رواية رتبة وظفيرة الفصل السادس عشر 16 بقلم الكاتبة رسل فهد
رتبة و ظفيرة
..
شَمل منك ؟
يچنك سالفة شياب
يچنك كل قصيدة غَزل للنواب
ي ريحة رشةْ الحيطان
ي ابو عيون الفِشل تنعاب
– رسُل فهد
….
في مكان اخر
75
ام باسم : هلا يبعد جدة و اسمها شلونة زلمتي باسم الصغير شحلاتو هالاسم ؟
باسم : هلا جدة بخير أمري
78
ام باسم: بعد امك غيرت النوينة عليه هالمرة الوجع اقوى
باسم : كولي جدة
17
ام باسم: ما اريد ضنا ينرادلو جثير وكت و الروح ماهي مطولة
باسم : كولي جدة شنو
31
ام باسم: ناخذ اليعشگها هي بعمرك اضن
باسم : وشسوي بيها !
272
ام باسم: تشلعها من گلبو ، و تزت راسها بحضنو
باسم : جديد هالحجي !
يَاسمين ..
صعدت انام والابتسامة محتلة وجهي ليش بس من احجي ويا احس الدنيا حلوة اول ما رفعت الغطا تذكرت الواجبات العلية و أدري اذا نمت
راح يگعدني الم الادمان فتحت الكتب و كعدت اقرا
75
اخذ يومين يتصل و يفتح كاميرة بعدها اختفى و ابو قيصر گال ماخذيهم لمكان ثاني للتدريب گال اني من يصير عندي وقت احول على غير منطقة و اطمنكم ، بهذهِ المواقف وياهم التزم الصمت و أني كلش اعرف
” اذا أُغلقت الافواه ، تكلمت العَيون “
65
من الصعب شخص يعاني من الادمان لكن الاصعب هو لازم مينكشف
فوگ الوجع ، كُتمان كان شي اشبه بالموت البطيء
37
شلون بية وين انطي وجهي ابحث بالنت عن طرق تخفيف الوجع
چان من ضمنها تبريد الجسم بالماء البارد و اني هالحالة اسويها بدون ما اعرفها ، رفعت عيني ليفوگ
– رغُم غلطي وذنبي يا ربي واگف وياي ؟
لعد بشنو نوصف رحمتك و لُطفك ؟
167
چنت هواي احاول اسيطر على نفسي و اگول اني گدها
و اني غلطت و لازم اصحح غلطي بدون ما ادخل احد اول يوم چان اصعب يوم بحيث بگد ما اغرس أيدي بزندي لمن هدأت شوية
باوعت الدم تحتل الردن
30
هو اذا كان الالم مية بالمية فـ نِسبة علاجة بالمي أثنين بالمي فقط
لكن العقل الباطن موصل فكرة للعقل بَس هو الي يگدر يهدأني
عبالي اذا اتعود كم يوم راح اعبر مرحلة الخطر لكن بالعكس
وضعي ديسوء بالزايد
36
لحد ما بعد كم يوم دخلت للحمام فتحت الدوش دخلت اني و ملابسي
ولازمة راسي بعدها بديت اگرص جسمي قوي بس حتى يكون تأثير الحركة الي دا اسويها اقوى من الوجع الي صاير بجسمي
24
عصرت كف ايدي و صرت اضرب براسي قوي ومگاعد يخف الالم لحد ما تقربت على السيراميك صرت اضرب راسي خفيف اكو صوت بداخلي من شخصيتي الطبيعية لكن ضعيف تجيني موجات منة تگول ياسمين تحملي لتسوين شي و تتندمين
177
من بين هالصوت و بين الوجع ما اعرف شوكت ضربت راسي قوي
بس ادركت الغلط لمن وگعت بالكاع و صار غَواش بعيوني و انتقلت لعالم اسود ..
