رواية رتبة وظفيرة الفصل الثاني والعشرين 22 بقلم الكاتبة رسل فهد
رتبة و ظفيرة
رسُل فهد
كون الحلوة من تختار واحد مثل أبوها من التعب يسوة
ترى هاي الـگلايد تالي بالكنتور تنحط ، و المشاعر تبقى تتلوة
87
في مكان آخر
ام باسم : بديتي تسوين الي خبرتج عنو
سحر : اي عبالي أتعب تالي طلعت مضحك بساع تنجاب للطريق
شام : بس حرام لا تأزوها مسكينة مالا ذنب
68
ام باسم : أجرها من گلبو و أصدمو براسها
29
شام : لا دخيلك لااااااا شو ذنبا هالطفلة لا ام باسم دخيلك
ئولي عم تتجاهري معي
سَحر : لا يُمة منكتلها خاف يعدمنة هو منا ما طايقنة
ام باسم: مثل ما محى آثر مرتو انا هم أمحي آثرها
110
شام .. تركت الحديث معهم و دخلت لغرفة الشعوذة تبعها
و اني اندب حضي على الورطة الي انا فيها
مثل الي بالع الموس لا ئادرة بحكي و بئدر اسكت
551
….
يَاسمين
و صورة الثانية نفس البنية بس حاضنة سهلة و سهلة شكلها
حلو اصغر من هَسة بَس الصورة الثالثة … چان ارشد واكف لابس قاط العرس و بصفة نفس البنية لابسة بدلة بيضة
و البنية جمالها فَتــاك
141
رجفت ايدي و سَحر راحت قفلت الباب أكلب بالصور ويَ كل صورة گلبي ينعصر أكثر و أحس بروحي تتمزق كل الصور توحي على زواج و صورهم الجماعية كلهن ما قهرني
25
مثل الصورة الي هيَ
كان صدرة عاري و هي نايمة على صدرة و تضحك
و هو مقرب شفتة على شعرها يبوسة و هي لازمة الكاميرة
297
ما حسيت غير بـ قطرات الدم الي ترست الصور مديت ايدي على وجهي
و تقربت بسرعة للمرايا شفت خشمي ينزف كل قوتة اول مرة بحياتي يصير بية هيج مديت ايدي على خشمي امسح و انعدم كل شكلي بالدم
135
سَحر : يولي شصار تمددي تا ينگطع النزيف
تمددت و خلت وصلة على خشمي و سمعتة هوَ يصيح بأسمي
هي كل هيئتها تغيرت
25
– لا تگوليلو الله عليج اني راويتچ هالصور فراس يطلگني
لا تبينيلو اذا تحبين اهلج بروح امج
51
حچت هالكلمات و طلعت تصيحلة
اسمع بخطواتة تتقرب كمت واني حاطة الوصلة على خشمي بعدتها حتى اشوف الدم انگطع او لا وكعت نُقاط دم بالگاع رجعت الوصلة و هو لزمة ايدي عاقد حواجبة و الخوف مبين بعيونة
دفعتة و طلعت اركض جوة يم سَهلة و هم من شافو شكلي اخترعو و هو يمشي وراي عبالهم ضاربني و سَهلة خلتني ورا ظهرها
– يع يع يمة شجاك شلك على الفرخة
160
ارشد : وخدر المسكتة زِلم ما كاضبها هو اني اريد افتهم منها
دموعي تنزل و خشمي ينزف و حايرة اوگف منو
أبچي بصوت عالي و محد مفتهم السالفة هو لزمني من زَندي
صرخت بصوت أستغرب مني و هَـد أيدي
81
ام ارشد: من أكللكم مسودنة تجذبوني
جرتني سَحر من بينهم و تغسل بوجهي على السنك و تهمس بأذني
كافي لا أنفضح و تحلفني بأمي
سمعت خطواتة وراي و هو يگللها
ارشد : ها انگطع الدم ؟
20
سَحر : لا بس هساع هساع ينگطع
بَعدها حسيت بأدين خَشنة لزمت وجهي من الجهتين و رفعت راسي
ارشد : أربزي يول دمچ فيضنا
427
رافعة راسي و كل جسمي يرجف
– جري النفس من حلگج لا تجرينو من خشمچ
حچاها و خلة طرف ايدة على خشمي حتى ما اكدر اجر النفس
19
مرت دقايق و كلها واكفة و هو عدل راسي و فتح البوري
يغسل بوجهي هديت ايدة و رحت لغرفة سَهلة رفعت الغطى ابچي
و اشهگ يعني هاي كلهم يدرون و ميگلولي !!
