رواية رتبة وظفيرة الفصل العاشر 10 بقلم الكاتبة رسل فهد
رِتبة و ظفيرة
رُسل فَهد ..
..
11
هلا يالمَحد يعوضة
شوصفك يا شعر يحچيك ؟
انتَ الدوة و العِلة
ياهو البيك يتقارن!
شعرة بشاربك تسوة السَلف كلة
– رُسُل فَهد
76
..
في مكان اخر ..
40
سَحر : أبشرچ يمة عجل غير جاب السولفو عَنها للبيت
84
– وشلون قّنعها ؟
– ما متزوجها اجة عيگول امانة و امو ضربتها و طردتها
و هساع هي يم ابو قيصر
136
– دامو جابها يتزوجها بس الموگفو لهساع چلمتو
ضنتو اموت و يموت كلشي
82
سَحر : ما يدري باسم ترك الياخذلو ثارو
45
ابو بَاسم : شعيدور بروسچن ؟
يولن والله أذبحچن و ازت روسچن للچلاب ان ما
تركتن سالفة أبو شاهين
392
..
7
يَاسمين ..
35
ثاني يوم الظهر گعدت على ايدة بچتفي يحاول يگعدني
لگيتة مبدل و مكمل لابس دشداشة و لاف الغترة
بشكل يجنن و السبحة بأيدة و بنفس الايد لازم الجگارة
اكثر لبس يلوگلة من بعد الملابس السود
117
– يلا يول هذا تلث ارباع عمرچ رايح للنوم
119
شعري يخوف لان ما مشطتة بالليل
ظفرتة و بدلت طلعت لگيتة ماهو بالصالة ديدير مي للسيارة اشرلي صعدي
44
صعدت و مِشت السَيارة طلعنة من بغداد محد حچة
و لا حرف بعدين هو شغل الاغنية نفسها
– مَتمل ؟
– عَش مأذيچ !
142
ما جاوبتة احساس بداخلي مو مريح يا ترى شنو منتظرني
و هل هذا البيت راح اطلع منة يوم من الايام
لو شنو ما ادركت انو الحياة هنا مثل وادي السلام
لا يخرج منها الانسان الا روحاً و الجسد يبقى مَدفون
93
معقولة اكمل دراستي و احقق كُل احلامي و اصير
شخصية الها إسمها لو راح تنحصر حياتي
بواجبات البيت و مشاكل النساء الي متخلص !
لو اني عقاب الة من الرب على الاخطاء الي مرتكبهة
310
التزمت الصمت لأول مرة طول المسافة
15
قطعت افكاري هوَ يدخل السيارة بالكراچ و زلم مسلحين كومة واكفين هم
و النسوان و الجهال بَرة قبل لا يطفي السيارة گال نفس ما وصيت
هزيت راسي ونزلت گلبي گام يوجعني
46
منين ما اجيبها و اخليها احس روحي مذلولة رفعت راسي
و اشوفها كلها تباوعلي و عاقدة الحواجب اكو كم وجه بس يضحك
30
سَلم عليهم
أرشد : يُمة سهلة هاي الامانة يمچ ما اوصي
19
وحدة من النسوان گالت بصوت ناصي امانة لو عشيگة ؟
495
بسو كلهن خزرنهة ووحدة ضربتها على راسها هو يمكن ما سمع او غلس
بس شنو يعني عشيگة ؟
554
دخلن النسوان و هم ضلو برة اكو بعد وجوه ما شفتها بهذاك اليوم
وجهال هم كعدتني يمها سهلة و كلهن كعدن يمها وبس يباوعن
اتمنيت اختفي
22
سَحر : انا اضنو حتى اول مرة من دحكناها بالحوش چذبة
وهو مدليها الدرب
416
سَهلة : وچ يمگصوفة الرگبة
لا يسمعچ و يجي يفلع لسانچ حالچ حال التمادو گبلچ
69
سَحر : شجاج باجي واكفتلها سيف اني غير خايفة
تا ميعيد الغلط نفسو شحصل من الگبلها
سَهلة : لا تضلين تهترين تاميعيد الغلط بيج
261
باوعت لسميحة ابتسمتلها و هي هم ابتسمت
شوية و بدن يگومن يلتهن بشغلهن بس و لا رجال شفت بالبيت
انتبهت امة ما هيَ
7
دخلت يم سميحة بالغرفة تسئل كل شوية سؤال و نوب تسكت تستحي
بعدين كالتلي هو ابو شاهين يحبچ ؟
كتلها لا طبعاً
122
سكتت و بعدها اني سئلتها
– أگلج انتو شدعوة هَلگد !