130
وعيت على نفسي و اني الكانولة بأيدي و المغذي معلگ البنات نايمات
باوعت للساعة الوقت متأخر بالليل
انفتح الباب دخلت ام قيصر كأنها تنتظرني اگعد
ام قيصر : ها حبيبتي شلون صرتي ؟
– ليش اني شبية هذا شنو المغذي
ام قيصر : يولي غير هبطتينا ، عَش تردين تموتين نفسج
ضغطچ مصفر و أغمى عليچ بالحمام
36
جريت نفس الحمدلله يعني ما انكشفت
– ما ادري ما اتذكر
ام قيصر: يا امي اهتمي لصحتچ ترى تموتين شنو تحصلين ؟
اعرف تحبينو بس والله شغلو الي مدمرو
196
الصبح سمر وخرت الكانولة من ايدي و استلمني ابو قيصر رزايل على شكلي و وضعي و امتحاناتي الي قربت واني لسة ممسيطرة
صعدت فوگ اريد اخابر عصام باوعت للمرايا شكلي صار يخوف اكثر
15
يَاسمين: عفية شوفلي صورة حل اني بديت أأذي نَفسي
و البارحة ردت انكشف
عصام : ياسمين شسوي يعني حتى اذا اجيبلج علاج ميفيدچ بدون سيطرة غير تتخبلين راح اجيبلج شريط يبقى عندچ منا لمن تخلص الامتحانات
حتى وراها تتعالجين
723
يَاسمين: من اخذ انام هواي و اني اريد اقرا
عصام : عجل شسوي ؟ حرت وياج
يَاسمين : جيبلي بلكي اموت و اخلص
– لا اسم الله يولي والله اعالجچ معليچ
139
سديتة و اندب حضي هو انتِ عايزة و تشربين جگاير
نوب تطلع الجگاير بيها مخدرات دخيل ربي بحياتي ماشفت فگر مثلي
العصر جابلي شريط يمكن عندي اعز من حياتي صار
هيج ضامتة بروحي بروحي وادري موتي عليه يصير
110
اول ما خلا بأيدي فتحتة و حطيت وحدة بحلگي و كعدت على الكرسي
عصام : اصعدي ليبدي مفعولها
يَاسمين: الله ينتقم منك .. غَمضت حسيت بمفعولها بدة
ردت اصعد درت وجهي عليه .. اني اعلمك بس خلي يجي ارشد
306
بدة المفعول بجسمي و طرت لمكان بعيد وراسي ميفكر بشخص غيرة
حتى من أدمنت لاحگني هو اني لو ما انت اشرب جگاير
اوف منك اوف
235
گعدت الصبح راسي مسطور بسرعة نزلت شربت براسيتول
رغم صداع راسي بس گعدت اقرا اذا ارسب يطيح حظي
بعدين فكرت هو عصام ليش يخاف ارشد يدري ؟
لزمت التليفون دزيتلة رسالة
– انت ليش دكول ميصير ارشد يدري ؟
21
دقايق و جاوبني
– بس لا گتيلة ؟
يَاسمين: لا بس يمكن راح اكلة
عصام : أنچبي ياسمين يذبحچ والله و يذبحني
– عليمن اني هواي اغلط و يسامحني ، عادي هو حباب
64
عصام : الا هاي و الله يعلگچ بالبنكة يولي ترى تا اجازف بروحي واجيبلج
شريط لتغدرين بية وتفينين حظي
يَاسمين: انت هم تاخذ ؟ شو انت زين مو مثلي
عصام : اني تعالجت هم صار عندي بداية ادمان مثلج اني و محمد
بس طلعة ارشد من خشمنا
133
يَاسمين : يعني منين تجيبون ، مو عالجكم ؟ خلي يعالجني تعتب
اصلا راح ارسب لان مدا اقرا
ارشد : يولي ارشد اذا عرف والله نموت ، لج هو يتعب خاطر يلزم الي يتاجرون بيهن و يعرض روحو للخطر هنوب يعرف بيچ مدمنة !