109
وليش يگلولچ ؟ هو من الاساس ما معترف بيچ
و هسة ادركت ليش يگلي ما اريد احد يعرف اني احبج
و هسة عرفت ليش اهلة ميردوني ، حقهم يجوز حتى اطفال عندة
108
هوَ واكف فوك راسي و سَهلة و سَميحة يحاولن يفتهمن شبية
كلبي ميكدر يتخطى اني بهالدنيا كلها ماعندي غيرة و تالي يطلع مو الي
ولج اوف يمة وينچ
73
بالليل يالله كعدت على چكة بزندي توجع
باوعت هوَ بأيدة ابرة صغيرة ضربني و يحچي ويـَ فراس
– لالا يولي هذا المكار على گولت ابو فزعة ما يتركني اذا
ما يكضب عندي نقطة ضعف مايدري
الدنيا بايعها و صارف فلوسها
95
جان لابس ملابس الدوام و الجنطة يم رجلي شوية و طلع فراس
و هو باوعلي بحِزن
– ما توعديني يولي رايح
– بلا ردة ان شاء الله
400
فتح عيونة بغضب و مَد أصابيعة على زردوني صرت أگح
ارشد : عديمة تربية
– اي اكيد غير انتَ ربيتني
112
ارشد : ثقي بربچ لهساع ما ماد أيدي على أخلاقچ ، لان الصلافة عاجبتني
بس إذا أضطر الامر اخليج دربچ ما تندلينو فـ تأدبي
130
باوعلي و چان حاس راح احچي شيء
قرب أيدة على حلگي و ضغط عليه بقوة
– تاشوفچ تگولين طيط مرة لُخ تا اطفي تَكة الجگار بلسانچ
846
دفعتة من صدرة و هو اخذ الجنطة و راح منتفض مني
كُل الدنيا طفت بعيوني و بعد ما اريدها صارت روحي متعلقة بسحر
لان من ترزلني ام ارشد هي تدافعلي ، بين يوم و يوم تروح لامها
يكولون خطية عايشة وحدها
402
كلت لسميحة دكلة ياسمين اريد تليفونها و انطتنيا فتحتة و رجعت ذاكرتي لحياتي عند بيت ابو قيصر يمكن اكثر بشر حَول اماكن أني خابرت دُرة
و فتحت كاميرة راويتها غرفتة
دُرة : شعجب غرفتكم مو حديثة ؟
-وهو منو يدري بيه عاقد علية ترى بس ابو قيصر و اخو
و بديت أسولفلها كلشي من الادمان لحد اليوم من نزف خشمي
26
دُرة : يُمة ولج شلون تحملتي كل هذا و ليش اني ما ادري
– و هو اني جنت افكر بشيء غير الحباية ؟
– و شلون كدر يعالجج بالبيت
– مادري ، بس شفت الموت و تالي طلع متزوج
16
– لعد قابل خايف منج و ميكول !
ترى مبين لا يخاف و لا يستحي
– لج لو شايفة الصور تموتين
– هو ليش لسة ما كايللهم صار سنتين شمنتظر ؟
– مادري ولج خبلني كلهم مدري شضامين علية لان هو كايللهم تطيب و ارجعها
23
– معناها ميريدج حبيبتي ، بس مقهور عليج و تاركج يمة فـ صيري بيج حظ و أحفظي كرامتج وواجهي بزواجة حتى بعد ما عندة حجة لو يتزوجج لو يتركج
154
– اني ما اريد اتزوجة بعد و هم ما اريد اتركة
لان تعودت بس عليه احس روحي جبانة اذا هو يروح
12
– وهو فعلاً انتِ جبانة ، خلي يجي و واجهي
– لا ماكدر سَحر حلفتني بأمي
دُرة : عاد همزين هاي الله هداها و كشفتلج الحقيقة
78
– هسة شسوي ؟؟
– تسمعين كلامي و تصيرين بطلة ؟
– اي
34
– تروحين لبيت ابو قيصر و خلي شوفتج تحرم عليه خلصي امتحان الانكليزي و اخذي شهادة الثالث و تعاي لبغداد نرجع نعيش سوة
كملي معهد و اني ادبرلج شغل
315
– ما اكدر اعوفة ، روحي بي بس كسرني
– و الي ينكسر ميتصلح ، هو صح خوش رجال و انطاني فلوس بس مو راحة لا هو و لا الويا و اني فترة و ارجعلة فلوسة
208
سديت الاتصال منها و اني افكر بكلامها
معقولة اكدر اكمل حياة ارشد ما بيها ؟ اني وعيت الدنيا هوَ لازم ايدي
شلون اهدة !!
