رواية سجينة خاصة كامله وحصريه بقلم روز الحيدري
♕ـــــــــــــــــــــــــــــــــــــــــــــــــــــــــــــــــــ♕
لستُ هنا لأكتبَ خيالاً يمرُ كالهواء، بل لأروي دماءً جفت على جدران الصمت، وأنفاساً حُبست في زنازين الخوف.
أضع بين أيديكم روايتي الجديدة، لكن قبل أن تبدأوا، لا تسألوا: هل هذا خيالٌ أم حقيقة؟
فالحياة في بلادنا أحياناً تكون أغرب من أي رواية وتبتكرُ من الأحزان قصصاً تفوقُ في غرابتها أي خيال…
اقرأوها بقلوبكم، وعيشوا تفاصيلها كما لو كانت جزءاً من حكاياتنا المنسية.
أنا #السجينة_رقم_404.
أجلسُ اليوم لأخط أولى أسطري، بينما عيناي تائهتان في السماء التي لا أراها إلا ممزقة خلف قضبان سجني. لم تعد أجنحتي سليمة، ولا قادرة على الطيران ؛ فقد قيدوها بأغلال من نار، وحكموا عليّ بالسجن عشرين عام
أُدونُ كل ما مررتُ به، فهذا هو كل ما أملكه خلف هذه الجدران التي مهما صرختُ فيها، أو علا صوتي، لا أحدَ يسمعني. وإن سَمعوا.. هل من خلاص؟ لا أعرف
كل ما أعرفه عن نفسي أنهم كسروا آجنحتي التي كانت يوماً ذاتَ ملمس ناعم وشكل حسن. لقد تشوهت الروح وانكسر القلب. لا أعرف كيف أعبر عما يدور بداخلي غير هذه الكتابة، فهي صرخاتي المكتومة في جوف قلبي، التي لا يسمعها إلا الله.. وحده يعلم أنني حين دافعت عن نفسي، تحولت في عيونهم إلى مجرمة، وفي سجلاتهم إلى السجينة رقم 404
فزيت على صرير باب الزنزانة، تركت القلم من أيدي خليته بالدفتر سديت وخليت تحت الوساده
وخليت راسي بسرعة، گلبي يدك بقوة كأنما جنت اركض من الخوف، سمعت خطولتها دخلت…
هدوء بس صوت خطواتها وهي تقرب بتجاهي .. حسيتها وكفت على راسي…
دغتني بعصاتها وهمست
:گومي
مارديت من الخوف ودي أكعد اصيح بس اذا صحت اورط نفسي أكثر،رجعت دغتني بقوى أكبر
: ولج سليمةةةة گعدي ليش تخليني أسحلج
حركت نفسي ببط فتحت تك عين باوعتلها بس شكلها، يسببلي رعب الله نزع عنها الرحمة، جاوبتها
:: شكو؟
: اريدج گومي
اباوع كلهن نايمات نومة عميقة لدرجة يصدر شخير، ولا حركة كأنما متخدرات نهضت نفسي
كعدت
:: وين؟
رجعت دغتني بعصاها كالت
: گومي بدون لغوة زايدةة
: ماكوم عوفيني شتردين مني
ماردت علية لتفت على جهه كالت
: تعالن سحلنها
2 تعل
دخلن ثنين وحدة منهن اعرفها زين باوعتلي وضحكت بخبث، باوعت نفسي متحاصرة لاكدر
اشرد ولا أكدر اصيح..
رجعت على ثانية ماكو ولا صحت، هنا شكيت بيهن مسويات شي، لان وكفتهن وهن يتفرجن
علية ويضحكن أكدتلي هل شي وخاصة بعد الصار البارحة
ردت اطلع لزمني ثنينهن وأني ميته من خوفي احجي وشفافي ترجف
:: عليج الله عوفيني والله ماسويت شي
ضحكت بخبث، تقربت همست بأذني
: لاتخافين ***
ابجي بتوسل
:: عوفونيييييي
طلعني شحط وسدن الباب ولاكأن اكو شي،اصيح وصوتي يرجعلي، دخلتني بممر طويل
حياطينه متأكله من الرطوبة بس لونه يقبض الگلب وهدوء مرعب لدرجة سكتت وبطلت
اصيح، بلكوة أبلع ريگي من الخوف
وصلنا نهاية الممر فتحت باب الزنزانة وضحكت كالت
: جبتها ألك..