204
ضحكت و بعدها حچت
7
سَميحة : دَحكي ابوية تزوج بالبداية امي سَهلة و يحبها
ضلت چثير يمو و ماگدرت تخلف راحت هي خطبتلو أمي
93
هو يريد خلفة بس ميگدر يكسر بأمي سَهلة
عاد تزوج امي بس شرط عليها
سَهلة تربي قسم و امي قسم يعني واحد لامي و واحد لسهلة
فهمتي ؟
120
– اممم
43
– امي من دحكت امي سهلة تعاونها بالربى
گامت من الاربعين تحبل خلفت سِت ولد و اربع بنوات
635
– حيل ! شدعوة
56
ضحكت .. بعدها گلتلها تدرين أول مرة شفتچ عبالي مرتة !
– اششش ، أستغفر الله حَرام
140
حطيت ايدي على حلگي .. مادري
– ههههه لچ تدرين ابو شاهين شنو بالنسبة الي هذا الهوى
اليصعد و ينزل دحكي اخوتي الستة و ابوية و امي
يروحون فدوة لطولو
224
– الله يديمكم بس هو غامض ميتحاچة
– هو هيچ من يوم .. و سكتت دحكي هو هذا طبعو من الله خلقو
هينا البيت يمشي بكلامو چلمتو ما تصير اثنين لو على گص رگبتو
174
– اخوانچ البقية متزوجين ؟
اي اثنين منهم متزوجين بنوات عمي هينا طبعنا لا نعطي للغرب
و لا ناخذ منهم زلامنا ما تقبل يكولون لحمنا يبقى النا
عسى ما كل الزلام تربع
767
– شنو تربع
– يتزوج اربع حريم
– يُمة عزا دادة شنو السالفة !
128
– تا اكملج ارشد اول زلمة لابوي امي خلفت ورا بساع
هو روحو متعلگة ب امي سهلة و لهساع ما يگدر
هو يحب امي بس حبو لسهلة فاضحو دوم امي تغتاض منة
و هو يراضيها
46
– زين من ربتة يعني ؟
– سهلة
13
– و انتي منو رباچ ؟
– ابو شاهين من وعيت على روحي و اني ما اطلب الحاجة غير منو
و محد ياخذ حگي من اغتاض غيرو عش متشوفين واكفتلو طول
تا ارد من جميلو شوية
115
– تداومين مدرسة !
– يول ما احبها لگلچ انا ما بية خير
جبتها كل رسوب كالي ابو شاهين يابة انتي اذا ما الچ
واهس بالمدرسة انضبي تا لا تضلين مفشلتنا
صفنت دحكت كلامو صحيح عاد بطلت
165
– ليش ماكو و لا رجال ؟
– بالشغل
22
بعدها سكتت و ضلت ترتب بالغرفة و اني صافنة فرشتلي بالكاع
والله نعسانة رجعت نمت كعدت العصر لگيتهة تبچي يم سَهلة
من شافتني مسحت دموعها وطلعت شوية و رجعت مغسلة وجهة
85
گالت تعالي نفتر بالبيت سهلة كالتلها لا تكحزي يمي تاريدچ تسوين النضيدة
بالليل صاحتني سهلة يمها وصبو عشا اكلت شوية و بدن يسولفن
28
الجهال شمرو فراشات من فوگ و بدو يفرشون
ويتعاركون على المخدات
182
عذراء : عش معقولة هساع ما زهبو السلاح ؟
عجل صارلو شكثر متروك !