106
هدي لان هو لازمج غصباً عنة لان انتِ بدون سند
و الا جان طلعج مدام كل الناس و كال يابة هاي اني احبها
23
جنت مو گادرة اسيطر على هاي الاصوات المتناقضة
الي محتلة داخلي
31
فتحت شباك الغرفة و بست ايدي و شمرت البوسة للسما
حركتي الي الادمان حتى هالحركة خلاني انساها شكل مرتة الي ميروح من بالي و جمالها لعد ليش ميحجي عنها ؟؟
46
اندك باب الغرفة و دخلت سحر حضنتني وكامت تفتر بالغرفة
تگلب بغراضة و تخلي عطور مددت بمكانة على الچرباية
– هم عندة اطفال
191
– لا ، الله ما رزقو خطية
– و هيَ مرتة وين ؟
– موجودة بس متزاعلين صار فترة
– ليش ما گلي لعد ؟
– تا ماتتركي ، وين لاگيها وحدة بدون اهل و بدون رقيب و حلوة و تحبو
هو الرجال شيريد بعد
487
– ترى هو لو يحبني يگول ما خايف
– صحيح ، هو راد ينسى حبو الها بيج بس ما كدر
خوش صيدة ما راد يضيعج من ايدو ، ما ردت ينضحك عليج
لان قاهرتني
119
– راح اروح لبيت ابو قيصر و ابتعد عنة
حجيت هيج و هي انتفضت بعصبية
– لالا يولي لا وين رايحة
– ليش ؟
103
– اكسري گلبو خلي يتندم على الساعة الي حاول بيها يستغلج
انتي مراهقة معتفتهمين الي يصير بيج تدرين هو عش يكرهني
لان دوم اگلو هالطفلة مالها ذنب تاتضحك عليها
158
– شّـلون اكسرة ؟
– مثلي عليه و ولعي گلبو و گوليليو ما اريدك
– لا خطية
غمتني و طلعت ضليت بدوامة افكارهن و حچيهن اسمع منو و اترك منو و اني ليش ما عندي شخصية مثلهن !!
176
طول هالفترة سَحر صارت تعاملني مثل بنتها و اني كلش حابتها
حتى ملابسي هي تغسلهم و تمشطلي و تسويلي لفات و هي تطبخ
و تسولفلي على ارشد و علاقتة بمرتة من تشوفني ابدي انهش بزندي
تعوفني
315
باجر يجي اخ يا باجر اخ
خلصت كل هالايام اطلع الستر مالاتة من الكنتور و اتغطى بيهن
ما اتغطى باللحاف و ارش على المخدة من عطرة حتى اكول
لگلبي هو موجود يمك بس اسكت
110
شلون كدر يضحك علية مو يگول انتِ روحــي ؟؟
ليش خلاني اتعلق بي اذا اكو غيري بحياتة ؟؟
شلون بية شلون كل ضنة اقبل اعيش ويا و هو متزوج غيري !
والله لو اموت
79
بالليل خليت السِتر و لزمت العطر حتى ارش المخدة و اروح اقفل الباب
ليدخل احد و يشوفني أسمع بضَربة بُسطالة اقتربت من الباب
من خوفي و فشلتي بعد ما گدرت تعيني رجلي و أتحرك
انفتح الباب …
114
باوعلي و باوع للهوسة الصايرة على الجرباية ابتسم وسوالي حركة بخشمة
– رجعيهن اليوم اني موجود
420
من قهرتي شلتهن و شمرتهن بالكاع و رفعت اللحاف و غَمضت عيوني
اريد النوم يجي و ينقذني من الفشلة هو صار يضحك بصوت عالي
تقرب علية و أردف
– مشتاااقلچ چثير يولي صايرة قاسية
94
دفعتة من صدرة رجع ابتسم
– يولي ترى محامية وياي بالشغل لتصيرين جاهلة
غطيت راسي و ابجي تركني الى ان دخلت بنوم عميق
78
كعدت و عطرة مالي خَشمي اباوع لنفسي نايمة بحُضنة
و راسي على أيدة و هو داخل بنوم عميق ضربتة قوي هو فَز
مرعوب گبل جر السلاح من جوة راسة باوعلي و أستغفر
– يغَضب شبيچ ؟ الادمان و خلص بعد شنو هالسوادين!
