رواية رتبة وظفيرة الفصل الخامس عشر 15 بقلم الكاتبة رسل فهد
رتبة و ظفيرة
..
رسالتي الى السواتر
سُحقاً يا عديمة الشَرف و الحياء
بأي حَقاً تغفين على صَدرهِ
و انا انتظرهُ مُنذ دَهر
” اخجليّ من قصائدي و لو لِمرة ..
-رسُل فهد
..
86
ام باسم: راح اعطيج شراب توصلينو الها يومية تاخذ منو
سَحر : يُمة هي عند رَعد و امينة ما احجي وياها شلون اروح
و ماكدر يومية
303
ام باسم: خليها تجي يمكم
شروق : لو يريد جان جابها من زمان بس هو ما ينغلب
32
ام باسم: اغلبو و اكسر راسو روحي كولي لعمج ابو منصور
سَحر : يُمة اذا عرف فراس يذبحني
شروق : كولي لصابرين تكيف هي دگلو
59
ام باسم: اي خبريها تساعدنة هو كلمن يريد ياخذ اليريدو
و الضحية معشوگتو
شروق : خاف حرام و هي يتيمة
سَحر : انجبي كلنا يتامة
565
…
140
يَاسمين
52
نزلت من السيارة و لازمة الگلادة و اني احس هاي أمانتة يمي هو يمي هنا هنا گلبي يدگ سريع فتحت الحلقة الي بيها صورتة بستها و سديتها حتى ما أكلت احسني شبعانة نمت و انتظر الصبح يجي و أرجع أشوفة
30
نمت و گعدت نص الليل على الم جسمي و ما ادري شسوي يربي المن اگول نزلت ادور على جگاير ابو قيصر ماكو روححي تلوب تلوب طَبيت سبحت بالمي البارد و اني اغرس اظافيري بجسمي اريدة يهدأ
233
طلع الفجر و ماگدرت انام لمن صار وقت يروحن البنات للمدرسة تمددت حتى ميشوفن شكلي حاولن وياي گتلهم ما اداوم انتظرتة يجي ماكو تالي نمت ..
10
گعدت على ايد تتفحص عيوني شفتة هو ابتسمت
أرشد : عش هيچ وجهج شاحب ؟
يَاسمين : سبحت بالمي البارد
ارشد : مسودنة انتِ مسودنة يغضب وتالي وياچ
لحد ما شعري ترس حضنة صار يمسد بأيدة على جبيني باوعتلة بعيوني نَزل راسة باس جبيني
81
يَاسمين : يعني صدگ راح تروح ؟
أرشد : اي والله و على أعصابي
يَاسمين : متگدر تسوي شي و تبقى ؟
ارشد : برأيچ حلو الواحد ينسحب بَعد ما خلص نصف الطريق !
يَاسمين : اذا لناس احبهم عادي
ارشد : الاولوية لنَفسچ
37
يَاسمين: بس اني ما اكدر أتعذب
أرشد : هوَ المفروض هساع اني أفرح لانُ العَتمرين بي من گد حبچ الطاهر الي بَس ما أريدچ هيچ تأذين نَفسچ اني أحبچ اكثر من حبچ القوي هذا بس مسيطر على نفسي ، خوش ؟
138
يَاسمين: ما أگدر
أرشد: تؤ ، تگدرين صحتچ عندي اهم من حُبچ الي
40
يَاسمين: تعبت منكم كلكم تعلقوني و تروحون
أرشد : الا أني ، وياچ للموت والله
91
يَاسمين : لو باقي بعيد احسن اني كاعد اتعذب بالزايد
ارشد : يولي و أني حچيتها خاطر أبردو لهالگلب و ما يصير بيچ
شي شو صرتي انگس
42
يَاسمين: لعد شو صدگ ما سويتلي عرس ؟
ارشد: يولي هو اني صاير عرس
عوجت حلگي و هزيت أيدي .. هو أبتسم و زفر نَفس طويل
98
يَاسمين: سولف لتسكت
أرشد : يطرگاعة منين طلعتيلي والله لا بالبال و لا بالحسبان
اخخخ رادو يورطوني و صدگ تورطت
55
يَاسمين: عمي ما لزمتو ؟
أرشد : مِن زمان
54
گمت من حضنا فاتحة عيوني .. صدگ ؟
أرشد : طلعت كل الشافتو عيونچ من عيونو والله
– صدگ ؟
ارشد : تركچ منو هالخسيس
– و هو وين هسة ؟
– أنحكم 15 سنة بسبب مصايب التزوير العاملها
فتحت عيوني بصدمـة
80
يَاسمين: لعد ليش مدگلي ؟
أرشد : لازم تهمچ اخبارة ؟ ها و مرتة تزوجت هه
ضربت راسي مرتين أريد استوعب
87
أرشد : تريدلك وحدة وفية ماكو بنات القنادر مَا يصبرن
– عليمن ؟
ارشد : أنچبي انتِ
828
