رواية رتبة وظفيرة الفصل الحادي عشر 11 بقلم الكاتبة رسل فهد
خوفتي من الجاي تِشبه
خوفة الچتال اذا دَگ بابة حيل
رخص تارس وجوه الناس
مَشبوهة بشكل دنياي
( بيت و بي تطب نِسوان نص الليل )
– رسُل فهد
35
..
في مكان آخر
46
– الي دحكتها بالفاتحة هاي اليهواها
71
شروق : ما نعرف ناس دكول اي و ناس لا
– دَهر فرها إعلة ذاك الحِسن وين لگاها ؟
105
شروق : يُمة ارشد لو يدري يذبحنا و انا خايفة منو
– ادوسو و امشي والله يــع انا ارشد يخوفني
68
شروق : يمة خلي يوفي بكلامو و يادار ميطبج شر
زلامنا تحرمنا من بزرنا و احنا حتى ابونا خسرنا
21
– هو ابوج الجان موگفني و هساع بديت بالصدگ
الي مضى كلو حچي …
128
…
يَاسمين ..
16
طلعت من باب المَطبخ و هوَ و أبو قيصر هم طلعو
ضغط على السويچ و صعد بالسيارة شوية واجني البنات و أمهن
و أني عيني على الجامة كل شوية أگول هسة يجي يحاچيني
و أيست من تحركت السَيارة
32
درت وجهي أباوعلة بيأس لوحلي بأيدة و أبتسم
ليش يعاملني مثل الجهال ؟ هذا شبي !
387
رجعنة للبيت و لزمت زَندي و المكان الي خَلة أيدة
عليه بستة و ضَميت ايدي لگلبي اريدة يسكت تَعبني
483
أم قَيصر هم بدت حالتها تسوء و خافو لَتسقط خلوها البنات بَس
نايمة و احنة التزمنا بالشغل بيوم چنة اني و سَمر علينة الگراج
و الحديقة رحت أسحب الصوندة بنهاية الحديقة
سمِعت صوت ونيّن
162
الصوت مال بنية من صَدمتي ركضت لباب المَطبخ
سئلتني سمر شبيچ ما گلتلها خفت خاف اني گاعد اتوهم
گلتلها بَزونة رادت تطفر علية لكن نَظراتها صار بيها نوع من الخوف
128
و الي أكدلي اكو شي هنا أنو هيَ لغت التنظيف من اساسة
گالت مابي شي نظيف حاولت اتناسى هذا الموقف لان عقلي
بَعد ميستوعب اشياء اكثر
كان ابوهن من دون الكُل منطيهن الثقة يعني سَميحة ماعندها تليفون
و هن عدهن وهوَ بالمعاملة كأنو صديقهن عكس الام الي كانت متشددة
167
رَونق چانت من دون البَنات روحها بالتليفون و مَرات من نرجع
ترجع ورانا بَس سَمر گالت لأمها وتعاركن بَس صارت ترجع ويانا
و الوحيدة چانت ترسب بالبيت
295
چنت گاعدة اتابع البنات و ادخل على الصداقات الي عدهن
شفت صورتة دخلت على حسابة مَيطلع شي بس الصورة
چانت سَمر واگفة وراي
14
سَمر : يَاسمين تحبي ؟
– أني !! لا
– ترى عيونچ فاضحتچ
– على شنو فاضحتني شبيچ ! ترى بگد أبوي ؟
220
– لا ترى كلو عمرة 33 بَس هوَ هيچ شكلو مبين تَعبان
– مِن شنو ؟
– و دگولين ما احبة !
643
هزيت راسي و رحت تغطيت ما اريد احد يعرف
أني من شنو أعاني اكيد دگول لامها و امها توصلة
ماريد أذل نفسي و ادري الوجع بس اني شايلتة
47
گعدت مَرة على صوتة بالبيت يضحك وي البنات
أني بحلم لو عِلم ؟ اجتي سَمر گالت خالي يريدچ
گلتلها گوليلة نايمة
44
– ما احبة ما احبة بگد ابوي
– سمر عوفيني
ما أريدة يشوفني شگد ضعيفة و ما عندي شخصية
اني مو هيچ والله بَس گلبي دَمرني
122
لَمن راح طلعت شوية بالكراچ عيني راحت على هذاك المكان
الي سمعت منة الصوت تقربت لكن ما سمعت شي
مِن درت وجهي سمعت صوت بنية تغني !!