313
– شنو هاي الحركات !!! شنو منيمني بحضنك ؟؟
جان استحيت على نفسك تضحك علية بهاي سوالفك حتى اتعلق بيك
65
ضحك هو بصوت عالي
– و خدر المسكتة زِلم انتِ تردين رجل
987
– صحيح اريد بس مو انتَ شوازاني حبيت واحد اكبر مني بـ 18 سنة
ارشد : هساع صار العمر فارق !!
393
– اي فارق و ما اريدك تعبت
– اثار الادمان بعدها مأثرة اكبر بَعد و اتناقش وياج
طلعت من الغرفة بعصبية لان ادري راح اجفصها و اكلة على زواجة
و ما اريد اغدر بسحر و هي مدللتني
665
رحت يمها سوتلي ريوك ودكلي لتبينين الة انتي سامعة شيء
اني اعرف شلون اخلصج منة بعد صرتي حالج حال هداوي
فرح : هلو عيني شو عايشة اللحظة
53
سَحر : انجبي و تركيها مريضة
– اي خطية مسودنة
سَحر : عابت لهلخلقة محد مسودن غيرج دحكي الجمال
– ها ها سُفطتي وياها
63
بدة شهر رمضان و هم بدو يحضرون الة اجواء حلوة
هنَ صارن يسون حملات تنظيف على البيت و هم تسوگو كميات جبيرة
و المغرب كلهم طلعو حتى يشوفون الهلال
صرت انام يم سَهلة و بالنهار لازگة بسحر
اريد اعود گلبي على انُ هو ما موجود بحياتنا
68
و چذب ما اكدر اصبر نفسي يومين و أتصادف ويا بنظرة من يدخل للمطبخ يخزرني تخليني ارجع احسب من جديد و اعود نفسي
و العذب روحي اكثر هوَ حتى ما حاول بعد يجي و يسئل ليش هيج
ابتعدت عنة فجأة
76
اول يوم رمضان كلهم كعدو للسحور كعدت وياهم سوتلي لفة سحر و رجعت نمت و ثاني يوم صبرت لحد الظهر و فطرت ما گدرت و گلت باجر يوم كامل رُغم من جنت صغيرة اتعارك وي بيبي حتى اضل يوم كامل
116
ثاني يوم حاولت أصبر روحي شكد ما اكدر و انتظرت لحد الاذان
بس صار شكلي يخوف كد ما شاحب و ما اكدر اتحرك سَميحة جابتلي فطور و هي تصبر بية
– سباعية والله بس اليوم و يصير سهل تتعودين
ثاني يوم عود هم ردت اقاوم صار الظهر و حسيت الدنيا تفتر گلت بلكي
هسة شوية ويروح
44
طلعت من الغرفة حتى اغسل وجهي يم السنك ردت ارجع للغرفة وكعت بنصف الصالة وبعد ما حسيت بشيء .. الى ان سَحر مخليتني بحضنها و يرشون على وجهي مي
ارشد : هي وينها وين الصيام يولي مريضة بعدج
سَحر : ما تتعاند
166
سحبني من أيدها و صعدني الدرج واني لسة ممستوعبة شكو
و ولا اكدر احرك جسمي اندك الباب و عصام انطا عصير و كيكة
– اكلي عَتموتين دحكي شكلچ هم بيج بلة و تتزعلين
52
شمرتهن على الجرباية
يستهزء بية ميدري گلبي شنو شاف و أبتعد والله لو كايلي ما اريدج
و لا الصورة الشافتها عيوني وصف أحدهم شعور الغيرة قائلاً
ثِمة هُناك حفلةٌ بُـركانية في داخلي انا احترق يا هَذا
184
ارشد : شبيج حبيبي ؟
نزلت دموعي بغزارة و هوَ سحبني لحضنة حاولت أبتعد ضغط اقوة
– يولي هذا مخلوق الچ غيرچ ما تلوگلو بَعد
231
اغرس بزندي اخاف لا تطلع من حلگي حچاية
فتح العصير و قربة على حلگي شربتة
– صيري زينة و رجعي صومي مو مُعضلة
صاح لسميحة من الدرج و جابتلة نفس الابرة سحب زَندي و ضربها بسرعة كان لازمها مثل الشخص اذا لزم سچينة و يقتل احد
28
– هاي شنو
– ابرة معتدحكين ؟
– مو حولة ترى ، اني شبية ؟
– عرج ما يطكچ
32
– رجعني لخوالي
– هاااااه متأكدة ؟
– اي
– امتحني انگليزي و اردچ حتى نكون أدينا الامانة
20
– يعني انتَ صدگ متريدني ؟
-عَش منو گايلچ قبلي خاطر دگولين صدگ ؟
– محد
14
– دحكي ، كل حب شايلو هالگلب الج ..