يذبحني والله يذبحني
258
يَاسمين : شلون بية لعد
عصام : بس خلصي الامتحانات ، ياسمينة حبيبتي بس اسمعيني
يَاسمين : لدگول حبيبتي هيو
عصام : ماشي بس اسمعي اني والله شايل همچ
ارشد من عرف بية ادمنت خلة مُسدسة براسي لو ما الله چان كتلني
هنوب يعرف صايرة مدمنة بسببي ، لا لتغدريني
243
يَاسمين: انتَ شعليك ، اني اخذت الباكيت بدون علمك
عصام : متمشي على ارشد ، ياسمين لتخبليني
تركتة و اني راسي راح ينفجر من الالم و التفكير
6
شوية و دزلي مسج دخلت لگيتة فيديو هوَ و اخو و يمهم دكاترة و ارشد و فراس لازميهم و عصام لازم راسة و يصيح بصوت مخيف و يريد يضرب راسة بالحايط لزمة ارشد صار يضرب بي بشكل مُرعب
معقولة ارشد هيچ يضرب ؟ ضليت اقرب بالفيديو حتى اتاكد من شكلة
143
الى ان هدأ عصام من گد الضرب گعد بصفة ولمة بحضنة
وعصام صار يبچي بصوت عالي و فيديو ثاني عصام مثل المجنون
يفتر و يعض بأصابيعة و دخلو الاطباء وهو يتعارك وياهم و هم دخل ارشد
ضربة كم راشدي يالله هدأ و بدو يسحبون منة دم و ضربو ابرة
179
عصام : هذا العلاج مال أرشد گوليلة عادي بس تنسين المدرسة
لان اني اقل منچ وطولت شهر عجل انتِ شكد تبقين
.. صدگ صارت عندي رهبة و خوفة كلش جبيرة
من الفيديوات كتبتلة زين منو صوركم ؟
24
عصام : هو ارشد بدون علمنة بعد ما خلصت فترة العلاج
دز الفيديوات النة گال دحكو ضعفكم عيب حتى اعدكم من الزلم
64
يَاسمين: زين منين تجيبوهن
عصام : يول هو مو يتاجر بالاسلحة خاطر يعرف الي يتاجرون بالمخدرات
يَاسمين : يُمة ! هو يتاجر بالاسلحة ؟
135
عصام : معقول ؟ متعرفين ! يولي لتجيبين طاري تمنجدنا والله
يَاسمين: يعني هو يتاجر بالمخدرات ؟
عصام : دنچبي ، عجل ما صار مدمن شكثر ثولة هالبنوة
يَاسمين : ترى دوختني لعد منين تجيبوهن ؟
– مو شغلچ
192
صرت اربط يعني الاسلحة الي بـ بيت بغداد هاي يبيعهن
يعني مو مال الجنود زين المخدرات شنو ! ليش عصام ما قبل يگلي
وليش كل هالفترة ارشد ميگلي اني اشتغل بالاسلحة
شنو يخاف مني ؟
128
يربي شنو هالصدمات ! ضليت كلساع ارجع للفيديو من يضرب عصام
و اني عبالي العلاج اليقصدو بس دوة يومية اتصل عليه و ماكو انترنيت
تعبت من الانتظار صدگ حسيت بنفسي بديت اصير مخبلة
يوم يخلص و يبدي الثاني و اني على وضعي كلهم مقتنعين اني تغييري على بُعدة عني ابو قيصر ابد ما اخلي يشوف شكلي احسة يكشفني
42
فتحت جنطة المدرسة بالجيب الصغير مخلية الصورة الي اعز من روحي
بيها ابوية حاضن أمي و اني صغيرة بالوسط نزلت دموعي مقهورة هواي على روحي وين كاعد اودي نفسي وين رايحة باقية يم عالم ادري بيهم ميردوني و مجبورين بية
59
و الي ملوع گلبي بعيد علية و ما ادري أخبارة شنو هم يشتاقلي مثل ما دا اشتاقلة والله تعبت روحي والله تعبت اشكي الي بداخلي و ادري ماكو اذن تسمع لو أبچي على نفسي شسويت بيها بغلط واحد
42
حضنت الصورة وانفجرت بالبچي أجتي سمر يمي حضنتني و تصبرني بكلمات حَنينة و انُ الرب اكيد دازلي عوض حلو مدام اخذ اكثر اثنين يحتاجهم الانسان بالدنيا
26
هيَ حچت هالكلام و لزمت الگلادة الي بيها صورتة
5
يَاسمين : سَمر گال من تشتاقيلي الزمي الگلادة صار شگد الزمها وهو ماكو
سَمر : ابوية كال لامي راح يروحلة لان مشتاقلة و يمكن هو راح يجي ويا
6
بين الفرحة و الخوف راح يجي !!