ضليت ساكتة أربط الاشياء الصايرة و أني ما ادري بيها
بَس هالمرة ما أنقهرت لزمت گلبي معقولة صرت ما احس بعد
لو هو يستاهل لذلك گلبي شايل عليه تمرمرت بسببة و لو ما أرشد جان حتى مدرسة ما كملت
25
رَجع راسي بحُضنة و اني چنت نعسانة فتح جگارة ورثها
اريد العُمر يخلص هيچ شلون ؟ لان بس بهاللحظات احس نفسي انسان طبيعي اذا هو ممَوجود انعد وي الناس المُرضى و المجانين
17
بين النايمة و بين الگاعدة حسيتة يرفع راسي ويريد يخلي بالمخدة منتظرني انام حتى يروح ! مَثلت النوم و دموعي تجري وگوة لازمة الشهگة سمعتة وراي هِمس .. إستغفر الله
258
خطواتة بدت ترجع انشمرت الجنطة يم راسي و أنرفعت من الفراش
مخلية ايدي على و اريد اسكت روحي ماگدر ماگدر لو ميتلي واحد ما اشهگ هيچ ضَمني قوي على صدرة
أرشد : تعبتيني يطرگاعة والله تعبتيني
379
نزلني و أخذني للمغسلة يغسل وجهي و يمسح عيوني
أرشد : اشش ، اشش كافي يولي لتنشغين عتموتين كافي
مسحت دموعي ونزلت راسي بس اريد الشهگة تروح چلبت بية
باوعتلي لام شفتة لداخل حلگة و شواربة يرفن رجع شُبگني يريد الشهگة تروح مني
161
أرشد : طاح حظ صُبغي شمسوي بيچ ، منين أجيتيني
يَاسمين : شوكت تجي
ارشد : والله اجيج كل شهر مابقة شي صيري سباعية يولي مو تردين عرس ؟ عجل شيگولون ماخذلي جاهلة ؟
237
يَاسمين: راح اضل انتظرك
ارشد: والله أجيج وعيونچ الزِرگ الشَگني
553
باسني و گال لتنزلين رجعي نامي اخذ الجنطة و عدل شكلة بالمرايا
ارشد : مَصرفچ جوة المُخدة ، صيري قوية يولي لا تعرضيلي
تاما ارجع الج جنازة و تموتين وراي
133
يَاسمين: لتحجي هيج
ابتسم وراح و أخذ روحي ورا الله ينتقم منك عمي لو ما شامرني
جان لا شفتة و لا تعلقت بي و لا صارت روحي يمة
رحت يم الشباك حتى انتظرة يطلع لگيتة موجود و منتظرني من شافني
باس ايدة و خلاها على گلبة ودك مكان گلبة اكثر من مرة
“ينبهني على وجودي هِنا “
352
مَليت اضل انچَوي وأتعلَعل بنَارك
يَومين يمَي ، وشَهر ما اعَرف اخبَارك !
677
نزلت جوة العب بقيصر و أمة مقهورة علية سوتلي هي ريوگ و گعدت وياها خلت ابنها بكرسي الاطفال وصبتلي چاي
ام قيصر: لتعرضين على روحتو خاطر يردلچ سالم
– يعني ميصير ابچي ؟
ام قيصر : دمعتچ تضل ورا وهو هم متأذي لو ما شغلو ما يتركچ
يَاسمين: احاول الزم دموعي بس مو بيدي
92
ام قيصر : تخسرين صحتچ ، دحكي والله حاسبتچ وحدة من البنوات لان ما شفنا الخير الا على وجهج اجاني قيصر و خلصت من حمل اختو الي عذبني كل هالسنين
يَاسمين: حتى اني احبكم والله
ام قيصر: لا عيني انتي تحبين ابو شاهين احنة شنو
323
يَاسمين : لا والله احبكم بس احبة هو اكثر
ام قيصر : هو چثير تعب و الله جبرو بحبچ الو كون متتغيرين
يَاسمين: عبالي تضوجين اذا عرفتي احبة
51
ام قيصر : من يوم الي اجيتي أعرفها
تتذكرين بوستچ الو وهو يشرب چاي ؟ بس ما چنت ادري هو هم يحبچ
ياسمين: اني هم من سافر يلا دريت
ام قيصر: عش اضوج من حبچ الو ؟ عالاقل صار يخاف على نفسو من الموت لخاطرج چان كل همو بيوم يستشهد
– اسم الله يمة
193
بعدها غسلت لمواعين و صعدت اقرا بلكي الوجع راح لان صار هواي من تركتها الجگاير مر شوية من الوقت و احس جسمي رجع لنفس الالم احس دمي حار و اريد شي يبردة اخذت التليفون و خابرت على عصام
84
عصام: ياسمين شعجب ؟
– هلو عصام عفية طلب
عصام: تفضلي
– اريد جگاير تجيبلي !