حچاها و دَگ بطرف اصبعة على گلبة
ساعة الي تجين تگولين ما اريدك اتركچ ، حُرمة و مالها نفس بية
ما تنام بين هالذرعان
بعدها دَگ على زَندة
139
– الي يحب ميتنازل
11
– مَيتنازل اذا مَحبوبو چان يعارك ويا ، ايد وحدة مَتصفگ
مو أني احارب كل الدنيا و أخذها تالي الگاها بغير حضن ، ليش ؟
لان انا ما تأكدت من حبها الي ، ما جربتها من الاساس
58
– هي منية ؟
– وحدة رَخيصـة .. عَضربلچ مثل يعني الامثال تُضرب و لا تُقاس
مو الا قاصد وحدة
47
– وشدگول أني احبك ؟
– انتِ غير يولي ، انتِ كبرتي على هالايد معقول تعضيها ؟
– شنو اني چلبة ؟
218
– يولي صايمين ، و انتِ تردين حرشة
– يعني اذا اكلك اتركني تتركني!
6
– و عيونچ أتركچ بالاخص انتِ أمانة يَمي و ما أگدر اجبرج على شيء
– عبالي راح دكول اكسر راسج و ما اتركج
78
– كل رجال ينطق هالكلمات للتهديد
بس مو من قاموس الرجولة تنيم بحضنك مرة گلبها مو الك دگتو
الا اذا چان هو غشيم
94
– لعد انتو ليش تتزوجون اكثر من وحدة
اذا متقبلون هي حتى تفكر بغيركم ؟
13
– عَن نفسي ما أحبب التعدد فقط بالأسلحة
اما غيري كلمن و ضروفو ، يولي ترى انتن هم مو هينات
57
غَمضت عيوني اريد انطق و أكلة لا انتَ جذاب ليش هالتمثيل كلة ؟؟
– ارشد أني ما أريدك .. حچيتها و جسمي يرجف
– خلصي الامتحان و نتناقش
221
شفت كل معاني وجهة تغيرت عكس البرود الي چان يحچي بي
مشتاقة لحضنة بس كرامتي موگفتني نزلت و بالليل صار
صوت صياح عالي بالهول جان محد موجود بغرفة سَهلة غيري
طلعت و لگيت ابوهم و عمهم يصيحون
…
153
سَميحة
كاعدين و كالو اكو خطار تناوبت انا و اسيل عليهم لحد ما سمعت صوت صياح بالمضيف و كل الزلم الي اجوي طلعو
و دخل ابوية و عمي يصرخون
14
كلهم كـعدو بالصالة و احنة واگفات نريد نفهم شكو رجف جسمي من سمعت
ابو ارشد: النوب عليةةةة هيثممم الملحد يجي تايخطب مني مرة
والله رجلو احشها اذا دحكت طولو بكل الفلوجة
228
طلعت ياسمين و عمي ابو منصور صاح
ابو منصور : عيش و دحك اشكال هاك هاك دحك
ابنك العود هم جابلي هاي و اجة حجتو امانة انا ما شايف
امانة ما عدها راعي
70
ارشد : عمي انتَ دور دور و ارجع على أمانتي
ام ارشد : عجل انت بلسانك كلت يخلص دواها و تردها عجل ما تردها
لو صارت الشوارب اذا تحملت چلمة ما توفيها
57
ارشد : كولي اريد ارضى ام باسم انتِ ما هامچ غيرها
ابو منصور : و غصباً عنك ترضيها تراني لهساع ساكتلك اكول يصحى
على زمانو لوحدو
36
ارشد : و اذا اكلك ما الها شيء يمي ؟
86
انتفضت سحر و هي تصرخ
– عش يابة ما النا شيء النا بركبتك وعد تسددو لو انت رجال
113
هي حجت هيج و قبل لا توصلها ضربة فراس
وگعت من طولها اثر ضربت چف ارشد و سحبها رجلها لغرفتها و گبت عيطتهم فوگ هو يضرب و هي صوتها يلعلع