207
يُمة هاي شنو ؟
رحت صحت لسَمر و دموعي على خدي من الخوف
– لججج سمر سمر والله سمعت صوت بنية بالحديقة
تغيت معاني وجهة
سمر : ماكو شي ياسمين شبيج !
– لج والله سمعت صوت
– تخبلتي ؟
77
من گالت هالكلمة سكتت خاف صدگ اني تخبلت !
بَاوعت لتليفوني يدگ ع الميز رحتلة لگيتة هوَ ! شعجب ؟
اخذت التليفون و طلعت من الغرفة
5
– كُل عام و انتِ بخير طرگاعة
349
– اني ! عيد ميلادي ؟
– اممم چنت أكلب بالاوراق و طلعت هويتچ
– شكراً
46
– شونچ محتاجة شي ؟
– ويهمك !
57
ضحك .. وأردف
– ليش ليش يولي شامرچ بالشارع
گايلتلي ع شي و ماسويتو ؟
40
سِمعت صوت واحد يمة .. يحاول يحچي بصوت بنية
– لا حياتوووو محتاجة بَس حَلگ
1.7K
ضربة و هذاك صاح .. اويييي شوشو ليش هيچ قاسي
و هو حچة بصوت ناصي
193
– لك هاي جاهلة متفهم هالسوالف صم حلگك
ابو فَزعة : تدلل باباتي لچ يمة احبنة و علي
1.9K
يَاسمين : هذا منو ؟
أرشد : هذا أسقط منچ من اسمة و قيسي شگد ملطلط
208
رجع يحچي بصوت بنية
ابو فزعة : لك عيني أني ابو فزعة الچبير اكضب الحلوة لو وين تطير
بعدها صار ضحكهم بصوت عالي كلش .. أبتسمت على ضحكتة
301
– عَش صايرة تتختلين مني يولي ! صاير شي ؟
– أني ؟ يمتة
– و المكالمات ؟
– ملتهية بالدراسة
– كَمليها هالسَنة مَابقة شي للامتحانات حتى أخذچ لتكچ
– صدگ ؟؟؟؟
– امممم
516
صار عندي واهس انتظر يوم يوم شوكت تخلص الامتحانات
حتى اشوفها رونق رجعت لسالفة التأخير و البَنات يومية يتعاركن
صارت كل لليلة تاخذ تليفونها و تصعد بالسطح
172
و هن لان يخافن يضلن واگفاتلها بالباب لحد ما وحدة منهن گايلة لامها
تالي امهن قفلت باب السَطح و رونق أنهارت بعدها تطورت الامور
اكو ولد شاب صار يومية يرجع ويانة ورونق تصير اخر شي حتى يسولفون
259
اني ما احب هاي حركات المدارس احسها عيب
بَس قابل شعلية هو اني البية مكفيني رونق و سمر صارن يومية يتعاركن
و حتى مرات يوصلن للضرب لحد هذاك اليوم
48
چان باقي على امتحانات اخير السنة اسبوعين
راجعين من المدرسة و هم رونق تحچي وي الشاب ابد مَتوب
درنة وجهنة على صوت هورن السيارة باوعت .. ابو قيصر!