دفعتني داخل الغرفة،وصدمتي الاكبر من شفته، فتحت حسيت عيوني فقعوا من الصدمة
شافني نهض يتبسم
هي غمزت ضحكت وكالت
: اتمنالكم لليلة سعيدة
طلعت وطبكت الباب بدون قفل، بعده مفتوح، رجعت التفت عليه واحس دمي جمد بعروكي
من الخوف حيلي بهت، تقرب وهو يتبسم عيونه أكلتني أكل،عرفت نيته واضحه حتى اول
ماشافني، لسه اذكر كفر وكال
: عليها جسم ****
تصلبت بأرضي ماكدرت اتحرك وهو يتقرب أكثر نحنى مبتسم همس
: جازفت بسمعتي بس حتى اختلي بيج
نظراته بدت تجول على وجهي بوقاحة، إيديه بدت تتحرك ببطء مريب..قصص ماي هوبس
شفت إيديه اتجهت لـدكم قميصه. طگت أول دگمة، والصوت بالغرفة چان أعلى من صوت دگات گلبي اللي حاستها رح تطلع من صدري.
سحب نفس طويل وهو يباوعلي بنظرات حيوانية طگت الدگمة الثانية..
وبدأت تفاصيل صدره تبين بلعت ريگي بصعوبة، حسيت الدنيا دارت بية وكل ذكرياتي المكسورة مرت كدام عيني.. التفتت لجهة الباب، چان مفتوح، بس المسافة بيني وبينه چانت سجن ثاني!
قرب إيده من حزامه، وبحركة بطيئة متعمدة، بدأ يفتح قفل الحزام. صوت الحديد وهو يتحرك چان مثل طعنة خنجر بگلبي.
همست بصوت مخنوگ، كأنه طالع من تحت الأنقاض
: إذا لمستني .. الله ما يغفرلك
تمنيت الله ياخذ روحي بالحظة بكد ماجنت عاجزة روحي بدت ترفض تشوف واقعي الأخير
جسمي صار يرجف بشكل لا إرادي وصرت أسمع بس صوت أنفاسي المتسارعة.. حسيت بخطواته تقترب وصوته وهو يكول:
: عوفچ من الله.. شوفي منو اللي رح ينقذچ هسه!
((المشهد الثاني))
….. #دفعتني بقوة، تعثرت بخطواتي داخل الغرفة.. أول
ما لامست قدمي ارضها حسيت جسمي قشعر، غمضت عيني بقوة وكأني أحاول حجب الواقع عني.
ثواني قليلة وانگطع أملي الوحيد…لما سمعت صرير الباب الحديدي وهو ينسد خلفي، ضجيج القفل
أعلن بوضوح: “خلاص.. انتهى كل شي”
فتحت عيوني على دفعة قوية وصوت أجش اقتحم هدوئي
:: هاا.. اجتنه زيادة! راح تشاركنه بالغرفة!
تقربت الثانية مني متخصرة نظراتها كانت تتفحصني بوقاحة كالت بسخرية
:: هم زين.. يله بوجهج، اشتغلي!
تراجعت للخلف بس وحدة منهن باغتتني بسؤال حاد
:: شنو جريمتج؟ ..قتل؟ سرقة؟
مافهمت شيردن مني بقيت عيوني تتنقل بوجوهن
صاحت ودفعتني
:: يله فضيها.. شكو حرنتي بمكانج؟
سندني الحايط.. اني بعدني مامستوعبة الصار التمن
علية.. رجعت تقربت تباوع بوجهي لزمتني من ياخت
ثوبي بقسوة وبالحظة اندفاع لا إرادية لزمت ايدها بقوة
وصحت بقهر..
:: كااافي هواي اكلتي خـ *!
ساد الصمت لحظة وحدة تباوع وجهه الثانية كأني رتكبت
ذنب عظيم.. فتحت عيناها بدهشة وهي تلتفت لصاحبتها
:: سمعتيها؟.. سمعتيها ولج؟
صاحت واحدة من الكاعدات بحدة
:: عوفيها.. بعدها جديدة!”
كفت ردانها وحجيت وهي تهز راسها
:: هي جين جديدة ارد اربيها ام الولد شجم نغل ذبيتي
ولج!
سحبتني من ثوبي بكل قوتها، وبإيدها الثانية ضربتني كف…ضلمت الدنيا بعيني،.. الثانية معشتني من راسي طرحني بالكاع ماعرف الدفرات والراجديات منين تجي ماشوف شي غمضت عيوني … تعبت واني اصيح محد اجت ولا وحدة وبهاي الساعة فقدت.. الدنيا بدت تغوش ماشوف غير خيالهن يحوم فوك راسي
((#مشهد_الثالث))
#لزم معصم يدي بقوة خفيفة، ضغط أصابعه يتحسس نبضي المتسارع.. ونظراته مركزة بالساعة
يردد بصوت واطي يحسب دكات گلبي
: واحد.. اثنين.. ثلاث.. عشرين..
وصل الثلاثين توقف، رفع عينه بوجهي نظراته حادة تخترقني.. سأل بهدوء مرعب
: ليش تسرعت دكات گلبج؟!