154
ابو ارشد : جايني يتطاول ولك انت اصلك محد يعرفو
خلصت عمرك تكمز من هينا لـ هينا تالي عمري اناسب الملحدين
48
ارشد : لا تظلم بختك چم مرة من نص الموت نقذني
و اكثر من مرة لو ما معارفو نخسر وجبات لو العمر كلو نشتغل ما نوفيها
ابو ارشد: و هساع شنو لازم يريدني اقبل
24
ارشد : لا طبعاً سميحة اني اعرف المن أعطيها
ام ارشد : خالتك تريدها لعماد
207
كل حچاية تطلع منهم تحرگ بروحي كل واحد يريد ينطيني بكيفة
و اني گلبي ميريد غيرة واذا امة ماتت و أبو ما احتوى
و انتو نابذينة و تلومو لان صار ملحد !! غير أهدي و اعلمة
مو انبذة و اخلي يكره الدنيا اكثر مما هو كارهة
71
نزلت دمعتي و لميت كل قوة بداخلي و جنت كل الكعدة منزلة راسي
لان ارشد عينة ما شالها عني و اني ادري بس ادحك بعيونو يكشفني
29
سَميحة : بس اني ما اريد اتزوج اي واحد
و باقية هينا .. حجيتها و دخلت للغرفة ابجي و اسمع غلط امي عليه
و توعدها اذا ما قبلت بـ عماد
31
دخلت وراي يَاسمين الي صافنة كل الوقت هم قُصتها قُصة
يَاسمين: شنو تحبي ؟
– جثيررررر أحبو ولچ لخاطري غير كل اطباعو
– معليج اني اقنع ارشد
137
لطمت على خدي
– ولججج لا تجيبيلو طاري والله يذبحنا والله
– بس هو مو معقد شبيكم !!
– بروح امج لا تجيبيلو طاري هو اذا الله كاتبو الي ما صير لغيرو
50
اوف ياربي دخيلك انتَ بَس الي تگدر تفهمني بس
و انتَ وحدك الي گادر تخلي الصعب يصير سهل
و أني ثقتي بيك اكثر من ثقتي بروحي متأكدة متفشلني
و تخلي الثقة الي بداخلي تنهز
37
يا رَب الحُب أجمعني بـ مَن أحب
والله غير الكلام بيناتنا ما صار و انتَ شاهد و رقيب على كل شيء
حبيتة حُب طاهر حتى انتَ تبارك بهاي العلاقة
أظفري ما خليتة يلمسة لسة ما داحك شعري لونو شنو
106
و اني أدعي اندگ الباب و دخل ارشد مسحت دموعي بسرعة
هو مو من عوايدو يدك الباب خوفتي لا يكون سامعني
يَاسمين : تعال تعال فوت كاعد تبجي من ورة عمك و ابوك
استلمونا اكس و مربع ما شايفين عگال ؟
526
هي حجت هيج و هو أهتزت اكتافة من الضحك لزم اذانها
– يولي انت طرگاعة انچعمي لا يخلون العگال يلعب عليچ
– ليش و انتَ شنو موقعك بالاعراب ؟
– مو ما ترديني ؟ طلعتي من خطيتي
74
– منية ام باسم ؟ شتريد منك
– ام السلف مال المنطقة قفصت عليها اسم و لهساع ما وفيتو
همست قريب أذنو و هو كفخها و طلعت
90
ارشد : عش تبچين ؟
– امي تريدني لعماد و اني ما اريدو
– و الما تردينو ما يصير رجال عليچ بعد عش البچي؟
24
قربني على حضنو و اني دموعي ما تسكت ارشد يحضني ؟؟
هو ما جان هيج و بهالحنية ، اهجسو حنين بس كاتم مشاعرو
هساع حتى مشاعرو مَفضوحة ، شسوت بي هالطرگاعة
281
..