385
مِن الرهبة الي صارت بية اول شي گلت راح يبطلونة من المدرسة
الولد ركض بسرعة مو طبيعية صَعدنة بالسيارة بَس
صوت دَگة الگلب تنسمع
55
ابو قيصر تغيرت كل ملامحة مو هذا الانسان الهادئ اللطيف
حتى موجة صوتة غريبة إنهار بشكل مو طبيعي گلت راح ينجلط
وصلنة لباب البيت و رجع لنفس الَطريق
50
امهن لگيناها واگفة بالگراج حاسة اكو شي
سَمر : ورطتنة بتچ يلا ارتاحت
كامت تلطم امهن و تبجي صعدنة فوگ بَعدنة هَستونة نريد نبدل
و أنفتح البَاب طَب ابو قَيصر لِزم رونق
85
چانت من قوة الضرب هي تنضرب و اني أتوجع
شوية و شفت الباب اندگت و هيِ مَفتوحة باوعت هذا هوَ
عاقد حواجبة و مبين چان نايم باوع لسَمر و گال
– شمفينات ؟
204
محد چاوبت دموعهن تجري و مَنظر رونق الي ماتت بأيد
ابوها و محد تگدر تتقرب لمن حَس بيها صارت تشهگ بالنفس
تركها و گعد بالگاع لازم راسة
60
ارشد : ملاك نزلي يَم امچ
و أشر بأيدة علينة
تگـحزن هينا مافهمت بس شفتهن گعدن بالچرباية الي يمة گعدت يمهن
بس النوب الضحكة حاصرتني على شنو ما مادري هو خزرني
1.1K
أرشد : و المسكتة زِلم چذبة وحدة اورچن ور بنار و تيزاب
282
سَمر : خالي والله احنة معلينة وداعتك و داعت امي
كل السالفة رونق غلطت بس هي والله ما صارلها هواي
و احنة نخاف تحجي بعد تعرف انتَ بأبوية
35
ضربها راشدي مِن قوّتة انطلخ راسها بخشية الچرباية
بعدها تقرب علينة اني و غفران
غُفران : خالي والله اني وياسمين مَندري هستونة درينة
227
بَعدها باوعلي اني حاصرتني الضحكة أشرلي براسة
بمعنى احچي انتِ .. ضميت شفتي لداخل حلگي و اشرت بأيدي ما ادري
792
شبك أيدة و طَگ أصابيعة
رفعهن اثنينهن و بحَركة سريعة انضرب راسي براس غفران
و بنفس الوقت خدي خِدر
ضليت لازمة خدي بصَدمة اول مرة يضربني !
1.5K
أرشد : ول يابة مشغل گوا**ت هينا
سمر : خا..
بعدها ممكملة ضربها على حلگها
گام اخذ كل التليفونات چانن على الميز
121
– تاشوف وحدة تحدر عتبة الباب
ته اخلع راسها عن جسمها
101
طلعو و سدو الباب اني من الصدمة حتى ما بچيت
176
سمر : انجعلج بالمرض عيحرمونا حتى من المدرسة
125
أبو قيصر طول هالفترة صاير نار و امهن تمرضت
حتى اني مشمولة بالعقاب زين اني شكو الكأبة چانت سيدة المَنزل
و مَدرسة ماكو بَس أريد اشوفة حتى أگلة شنو بكيفك
بَعد يومين للامتحانات و اني روحي محترگة
79
نزلت حاچيت امهن و گالت حتى هي ماخذين التليفون منها
شنو راح تروح سنة كاملة علمود رونق والله حرام لليل اني و سحر
نسوي عَشة اندگ الباب طلعت ملاك فتحتة
47
دَخل هوَ و أبو قيصر للاستقبال حتى ما سلمو
بَعدها هوَ اجة يمنة دَك بالسويچ ميز الطعام
6
أرشد : دحكن اخذچن تمتحنن بس ماكو دوام السنة الجاية
تاريد اطلع من خطيتچن خوش !
173
ياسَمين : و ما مجبورين نتعاقب ع غلط ما غلطنا
– مَن سَكت عن الجريمة مِثل فاعلها !
165
– و هي ما أرتكبت جريمة
. . فِتح عيونة بشكل مُخيف و سَمر گرصتني ابتسمت و اردفت ..
يَاسمين : شكراً ما قصرت خالي
ابتسم ابتسامة مو مريحة أبد و طلع من البيت
404
ما نمت الليل كلة اني و البنات نقرا لان عگبة الامتحان
بَس مشكلتي اصلي و أگطعها بأوقات الامتحان اصلي و من انجح اتركها
و هذا ابسط مثال انُ احنة نحتاج رب العالمين و هو مو بحاجتنة
اتمنى اترك هالعادة و التزم
392
اول امتحان كملنة تبديل
غفران : ولجن خالي ارشد راح ياخذنة خل انزع هاي الصدرية
غيرتها و طلعنة و هوَ وجهة ميگصة السَيف
60
يبقى واگفلنا بالباب اول منخلص نرجع بس يجيبنا و يودينا
يغلط علينا و يشَمر حچي ..