حاولت احجي بس صوتي ضاع بجوده.. رفعت كتفي بعدم دراية
رفع حاجبه، واقترب من وجهي أكثر حتى حسيت بدفو
أنفاسه.. سكت شوية وكال بنبرة استهزاء مستفزة
: بعدج تخافين مني؟
ـــــــــــــــــــــــــــــــــ #سجينة #خاصة ــــــــــــــــــــــــــــــ
وگفت مقابل المراية وگلبي يدك بسرعة متوترة اول مرة أعيش هل شعور
خجل،خوف،كلهن ألتمن علية،لبست حجابي وماخليت ولا قطرة مكياج بوجهي
أمي عدها ممنوع هل شي وعيب
دخلت ميار تضحك
ميار : هااا… يحلو كل هذا الحبيب القلب
ألتفت عليها
: يااا! …ستري علية لا تسمعج …وين شايفته وصار حبيبي القلب!؟
ضحكت
ميار : اعرف والله بس هم اعرف مدام وافقتي يعني هذا فارس احلامج
اخذت نفس ورجعت اباوع النفسي
:وياترى أني فتاة أحلامه؟!
ميار : فدوة وين يلگه احلى منج!
ضحكت وهزيت راسي
: اي …الحلوات هواي
صاحت أمي
:: فضيها راح تنفگين يالبايرة…
1 تع
اجت ميار لزمت أيدي
ميار : لاتهتمين تعرفين أمي مقهورة لان ــــ
سحبت نفس قوي قاطعتها
: اني الي اعرفها …لاتخافين تعودت على كلامها هاي
مو اول مرة
ميار : قصدج تعودنا
: هههههههه …اي بورتنا قبل العشرين!
ميار : لو عبرت العشرين تكوم دلل بية
هزيت راسي وطلعنا شفت امي لابسة واكفه
:: يله فضيها مراح يعرس عليج هسه
1 تعل
بهتت ملامحي بوجها
: يوووم …ترا بس لبست حجابي!
لتفت على ميار
:: كعدي اقري بين مانرجع
ميار : صار
طلعنا اني وأمي من بيتنا البيت جوارينا أم بهاء عايشة
هي وزوجها رجال مُعوق، عدها ولد ثنين كبار هل مرة
تحبني تموت علية ماعدها بنات ومن عاشرتنا تعلقت بية
حيل … وصلنا بابهم مفتوح دخلنا بس شافتني تلكتني
تضحك فتحت ايدها وبوستني
أم بهاء : يابعد گلبي يخالة أريد الله يوفقج ويهنج
شسوي والله تمنيتج چنة ألي بس…
أم بهاء رادتني الأبنها بهاء من عمري 15سنة وبعد فترا طلع بهاء يحب بنية ويريدها
ومن عرفت بي أجتني تبجي دموع، بوقتها عرفت هي رايدتني اما أني وبهاء مابينا لا
كلام ولا نظرات ماعندي مشاعر وهو هم مجرد جيران حتى كلام بينا ماصار، بس
أمي تعرف من البداية ام بهاء تريدني …
ام بهاء : والله ماتلگين منها …حبابة ومؤدبة ونادرة
وعليها نفس بالطبخ يخبل
:: ما شاءلله مبينة هادئة
ام بهاء : حتى خبز تعرف تخبز
:: مااريد منها شي اني عندي اربع ولد وكل واحد بيت وحد حتى ماجد ماصار شهر من كمل بناء بيته
ام بهاء : الله يوفقهم بحق محمد
:: رحم الله والديج …
خلي اخابرة يجي منتظرني بالسيارة
طلعت مبايلها تصلت بي… بعد خمس دقايق يمكن اقل
دك الباب ودخل ابو بهاء واحد ويا سلموا،كعدوا اني مارفعت عيني ابد احس الدنيا غوشت بعيني
توترت …مو اول مرة انخطب، بس اول مرة تصير شوفة شرعية
ام الولد بتسمت
:: شوفي هذا ماجد
ضحكت
ام بهاء : اي مو تكولين ماشفته هذا كبالج شوفي زين
رفعت عيني بسرعة… شاب عمره اقل الثلاثين أسمر
واضح صاحب جسم وطويل بس اجت عيني بعينه
الضحكه تارسه وجهه باين بياض أسنانه بيض تلمع
بسرعة رجعت نزلت راسي بخجل
ابو بهاء : ها ماجد شفتها؟
ماجد : أي هاي هي
1 تعل
أمي صارت تندس بية وتهمس
:: كومي…كومي ولج …
اني من الكعدة رجلي خدرت بس اكوم أوكع واتكربح
؏ وجهي واتفشل.. عاد الولد بسرعة طلع هو وابو بهاء
عدلت كعدتي خف الخدر.. شوية ونهضنها بس طلعنا
أمي بسرعة علقت
1 تعل
جميلة :كابلتي وكعدتي مامصدكة چنج !