231
– من گبل لا يموت عمي غَضبان تركو الشغلة و هادت گلوبنة
وهساع ردو نفس الطاسة و نفس الحمام
146
سَهلة : و انتن شنو تتدخلن بسوالف ما تخصچن الي يدحج عليچن يگول
التفگ بيدچ و تحاربن هيدن يوجوه الشوم
198
– عجل ليش يحبوبة زلامنا و گلوبنا تدحگ وراهم هاي الفروخ منو الها ؟
126
– الها الله بسچن عاد تفاولن على توج روسچن
زلام ما عليهم يطبون بنص الموت ويجرون لگمتهم من حلگو
606
– والله راضين بخبزة و طماطة و لا يرد خوف گبل
قطع الحديث دخولهم و التَعب ماخذهم
81
سلمو و گعدو
صَدام : يول شو فارشين يلا تهيرو تانروح بطينة
كامت الجهال تتراكض و الامهات تلم بالهدوم من الگاع
صارت هوسة
يعني هذني اخواتة ! عذراء و هاجر
493
كعدو اثنين شباب على الدرچ و ضلو يتشاقون وي سَهلة
عصام : عجل يمة والله ماعندج كيد ؟
تاركة ابوي وي امي يتونسون غادي و انتي مگابلتنة
107
– عجل شسوي تا الطليان تضيع بغير راعي حَشى الچبير
135
ضحك و گاللها .. ما عليچ زود يالچبيرة وسد الجهاز
صعد فوگ
26
حاچيت سَميحة تشحن الي التليفون
و اني احچي وياها شفت واحد من الولد الي كاعدين على الدرچ
يباوعلي من احجي باوعتلة غير النظرة .. عِصام
422
ثاني يوم رجوع اهلهم من السَفر
رُغم محد حچة وياي حرف بس من يباوعولي نظرتهم غريبة
كأنهم كانو منتظرين حضور الاب الچبير و بوقت الي راحو
يجيبوهم من المطار حَسيت حتى هوَ أرشد متوتر
80
طول هالفترة اني شفتهم بس خَمسة اخوان هي سميحة گالتلي سِتة ؟
سئلت سَهلة گلتلها خالة هم مو ستة بعد واحد وين ؟
سَهلة : ييمة هذا سالفتو ما تحچة
– ليش ؟
18
– هذا چان عاشگلو وحدة بسلفنة هو بعد ابو شاهين اجة
و البت اهلها ما عطوها حار شعمل و شتفنن بأهلها و ما عطوها
183
مرت سنين و اميمتو شرطت تزوجو لو تغضب عليه زوجتو
بت عمو وعساها لا فاتت عتبتة هالبيت
– ليش ؟
33
– دحكي يمة الحرمة ساعة التزوج بعد مالها غير زلمتها
تگف عليه و تكعد تتنطر بزرها هو حوصلتو صغيرة
يومية هرجة ب بيت العرجة لمن بزعنا
209
يومية يهالحرمة عباتها براسها وطالعة بعد ما يبيس بيها ويچتلها
– بس خطية ليش يكتلها ؟
– تگعد تذكرو باليحبها بدل ما تخلي ينساها يومية تجي جايبتلو
گالات من امها هيچ يحچون عليك اهلها
94
يابة تركيهم خيولون چلاب وتنبح !
لا ابد دگت عنجر تاتريد الزلم تتكاتل صارت عدها بنوات اثنين
وهي ما بطلت من هالسالفة
72
عاد َ مرت فترة چثير هي تحاول تغيضو تايگب علينا
و هوَ ساكت و گلبي لاچمني من سكوتو
لما صبحنا بيوم على صوت الرمي بحوشنا
– يُمة و شصار !
18
– تا مگصوف الرگبة ماخذ اليهواها من بيت اهلها و ترك حرمتو
و بناتو وضاعت اخبارو و اهلها هادرين دمو
و حرمتو ورا سنة تطلكت غيابي
و تركت بنواتها و تزوجت من گرابة امها
– يا عزا دادة
491
اشرتلي على بناتها هن وحدة منهن احسها مطايقتني
من هذيج المرة من اجيت .. فَرح و أسيل
284
دخلو الولد شايلين جنط السفر و النسوان كلها برة بس اني و سهلة
كاعدين بالصالة سلمت بَاوعولي بأستغراب
و نَظرتهم أتجهت لأرشد
26
هم كلهم واگفين
فِراس : يابة ارتاحو هَساع و بعدين افتحو الموضوع
7
ابو ارشد : يا چبيري خوفي تعيد المضى و انا هساع گلت يا الله
113
أرشد : دحك يابة انا لا خايف و لا مستحي بايع و مخلص
امانة و مأمنها عد أمي سهلة بين ميرد عمها و السلام ..