اريد اطفي نار گلبي بجيتة و اخاف اذا يكشفني و عصام من يكول يذبحچ يحچيها متأكد و اني ما اريد اصير گدامة بواگة النوب اخذ جگاير من السيارات يمة شگد عيب
104
بَعد اسبوع للامتحانات مالتي و اني مو كلش مضبطة المواد و الشريط باقية بي حباية و كلساع اريد اشربها و الزم نفسي اصبر روحي بيها تالي شربتها و ما سيطرت على نفسي صار 3 اسابيع و لا مرة اتصل
21
خابرت دُرة اني اشكيلها و هي ترزلني
دُرة : اني كلبة ماخذة طبع الوفاء و انتي حقيرة بذاتة
يَاسمين: دُرة اني تعبانة
دُرة : ليش و المسعد وين ؟
يَاسمين: مسافر صارلة هواي ، ما گتلچ طلع يحبني
دُرة : و قحط يعني ؟ وين لاگيها اكيد يحبچ
– شبيچ ويا ؟
دُرة : اكرها لان احسة اخذچ مني ، اغار
184
يَاسمين : ههههه لج انتي الحَبيبة والله لسة ما صادقة غيرچ
باقية على الوعد حتى يسموني المريضة النفسية
دُرة : ياسمين اتركي حاولي تنسي حتى تجين يمي و نعيش حياتنة
يَاسمين: لا دُرة ما أگدر احبة والله ما اگدر
دُرة : اوكِ ماشي ماشي ، قافلة الادبسز
91
يَاسمين: شايفة كلامة شگد حلو ؟ يخليني أطير
دُرة : اي طبعاً و انتِ مضحك تصدگين
يَاسمين : دُرة ترى ما ارضى عليه هذا الحبيب
دُرة : لا حلو حتى اسمي صار الة اني الحبيبة و هو الحبيب
يَاسمين : لان انتو اعز اثنين بحياتي
66
خلص الاسبوع و صار شهر كامل ينضاف لفترة اشتياقي الة
و لمُدة الادمان باجر امتحاني چنت اشر ملابسي على المحجر و اني اسمع ام قيصر و زوجها
ام قيصر: لازم يجي وياك هاي ياسمين صايرة مثل المخبلة ساعة و ماتت ونحتار بيها خلي يجي يشوف شبيها وضعها مو طبيعي البنوات يگولون صايرة حركاتها تخوف
85
آبو قيصر: شبيها ؟ اني حتى مشايفها من زمان اكول تقرا
ام قيصر: شتقرا ! مخلصة النهار نوم و الليل بچي ونوح و تبوس بصورة اهلها والله قاهرتني
33
دخلت للغرفة و اني محتقرة نفسي عبالهم علمودة !
هم ميدرون اني شديصير بية حقهم و لو يدرون يبقوچ هنا ؟ كل عقلچ
مادري خايفة من نهايتي كلش خايفة
24
الصبح بدلت و اخذت الاقلام و طلعت عصام واگفلي و فرح ويا و ابو قيصر لازم جنطة السفر صعد ويانة حتى يوصلةً للمطار
ابو قيصر: ها يابة مسيطرة
– امممم
– دحكي بوجهي شبيج !
باوعتلة و أبتسمت و رجعت نزلت راسي ..
زفر نَفس و گال استغفر الله
62
نزلت يم المدرسة و هم راحو كعدت بمكاني و مثل خوفة اي امتحان
سلموني الدفتر و ضلينة ننتظر الاسئلة بالقاعة مالتي نفسها فرح هو اني ما اطيقها كل شوية تخزرني و ترجع تباوع ، عجيب شگد نضراتها بيها كره
55
اجتي مُدرسة سئلتني ع وجهي الشاحب
– شوية مريضة
– اهلچ ينتظروچ ! خاف يصير بيچ شي
فَرح : لا ست هاي يتيمة عايشة ويانة عمها شمرها
فتحت عيوني بصَدمة و المدرسة باوعتلي بأستغراب و عَطف
– يلا يلا سكوت من تتوزع الدفاتر ينقطع الصوت
388
ضلت حازة بگلبي جملة عمها شمرها وزعو الاسئلة و بديت احل وصلت السؤال الثالث وصرت ما اسيطر على القلم ايدي ترجف نزلت دموعي
خوفاً من منظر ايدي و من الامتحان
41
و المراقبة تقربت يمي تشوف شبية
– اهدي اهدي ماما زينة الاسئلة
يَاسمين: سِت ايدي دترجف
– بس اهدي خلي تجي المعاونة ، بيج صرع لو شنو ؟
– لا
100
و المراقبة الثانية تصيح على البنات حتى متصير القاعة فوضى
اخذوني للادارة من گالو اجلي ضليت ابجي شنو اريد امتحن
– تكملين ؟ عادي اي مدرسة فارغة تكتبلچ
ايدي ترجف ضاغطة عليهن بقوة و ارد الاجوبة بغرفة الادارة
كدام مديرة و معاونات ما اعرفهن حتى الاجابة طارت مَر وقت و خلصت
و ايدي مو قابلة تهدأ
اكوللهم اول مرة تصير بية بس كلها دگولي خاف صرع ؟
59
خلصت و طلعت اول وحدة عصام بعدة مموجود حسيت جسمي بدة يحتاج السم المؤقت اركض بالشارع و العالم تباوعلي اريد اوصل للبيت لا انفضح من شفت الشارع تطمنت محمد و عصام واگفين من شافني عصام انصدم
تقرب علية.. شجابج مو اني اجيچن ؟
15
– ادية كامت ترجف و خلو مدرسة تكتبلي يكولولي صرع
عصام : يا صرررع هذا جسمچ شنو بالاستجابة !!