1 تع
باوعتلها بصدمة وهي تمشي
: صدك تحجين؟…وروح أبوي رجلي خدرت ماحسيت بيها
سكتت ثواني
جميلة : خيولي لاتوافقين
امشي ساكته ماحجيت شي
جميلة : شفتي اسود وسنونه بيض يخوف
1 تعل
مارديت عليها بس احجي حرف تسويني عاشكته واعرفه
واني هاي اول مرة بحياتي اشوف ولو اشوفه مرة ثانية
ماعرفه واطلع ميته على رجل
باوعتلي
جميلة : ها؟
: هاي هي بگيفج …
جميلة : شو…جنج راضية؟
: مو تصيحيلي بايرة!
جميلة : هااا …
باوعتلي رافعة حواجبها
جميلة : وجرحت احساسج! مادري بيج هيج
حساسة!
جميلة : مابيها شي اذا صحتلج! لأم كلشي
تسوي بتها وماتحجي له انت تردين الحجاية بعشرة
سكتت هي تمشي وتحجي
جميلة : هاي الامهات تكتل وتصيح له اني حرام احجي
حرف بس چنه الاسود عجبج!
: ترا ماحجيت شي! انت شفتي بنت خالتي تزوجت وهي
اكبر مني عمرها 21 سنة ولا مرة خالتي كلتلها بايرة ولا
مره صاحت بيها
جميلة : يله …يعيني شحجيت!
1 تع
زفترت نفس بدون ماتنتبه
جميلة : حاجي الله ولا واحد يحاجيج…عليمن هل تكبر!
لو حلوة مثل البنات سويتي؟
2 ت
سكتت وهي تحجي
جميلة : تهدي يعيني تهدي لا الله يعابيج
باوعتلها بكسرة
: شمسوية حتى الله يعابيني؟!
جميلة : كل هذا ومامسوية شي! شتسوين بعد!
1 تعليق
ألتزمت الصمت ومن گلبي اتمنى الولد يوافق بس حتى
اخلص من كلامها دائماً تصيح بايرة وعمري ماتعدا الـ18
وكل مره هي تدعي تريدني اتزوج محسستني ثگل عليها
وهم …قصص ماي هوبس
رجعنا للبيت وكل ثاني تذب كلمة وتتحسر
تلكتني ميار ملهوفة
ميار : ها صار … شفتي؟ شافج؟ شكال؟
صاحت
جميلة : شبيجن مامصدكات هيج ميتات على رجل!
سكتنا، نزعت حجابي ورحت للغرفة ماعرف شكول
كعدت صافنه بالحايط اجت ميار
ميار : ها صار؟
بتسمت وكعدت بحماس
ميار : شلونه؟
بتسمت من ذكرته ندستني
ميار : اويلي مبين صادج من اول نظرة
عضيت شفتي بخجل
: لا بس حلو
ميار : شلون حلو؟
نور : طويل وأسمر يمكن عيونه كبار شفته بحلق بية
ضحكت ودفعتني
ميار : حقه
: بيته وحده
ميار : احسن شي…
: لا اني احب الأهل وهوستهم بس كالت قريب عليهم
ميار : يعني موافقة؟
نزلت راسي بخجل
: أي
ميار : حبيتي ولج؟
باوعتله
: شحبيت ولج؟! …بس هي البنية لازم تحب بس
زوجها واني هيج اريد احبه بس هو
رفعت ايدها
ميار : يارب تم على خير واشوفج أحلى عروس
: برأيج يوافق بية؟
ميار : طبعاً …يوافق بعدين ليش تقللين من جمالج
ونفسج!
ميار : كلش زين تعرفين كلها تمدح بجمالج وأخلاقج
بس انت ماتسمعين غير أمي وكلامها
: مو لي اعرفة الأم حتى لو بتها موحلوة تشوفها
غزال ـــ
سحبت نفس
ميار : له احنا بعين أمي اقروده وبعيون الغرب غزلان
بتسمت
: هم نعم الله
ميار : هههههه اي والله
نهضنا كمل الشغل رغم البيت نظيف بس أمي ماتحب
تشوفني كاعدة لازم افتر
ميار : حمامة خليني اساعدج
: جؤ …روحي درسي
ميار : كملت
: لا حتى لو كملتي روحي راجعي مرتين ثلاثة اني
اكمل شغل
ميار : يمعودة ترا مليت
تركت من أيدي وباوعتلها
: ديربالج …تعرفين امي بس ترسبين لو درجاتج
تنزل شتسوي!