65
دار وجهة حتى يطلع
ام ارشد : عش تخاف يابن بطني اهو الناكر امو لا ينتظر توفيق ربو
.. بَاوعلها و هَز راسة ما جاوب
114
– عجل دام صرت مو گد المقام تاحتى مترد علية
حَرامات التسع شهور
163
هم ما جاوبها بس سمعها لحد ما كملت كلام و طلع
الكُل يباوعلي بنظرة حقارة و اني كلش استحقرت نفسي
بهذاك الوقت ماعدا كم عين تباوعلي متعاطفة وياي
25
اخذتني سميحة للغرفة كالت
لا تنقهرين هي امي هيج دومها ويا لان متعلق بأمي سهلة
39
جابتلي سميحة غدة كتلها ما اريد صارت العصر و كل شوية
اسمع صوت صياح بالصالة و سهلة تسكتهن
اجتني وحدة من بنات اخوهم الشارد
فَرح : تهيري انتي و غراضج جدتي تريدج
111
طلعت وكفت بباب الغرفة
وهن كلهن ملتمات خو هاي سَحر مرة فراس متخصرة
81
ام أرشد : تلمين الاجيتي بيهن و تردين منين ما اجيتي
وان لگاچ ارشد تگليلو انا ما اريد عيشتكم و ان طلعت چلمة من الحچيتة
رگابچن گبل رگبتها
295
سَهلة : خافي ربچ يا مرة
– لا تحچين بمخافة الرب و انتي ضناي بايگتو من حضني
213
دكت العصا مالتها بالگاع و گامت اشرت علية
ان ردتي تلعبين بعداد عمرچ ضلي هينا
61
– خالة وين اروح ؟ هَو مَيقبل
تقربت علية وگفت بصفي جرتني من شعري .. للگبور
اجني البنات يلزمنها عتتني حيل وگعت بالگاع
92
وگفت عزت علية نفسي گتلها ترى عيب عليچ
غير اگول مرة چبيرة و محترمتچ
152
اني حچيت هيچ لو هن كلهن حطن ايدهن
على حلگهن و سميحة لطمت معقولة هيج يهابوها
365
هي لزمت العصا وو صارت تضرب تطفي نار ابنها بية اني
أگدر أسوي شي بس أدري بروحي أتهور و اخاف اسوي حركة
ويصير بيها وشيخلصني بعد
48
لزمت العصا و جريتها من ايدها دخل عصام
– هاا هااا ول يابة شمفينات ؟
71
دخل شافني بالگاع و العَصا بأيدي و ضربة بأيدي
چانت قوي اني لازمتها سحبني و اخذ العودة مني و شمرها بالگاع
5
– شبيچ يمة عش تضربين هالطفلة دحكيها زين بعمر حفيداتچ
– تريد رضاتي ابعدها عن اخوك تاميعيد الغلط نفسو
گلبي ما مرتاح لطبتها انتو عش ما تفهمون !
229
عصام : يُمة وهو قابل اخذها دحكيها
تراها زعطوطة و يتيمة كال امانة بين ميرد عمها
– و انا مو جاهلة يبزرة بطني من دحكت طبتها ذيچ
ما ضنيت وراها طلعة
106
– بالله رحمة لربچن لا تهججنة ما عَولنا يركد هينا
– خلة يهج و لا يرد يذبح
64
سكت ما جاوبها و اشرلي على غرفة سَهلة روححي
– تكسر چلمتي ؟
– ما عاش بس يمة البنية امانة و انتي شوهتيها اذا عاين شكلها يفين حضنا
– طلعوها من بيتي
141
هديت ايدة مني و اتجهت للباب اجتي سميحة تركض وراي
تريد توكفني مسحت دموعي بطرف ردني و طلعت
عصام اجة قفل الباب و ما خلاني اطلع
112
گعدت بالحديقة ابچي على حظي و على عمري
الي يوم ورا يوم گاعد احس اني المَفروض اموت
ناس و عندها اهل و ما مدبرة حياتها
تريدين انتِ الي صفيتي وحدچ بنص غُربة تعيشين ؟
179
و اكو صوت ثاني بداخلي يگول عندچ رَب رحيم
مُستحيل يعوفچ و هو وصى بالايتام
و مستحيل ينساچ و هو خالقچ
بگد العذاب الي نشوفة بالامتحان الالهي
اكو بحجمة سعادة راح نعيشهة فقط يحس بهالشعور
الانسان الي عندة ايمان برب العالمين
52
ياسة گومي تحملي مذلة الطريق
حَتى تفتخرين بشموخچ بَعدين الدنيا قصيرة
طلعي منها بشي حلو
76
حاولت وياي سميحة ادخل و ما قبلت
شفت ابو قيصر دخل هوَ و مرة و اربع بنات
هن هَذني الي راد يخليني اداوم وياهن !
29
بعد ما دخلو اجتي سميحة وياها وحدة من البنات الاربعة
سَلمت عليها وگعدت يمي گالت اسمي رَونق ابوية يسولفلنة عَنچ
.. ابتسمت
187
رونق: المدراس بعد اسبوعين گال خالي تداومين ويانا
-اممم
12
دخلت لگيتهم ملتمين بالصالة بَس فرحانين
لانو ام قيصر حامل و يدعون بلكي ولد لان مسقطة هواي
44
شافني أبو قيصر
سلمت عليه باسني و مسح على راسي گال شونچ
كتلة زينة .. و مَصدومة شنو هالحَركة !