عصام : شنو ؟ ملعونة تشربين جگاير من شوكت ؟
– بس مرة شربت وهسة اريد عفية طلب
– منو علمچ ؟
– محد ، بس مرة شربت وي رونق
عصام : يولي يعني انتن الماخذات الباكيت .. حچاها بنبرة تخوف
– لا يا باكيت ؟
201
عصام : هو لو انتي لو رَونق ، خاف انتي ؟
يَاسمين: مو اني شنو مچذبة عليك و يالله حتى ما اريد
عصام : راح اجيبلج بس لان طلبتيني وهاي اخر مرة
يَاسمين: تمام شكرا
454
حاولت اصبر روحي بس الوب مثل السمچة الي يطلعوها من المي احك بجسمي بالكاع اقبح شعور يمر على الانسان تحس داخلك وسخ بس القذارة متقبل تطلع خارج جسمك تحترگ و تحرگك وياها
229
لمن وعيت على الغلط المرتكبتة ادركت شلون ربي چان واگف وياي
رغم ذنبي الچبير الي أقترفتة بدون قصد شلون تحملت الالم بدون ما
أأذي نفسي ، واني اسمع غيري شنو صاير بيهم
14
العصر اجة عصام شاف شكلي أنصدم
عصام : يولي بس صارحيني انتي الاخذتي الباكيت
– لا
– كضبي ولتتعلمين ترى تأذيچ
90
ما صدگت شفت الباكيت اخذتة و صعدت للحمام شربت اول وحدة ما هدأ جسمي و شربت الثانية ونفس الشي ما حسيت بشعور كل مرة نزلت اركض لكيتة رايح رجعت اتصلت و احجي صوتي يرجف
29
– عفية عفيةةة ما اريد من هذا اريد مثل الي اخذتة من سيارتك
اي اني اخذتة اني جذابة
113
عصام : ياسميييييين لج مخدرااااات يولي مخدرات هاي مو جگاير
يَاسمين : ميهمني عفية شنو مخدرات جيبلي منها
عصام: لججج يولي شاربة الباكيت كلة مووو ؟؟؟
– امممم
685
عصام : لج انتي شنو انتي شلون ما عرفج ارشد مدمنة ؟
يَاسمين: هو شنو شدتحجي مدا افهم
عصام : خرب غيرتچ ياسمين تمنجدنا والله ارشد يذبحني و يذبحج
يَاسمين: عفية انطيني راح اموت
– ما عندي و حتى لو عندي ما انطيچ
76
اخابرة بالگراج و اندگ الباب قوي سديتة منة ورحت اريد افتح الباب
امشي و اكرص بجسمي قوي حتى يهدأ شوية صحت .. منو ؟
429
…
سَميحة
65
كاعدين وقت العصر و أجة صوت عالي بالحوش طلعت مستغربة
دحكتو عمي ابو منصور و وجهو ما يتفسر من الغضب وكف بباب المطبخ و دَگ عصاتو الي كاضبها بأيدو
4
– يااااااا امهات أرشد يالمسعدات
69
ام ارشد: اهلا شيخ تفضل
ابو منصور : عندچ خبر بعشيگة ضناچ لو لهساع ما وصلچ
سَهلة : هلا شيخ مو عشيگتو والله جاهلة اصغر من بنوات ابنك يتيمة و مكسورة خاطر
45
ابو منصور : حلو والله عجل هذا العگال ازتو جوة رجيچلن دام الحچي صدك و كلكم تحوكون دون علمي
سَهلة : محشوم شيخ والله لو تسوة السالفة نجيك و تتدخل بس هي فقيرة روح لبيت ابنك و شوفها والله لو رايدها جان جابهة لهينا تعرفو و تعرف عنادوً
57
ابو منصور : هي المصيبة لأني اعرفو مغتاض أبنچ شيطان