يولي هذا من الادمان صدگ تمنجدنا و احترگت ورقتنا
– انطيني الشريط خلص
عصام: انعلبوچ لابو الشريط يولي عتموتين جسمج مكروه يستجيب بساع
يَاسمين: اكول لارشد والله ، ليش دكول انعلبوچ انعل ابوك انتَ
581
ما جاوبني صفگ ايدة قوي و راح شَغل السيارة طَبيت للبيت
كبل طَبيت جوة الدوش اني و ملابسي من سمعت صوت براسي يريدني اعيد نفس الضَربة طلعت من الحمام لان ادري بنفسي ما اسيطر
دخلت جوة الفراش و غطيت نَفسي وخليت طرف الغطى بحلگي و ضغطت عليه بس اريد ارتاح ماكو
29
اخذت التليفون و طَبيت للحمام و صوتي يرجف
– عصاااام ابوس ايدك راح اموت بس هالمرة
عصام : ابد والله يولي تموتين و اموت وراج والله
– معليك اني اريد اموت
عصام : ياسمين اني احبچ ما اكدر اشوفج هيج
2K
يَاسمين : اذا تحبني انطيني حباية عصام تعال بعد ما اكدر
عصام : ياسمين راح انطيج بس خلصي هاي الايام حتى اشوفلي صورة حل
يَاسمين : اممم ماشي بس انطيني
عصام : طلعي بالباب
طلعت اركض ضليت انتضرة شوية و اجة خلا بأيدي و راح
درت وجهي شفت سمر
57
سمر : هذا منو ؟
– عصام
– شيريد ؟
– ميريد
عفتها و دخلت و خلص الامتحان الرابع و كالن باجر يجي ابوية
و اجتي ام قيصر سئلتني فرح گايلتلهم ياسمين بيها صرع
– لا بس ايدي خدرت و المدرسة كتبت بدالي ، يعني ارشد ميجي ؟
29
ام قيصر: لا يكول هالاسبوعين اجي عندو جثير شغل
هَزيت راسي و صعدت هاي هيج اني معتبرني شخص عادي
شهر شهر يا ظالم النفس ما كلفت نفسك برسالة
گال احبچ گال
184
كعدت اقرا ما بقة شي و تخلص الامتحانات و اخلص من هالسنة الفگر
بالليل اجتي سَمر شايلة تليفون امها
– هاچ خالي يريدچ
باوعتلها بأستغراب .. أرشد ؟
– اي هذا فاتح كاميرة
– ما اريد احچي ويا عوفيني
فتحت سبيكر
سمر : خالي متقبل
ارشد : وينچ شو يولي تا احجي وياج
يَاسمين : ما اريد احچي وياك عفية عوفني
ارشد: تمام ، تركيها
210
حتى ما كلف نفسة يحچي اكثر غميت روحي اكثر من مرة على الوضع الي اني بي خلصت الامتحانات و ما رجع ابو قيصر بيوم اخر امتحان رجعت ممصدگة و شايلة فخر الناس وياي بهذا الوضع الصعب و كملت الامتحانات ادري مو درجات عالية راح اجيب بس اهمشي انجح
169
طلعت و هم عصام ماكو مشيت و صاحت وراي فرح تركتها و مشيت وصلت للشارع شفت سيارتين بالباب اكيد ابو قيصر اجة طَبيت للبيت من باب المطبخ سمعت صوت ضحكتة القوي هذا هوَ !
لمن دخلت شفتة هوَ و ابو قيصر و منصور و بعد اثنين من ولد عمهم
سلمت و هم ردو السلام باوعتلة لگيتة مصغر عيونة .. ارتبكت
322
ابو قيصر: منو جابج
– وحدي لان ما شفت عصام و الدنيا حارة
صعدت فوك ما اريدة يشوفني يمة شجااابة محد گالت راح يجي
اخذت حباية ونمت حتى اذا شافني نايمة يعوفني .. كعدت بالليل
سمر : متشبعين نوم يولي و هو جاي علمودج
يَاسمين: و اني بعد ما اريدة لا يجي و لا يوصل
سمر : ترى اذا زعلانة لان ميخابر بايگين تليفونو و بطاقتو مال البرامج ناسيها هينا و من يحولون على المنطقة الي بيها شبكة يخابر من صاحبو ابو فَزعة على ابوية ويطمنو
يَاسمين: ميكدر يخابرني ؟
سمر : يجوز ما حافظ رقمچ ! المهم اجاج لا تكبريها خطية
يَاسمين: اتركيني سمر
79
نزلت جوعانة ادور بالجدورة اندگ الباب گلبي علم هوَ ما فتحتة صعدت اركض تمددت بالفراش شوية و سمر كالت امشي نزلن امي دكول خالي هنا
اريد انزل احضنة و اسولفلة شنو كاعد يصير بية و هو ميدري
لا ميستاهل اسولفلة لان تركني
149
تركت الفراش و كمت للمرايا غسلت وجهي و عدلت شعري اريد انزل اطمنة اني زينة و بعد ما اريدة حتى ميصعد و يبقى وقت طويل و يكشفني
نزلت چانو كاعدين بالاستقبال باوعتلة ابتسم
ابو قيصر: عمي مريضة سفطها بالجنطة و اخذها وياك
ارشد : لا بعد ما اروح يولي شصاير بيها هاي !