تحسرت
ميار : ترا بس امي هيج شوفي البنات اهلهم يتفدوهم
تفدي
رجعت امسح
: شمدرينا عايشين وياهم! كل الامهات هيج خاصة
أمي عاذرتها شتكول
سكتت باوعتلها ضحكت
: اسويلج كيك وچاي؟
بتسمت
ميار : وخلي عليها كاكاو
:يمكن ماعدنا
ميار : خل اشوف
راحت تفتح الكاونتر
ميار : لكيت باقي شوية…يكفي؟
باوعتلها
: اي كافي
كملت ورجعت جهزت الكيكة وخليت وياها گيمر علبة
وبرشت اليمون ماحب ريحة البيض عزلت قليل خليت
الكاكاو بعدها خليته فوك الخليط بالقالب، الفرن جاهز
خليته …ميار وكفت تغسل الماعين
رحت أصلي سمعت الباب يندك طلعت أمي تشوف
دخلت أم بهاء سلمت تسولف ويا أمي كملت صلاة
بقيت كاعدة …بسمت من سمعتها
ام بهاء : الولد وامه وافقوا كالت ننتظر ردكم حتى
نتفق على حاضر والغايب
جميلة : ان شاءلله خلي يجي ابوهن واحاجي
ام بهاء : والله الولد مؤدب ومتدين اسألوا وتاكدوا
جميلة : ان شاءلله اخابره واشوف تعرفين هو اولى
بيهن وحسبت أبوهن
أم بهاء : طبعاً هذني هم بنياته
لميت سجادتي وطلعت سلمت ورحت للمطبخ
: ها كملت؟
ميار : تخبل ريحتها ترست البيت
: لحظة قبل متكلبيها سويها بلسچين خاف لازكة
صارت دخل السچين بين الكيكة والقالب
ميار : هيج؟
: نادرة عمي
بتسمت وعينها بحذر وهي تشتغل
ميار : على اختي
: والچاي؟
ميار : بس خلي الستكانات
: صار
رتبناها اخذنا الچاي والكيكة قدمنا كعدنا ناكل
همست
ميار : فنها أمي اذا ماقلدت!
: اي هي متحب الكاكاو بالكيك …تابعي
ضحكنا …أمي اخذت قطعة اكلتها باوعتلها كشولت وجها
جميلة : يووو…شكو تصخمن الكيكة عود شني طعمها؟
1 تعل
ام بهاء : أكلي وسكتي حمدي ربج عندج بنات يسولج
كيك
جميلة : ياا…شمسويات! كلها ريحت فانيلة
ضحكت
ميار : يووم فانيلا مو فانيلة
أم بهاء : طعم ليمون وكاكاو طيبة
جميلة : تلعب الروح
ام بهاء : والله خالة تخبل عاشت اديجن بس، امجن
مايعجبها العجب
جميلة : لا طيبة بس ماحب ريحتها
ام بهاء هزت راسها بأسى تعرف أمي من النوع اللي
مايعجبهم شي حتى وان كان هل شي يعجب الكل
وكلها تمدح بي له أمي طلع بي عيب طبعاً بس ويانا
ويا الغريب لا بالعكس…
بقت تسولف شوية وراحت واحنا تعشينا..ونمنا، كلنا نام
بغرفة وحدة من هو مموجود أمي متقبل نام بعيد عنها
بعتقادها الي تنام
وحدها عدها شي مو زين ليش تنامين وحدج تخابرين
ولد؟!
اني وميار ماعدنا مبايلات غير مبايلها يبقى يمها مانلزمة
له من اريد اطلع وصفات يوتيوب يمكن أمي شوي عدها
تصرفات غريبة او ممكن تكون حريصة علينا زيادة..
ثاني يوم ميار راحت للدوام وبقيت اشتغل بالبيت …أني ماكملت اعدادي وتركت بسبب أمي تمرضت صرت أهتم بالبيت وبأمي،صار شغل البيت كله علية وأمي اما يم الجوارين او يم خواتها،طبعاً ماعدها اخوان جدي متزوج اربع نسوان والله مارزقه بولد…
بين ما جهزت الغدا أجت ميار بعدها أمي صبيت الغدا وكعدنا ناكل وكسرت
الهدوء
جميلة :ماتكليلي شبيج تارسته ملح!
رفعت راسي بدهشة
يمامة : لا والله يوم ماخليت أعرف ضغطج يصعد بس
يمكن حموضة المعجون
هزت ايدها
جميلة : تعلميني! عوكه ماتعرفين طبخين
ميار،رادت تحجي اشرتلها اسكتي، نزلت راسي أكل شالت
التمن بأيدها حباته منفوشة ويتناثر
جميلة : تارسته زيت حتى مااكل هاي خباثة لو شنو؟!
4 تع
سكتت ولاكأن تحجي وياي لان اني اعزللها التمن بدون زيت بس اسلكه واهدره
ولان ميمي تحب بي زيت اطبخ لنه وحد،
لتلفت لـ ميار
جميلة : جاوبتي بالامتحان؟
ميار : الحمدلله
جميلة : خليها بالج بس ترسبين اروح افضحج
فضيحة بالمدرسة واكتلج واجيبج سحل
بلعت الگمة
ميار : لا خو من ارجع اكتليني
جميلة : لااا .. حتى اكسر عينج كدام البنات حتى ماداومين بعد
ميار : شكلولج كـ** وتكسرين عيني؟! شوماتعرفين تحجين!