– و انا رافع راسي تاكول عندي بنوات يرفعن الراس
ما تطلع منهن العيبة عجل لو يدرون شمفينات
ته حتى شواربي يزينوها
176
غفران : خالي والله احنة مالنة ذنب عش تعاقبونا بشي ما سوينا
– اشششش ادب سز ابوچن عش بيمن مقصر
الساكت ع الغلط نفس العاملو
ياسمين: عمو ترى اني والله كلشي مادري بيوم المشكلة دريت
– انتِ حسابچ مو هساع بعدين
455
عوجت حلگي
– مو ته اجي افركو و احطو بيدج
ما جاوبتة ..
679
اجة اخر امتحان و خلصنة رونق تمرضت البنات
راحن لابوهن يبچن صالحهن بس هم مو مثل قبل
احتارينة برونق لا اكل و لا شرب صارت عبالك جثة
وابوها ميقبل ياخذها للطبيب تالي ام قيصر نزلت على رجلة
تبوسها و البنات يبچن
221
خابر عصام و اجة عصام اخذها و سَمر راحت وياها
ام قيصر : غلطت يا رجال غلطت شتكول للوادم اذا ماتت
بطلها اضربها فين حضها بس لا تخليها تموت
أبو قيصر : تموت احسن
89
– عش يابة الگبلها ما كتلتها زتها يمها چانك حگاني !
396
راد يضربها و اني لزمت ايدة گتلة عمو حامل خطية
مرت الايام و نجحنة و حاولنا شگد وي ابو قيصر
بس ما خلاها تمتحن
57
لا تليفونات و لا طلعة حتى النتائج هم جابوها النة
تابعنة مسلسلات بالتلفزيون بهاذي الفترة مات عم ابو شاهين
اسمة ابو باسم و الفاتحة صارت عند بيت ابو ارشد
علمود المساحة
282
گال يالله گلچن تروحن شفت الوضع مو مال مُناقشة
دخلت البيت متروس زلم و جوة عياط نسوان
رحت يم سَهلة شبگتني ضليت گاعدة يمها
29
ام باسم هيَ مرة جبيرة شوية اصغر من سَهلة
بس رغم حزنها على رجلها چنت كل ما ارفع راسي
الگاها تباوعلي بنظرة تخوف
383
بس بناتة اثنين موتن نفسهن وحدة منهن مرة فراس
و اختها مرة علي يعني الاخوات متزوجات اخوان أرشد
ولحد الان متندمة على اللحظة الي انقهرت بيها عليهن
158
أدركت بالتالي ثأر الامهات لا يموت
حتى و إن كان وَلدها على باطل
311
..
سَميحة
45
كعدت اعزل بكنتوري و ارتب الغراض دحكت البوم الصور
ضليت أگلب بيهم وحدة من الصور چان أرشد حاضن مَرتو بيها
وهي مبتسمة رجعت بية الذاكرة ..
201
بَعد ما هَج من البيت و أخذ الجاهل
لليل و اجة شُمر الطفل و طلع و أمي تخربطت و وكعت
من حركاتو الي ما مفهومة
49
الى ان اجة ذاك اليوم الي دَمر حياتنا
چنت گاعدة على الدَرج اسوي أساور بالخرز
ودخل ارشد كأنو عاصفة و سلاحو بأيدو و صعد فوگ
للغرفة ركضت ورا و دحكتو يعبي السلاح رصاص
27
و نزل يركض فتح باب غرفة امي سَهلة و جرها من شعرها
و على عياطها كلها طلعت من غرفها يلزمونو ما گدرو
و هي دگلو والله غلطة والله
ضربها بشكل مخيف و صوتها كان يقشعر البَدن
مِسك : دخيلك ارحححمني ما عاد فيا اتحمل اكترر غلطة والله غلطة
أرشد : لج ليششششش ؟؟
– هوَ هوَ والله ما بعرف كيف تضحك علية
320
الا ان صار صياحح بالحوش و دخل منو !!
مَنصور و فراس شِمرو باسم أبن عمنا عش و شنو السبب محد يعرف
264
انجمعو ولد عمومتي تايضربون باسم
أرشد : تخوني لك ليش ليش !!