270
يَاسمين: من الدراسة ترى مو من احد متغيرة
صارو يضحكون عفتهم و رحت للمطبخ اشتهيت اندومي فتحت الجرارة دائماً ابو قيصر يجيب خليت الجدر و اسمع سوالفهم بالاستقبال
ادعي كون اضل هيج مسيطرة و ومتجيني الحالة
145
البنات صعدن و بقة بس هو و ابو قيصر يسولفون هسة غير يروح و يفضها
هستوني دا ادير اصب بالماعون و حَسيت ادين حاطتني فلت الجدر من ايدي و الاندومي ترس الگاع ضليت مَصدومة و حاصرتني الدمعة
و هو گعد على الكرسي من الضحك اول مرة اشوفة هيچ يضحك
391
يَاسمين: يعني هي مال ضحك صارلي ساعة اسوي بي
أرشد : ينعل يومچ أدري شبيچ شبيچ
يَاسمين: يعني شبية هو انتَ اكو واحد هيج يسوي
باوع من جهة الباب و تقدم عَلية مبتسم .. زعلانة ؟ ، حقچ
يَاسمين : ردت اطلع من المطبخ حتى الحديث ميطول لزم ايدي و باوعلي
بأستغراب .. شبيچ ؟
يَاسمين: عفية عوفني رجاءً
ارشد : هاي من شوكت ؟
عَت أيدي قوي و عيونة صَغرها لكن ملامحة اختلفت
يَاسمين : متخوفني ترى ، من تعوف شي شهر كامل من ترجع متلگا نفسة
102
أرشد : لا نفسة ، بس هرمون الصلافة صاعد شوية ينراد يتعالج
يَاسمين : يلا عالج
مَد أيدة على خصري ضغط قوي خليت ايدي على ايدة ابعدها
يَاسمين : اتركني عفية
ضغط اكثر دمعت عيوني وَخر أيدة وفتح مَحفضتة خلة فلوس بطرف التيشيرت من فوگ و دار وجهة و راح
317
شو حتى ميتوسل بية و يعتذر !
اوف أوف الحمدلله ما انكشفت نظفت الكاع و صعدت حتى ما اكلت
لگيت عصام دازلي رسايل .. لتخلين ارشد يشوفچ اذا محتاجة جرعة
85
ضليت كاعدة شبعانة نوم و محضرة الحباية جوة المخدة ادري شوية و تجيني الحالة دخلت على حسابة ماكو كل هالفترة ما شفتة يوم متصل
بست صورتة و ضليت اگلب بالحسابات
11
اريد اطفي الجهاز شفتة نَشط ضليت انتظر اشوف يراسلني لو لا
بعدني ممخلصة تفكير شفتة يكتب شوية و دَز
523
…
سَميحة
145
طول هالفترة هجرتة اول سبب حتى ينهدي و الثاني حتى سَحر تأيس مني لان ما عندها مانع دگول لارشد و يذبحوني اني ويا
اخذت تليفون ابوية و صعدت بغرفة ارشد اتصلت بسرعة جاوب
هَيثم : لج طاح حظج و حظ اليحبچ يا أدبسز هسة ثبتلي اني احسن منچ
ملحد بس گلبي نظيف و انتي متدينة و گلبچ اسود
212
سَميحة: تستاهل لان انتَ بربك ممعترف انتظرك تعترف بية
هيثم : أنچبي أنچبي
سَميحة : هسة شنو اسدة ؟
هَيثم : شلون توازيك على الكفران ، و انت مسلم مبتدأ
– هههههه شنو مبتدأ والله عندك سوالف
418
هَيثم : اشتعل ارشد حارمتني من هالضحكة ؟
سَميحة : دعوفة هو صدك مشتعل عايفين الدنيا كلها و يركضون ورا الي يحبها خاف ينشغل بيها و مايعرض روحو للخطر الهم
– ارشد يحب ؟ كلشي نشوف بهالدنيا بعد
42
– و ليش مستكثريها عليه وحد ؟ قابل انخلق بَس للسلاح و العرك
هَيثم : مو هو شكلة بس مال هيج ، هذا يريد يگلها احبچ يصوبها بطلقة
اذا راد ينطيها هدية يقدملها رشاشة
– هههههه لا والله شايف حبو الها من الي تشتهي روحك
– لا اعذريني ماادور
377
ادركت اني شنو چفصت غيرت الموضوع
– صليت ؟
– افتري افتري و رجعي عالصلاة