مانحس له الصينية نگلبت والاكل طشر
جميلة : سـ*** ولج مني ماتعرف تحجي؟
أمي ركضت على صونده اخذتها واجت بتجاه ميار وكفت كدامها
: لا عليج الله عوفيها
ماحس له صوت الصوندهة شكد الهوى، ضربتني بزندي ورجلي
وتصيح وتسب
جميلة : بايرات على گلبي وتراددن
1 تعل
تضرب واني أكمز بمكاني بعدين دفعتني وسحلت ميار
ضربتها فلتلت من ايدها وركضت لفت روحها بالبطانية
حتى لو تنضرب ماتأثر بس ويا كل ضربة تصيح سحبت
امي برا الغرفة وماخلت كلمة غلط تعتب عليها …
رجعت واني افرك أثر الصوندة الطبع بزندي وبرجلي صار خطوط
كعدت لميت الزاد منثور والاماعين
: سامحها ياربي
طلعت ميار تباوع خوفها بعيونها همست
ميار : وينها؟
: يعني أله تراددين! ماخليها تحجي وتسكت
ميار : ترا ماحجيت شي
يمامة : تلفضين كلمة أكبر من راسج وتكولين ماحجيت
شي!
ميار : ماسمعتيها؟
: وصدكتي تسويها! …ترا أمي بس اللسان
ميار : ترا تعبت ماكو هيج!
:كافي …كافي..تعبت شنو تردين تسويلج مثلا؟
رجعت ألم الزاد
: الله مدري شلون يرحمنا!
اجت وهي تتلفت
ميار : تأذيتي؟
هزيت راسي واخذت الصينية ورحت للمطبخ وكفت اغسل الماعين رجعت نظفت
المطبخ من جديد.. الهدف مو التنظيف بكد ما اخاف أصفن وتبين ملامحي اللي
تشرد من الواقع …
أجلف الطباخ بالسيم بكل قوتي،بدون وعية التصرفاتي ماحس له ميار لزمت
أيدي
ميار : ولج كااافي السيم أكل أيدج
باوعتلها دمعتي طاحت
: لو بابا عايش ماصار الي صار
تحسرت نزلت راسها
ميار : تمنيت مانولدت ولا اجيت على هل دنيا
ذكرت لازم اكون قوية مسحت دموعي، دفعتها
: نجبي …وابقى وحدي؟
نهضمت
ميار : تعرفين دائماً تصيحلي فكر لان بابا أستشهد
:لا تحجين هيج … الله يحبة وحب يكون قريب منه الشهادة شي عظيم ومو ياهو الچان يحصلها
ميار : احنا شنو ذنبنا؟ الله مافكر بينا من انطانا هيج ام؟!
: طبعاً كلك خلي انطيها اخت حتى وحدة تونس الثانية وتواسيها على ضيم الدنيا
ميار : ضيم أمنا
: اسكتي لو ماهي الدنيا ماترحمنا
ميار : ييووووو… يمعودة على اساس هسه الدنيا مخلينا بللوو
رجعت امسح الطباخ
: تعاي فهمين صدك اني متكبر؟
ميار : منو كال؟ بس لا أمي!
: منو غيرها تكول حاجي الله ولا واحد يحاجيج
هزت ايدها
ميار : كليلها اي حاجي ولا تحاجيني …أمي تخوط بصف الأستكان
ضحكت
ميار : هي وينها؟
ميار : والله مابيها ضغط ولج ذاك اليوم رحت وياها المضمد كلها 13ع 8 طبيعي وهي سوووت
لاااا من جرمن راسي دايخ راحت قاست مرة ثانية وتشرب ماي حتى العالي يصير طبيعي وينزل
درجة
غسلت ايدي وكعدنا بالمطبخ
:هي توهوس
كعدت يمي
ميار : نعل بليس… ذاك اليوم تسمع الابراج ولج برجها الجدي خررب هذا
البرج اصحابة مرضى نفسيين عدهم كلامهم وافكارهم صح والباقي غلط
: خليها تحجي شتردين منها
ميار : تدرين اتمنى اتزوج واخلص…بس قبل كل شي اتأكد اذا برجه الجدي
اكله انت بدرب واني بدرب
: نجبي دراستج اهم
: تصيرين لاتخافين بس كملي دراستج
ميار : لا والله اول واحد يدك الباب اوافق حتى لو رجال جبير اوافق بي
: ركزي بدراستج وعوفي هل افكار
ميار : مليت ماتحمل ضرب واهانة ياريت على سبب والله لو تشوفين البنات
وياي بالمدرسة كلشي يسون
: وشعليج بيهن؟
ميار : شلون! ترا يتعجبن من اكلهن ماعندي مبايل
: عادي كليلهن اريد اركز بدراستي
ميار : هم گلت
سمعنا صوت الباب نفتح
: اجت …ميمي الخاطري عوفيها لاتحجين
ميار : شحجي هو اني مامسوية شي _
لزمت ايدها
: حتى لو لاتراددين
هزت راسها
دخلت أمي كالت
جميلة : ضغطي صاعد
بسرعة نهضت
: اسويلج ليمون؟