287
– تحضري عتروحين وياي للبيت رَونق طلبتچ
ابتسمت بس حسيت شعور يجنن
كأنو هو عارف اني متأذية و ما رايدة المكان
40
هوَ دخل من باب المَطبخ ويا فراس يتناقشون
اجني البَنات رحنة لغرفة سميحة نسولف ع الدراسة
هنَ هواي متعاطفات وياي حسيت كلهن يعرفن ام ارشد ضربتني
34
اخذت ملابسي و تليفوني و شفت الفلوس باقيات مو هواي
ماعرف ليش بوقتها گلت خلي اضمهن عندة
او بالاحرى ردت فرصة بس احچي ويا
135
قبل لنطلع هو چان واكف بالگراج يحجي وي ابو قيصر
باوعلي اريد احچي صغر عيونة و هز راسة بمعنى احچي
ابو قيصر طلع بالشارع گال يالله وهن بعدهن دگ سوالف يم الباب
18
يَاسمين : اضم يمك شي
أرشد : شنو يول
– هاي الفلوس لان حايرة بيهن
– ههههه اصرفهن
– لا يُمة لعد جيبهن بالگوة جمعتهن
ضحك ضحكة قوية كلهن انتبهن علينة
518
– اخذهن من ايدي و خلاهن بجيب الدشداشة يول عيونچ زرگ بس ضيگة
321
– مو مشايفة بس جبتهن بتعب لا والله صدگ مشايفة ضمهن زين
مستمر هوَ بالابتسامة گال من تحتاجين شي خابري يَطرگاعة
167
طلعت سويتلة بيباي رفع ايدة و ابتسم
باوعلة ابو قيصر
– والله زمن شفناك مبتسم لو ادري من زمان اجيبها
207
عَض شفتة و دگ على گلبة
– مَات
1.7K
سَلم و البنات صعدن وحرك السيارة ورحنة
دقيقة بالزايد و وصلنة بنهاية الشارع بيتهم لعد ليش الا سيارة !
121
البَنات أربعة
رَونق الچبيرة تداوم سادس علمي
وَ سَمر بگدي بس صارت ثالث و أني اعيد الثاني
غفران اصغر مني بسنة و ملاك سادس ابتدائي
353
اجتي رَونق من الصالة
– عجل ليش جدتي ضاربتچ ؟
– مادري والله دگولي اطلعي من البيت ..
دخلت الام
أم قَيصر : بنوات ترى جدة مريضة ما تگدر تسيطر على اعصابها
رونق : عجل مصايب خوالي مرضتها
خزرتها امها سكتت
81
مَرت الايام حَبيت حياتي بين البنات
وگلتلهن اشتغل وياچن بالبداية ما قبلن بس بعدين عادي
بس كلش تعلقت ب سَمر لان هي كلش تعاملني حلو
تذكرني بدُرة شگد مشتاقتلها
114
– سَمر انتو ليش يسمون ابوچ ابو قيصر و انتو ما عدكم ولد ؟
– لا دحكي چان عندنا قيصر الله يرحمو طير بالجنة
اكبر مني اجة ورا رونق عمرو ثلث سنين و مات
– يا خطية الله يرحمة
81
– و بعدو سقطت چثير و گبل
مدة امي طلع بيها ولد و فرحنا و ابوي
الكاع ما لامتو تالي سقطت امي و هساع حامل بس كلنا عندعي
يجينا قيصر انتي هم ادعي
– ان شاء الله يا رب
57
يمر يوم و يخلص الثاني
و اگول باجر يجي و ماكو اتصل علية كم مرة على گد السؤال و يسدة
9
البَنات دخلولي الانترنيت
و گعدو يعلموني الله هاي هيچ الحياة حلوة و ما ادري !
صرت بس اباوع مسلسلات و التهي بأشياء حتى يروح من بالي
141
ما بقت على المدراس غير خَمس اريد اخابرة
بَس أكول لا خلي اشوفة هو گد حچايتة لو لا .. بالليل
2
اچتني رِسالة باوعت لگيتة هوَ
– تهيري باچر تا اخذچ اسجلج
– شكرا
اتصل عَلية ..