و انا اعرف اليدور براسو تايريد يگعدلي الموتة من گبورها
74
سَهلة : عَش يابة ما سوة الا الصحيح الزاني و الزانية ربك گال يموتون رجماً بالحجارة و هو ما كتلها و تركو عايش و لا كتلو و تركها عجل حرمتك تخونك وي ابن عمك اكص ايدي اذا ما سويت مثلو
246
أبو منصور: يكتل ابن عمو لخاطر صايعة بلا اصل جابها و اجة هينا
و اليتيمة الكاسرة خاطرج تعرفين عمها منو طلع ؟
دحكتي عداوتو هوَ و عمها شنو ؟ اعرفو ما يضم عليج
و عَش جابوها لهينا ! اذا ما وراها سالفة بكبر راسو
80
سَهلة : لا البت حتى شغلو ما تعرفو شنو الله شاهد و رقيب
وهي ما تعض الايد الاندمت الها صارلها چثير هينا لو عدها غاية
جان سوتها من زمان ، لچن هو الزتها يمنة غادر بعمها حتى ينكضب
64
أبو منصور: ما تضل هينا والله لو مو تحجين هالكلام
سَهلة : لا انا ما اتدخل بس لاتنسى هي امانة منو و انا اعرف بأبني يبيع ابو لخاطر امانتو و العَتسوي انتَ ما يليق بمقامك لانك انت علمتو عالشهامة
79
ابو منصور : هاي مو شهامة هذا تمعشگ يلي ما تعرفين تثمنين كلامچ
سَهلة : لا و عيونك و انا امك يا أرشد شهامة و ماتسويها بس الزلم الحوك طفلة و شافها مالها ذنب بمصايب عمها و ما الها احد وهي ما مأثرة عليكم يخوي الديرة بيها مصايب اكبر
81
ابو منصور : و انا بادي بيها
ام ارشد: والله بس انت التخلص ابني منها لان خايفة من ضلتها هينا
تاريد اخطبلو صابرين و يوفي بچلمتو و يرتاح و احنة نرتاح
305
ابو منصور : بس يرد هالمرة ياخذها و هاي أذا سئل عنها گوليلو عمك ما رضى بضلتها تاشوف شلون يعارض
ام ارشد: و أبنك هم هچة لانُ واكف ويا بالغلط گبل الصح انا طردتها من هينا و اجة هو اخذها لبيتو
115
ابو منصور : أعلمهم
106
خَلة و راح و أني و أمي سَهلة وحدة تباوع للثانية يُمة غير اذا عرف يسوولها شي يگلب الدنيا عليهم خابرتة بس ميجاوب
10
سَهلة : تركي هو ينرادلو جية تايأدبهم هواي أستفحلو بغيابو
سَميحة : بس هو ميعارض عمي الشيخ و خطية يَاسمينة
سَهلة : من توصل يمها يعارضو و يفگس عيونو
181
توضيت و فرشت سجادتي مدري احير بأرشد مدري بالملحد
هه صاير كلة وزن و قافية بالكلام
” يارب لقد مَسنا الضر و انتَ ارحم الرٰحمين “
83
كملت الصلاة و طلعت أعجن طلعت للخلفي أنخل الطحين و شفت عصام
گاعد و يفرك براسة ياستار شكو شنو هاليوم المشؤوم
سميحة : عصام شبيك ؟
– مابية
سميحة : دريت ؟ غير عَمي عرف بياسمين و يريد يطردها
– شنووو ؟ شوكت
– والله قبل شوية اجة
تركني وراح يارب خليهم يلتهون بغيرها
لان روح ارشد بيها و اني ما اريد ارشد يتأذة
118
…
27
دُرة ..