هزت راسها بهدوء وطلعت علاكه
جميلة : هاج أنتِ وأختج
اخذها فتحت بتسمت من شفتها أعتذرت بطريقتها من تزعلنا او تتعارك ويانا متجي
تعتذر لو تبوسنا،لا… تعبر عن اسفها بطريقة اما تشتريلنا حلويات لو تاخذنا نتشتري
ملابس بس كلشي ولا تكول اني غلطانة…
سويتلها ماي واليمون ونطيتها
: اسويلج چاي زين ألج
جميلة : خلي اشرب ماي والله كريم
ميار : شكد ضغط؟
جميلة : 14ع 8 ونص
ميار : مرتفع بس قليل
جميلة : احس راسي يتگلب …جم مره كلتلجن لاتراددن تردن تموتني
1 تع
ميار : اخابرلج عمو يجي ياخذج للطبيب؟
هزت راسها
جميلة : عوفيي …ملتهي بمرته وجهاله
: يووم گومي أني أخذج لو اخابرلج الاسعاف
جميلة : خلي بلكت اصير زينة منا لبعد شوي
أمي راحت للغرفة، نطيت العلاكه الميار
ميار : همزين جابتلي كهوة خلصت
طلعت حليب بالكاكاو كلش احبه كعدت اشرب
: هاج هذا بله سوي ويا الگهوة يصير طيب
ميار : غير تخبل …
اجت اخذته
ميار : اسويلج؟
: جؤ …
وكفت تسوي الگهوة، باكيت الحليب بأيدي أشرب واجتني صفنه
مافكر بشي بس يمكن وقتها عقلي فصل عن التفكير، فزيت على
صوتها
ميار : ها تفكرين بماجد!
فتحت عيوني
يمامة: عزززا …والله ولا بالي لان اعرف حيرفض مثل غيره
ميار : ليش مابي شي!
يمامة : هسه تشوفين واذكريها
ميار : امي موافقة
هزيت راسي
يمامة : اذكري كلامي
طفت النار وتقربت
ميار : فهميني ليش؟
رفعت عيني ألها
يمامة : لان الهدف مو الزواج …وأنما الذل
ميار : تر دخت ليش أمي هيج تسوي؟!
نزلت عيني، هزيت راسي
يمامة : مو أمي…أصلاً أمي تريد تخلص من المسؤولية اليوم قبل باجر
ميار : لعد!
يمامة : روحي شربي گهوتج لتبرد بعدين تعرفين
راحت وصفنت تريد تربط كلامي رجعت نظرتلي لما عرفت
ميار : قصدج!
هزيت راسي بأيجابية
ميار : معقولة؟!
رفعت كتافي واني اشرب حليب
يمامة : وليش ممعقولة! بعض الناس لعبتهم يذلون المقابل
ميار : احنا ممحتاجي
يمامة : الناس عبالها عايشين بجاله
ميار :لايروحي كلها تعرف احنا عشنا براتب بابا الله يرحمه
يمامة : ومنو المسؤول عنج أمام الناس؟
سكتت…خضيت باكيت الحبيب
يمامة : يااا بسرعة خلص
ميار : غير صار ساعة تشفطين
شمرت الباكيت عليها
يمامة : نجبي ولج
ميار : أنتِ نجبي
رجعت شمرت رجعته عليها
يمامة : عليج الله ذبي مابية حيل اكوم
ميار : حبلة!
يمامة : اي بشهري
مددت نفسي ذبته وجابت كتبها والگهوة كعدت يمي
ميار : درسيني
يمامة : درب الچلب على كصاب
ميار : لاتذليني عاد اني بالرياضيات لافهم ولاعلم
نمت على بطني واخذت الكتاب كدامي ادرس المسألة رغم مدراسة خامس بس اعرف اذا أقرأ
أمثلة الكتاب افهم وأحب الرياضيات لان صعبة والبعض يشكي منها
يمامة : هاي سهلة تشبة الموضوع السابق
ميار : هم كالت بس من شرحت مافهمت شي أصلاً طب تشربت المادة وتطلع تكول يركضون
وراها تصيح منلحك بعد..
اخذت السجل والقلم
يمامة : هسه افهمج واسويلج متحان
بديت اشرحلها المادة لحد ما اني حفضتها وهي فهمتها
يمامة : الصبح من تكعدين هم ارجع اشرحها
ميار : باجر جمعة الاحد عندي متحان بيها
يمامة : هاي هي لعد يومية اشرحلج لحد ما خليج تضبطيها
رجعت صفنت بالكتاب
يمامة: ها شبيج؟ اكو شي مفاهمته؟
ميار : لا داشوف شلون اضبط امتحانين صعبات بيوم واحد والثاني هم كالت شهري
يمامة : ليش عدكم متحانين؟
هزت راسها
ميار : اي
يمامة :هسه ركزي بالرياضيات والثاني بالنهار
رفعت عينها
ميار : هم درسيني؟
يمامة :صار
سدت الكتاب وشمرته
ميار : يبو يمته اخلص بزعت روحي
ضربتها بخفة
يمامة : نجبي تردين تعرسين!