22
أرشد : الو
– ها هلو
– شونج ؟
– زينة
-باچر بالتسعة تا اكمل و اروح للدوام
– اوك
12
كان هيچ محدود بالكلام اني اريد اسولف بعد !
اباوع المُسلسل حتى انسا و اني اتخيل الابطال كلهم هوَ
501
تمددت على آمل باچر اشوفة النَوم ميقبل يمر بية مشتاقتلة!
خليت أيدي على گلبي و غَمضت
– لتروح زايد حباب لَتروح
303
بـ التسعة كعدتني ام قيصر اخذت ملابس و سَويت شعري
ذَيل حَصان ما ظفرتة هَالمرةچنت خايفة افوت للمطبخ
و ما أسيطر على نَفسي
7
گلبي يدگ سَريع و وجع بَطني ملابسني شعور الخوف
رُغم اني ممسوية شي دخلت وضاغطة على ايدي كون ما اسوي
حَركة زَايدة
80
لگيتة هو و قيافتة و سَمارة و شواربة و زَندة الي مَتروس وَشم
يَشرب چاي و يحچي وي أم قَيصر باوعلي و أبتسم غير أثگل !
277
تقربت يَمة هو چانت عيونة حاسة راح أسوي شي
نَزلت راسي و بِستة بخَدة .. لَم شفتة لداخل حلگة و مِسح شواربة
5.8K
أم قَيصر باوعتلي بصَدمة .. هو ضحك
أرشد : شايفة ملاك هم عقلها اكبر من هالطرگاعة
584
هيَ ابتسمت بس كأنها مراضية هو اني رجلها بَاسني و ما ضاجت
سوتلي لفة هَو غسل أيدة
– كمليها بالسيارة
168
فتحت الباب و صعدت بالسيارة
– مرتاحة مو ؟
12
اريد أگُلة اني ممرتاحة! اني اخلص اللليل ابچي من وراك
و اكو وجع بداخلي بَس من تخابرني يروح بَس ما أگدر
غَمضت و گلت
– يي كلش
91
– عَش ترادديين امي ؟
– وستوك تذكرت !
113
– اممم
– خو گول لامك ليش تضربني .. هَز راسة عود كملي ما جاوبت
أرشد : لا أمكانية
279
أخذني للمدرسة تذكرت هذيچ مدرستي تجنن احلا من هاي
و دُرة الله لو ارجع اشوفها
22
چان بأيدة فايل و مجموعة اوراق
دخلنة سلم على المديرة استقبلتة بسلام حلو
انطاها الاوراق
– رايدچ بخدمة
– تأمر ابو شاهين مننسة افضالكم
ابتسم
– تسجليها يمج وعينچ عَليها
52
– تتدلل شافت اوراقي سئلتني كم سؤال تملي الاستمارة
– ولي امرها موجود ؟
أرشد : مو بعينچ !
312
– لا والله بنصها بس تاكول ابوها امها
– أنا
688
سكتت و بَعدها گالتلة وقع و اني هم وقعت
تشكر منها و ردنة نطلع .. گالتلة شتقربلك ؟
– بنت صاحبي امانة
128
طلعنة و صعدت بالسيارة باوعلي و گال
– ها رضيتي !
هزيتلة راسي و ابتسمت
9
– بس ترى خبلتني كل واحد دگلة اني شكل
عاد اثبت على چذبة حتى ما اتيه اني شنو اقربلك
ضحك و كفخني خفيف .. طرگاعتي السَودة
660
مِشت الايام و ابو قيصر جابلي ملابس وي البنات و باچر دوام
و خايفة و فَرحانة عني امل كُلش چبير اني بيوم من الايام
راح أصير شَخصية قوية و ما أحتاج أحد
لا أحتاجة بَس هو !
725
داومت ودُرة ماكو ! المَدرسة مو حلوة
بدة الدَوام و حاولت اكرس كل وقتي للدراسة بَس حتى
ما افكر بي احسب لوقت نزولة يوم يوم و ميجيني ، ليش ؟
38
مَرات اسئل البَنات عنة وحدة دگوم تباوع للثانيةً
و يگولن موجود .. صرت أخجل اسئل بعد
82
بدت أمتحانات الشَهر الاول و أني متوحدة ما اتقرب لأي بنية
احس اذا صادقت أخون دُرة و محد تفهمني مثلها
هيَ روحي الثانية
334
چنت من المميزات بالتحضير اليومي و أمتحنت الشَهر الاول
و چانت درجاتي كلها عالية و فَرحانة بنفسي ما غَيرت مستواي
كتبت دَرجاتي و دزيتهن الة جاوبني .. بــ عَفية ..