– بس الصلاة اريدك تحبها اكثر مني و قابلة
– والله بس ما ملتزم ليش أچذب
– اذا تحبني التزم والله حرام
26
هَيثم : يولي ضميري ميحاسبني بگدچ ، ما مليتي ؟
64
سَميحة : عندما يكون مَن تحُب بمثابة ضميرك الثاني
إعلم انك أخترت أختياراً صائباً ، عش اني شنو اريد غير اصلاحك ؟
29
هَيثم : خايف
-منين ؟
– تَهديني و تّهدّيني
545
– والله ما اهدك و لو صارت و تركت ايدك ثِق ما راح الزم غير أيد
هَيثم : احبچ يا تَوبتي بَعد الغلط
388
سديتة و اني كلي امل برب العالمين و ولا يوم تأملت و خاب ضني
و حتى و إن خاب متأكدة ضاملي العوض الاحسن
من احلا المشاعر الي ممكن يُمر بيها الانسان هي القرب الى رب العالمين لمن أجي اطلب منة شي اكلمة كأن هو حبيبي المخفي
71
يا رب السموات و قَلبي
انتَ من غَرس هذا الحُب في فؤادي و فؤاده
لا يهون عليك كَسر ما رَممت فأذا لا يوجد نَصيب لي عندك
سامحني إذا لم أكمل نُصف ديني لكنِ سأكون مُخلصةً لك في النصف الاخر
أجبرني يا الله أنا احد عبادك الضعفاء الذين لا حولَ و لا قوةً لهم
الا بِك ..
205
….
دُرة
96
رجعت من البيت اشوف امي واگعة على طولها بسرعة جبت جهاز الضغط قست ضغطها هابط عندها مغذيات مالحة بالثلاجة بسرعة صحيتها و خليتلها واحد معجبني وضع امي الي متقبل اخذها للدكتور
و من اجي الگاها راجعة منة معقولة بيها مرض و متقبل دگولي عليه !
740
خلص دوام المعهد و أرتاحيت و فاتحت الولد بموضوع الدوام
وماطول يومين و اجتني الموافقة الحَمدلله رب العالمين ديغمرني بلُطفة
بديت اداوم و امي مقابلة خوفاً من عمي و لمن عرف گلب الدنيا
بس ثاني يوم هدأ
45
ام دُرة : يُمة اتركي هالشغل والله ما عايزين كوة قنع عمج
26
دُرة : يعني مثلاً لو رافض مصدگ راح اسمعلة ؟
دام اني ماشية بطريق صح و حافظة سمعتي و سمعة والدي
و دام الله بين عيوني والله لو اتخلة بين مية الف رجال
واثقة بنفسي راح اطلع أني أني من دون ما أحدٍ يمس أظفري
97
ام دُرة : شغبرچ ولج يدرة عساها بحضها و بختها الغيرتچ
عمامچ ما يرضون
90
دُرة : والله يُمة إن كان المقابل يعتُبر المرأة أنخلقت للبيت و التربية
و الرجال هم الي مُلزمين يصرفون عليها بالشيء الي يحصلو
و لازم ترضخ لكُل شيء تحت مُسمى انتِ مَرة و يُعتبر الي تسوي عكس هالشي وقحة ! ما اجمل الوقاحة إذاً
228
الى متى انتِ ترضخين الهم معيشيچ ؟ شو اخوانچ ميتدخلون بيچ
اني ممجبورة أعيش عيشة مرايدتها أحلامي يحتاجلها تَعب والي يتعب يلعب
” لا تبحث عن الراحة و انتَ في عمر السعي “
166
ام دُرة : ولج يا احلام يمة والله خبلتيني وين كاعدين احنة ؟
250
دُرة : وين ما كان عسى ما بأنگس بُقعة الي يريد يصير يصير
راح اتعب بالمناقشة وياچ لان انتِ قافلة و حقچ لان انتِ مرتاحة و عاجبج
لكن غيرچ معاجبهم ! اكيد وجهة نظرهم غير عنچ
11
اجي وياچ احنة لازم بمنو نقتدي ؟
ام المؤمنين السيدة خديجة (ع ) تعرفين شنو چانت تشتغل ؟
تخيلي تشتغل بالتجارة و تزوجها الرسول محمد ( ص) خو اذا الشغل شي غلط و ميصير و المرأة الي تشتغل مو زينة جان ما تزوجها !