ضحكت
ميار : اي اريد رجل…الله والبس بدلة بيضة واخلي مكياج وألبس لي يعجبني
يمامة : هههههههه …هسه تسمعج امي وتفضحج فضيحة
ميار : والله بس تبطلني مابقى شهر يمها بسرعة اتزوج
ضحكت وهزيت راسي
يمامة : اييي لازمين سرة على باب
1 تعل
ميار : لا والله لحلو بينا هواي ننخطب هاي أنتِ شكم مرة نخطبتي! ويا ماجد 12
يمامة : حاسبتهم؟
ميار : اي وحافظة اسمائهم هم
يمامة : هههههههه.. والله؟
ميار : اي والله تذكرين واحد هم امه خطبتج اسمه محمد هذا اول واحد غريب وهذا لي بألمانيا
بس امي رفضته تموت اذا نبعد عنها
ضحكت
ميار : وغير كومة وخالاتي ثنين خطبنج
يمامة : هذوله كلهم وتصيح بايرة!
ميار : لذلك اريد اتلاحك نفسي
1 تعل
ضحكنا، ويا ضحكتنا سمعنا صوت
يمامة : سمعتي؟
ميار: بزازين
يمامة : خوماكو زبالة ليروحن يطشرنها؟
ميار : لا طلعتها برا
رجعت على نومتي رافه رجلية احرك بيهن وثوبي نازل مأمنه بينا ماكو شي
يمامة : كملي …
ميار : ها عيني وكون بيتي وحد
يمامة : ان شاءلله
ميار : وكون أثاث الي يعجبني على ذوقي واخلي رجلج ورجلي يصيرون اصدقاء
يمامة : اهمم
ميار : حتى طلعاتنا وسفراتنا تصير سوة واذا نصير جيران بعد احسن بس كون مو يم
أمي اذا بغير محافظة يكون افضل حتى مااجي بالسنة مره
يمامة : اهممم
ميار : وجهالنا يتكافشون وحنا نضحك
ضربتني
يمامة : شبيج!؟
ميار : اذا جهالي كتلوا جهالج خو متزعلين؟
يمامة : نجبي غير اكتلج انت وجهالج
ميار : يااا
يمامة : لعد شنو جهالي ولد البطة السوده أكتلج انت وجهالج وطردج
ميار : ياا فدوة اني اهم أكتلج وطلع ولاعرفج ولاتعرفين
يمامة : ها شوفي من هسه زعلتي!
ضحكنا بصوت
ميار : عمي انعل ابوهم غير يرحولج فدوة
يمامة : مسكين ابوهم شابع مسبة قبل مايجي
ميار : هو وينه خلي يجي
1 تع
ضحكنا ضربتها بخفه
يمامة : بس ولج اني اخاف من الزواج من هل شغلة هاي
ميار : ياشغلة؟
يمامة : تخوف شغلة طفل يعيش بطنج يمههه ونوب تجبين شنهي هاي! وتربي وتهتمين بي
ميار : اي وتغسلين وتحفظين شهل العبان نفس
سكتت ثواني
ميار : هم صح شو خفت
يمامة : هههههههه لعد درسي
ميار : لا ولج هي هاي الحياة لازم نتكاثر والمرة مالها غير بيتها
1 تع
ضحكت
يمامة : نجبي ودرسي
ميار : زين وانت شنو احلامج؟
سحبت نفس وصفت ثواني
يمامة : اني؟ …
رفعت عيني عليها اريد احجي عن أحلامي …وشنو اريد من الحياة
بس دائماً الحياة ألها رأي ثانية مثل كل مرة تخلي أحلامي وكلامي
بسلة المهملات ماتسمحلي أبوح ولو بحلم لو كلمة …
فجأة خلت إيدها على حلكها وعيونها جحضت، ملامح الضحك والمزح اختفت تماماً
أشرتلي بذقنها ناحية الشباك لي يطل على حديقة وكالت
ميار : كووومي ولج صار ساعة يباوعلج …
تجمد الدم بعروگي، حسيت گلبي وگف بنص صدري. الكلمة ضربتني مثل الصاعقة.. “يباوعلج”
مو بس نظرة، كانها اقتحام مرعب لخصوصيتي، وتذكير بأني مو بأمان حتى بنص بيتنا
6 تعل
#يتبع…
يابااا هلااا وغلا بروزاتي
من كد اشتياقي ألكم تهورت ونزلت بارت
ان شاءلله تكونون بخير وصحة وسعادة دائمة
يارب