دُرة
72
اخذت محبس أمي بعتة و بعت تراچيي وي الفلوس الي داينهم الي
ابو شاهين و انطيتهم لحبيب الي عزت علية نفسي اكلة على علمة عمي
الخسيس
35
و رحت ويا حتى اشوف السيارة چانت لون رصاصي
و أخيراً حلم ملموس ؟؟
61
حبيب اتكفل بكل أجرائات التسجيل و جان مرافقني اول بأول
اسبوع كامل يالله صارت السيارة بأسمي و بهالاسبوع
بدة حبيب يعلمني سياقة حتى اطلع اجازة سَوق
67
كل هالفترة و عمي ما عَتب باب البيت و امي خايفة من ردة فعلهم اذا عرفو بالسيارة بس متريد تقهرني اكثر بديت
عدت الايام و عرف عمي و ما حچة سكوتة أكدلي سرقتة لفلوسي
ميناقشني لان مكسورة عينة
22
و كان احلى و اصعب يوم بحياتي الي رحت بي للمستشفى وحدي
و حبيب من نزلت يصوفر و كل زملائي مصدومين
30
حبيب : البنات منتظرة شوكت تلبس حلقات و ست دُرة منتظرة
تلزم السويچ بيدها
دُرة : الزلم تروح و تجي بس السيارة اذا راحت متجي
185
تركتهم و مشيت ويا لان بَس هو صداقتة نظيفة
البَنات بسبب حب ابو حبيب الي و معتبرني مثل بنتة شوية يتحسسن مني
من غير اختصاراتي للحديث لان احس نفسي اجتماعية بس وي ياسة
12
امي دخلت بشهر السابع و انتكست حالتها ما اعرف شصابها بين يوم و لليلة صارت تصرخ من ورة وجع بطنها اخذتها بسرعة بالسيارة
و دخلتها للمستشفى صارت عندها ولادة مبكرة
29
اجة رجلها و وحدة من نسوان عمامي عايفة أمي و صافنة تسجل لقطات على لبسي و شعري بعيونها حتى تنقللهم الاخبار طول فترة ولادة امي
اني اخزر يعني و هو يخزر بية
67
الدكتورة : الام بحالة جيدة لكن الطفل بالخدج و حالتة مو تمام
دُرة : روح احتار بأبنك اهم شي امي زينة
دخلت اشوفها حضنتها و هي تبجي على ابنها
60
بقت داخلة بي اسبوعين و هو حالتة للاسوء انقهرت عليه لان شكلة كلش صغير بشكل مو طبيعي و امي ما نشفت دموعها عليه احس بروحي اغار منة بس استحي اكول
80
لحد ما جنت راجعة من الدوام حتى اخذلها اكل و حليب و اتصلت علية
و اجاني صوت عياطها عرفت انُ الطفل مَـات صح جنت اكرهة على كره ابو بَس من مات ادركت انُ هو ما الة ذنب
و اني جنت نافستة هاي حچاية امي الي
464
…
يَاسمين
25
اريد قُربة اريد سوالفة تعودت ما أگدر گوة لازمة نفسي
تعبت و اني بهالدوامة لكن الي مطمن گلبي وجودة بالبيت
بس من يروح للواجب اخ يالواجب متضل فكرة متخطر بـ بالي
رغم يتمنى أودعة من يروح و چنت ما اودعة
91
شعور الغيرة دقايق مينحمل و أني اتحملة نص عدد الايام
اذا أرتاح عشر ايام احترگ بمكانهن عشرة حسب
و إذا صار عندة أنذار و أكعد و ما الگا
هنا أموت أموت
48
تعبت من تناقضي و تعبت من كلام سحر الي و الشخصية الي تريدني
اسويها اني مو گدها شلون ابقة كبالة و امثل اني ما شايفة شيء
و لا اعرف شيء هي متعرف اني لاي مرحلة واصلة بحبة
79
اليوم صارلة 12 يوم هو ما موجود
رجعت الكدمات الزرگ ملت جسمي و حتى بوجهي صارت تطلع
أني ما أكدر عليه ما أكدر ردت اتنازل و اتصل دخلت للغرفة سَحر
بأيدها علبة حمرة
69
فتحتها بداخلها بتوت و گلادة تركت البتوت و آجت عيني على الكلادة
بيها أسم ارشد وبصف الاسم قلب بي حرف ميم بالاجنبي
لزمت الكلادة و ايدي ترجف
– هاي شنووو سحرررر
– شنو ؟ گلادة مرتو غير !
