الله نطاكم
باوع نوفل على والدة وكل علامات الخسارة واضحة بس ضن ابو نوفل ان الي دا يسوي صح مايدري ان جاي يزيد الطين بله وان اغلب الاباء من يسون هيج عبالهم اولادهم ينسون لا راح يدمرون بالزايد
ابو نوفل:-لعد خوية ارضيعتي ام حيدر بعون الله باجر توصل لبين مايجهزون نفسهم الاهل الجمعة الجاية عقد وگعدة الزلم نفس الوقت
.
.
وصلنا خبر بتحديد موعد الخطبة وتقى مثل فراشة طايرة من الفرح تمشي وتكول بعد عيني ياربي ماخيب رجائي وستجاب دعائي
اجت عمته ام حيدر من الخليج وخطبتها رسمي
مر الوكت ركض بركض اباوع الها بفستانها السمائي ومكياجة الزهري وتسريحتها البسيطة مثل لعابة گاعدة على الكوشة وملامح الفرح واضحة بعيونها
صوت هورنات السيارات تاذن بوصولهم واسمع هوسات خالد وسراج وحتى عبد صديق همام وياهم اباوع الهم من الشباك واگفين ثلاثهم واگفين رفع ايدة خالد يريد يذب هوسه
خالد:- اها شلون اثلاثه لتمو اها شلون ثلاثه لتمو تفكة ومخزن والجيلات اشلون اثلاثه لتمو
اكل صار يدبج ويردد
_ تفكة ومخزن والجيلات
رجع سراج يهوس
سراج:- اها لاتحاجونه لا تحاجونة عريس وحكومة
ويهوسون ويا الشباب
عبد:- اها احنها اليكرهنا اها احنا اليكرهنا نحطة بساط ندوس عليه احنا اليكرهنا
والدبك والهوسات خبصت الدنيا اجت عيني على نوفل كان مبتسم ابتسامة مجاملة انيق وكاشخ بس الحزن مخرب اناقته
شالوا عبد وواحد ثاني ماعرفه على كتافهم
وصار خالد يهوس
خالد:- لاتگول بوحدك كل حنا خوتك لاتگول بوحدك اها اها
دخلوا للديوان الي نترس ونصهم الزلم ضلوا بره اما من النسوان ماكو احد غير عمته اجتي وعمامي ماحضروا لان عموا يحيى مابلغهم بعد مدة صاحوا جيبوا العروس يم الباب
اخذناها يم الباب وبدا الشيخ يردد ايات الزواج الى ان گال هل اقبلين ان تكونين زوجة لنوفل ***
تقى:- نعم قبلت
صارت زوجته شرعاً وتعالت اصوات الهلاهل الي كانت لنوفل مثل حبل الاعدام الي نلف على رگبته
هوسات واغاني وهو ماببالة غير شكلها وحمتها همام
صاحوله گالوا ادخل لبس عروستك دخل راسم على شفايفه ابتسامة كاذبة اشر لعمته على السريع جيبي الذهب
من جابو الذهب اشتغلت اغنية كاظم الساهر
ياصايغين الذهب حبيت ادلعها
حبيت حبيت والله حبيت ادلعها
شوفولي خاتم حلو
يستاهل اصبعها
لك شوفولي خاتم حلو
يستاهل اصبعها
ياصايغين الذهب حبيت ادلعها
شوفولي خاتم حلو
يستاهل اصبعها
هاي سوالف وترتيبات تقوى لبسها وقطعوا الكيك وكلها ووكلته ماكلف نفسه يباوع عليها فرض واداه فقط ماصدگ يطلع نتبهت على تقى عيونها بيها حزن رحت يمها گبل حجت
تقى:- شفتي شفتي شلون سوى؟ ليش هيج
مادري شرد عليها بس حاولت اطمنها
_ترا عادي كلش شبيج لسه ماتعود عليج مع الايام راح تتعودون
هزت راسها مو مقتنعة
وهيج نتهت الحفلة بشخص مجبور واخر مكسور…
.
.