294
و جابت سيدة نساء العالمين ( ع ) الطاهرة الزَكية هيَ فِنت عمرها القليل لزوجها و أولادها تگدر كلشي تشتغل لو رايدة بس هي مَتريد معناها كُل وحدة حسب مَتريد و مقتنعة
197
هم مو اكبر من عندنا بشيء لكن رب العالمين خلانا أمانة يمهم
و هُم الي لازم يحافظون على هذهِ الامانة نقطة راس سطر يا أمي يا حبيبتي ولو ادري متقتنعين بَس ماشي تمونين
….
يَاسمين
55
أرشد : لا حلو و سهر تالي الليل
يَاسمين : عندك شي يمي ؟
– گلبي يا بِت مَريم
219
يَاسمين: شهر ؟ يا ظالم شهر
أرشد : يولي والله هالشهر اليمچ صار سنة يمي وداعتچ بس اكو امور چثير ما تتسولف للجهال أعذريني
141
يَاسمين: هاي اذا كل شهر تروح هيچ طبعاً انساك
ارشد : انتِ تنسيني ؟ لا مِن أربي أتعب
30
يَاسمين : حتى انتَ تنساني
أرشد : لا يولي انتِ طرگاعة احتليتي الساحة بعد كل هالسنين
37
روح گد ما بيك و ارجع تلگة حُبك مستمر
الشَمس مَتغير تفاصيل السُمر
481
يَاسمين : اذا بيوم غلطت تسامحني ؟
أرشد : حسب نوع الغلط ، شمفينة ؟
258
يَاسمين: ممسوية بس اسئلك يعني ميصير ؟
ارشد : مو مشكلة كل إنسان يخطأ لكن من المُفترض التأديب قبل المسامحة
62
يَاسمين: يعني ضرب ؟
أرشد : إذا كان يجيب نتيجة ! أكو أساليب للتأديب اقوى من الضرب
و نتيجتها اقوى كذلك لكن مو الكل يتحملها
101
– مثل شنو ؟
– عَش متعمقة بالموضوع ؟
46
يَاسمين : هو الي يحب هم يأذي ؟
أرشد : كل الاذية من الي نحبهم ، عجل لو ما نحبهم چان ما تأثرنة من الاساس و من الجانب الاخر احنة نصير حساسين گدامهم اكثر ممكن هو موضوع ميقهر بس الانسان مِن يحب يبالغ
56
يَاسمين: يعني ممكن يجي يوم تأذيني ؟
ارشد : انتِ روحي ، و ما يقسة الانسان على روحو و يأذيها
الا اذا عذبتو اكثر من اللازم وغلطت غلط چبير
88
يَاسمين: اني ليش احسك حباب عكس ميوصفوك ؟
ارشد : هههههه عش شواصفيني يمچ ، وحش ؟
يَاسمين : لا ، بس يعني متتحاچة وهيچ مو كلش لطيف عبالهم
70
ارشد : أني بس يمچ حباب ، ديري بالچ لتشوفيني
مثل ما هُم يشوفون
123
يَاسمين : لا ان شاء لله تبقى وياي هيج ، تحبني ؟
أرشد : اممم
يَاسمين : شو اممم ؟
ارشد : طرگاعتي الصغيرة خايف منچ اذا تكبرين تصخمين راسي
166
يَاسمين: لدگول طركاعة ، احبك يمخرب اندوميي
172
ارشد : هههههه يغَضب انتِ ، يلا روحي نامي
40
سديت الجهاز و كلامة خوفني اكثر ميجي براسي بس شكلة من يضرب عصام ردت اسئلة حتى يطمني لكن تكركبت بالزايد ضليت افكر فترة طويلة لحد ما حسيت بجسمي بدة يحتاج اخذتها و نمت ..
149
يـــا خَـوف فـؤادي مِــن غَـــداً ..
466
….
رسُل فهد