518
اخذت ملابسي و رحت للحمام فتحت مَي الدوش و عيوني سوة
اعض بأيدي خاف تطلع صوت شهگتي
و البَنات حمامهن بالغُرفة نَفسها لمن حَسيت روحي ارتاحت شوية
طلعت
99
سَمر : شبيج يَاسمين ؟
– الصابون دخل بعيوني
104
تمددت و غطيت حتى راسي لحد ما نمت
” هَد حيلّي ، البُعد
يالـ شوفتك رآحة “
1.4K
..
سَميحةً..
82
ورا ما طَبت ياسمين لحياتنا صارت خوفة بگلوب الكُل
ينعاد المَشهد بينا بهذاك اليوم الي چان بي عمري سِت سنوات
39
هذاك اليوم الي
چنة منتضرين بي جيت ارشد النة من لُبنان هوَ و عَمي أبو رَعد
چانت هاي بداية شغلهم بعدها صار كل شهر يروح لـ لُبنان
31
تخرج و معدلو عالي بس شرط عمي يدخلو عَسكرية
تايسهل عليهم الشغل وهو هم جان راغبو رُغم ابوية ما رضى
32
امي سهلة چانت الوحيدة الما قابلة بروحاتو للبنان و خايفة منو
الى ان بيوم اجانة ويا شابة حِلوة ضنينا مَرتو
بَس هو ممتزوجها
21
چانت اذا يكلها اللبن اسود دگولو تَم گد متحبو
أبوية و عمي گلبو الدنيا ساعة الي عرفو هو صارلو سنتين
وياها سَنتين علاقة بس بدون زواج
875
ابوية و أمي تمرضو لان هذا من المُحرمات
103
گال اني اريد اتزوجها جبتها حتى تعيش وياي
سوولة عرس يجنن لان هو چبير ابوية
لحد ما بيوم هي گالتلو اني حامل و كلنة فرحنة الا هوَ
107
تسع اشهر هيَ حامل و هوَ هجرها معيرضى
حتى تنام يمو و اني قايمة بواجبو و هي تنام يم امي سَهلة
وهو يخلص ايامو شغل و جامعة
117
الخوف ياخذها كل ماينجاب اسمو
مرات تصعدلو تبچي دگلو عَش يسوي بيها هيچ
يجاوبها ماعندو شي هي حامل و لازم ترتاح
و هو عندو جثير التزامات
28
مَحد جان مصدگو ابوية يگلو انتَ عتموتني ناگص عمر
و هو يگول والله مكبرين السالفة
13
لحد ما اجة يوم الولادة كالولة كَبر بأذنو الطفل ما قبل
و ابوية راد يضربو وهو اخذ الولد و ترك البيت و هَج ..
855
…
يَاسمين ..
25
كانت هاذي الايام من ضمن الفترات الصعبة
نَستني حتى وجع فراق اهلي من گد المها القوي
25
فكرة انُ هو ما عايل وياي و لا مأذيني
قَدملي الي عمي ما قدمة الي بَس اني وجعي من گلبي
16
داومت و أجة الشَهر الثاني و هوَ ما كلف نَفسة بجية مَرة
صار حتى من يتصل مَرات ما اجاوب
إجتي امتحانات نصف السَنة و المديرة مَرتين دَزت علية
عبالهم مريضة بالتوحد
86
اجتي سَمر گالتلها لا هي طبيعتها هيچ
اكثر من مرة ابو قيصر حچة وياي
– بابا اذا يوجعج شي گولي اني ابوج و أمينة امچ
والله معزتج من معزة البنوات
167
-لا عمو والله ما بية شي
– عجل عَش هيج متغيرة ؟ محتاجة شي ؟
– لا عمو
– يابة و لا تعبين نفسج بالدراسة جثير
درجاتج حلوة بس الصحة اهم
57
– ان شاء الله
و عفتهم و رحت نمت
شلون اگلة اني احب أرشد ! شلون أگلة غيابة هو المغيرني!
632
بالعُطلة صار عدهم عرس و هن اسبوع كامل يحضرن
ام قيصر اجتي تقنعني اروح وي البنات كلتلها ما اكدر
4
ام قيصر: عجل كلنا منروح رَعد مايرضى
گال اذا معتروحين محد تروح
89
– اني شعلية ! عفية لتسوون هيج
– بداعتي اذا تحسبيني مثل امج تعالي وي البنوات
– بَس مو بيت أرشد !