75
قبل لا يجاوب شفنا الرصاصة انغرست بصدرو
اللحظة الي كان بيها الهدوء سيد الموقف
الا هيَ صارت تصيح بكل قوة بحنجرتها من صوت
و تضرب بصدر ارشد
88
– – لكككك ليش تذبحوووو يا حقير الله ياخذك يا وحش اي انا احبووو
بعدها ممكملة ..
وهوَ لزمها بأثنين أيدة حتى يخنگها و اجة ابو قيصر
حضنو حتى يبعدو عنها لكن حرگة دمو جانت اقوة
لحد ما دحكنا وگعت من طولها
603
ابوية و عَمي ابو مَنصور من بعيد لَمن دحك ابوية المَنظر
شمر عگالو ووگع بالگاع شكل الدَم الي ترس المكان
و جثة مِسك الي انشمرت بالارض
147
لو تمر الف سَنة محد يگدر ينسى الحادثة الي صارت
و غير كافي يبرد گلبو !!
100
ما گدرت بَعد سديت الالبوم و ضميتو وهذا وكت جيتو
انفتح الباب ودخلَ هوَ
أرشد : انتي وينچ زَهبي الاكل يابة تا اولي
124
اخذت تليفون امي الصَرصور و رحت للحمام حطيت رقمو و خابرت
اجاني صوتو مَريض مبين
– الو شلونك انتَ وين ؟
179
– هلا بالعُمر
– شونك ؟
– سِمعت صوتچ بَعد !
27
– شو بعد ما اچيت ؟
– يولي المن جاي وانتي تطردين بية
– اني ؟ يمتة ؟ بس اريدك تصلي و تنهدي
53
– اممم ، عَلميني شَگول شنو الخَبطة ؟
– لتستهزء
– ههههههه ، احبچ يولي اليوم اجيج
75
حذفت المكالمة و رجعت التليفون
جِسمي قَشعر من گال احبچ .. يا رَب خلي من نصيبي
401
….
يَاسمين
25
ضلينة اني و البنات گاعدين بغرفة سَميحة و رونق نايمة كلها تسئل شبيها
و سَمر دگلهن فلاونزة قوية شوية واجتي ملاك كالت خالي يريدجن
طلعنة اشرتلنة على الخلفي شفتة واگف هو و دشداشتة السَودة
بَس ضعفان حيل من رجعنة اخر امتحان ما جان هيج
16
أرشد : وينها ذيج ؟
– مَريضة
11
يلا تعالن هينا نَضفن الجدورة
هن بدن ينضفن اني ما مديت ايدي
– و أنتٍ سِت ؟
– مو خَدامة عِندك
319
– عَش منو گايل خَدامة ؟
– تتذكر الضَربة !
– شدَخـــل ؟
ما جاوبتة ردت ادخل
137
حَسيت شي على شعري درت وجهي انلطخت بي
باوعت مخلي الغترة الچانت على چتفة على راسي
أرشد : غطي هالبلوة التخط وراچ
يَاسمين: شنو تغار ؟؟
– أشتعل
2.7K
ما چانت كِلمة چانت اوكسجين رَجع الحياة حِلوة بعيوني
رجعت للغرفة بَس اني بغير عالم
.. ليش الي نحبة هواي نقنع منة لو بِشويّ ؟
356
خُلصت الفاتحة و رجعنة للبيت و أني طايرة طايرة
هي كلمة هيچ گدرت تسوي بية !
132
ام قيصر مَتقبل تسوي سونار رُغم هي دخلت بالشهر الاخير
ورا الفاتحة بكم يوم گعدنة نص الليل على صوت صياحها
و اجتي اختها و سَحر اخذنها للمستشفى
30
و چان يجي قيصر و اخيراً فرحت لفرحة ابوهم
چان طول هالفترة يتمنى ولد و على جَيتة رجعت حياتنا طَبيعية
و صالح رونق و رجعلنة الاجهزة
247
سوولة حَفلة طهور و كل اقاربهم أجت الا اهلة
البنات يكولن ابو قيصر ميحچي وياهم صايرة عندهم مشكلة من زمان
41
أول ما اخذت الجهاز ابحث عن صفحتة ميطلع شي
تعبت منة تعبت يأملني بحچاية ويتركني شهر تمرضت هالمرة
و ما اعرف شبية بَس حرارتي مَتنزل و جسمي ما اگدر احركة
113
اتصل عليه تليفوني مَيدگ رحت لسمر گالت هو لاغي الانترنيت من
عندنا و فتحت الجهاز كالت حتى الشريحة ماخذها
50
نزلت جوة لگيت ابو قيصر بالاستقبال
– عمو اريد تليفونك
– تخابرين !