219
نزلت دموعي
– لعد ليش تراويني مو تدرين احبة احبة
– عجل و اني لان تحبينو جبتها تا ما تصيرين مضحك الو
190
رجع خشمي ينزف ما اعرف شنو بية
صرت اصرخ عليها بصوت عالي ضربتني على حلگي حتى اسكت و اخذت العلبة و طلعت
65
من حركة كلبي تركت خشمي الينزف و ادور بأنتفاضة و عصبية
على گلادتة الجابها الي طلع استاذ بالگلايد بس هاي عاد معترف بيها حاط حرفها انتي ما كلف نفسة حتى يخلي حرف اسمج
60
فتحت الجرارة الي يم راسة مديت ايدي بالعلبة طلعت قِراصة
أكلب بيها هاي قراصتي قديمة من جنت عند عمي اتذكرها
و الكلادة يمها
22
لزمتها و ايدي ترجف اريد اكسرها و گلبي مينطيني
كل ما اتذكر صورة وي مرتة تجي براسي وحدة من مواقفة الحلوات
و يبدي التناقض
14
سكتت كل الاصوات الي بداخلي بكسرتي للگلادة
و رجعت مسحت خشمي الي ما بطل نزيف لزمت التليفون و اخذت
صورة لايدي وبيها الكلادة مكسورة ايدي و الكلادة متدمرات دَم
69
دزيتها الة بسرعة و اني لازمة التليفون افتر بلـكي أهدأ
و ما هدأت و لا هو شاف الصورة و انفجرت بالبچي
ما اعرف اذا اكو احد وصل مرحلتي بالتَعلُق و التملك
چنت مريضة بي فعلاً
316
شوية و سمعت التليفون يتصل جاوبت بسرعة بدون ما اشوف
و اجاني صوتة العالي
– شو بعدي الجهاز عن وجهج
بعدت و اني منهارة واشوف المكالمة فيديو
13
من صرختة العالية حتى ما بعدت الجهاز
ارشد : شمسووووووية بنفسچ يولي
– مسلمتك بيد العباس ابو فاضل
244
اني حچيتها و سمعت صوت ضحك ابو فَزعة العالي و هو يگلة شو خل اشوفها عليك الله
ارشد : ما ياخذچ العباس و يخلصني ؟
331
سديت التليفون بوجهم لان ادري ابو فزعة راح ينصب علية
و ولا اريد اطول بالكلام ويا لان ادري يذوبني و انسى كلشي
شوية و دَاز بصمة فتحتها
6
– شوية و جاي و العباس الي تحلفين بأسمو
لأبچي حتى عيونچ دم ، لا حلو وصلتي لكسر الگلايد
395
كل ذرة قوة بداخلي بادت من سمعت نبرة صوتة تركت الجهاز و غطيت
راسي و نمت گعدت على چكة الابرة و هو حواجبة مَعقودة
وشُمر زَندي بقوة بعد ما ضرب الابرة
42
مَد ايدة على شعري من ورة بقبضتة القوية
جانت كفيلة بأنُ تسندني و تگعدني حرك أيدة بقوة
– تكسرين الاجيبو الچ عَش يابة ؟؟ مو گد المقام !!
55
– اكرهك
ضربني راشدي بكُل ما بأيدة قوة رجع نزف خشمي
سحب وجهي على صدرة بخوف و رفع راسي الحركة المعتادة حتى ينقطع الدم ينزع بقميصة و يلعن نفسة
301
لِزم قميصة و خلا على خشمي يمسح الدم ويفَشر
– چلبة توازيني على الضرب ودگول عش تمد ايدك
311
يالـ مَا مشتهيني أتونّس بخيركَ ،
وُين يَريد تأخيركَ ؟
الـ خلصن نحيب وُياكَ ،
زحمه يضحكن لغيرك
وين يريد تأخيرك ؟
109
….
رسُل فهد