گاعدة على الدرج واباوع عليها ملفوفة ايدها ورجلها وتون من الوجع نص جسمها حترك يارب دخيلك وتشوه ماهتز من گلبي شعراية كل ما اعبر من يمها تتخبل وتصرخ وخروها كن يمي هي لحركنتي
وبداخلي اضحك اكول صح انا حركتج بس مو بيدي بدعواتي
مشعان من شافها هيج شيلها واشمرها لهلها كلت يالله رتاحيت وخلصت لان الباقين كلمن علي بنفسه الا هاي عاگر وتتأمر
يربي مو شماته بس الي صابني منها ميتحملة عبد مسلم
گاعدة ونفتح الباب بغرفتي ونفتح الباب مشعان عاقد حاجبة
مشعان:- گومي جاييچ ضيوف
قبل ايام
تنسيم:: اجتني ذبت سمها وطلعت
ومن حركة گلبي دعيت عليها وبقيت ابجي ومهضومة
وره شوية واسمع صوت صياح وصريخ ردت اكوم
أشوف شكو ما كدرت اتحرك ألم موتني بقيت مكاني
واسمع صريخ وتعجبت من سمعتها تصرخ
عبالي مشعان كتلها..
بس سمعت ميسون تصرخ
ميسون:- لحكووونا باسمة حترگت
گمت بيه مابيه ستندت على الدرج وردت انزل بس وقفت خفت لاتذب التهمة براسي بقيت واگفة على الدرج واباوع ضرار لافها بالبطانية عينها اجت عليه بقيت على درج واكفه وسانده نفسي بالحايط …..
رجعت لمكاني شوي وختفى الصوت
والبيت صار هدوء رجعت رأسي على الجرباية
اتلمست بطني ودموعي تنزل مابيه حيل حتى ابجي
تعبت حيل تعبت ما اعرف شوكت أرتاح.
مرت ساعه أو اكثر محد اجه ولا اسمع صوت أحد
بديت اغفى من تعب وبجي خليت رأسي على مخده ونمت بسرعة…….
في المستشفى
مشعان:- هاا دكتور بشر
دكتور:- الحمدلله على سلامتها تعدت مرحلة الخطر
وماكو شي حروق سطحية والحمدلله على السلامه مره ثانية
مشعان:- الحمدلله تسلم دكتور
صرخ بلهفة
علي:-زين دكتور اكدر اشوف امي
الدكتور:- انتظروا على ما ينقلوها لغرفة ثانية
وتكدرون تشوفوها.
خابت اماله
علي:- تسلم
راح دكتور والكل صافن رغم حقارتها الكل يحبها بهاي لحالة ينطبق مثل الكلب مايحب الا خناگة
مشعان كاعد مخلي ايده على راسة
تكلم علي
علي:- عدت عدت لا تضوج
هز راسه بتعب
مشعان:- يوميه مصيبة واكعه على راسي تعبت
مالي طاقه بعد
علي:- الله كريم يابه
بين ماهم يسولفون طلعوها تون وتهذري كله من وراها دعت عليه يي هي لان كتلت ضناها هي السبب مشينا وراهم دخلوها لغرفة خاصة وملفوف ايديها ورجلها ونصف جسمها
مشعان هنا تعب كلش وخصوصاً بعد مافهم ان باسمة هي من قتلت ضنا رجعو للبيت هو گبل صعد ليفوك يشوفها
باوع الها نايمة ووجها كلو دمع
مشعان:-ضلمتج هل مرة وحوبتج ماتعدتها ولا راح تتعداني
خلى ايدة على وجهها فزت
..