– اييي
اتصل عليه و انطاني هاي هيچ اني مَفضوحة ؟
506
خليت التليفون على اذاني و أيدي ترجف
لَمن سمعت صوتة يضحك و بَعدها أردف .. هلا بالشارب
– هاي أني
74
– هلااااا يابة
– انتَ شتريد مني ؟
– له له له ول يابة شمسوي !
اكره هاي طريقتة بالكلام سديتة بوجها و انطيتة لابو قيصر
وصعدت
376
قبل لا ادخل سمعتة يخابرة رجعت وگفت يم الدرج اسمع
الووو … يولي البنية منتهية من المرض .. عَش تولعها عجل !!!
.. اخذها يمك و قنعها … عجل انت من جبتها ما فكرت ؟؟؟
ابوي اذا شَم ريحة خَبر هي هينا يفين حضنا
225
ضليت افكر ابو لأبو قيصر الي هو گالتلي سمر شيخ عشيرتهم
ليش ميقبل بية لو شنو !
36
ورا ايام اجتي سَمر خلت انترنيت بجهازي لان ابوهن قبل
بحثت عن صفحتة طلعتلي صورتة حضنتها و نمت
اشرد من الواقع حتى انام .. تالي احلم بي !
301
جابولي علاج و اني عندي هواي تحسس من أدوية
شربت من كل العلاجات و نمت ثاني يوم بدة جسمي
تطلع بي طُگع حُمر گلت عادي خفيفات و شربت علاج
96
بَس ثاني يوم صَخنت و كل جسمي صار احمر حتى بَياض عيوني
گلت يا رب اتمنى اموت لان والله اني بعد ما بية حيل
87
تعبو و هم يقنعوني اروح للطبيب و حتى ابو قيصر صار عصبي علية
بس ما رحت اني اريدة هو يجي اني من اشوفة اطيب
623
نزلت جوة حتى اشرب دوة گالو لتاخذين يجوز متحسسة هو اني غير
راح اخلصة
إبو قيصر : امشي بابا تاخذج خالتج للطبيب
– لا عمو ما اريد
44
عفتهم و طبيت للغرفة البنات يلعبن بالاجهزة
دخلت على صفحتة چان ناشر صورة وحدة
لابس بيها دشداشة و لاف الغترة و بأيدة لازم الجگارة
ومطلع أيدة من شباك السيارة و كاتب جوة
55
” الشجرة الخانت الفلاح سوتها البلابل بيت دعارة “
1.3K
سنين و هالبيت ما راح من بالي بست الصورة و نمت
و اني جسمي ما اگدر احركة گعدت الصبح على واحد يغسل
وجهي بمي باوعت هوَ بملابس الدوام السود صارلة شكم شهر
ابو قيصر : يولي خل ناخذها للطبيب ليصير بيها شي
75
أرشد : بيچ يول ؟ عش هيج مسوية بروحچ
دموعي تنزل ما جاوبتة درت وجهي .. ضحك
296
طلعو ابو قيصر و مرتة راح قفل الباب و اجة
-تسبحين لو ابرة ؟
-عوفني
157
– بحالچ ؟ تموتين عيحسبوچ مرة براسي
غَمضت عيوني و ما حَسيت بَعد
62
فتحتهن خفيف على البرودة الصرت بيها
شفت بأيدة طاسة مَي يذب على جسمي
من شفت نفسي بعدني بالملابس اتطمنت و رجعت غَمضت
109
– هدومچ وين
ماگدر حتى احچي اقوة شي چنت اكدر ارمش عيوني َ
طلع من الغرفة و اجة ابرة بأيدة هزيتلة راسي بــ لا
41
أرشد : أششش حتى تطيبين عندي شغل تا اولي
خليت ايدي على ايدة ابعدة
بس وين من الوجع الطاغي بجسمي حتى بالابرة ما حسيت
237
بعدين باوعت اني لابسة دشداشة سمر
يعني هوَ مغيرلي ملابسي !! دمعت عيوني
619
دگ تليفونة