43
– لا والله بيت عمي فلاح الي ماخذين اخواتي الاثنين
عرس ولدهم الثالث
24
شفت كل الفساتين الموجودة و الملابس مو ذوقي
اجتي عيني على بشت أسود و الحاشية شَذر ذَهبي
192
البنات گالن لا مو مال عرس بَس اصريت عليه
و اجة يوم العرس و البنات يسون شعرهن عجبني أسرحة
لانو الظفيرة عدمتة گد ما أسويها
55
و بدت سمر تكوي و تتعب تساعدها غُفران رَونق ملتهيا تراسل
هنَ لبسن الحجاب و اجتي امهن تباوع خاف وحدة حاطة مكياج
و تستكشف الوجوه
156
عبرتني ما باوعتلي رُغم هي الحَركة حلوة منها
بَس اني حَسيت روحي أنعصرت اتمنى عندي ام تحاسبني
احب اعيش هالشعور لو لمرة !
178
طلعنة بَس شعري ضايقني لو ضافرتة احسن
چنت گاعدة بالنص همست سَحر
– تدرين طالعة تخبلين بالاسود ؟
– حياتي شكراً
98
وصلنة للبيت چبير بَس بنائة قَديم
الزلم تارسة الشَارع و المُطرب و صوت الاغاني الشعبية
و الاطفال و السَيارات ، اجواء غَريبة علية بَس حلوة
31
نزلنة و ابو قيصر شفتة يأشر لأمهن علية
هيَ خلتني گدامها و طبينة جوة هوسة السلام اتعديتها لان ما اعرف احد
شفت العروس گاعدة بالوسط و نسوان هواي يركصن كدامها
65
و بنات صغار ممكيجات و لابسات بدلات يرگصن اجتي عيني
ضليت واكفة يم سمر گلتلها عفية اني استغرب امشي نگعد بغير مكان
اخذتني و صعدنا بالسطح نباوع
30
اگول انسى و اني اول ما باوعت عيوني تدور عليه
شِفتة واكف يَم ابو قيصر هوَ و دشداشتة البيضة و شواربة
و الجگارة الي متفارگ ايدة وواگف يمهم واحد كل شوية يرمي
156
بدو يرگصون چوبي و هو حاولو يدخل وياهم بَس ما قبل
وگف بعيد يشمرون كلام و هوَ يضحك
57
صَبو العَشة و غفران لحگتنة للسطح هي و سميحة
جابن صينية و اكلنة بالسطح
40
سَميحة لزمت شعري
– يولي كأنو خيوط ذهب متتحجبين والله حرام
– من التزم البسة
– اجيبلج تجربين ؟
من نزلت صحت وراها كون اسود
56
ما حبيت اكلها لا راحت جابتلي شال اسود خليتة على راسي
و نزلنة حتى اشوفة بالمرايا وي نَزلتنة صار صوت الرَمي بَرة
و گالو راح يدخلون الزلم يزفون
18
اني بحياتي مشايفة زفة اقوى شي جنت اروح وي بيبي خطوبات
جرتني سَمر للاستقبال و كلهن واگفات طبو كل الزلم و العريس
وياهم و يرگصون هُم و النسوان الكبار
20
اختنگت من ضيقة المكان الي صارت طلعت من الباب
سمعت واحد هِمس چان واگف بصفي
– گمر 14
783
رفعت عيني هذا عُصام اخو أرشد !!
من خوفتي رجعت جريت سَمر وياي كلتلها عفية خنگة
وگفنة يم الدَرج
149
باوعت للباب صوت ضحكتة.. اي هوَ
دخل هوَ و ابو قيصر و هذاك الثالث يهوس و يرگص
44
اختلف كل وضعي الرجفة لزمت ايدي
بَس يتقدم يشوفني و أني ما اريدة يشوفني خليت الشال
على وجهي و طلعت بَس عيوني
434
حسيت بأصواتهم بدت تقترب طَلعو العريس ومرتة و صَعدوهم فوگ
و صارت مَلحمة انلطخت بالدرج و ابو قيصر
يصيح ع كيفكم ع كيفكم
185
حَسيت بأدين ضخمة على زَندي سحبتني من وسط الهوسة كلها
چان كل ضني سَمر بس تخربط وضعي من سمعت صوتة
72
– طِلعي گُبل يَم السَيارة يطرگاعة
622
.. ملثم مِن تُمر ما أعرفك تريد ؟
اعرفك لو تحط إعلة اسمك لــثام .. 🤎
2.9K
..
رُسل فَهد