37
بمكان الشغل چان اكو شاب كل مرة يدز وحدة من البنات
انُ يريد يتقدم هو ميعرف اني طموحي اجمع فلوس
و ارتب حياتي و اروح اجيب ياسة و نعيش سوة
448
بدت امي حالتها تنتكس و خفت عليها هواي
يومية بطل مغذي و مرتين احتاجت دم الگة عمي جايبلها
ولو ما ارتاحلة وحدة من البنات چان رجلها حيل يعنفها و تطلگت منة
94
خاف اني شوية احب الزلم من وراها غسلت ايدي
يَاسمين بس مرة جاوبتني وصوتها ميطمن لو ما اخاف من امي
اروحلها والله بس كل واحد الة صگار
62
لمن بديت اداوم و اختلط بالبنات صرت اعرف هواي شغلات
اني جنت غافلة عنها جانت مديرة المعهد أمرإة قوية الشخصية
كل الموجودين يحترموها و يهابوها لانها فارضة شخصيتها
تأثرت بيها حيل
41
صرت اشوفها دائما گاعدة اقر كتب صرت اخطف بعيني اسم الكتاب واطبعة بذاكرتي و اشتري كل الكتب جانت تتكلم عن شجاعة المرأة
و انُ هي اذا بس حاولت تنهض بيوم من الايام
تكدر تسوي اشياء تصعب حتى على الرجل
95
تغيرت شخصيتي من أنسانة هادئة مايهمها اي شي
الى انسانة تسعى شگد متگدر بهذا العمر حتى ترتاح يبالايام الجاية
جنت من اگول احلامي للبنات ياخذوها بمحمل الاستهزاء
لكن اني وحدي عارفة انُ اني گدها
115
حاچيت الشخص الي كل مرة يريد يحچي وياي اذا يعرف
مكان عمل راتبة اكثر من هنا لان والدة صاحب مستشفى اهلية و المختبر الي اني بي هم يعود الهم
23
– مو مشكلة تدللين عيني لكن خلي تخلص هالسنة لان الدوام من الصبح للعصر للوجبة النهارية و اذا تلزمين خفارة بكيفج
دُرة : لا اكيد ما اكدر خفارة امي مُتشددة و كذالك اني ما احب
– ان شاء الله بس تخلص السنة نتناقش وكلش حاب التغيير بشخصيتچ
– شُكراً
42
ما أستنكف على نفسي الاكثرية گالو شخصيتي متغيرة جذرياً
ميهم اذا كان الطريق صحيح و التغيير للاحسن و ما خفيت عن البعض
اني بمنو تأثرت الانسان الناجح تُهاب شخصيتهُ بالسر و العلانية
27
فاتحت امي بموضوع الشغل و رفضت
ام دُرة : المن التعب و عمج موجود يصرف علينا كعدي بالعطلة ارتاحي
– و منين طلع هذا عمي بالحظ يا نصيب ؟
من شوكت هو يصرف علينا ! ترى راتب ابوية موجود
28
ام دُرة: شيكفي ؟
– لذلك اني اريد اشتغل حتى اعيش و اعيشچ بتعبي و منحتاج منيّة احد
ام دُرة: بس هو عمج مثل ابوج
61
دُرة : رجاءً امي لتقارنين ابوية بشخص ثاني
ابوية ميتكرر و راح اسعى شگد ما اگدر حتى اخلي الرحمة بكل مكان و زمان تنزل على قبرة
49
ام دُرة : لتحلمين زايد و انتي تدرين بعمامج شنو
دُرة : ليش وينهم ؟ مدا اشوف احد ! يمة اتركچ من هذا الضعف رجاءً
اكو مقولة حلوة تدرين شدگول ؟
5
– شنو ؟
دُرة : النساء التي مُنعت من السير تَلدُ نساءً ذات أجنحة
فأنتي المفروض تسنديني مو تخليني ضعيفة مثل البقية
ولو بالحالتين اني محققة كل احلامي
158
– و شنو احلامج بالله تسوة ؟
– لا تتكلم بما تُخطط حتى تصل الى الهدف ، اجعل الدخول مُباشراً
341
– راح تسودنچ هاي الكتب
– لا كشفتلي مدى الضعف الي اني بي
….
161
يَاسمين..
20
صحت منو ؟
اجاني صوت رجال چبير فتحت الباب
اني صغرت عيوني هذا منو ! مشايفتة بس يشبه ابو ارشد
ابو منصور: انتي الجابهة ارشد ؟
– ايي جدو
ي
سمعت صوت ام قيصر وراي مصدومة و ترحب بي طب للاستقبال و نزلن البنات يسلمن عليه هاي اول مرة يجي اني حايرة بضيمي ووجع جسمي لحد ما سمعت هالكلمات صُغرت الدُنيا بعيني و عزت علية نفسي صدك
أبو منصور: گولي للجابها أرشد مالها ضلة هينا
137
أم قيصر: خير عمي ؟ اكو شي
– من أيمتى كلامي ينعاد ؟
– و أرشد ؟
– هساع ارشد چلمتو اهم من چلمتي !