فتحت عيوني بتعب يباوع الي رجعت ليورة خايفه لا يضربني
سحب ايده
مشعان:-لاتخافين
همست
_ماتت
اخذ حسرة وزفرها
مشعان:- لا… سامحيني غلطت بحقج انزلي لغرفتج رتاحي
حجى هيج ونزل وخلاني بصدمتي بس معقولة عرف الحق؟
ضليت بمكاني افكر بكلامة مادري شلون غفت عيني
گعدت بعد ما مر وقت طويل واني نايمه كمت بيه مابيه اريد اروح للحمام نزلت دخلت لغرفتي القديمة كان نايم تسحبت بهدوء للكنتور عندي بي كم قطعة ملابس سحبت ثوب وطلعت
حتى محد كلف نفسه واجه بالجذب كال شبيج ميته عايشة
الضلم والحقارة العدهم ما شفتها عد احد ولا أتمناها لعدوي
أخذت منشفه وملابسي ودخلت للحمام بديت أغسل بصعوبة
خلصت نشفت وطلعت
رجعت لغرفتي باوعت على نفسي بالمـرايه وجهي لونه شاحب وتعبان ابتسمت بكسرة
دست على وجعي ونفسي وقررت أطلع واقوي نفسي واشوفهم
تنسيم منو
طلعت من الحمام لاقتني ميسون بس بتسمت بوجهي وراحت رجعت لغرفتي صح الكرامة نسحلت بس فوك ثلج مشعان يخابر والي فتهمته راح يطلعوها على مسؤليتهم سد الجهاز وسحب محفضته وطلع اجت فكرة شيطانية براسي
طلعت دشداشة الي وسحبت مكياج أخذت كحل
بس بدلت وخليت كحل وخطيت عيوني
باوعت على نفسي بالمـرايه عجبني الشكل
سحبت شالي لبسته وطلعت ، على كيفي بعدني ما وصلت للنص وسمعت صوتهم اجو لان ساعة وانا اشخن بجهرتي
بقيت على درج واكفه وسانده نفسي بالحايط
باوعت إلها بشماته وضحكة
هي شافتني لو تسودنت بودها تاكلني بس الملك مشعان موجود
ابنها ساندها ويمشي على كيفه وولد وراه ما شفت مشعان وين راح مادري
دخلوها للغرفة كعدها وعيوني تراقبهم رفعت راسها
التقت عيوني الشمتانه بعيونهه كلهه حقد وغيرة
خليت ايدي على بطني وإني أتذكر شلون ضربتني عليهه حقد أكثر واكثر عليها. هل شي ماصرف الها تخبلت صارت تعارك ولسانها يلعلع هل شي خلى مشعان يمل شيلها واشمرها لهلها
وخلصت منها مؤقتاً
مرت الايام الى مابيوم
گاعدة ونفتح الباب بغرفتي ونفتح الباب مشعان عاقد حاجبة
مشعان:- گومي جاييچ ضيوف
ستغربت منو يجي؟؟ سالت بفضول
_ منو؟
مشعان:- صاحبتج
اتسعت عيوني بصدمة وصرخت
_حنين
هز رأسه گمت بدون وعي سحبت شال ولفيته ركضت للديوان فتحت الباب كانت گاعدة وتفرك بيدها من شافتني فزت وكامت تركض الي ضميتها بحضني
حنين:- شلونج يبعد حيلي
حاضنتها اشهگ وابچي بعدتني تتفحص وجهي وشكلي
حنين:- شصاير بيج يخيه
مكدرت اشكي ولا اكول الها شي كتفيت بهل كم كلمة
_هذا حال الي يعوفوها اهلها بلا حول ولا قوة مالها لاسند ولاقوة
دنكت وحسيت بلسانها كلام
_ احجي شبيج
جرت حسرة
حنين:- اجيت بطلب من اخوج ونوفل
_نوفل!!!! رجع للعراق
حنين:- ييي رجع
بتسمت بستهزاء اخفي رجفة قلبي على طاريهم
_ يي خير ان شاء الله
حنين:- ماتريدين تسمعين اخبارهم؟
_ مرتاحين؟
حنين:- يي بييتكم باعوا واخذوا بيت يم بيت عمج يحيى
نمرد گلبي يعني راح لبيت وراحت الذكريات
دنگت دموعي تجري بهدوء
حنين:- وعمج يحيى خاطب اختج لبنه
رفعت عيني الها
_ يعني عايشين
هزت راسها بقهر
حنين:- عايشين بس مو مومرتاحين
_واضح كلش واضح
سكتت وانا هم سكتت ضلت يمي شوي وراحت كمت ورجعت لغرفتي حياة هادئة بدون روح بس ايام وتمشي مشعان مايرصى ترجع باسمة للبيت خصوصاً بعد ماتاكد منهم ان هم الي كتلوا ضناية بدى يتودد حتى يصلح الي نكسر وانا غصب ماعليه ارضى وين اولي اهل ماعندي استند عليهم
كعدت من الصبح بديت احضر ريوگ اله لان عندة طلعة للمحلات
واكفة احمي بالزيت كشيت البيضة وريحتها صارت بخشمي نمردت روحي مرد طلعت ركض للمغسلة الي برة خرطت الي ببطني كله
واگف وراي لتفت اله اخذ نفس وازفر بتعب
تكلم بنبرة فرح
مشعان:- حامل؟
بتسمت بستهزاء
_ يي عود هم كتلو مرة ثانية وابلوني
مشعان:- يعني حامل
_مادري اشم گفة ايدي
سحبني من ايدي وداني للغرفة طلع عباتي وشمرها عليه وتكرر نفس السيناريو مالت قبل كم شهر وطلعت حامل هل مرة من بدايته فرحت بس فرحة خوف يي خايفة على الي ببطني لا اخسرة مرة ثانية
رجعنا للبيت وطول الطريق فرحان وصلنا وشفنا سيارة عالية بالباب نزل وهو مستغرب دخل ودخلت ورا كان گاعد بالحديقة اول ماشفته تسعت عيوني بصدمة ….