– هلا بالشارب .. ههههههههههه يول مرضى اطيبهم و اجي
.. لا عش تأجلها دقايق بالزايد و يمكم .. يلا
37
غطاني راد يروح لزمت ايدة
يَاسمين : لَتروح
أرشد : ول يابة عندي تسليم
154
هديت ايدة تنهد و غمض عيونة
– وريتيني وَر وَالله
241
رفع الغطى و تمدد بصَفي
– ندحگ بهالعيون يولي السِلاح
1.6K
خَلة ايدة على رموشي فتحت عيوني بتعب باوعتلة
– الفص ازرگ و البياض احمر يولي صايرة جنية صغيرة
سكتت ما اكدر احچي
307
اخذ تليفونة و خابر
– ها حبيبي أجلها اجلها صار عندي شغل
161
ابو فَزعة : سيدي والعباس عيب عليك هاي عود انت الازامط بي
فرخة ها گدها تثني حچايتك ؟
738
أرشد : مَريضة يول و المسكتة زِلم منتهية
316
– بَس عوف المسكتة زِلم لا تهطرك كلمن يحلف بالعندة
جماعتنة لا تتقربون يمهم
922
أرشد : ههههههه طاحظك يولي هي الصيدة من عدكم
201
أبو فَزعة : العب ياااااابة بالعباس هسة حتى مشاية للحسين تاخذك
، لا والله بَس عيب على شواربك
284
أرشد : ولي لك هيَ أيل فانينگ مخلية شوارب
آبو فزعة : لا والله و تحچي اجنبي روح بابا روح
تكتلون روحكم على ….
219
بعدة ممكمل وهو سَد الخط يضحك
مَسد راسي و غَمضت براحة
7
.. گعدت على صوت البنات طَبن يسولفن
باوعت هوَ ماكو گمت مخروعة اتلمس مكانة باوعتلي سَمر كالت شبيج
– وينة ؟
سَمر : خَالي ؟ هَستوة راح
276
نزلت اركض طلعت بالگراج ماكو ليش راح ليش
گعدت بالحديقة الي ابد محد تكعد بيها نزلت دموعي
سمعت صوت بنية تغني ولكم والله مگاعد اتوهم
229
تقربت على موجة الصوت يَم الاشجار سمعت صوت سمر وراي
و صوت البنية اختفى !!
41
سَمر : ياسمين شعندج هنا تعاي
رحت يمها بَس بالي يم الصوت يربي اني وين ؟
99
خابرني كم يوم وهو گاعد يم جماعتة
يحاچيني بصيغة ولد و ابو فزعة يگلة مو احچي و أطير الهيبة
203
مَنصور : يعني هذا صاحبك صارلو تلث ايام مؤقت من نگعد يتصل
عجل شو مانعرفو
112
ابو فزعة : شلون صاحب هوَ يالعباس بَس العيون زرگ
فراس : عجل و احنة شنو ندور ولد !
424
أرشد : يول اكضب لسانك اني عار و سريتك
ابو فزعة : يخاف عليه من الحسد ما يجيبو
مَنصور : عتوصفليا مو صاحبو صاحبتو
158
آبو فزعة: اخخخ يابة و انا احب الزلم التلگفها
صاروو يصيحون و يضحكون بصوت عالي
125
ارشد : ول يابة چذاب هالسگط ويني وين الحب
ابو فزعة: سمعهم صوتة ديرو بالكم لا تخدرون
490
فَشر و سَد الخط ضليت مَصدومة شلون يگدر يفشر هيچ
نمت گعدت الصبح دازلي صورة بنية أجنبية
و كاتب تشبهج .. گعدت و اني احس روحي حمامة مو انسان
من گد الفرحة
214
رحت اراويها لسمر صدگ تشبهني ؟
– اي والله كلش
69
نزلت سويتلهم ريوگ و كلها تباوع للتغيير الصار
قبل تلث ايام جنت ما اكدر احجي من المرض
صدگ يتعافى المرء بمَن يحب
913
..