– حَشى والله بس هي امانتو و مخليها يمي شلون اكسرو
52
اني كاعدة بالمطبخ و مخلية ايدي ايدي على عيوني حتى متفيدني اي ردة فعل شفت ابو قيصر دخل و بدو يتناقشون وصار صياح شوية و اجة عصام
عصام : ها يولي شمفينة !
باوعتلة بدون جواب
– هَي هَي دحك الادمان شبساع يولي شبساع
136
تركتة و گمت اريد اطلع من باب المَطبخ بلكي بالشارع سيارة تدعمني و ارتاح صاح وراي و اجة ابو قيصر لزمني من ايدي كال صعدي صعدي
تانشوف وگفت الدنيا ع ضلتچ هينا
– عوفني عمو اني اريد اموت
– انتِ بَس أنچبي لا تتزوملين سودنچ وشرد
اجة عصام صعد ويانة
347
عصام : ابو قيصر لوف السَيارة على بيتنا خليها يم سَهلة بين
مندحج شلون تصفة
ابو قيصر: منو موصلو خبرها
عصام : عجل چثييرين المنافقين
ابو قيصر: وين چانو كل هالمدة ؟
– ما ادري والله هم صدگ
71
نزلت بباب بيت ارشد و هم راحو حتى مو للبيت طَبيت لگيت سميحة شُبگتني ودخلت وياها متريد امها تشوفني بس شافتني فرح و عاطت
ضربتها سَحر گالتلها شعليچ انتي دخليها دخليها لتشوفها عمتي
317
سلمت على سَهلة و كعدت شوية و صار صياح چان بيت ابو قيصر مثل الدرع الي باعدني من حقارة الاشخاص الي يمي معقولة هيج مطايقين وجودي و اني ما ادري اريد اطلع من الغرفة ع شنو اسمع بحچيهم و اني ساكتة
14
سَميحة : كلشي سوي بس لتطلعين من البيت و تكسرين ارشد
يَاسمين: لا عفية اني اريد اطلع مايعجبني هيج ، شو وخري
احچي و اضغط على جسمي
سَميحة: يوجعج شي ؟ ، لا ياسمينة هو ميستاهل شوية تنتظري
يَاسمين: لا ميستاهل
100
طلعت و اني عاقدة حواجبي و هم كلهم كاعدين يتناقشون ناس ترفع و ناس تكبس لمن شافوني سكتو و ابوهم گال .. منو جابها منو ؟
عصام : أني لان البنية مريضة و عدها امتحانات
ابو ارشد: و احنة شعلينا ؟ مو عندها خوال ؟
عصام : اعذرني والله غيرتي ما تسمحلي
380
يَاسمين: عمو هسة انتَ عليمن خابص روحك ؟
كلهم خزروني و سميحة تأشرلي على حلگها اسكتي
سَميحة : يابة مريضة مصخنة حتى ما تعرف شعتحجي
ابو ارشد: والله عمي خوش هاي كلها دفاع الها
246
سَهلة : والله ما تعبت باب الحوش تريدون تموتون أبني والله اخابرو و اخلي يجي هينا هساع يگلب عاليها واطيها
66
صار شجار قوي بين سَهلة و ابو ارشد و امة سحبتني سميحة للغرفة اني اريد احجي و اطلع و اسوي فعاليات بس جسمي مگاعد يساعدني كل شوية بديت احس روحي راح افقد الوعي دزيت رسالة لعصام عفية انطيني جگارة راح اموت
106
شوية و اجة بأيدة حباية
عصام : اخذيها و نامي يولي هساع شلون اعالجج غير يفينون حضي و حضچ شجابچ شوداچ يم الباكيت
بدون ما اناقشة اخذت الحباية شربتها بدون مي
اهم شي اريد جسمي يهدأ .. صدگ شوية و هذأ و نمت
كعدت ثاني يوم الظهر راسي مسطور
285
سَهلة : يــع ولچ محرومة نوم ؟
لزمت راسي يوجعني جابتلي سميحة اكل و دوة عبالهن بية فلاونزا
عصام : امشي ابو قيصر يگول تعالي للبيت بدت العطلة
مالتكم امتحاناتچ ما بقالها
يَاسمين: عليمن اجيت لهنا لعد ؟
عصام : راح تضلين هيچ لحد متصفة