.
.
.
مرت ايامنا بهدوء تقى ونوفل هي تتودد وهو نافرها الى مابيوم كنا كاعدين قررت تحط حد لهل مهزلة وهي اتصلت وفتحت سبيكر
بعد مدة رد
نوفل:- هلا
تقى:- هلا بيك انت وين؟
نوفل:-بالمكتب ليش
تقى:- اممم خوش اريد احط حد لهل مهزلة
نوفل:- مهزلة!!! شبيج بابا شجاج ليوم
تقى:- نوفل اريد نلتقي وضروري نحط النقط على الحروف
ضحك بستهزاء
نوفل:- دخل الاقي النقاط عود ذيج الساعة احطها على الحروف
تقى:- برودك هذا راح يجلطني
نوفل:- هسه شبيج ياعيني شكو
تقى:- شوكت نلتقي؟
اخذ نفس يصبر نفسه
نوفل:-بدلي وانا شوي واجي
حجى هيج وسدة بوجها باوعت النا بقهر
تقى:- شفتوو
تقوى:- شبيج ويا على كيفج لتصيرين حنانة
رديت انا بحيرة
_ تقى يجوز يحب او مر بتجربة حب فاشلة لهذا هيج تلگي
بهت وجهه
تقى:-يعني شنو
_ يعني اهدي وگومي بدلي وافهمي منه
كامت تبدل وكلامي ضل ببالها لبست وجهزت وفعلاً نص ساعة واجى طلعت ويا وانا وتقوى صافنين بدنيانا
.
.
بالسيارة الثنين ساكتين الى ان مل ونطق
نوفل:-وين تريدين نگعد
تقى:- بالگبور
بتسم بقهر
نوفل:- شحلاتها من گعدة يم العزاز
عدلت گعدتها وباوعت اله
تقى:- نوفل انا شنو بالنسبة الك
سكت صافن مايدري شيجاوب باوع بوجهي
نوفل:- هو هذا هم سؤال غير خطيبتي
تقى:- اسألني
عقد حاجبة
نوفل:- شمو اسأل
تقى:- انت شنو بالنسبة الي
بلع ريگة وباوع الها بتعب وقهر
نوفل:- شنو انا بالنسبة الج
شهكت ونزلت دموعها
تقى:- انت اول دگة گلب اانت اول واخر رجال من اخلي راسي على المخدة افكر بي من شفتك دخلت گلبي حبيتك وصرت اتمنى تبادلني نفس الحب الى ان خطبتني كنت اسعد انسانه بس مرت مرت ايامنا واحنا مخطوبين بس روحك لاهي يمي ولا انت رايدني تبدل الحب الى حزن وخوف ليش هيح نوفل انا مو حلوة لو شنو ليش نافرني
نوفل:- مو هيج
تقى:- لا هيج نوفل هيج انت مارايدني ليش خطبتني لهل درجة گلوب بنات الناس لعبة بيدك
ضرب على لستيرن بقوة وباوع الها
نوفل:- مااااااردت اخطب ولا ردت اتزوج عااايش على اطلال الماضي بيوووم وليلة ابوي حرجنيي وخطبج خلاني امام الامر الواقع
بتسمت بكسرة كانت متوقعة منه هل جواب
تقى:- والتالي
نوفل:- مادري مادري
اخذت نفس ومسحت دموعها
تقى:- انطي نفسك فرصة
باوع الها
نوفل:- فرصة شنو
تقى:- افتح الي گلبك
نوفل:- مقفول بمفتاح والمفتاح ضايع بديار الغرب
تقى:- اكسر المفتاح وخليني ادخل.. انت تحب
باوع الها ساكت
ردفت
تقى:- جاوبني انت تحب
نوفل:- شيفيد جوابي هسه
تقى:- يفيد جاوبني
نوفل:-يي احب من طرف واحد رتاحيتي
بلعت غصتها
تقى:-منوو
نوفل:- ماتعرفيها
تقى:- لعد ليش ماتزوجتها
نوفل:- كنت غبي وفرطت بيها ماكان ببالي راح تروح من ايدي وياخذها الماسهر ليل يرسم احلام واحلام ويخطط للمستقبل خذاها الي مايستاهلها
تقى:-طلگني نوفل اذا مارايدني وهيج تحبها طلگني
باوع الها بتعب
نوفل:- على گولتج خل ننطي لنفسنا فرصة