دُرة
273
نجحت من الثالث و حياتي فارغة ميجي ببالي
غير ياسمين و أبوية بَس هذولة يحبوني صدگ
122
اريد اقدم على معهد تمريض ما اريد اكمل مدرسة
و ياسة ماكو وينها شلون صارت مادري
اخر مرة خابرت هذا الضابط كال رجعت لخوالها وحذفت رقمة
100
و امي اني وياها لحد الان حرب البسوس على الزواج
ياخي ما اريد احد ياخذ مكان ابوية ليش هي متفهم ليش
مو اكو كومة نسوان ما تزوجن خلي تصير مثلهن
282
…
سَميحة
80
طلعت لمن هجست كلها نايمة دحكتو واگف منتظرني
وصلت يمة ابتسم
هَيثم : هلا بـــأمي
189
ابتسمت
سَميحة : شونك
هَيثم : أحبچ
118
سميحة: بَشر شسويت ؟
هَيثم : بديت ما أكفر و من اعصب اكول أستغفر الله بعَد ؟
261
– عفية عفية
– يولي منين اجيتي أنا حاط ببالي طلقة و اخلص من هالدنيا
– رَبك من گد ميحبك دَزني الك حتى اهديك
96
هَيثم : مو تهديني و تروحين
سَميحة : حتى لو ما صرت الك فأطمئن محد يجيسني غيرك
139
– اخخخخ يولي هيچ و ينطوچ الا صدگ ادخل الاسلام بيچ
ابتسمت ولوحتلو بأيدي و رجعت للبيت ضل منتظرني
لحد ما وصلت يالله راح
45
ثاني يوم رحت انظف المضيف ردت افوت للمطبخ و اسمع
سَحر دگول لشروق
11
سَحر : الله اذا ما يوفي بكلامو أمي ترفع عليهم قضية
وكلهم تزتهم بالسجون و ابوية و خسرتو
47
شروق : و منو يكول عيتزوجها صارلها سنة مشمورة
عند اختو ما اضن هاي اليريدها
55
سَحر : صابرين هم گالتلي يگولون يحب وحدة
بَس يگوللهم والله مو هاي بعد مانعرف
25
ضليت افكر اعرف هم يطلبونة ثار
لانُ ساعة المات اخوهن و چتلو ارشد ابوية اخذ
فراس و علي حتى يعقدون عليهن
114
يكول تاميحرضن بزرتهن علينة و نصير احزاب و ثارات
اخذهن للولد حتى أرشد يصير عمهم و ما يفكرن بشي
و يأذنو لانو يعرف حيلتهن و مكرهن
65
وي دخولي سكتن طَبيت للصالة و هو نزل من الدرچ
فتح محفظتو طلع منها صورة باسها ورجعها
معقول !!! ارشد يسوي هالحركات الحلوة ممعقول ؟؟
951
ضل فضولي ياكلني شوكت الزم محفضتو خاطر ادحك
منو الي يحبها هالگد اكيد نفسها الي محتفظ بقراصتها
204
….
يَاسمين
23
ثاني يوم ما اتصل ضليت انتظرة لحد ما صار الوقت
متأخر اتصلت أني جاوبني
26
– هلا يابة
يَاسمين : شونك ؟
أرشد : الحالة الصحية تعتمد على الي بالگلب
193
يَاسمين : وانتَ منو بگلبك ؟
24
أرشد : سوالف كبار يولي مو عمرچ
– ترى صرت 15
462
ارشد : و بَنَضرچ چبيرة ؟
يَاسمين : اكيد
46
– لا يولي عمرچ هساع اصعب عُمر كلشي يدحكو يريدة
يكره الي يقدملو نصيحة و يحب بَس الي يهتملو و يكبر
راسو و يهجس روحو طول الوكت مظلوم و الناس ضدو
و بكلشي يبالغ بالحب و بثقتو بنفسو
410
يَاسمين : نص صح و نص لا
19
ارشد : لا كلهن صَح بس مو كلهن يمرن بيچ
ويوگع الانسان بچثير اغلاط هالعُمر تسببلو الندامة بالتالي
79
يَاسمين : و شوكت الواحد يكبر ؟
ارشد : اذا نجي عليچ فأنتي مَتكبرين .. وضحك
– لا والله!
115
أرشد : طلعي واگفلچ بَرة خل اضحك عليچ ..
1.7K
…
رسُل فهد