سَميحة : تصفة برجعتو ان شاء الله هو بيوم الراح طلعت اصواتهم
44
طلعت وي عصام غميت نفسي لشوكت تضلين هيج ما ادري
وشعبالج راح يجي شيسوي اصلاً هم حقهم صار سنتين انتي هنا
فد يوم اجة احد سئل عليچ تفقدچ
46
احسن شي كملي الثالث و دخلي معهد مثل دُرة وشوفي حياتچ تنتظرين منو يجي ؟ المارد السحري يغير حياتج مثلاً ، ويجي الصوت من گلبي و تعوفي؟
لا طبعاً ما اعوفة هوَ هذا الهوى الاتنفسة مديت ايدي على الگلادة
بستها بدون ما افتحها
29
شفت عصام عقد حاجبة بعدين ابتسم
عصام : ابوج ؟
– اي ليش ؟
– الله يرحمة
401
باوعت السيارة رايحة غير طريق احنة مو لازم بيت ابو قيصر
ركنها بطريق مقطوع لزمت الكلادة قوي
– شتريد ؟
48
عصام : ماريد يمعودة شأريد ؟
بس يولي مدامچ صاحية تا أفهمچ انتي هساع مدمنة مخدرات
تدرين ؟ مناعتچ ضعيفة و انتي الله يحفظچ مخلصة باكيت كامل ع ايدچ
85
يَاسمين: يعني هسة ما أفتهمت شنو ؟
عصام : يولي انتي مو اخذني الباكيت الي بداخلو مو بس جگاير
النيكوتين مشبع مواد تخدير هساع لازم تتعالجين اذا تبقين هيچ تموتين
38
يَاسمين: جيبلي دوة بس كون ميحرگ دمي
عصام : ما اكدر بس دوة لازم لجنة تفحصچ و نشوف النسبة بجسمچ شگد
يَاسمين: اتركني يمعود
عصام : هو اكيد راح اتركج حالياً بين ما اشوف احد ثقة يسوي الفحص
لانو هسة بس اخذچ گبل للسجن
66
يَاسمين: يعني اني ما جنت اشرب جكاير اشرب مخدرات ؟
عصام : اممم ، معقولة ما حسيتي ؟
يَاسمين: يعني اذا ما اتعالج يبقى الوجع هذا بجسمي
– اييي و يزيد
يَاسمين: الله ينتقم منك ان شاء الله
عصام : يولي قابل انا شربتچ اذا انتي زيبگ شلون اخذتي شلون شربتي كلة ؟
– رونق اخذتة الي بس ما شربت اني شربتة
عصام : كبر لفج و لف رونق
506
يَاسمين: هسة عليمن انت موكفنا هنا ؟
عصام : تحاولين تصبرين منا لحد متخلصين امتحانات لان هسة بديت بعلاجج متكدرين تقرين
يَاسمين : لا كلشي و لا الامتحانات راح احاول اصبر
عصام : مو تحاولين لازم لازم لان تتدمر حياتج و حياتي اذا عرف ارشد او ابو قيصر
يَاسمين : تمام
49
رجعت للبيت و اني احجي مسيطرة اكدر الزم روحي هو اني يوم ورا يوم گاعد احس جسمي ينوكل بالزايد رجعت يم البنات هن راح تبدي امتحاناتهن ومن يخلصن اني و رونق اخر شي
19
بديت اقرا المواضيع الفاتتني صايرة علية تراكمات كومة هذا الكورس كلشي ما افتهمت منة لمن حسيت بدة جسمي يحتاج شي ما اعرفة گمت توضيت و فرشت السجادة و سجدت سجدة طويلة بس اريد احس
اكو مَن ديشوف معاناتي
52
صار الالم يزيد و دموعي تجري و البَنات صافنات علية ما اگدر و لا اعرف شنو اتصرف و كلام عصام خلاني اخاف بالزايد يربي اني غيرك ما عندي اوگفلي هاي المرة
19
مرن اربع ساعات و اني على حطتي
سمر : ما تعبتي ؟ شنو هالحب هذا ؟
ما جاوبتهة متدري الحب و الاشتياق شنو من جريمة بنفسي خلاني ارتكب
راحت و اجتي جايبة تليفونها بأيدها .. هاچ يريدچ
70
ضليت مفهية مسحت دموعي و جربت نفس طويل و اخذت التليفون و طلعت من الغرفة خليت التليفون على اذاني .. الو
5
أرشد : هلا بهالصوت ، كل اليصلون هيچ يشگون ؟