تقى:- شراح تفيد؟
نوفل:- على الاقل نگول حاولنا
تقى:- شگد المدة
نوفل:- شهر سنة مادري
تقى:- خير ان شاءالله رجعني للبيت
باوع الها كانت عيونها مليانه دموع
نقهر على حالها وعلى حالة نقهر على حضه الي خلا ابو يسوي بي هيج شي ضناً منه انو راح ينسه بس مايدري انو وگع نفسه بتهلكة
رجعت للبيت كانت الساعة ب١٢ الظهر
تقوى مبدلة ملابس المدرسة وبيدها لفه تاكل بيها
تجاهلت الكل ودخلت للغرفة وقفلت الباب
ثريا:- اختج من نخطبت لهسه وهي متخبلة
تقوى:- يي هذا الزواج الخبل بعقل والعاقل يتخبل
كفختها بخفه على راسها
ثريا:-لعد بيها الخير انت راح تعقلين
ضحكت وكملت اكلها وطلعت للمدرسة تتمشى المدرسة مو كلش بعيدة بس كان اكو اعدادية ولد بطريقها من وصلتهم دنگت راسها سمعت صوت صفير
_ نعمة الله مطشرة بالگاع
رد ولد ثاني
_هاي الي يمعود انت ماشبعت دخل نسترزق… يحلوة شسمج.. زين رفعي راسج خل نشوف ابداع الخالق
بهل اثناء ولسوء الحظ طلعوا خالد وسراج من المحل
وشافوهم سراج گبل شمر الكوب من ايدة وخالد شمر الجنطة وطارو الهم
نطاه دفعة خلا يتكوم بالكاع
سراج:- شعندك هنا لك هتلي
صرخت وگامت تبجي
تقوى:- عزاا سراج عووفه خل يولي راح ننفضح
صرخ بيها
سراج:-كملي طريقج لو اجي اطيح حضج
راحت وگفت بعيد وتباوع الهم وترجف وتبجي
رجع سراج ضربه بوكس والثاني رجعة اله ولتموا الولد وصارت عركة شكبرها الا طلعو المدرسين من المدرسة يفاككون بيهم
سراج:- ولك والله اذا لمحت طولك بهل شارع اثرمك ثرم
رد بكل وقاحة
_ انت شعليك لتسوي نفسك البطل حتى تنعجب بيك
كان واحد من المدرسين لازمة هو فرفح يريد يتفلفص
سراج:- بس هدني يرحم اهلك بس هدني خل انوم سنونة بحلگة
وكفت سيارة نوفل ونزل يركض
نوفل:- ها شكووو شبيكم
خالد:- ماكو شي عركة بين حارة الضبع وحارة ابو النار
الاساتذة كانو معصبين ولازميهم بس من گال هيج ضحكوا
طبگ وياه على الخط
نوفل:- علمت على ابو النار لو لا
خالد:- كيف لكاان ياعيب الشوم
سراج مفرفح
سراج:- بس هدوني خل اربيي ارد اشوف شلون يخلي عينه لنگسة على بنات العالم
هنا نوفل دك جرس الانذار
نوفل:-هاي شنوو السالفة بيها بنات
خالد:- انت اذا شفت عركة بالشارع هذا تاكد السالفة على بنيه
تقرب يم اذن خالد وهمس
نوفل:- عاد تسوى تتعاركون عليها لو لا
خالد:- اخت مرتك وانت وقيس ههههاي
هو گال هيج لو نوفل تخبل صرخ
نوفل:- اسمعوووني زين انت ويا ويا واحدكم بطول النعال ويصجم بنات لعد من تصيرون كلية شتسوون انا الكم ادبسسزية
خالد:- كلشي وكلاشي يسوون المايخطر ببالك
رد واحد من الاساتذة
_ والله ياخويه هل كاعد يصنف كدامك اكثر واحد شلع فادنا مثل لثور لهايج دمى الولد تدمي
شوي وصفت سيارة مفرزة الشرطة شالو الشباب كلهم وعبوهم بالبدي
ونوفل طلع وراهم
دخل للمركز وراهم ونصدم بشوفة شخص كان مستحيل يتخيل بيوم يشوفة….