يَاسمين: شونك
ارشد : احبچ يغَضب
يَاسمين: ما اريد حتى حبك ما اريدة
ارشد : له له له عَش يابة غدر بينة الحلو ؟ ما حسبناها
265
يَاسمين: شوكت تجي صار يومين ترى
ارشد : بعد ثمانية و عشرين يوم
ياسمين : تتشمت بية ؟ و اصلا راح تجي بأمتحاناتي
ارشد : يولي منو المتشمت! فتحي كاميرة
31
بعدت التليفون و فتحت كاميرة طلعت صورتة گبالي خلة
وهو يثبت التليفون و يتچي ظَهرة على الكرسي
ارشد : نزلي بالكراچ لان صوتي راح يصير عاللي و مااخذ راحتي بالكلام
نزلت و خليت التليفون على الشباك و ابتعدت شوية
– ليش تقلديني يابة ؟
30
ياسمين : هههههه مادري بس هيج احسن
ارشد : شكو ماكو غَردي
يَاسمين: شگد تحبني ؟
ارشد : دحكي .. باوع گدامة و گال اطلع برة اريد اسولف
128
ابو فزعة : تعاي عمي اخذي بس يبچي عليچ و الجنود تمسح بدموعة
ارشد : هههههه دمشي برة هساع
شوية و ومسح شواربة و أبتسم .. هو منو يگول احبچ !
257
ياسمين : عادي هو اني ويامن كاعد حضي يگعد وياك ؟
ارشد : ها لازم هم مضروبة بوري قبل
ياسمين : لا مو بوري بس مرة تعاركت بالمدرسة و وحدة ضربتني بطابوگة
كملت كلامي و هو انفجر بالضحك سَلطنت بضحكتة حلوة حلوة
– هاي فطاريتچ وراها مصايب و خايف منها
177
ياسمين : يعني صدگ ماتحبني ؟
ارشد : اسرچ لو مو گدها ؟
– جَــرب
32
أشر على گلبة و زفر نَفس
ارشد : هذا ميت من زمان ، تمام ؟
بعدها اشر على جهة من جبينة قاصداً عَقلة
ارشد : انتِ هنا تربعتي
209
ياسمين : بس الگلب يحب اكثر ، وليش گلبك ميت ؟
ارشد : هه غلطانة ، يولي الگلب اذا حَب العقل يصگرو وقت الغلط
بس اذا حَب العقل بيمن تصگرو ؟
165
يَاسمين: بالگلب
ارشد : هه حزورة هي ؟ لا سيادة على القادة
84
يَاسمين: معبالي تحبني
ارشد: يولي اني بالبداية من هجست الروح مالت عدلتها
لچن حبچ المَفضوح عَتها ، طرگاعة براسچ مو ثوبي هالكلام
365
يَاسمين: محد گلك تعاملني حلو لان اضعف كدام الحلوين
ارشد : ههههههه لالا انتِ غضب
388
يَاسمين : اقصد احب المعاملة الحلوة اوكف هسة ليش اجذب
واني لابسة چادر الصلاة ؟ حتى الحلوين احبهم
251
ارشد : يعني يا حلو گبالچ تحبي ! .. رُفع حاجبة
ياسمين : لا مو احبة بس اضعف گدامة متشوفني مريضة وضعفانة
من گد ما اباوع لروحي بالمرايا
326
يحاول يخفي ضحكتة دخل شفتة لداخل حلگة
ارشد : شخصيتچ قوية و النرجسية عندچ لابأس
بس الحب مخرب ام السالفة
87
ضحكت و هو هم ضحك وبعدها رفع راسة
ابو فزعة : نريد ننطمر ما شبعت ياسة الحساسة
1.7K
انصدمت و هو ضل مصدوم
ابو فزعة : شبيك مو كتلي اسمها ياسمين يعني تدلع ياسة
لان وحدة من بناتي جنت هيج ادلعها
ارشد : لا والله هو اني عار صوچي صوچي
303
ابو فزعة: يلا عمي ما تنامين نريد ننطمر اني اذا مو بحضنة ما اكدر انام
ارشد : ههههههه بس اثگل يولي جاهلة هاي
434
ابو فزعة: يا جاهلة والعباس يودنك للشط و يرجعنك عطشان
سَد الكاميرة و هِمس بصوت ناصي
– يلا حبيبي سدي و اتصلي يومية هيج وكت
سديتة و بست التليفون وحضنتة… احبة
776
…
رسُل فهد
